Ka Makaainana, Volume XI, Number 7, 13 February 1899 — Page 3

KA MAKAAINANA: HONOLULU, FEBERUARI 13, 1899. 3

Mau Ulia Eha Kukonukonu.

                      Mamua iki iho o ke awakea Poakahi, Ianuari 21, i kekahi wahine haole e hookele ana mai kona wahi noho ma alanui Iana no ka iho ana i kai e kii i kana kane no ka hoi mai no ko laua aina awakea, ua hoomaka ka lio o kona kaa e puiwa a ua hookui me kekahi pou telepone i ka huli a komo ana ma alanui Alapai. Na keia hookui ana i kiola i kela wahine haole a haule mai kona kaa a loko o ka lepo nenelu, a ua hoea koke aku na kokua ana a kekahi poe wahine okoa iho ma ia wahi, o lakou o Misasa Irene Balaunu, i kokuaia e Misasa Meleana Li, Apoki Kauhini a me kahi poe e ae. Ua pau ae kona ike a ua kaikaiia aku a loko o kahi noho o E. Kele me a hookauia ma kahi moe a kauohaia i kauka. Paumaele na uluna i ke koko mai kona poo mamuli o elua mau moku inoino a haukae hoi kihei me ka lepo. Ua loaa no iaia kekahi mau palapu e ae ma ke kino. O ke kaa hoi keia, ua lilo i mea ole. Na keia ulia i hoike ae i ke kupono e hooponopono koke ia ia alanui, aina paha hoi he alahele-aoao kahi, ana paha hoi aohe keia ulia e loaa.
                      I kahi ahiahi Poakahi mai no, Ianuari 30, hora 7:30 paha, ua loohia iho la o Kauka J.R. Shaw me kahi ulia kukonukonu ma alanui Moi, kokoke i alanui Likelike, makai iho o Iolani Hale, ma kona kiolaia ana mai kona kaa a owa kahi wawae ma kahi kokoke i ka uha. E holo mai ana ke kauka no loko nei mai kona wahi ma Koula, i kauohaia aku no kekahi pilikia i loaa i kahi mau holoholona me ka holo akahele a me ke kukui hele-po mamua e a ana.
                      Mawaho iho o kahi o J.A. Hapa he kaapio kahi e nee akahele ana no loko nei. Ua kaalo mai ke kaukai nei kaapio a ua hookui aku la me kekahi kaapio mamua mai e holo ana no waho ma ka aoao o ia kaa i kuleana ole ai. I ka hookui ana ua kiolaia ke kauka a haule ilalo, lele ke kukui a ka aoao alanui, a ua loaa pu aku me ka pela noho'na.
                      Wahi a ka hookele o kela kaapio i hookui ai, o G. Kauahoa Harisona, Kaapio Helu 70, aole oia i ike i ko ke kauka kaa aole no hoi i ke kukui, a he kaa panee ka hoi kahi e kaalo ana ia wa. Ua pololei no paha oia, eia nae, aia oia ma ka aoao hewa. Ma kekahi kaa okoa i hookauia ai ke kauka a hoihoiia no kauhale a kauohaia o Kauka Hebeta. He kukonukonu ka owa o ka iwi i loaa i ke kauka a e hala ana paha hoi kahi wa loihi iaia ma kauhale mamua ae o ka puka ana no waho. Ke waiho nei no nae hoi oia me ka pii mau ae o ka oluolu.

-

                      E loaa no he kope o KA MAKAAINANA nei no ka hapaumi.

Peresidena Mua o na Moremona

                      Ma ka mokumahu Auseteralia o Ianuari 18 i hoea mai ai i o kakou nei o Iosepa Kamika, ka Peresidena mua o ka Ekalesia Moremona o Loko Paakii a Iosepa Kamika, kona luaili, i hookahua ai. I o kakou nei no oia mamua iloko o 1854, a ua hiki hou mai no iloko o 1838 a me Loronezo Sano (Lorenzo Snow), ka Peresidena o ka Ekalesia i nei wa, a me Geo. Q. Cannon (Keoki Pukuniahi), i hele nui mai ka e hoomaopopo me W.M. Kipikona, wahi o ka oleloia.
                      I hiki mai nei oia no ka hoohala ana i kahi mau malama maanei. Ua ukaliia mai nei oia e kana wahine a me na kaikamahine elua, a me Albert Davis a me Misi Alice Davis. He oiwi kahi no kakou i ukali mai la, oia o Misasa Makanoe Kaaepa, o ka haalele ana mai ia nei iloko o Mei i hala. No ka maikai ole o ko Misita Kamika ola kumu o keia huakai a na manao hoi ianei e loaa ai he hooluolu ana. A no ko kakou kuleana hoi, he maikai no oia, mau no kona nui, ia malama ka nanaina, me he la, i ka pa paha hoi i ko o mau kui houhou o ka hau aaki o ka huihui. E huli hoi nui ana ma noi mua koke iho.

-
Mokumahu America Maru.

                      He la okoa mamua ae o ka manawa ku mai i hoea mai ai keia mokumahu @@@@@@@@@@@@ aka Poalima, la 3 nei, he pokii kokoolua hoi no ka Nipona Maru. E like no me kona hoa, pela no me keia nei ma na ano a me na loina a pau. Ianuari 14 oia i haalele aku ai ia Honakona, a i ka la 25 mai hoi ia Iokohama. Aneane i ka hora 10 a.m. o ka Poaono nei i holo aku ai no Kapalakiko. I ka wa o ka huila i hooneeuia ai no ka liuliu e holo aku, ua nee aku, oia imua a hookui ana kona ihu me ka hope o ke kiapa hao Wilisecota a ua loaa wahi poino iki no i kela moku.
                      Ma ka hoaoia ana mai nei o kona holo i Dekemaba 22 i hala, no eono manawa o ka hoao ana o ekolu mile pakahi, ua loaa iaia he 17 3/4 nota, a o ka oi loa hoi ia i loaa i kahi moku maloko o ke Kaikuono o Toio, a he mea mahalo nui ia no hoi ia no kona poe na lakou i kapili a me ke kapena a me na alii a pau. Mamua o ke awakea i haalele iho ai i ke awa a huli hoi aku i ka auwina la. Aohe ka hoi ana hakui a nakeke; maikai ai kaulike ka mahu; a ua kilakila a hiwahiwa loa kona holo ana. Lehulehu na poe makaikai i holo pu ma ia huakai hoao.

-
Ki Pu Ahiu me ka Noonoo Ole.

                      Ia Keoni Kipikona, he haole ao lio, e holo ana no waho o waikiki i ke ahiahi Poakahi, Ianuari 30, o ka hora 5 paha ia, maluna o kekahi kaa panee a ua kaalo iho no hoi ia Kamaki Kuea, ua hooho ae la oia ua ku oia i ka poka. Ua manaoia e kahi hoaloha e noho pu ana ma kona aoao he wahapaa wale no nei ana, aia nae hoi ka hoomaopopo ana i ka oiaio a ike i ke kahe iho o ke koko mai kahi eha maluna ae o kahi maka. I ka nana pono ia ana iho, ua ikeia he wahi poka uuku, me he la mai kekahi pu-makani helu 22, a ua komo ma ka io o ka lae, aole nae hoi iloko aku o ka iwi. Ina i lalo iki iho ke ku ana, ina ua poino kahi maka, a i ole ia, o kona ola no paha. No ka hiki ole o ka poka ke weheia iluna o ke kaa, ua hoomanawanui oia a ke kuhua koa Amerika iwaho o Waikiki, a na ke kauka o laila i wehe i ka poka a hemo, a holoi a hooponoponoia ka eha. He mea maopopo ina e akaka ana ka mea nana i ki, e hoopii koi poho ia no oia. Eia ke noiiia nei e ka Oihana Makai a me na luna o ka Oihana Alahao. Ua loaa oluolu i ka mea i eha.

-
He Lolo Puniu Hoohana Nui Loa Ia.
[Mai ka Nupepa Record, Pierceton, Ind.]

                      Mamuli hoi o ka manao paakiki e pii ma kana oihana i koho ai ma ke ano he mea hoonaauao, ua hoohana o Ernest Kemper, o Piecetona, Inidiana, iaia iho a oi loa aku ma ka noonoo a ma ke kino. Ua nui loa kona iini, e kau mau ana kona noonoo ma kana hana. Mai kakahiaka nui loa wale mai a ke aumoe loa ana, @@@@@@@@@@@@@ kana mau buke.
                      "Ua kukuni palua ia ka ihoiho ma na aoao a elua."
                      Kakaikahi loa na poe, ina no me ke kulana ikaika loa, i hiki ke hoomanawanui malalo o ia ano o ka hooikaika ana.
                      Mawaho ae hoi o kana mau haawina, e ao ana o Misita Kemepa i kekahi kula ma kahi o ekolu mile mai kona home aku. O ka hopena i loaa iaia mahope mai, mamuli hoi o ka hoopaanaau nui loa a ma ka hele a huli hoi ana mai ke kula mai iloko o na wa a pau, ua lilo i mea no kona ola e inoino ai.
                      Ua waiho oia ma kona wahi moe me ka numonia a ua aneane loa hoi kona lolo i hoohana nui loa ia a oi aku i ke kupono e lilo i mea ole. No kekahi mau pule kona waiho ma'i loa ana. Ua kumu iloko o kona kino ka ma'i kata (catarrh-ma'i eha iloko o ke poo e hakelo ai ka hupe) a ua ano nawaliwali loa hoi ke kulana o kona noonoo. Ua hoounaia oia no Kolorado, kahi ona i hoohala ai he ekolu malama me ka loaa wahi pomaikai ole. Alaila iho hoi, ua lawelaweia

Hoopaanaau Nui Loa.

oia o kahi mea lapaau ma'i kaokoa kaulana no Kalivilana mai me ka loaa wahi pono ole, a na hoaoia iho he halemai ma Kikako, ua pau kuokoa loa nae hoi me ka loaa ole o kau wahi ponopono. Mahope mai ua ae aku kona kauka e lawe i ka Kauka Wiliama Huaale Akala no na Poe Haikea, a mai ke poho mua mai i hoomaka ai oia e oluolu ae. I kona lawe ana he eiwa mau poho ua hoolaloa ia oia. Na keia laau kaulana i ka hoomaemae koko a hooikaika aa i hooko aku i ka mea i hiki ole i kona mau lawelawe lapaau hoonui lilo a pau o mua aku ke loaa. Ua olelo ae o Misita Kemepa ua haalele loa mai ke kata iaia; ua ikaika hou oia a he eiwa paona kona oi ae i ko kona wa i hala aku. Ua haawi oia i ka mahalo holookoa i na hua'le. Ke hoomaka nei oia i ke ao hou ana a ua piha nui loa hoi me ka ikaika e hoomau aku ai i ka hana. I mea o hooia ai na oiaio ka mea maluna ae ma na ano a pau, ua hana o Misita Kemepa i kahi hoohiki ana e like me keia iho:
                      Kakauinoaia a hoohikiia imua o'u i keia la 10 o Sepatemaba, 1897.
R.P. WATT, Notari Lehulehu.
                      Ke haohao nei makou ina he lua kahi o keia mau hua'le iloko o na ano laau a pau no ka hooikaika ana ae i kahi kino i pilipe a omaimai.

-
Halekuai o Kukima
-

                      Ma Ewa o Alanui Nuuanu, Helu kahiko maluna o ka papainoa 59. Helu hou maluna ae o ka Puka komo, 210.

-

                      E Hooliloia aku ana na Waiwai a pau, e laa na Kalakoa Keokeo, Kukaenalo, Alapia, Huluhipa, a pela aku, me ka mau no o kumukuai emi loa i like ole me ko na halekuai e ae.
                      Na Paleili o na Kane me Wahine, na Papale Kane, Wahine me Keiki, na Paa Lole Piha o Kane, a pela aku a he nui loa hoi ke helu papa aku. Emi a emi loa, aohe lua ma ka emi.
                      Oiai hoi, ua hala ae nei na la kulaia a ua pau hoi ka wa o ke Kuai Hoopau ana i malamaia iho nei no Hookahi Malama ma keia Halekuai, e hoomanao mai no na hoa'loha he oluolu a he emi mau no kumukuai maanei ke kipaia mai. E hoao mua mai no ka pono i ikemaka i ka oiaio a me ka pololei.
Goo Kim.

nov. 28-3m.
-
He Keu a ka Hiki Ole Loa

                      Ke waiho ae i i na Kamaa oi ae o ka maikai no ke dala mamua o ka makou e hoikeike akea nei. Eia ia makou na ano a hiona maikai a pau. Ua hoike ae kela a me keia Kamaa i ke kumu maikai loa ma ka hana Kamaa ana. He kakaikahi loa, a i ole no hoi, aole loa no he mau iliili ma ka aeone o ka hana Kamaa ana i like aku ka mania.
Kamaa Eleele a Makue o Kane. $1.50
Kamaa"Heywood" o Kane ....... 4.50
Kamaa Wahine Li ma ka Eleele a Makue ....... 3.00
                      He heluna nui no hoi kahi a makou o na Kamaa o na Opio a me na Keiki liilii no ke Karisimaka.
                      E kipa mai a e ike i ko Makou Puka-aniani Hoikeike.

Hui Kamaa o na Poe Hana
[KAUPALENAIA.]
ALANUI PAPU.