Ka Nonanona, Volume I, Number 2, 20 July 1841 — IUIAI. [ARTICLE]

IUIAI.

Ua Iulai na haole Amerika i Honolulu nei i ka la 5, o keia malama. Penei ka Iulai ana, ua ahaaina na kane a me na wahine ma kela wahi a me keia wahi. Ua kau na hai maikai maluna o na moku Amerika a apu. Ua kani na pu kuniahi, a me na pu hookanikani, a me na pila, a me na mea kani e ae. Ua paniia na puka o kekahi mau hale kuai, a ua lilo na kanaka Amerika i ka lealea a me ka hauoli.

E kuu keiki, heaha ke kumu o keia Iulai ana? Aole paha oe ike. Eia no; i ka la4 o Iulai 1776, hoole loa na kanaka o Amerika huipuia i ke alii o Breitania, a ma ia la no holo ka olelo, e kipi a e kana pu, a hemo loa ka aina mai loko no o kona lima. Nolaila mai keia hana.