Ka Nonanona, Volume II, Number 24, 9 May 1843 — Page 118

1843.] KA NONANONA. 118

nei?' Eia ka hana ana: hookahi keiki elua ia wahine, elua wahine, eono ia kane i ka hui ana o ke keiki me na wahine a me ka poe kone, eiwa lakou. Hoakaka helu.
9) 81
9 na keiki 2

18 na Wahine
9
6
54 na Kane
Na KAELEMAKULE.

KA NONANONA.
Honolulu, Tusede, Mei 9, 1843.

KANAWAI PAU.

                Ua hoopauia kau wahi o ke kanawai moe koluhe e ka ahaolelo Beritania. Ina i moe pu ka poe mare ole ma kahi malu, aole pili i ke kanawai, aole hoi hopu na makai; o ka poe mare wale no ka poe hewa ke moe kolohe lakou. Pela ke kanawai i keia wa.
                Pehea na kanaka o Hawaii nei ma keia hopu aku? Haalele paha i ka mare a moe aku, moe mai e like me ka wa kahiko. Pela anei? pela no ka poe makau ole i ke kanawai o Iehova; aole nae pela ka poe naauao, a me ka poe noonoo pono. Ku paa no lakou mamuli o ka pono o ke Akua. No ka mea, aole i pau iki ke kanakwai o Iehova; eia no ia, "MAI MOE KOLOHE OE." Ke paa mau nei no keia kanawai; owai anei ka mea nana e hoopau? Lilo e aku ka lani a me ka honua, aole loa e lilo aku kau wahi o keia kanawai. Lauwili wale na kanawai o na lii o ka honua; aole paa mau aku. He mea mau keia ma na aina a pau. Aka, ea, mai nana kakou i na kanawai kanaka; e nana ma ke kanawai weliweli i hoikeia mai maluna o Sinai, iloko o ke ahi a me ka uwahi, a me ka hekili. O ka mea moe kolohe, ua pili oia i keia kanawai, a o ka make mau loa kona.
                E ko Hawaii nei e; e na makua a me na keiki, mai haunaele oukou no ka lohe ana ua pau kau wahi o ke kanawai moe kolohe; he mea ole ia; aole pau iki ke kanawai o Iehova. Nolaila mai moe wale me ka mare ole; he mea hanohano ka mare: he mea make ka moe kolohe. E aho e lele ke kanaka iloko o ka lua pele ma Kilauea, a pau kona kino i ke ahi, he ole loa ka mea moe kolohe; pau pu kona kino a me kona uhane i ka make.
                E na kamalii, aloha nui oukou; o na kaikamahine nae ko'u mea aloha loa; o pau oukou i ka hoohaumiaia. Aka, ea, mai ae aku oukou i ka mea hoowalewale; e hoole loa i ka waiwai hookamakama, e like me ka nahesa, a me ka mano a me ke ahi o ka po. E malama i ko oukou mau kino me ka maemae, a mare pono e like me ka poe naauao, a me ka pono io. Pau keia.

KANAWAI MOEKOLOHE.

                Nawai mai keia kanawai., MAI MOE KOLOHE OE? Aole anei na ke Akua, maluna o ka Mauna Sinai, mai loko mai o ke ahi? Kainoa he mea kokua ko ke alii kanawai mamuli o ko ke Akua.—Pehea ka pono o ka hoopau ana? Aole pono iki. Aohe hiki ke hoopau, oia mau no keia kanawai. Auwe ka mea i manao e hoopau! Auwe ka mea moe kolohe! Na ke Akua e hoopai—he hoopai weliweli. C.

KA MAKE.

                I ka la 3 o Mei nei make he Keikikane a Baluina ma Lahaina; o Douglass kona inoa. Elima pule kona mai ana i ka hi. Eha loa na naau o kona mau makua; ua lana no nae ko laua manao i ke ola pomaikai o ke keiki ma ka lani. Oia wale no ko laua mea e oluolu ai.

KA OLAI.

                Maopopo ka olai ma Honolulu nei i ka po o ka la Sabati Ap. 30. Nauwe ka honua a haalulu na hale; weliweli iho la ka manao. Kei ka mana o ke Akua! nona mai ka ikaika o ka olai.

DAVIDA PAPOHAKU.

                He hoahanau aloha ia iwaena o ka poe pono ma Hawaii nei. He kupaa oia no Kauai, no kolaila ohana alii no. I kona wa kamalii, aole palapala, aole kula ma keia pae aina; nolaila hahai wale kela mamuli o ka lealea a me na hana lapuwale. A kanaka ui hoi, e uhi mai ana no ka pouli, noho no