Ka Nonanona, Volume IV, Number 24, 18 March 1845 — Page 114

1845.) KA NONANONA. 114

Kuu wahine hoapili o ke anuanu;
Kuu hoapupuu anu o ia uka.
Oia aina koekoe ke noho;
E loku ana iloko ka io ka hui.
Ka li anu haukeke a ka ua kiu;
I kahi a maua e nonoho ai.
Me kuu wahine mai ka ua Hamakua loa e;
E loe.
Loa wale hoi ka noho ana a ke aloha;
Ke kaua ana ke aloha i kuu maka;
E haka loa nei no aoi pau.
Ke aloha kuu wahine, aoi nalo e;
E ie.  DAVIDA MALO.

He papa hoike i kela mea i keia mea i unuhiia maloko ae o ka Alemaneka no 1835.

IANUARI,
7, 1822, hoomaka ka paipalapala ana ma Honolulu.
30, 1820, ikeia Kepa Honi e ka poe misionari mua e holo ana i Hawaii.
FEBERUARI,
14, 1779, make Kapena Kuke.
22, 1732, ua hanauia Wasinetona.
MARAKI,
4, 1821, make Likelike, ka wahine a Kalaimoku.
10, 1821, pae mai ke 'lii o Liholiho i Oahu.
23, 1824, make Keeaumoku.
30, 1820, ike na misionari mua ia Maunakea.
APERILA,
4, 1820, ku ka moku me na misionari mua ma Kailua.
8, 1827, make Kalaimoku.
11, 1820, ua ae maopopo ke 'lii e noho maluhia na misionari ma Hawaii nei.
19, 1820, ua pae na misionari ma Honolulu.
27, 1823, pae mai na misionari kokua mua.
29, 1789, ua lilo Wasinetona i alii mua no Amerika Hupuia.
MEI,
2, 1820, holo na misionari me Humehume i Kauai.
4, 1821, make Bonepate.
IUNE,
5, 1832, make Kaahumanu.
19, 1820, haawi na 'lii i kahi e kukulu ai na hale misionari ma Kawaiahao.
26, 1830, make Geogi IV.
IULAI,
4, 1776, ku okoa Amerika Huipuia.
13, 1821, holo i kahiki ko ke Alii moku Aioeoe.
16, 1820, hanau ke keiki keokeo mua Levi Lumisi, ma Hawaii nei.
24, 1821, ka ahaolelo a Liholiho a me Kaumualii, ma Kauai.
AUGATI,
9, 1830, ua lilo Pilipi i Alii no Ferani.
21, 1765, ua hanauia Wiliama IV.
SEPATEMABA,
14, 1820, ka hoike mua o ke Kula, ma Honolulu.
16, 1823, make Keopuolani.
OKATOBA,
5, 1821, pae mai Kaumualii ma Honolulu.
23, 1819, holo mai Kaaioeoe me na misionari mai Bosetona mai.
NOVEMABA,
10, 1820, hiki mai ka moku Haaheo.
27, 1823, holo aku Liholiho i Beritania.
DEKEMABA,
4, 1825, bapetisoia Kaahumanu.
14, 1799, make Wasinetona.

                Pono ole na kane, ke auau ma kahi kanaka. E hele ma kahi mehameha, kanaka ole ka pono, a malaila wale no e auau ai. A i ole ia e hana i wahi hale auau.
                Aole anei pono e kau ke aupuni i kanawai maluna o keia mea ino?

PAI HEWA.

                Ma ka Nonanona 13 aoao 80, ua pai hewaia na hua helu $30; eia ka pono he $130. Oia ke kokua mua o ka ekale sia mua o Honolulu i ka lakou kumu.