Ka Naʻi Aupuni, Volume III, Number 22, 30 January 1907 — Masiliona ke Koa A ME Maganolia ka Ipo ! [ARTICLE]

Masiliona ke Koa A ME Maganolia ka Ipo !

He IHoolelo no ka Paamai Hopo Ole ame ke Aloha Wela MOKUNA III.

Loaa ka Mea Huna Pohihīhi — O ke Aloha Nae Kai Oi. I ko'u nanaanaaku ma kolakou mau helehelena, he ano maikai ole a ku ole no hoi i ka hoihoi ko lakou mau nanaina ia'u, a hoomaopopo iho la au ia wa, ua Johe lakou i kahi mea e pili ana i ka'u mau hana i lawelawe ai ma ka hale o Duvala, kahi hoi o'n 1 eha ai i ka eha liina ole a ke aloha. Ke pupuku wale mai la no na ku'e maka o kahi poe o lakou i ka ike ana mai ia'u; ke nanakee mai la hoi kahi poe o lakou, a ke nana ho aa mai la hoi na maka o kahi poe o iakou ia'u, me ka luli o na poo a nau hoi n.a ku'i. E pau ka paha hoi auanei au i ka ai-maka ia e nei poe, wahi a'u i noonoo wale iho ai no iloko o'u. Aka, ua lilo no nae ko lakou mau helehelena inoino piha inaina'i uiea ole 1 ko'u manao; a hookahi no a-u mea e noonoo kuio ana ia wa, oia ke ano o ka'u mau oh lo e pane aku ai imua o Kauna Cadilaka. 0 ko'u hele keia a ku ana īmua o ua haku nei o'u, a o koua wa no hoi ia i kamailio mai ai ia'u: "E MasiIiona, — ke ole au e kuhihewa, oia paha kahi inoa ou,— ua kauoha aku nei au e Jaweia mai oe imua nei o'u, ma kahi o kou lawe pololei ia ana aku no kahi o ka aoiana li kanaka. 0 ke kumu o keia hoea ana mai nei ou imua o'u no kuu makemake ana ia e loaa ona mau haina mai la oe mai no kekahi mau ninau a'u ia oe. Nolaila, he alahele naauao ma kou aoao ka pane ana mai i keia mau ninau me ka oiaio loa." Ke ike iho la au ma keia mau olelo a ua haku nei o'n i hoopuka mai ai imua o'u, he mau olelo ia no ke ola, a ke hauoli la ko'u naau. 1 kela wa, pane aku la au i ua haku nei o'u: ^ Ua oluola loa au e pane pololei ako me ka oiaio, a o ka oiaio wale no a pau, ī na ninau au e kuu haku i makemake ai e ninau maiia'u. Ua makaukau loa no hoi au e hoike aku i na mea a pau a'u i ike ai no ka mea e pili ana ia'u iho. Maikai kau pane, wahi a ua haku nei o'u i kama iho mai ai, me ka mohala maikai iki ana ae o kona nanaina, aole hoi he hoomaku'e loa, e like me ka'u i ike mua aku ai iaia. Malia, mamuli o kau mau pane ana e loaa ai be pakele ana ia oe mai loko mai o ka hoopai a'u i hoo holo ai e kau aku maluna ou. Ano, e pane mai oe ia'u: I hea kau wahi ī ike hope loa ai i ke Duke Rokepoka? I ka puka ana mai o keia ninau me kela iuoa ma liljini loa i ko'u mau pepeiao, ua ano ku maoli au i ka hoka; aka, aole nae a'u mea e ae e pane aku ai i h|i na no ua ninau la, o keia wale iho oo: • ' •' E ke Kauna maikai. i hoike aku au ia oe oie ka oiaio a pau. aol.e loa au i ike i ke kanaka nona ka inoa au i hoike mai la ia'u. Ike aku la au i ka pupuku ana ae o kona lae, a ku'i iho la oia i ke palahalaha o ka pale kalele aoao o ka noho nui nani ana e nqho mai ana; a he halulo hoi kau, me ka ui'na poha o ia iliki ana ibo i ke ku'i a ua Kauna Cadilaka nei. A me ka leo piha inaina. pane mai la oia la'u:

"He keu maoli ka ho.! Ua lilo kou poo maluna iho o kou kani ai e Masana, i mea waiwai ole loa i kou noonoo ana. Alaila, e hoole mai ana ka paha oe ke ninau aku au, ina paha aole o oe ka mea nana i hoopakele kana kauwa. oia hoi o Ber:saka, ma ka ma nawa pono mua Ioa i loaa ai oia ia'u maloko o ktda hale i hoea hupo ae ai oe, kahi hoi a'u i makemake ai, e loaa mai iaia mai kekahi mau pepa waiwai nui? E hoole mai ana no ka paha oe, aole o oe ka mea nana ī haawi mai i keia mau palapu maluna o'u? Pela anei? I hoike aku ou imua eu e Kauna Cadilaka, ua hanaia keia hana e a*u. e kau kauwa nei. me ko'u ike ole ana, o oe maoli no e kuu haku, ka'u i paio aku ai, a o kou mau enemi hoi ka'u i kokua aku ai. wahi a'u i pane aku ai. 1 keia wa i pane kika ho mai ai o Auria, me ka īnoino launa ole o kona mau maka: E ke Kauna, aole anei i lawa iho la nei hoapaapa waiwai ole ana me nei kumakaia nui? No ke ahn e Jawe koke ole ia aku ai keia pupule no kahi e kani olalau hou ole ai kona leo? l'j like loa ko'u manao me kou, e Auria, aka, e kali iki nae kakou , wahi a ua Ka"una nei ī pane ae ai; alaila ninau pololei mai la oia ia'u: E hoomau ana no oe i kau ī hoole mai nei, aole oe ī ike i ke Duke Rokepoka? Aole au i pane aku i ka haina o nei ninau hope a ua haku nei o'u i ninau mai ai, oiai ua haku'i ae la ke kahi mea iloko o'u, no ka mea e pih ana i ka palapala a'u ī lawe mai ai mai Masana jmai. Ua ike au ma loko o ka rumi o'u ī hoopaaia ai a lawe a mai ai au, ua lilo ua paiapala la mai la'u aku. la wa au i kama ilio aku ai imua o ua haku nei o'u ma ka olelo ana aku: O ka palapala a'u i lawe mai ai mai Masana mai nau, e kuu haku, a oia wale no hoi ke kumu o ko'u hiki ana mai i keia wahi, aole ia me a'u i keia wa, aka, ua lilo aku ia i ka aihueia mai a'u aku. Kaulooa pono loa aku la ka'u nana aoa maluna o Auria me na manao hoohuoi īloko o'u nona, a īke aku la au i kona nana hoolalau ana ae ma kahi e. E Hoomanawanui iho a pulelo hou aku