Ka Naʻi Aupuni, Volume III, Number 50, 11 March 1907 — Senatoa J. B. Kaohi Ua Hala! [ARTICLE]

Senatoa J. B. Kaohi Ua Hala!

0 J. B Kaohi i hala aku la, oia kekahi pou- hana ikaika a kupaa o loko ka Poai Kalai aina Kuokoa Home Ruia. He keiki kamaaina oia no na Ko hala. Ua lawelawe oia i ka oihana loio; aoD, B. Mahoe kana kumu ao ma ia oihana. He kanaka piha lokomaikai oia, a he heahea me ka hookipa. Mamuli o ka lokahi ana o ka hapanui o na poe koho balota o ka M. H. 1900 ma ka mokupuni o Hawaii, oia kekahi o n'a poe i koho ia i Senatoa mai ia mokupuni mai. A oiai oia e noho aoa ma ia oihana iloko o ka Ahaolelo mua loa o ka Panalaau o Hawaii nei, ua haawi nō oia i kona ihaika apau ma na mea e pono ai ka lahui. He Home Rula oiaio oia a haule wale aku la. A ke haawi aku nei makou i ko makou aloha nona ame kona ohana e paiauma aku nei no kona haalele ana mai i keia ao; a na ke Akua lokomaikai e hooloolu i ka poe luuluu ame ka poe kaumaha.