Ka Naʻi Aupuni, Volume V, Number 25, 5 February 1908 — Masiliona ke Koa -A ME- Magnolia ka Ipo! [?] MUKUNA IV. [ARTICLE]

Masiliona ke Koa -A ME- Magnolia ka Ipo! [?] MUKUNA IV.

O na mea apau au e makemake ai no na- mea e pono ai keia hana a'u i hoike aku la ia oe, e hoike aku oe ia mea i ka hoaloha o kaua, i ka Naita Guisiuma, oia ko'u malamā waiwai. E loaa nohoi ia oe na mea apau au i mākemake ai no ko olua ola ana, a no oukou nohoi apau. E hiki ana i ka Naita Guisiuma ke haawi mai ia oe i na mea apau au e makemake ai e loaa mai iaia mai. O kekahi mea a'u i makemake ai e hoike aku ia oe, oia keia: ua hoea mai nei i Parani nei mai Sepania mai he poe kanaka Sepania, a he poe Kavalia hoi ko lakou mau kulana, a o kekahi poe hoi o lakou kai nee pu mai nei me a'u mai Sana Iakoho mai. Ua hoike mai ko lakou alakai ia'u, ua hele mai nei lakou mai Sepania mai no ka imi ana ia oe, ame he mea la, e ike aku ana no oe iaia ke kau aku kou mau maka maluna o 'ua alakai nei o na kanaka Kavalia. Ua kuhi au ua ike aku nei oia a o kekahi paha o lakou ia oe ma ko oukou manawa i hoea mai nei ia nei. No laila, e hele kaua e hu^i i ua kanaka nei. Ia wa haalele iho la maua i kahi a maua e ku ana a hele aku la maua e huli i ke alakai o na Kavalia Sepania. He mea oiaio hoi, aole no i liuliu ka maua hele ana aku, aia hoi, ike aku la au i ua kanaka Sepania nei e huli ana kona alo i kahi e, a o kona kua, eia mamua pono mai o kahi a maua e hele aku ana. Ia wa olelo aku la au ia Roderigo, e uhaele maua me ka' malie loa, i hiki ai ia maua ke hoopahaohao aku i ka noonoo o ua Sepania nei. Aka, ia maua e hele' aku ana me na kapuai ano mama Ioa nohoi, ua huli kōke niai la ua kanaka nei a ike mai la ia maua. Ia manawa koke no i haule iho ai kona mau kuli ilalo, a puili ae la oia i kona mau lima ma kona alo, a kaulona pololei mai la kona mau maka maluna o Roderigo. Ia wa no i holo aku ai ua kaikaina nei o'u a hopu aku Ia i na lima o ke kanaka Paniolo e kukuli ana, a huki ae la iaia iluna me ka olelo ana iho hoi: "E ka hoaloha oiaio, e ku ae iluna. Aole au he Akua e kukuli mai ai oe imua o'u. Aole. E ku ae iluna. O ko'u lohe ana mai nei no ia mai kuu Haku kaikuaana mai no ka hiki ana mai o kekahi poe kanaka Sepania i ka aina nei o Farani. Aole nae au i haupu mua, o oe keia i hiki mai nei." Ia wa i ku ae ai ua kanaka Paniolo nei iluna, a hoopili mai la oia i kona papalina i ko Roderigo papalina, ka akau ame ka hema nohoi i kela manawa i hoike mai ai ua kanaka nei i na mea apau imua o Roderigo, oia hoi, o ka manao nui o ko lakou hoea ana mai i Farani, oia no ko lakou huli ana iaia ( Roderigo) Ua hoike aku la hoi o Roderigo, he makemake oia e ike i na hoa a pau ona. Olelo aku la nohoi ua kaikaina mahoe nei o'u i ka i ana aku: "Ua makemake loa au e huipu me kou mau hoa i hele mai nei i keia ala loa mai ka aina mai o kakou a hoea i keia aina. A ke ike nei au he huakai ano nui loa ka oukou o ka hoea ana mai nei ia nei." Ia manawa hala aku la ua kanaka Sepania nei e imi 1 kona mau hoa oiai hoi o*Roderigo i huli mai ai a hoi mai la a loaa au, a hoi loa aku la maua noloko o ka hsle, kahi e akoakoa ana'o MaganoIia ma. Ua makaukau mai la na mea air a ua nee aku Ia maI | ; ; : ■ v . : v •: ' >♦. :

kou apau a noho iho la ma na pa-kaukau nunui a loloa he lehulehu, e lawa pono ai na poe o loko o ka makou huakai i hele mai ai mai Sana Iakoho mai, a pela nohoi na kanaka o ke Kavalia Alabimoria i huli hoi mai ai mai ka hema mai. I ka pau ana ae o ka makou ai ana, a noho hou mai la nohoi he poe hou, ua hele aku la o Roderigo e launa me na karffaka Paniolo. He loihi keia manawa o ko lakou kamailio ana me ka piha hauoli o ko lakou mau helehelena. A mahope hele 'ike mai la ua kaikaina mahoe nei o'u me ua poa Sepania nei a hoolauna ae la o Roderigo ia lakou i kana wahine o Evalina. . Ku iho Ia ua poe Sepania nei me Evalina, oiai o Roderigo i hele mai ai a olelo mai la ia'u: Auhea oe, e ke kaikuaana, e haalele like ana kaua ia Farani nei, a he mea keia e kaumaha a e hoehaeha loa ia nei ko'u naau. Oiai, ma keia nee ana aku ou no Helene. a owau hoi no Sepania, alaila, ua haalele kaua i ka makua kane o kaua. Aole au i ike i keia wai ka hana e hana aku ai. Alaila, ninau aku la au iaia: Pehea la ke ano nui o nei hana i konoia ai oe, e kuu pokii, e hoi hou aku i Sepania? Malia paha e hiki ana ia'u ke hoakaka aku ia oe i ke alahele e kapaeia aku ai kou hoi hou ana aku i Sepania. He mea oiaio, he mea kaumaha loa keia a hoehaeha nohoi i ko kaua mau naau, no ko kaua haalele iho i ko -kaua juaui makuakane palupalu.