Ka Nupepa Kuokoa, Volume I, Number 3, 16 November 1861 — Ka Palapala. No ke Kaapuni ana o P. kapohaku i ka Mokopuni o Hawaii. [ARTICLE]

Na Palapala.

No ke Kaapuni ana o P. Kapohaku i ka Mokupuni o Hawaii.

Ua kani uina mai ka lohe na kaolauniu makani o Kekaha i lawe mai ,aia oia ma Kohala kahi i hoike ai i na mea o ka aina Pekana o me ka ke Akua olelo. A malaila ae a hiki i Waimea, Hamakua, Hilo. a hiki i Puna, Kau, Kona Hema, a hiki mai hoi i Kona Akau nei. Ma ka Poalua, oia ka la 8 o Okatoba, ko lakou hiki ana mai i Kailua, ma ka la 9 ae ko'u launa pu ana me ia. Ua ike au i kona ano a me kana wahine, a me ka laua kaikamahine no Fatuhiva mai, a ma ke ahiahi, ua hoomaka koke oia i kana hana, hookaniia ka Bele ma ka Luakini o Kailua, e kokoke ana paha i ka hora 4 o ke ahiahi, ku koke ac ka misionari makapo, oia o P. Kapohaku, a hele aku la makou a komo iloko o ka Luakini o ke Akua mana loa. Ku mai la oia a hoomana aku i ke Akua ma ka pule a me ka himeni, a pau ia, ua hoike mai oia i ka olelo a ke Akua, aia kana pooolelo ma Petero 1, Mokuna 5: 7. "E waiho aku i ko oukou kaumaha a pau maluna ona." Ka hapa mua oia pauku, maluna o keia olelo, ua hoopiliia i ka poe i kaumaha i na hewa, a e waiho maluna o lesu, a e hoomaha malaila. He nui no na mea i weheweheia ma keia pooolelo, ua lann ka manao, ua olioli ka naau. Ma ka la 10, ka lua ia o kona hoomaka ana ika haioielo ma ka Luakini. Ma ka la 11, ua kii aku au mai Kailua-uka mai, me na Lio ekolu no lakou. No ka mea, aia ko makou Halehalawai mauka loa o ke Alanui Aupuni, a ua makemake no hoi oia e hele malaila. Hiki mai au me ko'u hoa oia no o Kahoe, a hiki maua i kai o Kailua-kai, a ua makaukau no o P. Kepohaku a me Noa Kaululaau, Holi. Hoomaka mai la ko makou pii ana a hiki ma Kailuawaena, ua hookipa iki au ia makou a pau ma ko'u hale, e paina no ka aina kakahiaka, ua kakali iki malaila a pau ka paina ana, pii aku no makou a hiki ina ke alaloa iuka. Aia hoi, aole no i akoakoa mai na hoahanau, hoomaha iki makou a liuliu. Ua hookaniia ka pu, a mahope iho, ua hele mai na hoalauna a ua piha loa ka hale. Ku iluna o Noa Kaululaau, a hapai i ka hana, he pule me ka himeni. Ua haiia ka olelo a ke Akua, ma Kor. 1, Mokuna 15 : 33. " E ao hoopunipuni ia oukou, o ka launa aku i ka hewa, oia ka mea e ino jii ka noho pono ana." Ua hai mua ia keia oleio ma kekahi inau mea e ae. Aka, mahope iho, ku mai la o P. Kapohaku,a wehewehe mai oia, ua pili pono kana mau mea i hoike ai i ka make o ke kinoa me keola mau loa ana oka Uhane. Ma ia hope iho, kauoha ae la i na kanaka na hoahanau, e iho nui makai o ka Luakini, i lohe i na mea i koe o ka aina Pegana. Ma ka la Sabati, ua piha loa ka Luakini mai luna a lalo, ua heie mai ka Moi Wahine a me ka Haku o Hawaii, a ine ke Kianina e lohe i ka olelo a ke Akua ma ka waha o P. Kapohaku, a me na mea ana i ike ai ma ka aina o ka poe Pegana o Fatuhiva. I kona komo ana iloko o ka Luakini, ua lawe koke ia aku oia maluna o ka Awai, a maluna olaila kana hana a pau ia la. Ku mai no oia a hapai nalima i luna me ka hoonani aku i ke Akua, ma ka pule a me ka himeni. Aia kana pooolelo ma ke Mele a Solomona, Mokuna 2:3. " Ua noho iho au malalo o kona malu me ka oluolu, a ua ono kona hua i kuu ai ana." Hapa hope oka pauku 3. Ua wehewehe nui ia keia olelo i ka noho ana iho o ko ke Akua poe kanaka malalo iho o kona malu me ka oluolu, a pela no ka lahuikanaka i hoolohe ia ia, ua maluhia lakou a palekana ma ka inoa o lehova, a o ka poe hewa, e palakahuki lakou iloko o ka make nau loa. He nui ko makou hauoli a me ka nakulukulu e nei ana i keia leo kahea, 1 wehewehe nui ia mai e P. Kapohaku, no na mea o ua aina Pegnna a me kona mau pilikia i hoaoia mai malaila. He nui no ko makou aloha ia ia, a he nui hoi na kulu waimaka e haule ana ilalo. Nolaila, e na makamaka mai Hawaii a Kauai, na hoahanau iloko o ka Ekalesia, He punawai hoola ka waha o ka poe pono, a pela no ko makou lohe ana i kona leo. Me he waipuna la e pipii ana i ke ola mau loa. D. B. Poheepali Kailua, Hawaii, Okatoba 16, 1661. E hoopuka hou ana kn Nupep»t Kuokoa, Hela 4, i ka Poakahi, oia ka la 2 o Dekemaba.