Ka Nupepa Kuokoa, Volume III, Number 7, 13 February 1864 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

           

            No ka hiki  ana mai o ke Kanikau a na ‘ Lii, no ka lakou Lani aloha i minamina nui ai, n e noho mokumokuhua nei hoi no kona aloha, a no ka inapopopo no hoi ia makou o ke aloha Alii ka manao mua, a ka manao no hoi ma ka panepoo o na puuwai Hawaii a pau; nolaila, ua hooluu makou i kahi o ko makou manao ponoi, no ke kanikau o ua lani aloha hiwalua ia nei, o Kalanikua liholihoikekapu. Luna Hooponopono.

 

HE KANIKAU

NO

KAMEHAMEHA IV!

Kuu kane mai ka ua Nahua,

Mai ka ua Lielehua i ke kula,

I ke kula no ia ua o Kekaa;

Hookaawale mai nei oe ia ’ u,

Haulele mai nei oe i ka pili a kaua;

            Ke Aloha nei-au ia oe-a.

O oe ke hoa o ka ua o ka la,

O ke anu me ke koekoe,

A kaua e holoholo ai i uka i kai,

O ia uka anu o Nuuanu,

Anuanu huihui ke aloha o kuu kane,

Me he wai kuhenuhe la i kuu manawa,

            Ke aloha nei-au ia oe-a.

Aloha ke kane o ka wa heu ole,

Mai na wa kamalii a loaa ke keiki;

Lilo aku la olua i ke ala muku maawe ula a

            Kanaloa,

Loa ka imi ana ke au ana a ka maka e ike,

A oe ike ua nalo loa.

Ua hala’ku la aia i Pelehuna

            Ke aloha nei-au ia oe-a.

Na EMALANI.

 

Kuu Kaikunane mai  ka ua Kukalahale,

Mai ka ua puanaiea hoihoiea i ke kula,

I ke kula no ia ua o Makahuna;

Ua huna no au i ke aloha iloko,

O kuu waimaka me ke hanini nei,

            Ke alosa nei-au ia oe-a.

Aloha ka hoa o ka haiki pilikia,

Mai loko o ka hale pupuu hookahi,

Hookahi au o Kaulanaikipokii;

He pokii au he muli hope,

No’u mua kaikunane i hala aku nei,

            Ke alosa nei-au ia oe-a.

Na V. KAMAMALU.

 

Kuu kaikaina mai ka ua Haao,

Mai ka ua lei Kamahala i ke kula,

I ke kula no ia ua o Luakaha i Malailua,

Elua maua e noho nei,

O ko kakou kaikuaana kaikaina ke kolu,

            Ke aloha nei-au ia oe-a.

O oe no ka maka e kau mai nei,

Ke halialia mai nei me ke aloha,

E Kalani e Kamoopuuleiohua oe,

O oe ka’u aloha e noho nei;

O kuu kaikaina a hele loa,

Ua nalo na maka.

            Ke aloha nei-au ia oe-a.

Aloha ka hoa o ka aina pilikia pilikia hale,

E aalo ai i ka uluoa kanaka,

E pilikia ai ke ala ke hele ia,

Hele oe waiho iho i ke aloha,

Me kana ukana nui o ka waimaka,

            Ke alosa nei-au ia oe-a.

Ma L. K. KAMEHAMEHA V.

 

Kuu kaikuaana mai ka ua Lililehua,

Mai ka ua heekokoula i ke kula,

I ke kula no ia ua o Napili,

Pili mai nei ke aloha me ka minamina,

O Kuh Kino kai luhi i ke aloha,

            Ke aloha nei-au ia oe-a.

O oe ka hoa o ka moku lewa i ke kai,

Mai na ale hulilua i ka makani,

A kakou e hele ai me ka lei o ke keiki,

He keiki ke aloa e hana nei iloko,

E wehe ana i kahihi paa a ke kanaka,

            Ke alosa nei- au ia oe-a.

Aloha ka hoa o ka ua Makaupili,

Ke kahiko mai la i ke kula,

Kuu hoa nana o na hono Piilani,

I hoolanilani no hoi au ia olua,

O ka hele ana ka hewa haalele ia makou,

            Ke alosa nei-au ia oe-a.

Na W. C. Lunalilo.

 

Kuu kaikunane mai ka ua kualau ma ka mo-

E hehi kapalili ana i ka ili o ke kai, [ana,

I kai no ia ua o Kona i ka maka o ka opua,

Pua mai ana ko lohe kaumaha loko,

Mihi au o kuu haalele ana ia oe,

            Ke alosa nei-au ia oe-a.

O oe ke hoa o ka aina kai paeaea,

Mai na lae makawalu o Kapulau,

He kananakahi ia a ka poli o Kikau,

Kau hewa ko’u manao ia hai,

Haalele ino iho au ia oe,

            Ke alosa nei-au ia oe-a. [Ehu,

ALoha kuu kaikunane mai ka lai malino a

Ke linoa mai la e ke kehau a hinu ke kai,

Pohu lailua ke o Kona a Kamauai,

Aiaina i ke aloha kumakena,

Hemo ka lima paumako ia e noho nei,

            Ke aloha nei-au ia oe-a.

Na R. KEELIKOLANI

 

Kuu keiki i ka ua Kihenelehua,

Mai ka ua kaheelehua i ka uka,

I ka uka no ia ua o Lanihuli e,

E huli e hoi mai la e kuu lei,

E kuu pua lei aloha a maua me kuu kane,

            Ke alosa nei-au ia oe-a.

O oe o kuu keiki leilei makani,

Ke hoihoia mai la e ke kiowao,

E ka ua lei kahiko o Nuuanu e!

Oia o kuu kane ka mea aloha,

O ka hoa luhi o ua keiki nei la,

            Ke alosa nei-au ia oe-a.

He aloha ka nui ke kini o makou,

Ke keiki o ka wa i hala aku la,

Oia ka’u aloha a makou i noho ai,

He keiki he inoa kane he mau kane io no,

He hoa hoolaukanaka no ua wwahi nei,

            Ke aloha nei-au ia oe-a.

Na H. K. KAPAKUHAILI.

 

Kuu keiki mai ka ua Waahia,

Mai ka ua popo kapa i ke kua,

I ke kula no ia ua o Mauuenaena,

Enaena ke aloha me he umuenaena la,

I ka hele o ka luhi o kuu kane aikane,

            Ke aloha nei-au ia oe-a.

O oe o kuu kamalei aloha kekahi,

Ua hala aku la aia i Hiikua,

Ke hele Ia paha i ke ala a Kahewahewa,

Ua hewa iona ua hele malu,

Ua haalele iho nei i ke aupuni o lakou,

            Ke aloha nei-au ia oe-a.

Aloha ka hoa o ka aina makani lauwili,

Me a’u wahine ahe lau makani,

Aia lakou a pau i Kuahea,

E hea mai oukou,

Eia mai ke keiki ke imi aku la ia oukou,

            Ke alosa nei-au ia oe-a.

Na C. KANAINA.

 

Kuu keiki mai ka ua lei maka Anuenue,

Mai ka ua Mananaoa i ke kula,

I ke kula no ia ua o Kuia,

Kuikui mai nei ke aloha i ke kino a eha,

Hele awali opa loko i ka minamina,

            Ke aloha nei-au ia oe-a.

O oe no ka’u i imi aku iloko o na lani awa

I moe ai i ka Maunaloa, [awahia,

I loaa ia’u i ka la pilikia,

Pilikia au mauna i kuu kino, i loaa mai ka

E haalele mai ana ka hoi oe, [mea hihiu,

            Ke aloha nei-au ia oe-a.

Aloha ke hoa o ka aina kaipala Iliahi,

Kai Iliahi i ka i-a aka Moae,

Me a’u kini wahine opua i ka lai,

Aia ma kapa kahakai o Hookahaia,

Ke kaha ana aku la no ia,

Aole i ikeia ka hele ana’ku nei,

            Ke aloha nei-au ia oe-a.

Na M. KEKUANAOA.

 

KANIKAU ALOHA

Nei nou e IOLANI,

E KA MAKA O IOULI,

Ke’huli wale nai no ka wahine,

Ka hoa pili o ke kane,

Aohe kane, he haku no ka la o Kona,

He makua no kahi makua ole,

He hoikeike no kahi i ike ole ia,

He alakai no ke kai loa e.

Loa wale hoi ka hele ana e Kalani,

Halulu aku la i Nuumehalani,

Nakolokolo aku la i Hanakewa,

I ka hele a ka uhane Alii,

O Hikikanaliakamalama,

Hiki Makalii Kaelo ia Kaulua,

Alua a’u mau Lani i hala aku nei,

O Kalani makua, o Ka Haku o Hawaii,

Minamina ino.

Minamina ino oe e Welehulani,

Ka maka o Haulili, ka maka o ke Kolea,

Kani haalilo ka Lani ka manu Alii,

Ka ua ahi e io nei i kuahiwi o Kona,

I kapeku i Koolau o Kuihewa,

I ke au o Laapuni, o Ahukini,

No Ahukini ke one hauli Alii,

Eia ke hopu makawalu ia nei,

Ke miha ia nei e Kalani mae-eia,

Eia ka momokuahi anapa lani,

Ke kukuni la i Kauai o Kawelo.

E welo Wailuanui e hoano-e,

Aloha, aloha. a he aloha nui.

Nui ka ia hahi manawa o ko aloha,

Ka ia kuia pa ili homi kanaka,

Pa i ka ili walea no ia ia laka,

Me he kahu no la ka walea ana,

Kona ane maumaua no ia o kona kai kuhu,

E kohu ai ka moe,

Nana aku ana ia pii,

Ua oki na ia pii mai i ka moe-a,

O ka moe anei keia e Kalani la?

            Oia no-a.

Kuu kane mai ka uka Hanaiakamalama,

Ke malama nei no au i ko aloha,

E kui ana au a lawa i lei no’u,

I hoa moe no ka po kane ole.

            Auwe kuu kane haku-a.

Kuu hoa alo ua Waahila,

Kipu hau anu o Maunakilohana,

Ulu nahele paoa i ke ala,

Ala au hoolono ia oe,

O oe o ke Kainalei aloha a kaua,

            Auwe kuu kane haku-a.

Kuu kane mai ka hale malumalu a ke koa,

Kipeapea i ka lau o ke kukui,

I hala ka pakaua o ka Hooilo,

Hoomehana aku i ke kapa a ke ahi,

            Auwe Kuu kane haku-a.

Kuu hoa hoolono leo kahuli,

Ke hai mai nei ka pololei ia’u,

Aia kuu kane i ka maka o ka opua,

E kilohi ana iluna o Hanakewa-la,

            Auwe kuu kane haku-a.

Kuu kane nana ohu kolo i na pali,

I hehia e ka ua a wali ka maka o ka lehua,

Wali pu no me ke kino i ka manau,

Owau no ka hoi ka ke aloha e apa nei-a,

            Auwe kuu kane haku-a.

Kuu hoa mai ka malu o ka wiliwili,

Mai ke kula la o Puukaua,

Ka ke aho i ka malu o ka Inia,

Hoomaha aku i ke ahe Kaieulu o lalo,

            Auwe kuu kane haka-a.

Kuu hoa lehua i Halalii,

Ke ahai’na la e ka Unulau,

Uluku mai nei Kaula i kuu manao,

I kahi a maua i hele ai me kuu kane-la,

            Auwe kuu kane haku-a.

Kuu kane au kai o ka moana,

E nana ana i ka hono o na moku,

Na kuahiwi haliuliu o ka lai,

E waha e ai ana ma ke kua kekahi mauna-la,

            Auwe kuu kane haku-a.

Kuu hoa mai ka piina ikiiki e Aalaloloa,

E wawe ana i hala ka loa o Pohakuloa,

Hoomaha aku i ke ahe a ka makani,

Ike aku i ke one kuakii o ke Kaha-la,

            Auwe kuu kane haku-a.

Kuu kane mai ka malu kuawa o Wailuku,

Mai ka ia uwahi nui o ka aina,

Aina kuahiwi lua i ka maile,

A maile ohi ka ia ka kehau o Kula-la.

            Auwe kuu kane haku-a.

Kuu hoa mai ke kai hawanawana o Kawaihae,

E wawalo ana i ke oho o ka niu,

Alo aku maua i ke anu o Uli,

I ka ua Peepakaieulu o Waimea-la,

            Auwe kuukane haku-a.

Na LILIA K. DOMINIS i haku.

 

            Hale Kuai Hou.- Ma keia la, ua wehe ae o Bartow a me Stillman, i ko laua hale kuai mea ai, ma ke kihi komohana o ko Daimana na hale kuai, ma ke alanui Alii. A ke noho mmakaukau mei laua me na kanaka Hawaii a pau e oluolu ana e hele me la ua e kuai ai. Ua kamaaina no ia kakou o Mika Pako, he kamaaina kahiko loa ia no Honolulu nei a me Lahaina, a no ia mea, ke lana nei ko makou manao e hele nui ana na poe kuai mea ai me MIka Pako e kuai ai. Aka, ua ahona no ko oukou kipa kino ana’e ilaila, i pau ai ko oukou Kuhihewa.

NA MEA HOU

MA KA MOKU

"SMRYNIOTE!"

           

            Eia iho unahope nei ka wehewehe ana o na mea hoou a pau i hiki mai ma ka moku Smryniole, Kapena Burditt, penei no ia. Ma Amerika Huipuia, me he mea la e ku maile ana na puali koa a pau o ke Aupuni, no ka nui o ke anu, ame ka ino o ka hooilo, a o kahi wale no i pa-pa wahi kaua mai nei, aia no ma Nokevili, (Knoxville,) iloko o ka mokuaina o Tenesi. O Generala Grant, Meade a me Gilmore, ua u haele nui mai ko lakou puali aku, he mea no ia e hoike mai ana, aohe manao e kaua koke iho iloko keia maula.

            Ma ka aoao hoi o na kipi, ua oleloia ke hoomakaukau nei lakou no ke kaua nui aku ia Tenesi, a me Tenetuke, me ka manao paa e hoi hou mai ko lakou mau apaja aina i lilo aku i ka poe o ka aoao Aupuni, iloko o ia mau mokuaina; aka, in a aole e pio hou o Katanuga ia lakou, alalaila, o kahi pomaikai wale no i na kipi, o ke kimopo, me ka hoolele aku i ka oili o ka poe koa Aupuni e noho nei ma ia manu wahi.

            O Gen. Morgan, (Mogana,) ka mea i hoopioia mamua e na koa Aupuni ma Ohio, ua holo malu mailoko aku o ka Halepaahao i paa’i, a ua hiki hou mai ma Rikemona, a ua hoonohoia he Luna Koa Nui maluna o ka puali kaua lio, he 5,000 ka nui, a e hele ana e kimopo ia Kenetuke. E nui ana no paha ka poino e hanaia aku ia wahi, no ka mea, o ka puali kaua lio, no kona hikiwawe a me ka mama loa, nolaila, ua hiki ai ke pale aku i na poino mai ia poe mai.

            Ua ike iho makou i ka hapaiia ana o ka manao e koho hou ia o Aberahama Linekona, i Peresidena no Amerika Huipuia, a e waihoia mai ana no paha kona inoa no ia mea, a in a pela alaila, e koino hou ana no ia. O ka hoololi ana ka Peresidena iloko o keia wa, nole e nele ke komohia mai e ka poino iloko o ia hana ana.

            He ano nui no na mean hou o Europa mai nei, a o na mea e pili ana i ke kumu hoopaapaa e waiho nei iwaena o Denemaka a me Geremania, ua hoohalehale loa ke ao naulu o ko lakou noho kue ana, a o ka hoopii loa ia ana mai nei o ka uku o ke dala a na poe mea dala o Enelani, a me Farani, he hoike kapono ole aua o keia kaua o kaua mai.

 

NA MEA HOU LOA MAI.

 

            O ke ku ana mai o ke Kometa, i ka Poaha iho nei o ka pule i hala, he mea no i manao mua ole ia. O na mea hou ma on a mai nei, he 15 la mahope o na mea mua i lohea mai nei a lakou, a ua pakela loa kona holo mamua o ka moku A.A. Eldridge, he 24 horn kona holo ana mai mamua, a he hope mai ke Komela; aka ua ku e kela ianei, a i ka Paono mai ke ku ana mai o ka moku nona ka inoa i haiia’e la malua. A o na mea hou ma one inai nei, ue hookau iho i ka helehelena ano e loa ma na mea e pili ana i ke kahuakaua ma Amesika Huipuia, a ua hoike mai no hoi i ka hoomana ana o na puali kaua a pau, no ke kaua ana, a ua manaoia e holo ana ke kaua ana me na wahii a pau e nohoia nei e na poe kon.

            Ke hele hei o Gen. Sherman me na koa he 30,000 i Moblie, a o ka lohe hope mai nei, ua hiki ae oia i kahi i kapaia o Meridian; he wahi ia i kokoke loa i ka palena mokuaina o Misisipi, a me Alabama, mai Vikibuga mai kona hele ana mai.

            O Generala Polk, a me kona mau koa kipi, ke emi hope nei mai mua mai on a. A no ka mea hoi, o Adimarala Farragut ka mea ia ia na moku kaua malaila, e hana hui ana me Gen. Sherman, nolaila, aole paha e loihi ka wa e hala, a e lohe no kakou i ka hoouka kaua ana malaila. O na mea hope loa i loheia mai ka puali a Gen. Sherman, mai na kipi mai no ia, e hiki ana i ka la 10 o Feb. iho nei, e hoike mai ana, he kaua kai hooukaia mawaena o Sherman a me Polk, ma kahi i kapaia o Enterprise, he 10 mile o ia wahi, ma ka hema aku o Meridian. A ua hoopoinoia no hoi kekahi alahaka nui e hiki ai ke holo Moblie, e na koa o Gen. Sherman, a ma ia mea, ua hiki ole i ko Polk mau koa ke holo hope aku i Mobile. Ma ka nana ana i na mea a pau, me he mea la e pumehana ana na mea e hanaia mai ma ia wahi, s nohe no hoi i kumu ole ke kau o ka weli o ka noho ana o na kanaka o ia wahi, e like me ka mea i hoike hope loa ia mai nei e na nu hou ma ke Telegarapa.

            Ma ka la 12 o Feb., hiki ae ke kauoha i o Gen. Grant la, a me kona puali he 80,000, e hele aku i ka Hema, a o kahi a lakou e hele nei, o Atalanata, ka mokuaina o Geogia, ke keena poo hoi o na koa kipi, malalo o Generala Johnson. O kekahi mahele o ko Gen. Grant puali, malalo o Gen. Logan, ua hele ae la mamawaena konu o Alabama, i hiki ai ke komo aoao iloko o Atlanata, a i ole ia, e hele e komo e kokoua i na koa aupuni ma MObile, e like me ka mea i makemakeia.

            I mea paha e kaua aku ai i ka wa hookahi, nolaila, ua ike iho makou, ua hoounia he mau aumoku kaua a me na puali koa aina, mai Hilton HEad KOralina Hema, e hele aku e kaua ia Savana. O keia mau hoomakaukau kaua e hoomakaukauia mai nei, me he inea la hookahi no ano nui; oia hoi, e kaua ana ia puali a pau ma na wahi a pau i ka wa hookahi; a ma ia hana ana e hiki ole ai i na koa kipi o kekahi wahi, ke hele aku e kokua i kekahi wahi. Ina he oiaio na nu hou i hiki mai nei a laila, e hiki no ke hilinaiia, ua hookamamaia na ipuku o ka wa kaua o ke kau.

            O na nu hou i hiki mai nei, e pili ana i ka moku powa Alabama, a makou i hoike mua’ku ai i ka pule i hala aku nei, a makou hoi e hoike nui aku nei i keia pule, ua hooia mai no ia i na mea a kakou i lohe mai ai, no kona manao e hele i ke kai o Kina, e ulu-pa ai i na moku kalepa o laila.

            Ma ka la 2 iho nei o Ianuari, ua hiki ne oia i Amoy e kapili ai i kona mau wahi i nahaha, a e hooponopono hou ai no hoi i kona mau wahi hemahema a pau. A aia no hoi iloko oia awa ka mokumahu kaua Wyoming o ke Aupuni, a aole no paha e nele ana ko laua kaua, mamua o ko laua holo hou ana’ku. Ua holo ae ka moku kaua Jamestown mai Kanagawa a i Amoy, a e hiki ae ana ilaila iloko o Ianuari, a mamua paha o ko ka Alabama makaukau ana e holo aku.

            O na mea hope loa i lohea mai Europa mai, ua hoike mai, aia ka Alabama i kahi i kapaia o Rangoon, ma ka la 5 iho nei o Ianuari. Aka, he kuhihewa loa keia, no ka mea, he awa kumoku o Rangoon no Burmah, he 1500 mile mai Amoy aku. Malia paha ilaila oia i ka "la 5 o Dekemaba," a o ke kumu o ke kuhihewaia o ka la, no ka hoouna ana’ku i ka lono a puni ka honua. O Amoy, he awa kumoku ia no Kina, ma ke alo aku o ka mokupuni o Formosa, he 200 mile ma ka akau ae o Hono Kona, (Hong KOng) a he 800 mile hoi, ma ka hema komohana o Kanagawa, Iapana.

            Ua kupono ke mahalo nui ia ka hana ana a ke Kapena o ka mokukaua Jamestown, ma kona huki koke ana i kona heleuma a holo aku i Amoy, i kona wa i lohe ai aia ilaila ka Alabama, oiai hoi e pa ana he makani ikaika, a ua hoonupanupaia hoi na ale o ka moana, a nani wale hoi in a ua hiki ae oia, i kokua ai i ka Wyoming, iloko o kona mokomoko ana me ke kanaeu hiwahiwa o ka Hema. Akahi paha auanei a loaa ka manawa pono e kaua kaulikeia’i ua kamaeu la. Heaha la ka hewa in a e kaua ia iloko o ke awa maluhia ma na kanawai ku i na Aupuni ku i ka wa? No ka mea, pela no o Beritania i hana’i iloko o ke au kaua o ka M.H. 1812. Ua kii maoli no na moku Beritania a kaua aku i ka moku Amerika Essex, malelo o Com. Porter, iloko o ke awa maluhia ku i ka wa o Valparaiso. A i ka wa i pau ai o ke kaua ana, he mau wahi palapala wale no kai hoounaia iwaena o Enelani a me ke Aupuni i komo wale ia, a o  ka hoopau wale ia no ia o ia hihia; o ahaina no hoi in a e hana mai pela na Kapena o na moku Amerika ma ke awa o Amoy?

            Penei iho ke ano o ka haiia ana’e o na mea e pili ana i ka Alabama. Ua kakauia keia palapala mahope iho nei, e kekahi mau haole kalepa e noho ana ma Iapana, a penei ua leta la:

            "Kanagawa, Ianuari 7, 1864. Messrs. Macondray & Co.

Aloha oukou: Ua lona ia makou ke kumu e hiki ai, no ka lohi ana iho nei o ka moku Ada D. Rodgers uo ka phu, e haawiaku ia oukou i ka nu maikai, oia hoi aia ka moku powa Alabama i ka uapo i Amoy, Kina. A o ka Wyoming, Kapena McDougall, ke kiai nei ia ia, A ke manaolana nei makou, ua hiki mai ka hopena o kana mau hana. A ua hiki ae la paha ilaila ke Jamestowen, mamua o keia manawa. Ma ka moku Mary Copen, ka hiki ana mai nei o keia nu, a he oiaio no. Ka oukou

Me ka oiaio,

WALSH, HULL, & Co."

            O na olelo maluna ae nei, ua hooiaioia mai e ke Kapena o ka moku Ada D. Rogers, ua hai mai oia, ua halawai ka mokumaha Po-Kien, me ka moku kaua Wyoming, mawaho iho o keawa o Amoy, ma ka la 2 o Inauari, a ua hai mai o Kadena McDougall, aia ka Alabama iloko o ua awa la kahi i ku ai, e hoopili ana i ka uapo. Ua haalele iho ka moku kaua Jamestowen ia Kanagawa, ma ka la 26 o Dekemaba, a ua oleloia ilaila, ua holo aku oia i Amoy.

            He eono pu clona o ka moku kaua Wyoming,a he elua mau pu nui i kauia iluna o kekahi huila ano pokakaa. O ke Jamestowen, he moku kaua kiakolu pen no ia o ke ano kahiko. Ina oia e ku ae i ka wa kupono, alaila, me he mea la e maopopo ana ke pio o Kapena Semmes a me ka Alabama. Aohe kekahi Alii kaua i haawiia ka wa kupono e hookaulana ai ia ia iho, e like me. Kapena McDougall. Ina no oia e hopu ia Kapena Semmes, iloko o ka uapo ma Amoy, aohe no he mea nana e kua mai, hookahi wale no o ka Moi i Kina. A ua lilo nui loa kona manao ma na mea o ka lani, e manao ae ai la uo ia wahi mea uuku o ka hpou ana i ka powa, in a ppaha ma ia hana ana la, e hoopaewa a e uhai loaia’i na mea e pili ana i na Kanawai pili Aupuni.

            Ina paha e lawe mai o Kap. McDougall i Kapalakiko, ia Semmes, me ka hoopaa ia i ka hao, oiai nae ua hookau mua ia ka hao iluna on a iloko o na palena o Kina, aole no he pilikia nui e uluhia mai ana noloko o ia hana ana. E aho e hoomanao oia ka moku Hatteras, alaila, aole he wahi pohihihi o kana mea e hana aku ai. "E ka moku e!" (Ship ahoy) wahi a ke kahea ana’ku a ke Kapena o ka moku Hatteras. E pane ia mai ana (e ua Semmes nei no.) O ka moku o ka Moiwahine o Spitfire, (ke kuha ahi,) a ia wa koke no hoouna ia mai he poka, a poho iho la ka moku aupuni. O ua o Semmes nei no ka mea nana i hana i keia mea ino nui. Ua lawe o Kapena McDougall i ka mana iluna on a iho, i ka wa i kipu ia mai ai ka moku Pembroke, e Satsuma, iloko o na kai o lapana. A ke manaolanaia nei hoi e hana’ku oia pela i keia mea. Alta.

Ke Kulana o Ka Alabama.

            O ke awa o Amoy, he wahi uuku no, aka he hohonu nae, a he maluhia no hoi. Aia ma kela aoao mai o ka mokupuni o Formosa. O ka uapo e kapiliia nei ka Alabama, he pohaku, a ua hanaia e kekahi poe kalepa Pake. Aia ma ke kihi komohana o ka mokupuni o Amoy, malaila hoi i ku ai ke kulanakauhale i kapaia ma ia inoa, mamua ponoi mai o kahi mokupuni uuku o Ku Lang Su.

            He ekolu alanui e hiki ai ke kono mai waho mai o ke awa, a kahi o ka uapo a ka Alabama e pili nei- hookahi mawaena o Amoy a me ka aina maoli, a he papau wale no nae kahi e paili ana i ka aina maoli, a he ane hiki ole ke holo, a he kupono wale no i ka poe pailakn pake; a o na wahi e ae elua, he hiki pono no ke hookelei e na moku nui. Oia mau kowa, hookahi e holo ana ma ka hema o Ku Lang Su, a kookahi hoi c holo ana mawaena o Amoy a me Ku Lang Su. I ka manao o ke Kapena (o ka Ada. D. Rogers,) aole e kali ana na mokukaua elua o ke Aupuni, me ka manao e paa wale aku no i ke awa; ake, e komo maoli ana no laua e kaua aku i ka moku powa, oiai oia e waiho hemahema ana; no ka mea, ioa aole on a hemahema, alaila, e pakela ana no kela maluna o ka moku pea Jamestowen, oiai hoi, hookahi wale kowa e hiki ai i ka Wyoming, ke pani, a ke kiai no hoi.

            E holo mai ana ka mku kiakolu Brigham Young, a me ke kialua Glencoe mai Kanagawa ae a Kapalakiko, iloko o na pule elua mahope iho o ka holo ana mai o ka moku Ada. D. Roger, a e hiki koke mai ana paha na mea hou e pili ana i ku Alabama, iioko o keia ku ana mai a ka Yankee; no ka mea, he lohea mau ia mai no mai Amoy a i Iapana, a me Kina, oiai he kipa mau mai no na moku o ia wahi i Amoy.

            Aolo he mau pakaua ma Amoy, nolaila, in a no paha e makemake ke Aupuni Kina ke keakea i ke kaua ana iloko o ia wahi, aole no e hiki ia ia ke k@@@@@ mai. Aka, ua manaoia @@@. ana no na manao a pau o na Luna Aupuni o Kina mamuli o ke kue i ua poe powa la a @@ ko lakou mokumaha pu hoi. (Alabama)

Ka Palapala Kaena a Semmes.

             Mamua’ku o ko ka moku Ada. D. Rogers baalele ana ia Kanagawa lapana. Ua hoikeia mai i kona Kapena ka hiki ana’e o kekahi leta a Kap. Semmes. i ke Kapena o ka mokukawa Jamestowen, maloko o ka Eke leta. O ke ano mau o ua leta la, e hai ae ana o Semmes i ua Kapena la o ka moku Aupuni, i kona wa ka i hoopio ai i ka moku kalepa Contest. a mamua hoi o kona puhi ana i ua moku la i ke ahi, ua loaa ia ia iloko o ke keena o ke Kapena he mau ukana mea manawalea aku na ua Kapeua nei o ka moku Aupuni, i kona mau makamaka ma Nu Ioka; a ua malama maikai  oia ia mau inea, a nana no e haawi kino aku i ka poe i hoouneie’ku ai, i kona we e holo kino aku ai me kona moku (a mau moku paha,) a hiki i Nu loka. O ka oioi kua aku la ia o Maui Hikiua.

No Europa.

            O na mea hou o Europa mai nei, ua nui no na mea e hoolele mai ai i ko kaua oili. No ka mea, e like no me ka makou i hai mua’ku ai i ka pule i hala’e nei, ua lohea ka leo o na pu, a ua hookui aku a hookui mai kela i keia, ua hooluaia ke kaua ma Europa, a ke hoomaka mai nei ke kai makakoholua o kaua palaha ana ae. Ua hoomakaia keia kaua, ma ka hookakaua ana eono hora, ma ka la 3 iho nei o Ianuari, o na puali koa Denemaka, me na koa Geremania- Peruaia, ma kahi i kapaia o Misunadi, (Misunadi,) a ua hooemi hope ia’ku ma Geremania, he 200 ka poe Dena i make, a he @00 a keu loa ae ko na Perusia; aka, o na poe Perusia ka poe hoouka aku, a o ke pale wale aku no ka na poe Dena, ua like me he la he poe kanaka e kii mai ana e pepehi i ke kanaka e noho ana iloko o ka hale; aka, ua paa nae ka puka i ka ki ia. Ua hemo ae nei ka puka, a o ke komo mai no hoi koe o Emelani, a me Farani, a in a pela, alaila, o ka lele liilii mai no ia o ke ahi o Kapuahi ma Europa a puni.

I na Opuu o ka Lahui.

            E KA NUPEPA KUOKOA K; Aloha oe:- Ina he mea hiki ia oe me ke koena ole, ke hookomo iho i keia mau wahi mame la olelo kau aheahe ae la maluna, nona ke poo i kakauia "I na Opuu o ka Lahai," oia hoi na keikikane opiopi, ame na kaikamahioe puuwai palupalu, e like me Laieikawai ma, ma kahi kaawale o kou kino holookoa, a na u ia e paki hoalele ae imua o ka lehulehu, i ike mai ai o ua mau paukani opiopio ala o ka Lahui Hawaii, i ka manao o keia hoa opiopio o lakou, e kau leo aku nei, e aloha i ka Lahui.

            Ma ko’u nana ana, ame ke kiei ana aku, a makaikai i na manao o ka poe kukulu manao, e kuu pau mai ana i na kumu nui i emi ni keia Lahuikanaka; nolaila ke kumu o ko’u kau leo ana aku, e aloha i ko kakou Lahui, no ka mea, he mau makahiki mamua aku nei, ua hai ae kekahi haole, aole e hala he 20 makahiki , e pau no keia Lahui, a i ke nana ana iho, ke emi nei keia Lahui, a ke nui mai nein a Lahui o na aina e mai, ea! no keaha ke kumu o keia emi ana ? Aole anei no na kumu i hoakakaia ma ka Buke II o ke Kilohana i hala ae nei, a ka A. D. 1863 i motio aku la, i ka nana aku, oia no. Ma keia kukulu monao ana, ua loaa he wahi ninau a kakou e noonoo ai, oia no, "He poe aloha a nei kakou i ko kakou Lahui?" Ke pane mai la oukou me ka kanakua ole, me ka hooia ana mai, "Ae, he poe aloha no makou i ko kakoa Lahui."

            Mahea la e akaka ai ke aloha o keia Lahui i kona Lahui iho? Ma ke kuu lala ana anei o na Opio o ka Lahui io, a in a anei e hooko ana i na iini o ka lakou mau @@ ae lealea o ko lakou kino iho, me ka nana ole i ka hope o ka lakou mea i hana’i? I ka nana aku, aole e akaka malaiha ke aloha; eia ka mea e akaka ai, he mau moa ia e emi ai keia Lahui, a he hoipe poino hoi; paha ka ikena iho, nolaila, ae ninau mai paha auanei kekahi o oukou me ka i ana, "Auhea ke aloha?" wahi a ka mea e ninau mai ana. Eia, o ka hoolilo ana o ne keiki opiopio o ame na kaikamahine opiopio o keia Lahui i poe noho malie; e hooikaika ana i ka imi ana i ka naauao, ame ka loae o ke ano pono ia kakou e melama ana ka loaa o ke ano pono ia kakou e malama ana i ko lakou kino, ame ka lakou Uhane; e uumi ana i kooa kuko iha a e inakau ana i ka moa Mnaa Loa. Alaila, o ka Opuu i loaa ia ia keia mau mea i haiia ae la inaluna, oia kai olelo ia. ua alohaia i kona Lahuikanaka, ame na mea e pomaikai ai keia Lahui. Me ke aloha i ka Luna Hooponopono. H.D. KAUWA.

            Waipuk@, Waihee, Maui, Feb. 19, 1864

            E Hoolala ana ka Haka Bihopa o Honolulu i kekahi poe ma ka halapule (Cathedrel,) ma hapalua o ka hora eiwa o ka la apopo, (La Sabati.)