Ka Nupepa Kuokoa, Volume III, Number 10, 5 March 1864 — Haanou hewa i ka Papa HOONAAUAO. [ARTICLE]

Haanou hewa i ka Papa HOONAAUAO.

E ka Nupepa Kuokoa e ; Aloha oe:—E ahonui oe a me ka Luna Hooponopono e hookomo iho i keia mau wahi huaolelo maluna, mi kahi kaawaleo kou mau kowa, i ike mai ai ko'u mau hoa luhi ma ka oihana a ke Aupuni, mai Hawaii a Niihau^ Aia ma ka Buke il, Helu 53 o ka la 26 o Dekemaba, malaila a'u i ike ai i na olelo a Mr. Haalou, e hai akea ana, a e hookomo iho oe ia mau huaolelo e kau ae la maluna. " Haanou hewa i ka Papa Hoonaauao," Me kona ike ole ua loaa ka Apana o Makawao ika mai hokii. Ua hele anei oe e hoike i na kula a pau i na makahiki i nala ae nei, i ike ai oe, ua hokii ka* naauao ? Olioli au i kou pane aua he Kahukula naaupo a me ka palaka, no ke aha la oe i huna ai i kou inoa ? I ike mai ai ka Peresidena ia oe a lilo oe i Kahukula, mahalo au ia oe i ko ike hohonu, a me ka naauao (paha ) lua ole, o oe no anei kahi kumu i hoopii mai ai ia'u, e iilo ka halekula o Kauhipoho ia oe, a no ko hiamoe a me kou ike ole kipaku ia oe, noho wale iho no o kahi mea paina ole, noi wale aku o ka loaa ole mai hoolaha okoa ? Ke pane nei oe, he Kahukula hoopilimeaai i ko'n poe ponoi, a haawi i ka oihana kumu ia lakou, e, lalau oe e pane nei la, aole o'u poe ponoi e noho nei la, i ka oihana kumukula, mahea la hoi la i akaka ai kuu hoopilimeaai i ko'u poe ponoi, a haawi i kā oihana kumu, me ka makaukau ole ma na mea ike ? Lalau maoli no ! o na Kumukula e noho nei he poe kumu no Lahainaluna mai, ua ike a ua aoia ma na mea hohonu a pau o ka ike, a mahea la ka ua Mr. Haalou nei e pane nei o ka haawi i ka mea ike ole, lalau loa no. He ekolu Kumukula Lahainatuna ma ka apana o Makawao, elua, aole he mau Lahainaluna. Ke hooki nei a'u i ko,u manao, aia a ike a'u hai hou aku no. _ Me ka Mahalo. P. Nui. Kahukula. Kuiaha, Maui, lanuari, 13 1864,