Ka Nupepa Kuokoa, Volume III, Number 27, 2 July 1864 — Keko. [ARTICLE]

Keko.

Aia ma Nu loka he haole nona ke keko. Nui ka waiwai o ke keko ia ia; nolaila aole ona makemake e kuai aku ia ia. Ika hele ana o ua haole nei i ka uiulaau e imi i na holoholona hihiu,a i na hua o nalaau paha, hele pu no ke keko me ia. Pii mama aku la no ia ina laau, a hele aku no ia ma na lala, e hoohalulu i na hua, o ka hauie no ia i ka honua ; ina paakiki kekahi hua, e hahau no oia me kona pupu lima, o ka haule koke no ia ilalo. 1 kekahi la e hoi mai ana ka haole me kona keko, mai ka ululaau mai, hele no ua haole la iloko o ka hale kuai rama e inu rama. I kona inua ana i ka rama i kawilipuia me ke ko, koe no kekahi rama a me ke ko iloko oke kiaha; haawi mai no ka haole iua koena la i kona hoa hele, i ke keko. Inu no ua keko la ine ka ono no. Aka aole liuliu a e lele ana ke keko i o ia anei, no ka ona pupule ; a akaaka na haole inu rama. Manao no ka mea nona ke keko, e hana hou pela i ke kakahiaka ae, a e alakai mai i kekahi mau haole inu rama e nana pu, a e hauoli pu ika ona pupule oke keko. Kakahiaka ae, hele no ua haole la e hanai i kona keko. Akahi wale no ka launa pono ole mai dua keko la i kona kahu. Aole ona puka pono mai, noloko o kona wahi moe, e like me mamua. Nolaila nana ae la ka haole iloko o kona hale moe, aia la e moe ana me he men make la! Heh aku la kona haku ia m penei: "Ea ; Kake! (oia kona inoa,) e ala mai; a e puka inai e ai." Ala iki mai la ua keko la, a noho ma kona mau wawae

hope, anai oia i kona mau maka, e lomilomi i i kona poo, alaila maopopo he nui ko.na nalulu. I mai la kona haku peneia, "Ua akaka pono ia'u kona eha, no ka mea, pela io no wau i na manawa he nui wale ; ona wau mai ka po a ao, a nui loa ka nalulu o kuu poo." A hala na la elua, ekolu paha, ua ola hou ua keko la. Alaila manao kona haku e hoakoakoa i kona poe hoa inu rama, a e hana uhauha me ua keko la. Ua hea pakahi lakou i kiaha rama. I aku la hoi ka mea nana ke keko," I hookahi kiaha okoa no Kake." Nana ae la o Kake i ka mea e kawili ana 1 ka rama me ke ko, a nui kona haalulu a me kona makau. A makaukau kona kiaha, i aku la kona haku ia ia, " Ea ! e Kake ! auhea oe? E inu pu kakou a pau loa." Akahi waleno ka hookuli ana o ua keko la ; aole ona makemake e inu hou i ka mea e ona ai. Ma-

nao no kona haku e hopu ia ia, a e hoohainu ia ia. Aka, na puka koke oia iwaho, a pij aku la maluna o ka hale kuke a noho ma ke kaupaku. Lalau kona haku i kekahi laau, a hahai aku la ia ia mawaho; a hoohalulu oia ika laau i kona noho ana maluna oka hale, e olelo ana hoi, " e hahau nui no au ia oe, ke iho koke ole mai oe e inu i kou kiaha rama." Aole nae ia i iho mai. Alaila kii no ka haole i konapu.a hooweliweli ia ia penei, " E ki koke akuau ia oe i ka pu a make oe, ke iho ole mai oe ilalo nei." Makau no ua keko la i ka pu, nolaila holo oia ma kela aoao oka hale. Imi aku la kona haku a me kekahi mau haole okoa elua me ko laua mau pu e kokua mai ia ia. Ku kekahi ma kela aoao o ka hale me kona pu, a o kekahi hoi ma keia aoao o ka hale me i kona pu, a hooweliweli hou mai lakou ia ia, e iho koke mai, i ole, ua make loa i ka pu. Aka, aole manao o ua keko Ia e make i ka pu, aole no hoi manao e inu ika rama. Nolaila, i kona ike ana he hnole ma kela aoao keia aoao o ka hale me kona pu, lele koke no oiamaluna o ka puka uahi o ka hale kuke, a komo iloko, a pakele ia lakou. i Nani ka naauao oua keko la. Ua oi aku | kona pono iko ke kanaka inu rama. Hookahi wale no. kona inu. ana i ka mea ona, o ka haalele loa no ia. E na kanaka inu rama, a me na mea ona e ae, e hele oukou i ka puaa, a i ke keko no hoi, e nana iko laua aoao a e hoonaauao īho.