Ka Nupepa Kuokoa, Volume IV, Number 3, 19 January 1865 — Aole i ike i ka Pule ana. [ARTICLE]

Aole i ike i ka Pule ana.

Hele mai la kekahi Kahunapule ma ka hale mai o na koa, i kahi kakahiaka, a ku iho la oia rria ka puka a pule aku la i ke Akua no ka poe pilikia iloko o ka Halemai, a i ka pau ana ae o kana pule ana, ike aku la oia i kekahi lima palupalu e peahi mai ana iaia nei e hele aku malaila. A o ko ianei hele aku la no hoi ia, a loaa iho la he wahi keiki mai e moe ana, ninau ohiolu aku la oia i ua wahi keiki nei ina he haipule oia. I niai la ke keiki "aole au he haipule." Kahuna. " He hiki no nae paha ia oe ke heluhelu i ka Baibala ? " Keiki. " Aole, aole mea nana i ao mai ia'u e pule." Kahuna. " Na'u oe eao aku i ka pule, ma ka pule a ka Haku." Keiki. " E hai hou mai oe i ka pule a ka Haku ia'u." Pule hou no ke Kahuna. Keiki. " Auwe no ka hoi aohe a paa iki ia'u !" Kahuna. " E ao aku wau ia oe ma ka pule pokole. Penei: "E ka Haku e alomai oe ia'u i ka mea hewa ma ka pono 0 lesu Kristo." Alaila wehewehe ponoaku la, i na mea e pili ana no ka mea hoola e like me ka mea i paa i ke keiki, me he mea la i poholo iloko o ka wai, a puoho koke mai a apo koke mai. Keiki. " E haawi no wau i elima haneii miliona ina e liiki ia'u ke heluhelu Ika Baibala." Eha paha la mahope mai, hoi hou aku ke Kahunapule, Bole o kahi moe, ua lawe ia ilalo ikahi e hoomakaukau ai no ka lun.