Ka Nupepa Kuokoa, Volume IV, Number 44, 4 November 1865 — Pakele ke ola o ka Makai. [ARTICLE]

Pakele ke ola o ka Makai.

E ka Nupepa Kuokoa e ; Aloka oe : He wahi manao ko'u ia oe no kela mau hua e kau ae la maluna, o ka ukanaia a ka maka i ike ai ma ka hele malihini ana i keia aina o Maui nei. Ika la 12 o Okatoba nei, kii ia'ku la o Kaliuhu k. e Pulehu makai o Waikapu a loaa i Ulupalakua, o kona hewa i kii la'ku ai, he kanaka ku makahiki no Lui haole o Waihee. Ua mahuka me ka pau ole o kona aie, lawe hou uku no i ka lio, me ka noho a me ke kaulawaha ma ke ano aihue, ia Pulehu i hopu ai me"ke kokua pu ana me na kamaaina a paa na lima ame ke kino, koe nae na wawae i mea e hele ai. Ee ae la o Pulehu iluna oka hoki, hele wawae o Kahuhu, a hala kahi i noho ia e kanaka, poeleele iho la, hele mai o ke kula kanaka ole o Puuiki, e hiki mai ai i ke kula o Kamaomao. Au-moe loa, oka hsra 9 paha ia o ka po, hea mai la o Kahuhu ia Pulehu, 41 E. Pulehu e," wahi ana, " heaha ka'u ? " " E hele mai oe e'hooluolu ae i ke kauia ma kuu kino," tfa lawaia i ko Pulehu manao, ke kokua ana i kana noi ; a ee hou ae la oia iluna o ka hoki, q nou mai ana kela i ka pohaku mahope, i aku o Pulehu, •'heaha keia ?" Wahi a Kahuhu, " Make oe ia'u," huki mai o Pulehu i ke kaula ana i manao ai he paa, ua hemo, ua kokua ka niho ma ke kala maiu ana i ka po, o ko laua kuupau iho la noia i na lima menemene ole o nei rtiea he aloha ole, maluna a malalo, (wahi a Pulehu,) a poohu kalae, kahawai ke poo, hai na lima o Kahuhu, ka mea ioi ka ikaika. Eia ka mea i pakele ai o Pulehu, o ke komo ana o4ca manamanalima o Kahuhu i ka waha o Pulehu, hoomakaukau na koa kiai o ka auwae, (he niho, o ke nahu) loaa ka pono iaia; na Pulehu aku hoi, haki na lima o Kahuhu. Nolaila, ua lanakila o Pulehu i ka ,pake a ke kaikamahine, (o ke nahu, o ka uwalu, b ka iniki) a o Kahuhu, aia i ka Halepaahao i Lahaina, me-ke kino nawaliwali, o keaha la kana hana, oka make paha ? Eia no hoi o Pulehu makai ke noho nei me ke kunewanewa, me he la ua loaa ina la oka makalii. Auhea oukou e ka poe fcu makahiki, nvai hoohalike oukou me keia kanaka, o hnalele auanei i ka la i kahi pumehana. E aloha auanei ka Lunahooponopono, a i mo)owa no, hoomoe iho no ma ka Papa Heluo Ladana. Ke hoi nei ko Hawaii malihini e kipa hale kamaaina i aina kalo mo-a. I. D. B. Leiaīia. Waikapu, Maui, Oct. 13, 1865.