Ka Nupepa Kuokoa, Volume V, Number 25, 23 June 1866 — Page 4

Ka Nupepa Kuokoa.

Olelo Hoakaka.

Ua paiia maanei ma keia pepa , ma ka olelo Hawaii a ma ka olelo Enelani , ka mele i hakuia no ka Hui Kula Sabati o Honolulu, no ko lakou halawai hoike nui , i ka la 16 o Iune ma Kawaihae . O ka leo o keia mele ua hookumuia i ka wa kaua ma Amerika e kekahi kanaka kaulana ma ia hana o ka hookumu mele, oia o G. F. Root ( Luka .) Eia   ua leo mele nei , ua paiia ma na huahelu . O ke ano o keia mau hua ua wehewehe nui ia ma ke Kuokoa no Ianuari 5, 1865. Eia no kekahi . O ke Kikokahi , ka hoailona ia o ke Poo . " Kolona "   "   " Poolima . " Koma "   "   " Pooele . " Koma "   "   " Poomana . " Kahamoe ( Kikomoe ) " Poom'lua . O ke Kaunakomu , i kauia ma ka hema o   a hua mele , e hoike mai ana ia hua mele , aia oia ma ke Kumupakoli , malalo o ke 1; oia hoi no ka papa walu malalo penei "5 ; a ina i kauia ma ka akau o ka hua mele penei 5", alaila e hoike mai ana ia , aia ia ma ke Kumupakoli maluna o ka huahelu 8.

NA HOME HAWAII.

SOPERANO - KU O ENEMI. 5 ,. 4- / 3,.5-8,.2"-8;8,.7-/6,.8-8,.5-5;5.,4-/3,-5-8,.2"-3",."-3"-2" ,. 8-/2":.5,.4-/3,.5-8,.2"-8-8,.8,.7-/6,.8-8,.6-5;3",.2"-/8,.7-8,.6-7,.5-7,.2"-/8.-.//

Mai na home kahakai , Mai na wahi pomaikai , Hui kakou keia ia hau-oli no, Na keiki o Hawaii, Me na kumu akamai , E hoomaikai a hiilani pu kakou .

 

HUI.

SOPERANO- 3"; 3"; 3" ,. 2"-8,.6-/5;8;/2";2";3",.2"-8,.3"-/2";5,.4-/3,.5-8,2"-8;8,.7-/6;8-8,.6-5; 3",.2"/8,.7-8,.6-7,.5-7,.2"/8,8;//

Ku, ku , ku , e oli kakou ! Ku, ku , ku a naue ae ! A malalo o ka hae , Hele olioli ae Mai na home, mai na home o Hawaii!

 

BANO 1; 1; 1 ,. 1- 1; 1-/1; 1; 1; 1;/ 5; 5; 1; 3;/ 5; 5; (5,4,) 3,.2-/1,.1-1,.1-1;1,.1-/4,.4-4,.4-1;1,.1-/4,.4-4,.4-5,.5-5,.5-/1. 1;

Ku, ku , ku , e oli kakou , kakou ! Ku, ku , ku , a naue ae , A malalo o ka hae , Hele olioli ae Mai na home, mai na home o Hawaii!

 

2. Mai na home mauna nei,
Mai na home laelae e,
Hui kakou keia la hauoli no;
Poe ilihune, ku,
Me ka poe waiwai pu,
E hoomaikai a hiilani pu kakou.
Hui :—Ku, ku, ku,—a pela   aku.

3. Ma ka luakini nei,
Ma na wahi hui e,
A kakou i kula'i a ao maikai,
Ke loaa nei ia makou,
I ka mane lani no,
Mai ko kakou home lani ma ke ao.
HUI:—Ku, ku, ku,—a pela   aku.

 

1

F rom our many scattered home s,
A s this beauteou s morning comes,

Honolulu' s happy children here unite;
Here we sing; our song s of praise,
Here we s hou t our merry lays,

While we start anew to battle for the right.

CHORUS —

Tramp, tramp, tramp,
the school are marching  

Sin g, sing, children, on our way !
Let each rais e a t uneful voice.
Le t all merry hearts rejoice.
'Tis t he children's glorious anni v ersa'ry day!

2

Here' s Palama and Pauoa,
  Moiliili and Manoa,

Waikiki, Makiki, old Kawaiahao,
Fort Stree t, Be th el , Punahou,
With Kaumakapili, too,

And Maemae, aloha pu kakou a pau.
CHORUS —Tramp, &c.

3

True and earne s t be our hearts,
Let us all ne t well ou r parts,

We are drillin g for t he Army of t he Lo rd !
Pressing onward for the fi ght,
Looking upwa rd for the light,           

G od will help u s ; we are leaning on hi s word!
CHO RUS —T ram p, & c .

 

Moolelo o   ka Ahahui Euanelio o Hawaii nei.
HONOLULU, OAHU, KAWAIAHAO. POAKAHI, Iune 11.

                Halawai hou ka Aha ma ka ho r a 9, A. M. e like me ka hoopanee ana, kahea ia ka inoa. Pule o Rev. J. H. Moku, lilo ka 1/2 ho ra i ka pule.
                Heluhelu ia ka moolelo ma na olelo elua a aponoia.

                Hoopuka mai o Rev. H. H. Pareka i kekahi olelo hooholo e pili ana no ka make ana o Ka Mea Kiekie Vi c toria Kamamalu Kaahumanu. A ua aponoia ka olelo hooholo.
                Hooholoia. E hoouna i kekahi kope o keia olelo hooholo i Ka Moi Kamehameha V. a o kekahi hoi i Ka Mea Kiekie M. Kekuanaoa, a o ke kolu hoi o na kope ma ka Nupepa Kuokoa.
                Heluhelu mai o Rev. S. Waiwaiole i kana hoike Kihapai no ka Ekale s ia o Waimanalo, Koolaupoko, Oahu.
                WAIHOIA NA HOIKE KIHAPAI. A lohe ka Aha i ka Hoike a ke Komite i kohoia e hoike mai i ka manao imua o keia Aha.
                A heluhelu mai la o Rev. W. P.Alekanedero ka Lunahoomalu o ua Komi t e la i ka palapala Hoike a lakou i hoomakaukau ai. Hooponoponoia e ka Aha.
                Hooholoia mahope iho o ke kukakuka ana e hoike aku ka hoike i ke Komi t e e hooponopono hou.
                Heluhelu mai o Rev. L. H. Kulika i ka Hoike Kihapai o ka Ekalesia o Kaumakapili, Honolulu.

                Heluhelu mai o Rev. Z. Poli i ka Hoike no ka Ekale s ia o Wailupe i kona noho Lunahaiolelo ana ma ia Kihapai.

                Heluhelu mai o Rev. E. Ioane i kana Hoike Kihapai no ka Ekalesia o Waioli, Kauai.
                Heluhelu mai o Rev. E. Helekunihi i kana Hoike Kihapai no ka   Ekalesia o Anahola,Koolau, Kauai.

                Heluhelu mai ke Kakauolelo i ka palapapala Hoike Kihapai a Rev. J. W. Kamika no ka Ekale s ia o Koloa, Kauai.
                Hoomaha ka Aha hookahi hora P. M;
                  Pule o Rev. S. C. Luhiau.
                AHIAHI, Hora 1 P. M.
                Hui hou ka Aha Kohoia o   Rev. J. Kauhane i Lunahoomalu e pani a hiki mai ka Lunahoomalu mau o ka Aha. Pule iho la ka Lunahoomalu.

                Heluhelu mai ke Kakauolelo i ka palapala Hoike Kihapai a Rev. J. W. Kamika no ka Ekalesia o Waimea, Kauai.

                Heluhelu mai o Rev. D. Dole i kana Hoike makahiki.

                Heluhelu mai o Mr. A. Wilikoki i kana Hoike makahiki no kana mau hana ma ke Kulanui o Waioli, Kauai.

                Heluhelu mai o Mr. D. S. Kupahu he Lunahaiolelo i ka Hoike Kihapai no ka Ekalesia o Niihau.

                No ka noho pu ana mai o Rev. J. S. Rising o ka Ekalesia Episekopa Perotesetane, Kaliponia. A ua hooholoia, e lilo oia i hoa kuka no keia Aha.
                Heluhelu mai o Mr. S. V. Naumu he Lunahaiolelo i kana Hoike Kihapai no ka Ekalesia o Hanapepe, Kauai.

                Heluhelu mai o Rev. J. Kauhane i kana Hoike Kihapai no ka Ekalesia o Kapaliiuka Kau, Hawaii.
                Heluhelu mai o Rev. J. F. Pogue i kana Hoike Kihapai no ka Ekalesia o Waiohinu, Kau, Hawaii.

                Hoopanee ia ka hana a halawai hou ma ka ho ra 9 A. M. o ka Poaha.

                POAHA, Iune 14.

                Halawai hou ka Aha ma ka ho ra 9. A. M. noho o Rev. B. W. Pareka ma ka noho Lunahoomalu, kahea ia ka Pepa inoa. Pule o R ev. J. Waiamau, a malama iho la ka Aha i ka 1/2 hora haipule.
                Heluhelu ia ka moolelo, me ka hooponopono pu, a aponoia.
                Heluhelu mai o Re v . W. P. Alekanedero ka Lunahoomalu o ke Komi t e no ka hoonaauao i ka lakou palapala no na Kula Aupuni. Ua lawe ia mai ka Hoike a ke Komi t e imua o ka Aha, a ua noonoo ia me ka hooponopono pu mahope iho o ke kukakuka ana, a ua apononoia ka Hoike a ke Komi t e .

Hooholoia. O G. P. Kauka, (Judd) Re v . B. W. Pareka, Rev. M. Kuaea ke Komi t e e hele a e kuka pu me ke Komi t e hoonaauao o ka Hale Ahaolelo.

                Hooholoia. E palapala'ku ke Kakauolelo o keia Aha ia Rev. T. Koana, me ka hai aku iaia i ka keia Aha i hooholo ai no na oihana kula, a nana no e waiho aku imua o ka Papa Hoonaauao e like me kona manao. Heluhelu mai ke Kakauolelo i kekahi palapala mai ke Keena mai o ka Papa Hoonaauao, a ua hooholoia na ke Kakauolelo no o keia Aha e pane aku no ia palapala.

                Heluhelu mai o Rev.S. W. Papaula i kana Hoike Kihapai no ka Ekale s ia o Kapalilua, Kona Hema, Hawaii.
                Heluhelu mai o Rev. J. F. Pogue i ka palapala Hoike Kihapai a Rev. J. D. Parisa no ka Ekalesia o Kona Hema, Hawaii.

                Hooholoia. No ka pilikia o na Lala o keia Aha, nolaila, ua kohoia o Rev. D. D ole, a me Rev. J. S. Emesona e hele aku a e nana i ka Hoike kula e like me ka mea i koi ia mai. Heluhelu mai o Re v . G. W. Pilipo i ka palpala Hoike Kihapai a Re v . J . W. Kupakee no ka Ekale s ia o Helani, Kona, Hawaii. Heluhelu mai o R e v . G. W. Pilipo i kana Hoike Kihapai no ka Ekale si a o Kailua, Kona Akau, Hawaii.

                Heluhelu mai o Rev. G. B. Kaonohimaka i kana Hoike Kihapai ko ka Ekalesia o Kekaha, Kona Akau, Hawaii.

                Hoike waha mai o Rev. J. S. Emesona no ka Ekale s ia o Hauula.

                Heluhelu mai o Mr. E. Kekoa he Lunahaiolelo i kana Hoike hapa makahiki no ka Ekalesia o Hauula.

                Heluhelu mai ke Kakauolelo i ka palapala a D. Puhi he Lunahaiolelo i kana palapala
                Hoike no ka Ekalesia o Hana, Maui Hikina.    

                Hoomaha i hookahi hora.

                Pule o Rev. S. E. Bihopa.

                AHIAHI,    Hora 1 P. M.
                Halawai hou i ka   pau   ana o   ka   hora 1. Pule o Mr. D. S. Kupahu.                           

                Heluhelu mai o Rev. A. Kaoliko i kana Hoike Kinapai no ka Ekalesia o Waianae, Oahu.                                                            

                Heluhelu mai o Rev. J, Waiamau i kana Hoike Kihapai no ka Ekale s ia o Lihue, Kauai.

                Hoike mai o Rev. L. Kamika i ke ano o kona hele ana'ku nei i Ame ri ka . Ua hai mai oia imua o ka Aha i ka oluolu maikai o kona kino a me ka ohana, aohe pilikia ma ke alanui hele. Ke ano o ka noho ana o na kanaka Hawaii ma Kaleponi, a me ka hana hoi a ka B ihopa o Honolulu ma Ame ri ka Huipuia.

                Heluhelu mai ke Kakauolelo i kekahi palapala mai Nu Ioka mai, Aperila 12, 1866, na Rev. E. W. Kalaka mai i keia Ahahui.
                Heluhelu mai o Rev. E. Bond ka Lunahoomalu mau o ka Aha i kekahi palapala aloha na ka Ahahui Ekalesia mai o Kaliponia ma o Rev. J. Rowela.

                Hooholoia. E hoomahuahua hou ae i na dala o ka Papa Hawaii a hiki i ka 24. A koho iho la ka Aha ma ka balota ia Mr. Church, Mr. J. Bartlett, Rev. M. Kuaea, Rev. A. Kaoliko i mau lala no ka Papa Hawaii.
                Hooholoia. E ao aku kakou i na hoahanau, na mea hoi i loohia i na m ai pake i akoakoa ma Waikolu, mokupuni o Molokai, maloko o na ekalesia a pau mai Hawaii a Niihau, e noho lakou malalo o ka malu o ka Ahahui Lnnakahiko o na mokupuni o Maui.
                Hooholoia. E lilo o Rev. W. P. Alekanedero i Komi t e e hoomakaukau i Hoike manaoio no keia Ahahui, a hoike mai i keia makahiki ae, (1867).

                Hapaiia ka noonoo ana no ka Awa, i ka imi ana o na kanaka ia mea ino, ke kanu ana a me ke kuai ana aku no hoi.

                Noi mai o Rev. J. F. Pogue, e hoapanee ka noonoo ana no keia mea ino o ka "Awa" a ka la apopo ho ra 9, A. M.

                Hoopaneeia ka halawa a ma ka la apopo, hora 9A.M.

                Pule o Rev. A. O. Forebe.

                POALIMA, Iune 15

                Hora 9 A. M. Halawai hou ka Aha, noho o Rev. C. B. Aneru ma ka noho Lunahoomalu. Pule o Rev. A. Pali. Kahea ia ka papa inoa, a malama iho la ka Aha i ka hapalua ho ra e haipule ana e like me ka mea mau.

                Heluheluia ka moolelo a aponoia.

                Hooholoia. E lilo o Mr. J. Ba r lett a me Rev. M. Kuaea i Lala no ka Papa ma ka Hapa akahi, a o Mr. Church hoi no ka hapa elua, a o Rev. A. Kaoliko no ka hapa ekolu.
                Noi mai o Rev. O. H. Kulika, e hoololiia ka Papa Hoike Helu. Hooponoponoia e ka Aha, a hooholoia ka hoololi a O. H. Kulika.
                Heluhelu mai o Rev. O. Kulika no ke Komike e hoike mai ana i ke ano nui o na ekale s ia ma kona hapa, a o Rev. E. Ioane hoi ma kekahi hapa o ua Komi t e la. Ua hooholoia, e apono aku i ka hoike a ke Komi t e .
                Hoike waha mai o Rev. E. Kowini ma ka olelo haole no kana mau hana ma kona kihapai,    ka   "Ekalesia Alanui Papu." a ua unuhiia mai kana hoike ma ka olelo Hawaii e Rev. W. P. Alekanedero.

                A pela no hoi o Rev. J. S. Rising ke Kahunapule o ka aoao Perotesetane Episekopa o Ame ri ka Huipuia, ma ka olelo haole, e hai mai ana i kona aloha nui i keia "Ahahui Euanelio Hawaii," a me kona manao hoi he hookahi no kakou iloko o ka Haku Iesu Kristo. A ua unuhiia kana hoike ma ka olelo Hawaii e Rev. W. P. Alekanedero.

                A mahope iho o ka hoolohe oluolu ana o ka Aha i ka manao o Rev. J. S. Rising, ua hooholoia e pule o Rev. T. Koana ma ka olelo haole, a o Rev. W. P. Alekanedero ma ka olelo Hawaii.                                  

                Heluhelu mai ke Kakauolelo i ka palapala a ke Komi t e e pane aku no ka palapala a Rev. Dr. R. Anesona i keia Ahahui. A ua hooholoia, e apono aku ka Aha i ka hoike a ke Komi t e .

                Heluhelu mai o Rev. H. Manase i kana hoike kihapai no ka Ekale s ia o Honuaula, Maui.

                Heluhelu mai o Rev. S. W. Nueku i kana hoike kihapai no ka Ekale s ia o Halawa, Molokai.

                Hoomaha ka Aha hookahi hora.
                Pule o Rev. S. W. Nueku.

                AHIAHI. Ho ra 1, P. M.
                Halawai hou ka Aha i ka pau ana o ka hora l. Noho o Rev. J. H. Moku   ma ka noho Lunahoomalu. Hapaiai ka noonoo ana no ka manao o Rev. D. B. Laimana , e koho. keia Aha ia Rev. J. F. Po g ue , i Kahu no ke Kulahanai o Hilo, Hooholoia.

                Hooholoia o Rev. C. B. Aneru ke Kakauolelo no ka manawa ma kahi o ke Kakauolelo mau o ka Aha.
                Hapaiia ka noonoo ana e like me ka mea i hooholoia ma ka halawai o ka la 14 no na mea e pili ana i ka mea, ke kanu ana, kuai ana a me ka nui ana hoi o na hoahanau iwaena o ka Ekalesia. A mahope ino o ke kuka loihi ana no kela mea ino, nolaila, ua hooholo ka Aha i keia mau olelo hooholo malalo iho nei.

                1. E hooholoia. Na keia Aha no e noi aku i ka Papa Hawaii, e hoomakaukau i wahi buke e hoolaha iwaena o na hoahanau, e hoakaka ana i ka hewa a me ke ino o ka mahi ana, ka inu ana a me ke kuai ana hoi o ka awa.

                I ka manao o keia Aha, he kumu hihia nui ka awa iwaena o na Ekalesia o ka Haku Ie su Kristo ma kela pae aina, a nolaila hoi, ke hooholo nei makou penei:

                2. E hooholoia. O ke kanu ana, kuai ana a me ka inu wale ia ana hoi o ka awa iwaena o na hoahanau o ka Ekale s ia , a he mea kue loa keia i ka maluhia a me ka pono o ka Ekale s ia o Iesu K ri sto ma Hawaii nei, a nolaila hoi, he pono ke ao aku, ke hookolokolo aku ; a ina e hoolohe ole mai, alaila, e hookaawale aku mai waena aku o ka Ekalesia.

                Hoopuka mai o Rev. B. W. Pareka i kekahi olelo hooholo, a ua aponoia e ka Aha.

Olelo hooholo. Ke hoike aku nei keia Aha i ko lakou mahalo nui i ka mea nana e hooponopono a e hoopuka nei hoi i ka nupepa Kuokoa, no kona hoomanawanui ana ma keia hana, a ke manao like nei na lala a pau o keia Aha, e hooikaika a e paipai aku hoi i mahuahua ka laha nui ana o ke Kuokoa a me ke Alaula iwaena o na kanaka, makua a me na kamalii o keia Pae Aina.

                Heluhelu mai o Rev. D. B aluina , ke Komi t e i koho ia e noonoo i ka hoike a ka Papa Hawaii. A ua aponoia ka hoike a ke Komi t e .

                Hoike mai o Rev. J. S. Emesona no ka Pae Aina o Maikonisia, no ka hoouna hou ana i mau elele e hele ia Pae Aina.

                Hooholoia. E imi ka Papa Hawaii i mau Misionari no Maikonisia, 4 a i 5 paha me na wahine kupono e holo aku ma Hokuao hou i kona manawa e hiki mai ai.

                Hoopuka mai o Rev. O. H. Kulika i kekahi mau olelo hooholo, a ua aponoia e ka Aha.
                1.    Hooholoia.     Ke paipaiia nei na    Kahu a me na Ekalesia e malama i ka Poaha hope o Feberuari, i la pule no na kula o kela ano keia ano, a me na kula nui ma keia Pae aina.

                2.    Hooholoia.     Ke paipai aloha aku nei keia i na Kahu Ekale s ia a pau i huiia malalo iho o ka malu o keia Aha, e malama i ka hebedoma mua o Ianuari, A. D. 1867, e hoomaka ana mai ka la Sabati mua oia ka la 6, a hiki i ke Sabati hope, oia ka la 13, i hebedoma pule hoomau me ka nonoi aku i ke Akua e kukulu i kona aupuni ma ko Hawaii nei Pae Aina, a ma ka honua hoi a puni.

                Hoopuka mai o Rev. T. Koana i kekahi olelelo hooholo e pili ana no ka "Mare," a ma ke kukakuka ana o ka Aha, ua hoopanee a ka noonoo ana no ia mea, a halawai hou ka Aha ma ka hora 9 A. M. o ka Poakahi.

                Hoopaneeia ka hana a halawai hou ma ka Poakahi, Iune 18. i ka ho ra 9 A. M.
                  Pule o Rev. J. Kauhane.
                POAKAHI June 17, 1866.

                Halawai hou ka Aha ma ka hora 9 A. M. noho o Rev. B. W. Bareka ma ka noho Lunahoomalu, pule o Rev. G. W. Pilipo, kahea ia na inoa, a malama iho la ka aha i ka 1/2 ho ra haipule.

                Heluheluia ka moolelo ma na olelo elua, a aponoia.

                Hooholoia, na Rev. Daimana e pai i ka palapala pane a keia aha ia Rev. Dr. R. Anesona, ma ka nupepa Friend.

                Hooholoia. E pai ia ka palapala a ke Komi t e o keia Aha no na kula ma ka " Nupepa

Kuokoa."

                Hooholoia. E pai ia ma ka Nupepa Kuokoa ka palapala a Rev. Io s epa Rowell o ka Ahahui o Kali f onia .

                Hooholoia. E pai ia ma ka nupepa haole " Friend," na hai ao a Rev. D aimana , a me Rev. E. Bond.

                Hoopuka mai o C. B. Anaru i kekahi mau olelo hooholo, a ua aponoia.

                1.    E hooholoia.     E noi kakou i ka Papa Hawaii, e hoolako mai i na Baibala, a me na B uke liilii olelo pake.

2.    E hooholoia. Na na kahu Ekale s ia kahi i akoakoa ai na pake e noho ai e   koho i kekahi mau hoahanau haipule io, kupono e hoolaha i keia mau Ba i b ala iwaena o na pake, a e kamailio e hoohuli hui ia lakou i ka pono o K rist o .

                Hapai ia ka noonoo ana no ka mare e like me ka mea i hoopanee ia.
                Hoopuka mai o Re v . H. H. Pareka i kekahi mau olelo hooholo, a ua aponoia.

                1.    E hooholoia. Aole e ahewaia kekahi o keia Aha, ke hoole oia i ka mare aku i ka poe i ae ia e ma re ke ike ia he hewa ia ma re ana.

                2.   E hooholoia. He mea pono ole i kekahi o keia Aha ke mare aku i ka poe i imi i ka palapala oki mare o ka manao kolohe wale iho no i loaa ai kekahi hoa e ae.

                Noi mai o Re v . J. F. Pogue, he mea pono i keia Aha e koho ae i wahi Komite, a e noonoo no keia mea, a hoike mai i ko lakou manao imua o keia Aha i keia makahiki aku A. D. 1867.
                Hooholoia ke koho Komi t e ana. A eia na Komi t e Rev. W. P. Aleka nede.ro , Rev. J. F. Pogue, a me Rev. D. B aluina.
                Noi mai o Rev. T. Koana, e hoolilo keia Aha i hapalua ho ra haipule i ke Akua mamua o ka hookuu ana o ka aha, alaila e hoopaneeia keia aha, a halawai hou ma ka Poalua mua o June. A. D. 1867. Hooholoia.

                A malama iho la ka aha i ka 1/2 ho ra haipule i ke Akua, e like me ke noi a Rev. T. Koana.

                A mamua aku o ka malama ana, hoopuka mai la o Rev. E. Ioane i kekahi olelo hooholo, a ua aponoia.

                Hooholoia ke aloha aku nei keia Ahahui i na hoahanau kamaaina o Honolulu, a me na wahi e kokoke mai ana. no ko lakou hookipa maikai ana mai i na lala o ka Aha, oiai lakou e halawai makahiki ana.
                Hoopanee ia a halawai hou ma ka Poalua mua o June, o ka A. D. 1867.

No na Lio a me ka maalea o na Kanaka.

                Ma kekahi o na nupepa i hiki mai nei mai Kapalakiko mai i keia mau pule iho nei. ua ike iho makou i ka manao a kekahi haole i haku ai no kakou Hawaii nei, no kela poo e kau ae la maluna. O ka inoa o ua haole ia o Mark Twain. He mea kakau manao ia no ka nupepa e oleloia nei (Sacramen t o W eekly Union, Saturday. April 28, 1866.) a penei kana :

                " Aohe hale lio hoolimalima ku mau ma Honolulu nei, a aole no hoi ma na wahi e ae a pau ma keia aupuni, aia wale no a launa oe me ka poe waiwai, ka poe lio maikai no ia. Ina oe e hoolimalima i ka lio mai na kanaka mai, e loaa no na holoholona ino loa. O keia lilo keia lilo au e hoolimalima ai, ina no kanaka, a no ka haole paha, aohe no he mau lio kupono, e manao nui ia aku ai, no ka mea, ua lawe ia mai mai na aina i mahiai ia. a ua hoounaunaia i kela hana keia hana oolea. Ina no aole i hooholoholo na mea ponoi nona ka malama ana i ka lio, i kela la keia la a kokoke e make, ei ae no ua poe nana e hooholo malu mai. Pela ka haiia ana mai ia'u. O ke kumu e inoino loa ai, oia no ka loaa ole o ka manawa e ai ai ka lio nui, hoomaha a palaki ia ai, a pela mau no na malihini, e puni wale ai ke hele a puni ka mokupuni, e like me a'u i kau ai maluna o ka lio i keia la.

                I ka hoolimalima ana i ka lio me na kanaka, e makaala loa kou mau maka i ka nana ana ma o a maanei, no ka mea, he hiki no ia oe ke hoomaha kupono, a ke manao ae e launa oe me ka maalea o na hana apiki a ka poe kokua nui ma ia hana. He hiki no ia oe ke waiho hoohamama wale i kou puka komo, a ke ki ole hoi i kou pahu lole, e like me ka loihi i kou makemake, a aole no ia e lalama wale mai ana i kou waiwai ; aohe no na manao kolohe, a aohe no hoi e makemake e powa wale aku ia oe, ke nui no kau dala ; aka, ina e hoopapa aku ma ke kalewa lio oe a puka kela mamua ou, e ao oe o ike oe i ka ai a ka Hawaii, oiai, he hana maa ia i kanaka. He hiki iaia la ke kaki kaulele hou mai ia oe, ina e hololea ana kana hana maalea. He hiki iaia la ke hoolimalima mai i kekahi lio maikai loa i ka po me oe, ina no kekahi mea, a no ka Moi paha, ka hemahema ka nana ana i ka lio o ke alii, a e lawe mai no ia i ka hoahele ia oe e kuu wahi lio, o Oahu ke kakahiaka a e paio mai no auanei ia me ka olelo mai o kahi lio no keia. A ina oe e hookolo kupaa aku me na maka huhu, e i mai no auanei kela, aole owau ka mea i hoolimalima pu me oe, aka o kona kaikuaana. "I hele aku nei ma kuaaina i keia kakahiaka." He nui wale ko lakou mau kaikuaana a pokii paha, a maluna no ka o lakou kekahi mana hooponopono ana.
                A penei kekahi wahi olelo hoinainau a kekahi o keia poe i kekahi la :

                " Ua ike no au, ua hoolimalima aku wau i keia lio mai a oe mai, no ka mea, ua ike au i ka linalina o kou mau maka."

                A penei ka haina: "O ae, o kuu kaikuaana owau like pu maua he mau mahoe maua ! " A eia mai ka hana maalea e pau ai na niho i ka hakahaka i ka aka.
                O kekahi hoa'loha o'u o J. Kamika kona inoa, inehinei ua hoolimalima oia i kekahi lio mai ke kanaka mai. Ua haawi mai ua kanaka la, he lio maikai kona, aka o ua hoaaloha nei o'u, he noho lio no   kona a me ka pale-lio nona iho. Hoole mai ka haole, i ka noho a me ka pale mai ka lio aku, hoopaakiki no ke kanaka Hawaii. No ka makemake nui loa o ka haole i kona noho iho, nolaila, imi maalea iho ua kanaka la. A i ka manawa i aui ai o na   maka o ka haole ma kahi e wehe ino ae la ke kanaka i ka noho o ka lio, a kau iho la i ka noho a ka haole i makemake ai, aole nae i wehe i ka pale-lio.

                I ka haole i holo ai a kekahi wahi e aku, wehe a e l a ia i ka noho a haule ilalo, a i kii aku ka hana i ka pale, ua pipili loa i ke kua o ka lio, no ka   mea, ua puka ke kua. No keia hana maalea, a   hoomainoino no hoi i ka holoholona a ke kanaka Hawaii, nolaila, ua kakau aku oia i Ame r ika , a ua hoolaha laula loa i ko kakou kee. A no ko makou ike no hoi, ua oiaio na mea i haiia maloko o ka nupepa, nolaila, ke kau leo aku nei makou i ko makou poe makamaka kalewa lio, mai hana hou me keia, o lawe hou ia no auanei kakou a imua o ka Lahui lehulehu wale o na maka nana, a ilaila kakou e hoohilahila ia'i. He mea iki paha ia, aka, ia makou, he mea nui ka lawe pu ana'ku i ka Lahui holookoa, ma ia hana hoomainoino holoholona.

 

LAAU LAPAAU
AIA MA KAHI O
KAKELA ME KUKE
Ma Honolulu.

J . T. GOW ER. - Makawao , M aui.
J. D . HA VEKOST .- W ailuku, Maui
C . H. WE TMORE. -   Hilo, Hawaii.
J. W. SMITH. - Koloa, Kauai.

 

HE   LAAU KAHIKO, A HE MAOPOPO NO HOI.
Laau hoopau Naio me na Koe, A DR. JAYNE.

 

                HE NUI NA PILIKIA O KAMALII I KA Nalo a me ke Koe , a pela hoi na kanaka makua .   O ka hope oia mau mea kolo , oia ka lolo .   Oia mau mea kolo hope oia ka lolo , a o ka make hoi i kekahi manawa , a nolaila mai io mai e ae kekahi , e eke me ka lepo paa , ulaula , pehu , ule ulepa me na mai e ae .
                O ka Laau no keia e pau ai ua mau mea ino nei . Eia hoi kekahi .   O ka laau ku pono keia i ka oe pilikia i la wela o ka houpo i ka ono ole i ka ai ; i ka nawaliwali o ke kino , i ka mai pehu , i ka nalulu hoopailua : i ka pono ole o ka moi wahine,a me na mea like.
                Penei no e lau ai i ka Laau hoopau Naio me na Koe :

                Ina   no kamalii , e hanai aku i hookahi hapakolu o ka punaki , i ka manawa hookahi no ke keiki malalo iho o ka makahiki hookahi.   Mai ka makahiki hookahi a hiki i na makahiki ekolu , elua hapakolu o ka puna ka pono .   Mailaila'e a i na makahiki eono, hookahi no puna okoa ka pono , a mailaila aku a i ka wa kanaka makua , e hanai i elua , a i ekolu paha puna i ka wa hookahi.   I ka wa e inu ai , e hui i ka laau me ka pa ha o ka wai maoli .   Oia hoi, ina hookahi ka puna laau , alaila , e huila me na puna wai maoli eha ; a pela no e inu ai ma ke kakahiaka , awakea a me ke ahiahi .   Aka , i nui ka pilikia , alaila , pono no elima inu ana i ka la, penei ; kakahiaka , kiekie ka la, awakea , auwi ka la, ahiahi .

                E inu mamua o ka ai ana , aole kokoke mahope iho .

Laau hoopaa Hi a Dr. Jayne,

JAYNE'S CARMINATIVE BALSAM.

                He laau maikai a oluolu hoi keia no ka Hi. ka Nahu , Nalulu , Wela o ka Houpo , Haoa , Hoopailua wai e, Luai , Luai moku , ono olo i ka ai .   Nahu me ka uwe no hoi o na keiki uuku , a me

na mai like he nui .

                Emo ole ka oluolu o ua mau mai nei i keia laau .

                Penei e inu ai , i ka inu ana hookahi .   Ina he keiki akahi paha ona malama , a ehia paha , he umikumamalua paha kulu a hiki i ka iwakalua ka pono .

                Ina he keiki mai na malama eono a hiki i na malama ewalu , he hapalua puna ki ka pono .   Mai ka makahiki hookahi a hiki i elua , e inu no ia i puna ki okoa .   Mai ka hiku a i ka walu o ka makahiki , elua puna ka pono , a no kanaka makua , he puna nui ka e inu ia i ka manawa hookahi .

                A inu ea, e hui me ka wai maoli uuku , (a like a like ka wai me ka laau ,) a pela e imua ae ai .   Ekolu ,   eha elima paha iau ana i ka la hookahi , e like me ka nui o ka pilikia .

                I akaka nae .    Ina he nui ka wela , a ma ua komo kekahi ai pono ole iloko o ka opu , e aho e moni e mamua i mau   Ola , a i ole, e inu i wahi paakai , a i wahi aila paha , i hemo e Ola, a lele , e inu i waha paakai , a i wahi aila paha , i hemo e ka mea ino oloko , alaila e inu i keia Laau hoopaa hi.
                Ina e luai ka mea mai , mahope o ka inu ana i ka Laau a pau a i ka luaiia , e hanai hou aku no e like me mamua a pela no a pinepine , a oluolu hoi ko loko , a waiho malie no hoi ka laau ma ka opu .

                Aohe a makou mea e noi aku ai i ka lehulehu , hookahi wale no o ke kauoha aku ia lakou e HOAO PONO   i na

Laau Kunu a Kauka Jayne,

hoike aku ai i ke ola o na mea a pau i hoakakaia no kana mau l aau .   Ua hooia , a e hiki ana no ke hoola i ka mai

KUNU, NAHU, a me ke ANU,

a me na mai e ae no hoi he nui wale: a o na mai HOKII no hoi i ola nui , na mai i oia ole i na laau e ae .   E aho e hoao oukou e ka poe i mai ia.

HE KUHA KOKO ANEI KOU?
HE KUNU ANEI KOU?
HE EHA ANEI KOU KANIA-I?
HE KUNU UMII ANEI KOU me ka NAE?
AOLE ANEI OU MAI KUNU?
AOLE ANEI   OU MAI   NAENAE?
AOLE ANEI OU EHA MA KA umauma?
AOLE ANEI OU   KUNU KALEA?
AOLE ANEI OU HU MA KA iwiaoao?

 

A ina ua loaa ia oe ia mau mai , alaila , e ike oe i ke ola i ka

LAAU KUNU a Kauka Jayne.

 

NA MAI HOOPAILUA.

Mai o ke Ake !

Mai Nalulu a me ka mai Dyspepsia.

(O ka nawaliwali o ka puu hoowali ai , iloko o ko kakou mau waihona ai .)

He pono ke ai koke i ka laau a Huaale Ola a Kauka Jayne, he laau oluolu , a he ola no hoi.   Aohe no he mai i nele ke makemake i na laau hoonaha ; a mai nui no hoi ka poe e ola ana , me ka oluolu no hoi, ina e hoomaopopoia , a e inu ia no hoi ua mau laau la.   Aole no e oluolu pono kekahi mea, oiai e inoino ana oloko o kona kino ; a ua ulu nui ae no hoi ka mai , a i kekahi manawa aa make no, a ina e malama pono ia a e inu hoi i na Huaale Naha, alaila , oia no.   No ka hooiaio ia ana mai o keia mau mea, nolaila , ke hoolaha ia aku nei ka Huaale Ola a Dr. Jayne. Me ka hiki ke hooia'ku i ka maikai , a na ka hoao ana i hoike maopopo mai i ka oi o ke ola o keia laau mamua o na laau e ae , a me ka maikai no hoi o ka inu ana , a me ke ola maoli no hoi. A ina no e inu ana ia laau , aole no he mau mea i hookapuia , oia ka ai ana a me ka inu ana .   Aole e ino ke waiho loihi , no ka mea, ua hanaia no a maikai loa .   A ina e inu ia ua hikiwawe loa ka hehee iloko o ka pou waiho ai .   Ma ka inu ana ma ka haawina liilii , he maikai loa no ka naha ana , a he oluolu no hoi, a me ka holoi pau i ke ino oloko o ka opu .

DISIPEPESIA.

(Oia ka mai ono ole o ka ai i kekahi manawa , a me ka hoowali pono ole ia hoi o ka ai iloko o ka puu moni ai .)
O keia Huaale Hoola a Kauka Jayne, he maikai loa no ka hooikaika ana ia mau oihana o ko kakou mau kino .   Ina ua loihi loa ka mai ana , alaila , e hikiwawe ke oia ke inu puia ka

Huaale me ka Laau Hoomaemae Koko

a hoopau NAIO me na KOE,

A Kauka JAYNE,

e like me ka mea i kuhikuhiia mawaho o ka wahi o ka laau .

NO NA MAI MA KE AKE, MAI LENA,

MAI MA KA OPU HANAWAI, NA MAI WELA, KA HAALULU,

KA MAI O KA ILI, KOKO INO,

MAI N ALULU,

PAA O KA LEPO,

MAI KUNA,

MAI   WAHINE, ame ka MAI HOOPAILU A.

Ua maopopo loa ke OLA o keia mau HUAALE.   A o ka mea wale no i koe i ka lehulehu o ka hoao pono ia mau hua .   A he maikai no hoi na laau o Kauka Jayne, no ka hoola ana i na mai

PUHA,

ALAALA,

KAOKAO, PUUPUU, PEHU,

KUNAKUNA, Hanene, Lolo,

ina mai wahine , a me na mai e ae , no ke KOKO a inoino mai no i kana

LAAU HOOMAEMAE KOKO.

214-1 y.