Ka Nupepa Kuokoa, Volume V, Number 43, 27 October 1866 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa.

 

Ka  Punawai  Huihui

(THE COOLING SPRING.

                                                 GOLDEN CENSER.

 

  1. Punawai maikai. nona mai ka wai.

         Me ka uii i ikea nei.

      Olu e no kou wai. me he mele ia nae,

          Koa kakahe ana mai.

Cho. Kani kani. wai liilii,

            Aole maa, nole mau.

         Kani, kani, wai liilii.

             Aole mau no no'u.

  2. Panawai maemae, nani kou puai,

          Kahe mau ke kahawai ou,

      Hanaia ma ke ao, kulu liilii a mau.

          Ma ka ua a ma ka hau.

Cho. Kahe, kahe,  wai maemae,

          Kahe mau, kahe mau,

      Kahe, kahe, wai maemae.

         Kahe mau no no'u.

  3. Mana ole anei keia wai maikai,

          Mana no a he oli no'u,

       I ke kakani mai, i ke kahe aua'e,

          I ke kuilo lo oli mau.

Cho. Oli, oli, wai liilii.

           Aole mau, aole mau,

        Oli, oli, wai liilii.

            Aole mau no no'u.

  4. A e inu wau i ka wai humau,

         O ka punawai hoi nei,

       Me ka hoonai pu i na kulu wai ou,

           I olino a ola e.

Cho. Kahe, kahe, wai maikai,

           Kahe mau, kahe mau,

         Kahe, kahe, wai maikai,

           Kahe mau no no'u.

                                                 HAWAII.

 

He Moolelo no ka poe i pepehi

ia no ke kupaa i ka

Manaoio.

HELU 11.

 

KA LIMA O KA HOOMAAUIA ANA O KA POE

 KRISTIANO, I KA WA I NA EMEPERO O ROMA.

            I ka M. H. 191.  make iho la o Komodo ( Commodus ) ka Emepero o Roma, mahope iho o kona make ana, noho mai la o Pelekinaka (Perimax) i Emepero, aka aohe i liuliu kona noho Emepero ana, make iho la oia, a i kona make ana, noho koke mai la no o Iuliano ( Iulianus ) i Emepero, aka pokole wale kona noho ana ma ia wahi a hala aku la, a mahope iho o ko Iuliano make ana, oia ka M. H. 192, lilo koke ae la ia wahi ia Kewelo (Severus.)

            I ko Kewelo loohia ia ana i kekahi pilikia  kuhohonu a ka mai, na kekahi  Kristiano oia i kaohi mai, mai kona hele ana aku i ke ala hoi ole mai, a noia mea, piha loa iho la oia i ke aloha i ka poe  Kristiano, a no ia punahele o ka poe Kristiano iaia, nolaila ua haawi oia i kana keiki na kekahi wahine Kristiano e hanai, o ka moa o ua keiki la o Kalakala ( Caracalla ).  I ka wa e noho alii ana na Emepero. oia o Pelekina a me luliano, no ka mea e laua no na Emepero mahope iho o Komodo make ana.  I ko laua nei wa  e noho Emepero ana,  ua maikai loa ka poe Kristiano,  ua maluhia  loa lakou,  aohe hopuhopuia a hala kekahi mau makahiki.

            Aka maia hope mai Lopu ino iho la ka poe kanaka hupo, a manao iho lakou e kau i kanawai, i mea na lakou e hoahewa ai i ka poe Kristiano, a ua hana io ia no pela.

            A no ka holo loa ana o ka hana a ka poe Kristiano i mua, kau mai la ke ano o ka poe pegana, a hoala hou ae la lakou i kekahi mau hana lihaliha, a niania wale no hoi i ka poe na lakou e hoohuli ana i Kristiano, a maia hope mai, ili mai la na hoopai mainoino, a weliweli no hoi maluna o ka poe Kristiano. a penei iho na ano hoopai no lakou; o ke ahi, o ka pahikaua, o ka  hili i ke  kaula, o na holoholona hae, a me na hoopaahao hoomainoino, a lokoino no hoi, a me keia mau mea iho la e hoopaiia ai ka poe  Kristiano, o na kino kupapau no hoi kekahi o ka poe Kristino,ua huaiia mai mai loko mai o na luakupapau, a e holeholeia na iwi oia poe.

            I ka hiki ana mai o keia meu hana lokoino a pau loa, nohe ia ho mea e pio iho ai ka hana a ka Haku, a iloko oia pouliuli a me ka weliweli lua ole no hoi o na hana a ka poe pegana, e ikeia aku ana no ka hana a Kristo, i ka anapa mai, a i ka alohi mai no hoi i loko lilo o ke poluluhi o ka poeleele o na hana a ua poe hoole Akua la.  E ku ana ka hoomana Kristiano me he aalii ku makani 'la ka hina ole i ka makaui ikaika he Hoolua. a me he hale la i kukuluia maluna o ka pohaku, ka oni ole ke pa mai ka makani, a ko nou mai hoi ka ua, a ke kahe mai ka wai, aole loa e hina, wahi a ka "Palapala Hemolele, " no ka mea, ua kukuluia maluna o ka pohaku, a e like no hoi me kekahi pukoa nui i ka moana, e noke ana na ale a me na nalu i ka hoonaueue iaia, aka aole e eu he ku na ka mea kumu.  Nolaila he naue ole a he oni ole ko ka hooinana Kristiano, e alo ana i na kuaua, na kikiao makani, na wai kahe, na ale, na nalu, a me na hana lokoino no a pau a ka poe pegana, aole oia e kuia i keia mau meu, a kueini mai i hope, aka e hele ana no oia imua, e like me ka mea i oleloia nei "Ko e heke. "  la wa e noho ana kekahi kanaka o Kelekuliana (Teriullian) a ua olelo oia, ina e haalele ka poe Kristiano a hele aku mai Roma aku, ina ua aneane e pau loa kolaila poe kanaka i ka hoopioia.

            O kekahi kana o Wikoa (Victor) kona inoa, he kahu ekalesia oia no Roma, ua pepehiia oia i ka makahiki mua o ke Kenetuma ekolu. eia hoi ka M. H. 201.  aka, o ka mea e akaka ai nohe i moakaka lea.

             O Leonida (Leonidas) ka makuakane o kekahi Origena (Origen kaulana) ua oki ia kona poo. oiai he Kristiano oia.  Mamua ae o ka make ana. kakau aku la ke keiki iaia. i mea e hoolana ai i kona manao. a penei. "E makaala oe, o manao ae anei oe no ko makou make aku mahope. o kou ano e make ala, a olelo iho oe, e haalele oe i kau mea e hilinai nei. mai hana oe pela, e hele aku no imua."  He nui wale o ka poe Origena i lohe i keia mau olelo. i make no ke kupaa i ka manaoio.  He mau hoahanau elua o Pelukaku (Plutarchus) a me Sereno (Serenus); o kekahi poe hoi, Sereno (Serenus) o Herona (Heron) a me Heiakike (Herachdes), ua oki ia ke poo o keia poe a pau.  O Rai (Rhais) kekahi he wahine, ua ninioi ia kekahi kepau wela ia luna o kona poo, a ua wela loa, e like no hoi ine kona makuahine me Maiekela (Marcella).

            O Potamiena (Potamiena) ke kaikaina o Rai. ua pepehiia no e like me Rai, aka, o Batilide (Basilides), he luna nui no kekahi puali koa, a ua hoohuli ia oia Kristiano ma kona pepehi ana iaia.

            Olelo iho la o Patilide me ka hoohiki pu iho, aole loi oia e hoohiki hou ana ma ka inoa o na akua kii o Roma; oiai hoi ua haaiele aku oia ia lakou, a eia oia ma ka aoao Kristiano.  Aohe i manaoio loa na kanaka i kana olelo ana pela, aka, ua kahaha ko lakou manao, no kona ano e loa, aohe i liuliu iho, kauo ia kula oia imua o ka Lunakanawai, hooleiia iloko o ka hale paahao, a mahope mai okiia ihola kona poo.

            O kekahi kanaka o Ilenio (Irenaeus) kona inoa, he kahu ekalesia oia no Liona (Lyons). Ma Helene (Greece) kona wahi i hanau ai. a ua ao ia oia ma ka hoomana Kristiano, a ua maoaoia nana no i kakau na mea e pili ana i ka hoomaauia ana o ka poe Kristiano ma Liona.  Ua noho iho oia ma kahi o Pokino (Pothinus) ke kahu ekalesia mua o Liona.  He kanaka ikaika loa oia i ke pale ana aku i na kue, e kue mai ana i ka poe Kristiano, a i ka M. H. 202, oki ia kona poo.

            O kekahi keiki opiopio o Akepeko (Agapetus)  kona  inoa,  he keiki no Italia, a he umikumamalima wale no mau  wahi makahi.  I kona wa i olelo ia mai ai e mohai aku i na akua laau o lakou, aka, ku aku la oia me ke ano koa, a olelo aku la i ka poe na lakou oia i olelo mai e mohai aku, a penei kana i olelo ai; "Aole au e ae ana i keia mau kuli nawaliwali e kukuli aku, a e mohai aku imua o keia mau mea, no ka mea, heaha ka waiwai o ka pule ana aku i keia mau pauku laau, a o na laau no keia a kakou e hoa nei i wahie."  A no keia olelo ana a ke keiki pela, huhu ino loa iho la ka poe no lakou ua poe akua kii nei, a hili aku la lakou iaia me ke kaula, alaila, li ia ae la ua keiki nei iluna ma na wawae, a nininiia iho la kekahi wai wela, e paila ana  maluna ona, aole no oia i make e  ia wa.  mahope iho kiola ia aku la oia, a na na holoholona hae e hanaino mai iaia, a no kona make ole no, oki maoli ia ae la kona poo, a make aku la oia me ke aloha nui.  O kekahi lunakanawai hoi.  i ka wa o hoomainoinoia ana keia keiki, haupu ne la kona aloha iaia, a hooho aela oia me ka leo nui a me ka uwe ana, a mehe mea ala ua a ia kona opu  e ke ahi, a haule mai la oia mai kona noho mai a hele aku la i ka huakai koolua ole, i kahi hoi a kakou a pau loa e hele aku ai ke  piha ko kakou kiaha, ina paha he pono, a he hewa paha.

 

No na akua kii i oleloia maloko o

o ka Baibala.

HELU 3

NO ATIMESI OIA O DIANA A ME MOLOKA.

            I ka wa a Paulo ka Lunaolelo e hai ana i ka olelo maikai a Karisto ma Epeso i ka makahiki 59, ua ala  mai ka  hoopaapaa no ka hai ikaika ia ana o ka olelo oiaio a Karisto.

            Ia manawa o Diana ke akua wahine e hoomana ia ana ma Epeso, a he halepule  maikai loa kona; ua olelo  ia,  oia kekahi o na mea ku panaha ma ka honua nei.  O keia halepule he 425 kapuai ka loa, 220 kapuni ka laula, a ua kau ia maluna o na kia pohaku Mapela Parisana he 127.  He 60 kapuai ke kiekie o ke kia hookahi.  O loko o ua halepule  la, ua kinohinohi ia i na mea nani loa e na paahana akamai loa o ka wa kahiko.

            O ka poe hoomana ia Diana he nui loa ke nele mai, no ka mea, he hele mai, mai kela wahi keia wahi mai o Asia  Uuku a i Epeso e hoomanaai me ka hoohaahaa  ia lakou iho i mua o oa aku wahine  la, a i manaoio ia, ua haule mai oia mai a Dia mai.

             Ma ka hoohalike aku i keia poe, ua maa lakou i ke kuai aku a me ke kai hele pu ana me lakou i na kii liilii o ka halepule, i hana ia me ke dala.

            I na laha nui loa ka olelo oiaoio a Kariso, pau koke ka hoomana ana ia  Diana, a aohe la e nui ka poe kuai aku i na kii  liilii o ua halepule dala la i hoohinuhinu ia e na lima kanaka.

             O Demeterio hoi ka mea i hana hui i ua mau kii liilii nei o ua halapule la, i paa hele na kanaka, inaioa loa iho la ia, a kauoha aku la i ka nui o ka poe i ike ia hana. I ko lakou akoakoa. ana. hai aku la ia ia @ak@ ke hoopau mai nei o Paulo i ka kakou hana o ka halepole o ko kakou akua wahine nui ua ino ioa, a e neoneo ana.

             I ko lakou iohe ana i keia, piena ae ia lakou a nui ioa iho la ka haunaele ma ke kulanakauhale a puni, a ma na wahi a pua. aua lohe ia ka uwa ana:  "Nani o Diana o Epeso."

            O Diana he kaikamahine ia na Dia, a he kaikuahine no Apolo.  I kekahi manawa, ua hoohalike ia oia me he wahine alualu holoholona hihiu la, ua hoelako oia ia ia iho me ka pua. kakaka. a holo aku maioko o ka ulunahele e imi i na holoholona hihiu.  Ua kapaia oia i kekahi wa. he mea pepehi dia.

            O kona kii i loko o ka halepule.  ua like me ke kii o ka inea i make a ialoa ia.  He Lei Alii ma kona poo; aka malalo iho o kona kino ua like me ke kii nunui  o Aigupita i hoohuii ia o laio i luna, a o luna i lalo, a ua wahi ia me na hiohiona o na holoholona uliuli lipolipo.

            Ua manao wale na kanaka o Asia. na ua akua wahine nei, i hooulu nui mai i na kanaka, na holoholona a we ka honua.

            I ko Setepano haioleio ana i mua o ka poe ludaio mamua iki iho o kona hailuku ia ana i ka pohaku, ua hoopuka ae oia no  Moloka a me Remepana.  Penei kaua mau huaolelo: " Ua kaikai no oukou i ka halelewa o Moloka a me ka hoku o ko oukou akua o Remepana, i ka kii  a oukou  i hana ai,  i mea e hoomana aku ai."  Oihana 7:43.

            O Moloka he akua kii ia no ka poe Amorita, a ua hana ia me ke keleawe me ke poo o ka pipi a me kekahi mau lala o ke kanaka. Ua hakahaka pu ke kino. a i ka wa e mohai ia ai ke kanaka, ua hoa ia ae imalalo i ke ahi; a o na kamalii e makemake ia ana e mohai aku, e kau ia maluna o kona mau lima.  A i ka wa e haule iho ai pau i ka a ia ae e ke ahi a o ka pau no ia i ke ahi.   Mainoino no hoi ka hana a ka poe naaupo.  O ia iho  la paha ke ano o keia olelo ana maloko nei: "O ka hele ana aku maloko o ke ahi i o Moloka." E loaa no na olelo ano like ma Oihk. 18: 21, 2 N Lii 23: 10.  a me Ieremia 92:35.

             Pela iho la keia poe e hoolaulea ai i ua kino ola o ka lakou mau keiki, no na akua kii i hana ia e na liaia kanaka; a e loaa no ma 2 Oihalii. 28: 3.  Halelu  106:378 38 a me Ier. 7: 31, na olelo e pili ana no ko lakou hoomainoino ana.

            O Moloka ua like no ia me  Milekoma 1 Na'lii 11: 5, a me 2 Na'lii 23: 13, a aia ao hoi ma ler. 49 : 1; 3.  A ua like pu no hoi me Baala; Ier. 32: 35; 19: 5.  O Moloka, ua manao wale ia, oia no ka Hokuhele Saturene i hoomanaia e ka poe Kakeginia.

             Pehea ka nui o ke aloha o ko kakou Makua nui i loko o ka lani, ka mea i kauoha ole mai ia kakou  iloko o ka  pepehi  inoino loa e manaonao ai!

            No na mea e pili ana ia Remepana aohe i ike pono loa ia.  O Remepana, he inoa ia o Saturene ma ka olelo  Aigupita; a no ia mea, ua manao wale ia no, o ua Hokuhele la no ka mea, i olelo ia nona.

 

Ka aha Euanelio o Hawaii Hikina.

                                               HILO  HAWAII  

                                        Okakopa 8, 1866.      

            I ka Luna o ke Kuokoa ke aloha o keia Aha.

            Ua halawai iho nei keia Aha Euanelio, o Hawaii Hikina, ma Hilo Hawaii ma ka la 3 iho nei o Oct. ua mau o ka halawai ahiki i ka la Elima.

            Eia na la la i hiki mai o J. Kauhane kahu no ka Ekelesia o ka Pahiuka Kau, a me Mahihila ka elele no ia Ekelesia, o Mokapu he elele no ka Ekelesia o Waiohinu Kau, a o Rev. T. Koana; Rev. D. B. Lyman; o Paulo; a me Kaawa no Hilo; a o Kauka Wetemore; o Rev. T. Pohano; no ka Ekelesia, Hakalau Hilo.

             Eia hoi na keiki a Kaaha; o Makuakane; Hanai; Kaapa Pahio oia na keiki i loaa mua na Palapala hai olelo; a ua noho lakou  ma kekahi mau Ekelesia o Hilo me Puna, a Nalimu, Kane, Paila, no Hi'o no, o Hanu, no Kau.

            He nui no hoi na hoahanau ai akoakoa mai iloko o keia mau la.

            Koho ia na Luna ; Rev. D. B. Lyman Luna hoomalu; J. Kauhane Kakauolelo.

            O ka hana mua a keia  Aha oia no ka nonoi nui ana aku i ke poo nui o na Ekelesia e kokua mai ia makou ma ka noonoo ana i na mea e pono ai kona mau Ekelesia, a ua hoomau ia hana i na la halawai o ka Aha, a i ka nana ana ua lana ka manao no na hana i hooholo ia, malalo iho paha o keia kumu manao nui no.

            Ua hoomalu iaka Aha me ka lokahi o ka manao ma na mea apau i hooholo ia e ka Aha.

            Ua ae ia ka haawiana i ka palapala haiolelo i kekahi mau keiki a Kaaha; o Hanu; no Kau; noho haumana oia ma ke kula o Alekanekelo; o Hanaloa, Kauka, Balenapo; no Hilo lakou, i ka makahiki hookahi; a ua haawi hou ia ka palapala haiolelo, ia Hanai, e noho haiolelo aoa ma'ka Ekelesia o Pahoehoe Hilo.  A ia Makuakane hoi, ka mea haiolelo ma Opihikea i Puna.

            O ke kahi o lakou ua holo ka manao o ka Aha e hookahuna ia o Kaapa Pahio; a e hookahuna ia oia ma Onomea Hilo ka Ekelesia ana e noho kahu ai.  O ka la 14 o Oct. 1866. ka la hooko ai ia ia.  Eia na komite. nana e hooko ia hana.  Rev  T. Koana. Rev. D. B. Lyman. Rev. T. Pohano.

            Eia hoi keka@ ua hooholo hou 'a ka manao. e noho kahu hou o J. Kauhane no ka Ekeiesia o Kapaliiuka Kau.  Elike me ke kahea hou ana, o ua Ekelesia 'ia.

            Na lakou hoi e malama i koaa ola.  elua haneri dala o ka makahiki.

            Ua hooholo ia nohoi.  Elio keia  Aha i mea paipai aku i na Ekelesia ma Hilo Puna, Kau. e hooikaika lakou i na dala hanai  Kahuna i mea hanai aku i na kahu o lakou.

            Ua hooholo ia no hoi.  O ke kiai pono ana i na kamalii a me ka poe opio, he hana  nui ia a ke Akua nolaila, e paipai me ka makaala ma ia hana.

            Ua holo no hoi ka manao o keia Aha. e kokua mamuii o ka manao. i hooholo  ia e ka Aha Euanelio nui ma Honolulu.  no ka mare ole  ana i ka  poe i hoohemo  ia no ke kolohe.

            Ua haawi ia hoi he  mau kumumanao, i ua la la, a me na keiki a ka Aha. no ka halawai hou ana o ka Aha ma ka Poaha alua o Augake, 1867. ma Waiohinu Kau.

                       J. KAUHANE,  Kakauolelo.

 

Na haina o na Ninau helu a Samesona

Paawaa.

E KA NUPEPA KUKOA; E ALOHA  OE.

             Ua ike iho makou ma kekahi o kou mau kolamu i na upena ume iki a Samesona Paawaa i manao ai paha e hei na ia o ka naele. a ku ka iala aka, aka, aohe e hei he opae mahiki, he apua ka paa.

            A no ia  paa ole, e hopu hewa ana paha ua lawaia nei i ka loli i ka ia maka ole; me ke kapa ana iho i ka ia lomi he opelu, he poke hee uaua, a manao mai o na  niho oolea ka mea e wali ai.

Ua wali io no, aole nae i nahu ia e na niho, i opaopa wale ia no e na lima, a eia mai ke oka ke puaina aku la.

             Ninau 1.   He 135  kapuai ka loa o ke kaula.

            O ko Ninau 2. ua hemahema.  e pouo e hana hou oe a pololei, mai hoouna hemahema mai.  Me he haole 'la oe.

            Ninau 3.   He 218.7 + kapuai ka mama o ka poka o ua pu kaupoohiwi la a loane Ahulia.

            O ka pono loa nae, ina i niauia e oe Heaha ka velocity i ku ai ka poka i ka manu?

            No ko makou ike ana, i na e nou ia ka popo holuholu ma kekahi paia kuono mai kou lima aku ; e hoi mai oia i oula ma ka huina ana i pa aku ai.

            Nolaila, no kou nou ana mai ia makou me kau popo ma ka haina oi 450, a eia mai he popo i peluia kona motio, a ke lele aku la i ou la ma ia huina hookahi no.

            I nui ke akamai i hala, o ku aunei i na maka pouli kahi  o ka ike.  Haha poele ka papai o Honolulu.

            Eia mai na Ninau au e iini ai.  Mai ko'u mai ko waha, I na o oe e manao e hele aku e ninau ia lakou, ua pono. o poho loa auanei.

            Ninau 1.   Ma kekani la makani ino holo aku la o Kuapakaa i ka hoehoe waa, a puhi loa ia aku la i ka moana a hala kekahi mau la, malie iho la ka makani, lana iho la ia a nana aku la oia i ka Hema, aia hoi, ua iliwai like kahi ana i lana ai me ka piko o ka mauna o Maunakea, ma Hawaii.  He aha ka loa mai kahi ana i lana ai a hiki i ke kumu o ka mauna o Maunakea, ina he 13.900 kapuai ke kiekie o Maunakea mai ke kai ae ?

            Ninau 2.   E ku ana ka  Sanadoa ma ka moana, a holo aku la oia i ka Hi. ka ihu, a liuliu, ladiapaute a holo i ka A. Ko. ae no kekahi mau hora.  Ladiapaute hou, a holo i ka He. Hi.   Huli hou, no ka makani kue, a holo i ka He. He. Hi. ae, a liuliu ku iho la ia.   O ka huina heuluulu o na mile maia mau ihu ana i holo ai, he 32. ia ; o ka huina hoouluulu o ko lakou mau Suea. he 276. Ehia mile ka loa ma ka lalani pololei, mai kahi ana i ku mua ai, a i kahi i ku hope ai ?

            E oki kakou maanei  ke hoi nei  na manu o ka uka. e omo i ka wai o ka lehua o Halona.  E hoolono aku ana  o ke kapalulu mai a na palahu puapua lenalena.  O oe  no  me

                  ke aloha.  L. L. KAUKAWELI.

  Oct. 8, 1866.  (Lahainaluna.)

 

HUNAHUNA HUIKAU.

            --Elua mau haumana kahiko loa ke kula nui o Yale ma Nu Havena e ola nei, oia o Hon. Ekeziela Bacona, e noho la ma Utica, Nu Ioka, a me Rev. Ieremia La (Day). e noho la ma Nu Havena.  Ua hoopuka ia mai ka mua mai ia kulanui mai, i ka makahiki 1794, a o ka lua hoi i ka makahiki 1795.  Aohe no he ola aua mai a koe,  hele aku la paha a opi alu ua kui, a i ole ia, ua hele aku la paha a naumakaiole.

             --O kekahi kanaka ma Maketuseka, ua eli oia i kekahi kualapa papali,  no ka manao ua huna ia kekahi gula a dala poha maloko o ua kumu papali la. mamuli o ka hooiaio ana mai a ka poe hoomanamana akua, he gula a he dala io malalo o ua kualapa la, nolaila, ua hoopahupahu  oia ia  kualapa me kona mau kanaka hoolimalima, a ua hala ae nei he 15 makahiki.   Ua hooikaika nui keia kanaka i ka eli i ke oolea o ka pohaku, aka, ua poho kona manao lana, a o ka loaa iho a la a ia poe hahu akua o ka hooluhi makehewa mai e eli i kanaka ola.

  -         -Ma ka Moana Iniana ma na wahi e pili aku a na i na aina.  ua hai ia mai, ua ike ia ke nui o ka papai kualenalena.  He hiki no i keia ano papai ke holo a hiki kahi o ka mu e ku ana a ina e loaa aku na niu haule wale. pau ka pulu i ke aki ia e na niho oioi.  A he hiki no le pao puki iho ma kahi a ka wai e puka mai ai me ko lakou mau niho. a @ u ia ka wai a pau.  He hiki no i keia ano papai ke pu iluna o ke kumu niu. a akiaki i ka aa niu a haule mai ka nui.  A he lawe no hoi a hana i panana maloko o kona loa me na pulu niu.  Ina e makemake ana na kanaka e hana i moena, a e hili paha i kaula. alaila, o na pulu i pau i ke aki ia e ka papai, oia na pulu e kii ia ai. He keu no ka keia a ka papai nunui.

            --O kekahi mau apana aina ma ka mokuaina o Veremoneta.  Amerika  Huipuia. ua hoopaaia he $5,000 pakahi no ke kapulu i ko lakou mau alanui.

 

He wahi moolelo uuku kupauaha

  I kekahi manawa i hala, e noho ana kekahi kaikamahine ai pua lehua ma ka mokuaina Wisekonasina, me ka hoopilipili ana iaia iho me kekahi mau keiki opioio elua oia wala.  O ka mea o kekahi o Mololani, a o kekahi hoi, o Puehu. Ua mau a ua maa ko laua hele ana ma kahi o ua ai pua lehua nei, me ka ike ole o Mololani. ke hooinainau nei me Puehu. pela no hoi o Puehu, ke manao nei hoi ia oia wale no kana kane e hoiuiiuiki nei, eia ka uanei ma o ka uwahi he makole koonei.

            A i kekahi ahiahi, i ka wa a na kukuna a ka la i haalele mai ai i ka hoomalamalama ana i keia ao holokoa, halawai like iho la lakou a pau ekolu maloko o ka rumi hookipa (parior) o ua puuwai palupalu nei.  Ia manawa hoeueu ae la lakou e hele ana e like me ka mea maa i ka noho aua o na haole.

            I ko lakou nei heleana a hala he mau ulanui. ninau aku la kekahi o na hoahele i ua Iwa nei, "Mahea kakou e hele ai ?" Pane mai la ua Iini nei a laua.  "Aia no hoi paha i kahi e hele aku ai."

            I ko lakou nei hiki ana ma na alanui e mana ana mauka  a makai. a no ka hiki ole no hoi i kekahi o na aoao oolea ke koi e hele ma kela mana a ma keia mana, nolaila pane aku la ua kaikamahine nei.

            "E na kane hoinainau o na la kohaihai ua hoa hele o na alanui i naku ia mai nei. a me na hoa noho hoi o na po loloa o ka hooilo.  No ka maopoopo ole o na mea o olua e lilo ai hoi i hoa no'u e hopu ai ma ka berita mare, a e lilo ai i hoa kaana no'u no na kau a me na wa e hiki mai ana, nolaila, i na ua komohia ke aloha i loko o olua no'u, ke hoohola nei au, e hele kekahi o olua ma ke alanui mauka a hoi hou mai, a o kekahi o olua, e hele ma ke ; lanui makai a hoi hou mai.  "Ina e hiki e mai kekahi o olua ma kahi a'u e ku nei. alaila e lilo oia ka'u kane e mare aku ai."

            Hooholo koke iha la ua kane, a holo aku la o Mololani mauka. a o Puehu hoi makai.  Ua maalea  loa nae o Mololani ua holo aku no a mahope  mai o ka pa laau, hoi koke mai no a loaa ka puuwai palupalu, a noho like iho la laua.

            O Puehu hoi, holo loa aku  la ia ma kona alanui. a i hoi mai ka hana e noho aku ana laua nei he kane a he wahine. I kona hiki ana mai, ua hele wale auau i ka hou, a ua nui no hoi  ka hana. Pau ae la nae kona manaolana e piipili hou aku ana ia, aka. hoi aku la ia, a hele loa i ka Lunakanawai e hoopii ai no kona poi ka Lunakanwai e hoopii ai no kona poho.  A penei kona lilo i na wahine nei.

   1.  Komo gula                      $5 00

   1.  Mikini lima ili keokeo         3.00

   1.  Peahi maikai loa                3.00

   1.  Pahu ko omomo (Candies)  2.50

                                                    --------

              Huina                          $13.50

            I ka  hookolokolo ia ana i mua o ka Aha Hookolokolo ua hoike aku ke kaikamahine opiopio ai pua lehua hoi a kakou e kapa nei, i ka bila aie o ua Puehu nei penei.

             No ke puhi ana i ka aila honua 7 malama, $ 3.00    No ka  hoolimalima o ka hale no ka hoinainau ana  $10 50.  No ka mea ono i pau i ka aoao hoopii 25 keneka,--Huina  $13.75.

            Mahope iho o ka ninauninau ia ana, ua ae ka aoao hoopii ua ai i ka mea ono ana i lawe mai ai no ua kaikamahine  la. nolaila, ua hooholo ka Aha Hookolokolo e hoopai ia ka aoao hoopii i hapaha a me na koina.  O ka lilo a pau no na koina ua hiki aku $ 13.62-1/2.  Kupono loa iho la no ka inoa o ua o Puehu iaia.  Puehu i ke ko ole e mare, a puehu no i kana hoopii.

 

LAAU LAPAAU

AIA NA   KAI:

KAKELA ME KUK@

Ma Honolulu.

J. T. GOWER. --Makawao. Maui

J. D. HAVEKOST. --Wailuku, Maui

C. H. WETMORE.-- Hilo, Hawaii

J. W. SMITH --Koloa. Kauai.

 

HE LAAU KAHIKO, A HE MAOPU@

NO HOI.

Laau hoopau Naio me na K@

A DR. JAYNE.

HE NUI NA PILIKIA O KAMAI@@@@@@@

 

Laau hoopaa Ili a Dr. Jayne

JAYNE'S CARMINATIVE

@@@@@@@@@@

  Aohe a makou @ A @ D@ Aku ia lak@u @ HOAOE N@

Laau Kunu a Kauka Jayne

hoiki aku ai i ke ola o i a na @@@@

KUNI, NAHU, a me ke AN@@

a u @@@@

HE KUHA KOKO ANEI KOU?

HE KUNU ANEI KOU?

HE EHA ANEI KOU KANIA-I?

HE KUNU UMII ANEI KOU me ka N@

     AOLE ANEI OU MAI KUNU?

     AOLE ANEI OU MAI NAENAI @

     AOLE ANEI OU EHA MA KA@

     AOLE ANEI OU KUNU KALEA@

     AOLE ANEI OU HE MA KA @

  A ina ua l@ @@@ LAAU KUNU a Kauka Jayne.

 

NA MAI HOOPAILUA.

Mai o ko Ake

Mai Nalulu a me ka mai Dy@pepelu

            @k@@@

            H@ keia mau m@a, nolaila. ke l@

Huaalo Ola a Dr. Jayne.

  M@

DISIPEPESIA.

  /O a ka @     pono o@

  O k@ Hua@ Hoola @

Huaale me ka Laau Hoomaemae Koko

a @ au NAIO @ #,

A Kauka JAYNE.

like me ka mea i kahiku@iia mawaho o ka w@

NO NA MAI MA KE AKE,

      MAI LENA,

             MAI MA KA OPU HANAWAI,

                    NA MAI WELA.

                           KA HAALULU,

                                KA MAI O KA ILI,

                                      KOKO INO,

                                            MAI NALULU

PAA O KA LEPO.

                    MAI KUNA.

                                  MAI WAHINE,

                            ame ka MAI HOOPAILUA

  U maopopo loa ke OLA o keia mau HUAALE.  A o ka o a wale no i koe i ka lehuiei u o ka hoao pane mau hua. A ka maikai ao hui na laau a Kauka Jayne, no ka hooia ana i na ma

PUHA,

         ALAALA,

                    KAOKAO,

                             PUUPUU,

                                       PEHU,

                                             KUNAKUNA

Hanene, Lolo,

na mai wahine, a me na mai e ae, no ke KOKO a inoino ma kana

LAAU HOOMAEMAE KOKO

                                                                214-1y