Ka Nupepa Kuokoa, Volume VI, Number 25, 22 June 1867 — Page 1
| This text was transcribed by: | Shana Dilliner |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Buke V1. Helu 25. Honolulu, Iune 22, 1807. Na Helu A Pau 290.
KA NUPEPA KUKOA,
@@@@@@a MAU IA MA HONOLULU
I kela Poaono keia Poaono.
$2.00
No na mahina he Umikumalua !
$1.00 no na mahina eono.
ME KA HOOKAA MUA MAI.
NA OLELO HOOLANA-aole i @i @a@@@ o 10 laina no ka @oo@@ka hookahi ana, $1.00 ; al@@ komo ana, he $1.50 ; hookahi malama, $2.00. @@ @k@ mua ia mau ke dala o na olelo hoolaha a pau e @oo@@aia ana mai e pai.
KANIKAU-he hapai@a dala ka uku no k@ @@@@ hookahi o ka pepa le@a, ola @@i @ ke@@l@ no ka lalani hookahi-penei : he 25 lalani, $1.00 ; ; @0 lalani, $2.00 ; a peia@k@.
@@ @@@ NO NA OLELO HOOLAHA - ka @ka pepa, a me ka @k@ o ke Ka@ika@, e haawila no ma ka lima o na Luna o ke K@@koa, ai oleia, e h@o@na @ni ia Kauka Kulika.
O NA @K@ PAPA A PAU @ HOOKAA MUA MAI @O- aole e kau@a @a imua o kekahi haole a ka@al@ maoli paha. ma ka inoa o ka poe lawe pepa ke ole e hookaa e mai mamua. @ pono ke h@p@ila keia mau r@l@. no ka mea, he @@@ no ka auha@ no keia nupepa.
AIA K@ K@@@A O KA NUPEPA K@OKOA- ma ke kihi hema o ka Hale Hookipa Laina (@ailoa's Home.) O na @@@@ hora hana, mai ka eiwa o k@kahi@k@. a i ka ha o ke ahiahi.
L. H. KULIKA. (L@na Hoop@ka.)
"KA NUPEPA KUKOA."
@@ published in Honolulu
EVERY SATURDAY.
$2.00 per annum, or $1.00 per six months, in advance.
ADVERTISEMENTS not exceeding 10 lines, inserted once for $1.00 twice or $1.50 ; and $2.00 for one month ; all advertisements must be paid for in advance.
KANIKAU@ will be charged 1.00 per page, or 4 cts. a line.
PAYMENTS FOR ADVERTISEMENTS, Subscriptions or Kanikaus, may be paid to any of the Agents of the Kuokoa, or may be enclosed in a letter to the Publisher.
ALL SUBSCRIPTIONS must be PREPAID. no names, either of foreigners or natives, will be inserted on the subscription @@@@ until paid for. This rule must be strictly adhered to, on account of the low subscriptions price
T@@ O@@@@@ OF THE KUOKOA is in the South corner of the Sailors' Hoin@. Office hours from 9 A. M. to 4 P. M.
L.H. @ULICK.
For the Publishers.
@@ volume I, II and III of the KUOKOA, bound, for sale, $3.50 each.
@@ Persons having complete sets of the above, can have them bound by paying $2.00 each.
No Hana, Kaupo, a me Kahului.
KA MOKU KUNA
' MANUOKAWAI,ʻ
O Akoni ke Kapena.
E HOLO MAU ANA KEIA MOKU I NA Awa e halia malona. No na ukana a me na ohua, e ni@@@ ia
C. BREWER &co. (B@@UA MA)
HE MOKU HOLO MAU
No Lahaina, a me Makena.
O KE KUNA KALEPA PAA maikai.
"KATE LEE."
O Fountain ke Kapena, E HOLO MAU LOA ANA, A HIKI MAI no hoi ma na Awa i olelo ia maluna. No na Ukana a me na ohua, e @l@@ i ke Kapena ma ka moku, a i ole ia la.
228.@@ C. BREWER &co. (BURUA MA)
No Hilo.
KA MOKU KUNA
"MELE HILO,"
O Sebastian ke Kapena.
E HOLO MAU ANA KEIA MOKU I KE Awa maluna, no na ukana a me na ohua e ninau ia
H@L@@AHU, (L. L. TORB@@T)
NO KAWAIHAE.
E HOLO MAU ANA KE KUNA Ma@il@a i kela a@a maluna. No @a @kana a me na ohua. o ninau i ke Kapena ma ka moku, a i ole ia
WALKER & ALLEN,
Na Luna.
Na Luna ma Kawaihae, o CONWAY & ALLEN.
276-3m
MOKU KUNA WAWIKI!!
E HOLO MAU ANA KEIA WA-hi moku i Molokai i kela pule keia pule mai Honolulu aku nei. Aina he ukana hooili ka kekahi a @ holo ohua ana paha, alaila, o @i@a@ no i ko Kapena oia o 200-3m
KAHALEMAKE.
HE MOKU HOLO MAU NO KONA
-A ME-
KAU, HAWAII.
E HOLO MAU ANA KE KUNA
"Kona Packet,"
KAPENA @ALAAMA, mawaena o Honolulu a me Kona, Kau, Hawaii. No na ukana a me na ohua, e ninau i ke Kapena ma ka moku, a i ole, ia
G. WILLIAMS.
Honolulu, Aper. 23, 1807. 281-6m
No HONOIPU me NAOHAKU.
Ka Moku K@na
"Kohala"
O Howard ke Kapena.
E holo mau ana keia moku ma na Awa i oleloia maluna, no na ohana a me na ohua. E ninau i ke Kapena, a i ole ia, ia 6m
Kakela me Kuke.
Na Buke i Pai ia e ka Papa Hawaii.
Eia na buke kuai, a me ke k@@@@kuai.
Baibala nui no na Awai o na @alepule, &4.00
" Ohana, ano nui, me na kii, a me na Moohana. 2.50 5.00.
" Ohana uuku iho, mo na Moohana, ili ulaula, 1.00
"Ohana, me na Moohana wale no, 62@
"Okoa, - - - 50
Kauoha Kahiko, i paiia i ka M.H. 1838, 25
Kauoha Hou, me ka pepa lahilahi o waho, 124
Kauoha Hou, hapa haole (Haw. Eng.) 25
Haiao, - - - - 25
Hele Malihini Ana, - - 25
Wehewehehala, - - 25
Li@a Hawaii, - - - 25
Kumumua Hou, - 124
Hoike Palapala Hemolele - 25
Himeni Hawaii me na Leo Mele, 1834, 25
Ninauhoike, - - - 12@
Ui Kamalii no na Kula Sabati 12@
Kumu Leomele 12@
Haawina Kamalii, Buke 1, a me 2, 12$
Haawina Kamalii, Buke elua i huiia, 25
Eia na buke i haawi @ale ia.
Haawina Baibala.
Ui.
No ka Aoao Pop@
Palapala Liilii-
Helu 4-Makemake anei oe i ke ola?
Helu 6-E hele i o Kristo la.
Helu 7-Ka hoi ana mai o ke Keiki Uhauha.
Helu 11-No ka hoohiki wahahee i ke Akua.
Helu 16-Ka E@hia ana o ka Ahaaina a ka Haku a me ka Papekiko ana.
Helu 17-Mai hana ino i na Holoholona.
Helu 18-No ka mahi ana, kuai ana, a me ka inu ana i ka Awa.
Ka Davida Malo Kumumanao.
Ka Moolelo o Bati@@@@ Puaaiki.
L. H. Kulika.
Kakauolelo o ka Papa hooko o ka Ahahui Euan@lio o k@ Hawaii Pae Aina.
Ka Nupepa Kuokoa.
E ka Papa Hawaii:
Ua holo maua ma ka Moku Hokuao, Kapena Binamu, mai Hilo aku, i ke ahiahi o ka la 3 o Aperila, 1867.
Eia na mea i holo pu : Frank H. Wise, malamamoku ; Warren Morse, huli pahu, Hervey Whitney, Eben F. Enos, John Lawrence, B.F. Wild, Aaron, Kanealoha, luina ; John Ahehene, kuene ; W@. Bryan, kuke.
Eia ne eemoku : Mrs. C. Binamu, Rev. B. W. Pareka, Rev. T. Koana, Miss Carrie Pareka, Maria O. Kekela, Daniela Taoefitu, Elizabeta Tahia, Baitoe, Patehe, Iakoba Hii, Tahuhu, David Lima, Kohutiia, Meto.
Maikai loa ka moku, a ua ikaika ka holo ana. Maikai ke kapena a me na mea malalo iho on a. Ua mau ka pule ohana i ke kakahiaka me ke ahiahi. Ua halawai hoi i kela a i keia Sabati ma ka olelo Hawaii a me ka olelo haole.
I ko makou holo ana, ua nui loa ka mai a me ka pilikia o Meto ka wahine no Omoa, a i ka la ewalo o Aperila ua make ia ma ka Lat. 9˚ @ Akau.
I ka hora 4 o ke ahiahi, ua hooiia ia ka moku (kukuluia) ma ka moana, ua akoakoaea na kanaka a pau, a mahope iho o ka pule ana, ua hoonaloia ke kupapau maloko o ke kai nui.
Ua hiki aku makou i ka Poai-waena i ka la 14 o Aperila, oia ka la Sabati ma ka Loni@u 149˚ Komohana.
I ka la 24 o Aperila ua ike makou ia Tioekea, o Taroa kekahi inoa, me Oura, o Taputa kekahi inoa, ma ka Latifu Hema 14˚ 22@ Lon. 144˚ 58 Komohana. No ka pae moku o Paumotu keia mau mokupuni, ua 100 paha mokupuni o keia Pae moku. Ua 15 mile ka loa o Taroa, ua 12 mile o Taputa. Eha mile me hapalua ke kaawale a na okeia mau Moku puni. Ua haahaa loa laua, ua poepoe loloa, ua like me na apo, a ua komo ke kai maloko, a ua lana maikai malaila me he loko la. Ua uliuli keia mau Moku e like me ko Maikonisia, a ua moe hoi ma ke kai me he lei nani la. Ua kokoke loa ka Hokuao i kela may Moku la, a ua nana makou me ka mahalo a me ka olioli. He mau kanaka hapa loa ma ia mau aina, a he poe hupo lakou,. Ua ike mua ia keia Pae moku i ka makahiki 1616 e ka poe Sepania, aole nae i hoonaauaoia a hiki i keia wa. Auwe! na lahui-kanaka e noho ana ma ka pouli mau.
Land Ho!
I ka la 27 o Aperila, he 24 la mai Hilo mai, ua ike makou ia Uapou, kahi o Rev. S. Kauwealoha ma ka Lat. 9˚ 21. H. Lon. 140˚ 5˚ Ko. O ke kiekie o keia moku ua 3900 kapuaia, a o kona anapuni 20 mile. Aole i ku ka moku ia la, aka, i ka la 28, oia ka la Sabati. ua holo mai o Kauwealoha a ua pailata ia makou maloko o ke awa o.
Hakahekau.
I ka pii ana o Kauwealoha ua nui loa kona uwe a me ka waimaka no ka hui ana me makou a me kona ike ana i keia moku hou. Ua hana no ia e like me ke ano o kona inoa a me kona naau.
Ua ku ka moku i ke awakea, a ua manao makou ua malu a ua pomaikai, aka ua loohia koke la, ua hele ka moku mahope, ua huki i ka heleuma me he mea ole la, no ka ikaika o ka makani a no ka papapa paha malalo. Mai ili ka moku ma ka pali ino loa. Weliweli makou a pau, a ua hooikaika nui ke kapena a me na kanaka o ka moku. ua kokua ikaika hoi o Kauwealoha me kona waapa a me kona mau kanaka eha. Ua lawe ia ke kaula mauka, ua hoopaaia kona kumu i ka moku a o kona welau i ka pohaku nui mauka, a ua hukiia ka moku a pakele. Ua kokoke pau ka La ma ia hana nui.
O Kauwealoha ka pailata ia la a nana i hookomo a i hooku hoi i ka moku ma Hakahekau, me ka manao aole e pilikia, aka, na ka ikaika o ka makani, a me ka pahoehoe olalo ua hele ka moku a kokoke pilikia.
A pau keia pilikia, ua holo Mi Kaona, me Maria Kekela i uka me Kauwealoha, a ua halawai makou me na kanaka he 20 ma ka hale o Kauwealoha. A ahiahi loa ua holo mai ke kapena me kana wahine a me Pareka ma.
He awawa maikai o Hakahekau ma ka aoao Komohana Aaku o Uapou, ekolu paha mile ka loa, he hapa ha paha mile ke akea, a ua paopu i na laau uliuli. Kiekie na pali ma keia wahi, a me na kia pohaku maluna. I ka wa i hele mai ai o Kauwealoha i Uapou ua manao ia ua 1000 kanaka ma ka moku. Aka i ka makahiki '63 ua make nui lakou i ka mai puupuuliilii, koe 300. Ma hakahekau ua 40 paha kanaka. Ua hele o Kauwealoha i kekahi mau awawa aku e hoohuli i na kanaka.
Hookahi kumu Farani ma keia mokupuni.
Aperila 29. Ua holo makou i Hakanahi, elua mile, ma ka waapa e lawe au 'i ka ukana o Kauwealoha i kona hale hou i kukuluia malaila no ka nui loa o ka pilikia i na nalo one o Hakahekau.
O ke kapena me kana wahine ua hele mauka maluna o na puu me na pali. No ka wela a me ka maluhiluhi, ua hoi laua ma ka waapa.
Taiohae, Nuuhiva.
Aperila 30. I ka hora 10 o kakahiaka ua haalele makou ia Uapou a ua holo pololei i ka Akau 22 mile a ua ku ka moku ma ke awa maikai loa, o Kaiohae. Hookahi wale no moku e ku ana maloko, o Acapuleo kona inoa. He moku Farani.
Holo mai kekahi mau haole maluna o Hokuao, aole nae i holo mai kekahi kanaka maoli.
Mei 1. Ua holo iuka i keia la a ua komo ma ka hale o ke Kiaaina, o ka bihopa Farani, o na hale o na haole me na kamaaina. Ua hele hoi e nana i ke kula kaikamahine o na Virikini, ekolu o ua mau Virikini la, a ua 60 haumana. Ua noho pu ma ka pa hookahi a ua ai pu no hoi. Ninau nui maua no ke ano o ka noho ana a me ka hana'@a ma keia kula hanai. I mai ka wahine makua o keia kula ua like me 120 dala ka lilo ana no keia a no kela kaikamahine i ka makahiki.
Ua nana makou i ka pakaua a ka oe Farani i hana ai maanei. Ua haalele ia, elua wale no koa e noho ana maloko.
Ua nana hoi makou i kahi i noho ai o Limaikaika, Alekanedero me Pareka me na wahine a lakou i ka makahiki 1833. Ua hanauia o H. H. Pareka ma ia wahi. Ke ulu nei na laau a lakou i kanu ai ia manawa.
He wahi awawa maikai keia, nui ka ua, nui ka wai, momona ka lepo, nui na mea ulu a uliuli ka honua. Kiekeie hoi ua pali, a nani loa. aka, aole kanaka, ua kokoke neoneo ka aina. Nui na tausani i ka wa kahiko, a i keia wa ua koe 4500 paba ma ka mokupuni. He mau laau nui loa e ulu ana ma keia wahi, ma ka aoao o kekahi laau ua 85 kapuwai ke anapuni.
I ke ahiahi ua hoi makou i ka moku, a ua holo koke i.
Uahuna.
Ua 30 mile o Uahuna mai Nuuhiva aku ma ka aoao hikina, aka no ka ikaika o ka makani a me ke au mamua mai, aole hiki makou a i ka la 3 o Mei, I ke kakahiaka o ua la la, ua pili ka moku i ka awa o
Hakaku.
Ua kalewa nae ka moku aole ku. A ua holo mai o J. W. Laioha ma kona waapa me ke aloha a me ka hauoli nui i ka ike ana i ka Hokuao hou.
Ke noho oluolu nui nei o Laioha ma, ma Uahuna. Ua holo mai no ka pilikia ma Hanaahi, Hivaoa, no ka huhu wale o kekahi kanaka a me ka manao e pepehi ia ia.
Maikai keia kahawai. Nui ka ulu ka nui a me ka maia. Ua noho o Laioha ma kahakai. A o ka nui o kanaka aia iuka hookahi mile me ka hapa. aka aole o lakou molowa i ka hele ana mai, kelohe lakon i ka pu halawai.
Ua 75 kanaka ma Hakatu, a ma Waipaee, he kahawai 3 mile i ke komohana Akau, ua 172 kanaka. Ma ka aoao hema o ka aina keia mau kahawai, a oia wale no na kanaka o ua mokupuni la.
Pau ka hoike a me ka halawai a ua lawe makou ia Laioha a ua hoi i ka moku i ka hora 2. Aole hele ka wahine o Laioha no ka pilikia. Pela hoi ka wahine a Kauwealoha.
Kaua.
I ka malama o Mei 1866. Ua hele malu mai na pa@a me Waipaee, he 40 a ua pepehi lakou i 5 kanaka o Hakatu, a ua oki ia na poo o na mea 4 a ua lawe aku i na poo me na kanaka pio ola 4. Ua uwao o Laioha me kekahi mau haole, a ua hoihoiia na pio. aole nae i akaka ka laulea pono ana a me ka malu. He kaua hou paha. aka ua papa ke Kiaaina Farani ma Nuuhiva i ke kaua ana a me ka ai kanaka ana, a ua makau iki na kanaka ma Nuuhiva, a pau me Uahuna. E pau ana paha ia mau hana ino loa ma ia mau mokupuni ekolu.
Mei 4. E hele ana mai Uahuna i Hanamenu, Hivaoa, he 50 mile. Hoopiipii makou aole nae e hiki, ikaika ka makani mamua mai, a mahope iho he pohu.
Sabati.
Mei 5. Aole hiki i Hanamenu, ua halawai ma ka moku.
Hanamenu, Hivaoa.
Mei 6. Ua hiki mai ma keia wahi i ka hora 2 a i ka hora 3 ua pae iuka me na kanaka eono o keia kahawai, na me a Bikanele i lawe aku i Oahu e ao i ka M. H. 1865. Eia na inoa o lakou. Daniela Taopitu, Elizabeta Tahia, Iak@ba Hii, Iosepa Waikoi, Timoteo Patehe, Petero Kahuliia.
I ka pae ana o ka waapa iuka, nui na kanaka e noho ana ma kahakai. Aole o kana mai ka nui o ka uwe, ka honi ana ka puliki a me ka waimaka o na makua, na kupuna, na kaikuaana, kaikaina, kaikuahine a me na makamaka o keia poe a ka moku i hoihoi mai. Ua piha koke na umu i na puaa me ka ulu, a ua hoomakaukau ia ka ai a nui.
Hoike Kula me ka Halawai.
ua noho makou ma ka hale o Honiae, he kamaaina o Hanamenu, a he kumu hoi ma keia wahi. Hookahi makahiki ka noho ana o Honiae me Bikanele ma Oahu, a ua lilo ia he hoahanau. Ua makaala ia ma ke ao kula ana a ma ka hoohuli ana o na kanaka.
Ua hoike na haumana he 20, elua mea ike pono ma ka palapala Hawaii. a ua heluhelu iki na mea he 15 ma ka olelo Nuuhiva.
Pau ka hoike kula, ua halawai makou me na kana he 80 paha. Ua noho malie ka nui o lakou ; aka, o kekahi kanaka nui, ua ku mai a ua hoole maoli me ka pakike i ka olelo a Mr. Pareka, i kana i ana he poe pono ka poe misionari. Hoole kela. "Aole pono oukou. Ua pono makou." Kuhikuhi akamai kela i ka hana a Pauana ka wahine a Kaiwi a me ka wahine a Kaukau. Ikaika kona hoole ana i ka pono o kakou.
I ke ahiahi ua ninau makou i kekahi poe me ka manao a kakahiaka ae e kukulu i ekalesia, a e ahaaina ma Hanamenu.
Ku@lu Ekalesia ma Hanamenu.
Mei 7, 1897. Eia na mea i apono ia a ua hui a ua kukuluia i ekalesia.
Daniela Taoepitu, Elizabeta Tahia, Iakoba Hii, Ioba Honiae, (ua bapetizoia keia poe eha e Mi. Bikanele ma Oahu.) Ruta Puteoe, Iosepa Vaikoi, Timoteo Patehe, Petero Kahuliia, Ioane Kahumano, Miriama Natua.
Ua koho lakou ia Kekela i kahu, a o Daniela Taoepitu i diakona.
Pau ke kukulu ana i keia ekalesia, me ka pule nui, me ka ninaninau a me ke ao aku, ua ai pu makou i ka ahaaina a ka Haku me ke aloha nui, a me ka hoomaikai aku ia Iesu no kona ho-a ana i kukui ma keia aina pouli loa.
Ke lana nei ko makou manao e malama ke Akua i keia poe a e hoohui hou kekahi poe me lakou, i mau kana hana ma Hanamenu.
Puamau Hivaoa.
Mei 8. Ua haalele makou ia Hanamenu inehinei, a ua hoopiipii ka moku a hiki i keia kakahiaka.
Aia kokoke makou i Puamau ua nana makou i mau waapa elua e holo mai ana, mai Puamau mai. Ua holo kekahi waa i ke Komohana a nalowale. A o kekahi waa ua pili mai i ka moku. O Rev. J. Kekela keia. Ua pii mai maluna o ka moku me ke aloha a me ka waimaka, a ua puliki a ua awe ia Maria, kana kaikamahine a loihi loa. akahi a ike o Maria ia Puamau , a ua 14 makahiki kona ike ole ia Naomi kona makuwahine.
Ua holo makou mauka, a ua kalewa ka moku mawaho. I ka pae ana iuka ua nui na kanaka a me na kamalii. Nui hoi ka nana a me ka walaau. Hihiu loa ke ano o ka nui o keia poe, a he poe weliweli hoi.
Makau wale ka Binamu wahine a me na kaikamahine no ka pili pono ole o na kanaka me ka walaau a me ka hoohaunaele. Aka ua hiki aku makou i ka hale o Kekela a ua uwe aku ia Naomi a me na keiki.
Kaua.
Ua lohe makou ma Nuuhiwa, ma Uapou, Uahuna a me Hanamenu, ua nui loa ke kaua a me ka pilikia ma Poamau. Ua manao o Kauwealoha a me Laioha, e pilikia ana paha makou ke pae ka waapa malaila-Aka, i ka hiki ana mai hoi o Kekela, ua olelo ia, ua hoomaha ia ke kaua, a ua pau paha.
I ka hoomaka ana o ke kaua, ua kue ka aoao Hikina o Puamau i ke Komohana-Nolaila, ua kii aku ko ka Hikina aoao i na kanaka kaua ma Motuua, Hanaahi, Nahoe a me Hanapana, he mauka, hawai ma ke Komohana, a ua holo mai lakou he 150 ma na waa kaua, me na pu, na ihe a me na mea kaua a pau ; a ua hui pu me na koa ma ka aoao Hikina o Puamau, a ua kaua me ka aoao komohana. Aia no ka hale o Kekela mawaena konu o ke kahawai, nolaila, ua pilikia ka noho ana.
Liuliu no keia kaua ana, aole nae he nui ka poe i make. ewalu paha i make loa, a ua ku kekahi poe i ka poka, a ua ola mahunehune. aole lakou kaua akea e like me ko Europa. Ua pee, a ua hoohalua, a ua hele i ka po, e like me ka popoki a me ke tiga. He poe wiwo wale, a he poe makau loa lakou, nolaila, ua hana maalea me ka manao e pepehi malu i na enemi.
Eia ka mea kupaianaha-I ko makou hiki ana malaila, me ka lohe e ana, aole paha e hiki i ka waapa ke pae iuka, ua pau e he haua. I ka la 5 o Mei, oia ka la Sabati, ua hakaka hope lakou-A i ka Poakahi a me ka Poalua, ua hoi na koa o Hanaahi ma ; a i ka Poakolu, oia ka la i hiki aku ai makou, ua hoi ka waa hope loa, oia hoi ka waa pea a makou i ike ai e holo ana i ke komohana. Kupaianaha keia kokua ana o Iehova ia makou, e like me kaua olelo, "He kokua kokoke loa o Iehova i ka wa popilikia."
Akahi a hoi mai na kanaka, na wahine a me na kamalii mai uka mai. Ua pau lakou i ka hele, ua haalele i na hale, a ua holo a pee i ka nahelehele a i na ana i ka wa kaua.
Eia kekahi ; o ke kanaka nana i hopu ia Welona, kela haole malamamoku, o Mato kona inoa, ua make ia i ka pok@ kaua, i ka la mua o Mei nei-hookahi no hebedoma ia mamua o ke makou hiki ana mai. O ka Iehova hoopai ia. Aole i pau loa ka maku i ke kaua a me ka pepehi malu ia ma Puamau, nolaila, ke kiai nei na kiu i ka po, ua umi paha ko lakou nui, me na pu a me na elau.
Pilikia no hoi o Kekela no ke kolohe o na kanaka.-Ua pephiia kona mau hoki elua a me kona miula, a ua pau hoi i ka ai ia. Ua aihue ia na puaa, moa, alani, uala, pulupulu a me ia mea aku a ia mea aku. Ua puhiia kekahi hale on a, a ua hele mai kekahi mau powa i ka po e pupuhi i kona hale noho, he hale pohaku. Ua hoolei i ke ahi maluna o ua hale la, me ka manao e aa na pili papa. Ua ala koke mai o Kekela, no kona ike ana i ke ahi, a ua holo aku la lakou a nolawale.
He 700 ka nui o na kanaka ma Puamau. Aole kula maanei i keia wa.
Ekolu mau hoahanau i hapetizoia ; he elua i ka makahiki 1860, a hookahi hoi i ka makahiki 1862. Ua hele elua, a ke noho nei hookahi-a ua kupaa loa lakou a pau.
Pae ka halawai a me ke kuka ana ma Puamau ua hoi makou ma ka moku me Kekela, Naomi a me na keiki a laua. A i ke ahiahi ua hele i ka aoao Hema o Hivaoa, i atuona kahi o Z. Hapuku.
Atuona.
Mei 9.-Ua hiki mai i ke kakahiaka nui, aole nae i ike mai kekahi mea mauka i ka moku, no ko lakou noho ana i ka ululaau nui, nolaila, ua hele ko makou @@apa a kokoke i ka aina, aole nae e hiki ke pae no ka makau i ka nalu a me ke kaikooweliweli. Ua lele o Davida Tose iloko o ke kai, a ua au me ka pilikia, aka, ua pae ola, a ua hele aku i ka hale o Hapuku. Ua hele mai ia a ua au mai ia makou, a ua pailata aku i ka wa@pa i ke kahawai o Hakauku, a ua pae malaila ma ke one me ka oluolu-A mailaila aku, ma hele nui makou, me ke Kapena a me kana wahine maluna o ka poili, a mauka aku hookahi mile, a hiki ilalo i Atuona, ma ka haleo o Hapuku.
He kahawai maikai lao o Auona. Ua nui ka momona o ka lepo, a ua piha loa i na laau nui a me na mea uliuli. Ua kiekie na poli, 4,000 paha hapu@i, a ua nui ka wai. Eono paha haneri kanaka ma keia wahi.
Ma ke komohana, ekolu mile aku, ua ike makou i ke kahawai nui o Kao@@. Nui na kanaka malaila-Aia no hoi malaila kahi e noho nei kela wahine haalele wale i kana kane a me kona Akua, oia hoi o Puana. Auwe kona make !!
Oluolu nui ka launa ana me Hapuku a me Hana Ihuanu kana wahine.
Hoike Kula me ka Halawai.
Pokole ko makou noho ana ma Atuona, aka, ua hele koke mai na kanaka he 50 a k@u. He mau haumana kula ka Hapuku he 30. aole no i pau nui mai, no ka wikiwiki o akou. ua hoike nae ma ka heluhelu, Kauoha Hou (Hawaii), ma ka helu, kakaulima, Palapala honua, me ka pualu ma ke mele-Maikai, nui ka leo i ke mele ana-"He aina Hauoli." Olioli nui o Binamu wahine a me makou a pau i na mea i ike ia ma Atuona.
Kukulu Ekalesia.
Pau ka hoike, ua haiolelo makou, ua bapetizo i na wahine elua a me na keiki eha-Ua kukulu i ekalesia. Eia na inoa o na hoahanau-Z. Hapuku, Hana Ihuana, Samuela he keiki i bapetizoia, Kekuku no Kaumakap9ili, Aumiu, Kealoha, Lilia, Piiheana, Hanina, Kaila.
Omoa, Fatuiva.
Mei 10.-Ua lawe makou ia Hapuku, a ua holo i ke ahiahi nei o Omoa. ua hiki mai i ke kakahiaka, ua kalewa mawaho, a hiki mai o Rev. J. W. Ku@iwi.
Ua lohe makou ma Nuuhiva, Uapou, Uahuna a me Hivaoa, ua nui ka huhu o na kanaka o Omoa, no ka make nui ana o ko lakou poe i holo aku me Bikanele i Oahu, i ka makahiki 1865. Eiwa o lakou i make, a elua wale no i hoi hou mai.
Ua lohe no hoi makou, ua ohuma lakou e hao wale i ka moku, a e pepehi mai ia makou, no ko lakou kaumaha no ua make nui la. Nolaila, ua manao hoi o Kauwealoha a me Kekela, aole pono ke pae ka waapa, a hiki mai o Kaiwi.
Mahope o ka ainaawaekea, ua holo mai ia, me ke Kaikaina o Iosepa Tieekai a me ke keike a Aberahama Natua. I mai o Kaiwi, he oiaio, ua ohumu nui na kanaka pegana e pepehi mai, a ua hoole a poe pono. I mai kekahi poe, no Bikanele ka hewa, nolaila, e hoopai kakou ia ia, ke hiki mai ia, a e hoopakele ka moku no kona hala ole. Pela ka hoopaapaa ana o kanaka. A mahope, kuka hou no lakou-a ua olelo ka poe noonoo, "Ea ! Aole anei make nui na kanaka i ka hii ma o Omoa nei ? He mea make wale ke kanaka ma na wahi a pau-Aole ma o Oahu wale no, aka, ma Fatuiva nei no kekahi, ma ka moana, ma ka aina, a me ia wahi aku ia wahi aku." A mahope, ua oluolu, a i mai la, "Ua oke, Ua pau." O ke oki no ia. I ko makou lohe ana, ua hauoli makou, a ua hoomaikai aku ia Iehova, no kona wehe ana i ka ipuka paa, a ua hana lokomaikai ia makou. Nolaila, ua hookokoke mai ka Hokuao , a ua ku ma o Omoa. Ua holo koke o Kauwealoha ma i uka ma ka waapa o Kaiwi, a ua moe no maua ma ka moku, no ka mea ua ahiahi.
Poaono, Mei 11.-Ua pae maua iuka i keia la, a ua lawe ia ke kupapau o Iosepa Tieekai, ma ka hale o Kauvehe kana wahine. Ua ma@e o Kauvehe me Keo, ke kaikaina o Iosepa, a ke noho pu nei laua ma kona hale ma kahakai.
Pule Kupapau.
I ka hora 4, ua akoakoa mai na kanaka, he 60 paha, a ua pule kupapau makou no Iosepa. Ua nui ka uwe o kona kaikuahine a me kekahi poe e ae. Ua hoomakaukau e ia he hale maikai no keia heana.
Uwe ana.
Nui loa ke kumakena i ka po me ko ao no na mea i make ma o Oahu. Ua moku nui ka ili o ka maka i ka ohe a me ka pahi oi, a ua paele wale na wahine i ke koko. He kanuhu nui ko lakou.
Ua Launa Oluolu.
mai na kanaka me makou, a ua lawe mai i na mea ai. Nui na mea i hele mai i ke ahiahi e kamailio i ke ola no ka uhane. Ua kuhikuhi mai o Kaiwi i na haumana ana i maoao ai, ua huli loa i ka pono ; a ua ninaninau nui makou ia lakou. Aole i pau keia hana a hiki i ke aumoe. Ua holo like ko makou manao, e Bapetizoia he 17.
(Aole i pau.)