Ka Nupepa Kuokoa, Volume VI, Number 38, 21 September 1867 — Page 2

KE KUOKOA, HONOLULU, SEPATEMABA 21, 1867.

 

ENGLISH COLUMN.

FOREIGN NEWS.

The California State Election took place on the day defore the steamer left. Returns were imperfect. but probabilities were that the Democratic ticket had been elected.

VIENNA, Sept. 3.—La Presse, a semi-official journal, asserts that the United States are on the point of concluding negotiations with the Danish Cabinet for the purchase of all the Danish possessions in the West Indies, consisting of the islands of St. Thomas, St. Croix and St. John. The price to be paid is eight millions in gold.

BERLIN, Sept. 2.—The North German Parliament meets in this city October 10th.

LONDON, Sept. 3.—A dispatch from Athens says an armistice has agreed upon, and fighting is suspended in Candia for the present.

CONSTANTINOPLE. Sept. 3.—The Sublime Porte has appointed a mixed Board of Inquiry. consisting of Ottoman and Christian members. They will soon proceed to Candia to investigate the cause of discontent, and obtain from the inhabitants a statement of their grievances. On their report will be based a future reform in the government of the Island.

WASHINGTON. Sept. 3.—Admiral Farragut sends an account of his enthusiastic reception in Russia.

In view of the terrible ravages of yellow fever, Gen. Hancock has asked leave to avail himself of the privilege of the recent order from the War Department, allowing officers ordered to duty in that locality to remain North until October 13th. Gen. Sheridan being ordered to report at Leavenworth, the command of the Fifth District devolves on Gen. Griffin till the arrival of Gen. Hancock.

ALBANY, Sept. 3.—James A. McDougall, late Senator from California, died in this city to-day.

Gen. Slocum is mentioned in Administration circles for Secretary of War.

Seward has publicly contradicted the Tribune story that he is endeavoring to settle the Alabama claims by negotiating for the transfer of British Columbia to the United States.

PUNTA ROSA, Florida, Aug. 21.—The submarine cable, from Key West to Havana, was successfully spliced last Sunday, and works well.

General Howard will be relieved from the position of Commissioner of the Freedmen's Bureau. The President has contemplated to make the change a long time, but not until Stanton and Sheridan were removed, did he fully decide to act in Howard's case.

NEW HAVEN, Aug. 23._—Jeremiah Day, ex-President of Yale College, died last night, aged 98.

NEW YORK, Aug. 26.—A Tribune special says that Seward and Randall will have to leave the Cabinet.

NEW YORK, Aug. 28.—Grant has issued an order directing Gen. Sickles to go to New York and report to the Adjutant General. Grant has also sent to the President another written protest against the removal of Sheridan, and especially urges that the public service requires the presence of Hancock on the plains.

LONDON, Aug. 21.—Parliament was prorogued to-day. The Queen was not present. Her speech was read by Commission. The Queen declares there is no longer any ground for appehension of war in Europe.

PARIS, Aug. 22. —It is said that one of the results of the conference held at Salzburg between the Emperors Napoleon and Francis Joseph, is to insist that the Courts of the Southern German States shall unite in a Southern Confederation, of which Austria is to be head.

LONDON, Aug. 27.—The new cable from Brest to New York will be laid in May next. The northern route is selected as the safest and most practicable. The Great Eastern has been chartered to perform the work.

LONDON, Aug. 27. — Faraday, eminent saran electician, died to day.

 

HE PUU HUAHELU NUI.—Ua olelo mai kekehi nupepa kalakalai olelo, penei: "O ke kanaka e kahi mau ana i kona umiumi, i 7 kahi ana i ka hebedoma hookahi, oia hoi, he umi ia minute e hala i ke kahi hookahi ana; he 61 na hora e hala ia ia i ke kahi ana iloko o ka makahiki hookahi. A ina hoi e ola ana oia a hala na makahiki he 80, ua pau loa ia ia na hora hana o ka makahiki lele oi i ke kahi ia me ka pahi umiumi, i kona auwae. O ka huina nui o na kane o Amerika Huipuia, he 10,000,000 no ia, a ina lakou e kahi mau ana i kela la keia la, a laila, ua like ka huina o no la i kahiia e lakou me eiwa haneri umikumamalima miliona ; ua like hoi ia me na dala he iwa haneri me ka umikumamalima i lilo no ia mea. A ina e kuai pakahi ana kela kanaka keia kanaka i pahi umiumi nona iho, i kalapu, sopa a me ka hulu no na dala elima ; ua like ka nui o na dala i liio i ka hanauna hookahi, me eiwa haneri a me kanaonokumamalima miliona dala. A o keia mau dala i lilo, aohe no ka mea e ae. no ka umiumi kapulu wale no. Hamu!

 

"Iloko o ke ao holookoa a pau," wahi a kekahi nupepa, "ua hana na kane i elua hapakolu o na hewa, a hookahi hapakolu ka na wahine i hana ai."

 

NU HOU KUWAHO.

Ma ke ku ana mai nei o ka mokuahi Idaho, 11 la me na hora 15 mai Kapalakiko mai, ke loaa mai nei ia makou keia mau hunahuna nu hou.

Amerika Huipuia

I mea e maopopo ai ke ano o na hoopaapaa ma Amerika Huipuia e hoomanaoia keia mau mea: Ua maheleia ka Hema i elima mau apana, pakahi i na Generala Luna Apana ua mau apana nei. O ka apana i komo ai o Nu Olina, ia Generala Seridana i apana, a no kona kokua nui i ka aoao negero, a me ka aoao Uniona, ua manao ka Peresidena i kanaka ano kuikahi me ka Hema ka pono no ia wahi. Nolaila ua hoopauia o Seridana, a ua manao ka Peresidena e hookomo ia Gen. Toma ka mea iaia ka Apana o Tenesi. No ke omaimai nae o Gen. Toma ua kauohaia o Gen. Hanekoka, ka mea a kaua nei me na Ilikini e pani i ka hakahaka o Seridana ma Nu Olina, a o Seridana e hoi a e kaua me na Ilikini o na Papu Komohana. Ua hoohalahala loa nae o Kalani ka Alihi kaua Nui no keia hana hoopaewaewa wale a ka Peresidena,a ua hoolahaia na palapala i holo mawaena o laua, ka Gen. Kalani a me ka ka Peresidena.

Ua lohe mua kakou i ka hoopauia o Stanetona, mai ka Oihana kaua, a me ka noho Kuikawa o Gen. Kalani ma ia Oihana. I ka olelo ia e haalele ana o Kakauolelo Suwadi a me kekahi mau Kakauolelo Kuhina e ae no ke ano kue loa o ka Peresidena i na kauoha a ka Ahaolelo. O keia huikau loa o na Oihana Aupuni, i ka nana'ku he mea paha ia e haunaele ai kela aina, aka nae e maopopo ana ke ko o ka manao o ka hapanui o na kanaka, a aole e hiki i kekahi Peresidena ke kapae i na Kanawai o ka Ahaolelo e haawi i ka mana i na Generala Luna Apana. O ka mea a ka Peresidena i hoahewa ai oia ka hoopau ia ana o na Luna Oihana Kivila e na Alihi koa Luna Apana. Ua hoapono ka Ahaolelo i ua mau Luna Apana nei, a ka ka Peresidena mea e imi nei e hoohiolo no ka hana a ka Ahaolelo.

 

Na Nu Hou o Europa

I ka hoopanee ana o ka Ahaolelo o Beritania Nui, aole i hiki kino mai ka Moi Wahine Vitoria, a ua heluheluia kana Haiolelo e kona hope. Ua mahalo ua haiolelo la i ka hooholoia ana o ka Bila Hooponopono Hou, e haawi ana i ke koho balota i na kanaka o ka aina a papalua paha ka nui o ka poe koho i keia wa. Ua mahaloia hoi ke Kuikahi Lawe Leta me Amerika Huipuia a me ke kukuluia o ka Hui Aina o Kanada, a ka hooko ole ia o ka manao o na Feniana. Ke hai nei hoi ua haiolelo nei, aole e kaua ana o Europa i keia wa.

Ua halawai ka Moi o Auseturia me ka Emepera o Farani, a ua kukulu laua i Aha Kuka. Aole i maopopo ke ano o ke kuka ana, eia nae e kukulu ia ana he Hui o na Mokuaina Hema o Geremania, malao o Auseturia, e like me ka Hui ma ka Akau malalo o Perusia. Pela paha e kau like ai na Aupuni elua.

Iloko o keia makahiki aku e hoomoe hou ia ana he Uwaea Telegarapa Atelanika, mai Nu Ioka aku a i Farani. O Brest ka inoa o kahi e hoopaeia ana ma Farani. Na ka moku Hikina Nui no e hoomoe, a ua hoolimalima e ia ua moku la i keia manawa.

Ua hoomoeia ka waea telegarapa, mai Kuba aku a i Felorida. I ka hoomoe mua ana, ua moku ma kahi e kokoke ana i Key West, aka, ua hapai ou ia me na hao kilou, a ua kookuuia, a ke holo nei na nu hou mai Kuba aku a i Nu Ioka.

Ua hoomaka hou ia ke kipi ma Sepania, ma ka aina i kapaia o Aragona. O Generala Perima ke alii kipi. Ua oleloia, ina e ko ana kona aoao, alaila, e kuai aku ana kela ia Kuba ia Amerika Huipuia, aka, he mea lealea olelo wale no paha ia.

Ua oleloia hoi, ua kuai aku o Denemaka i kona mau kuleana a pau ma na mokupuni o Inia Komohana ia Amerika Huipuia. Ma kekahi nupepa Auseturia keia nu hou, a nolaila, ua manaoia no he oiaio.

Ke hoole mai nei o Suwada, ke Kuhina o Amerika, aole no e kuka ia ana ke kuai o Vanekoua me Beritania.

No ka pepehiia ana o kekahi mau haole Amerika, i ili ai ko lakou moku ma ka mokupuni o Foremosu, e na kanaka hihiu o ua mokupuni la, nolaila, ua hoounaia aku elua mau moku manuwa mai Shanghae (Kina) aku e hoopai i ua poe nei. O na moku hoi i hoounaia, oia hoi o Harefoda a me Waiomina. Ua pae i uka na koa o na moku, a ua kaua aku me na kanaka. Ua hee aku na kanaka o uka, me ke kipu akamai nae o lakou, a ua make hookahi Lutanela Amerika i na poka a ua poe pegana nei. No ka ikiiki loa o ka la, ua maule kekahi mau koa he 14. Ua hoi lakou iluna o na moku, a ua kipu aku i na kauhale o uka, a mahope, hoi aku la na moku i Kina. Aole no e hiki ke kaua nui aku me ia poe, no ko lakou holo iloko o ka ululaau.

Ua oleloia he nui wale na make iloko o ka poe Pake paahana i laweia i Kuba.

Ua hoemiia mai nei ka aie o Amerika Huipuia $5,000,000.

Ua hooki ke kaua ana ma Kerete no keia wa, me ka oleloia e haawiia ia lakou he Kiaaina ano kuokoa, malalo nae o ka malu o Tureke.

O Hannibal Hamlin, ka Hope Persidena o Aberahama Linekona i na makahiki mua eha, ua make ma Nu Olina i ka mai piva lenalena.

O ka nui o ka make ma kekahi kulanakauhale o Tesaka i loko o ka pule hookahi no ka mai piva lenalena, he 241. Ma ka la Helemalihini o ka Pope, hookahi haneri poe i make. Ua makemake nui ia na kokua malaila.

 

Ka Nupepa Kuokoa.

 

HONOLULU. SEPATEMABA 21. 1867.

 

Na Bila Hooholoia.

UA HOOPANEEIA ma ka Poakahi ka Ahaolelo Kuikawa i halawai iho nei i na hebedoma elua. He mau mea ano nui i ka keia Ahaolelo i kuka a hooholo ai iloko o ia mau la pokole o ka halawai ana.

Eia na Bila ekolu i hooholoia :

1. "Ka Bila Kuikahi," e hooko ana i ke Kuikahi Haawi Like i hooponoponoia iwaena o keia Aupuni a me ke Aupuni o Amerika Huipuia.

2. "Ka Bila Haawina Kuikawa," e haawi ana i na dala o ke Aupuni, he $20,000 penei : No na lilo o na Elele Kuikawa o ke Aupuni i Amerika Huipuia a me Iapana he $10,000. No na lilo o keia Ahaolelo Kuikawa, he $6,000 ; no na lilo no ka Hoikeike Nui ma Parisa, he $3,000 ; no na lilo no ka Aha Kiekie Kuikawa ma Hawaii, he $1,000.

3. "Ka Bila Pani Hakahaka," e kau ana i kekahi mau auhau hou i mea e pani ai i ke poho o ke Aupuni, no ke komo dute ole o kekahi mau waiwai Kalepa o Amerika. O ka nui o keia poho, ua hiki i ka $75,000 paha ; a o na auhau hou e pani ai, oia no ka auhau ana ma na waiwai a pau i oi mamua o ka $100.00, he 75 keneta no ka haneri dala ; he dute hoi maluna o ka Opiuma, he 100 keneta, a ma ka Baka he 50 keneta no ke dala hookahi.

Oia na hana a keia Ahaolelo i hooholo ai, a e apono ana na kanaka o ka aina i keia mau hana a pau, koe wale no paha ka pii i ka $10,000 o ka lilo no na Elele. Ina he $7,500, ina no ua lawa. A ua mahalo loa makou i ka maikai a me ka oluolu o na kuka ana o ka Aha, aole i hoopaapaa ino ia kekahi mea.

 

Ka Mokuahi "Idaho."

Ma ka lokomaikai o Kapena F. Conner, (Kona), a me ka Luna Wiliki Nui W. Deacon. (Kiakona), ua loaa mai ia makou na mea malalo nei e pili ana i keia mokuahi ; a ke waiho lealea aku nei makou imua o ko makou poe heluhelu nupepa.

Ua kapiliia keia mokuahi ma kekahi kulanakauhale o Maine, o Bath ka inoa, e kekahi mau haole kapili moku kaulana olaila, a mailaila mai kona hooholoia ana, a i ka Ahahui Hooholo Mokuahi o Kaleponi, Oregona a me Mekiko.

O kona loa mai mua a hope, he elua haneri a me iwakalua kumamahiku na kapuai. O ka laula, he kanakolu kapuai, a o kona hohonu, he iwakaluakumamaha kapuai.

O ka nui o kona mau keena o hope, oia hoi na keena pii o ka hoolimalima, (cabin), he hookahi haneri me iwakalua kumamahiku ; o ka nui o kona mau keena emi iho o ka hoolimalima, (steerage), he hookahi haneri me kanakolu. O ka nui o na tona o keia mokuahi, he 1077 13/100.

He moku maikai oia a nani hoi, a ma ka oleloia mai, ua oi ae ko ia nei nani mamua o ko ka mokuahi Montana.

Ua haalele keia mokuahi ia Kapalakiko ma ka hora 3 o ka auina la o ka Poaha, la 5 o Sepatemaba, a ua ku ma Honolulu nei mamua ae o ke awakea Poalua, Sepatemaba 17, iloko o na la he 11 a me 18 hora mai Kapalakiko mai.

I keia la ke ku nei imua o kakou ka hoailona oiaio o ko Amerika Huipuia aloha ia kakou, ma kona hoouna ana mai i keia mokuahi i waa nana e alo aku i ko makou mau mea kanu i Kapalakiko iloko o na la pokole, he 10 a 12 paha.

Ma keia mokuahi e hikiwawe ai na alani, niu, maia, ipu pu, na hala kahiki, uala a me na hua ai e ae i hoouluia ma Hawaii nei, ke lawe aku i ka makeke o Kapalakiko e kuai ia ai.

A ina he oiaio, e ae ana na aupuni elua i keia kuikahi hou i hanaia iho nei, alaila, e komo ana na hua ai, na holoholona, a me na mea e ae iloko o na awa o Amerika me ke dute ole, a e loaa auanei i ka poe kanu ko, hanai holoholona, mahiai laiki o Hawaii nei na pomaikai mailoko mai o ka lakou mau mea a pau i hoouna ia aku. E koe ana na na keneta dute ia lakou, a o ko lakou wahi uku kaumaha wale no ka uku moku.

Nolaila ke paipai nei makou i ko makou poe kuai me kanu, ina ua loaa ia lakou kekahi agena ma Honolulu nei no ka malama ana i ka lakou mau mea, e pono e hooili koke mai iloko o na la he umi, o hala e auanei ka moku a haule i hope.

 

E pau ke Kuhihewa.

E pono i ka lehulehu Hawaii nei ke hoopau i ko lakou kuhihewa no na Kahuna Hawaii, no ka mea, aole lakou i aeia a lapaau no ka uku, a ua maopopo no hoi aole a lakou ola.

Ma keia pule iho nei, ua hoopaiia kekahi wahine o Keahilele ka inoa, no kona lapaau ana i kekahi kanaka mai, a me ka lawe ana i ekolu dala no kona uku. Ua hoopiiia oia malalo o ka Pauku 279 o ke Kanawai Kivila, e like me ia i hoololiia'i ma ke Kanawai i kapaia, "Ke Kanawai e Hoololi ai i ka Pauku 279 o ke Kanawai Kivila," i hooholoia ma ke Kau Ahaolelo o 1864 a me 1865. O ka uku hoopai i oleloia malaila, aole e emi iho malalo o ka haneri dala hookahi. A no ia mea, ua hiki i kela a me keia Kahuna Hawaii ke hoopaiia ina oia e lapaau ana i kekahi mea no ka uku. E pono i na kanaka o ke Aupuni ke hoomaopopo i keia Kanawai, a me na Kahuna Hawaii pu hoi, no ka mea he haneri dala hookahi ko lakou hoopai, ke ku ka hoohewaia imua o kekahi Lunakanawai Hoomalu a Apana paha. E hoopau ae i keia kuhihewa nui.

 

KA MOOLELO O KA AHAOLELO.

POAKAHI, Sept. 16.

Halawai ka Ahaolelo i ka hora 9 kakaiaka. Puleia e ke Kahunapule.

Heluheluia na hana o ka la i hala, a ua hoaponoia.

Heluheluia he mau olelo hooholo, e haawi ana i ka mahalo i na lawelawe o ia Hale. Ua hoaponoia kahi mau olelo hooholo, a ua hooleia kekahi.

Hoopanee ia ka hana, a hele hou mai e lohi i ka Haiolelo Hookuu a ka Moi, mamua ae o ka hora 12 o ke awakea.

 

Ka Hookuu ana i ka Ahaolelo.

Mamua ae o ke hiki ana mai o ka Moi, ua komo mai na'Lii, na Lunamakaainana, na Kuhina, na Kanikela o na Aina E, na alii wahine o ke Alo Alii, a ua hoonohoia ma na noho i hookaawaleia no lakou e like me ko lakou mau kulana.

I ka hora 12 o ke awakea, ua kani mai na pu aloha o Puowaina, e hai ana, eia o Kalani ke hele mai nei. A mahope koke iho no, ua komo mai Oia iloko o ka Hale Ahaolelo, i ukaliia e Kona mau Ukali ponoi o Kona Alo Alii.

I Kona hele ana e ku ma kahi kiekie i hookaawaleia Nona, ua alakai ia aku la e ka Lunakanawai Kiekie. Eia kana mau olelo malalo nei:

E NA 'LII A ME KA POEIKOHOIA :—

Iloko o keia Kau Ahaolelo pokole, a ano hohonu hoi, ua hoaponoia ma ke koho ana o ka hapanui o keia Ahaolelo i ke Kuikahi Haawi Like me ke Aupuni o Amerika Huipuia i waihoia aku nei imua o oukou no o oukou noonoo ana. Oiai ua waiho mai oukou ma ka lima o ka Mana Hooko i kekahi puu dala, i pani no na lilo i hoopukaia aku. Ua makaukau oukou i ka hoonohonoho ana i pani hakahaka no na lilo i manao waleia no loko o na loaa Makahiki o ke Aupuni.

Ke aloha aku nei Au ia oukou, no ko oukou aloha aina hanau, a me ko oukou hilinai ana mai i keia alakai ana i ke Aupuni.

Ua hana oukou i na hana a pau e pili ana ia oukou, i mea e holo ai keia Kuikahi.

Ua lana Ko'u mana'o, e ukali mai ana paha mahope o oukou, ka Ahaolelo o Amerika Huipuia, a e hoolilo ae i keia mau Aupuni e noho kokoke ana, aka hoi, me ka okoa loa o na waiwai e ulu ana iloko o laua, ma ka wehe ia ana ae o keia mau kumu keakea iwaena o laua, e ohi like laua i na pomaikai o ke kalepa ana i keakea ole ia a i hoomahuahuaia hoi.

E NA 'LII A ME KA POEIKOHOIA:

Mamua o Ko'u hookuu ana aku ia oukou, ke noi aku nei Au e lawe oukou no oukou iho, a e hoike aku i ko oukou poe nana i koho mai, i Ko'u olioli a me ke aloha, i ka ike ana aku i ka lokahi o ka manao a me ka hana ana mawaena o ka lala Hooko a me ka lala Kau Kanawai o Ko'u Aupuni.

A ke hookuu aku nei Au i keia Kau Ahaolelo.

KAMEHAMEHA R.

Mahope iho o ka pau ana o Kana mau olelo, ua kunou mai Oia a hoi aku la, me ka ukaliia e na Puali Alo Alii a pau, me Kona mau Kahili Nui a nani hoi e Hoohanohano ana ia ia.

 

NA MEA PILI AUPUNI

Ma ka waiwai o Puou k. no Kipahulu, Maui i make. Poalua la 22 o Okatoba,— hora 10 kakahiaka, ma Kipahulu, Maui, e hoolohe no Ka Mea Hanohano A. M. Kahalewai, i ke noi a Iosepa, no ka hooponopono i ka waiwai o ka mea i make.

Ma ka waiwai o Kahoouluwaa k. no Kaupo, Maui, i make. Poalua la 22 o Okatoba—hora 10 kakahiaka, ma Kipahulu, Maui, e hoolohe no Ka Mea Hanohano A. M. Kahalewai i ke noi a Nakaikuaana w. no ka hooiaio i na palapala kauoha.

Ma ka waiwai o Kaomealani k. no Kipahulu, Maui i make. Poalua, la 22—hora 10 kakahiaka, e hoolohe no Ka Mea Hanonao A. M. Kahalewai i ke noi a Makoliku k. e hooiaio i na palapala kauoha hope.

Ma ka waiwai o Mahiai k. no Kipahulu, Maui i make. Poakolu la 23 o Okatoba—hora 10 kakahiaka, ma Kipahulu, Maui, e hoolohe no Ka Mea Hanohano A. M. Kahalewai i ke noi a Paimaiaulu no ka hooponopono i ka waiwai o ka mea i make.

Ma ka waiwai o Kahaaa k, no Kipahulu, Maui i make. Poakolu la 23 o Okatoba—hora 10 kakahiaka, ma Kipahulu, Maui, e hooolohe no ka mea Hanohano A. M. Kahalewai, i ke noi a Paaluhi w, no ka hooponopono i na waiwai o ka mea i make.

Ma ka waiwai o Malulu w, no Kaakopua, Honolulu, Oahu i make. Poalua, 1 o Okatoba—hora 10 kakahiaka, ma Honolulu Oahu, e hoolohe no ka mea Hanohano E. H. Alani i ke noi a ka Lunahooponopono, e hooponoponoia ka moo waiwai.

Ma ka waiwai o Ailuau k, no Kaakopua, Honolulu, Oahu i make. Poakahi, la 30 o Sept.—hora 10 kakahiaka, ma Honolulu, e hoolohe no ka mea Hanohano R. G. Davis i ke noi a Hainawe, no ka hooponopono i kana moowaiwai.

Ma ka waiwai o Kamokuhelehewa, no Lahaina, Maui i make. Poakolu, la 9 o Okatoba—hora 10 kakahiaka, ma Lahaina, Maui, e hoolohe no ka Hon. A. M. Kahalewai, i ke noi a Hinau, e hooiaio i na palapala kauoha hope.

Ua oluolu ka Moi e hookohu aku ia F. Pratt i Kanela a ukali no kona Alo Alii. Ua kohoia hoi o F. Harris i ukali no ka Alihikaua Nui.

 

NU HOU KULOKO

 

Oahu.

He ipukukui nui ma ke kihi o Alanui Nuuanu a me Beritania. He kukui mahuia e a nei i keia mau po.

 

NA OHIA KALEPONI.— Ua nui hou mai nei ma ko kakou kulanakauhale na hua ai o keia ano, maluna mai nei o ka mokuahi Idaho.

 

KE KUNA ANE._—Ua puhiia mai e ka makani kela kuna, mai Koholalele mai, a ua @ aku i kona heleuma i wahi na na bipipi e ee mai ai.

 

HOLO I KAHIKI.—Ma ka Poalima iho nei ua holo aku i Kahiki kekahi wahi kuna. Mailaila mai no ia i holo mai nei, a hoi hou aku la no.

 

Ua piha hou o lalo ae nei o makou i ua pahu kamano hou. I ko makou ike iho he mau pahu kamano ano maikai keia, no ka mea, aohe hoi he maea ae.

 

MAHIKO O HANALEI.—Ua lilo ia Hon. E. H. Alani kela mahiko ma ke k@dala no na dala he $1,900, me ka hookaa pu ana i na moraki, ka huina pau he $40,000.

 

HOOKIPAIA.—Ma ka po Poaono aku nei i hala, ua komo aku na Lunamakaainana e ike i ke Kuhina Noho o America ma kona home, a ua hookipaia aku lakou a pau me ka maikai.

 

Ua loaa mai nei he mau kaa lio holo lealea ia Burua ma. O ka poe puni lealea holo kaa la, a e makemake ana e loaa, o ka hoonee wale aku no i na ala.

 

E haalele ana ka mokuahi Idaho i keia pule ae, pela ka olelo hoolaha. O ka poe mea maia, pu, alani, a me kela hua ai keia hua ai, o lakou ka poe e loaa ana na wahi hipuu.

 

HAUANU O ARIKA.—Maluna mai o ka mokuahi Idaho, ua laweia mai hookahi tausani paona hau apana, a ua kuaiia e kekahi mau haole ouka nei kekahi mau apana hau, i mea hana hau paha.

 

HANA AHAAINA.—I keia la e hoao ai ke Kaawai hou Helu 4. E laweia aku ana @ hookomo ma ka Hale Kaawai mau, ma Kaopuaua. A e paina ana na hoa no ka hoao ana i ua Kaawai la.

 

Ua kapili hou ia iho nei o luna o ka Hale Kauka o E. Hopemana i ke pili papa pohaku. Ina nae paha e nui loa iho ka ua ma ka po o ka Poakolu iho nei, ina paha ua hele okoa na pakaua iloko.

 

HOIKE KULA MA EWA A ME WAIANAE.—E hoike ana na kula aupuni ma Ewa ma ka Poalua, la 24 o Sepatemaba, a ma ka Poaha, la 26 e hoike ai, ko Waianae mau kula. E liuliu e na keiki a me na kumu.

 

Ke hoolaha nei ka Luna Nui o ka Puali Kinai Ahi, e kuai aku ana ia i ka poe makemeke mai, elua mau kaawai e waiho wale nei. Pehea la ko Lahaina, Wailuku, Hilo, Koloa a me Hanalei?

 

NA KO PAA O WAILUKU.—Ua ike iho makou i ka lawe ana mai o ke kuna Manuokawai i na eke ko paa o ka Mahiko o Wailuku, i hiki aku i ka elima haneri a keu, a ua hooiliia aku maluna o ka mokuahi Idaho.

 

MOOLELO HOU.— I keia pepa aku, e hoopuka aku ana makou i ka Moolelo o Alapaki ka Nui, ka Moi mua o Beritania, i unuhiia mai loko mai o ka buke moolelo a Abbot mai ka olelo Enelani a i ka olelo kapeke a ka Hawaii.

 

Ua hoi aku ka mea kaulana G. B. Ukeke i kona home ma na Pali Koolau i ke awakea Poalua iho nei, a ua waiho mai i ka huaolelo, "E aloha auanei e na wahi keiki o ke Kuokoa, ke huli hoi nei ko na Pali Koolau keiki."

 

HOOPIHAIA NA ALUALUA.—Ua lohe mai makou, ua hooililaumaniaia kahi apuupuu o ke kahu hale o ke Keiki Alii W. C. Lunalilo, ma Waikiki, a ke mahalo nei makou i kona hookanaka makua ana ae a hoomaemae i kona alo alii.

 

KAU JURE O HONOLULU.—Ua ike iho makou ma ka nupepa aupuni, ua hoolahaia ae na inoa o na jure kanaka maoli no ke kau hookolokolo o Okatoba e hiki mai ana. Nolaila, e mikiala ko makou poe heluhelu ma kahi o na mea Pili aupuni.

 

AIA I WAIKIKI.—He hoihoi hoonuunuu ko makou i ka hoike aku, aia ke mahiai mai nei ke Alii Kanaina ma Waikiki, me kona mau ohua, a he poe hoolimalima kekahi e hana pu la. O ka nui o na hua mailoko mai o kana hana ana ka kakou e mahalo aku ai.

 

UA HOI AKU.—Maluna o ke Kona Pakeke i holo ai i ka Poakolu iho nei, ua hoi aku ka Lunamakaaina o Kau. Ma ka Poaha iho nei hoi, ua heo aku o Hon. H. J. Wana i Hanalei, Kauai, a ke luana la oia me kona ohana a me na haku hoi nana ia i hoouna mai.

 

O na makana mea dala gula a makou i hoolaha aku nei mamua, i haawiia no ka kakou mau mea hoikeike ma Parisa, he makana ia no ka maikai loa o na mea o Hawaii nei a pau i hiki aku. He makana hou aku no ua hookaawaleia no kela a me keia a e ike ana kakou.

 

HAKAKA MA ULAKOHEO.—Ma ke ahiahi Poakahi iho nei, ua hakaka kekahi hapa haole me kekahi wahi keiki kanaka. Aole makou i mahalo i ka hookokono a kekahi poe e hakaka, kai no o ka uwao aku ka pono, a pau koke ae. Aole nae pela, he makemake hakaka ko kekahi poe. Aole o makou manao iki he pono ia mea.

 

AIA J. KUA I KA MOANA.—I ke ahiahi Polalua iho nei, ua kau aku la o J. Kua maluna o Oddfellow a hoi aku la i ka ua Kanilehua o Hilo me ka lana o kona manao e kii i kona "Hapa Maikai" (Wahine) a hoi pu mai i Honolulu nei. A malia no paha no ke ahu no la kahi mea i pupuahulu ai e holo e like me Iona.

 

KE KIAAINA O MAUI A ME NA HOA HANOHANO.—Maluna o ke kuna Haleakala i holo aku nei i ke ahiahi Poalua iho nei, ua hoi aku ka Mea Hanohano P. Nahaolelua i ka mokupuni o Maui, oiai oia e noho Kiaaina ana. Ua hoi pu aku hoi maluna o ia moku na hoa hanohano o ka Ahaolelo, J. A. N. Nahaku, Daniel Kahaulelio a me J. H. Kahulu.

 

NA KO PAA A ME NA RAIKI MA KAPALAKIKO. Ua oluolu makou i ka hai aku imua o ko makou poe heluhelu, ua pii mau no ke kumukuai o ko kakou ko paa a me ka raiki ma Kapalakiko i keia manawa, oia hoi, he eiwa keneta o ka paona raiki, a he umikumamakolu keneta o ka paona ko paa. O ka poe mea ko a ka poe mea laiki ke olioli ana.

 

MALUNA O KA MANUWA AMERIKA.—I ka auina la Poakahi iho nei, mahope iho o ka pau ana o ka Ahaolelo, ua holo aku ka hapa nui o na Lunamakaainana maluna o ka Manuwa Amerika Tuscarora. Ua holo pu aku no hoi me ke kekahi mau mea lawelawe o ka Ahaolelo, oia ke Kakauolelo a me ka Unuhiolelo. ua hoomakaikaiia lakou e na alii, a ua kiia kekahi pu nui o ka moku, me ka poka pahu.

 

HAOLE I MOKU KE AAKOKO O KA LIMA.—I ka Poaono aku nei i hala, i ka wa a kekahi mau paahao, kanaka a me ka haole, e pao ana i kekahi pohaku pahoehoe, mauka o Maemae, i wahi e hookomo iho ai i ka pauda e hoonoha ai, aia hoi, pahu wale ae la ke aakokoko o ka lima o ka haole, a kahi a wai mai la ke koko. Elua maule ana o ua haole la, a e ole e kiiia o Hilibarani, loaa ai ka maikai o kona ola.

 

KOHU OLE KA ONA.—Aia hoi, i ka Poakahi iho nei, ua kauohaia na puali koa a pau o ke kaona nei e naue ae ma ka Hale Alii, no ka hoohanohano ana i ka Moi no ka hookuu ana i ka Ahaolelo Kuikawa, ikeia aku la iwaena o kekahi puali, hookahi mea ona i ka rama. Pela mai o Kaulainamoku ia makou. A ke ninau nei makoa, ina he oiaio ua ona io kekahi, e pono anei e hele kekahi me kona ona imua o ka Moi?

 

NA KOKUA O KAWAIAHAO NO KA MALAMA O SEPATEMABA.—Honolulu, $22 62, Kapalama, $3.12, Kunawai, puehu ; Maemae, kohahe ; Puiwa, $0.75, Pauoa, $6.00, Kaakopua, $2.75, Maunakiekie, $3.12, Makiki, $3.37, Manoa, $7.25, Kamoiliili. $11.00, Waikiki-kai, $3.12; Palolo, $1.12; I ka makou nana ana iwaena o na halepule maoli a pau ma ka apana o Honolulu nei, hookahi no heke o Kamoiliili, he keu a kahi moa hanau nui.

 

E HOOLOHE KA PONO.—Ke papa aku nei makou i ko makou poe kinipopo, mai kinipopo me na kinipopo paakiki, no ka mea, ua kiniia iho nei kekahi keiki i ke kinipopo i ka Poalima aku nei i hala, a ua pa ma kona poo ; aole nae i eha koke ia wa, a i ka Poakahi iho nei, pii mai ana ka pehu o ke poo, a ke waiho nawaliwali la oia. ua oleloia ua naha kona iwi poo. Nolaila, he ao keia i ka poe kinipopo, e makemake ana e hele a wikani, i iliki aku ia mahanahana.

 

PUPUHI I KA HALEWAI.—Ma ke ahiahi la Sabati aku nei i hala, ua lele mai la iuka nei mailuna mai o na moku okohola, elua mau kanaka o Kenikeni. E paa ana ma ko laua mau lima he mau puolo nui. I ko ka makai ike ana i keia mau puolo e kainuu mai ana i ka la Sabati, haupu kona manao, a hele aku e haha. I ka haha ana iho no, loaa he mau niho uwalo, o ka hopu ia iho la no ia o laua, a lawe hele ia aku i ka Halewai e ai barena ai.

 

NA PAPALE HAWAII.—Iloko o na pule i kaahope ae nei, ua ike pinepine makou i na papale wahine pua ko, ka pu, a ha ko hoi, i ulanaia a humuhumuia e na lima wahine Hawaii. O na papale nae a makou i ike ai a mahalo me ka anoi o ka manao, oia no na papale a Hanahupa a me Uwini i ulana a i humueumu ai, malalo o ka malu Ulu o Lele, a hoounaia mai i Honolulu nei, i mea hoohie no kekahi poe. Ke mahalo nei makou i keia hana akamai a Hawaii.

 

NA HIMENI HOOLEA.—Ua nui ka hiki pinepine ana mai o na palapala kauoha mai na mokupuni mai o Hawaii a me Maui ia makou, no na Himeni Hoolea. Aka, no ko makou nele, nolaila, ua hoohalaia ka lakou mau kauoha. Ua hai mua ia aku no nae ua pau loa ia mau buke, a ke ake nui nei makou e paa koke, i lako ai kakou. Ke wikiwiki nei o H. M. Wini i ka hoonoho i na hua, a e loaa ana paha ia kakou iloko o na malama ekolu a eha paha i koe aku.

 

NA LETA A ME NA NUPEPA.—Ua palapala mai ka Luna Leta Nui o Kapalakiko, i ko kakou nei Luna Leta Nui, o na palapala a pau i hoouna ia aku a hoounaia mai paha maluna o na Mokuahi Lawe Leta, mawaena o Honolulu nei a me Kapalakiko, ina he hapaha auneke ke kaumaha, e ukuia he umi keneta Amerika, a elima hoi keneta Hawaii, huiia he 15 keneta ; a ina hoi e oi aku mamua o ka auneke, he kanakolu keneta. O na nupepa pakahi hoi, e kauia eha poo Amerika a pela no hoi na poo Hawaii. Nolaila, ke paipai nei makou i ko makou mau makamaka, e nana i keia i ole e loleloleia na wahi palapala.