Ka Nupepa Kuokoa, Volume VI, Number 38, 21 September 1867 — Ka Mokuahi "Idaho." [ARTICLE]

Ka Mokuahi "Idaho."

Ma ka lokomaikni o Kapena F. Conner, (Kona), a me ka Lnna Wiliki Nui W. Deaeon. (Kinkona), u;i loaa mai ia makou na mea mnialo nei e pili ana i keia mokuahi; a ke waiho lealea aku nei inakou iinua o ko makou poe heluheiu nupepa.

Ua kapiliia keia mokualii ma kekahi ku> lanakauhaie o Maine, o Bath ka inoa, e kekahi inau haole kapili inoku kaulana olaila, a mailaila mai kona hooholoia ana, a 1 ka Ahahui Hooholo Mokuahi o Kaleponi, Oregona a me Mekiko. 0 kona loa mai mua a hope, he elua haneri a me iwakalua kumamahiku na kapuai. O ka laula, he kanakolu kipuai, a o kona hohonu, he iw.ikaluakumamaha kapuai. 0 ka nui o kono mau keena o hope, oia hoi na keena pii o ka hoolimalima, (cabin), he hookahi haneri me iwakalua kumamahiku ; o ka nui o kona mau keena emi iho o ka hooliinalima, (steerage), he hookahi haneri me kanakolu. O ka nui o na tona o keia mokuahi, he 1077 TōV He moku maikai oia a nani hoi, a ma ka oleioia mai, ua oi ae ko ia nei nani mamua o ko ka mokuahi Mo?Uuna. Ua haalele keia mokuahi in Kapalakiko ma ka hora 3 o ka auina la o ka Poaha, ]a 5 o Sepatemnba, a ua ku ma Honolulu nei mamua ae o ke awakea Poalua. Sepatemaba 17, iloko o na ia he 11 a me 18 hora mai Kapalakiko mai. 1 keia la ke ku nei imua o kakou ka hoailona oiaio o ko Amenka Huipuia aloha ia kakou, ma kona hooun.i ana mai i keia mokuahi i waa nana e alo aku i ko makou mau mea kanu i Kapalakiko iloko o na la pokole, he 10 a 12 paha. Ma keia mokuahi e hikiwawe ai na alani, niu, maia, ipu pu. na haia kahiki, uala a me na hua ai e ae i hoouluia ma Hawaii nei, ke lawe aku i ka makeke o Kapalakiko e kuai ia ai. A ina he oiaio, e ae ana na aupuni elua i keia kuikahi hou i hanaia iho nei, alaila, e komo ona na hua ai, na holoholona, a me na mea e ae iloko o nu awa o Amerika me ke dute ole, a e loaa auanei i ka poe kanu ko, hanai holoholona, mahiai laiki o Hawaii nei na pomaikai mailoko mai o ka lakou mau mea a pau i hoouna ia aku. E koe ana na na keneta dute ia lakou, a o ko lakou wahi uku kaumaha wale no ka uku moku. Nolaila ke paipai nei mnkou i ko makou poe kuai mea kanu, ina ua loaa ia lakou kekahi agena ma Honolulu nei no ka malamn ana i ka lakou mau mea,e pono e hooili tcoke mai iloko o na la he umi, o hala e auanei ka moku h haule i hope.