Ka Nupepa Kuokoa, Volume VIII, Number 3, 16 January 1869 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

English Column.

The Board of Health & the Small Pox.

     The course of the Board of Health regarding the Small Pox has been one of miserable inefficiency and vacillation.

     On the 26th of December, the Pilot who boarded the "Idaho,"  without hailing her to know whether she had any contagious disease, was soundly berated by the Minister of the Interior who is also a member of the Board of Health.  But on the ensuing day, the steamer was allowed to enter and to come along side the wharf, and there to discharge her cargo--with a yellow flag waveing over her!  The Captain and Purser, who had been in most contact with the disease on board, were allowed to go and come as they chose.

     The cabin passengers, who next to those just mentioned, had been the most exposed, were allowed to go on shore, first taking a part,  and  in  less  than a week, taking all their baggage; while the stedrage passengers, who had been comparatively unexposed, were sent to a Quarantine in  the harbor,  where they were confined with a Chinese passenger who because suspected of Small Pox had been shut up with the small pox patient in the forecastle  of  the  steamer.  The crew were supposed to be confined to the steamer, but of course got en shore and mingled with native crowds, and were finally locked up in the Station House, there  to communicate what they could of the disease.

     During those days, the wonderful  "Board of Disease,"  were telling of the abandonment of quarantine regulations in civilized lands.  And in last week's Government Newspapers, there were brave declarations  of  no danger, and taunts at the fearful souls who called for the dismissal of the recreant Board.  Before their articles could appear, a cabin passenger of the "Idaho"  was walking our streets with the disease in full view upon his face, and continued to do so from Tuesday to Thursday.   Strange  to say,---or is not strange?---he was under the care of the Port Physician!  We honor Dr. McKibbin for his prompt resignation of the office.  It was the least he could do before an outraged community.   Dr. Butlum was, it was said, appointed to the vacant office, but  his  commission was not made out; and upon the arrival of the "Comet" on the 10th inst., there was no Physician of the Port.

     On Friday,  January  8th, the  Board of Health passed several most stringent regulations;  which appeared the next day on little slips, instead of being published in the "Kuokoa"  and  "Advertiser"  of the 9th,---regulations in most astonishing contrast with their expressions and doings  of  but  a  few days @@@@@@@.  On the 10th, the "Comet" arrived, and @ the passengers came directly on shore.  On the night of the 11th,  the  "Montana" arrived,  and  the next day she was allowed to come along side of what must be called the Quarantine Wharf,"  and discharge;  but her passengers were detained on board!

     Meantime, the clothes  of  the  passengers of the "Idaho" have been washed by various parties through our town; and it would doubtless but draken  the  picture  to  know  who washed  the  clothes  of the passenger taken since his arrival here, before his disease was detected by our sapient medical authorities.

     Our hearts sicken within us.   If the above facts do not pronounce the condemnation  of the mistakenly called Board of Health, nothing will.   That they should resign,  or be dismissed, will we trust become the demand of any outraged nation.

     We would exhort all to hasten every possible  step  to mitigate the evil by vaccination.  The Board of Health last week issued a circular on the subject in the Governmental Journals of very limited circulation---punctilious of prerogative to the deadly end!

     Let all who are allowed, co-operate  with whatever feeble efforts may  made  by  the Government for protecting our people; but we would urge  that there be no trusting to official aid.

     Let the matter be taken up by all ministers, foreign and native.   Let the matter be discussed in our Evangelical Associations, and let something be speedily done.

     Since the above was written  Dr.  Hillebrand's report has appeard on "The General  vaccination of the Native Population of Honolulu, "  in which he supposes that "the only weak point yet existing  (in Honolulu) is our Chinese population;"  and he says "In one month more the population of Oahu will be protected, and it is safe to assert  that in two months that of the  whole archipelago will be."    We thought we were prepared for any degree of stolid assurance on the part of the Medical Authorities.  But we give up.  What next?

FOREIGN NEWS.

     By the arrival of the Bark "Comet" and Steamer  "Montana",  the present week we are in receipt of late news from abroad, which is of much interest and importance.

     Out thanks are due to the Purser  of  the Steamer "Montana"  for files  of San Francisco Newspapers to the 30 of December.

American.

President Johnson of the United States on  the  26th  of  December,  issued  a  proclamation of full pardon  to  all the enemies of the country lately engaged in efforts to destroy the Union.  The full pardon and amnesty includes Jeff. Davis, Breckinridge, Thompson, Slidell, and all others who, directly or indirectly, engaged in the late rebellion.

     Speaker Colfax has said,  relative  to  the incoming  administration, that there should be a mo@t searching retrenchment. honesty, efficiency, and high character in all connected with the public service.

     Caleb Cushing has been  sent  to  Bogota with full powers  from  the  Government to close the contract  for  a  canal  across the Isthmus, toward which, it is said, the Government is ready to promise a guarantee of one million dollars, and probably  a  part of  the sum needed to make the survey.

     The "Post" says it is asserted  that General Grant has been consulted about the  Panama  ship canal, and is warmly in favor of the scheme.   It is said  that  he  thinks  its speedy construction is necessary to  preserve the commercial and naval supremacy of the United States on the Pacific.

Cuba.

     HAVANA,  December 7.    The  "Diario," which is strongly  in  the  Spanish interest, says that within the jurisdiction of Santiago de Cuba, this year, no crops will be gathered.

     The insurrectionists carry  off the coffee as fast as it ripens, and feed the sugar cane  to their horses.   Steam transports,  with reinforcements from Spain, arrived to-day.

     The Spaniards,  since  their  arrival, feel more confident that the revolution will speedily terminate.

     The "Diario" publishes accounts of misery prevailing in Santiago de Cuba,  which,  it says, is heart-rending.  The Eastern departmeut is ruined for years to come.

Mexico.

     Letters from Picacho, in the State of San Luis Potosi,  state  that  earthquakes of an alarming nature have lately been felt.  Within twenty-four hours, fifty shocks  were  felt, some of  which were very severe;   subterranean rumblings  were  constantly heard.  The town has  been  completely  abandoned by the inhabitants.

     TURKEY AND GREECE     War has become imminent between these two powers growing out of  Creteian troubles.  Hostilities had occurred, the ultimatum of  the Sultan had been rejected by Greece.   Much  anxiety  is felt by the Great Powers of Europe  in  view of war breaking out.  The Oriental question is revived in all its magnitude and  absorbes public attention.     A Conference of the Powers of Europe were to meet in Paris on  the second of January.   The Sultan refused  to participate in the Conference if the  Cretian question is to be discussed.

     Napoleon and the Emperor of Austria are understood to agree in their view, while it is thought that Prussia leans towards those of Russia.   Lord Clarendon,  adheres to  the old policy of England in regard to  Turkey.

     Russia desires that that the  United States enter the Conference of the Great Powers.

     The press represents the  war  excitement  as  great in Constantinople  as  in  Athens.  The Russian flag had been publicly  burnt in the streets of Constantinople.

NU HOU KUWAHO.

NO AMERIKA HUIPUIA.

HALAWAI KA AHAOLELO NUI.

KE KUIKAHI PANAI LIKE.

OKAIKAI KAUA MA TUREKE & HELENE

NO ENELANI, FARANI A ME SEPANIA.

     Ma ke ku  ana mai o na moku  lawe leta "Kometa" a me "Mondana" ma Honolulu nei, ua loaa mai ia makou na nu hou ano nui malalo iho:

     Ke haawi nei makou i ko makou  mahalo ia  A.T.  Beach,  kupakako o ka  mokuahi "Montana," no na nupepa ana i waiho mai ai i ko makou nupepa.

     Ua halawai ka Hale Ahaolelo Nui o Amerika  Huipuia, ma Wasinetona  i ka la 7 o Dekemaba, a maloko o ka olelo a ka Peresidena i waiho aku ai imua o ka Hale, ua kokua oia i ke Kuikahi Panai Like  mawaena o Amerika Huipuia a me Hawaii.

     Ma kekahi  nupepa  a makou i ike iho ai, ke hooikaika la o Kipikona, haole moremona o Lanai, i ke  kokua ana e hooholo  i keia kuikahi.  A pau ae paha kana hana malaila, alaila e holo loa aku ana paha oia i Inia Komohana  e kuka ai no ka lawe ana mai i mau haole hou ma ko kakou nei aupuni, i hoopuipui ae i ka poe paahana  maanei, no na mahiko.

     Ua hoolaha ka Peresidena,  he olelo kuahaua, e hookuu ana i na kipi a pau,  mai a Jeff Davisa a na alakai  mai  mahope ona a hala loa aku i ka poe a pau i komo  e kue mai i ke aupuni.   He ikena kau, hookuu ae i kou  mau  kanaka  Hema.   Waiho aku la auanei ahea kou noonoo maalea.

     Ua olelo o  Generala  Kalani, aole pono e hookaawale  hou ia  e ke  aupuni i puu dala no ke alanui hao o ka Pakipika, aka o kona makemake nui, o ka haawi o ke aupuni i puu dala, e hooholo koke ai i ka  eli ana i ka auwaha eli moku o Dariana.

     Eia kekahi manao o Generala  Kalani, aole maikai o ka  haalele  wale ana o na Luna aupuni i ko lakou mau kulana, ke komo mai ka Peresidena hou, e like me ka haalele wale o na Luna aupuni.   O kona makemake e noho no na Luna aupuni ma ka lakou  mau oihana, a i ikena ke ano o ka lakou hana ana, ina he maikai a he pono ole.

     O ka nui o na  poe i  make maluna  o na mokuahi i hookui ai ma ka muliwai o Ohio, i hoolahaia aku nei ma kela pule, he kanahiku.   He umikumamawalu o lakou he mau lede.   Ke hopohopo nei makou, o ko kakou makamaka  misionari Rev. F. S. Rising kekahi mawaena o ia poe ma he oiaio na lono i hiki mai.

     Ma ka la 21 o Dekemaba, ua haalele iho o Denerala Makuke ia Kapalakiko, a ua holo aku i Panama, a mailaila aku i Nu Ioka.

           

            No Enelani.

     Mahope iho o ka hoolohe ana  o ka  Hale Ahaolelo  o  na  Haku  i  ka  olelo alii a ka Moiwahine, i heluheluia mai e na  Komisina  alii.  ua hoopaneeia ia hale a hiki i ka la 11 o Feberuari, M. H. 1869.   Ua hoopanee hoi  ka  Hale  Ahaolelo  o na makaainana a hiki i ka la 28 o Dekemaba i hala iho nei.

     Ua hoikeia ae ka lono, ua lawa  pono  ko ke Kuhina Nui  o Beritania,  Pohakuhauoli mau Kuhina.   Ua ae aku o  Haku  Clarendon  i  Kakauolelo  Aupuni no na mea pili i ko na Aina e.   Ua lonoia ae, o ka Aha Kuhina o keia wa, he poe maikai  e hooponopono koke ai i na koina a Amerika Huipuia no ka "Alabama."

     Ua hoole ka nupepa  "Manawa" o Ladana,  aole   pono  i ke Aupuni Beritania ke ae aku i ko Suwaka mau hoololi i ka ke Kuhina Ioanekana olelo  ma Enelani  ae like  me ke aupuni Beritania.   O kela hoololi  a Suwaka, aole i hoolaha  akeaia.

     Ma ka la o Dekemaba, ua akoakoa ae  ko Pohakuhauoli mau Kuhina i koho hou ia iho nei.   Ua koho hou  ia o Mr.  Dennison i Lunahoomalu no ka Hale o na makaainana.

     Ua hoolaha ae ke Kakauolelo hou o Beritania nui no na aina e Haku Clarendon, he mea pono ke hookipa maikaiia aku ka Elele Kuhina o Kina ma ke ano hou i noonoo  ia.  E hookipa  io  ia paha auanei ma ia ano,  e like me ka hoolaha a keia Haku hanau o ua aupuni la.

No Sepania.

O  ka  haunaele  ma  ke kulanakauhale o Cadiza ma kela aupuni maluna ae,  ua  hiki mai i kona hopena.   Ua ae aku ka poe hoohaunaele  ma  ka noho lokahi pu ana me ka maluhia, mamuli o ke kauoha a me na olelo a ka Luna Koa o ke Aupuni Ku i ka  wa  o Sepania.   Aka,  aole nae paha i pau na manao hoohaunaele a ohumu e nune ana  iloko o  kekahi mau  wahi e ae o Sepania.   Ke manaoio loa ia nei, o na Kahunapule Pope a me kekahi poe hui i kapaia  "Carlist,"  o lakou ka poe nana e hoopaipai nei i keia hoalaala kipi, a ke hana malu nei lakou i mea e hoihoi hou mai ai  i aupuni  Moi  me  kona mana ponoi iho, aole me na mana Ahaolelo.  I ka  ike  ana  o Duke de Monpensier i keia hana, ua haawi oia i kona kino ponoi  iho, e hele e kinai i keia hoohaunaele kipi.  O ka hoopauia ana o kela haunaele kipi ma Cadiza, ua lilo maluna o ke Kanikela Amerika ma ia wahi ka mahalo nui ia, no kana  hana maikai.

     Ua hoalaia ke koho balota ma Sepania ma ka la 15 o Dekemaba i hala,  a  i ke  kaana ana a me ka hoolohe ana i ka nui o ka poe i kohoia, ua maopopo, o ka hapa nui o lakou, he poe makemake i aupuni Moi Kumukanawai.   Ke noho maluhia nei ka malu maluna o Sepania a puni, aka, o ka poe alakai  kipi o  Cadiza,  ke hoopauia nei me ka manao e hoopiia ma ke kanawai koa.   Ua hai ae ke aupuni Sepania i kona noho kuikahi ana me Kile.

No Tureke a me Helene.

     Ke hoahewa nei ke aupuni o Tureke i ke aupuni  o  Helene, no ke kokua ana o Helene i ka poe hoohaunaele  o ka  mokupuni o Kerete  a  me  ka hoalaala ana i na kue ma na palena aina o Tureke  ma  Europa.   Ua noi ke Suletana e hoopau koke  o Helene i keia hana ana.  Aole nae i hooluolu iki aku o Helene, nolaila, ke koi koke nei ke Suletana e hoala koke ke kaua. 

     O  ke okaikai kaua mawaena o Helene a me Tureke; ke hiki aku la i ka maka  o  ka hoouka kaua,  aia wale no a komo mai na aupuni nui o Europa e pale ae, alaila oki  keia kaua.   E haalele ana  ke Kuhina  noho o Helene ma Konatinopela ia kulanakauhale.  O ke Kuhina noho hoi o Tureke ma ke kulanakauhale o Akenai ma Helene, e haalele ana ia wahi, a hoi i Tureke,  nolaila,  aohe mea i koe, a o ka ulele wale iho no koe.

     Ua lokahi ka manao o na mana nui a pau o Europa, e ao aku, a e kuhikuhi aku ia Helene, e mihi mai ia Tureke, aka, ua ike ia, o ka nui o lakou me keia mau olelo e mihi aku ai:  "e like me na noi i kulike ai me ke  kanawai pili i kela a me keia aupuni."  O ka lono wale, ua ae aku ke aupuni  o   Helene i na noi a ke Suletana, koe nae ka hooiaio loa ana no ia lohe.

Hoomaka ke Kaua o Tureke me Helene.

     I ka paa ana o kela mau hua maluna, ku mai ka "Idaho" ma ona la i loaa mai ai na lono kaua no Tureke a me Helene.

     Ua hiki ae ma Viena ka lono ma ka la 17 o Dekemaba, ua hoole  ke  aupuni  Helene i ke koi a Tureke.  Ua haawai ia aku i ka Elele Kuhina o Helene ma Konatinopela ka  huaolelo hope e ke aupuni Tureke penei:  "o na kanaka Helene a pau e noho ana ma ke aupuni o Tureke, mahope iho o ka  pau  ana o na pule 'elua, koe nae na wahine, e lilo lakou a pau i mau kupa no Tureke."

     Ua hoounaia aku e ke aupuni Tureke  he au moku kaua,  e hoopuipui i na moku o ka Adimarala Tureke Pasha.   Ua lono ia   mai ua alualuia kekahi moku lawe ai Helene e ka Adimarala  Tureke, a ua komo ka manuwa Helene  iloko o Sura, a ke pani la  ka 

Adimarala Tureke mawaho.   Ua papa aku  nae kekahi alii moku Farani ma  ia  wahi,  aole make hana ino aku i ka manuwa Helene a hiki mai na lono mai Konatinopela mai.  Ua ae aku ka Adimarala Tureke i kela olelo ae, a aia oia ke kali la a hiki  mai  na  kauoha a kona aupuni, alaila, hoolele aku  na poka pahu maluna o ka mokuahi Helene.

     Ua loheia ma Parisa ma ka la 18 o Dekemaba,  ua  hoounaia aku he mau moku kaua Tureke ma na kai o Helene e kiai aku  i na moku Helene a e kiai aku i na moku Helune.  a e @@@ oaa mau puali koa Tureke pualu ma ke alo iho o na palena aina o Turekre i makaukau no ke pale ana aku i na koa Helene e hoopilikia mai ai ia Tesalonika a me Macedonia.

     Ua hoouna aku ke aupuni o Helene elua mau manuwa i ke awa o Sura.   kahi  a  ka moku Helene e pani paaia la, me ke noi aku i ka Adimarala Tureke, aole make  hooweliweli i ke komo ana aku o na aumoku o Helene ma ia awa.   Ekolu mau moku  kaua o Beritania, Farani, a me Perusia e ku la  ma ia  awa.   Ua  ae  aku no nae ka Adimarala Tureke i ke komo ana o na aumoku Helene ma ia awa.

     Ma kekahi nupepa o  Amerika i loaa  mai nei, ua ike iho makou, ua kauoha ke aupuni o Rusia i na moku nana e lawe nei i ka poe Helene  mai ka  mokupuni  aku o Kerete a i Helene, e kau i ka Hae o  Rusia  maluna o ia mau moku, i pakele  ai paha mai na hoopilikia ana mai a na au moku kaua  Tureke, loa pela,  alaila, he ano hoohali kaua maoli no ko Rusia.

     Ma ke kulanakauhale o  Konatinopele,  ua puhi akeia ae i ke  ahi kekahi  mau hae Rusia, a ua ike kela a me keia i ka nana ino ia o ka hae o kela aupuni nui.   Heaha la auanei kana hana  mahope,  no ka mainoinoia kona  hae?

     Ma ka malama o Ianuari  nei, e hui ai na mana nui o Europa,  no ka noonoo ana i ke kaua e hoalaala mai nei mawaena o Tureke a me Helene.

     Ma kekahi nupepa, ua  hoole o Rusia i ka haawi ana i ka  mana i na  moku  Helene e kau i ka hae Rusia.   Pela paha, aole paha.  Malia, he uhiuhi laumamane wale iho no ia.

     Ua hoouna mai ke aupuni Helene ia  Generala Garipaladi, i ka lono iaia, e lilo i Luna koa no ka puali koa  Helene, aka ua palapala aku oia, e hoole ana  i kona lawe ana mai ia kulana.

     Ua halawai na kanaka Helene e hele ana i Tureke, me ka poe koa Tureke, ma na palena aina o Tureke ma Albania.   Ua auhee na Helene.

     O ka poe waiwai loa o Europa, aole lakou makemake i ka hana a na mana nui  no  ka hooponopono ana mawaena o Helene  a  me Tureke, he mananai wale no ka lakou hana.

     Me he mea la, ke nana kapakahi  nei  ke aupuni o Rusia  no  keia  kaua  mawaena o Helene a me Tureke.

     Ke hookui nei na nupepa o Ladana  i  na mana o Europa, e hele aku a e hooponopono ia Helene, me ka hooki ana i ke kaua, a ma oia e hoole mai, alaila, haalele aku  nana  e imi i kona pono iho a me ka  lanakila.

     Ua hoolaha ae ke  aupuni  o  Helene,  he makemake ia e aie i umikumamalua  tausani dala i ka poe mea dala.   I dala paha  keia e lawe ai i keia kaua.

     He  hauoli  nui  ma  ke  kulanakauhale o Atenai ma Helene.   Ke pau mai la  na  kanaka o na palena kuaaina  i  ke  komo  mai iloko o Atenai, e hele huakai ma  na alanui.  He nui loa nae ka inaina ia o ka  Adimarala Farani  malaila,  no ke noi koke ana aku ia Helene e malama i ka maluhia.

     Eia ke kumu o ka hana mua a ke aupuni o Tureke, o ka hele e nana i na aumoku kaua o Helene e holoholo ana maluna o ke kai Waenahonua a me ke  kai  mokupuni liilii, no ko lakou makemake e ike pono aku  i  ke  kokua ana a Helene i ka poe o ka mokupuni o Kerete.   I ka ike ana o ka Adimarala Tureke i kekahi mokuahi Helene  o  "Erosis" kona inoa, kau aku hoi ua  Adimarala  Tureke  la  he  hoailona, e iliki koke mai ana ua manuwa Helene la i ke ki pu  i ke  Tureke.  Hookahi  no  pu,  a o kona holo aku no ia a komo i ke awa o Sura,  kahi ona e pani paa ia la e ka Adimarala Tureke.   O ko ka Adimarala manano nae, o ka hoihoiia aku o keia moku Helene a hiki  i kona  aupuni,  alaila, hookolokolo iaia no kana hana.

     Ma ka la 19 o Dekemaba  ma  Konatinopela,  ua noi ikaika aku ka Elele  o ke aupuni o Helene ia Tureke, e hooiaio i ka  malama  ana i ko Helene poe malaila.   Ua hoole nae ke Elele Farani i ke komo pu  ana  aku e kokua no ia mea  ma  kona  aupuni la.  Ke koi ikaika  nei ke Suletana o Tureke e kipaku koke aku i na Helene a  pau mai Belagarade aku.

          O ka lono hope loa mai ke  kulanakauhale mai o Atenai, aole i hoomakaukau ke aupuni Helene  no  ke  kaua.   E kali no nae kakou i ka oiaio a me ka ole o keia lono ma keia hope iho.

EIA NA  LUNA O KA BUKE KEIKI PAIONIA.

No Kauai.   V. Kanuka, a me ka poe ana e koho ai.

No Honolulu. Oahu,               A.  Halulu.     

  "            "       "                      J.  Kawainui.

  "            "       Kaapuni           Z.  Poli.

  No Maui.   S.C. Aneru, a  me na  Luna ana e koho ai.

  No Hilo, Hawaii,                   T.  Coana.

  "    Kohala,  -  -  -                  E.  Bona.

  "   Waimea,  -  -  -                  L.  Laiana.

  "   Kona.  -  -  -   -                  J. D. Parisa.

     NA PAKE PILIWAIWAI.--Ma  ka la  Sabati iho nei, ua  hopuia  maloko o keia  kulanakauhale, he 13 pake  piliwaiwai,  a ua hoopaa ia lakou a pau ma ka  Halewai ia po.  A ma ka Poakahi ae, ua laweia lakou  imua o ka Lunakanawai Hoomalu, a hookolokoloia, a kau ia ka hoopai  maluna o lakou,  ma ka umi dala pakahi me ke  koina pu.   Oia iho la no ka hopena o ka piliwaiwai, o ka laweia imua o ka Aha  Kanawai, a hoopaiia i na kanawai.   He hana nui io no keia mawaena o na pake, ka piliwaiwai malu  ana, aka, aole no nae paha o lakou  wale,  aka, o ko kakou mau kanaka kuonoono no paha  kekahi a inoa hoi e hele nui  nei ma keia  hana.  A pehea la e pau ai ia hana  ma Honolulu nei ma aole e mikiala ana ke  aupuni e kinai.    

KA LUNA HOOPONOPONO. - - L. H. KULINA.

KA HOPE LUNA HOOPONOPONO, J. KAWAINUI.

             POE HAKU MANAO NO KE KUOKOA.

Rev. L. Laiana (Lyons)   | S. M. Kamakau.

Rev. M. Kaaea.               | Rev. D. B. Anelu.

D. Maio  (Lekoino.)        |             (Andrews.)

Ka     Nupepa     Kuokoa.

HONOLULU. IANUARI 16, 1869.

 

 

Halawai a na Makaainana.

HALE KULA AUPUNI KAWAIAHAO, IAN. 9, 1869.

     Hora 8 P. M.  halawai ka "Ahaolelo Malama Ola o Honolulu."  Kohoia o A. F. Judd Esq. (Alabati) i Peresidena, a o J. U. Kawainui i  Kakauolelo.

     Ma ke  noi ia  ana  mai, o  Papa (Robert Charlton) e wehewehe mai i na kumu o keia halawai, nolaila, ua  wehewehe oia malalo iho.   Ua hele mai kakou e halawai maloko o keia hale no na kumu nui.   Ma ka la 26 o Dekemaba i hala,  ua  halawai  kakou, a ua kohoia  e keia  halawai, he Komite nona na lala elima e noi aku i ka Hiwahiwa  Lani a kakou  e hoopau i na lala o ka  Papa Ola e noho nei.   He mau la mahope iho, loaa mai ka pane a ka Moi i kona mau  makaainana, ma o ke Kuhina kalaiaina la, ka mea a keia hale i noi aku ai  e hoopau.   I ko'u noonoo ana, aole he kupuno i ka mea i hoopiiia e pale mai nona iho.   A oiai  o na  hana a keia ha le  mamua, no ka  malama ana i  ke ola o ka lehulehu, ua lilo i mea  hooheneheneia e na nupepa aupuni, nolaila e ku wale anei kakou e nana maka aku.   Ua olelo  na nupepa aupuni, aole he hele kino mai o ka mai, aka, ua  hele  mai  ia,  me  he aihue la i ka po, a mailoko mai hoi o na lole e loaa  ai  kekahi mai.  Ke hai aku nei au, o kekahi o na ohua o hope o ka mokuahi "Idaho"  ua  hu nenei ma ona la ua mai puupuu hebera nei.  O keia no kekahi ohua i hoomaikaiia  e ka Papa Ola, a hookuuia mai me ka hoomalu ole ia.  A Poakahi  e ku  mai  paha  auanei  ka mokuahi "Montana" me ka mai piva  make a me ke korela paha, a kuu hou mai no paha auanei ua Papa  Ola nei.   Ina o  ka  kakou hana  keia  o ka malama ole, alaila, he pono loa e pau  kakou  a pau i ka make  hookahi ana.   E noonoo kakou, no ko kakou ola iho, a e lawe i ka  hana  na kakou  iho, aole nae au makemake e  lawelawe me na mea ka@a, ma  o  ko  kakou  noonoo la,  mau  waha e noi hou aku ai, a aole hoi ma na olelo wale a na nupepa, a aole no hoi e hilinaiia na hana a ka  Papa Ola.

     Paipai pokole  mai o Kimo  e hoopau i ka Papa Ola, ina e lokahi like ana kakou.

     Ninau mai o  Paulo Kalaikini,  no ka laha ana anei o ka mai puupuu ke kumu o keia halawai?  E kipaku  anei kakou i ka mai puupuu e hele?  E hoouna hou anei i Komite i ka Moi, a e hai aku,  ua laha ka  mai, a e hoopau ae i ka Papa  Ola?

     Olelo mai o Mr. Kalaaukane, o ka make, ka enemi hope loa o ke kanaka, a oiai o keia mai i hoopaeia  mai e ka Papa Ola i loko o ko kakou  kulanakauhale,  ua ikeia  kona luku maka ana i kekahi mau tausani kanaka o keia lahui i ka 1853--E ninau kakou, nawai keia hewa i hoopae mai nei i keia mai?  Na ka Papa  Ola.   No lakou  ka  hewa nui loa.   Makemake no anei  kakou i keia  Papa Ola e hoolaha  mai i keia  mai,  me  ka ike aku no, he mai  maluna o kela moku.   Aole aole loa au e ae.  Owai  ke kanaka e aa aku i ka make, ke  ike aku  no he  make  mamua mai?

     Ku mai o Mr. Hooikaika a olelo mai, ekolu mau mana nui iloko o ke aupuni, Ke Moi, na lii a me na makaainana a pela aku.

     Wehewehe pokole mai ka Peresidena,  ua hoolaha ka Papa Ola,  he mau rula hou, ina e ku mai ka  mokuahi "Montana" a moku e ae  paha mai Kapalakiko mai,  Alaila e hoomaluia  ana ekolu la, ina he mai a  mai ole maluna.

     Noi mai o Papa (R. C.) he mau olelo hooholo kana, a ua makemake ia e heluhelu mai, ke hoapono o mai ka  hale.

     Heluheluia na oleo hooholo.

     NO KA MEA, o  ka hana a ka  Papa  Ola e pili ana i ka hoopae  ana mai i ka  mokuahi "Idaho" a me na ohua, ua ike maopopoia, he lalau loa, a e hoike mai  ana i ko lakou kupono ole e noho, ma ke kulana kahi a lakou i hookohuia ai, a o na kumu  hoopii  a keia halawai i ka Moi, ua ha@le me ka maopopo ole iaia o  ke kumu e hoopau ae ai ia lakou, a oiai, aole  hoi i waihoia e  ka Moi he ala i koe no kakou no na makaainana aloha lahui.  No ia mea

     E HOOHOLOIA---Ke hoike  nei keia halawai i ko ka lehulehu makemake,  a ke hai aku nei, aole lakou i hilinai i ka  Papa Ola.

     E HOOHOLOIA---Ke kaheaia nei kakou o keia halawai, ke hoahewa aku nei i na lala o kela Papa Ola, no ko lakou palaka  loa,  ma o lakou la i puka mai ai keia mai i hoowahawaha loa ia, i ikeia, a e hooia hou mai ana i ka luku ana i na ola kanaka.

     E HOOHOLOIA---E hoolahaia keia mau olelo hooholo  ma  na  nupepa ke "Kuokoa" a me ka "P. C. Advertiser."

     Ku  hou mai o Mr. Hooikaika, no ka mana i ka Moi e kahea hou  i ka  Ahaolelo  no ka noonoo ana i ke ola o ka lehulehu.

     Ku  mai o Mr. Kakani a olelo mai.  O ka waiwai nui a keia Hale, oia wale no na olelo hooholo i heluheluia mai  nei  He mau koi ia e hou ana i ka  Papa Ola, a e hoohilahila ai ia lakou.

     Ninauia a hooholo loa ia e ka Hale.

     Ma ke noi ia ana  mai,  ua hoopaneeia ka Hale.                                        

                                                                                                                        J. KAWAINUI,

                                                                                                                               Kakauolelo.

NU HOU KULOKO.

Oahu.

     E halawai ana na Kahunapule o Oahu ma Kawaiahao, hora 10 o ka Polua @@@ 19 o keia mahina.

  

     Ma ka po Sabatiiho nei i hala ua akoakoa ae maloko o ka luakini o Kawaiahao, he anaina nui a @@@ , e hoolohe ana i na hana hope loa o ka hebedoma haipule i hookauwaleia, mai ke Kahu mai o Kaumakapili, ka mea nana ka  haiolelo ia po.

     I ka hebedoma aku nei i hala, aole i malamaia ka halawai haipule maloko o ka luakini ma Kauk@ano, no ka hana hou ana o ko lakou ogana a me ka hooponopono hou ia ana o na mea a pau e pili ana i kela luakini.

     Ua noho paa loa mai ka ua mauka o Nuuanu, Pauoa, Manoa a me Palolo, ma ke kakahiaka  nui  Poakolu a me ka  Poaha, a ma ke ahiahi Poalua a Poakolu hoi.  E hoouliuli ana paha na  paka ua  i na lau nahele.

     I ke aumoe Poalua iho nei,  ua hoopuohoia  ko makou hiamoe  i ka lohe ana i kekahi mea p@-hu i poha ae, mai ke kulanakauhale ae.   Noluna paha  o na au  moku e ku nei ma ke awa o Kou nei.

     HAALELE O KAUKA MAKIPINE  OPIO. ---Ua lohe mai makou, ua waiho mai ka  mea nona ka inoa maluna i kona  Palapala Hookohu  noho ana Kauka no ke  Awa o Honolulu nei, a ua  kohoia o Kauka A. C. Bufama (Kauka Iwa) ma kona hakahaka.

     KAHI HALE humu lole o kahi haele Farani ma kai iho o ko makou  nei keena hana, ma Alanui Kalepa,  ua  hooia  mai iaia  iho, ua neoneo, a ua  haalele iho i ka  hale, a lawe aku la i kona mau wahi opeope, me ka waiho iho he  mau  huaolelo, e "holo manuahi ana."

     Ua lohe mai makou, aia ma  Puna Hawaii, elua a ekolu paha mau Pukiki e ao ia ana ina ka heluhelu palapala e J. Hanu a me kana wahine.   Ua  hauoli makou i ka lohe ana  mai,  e hanai ana i kela mau uhanae i hoonaaupoia e ka hoomana  Pope, ma ko lakou aina  hanau.   Ina e hoomanawanui keia poe, alaila e pomaikai ana no.

     KUNA KONA PAKEKE.---Ma  ka  Poakahi iho nei, ku mai la  keia kuna ma  Honolulu nei, mai "Kona kai opua i ka lai" mai. A e like no me  ka mea mau ma  kona  mau ku ana mai, pela no i hoolelehu aku  ai na kanaka ma kona mau  uwapo.  Maluna  mai ona i ike iho  ai makou i ke kau  ana mai o ke keiki kamaaina o ke kuaaina o Waiohinu, ka Hon. W. Toma Martin.

     HOIKE KULA HAOLE NA KANEOHE.---Ua hai ia mai ia makou ka lono, ma ka  Poalima e hiki mai ana, In 22 o keia malama, e hoike ana ke kula haole Kuokoa a Josepa P. Kamai, maloko o ka luakini o Kaneohe, nolaila, ia la e hele ai na  makua mea  keiki, na makamaka   a me na  makaikai, e nana i ka hoike ana o na kula la, i ikeia ai  kona makaukau ma ka olelo haole.

     NA MAKANI INO.---Aohe i pau  ka pa lauwili ana o ka  makani o ka hooilo.   Mamua iho nei, ua pa mai  ka makani Waikoloa, e lawe mai ana i na kui houhou a ke pue anu.  A i keia mau la hope hoi, ua hoi mai no ka makanai kamaaina me ka pa ikaika mai.

     DALA PEPA AMERIKA.---Ua hoouna  mai kekahi lawe nupepa o makou  ma Kaleponi, oia hoi a J. A. Kapahukula,  i kona uku nupepa no keia makahiki, ma na Poo Leta a ma ke Dala Pepa  hoi o Amerika  Huipuia, nona ka  waiwai hookahi dala,  aka, ma ma ke dala gola, emi  iho paha.  Ke hooia aku nei makou i ka loaa ana mai.

     KU MAI  KE "KOMETA."---Ma  ke awakea Sabati iho nei, ua ku mai keia moku mawaho o Waikiki.  Maluna  mai nei ona i kau mai ai o Elizabeta K. Binamu, (kaikuaana o Lilia D. Binamu o Kawaiahao) Rev. F. Kamikana ke Kahu o ka  ekalesia  haole o Hilo, o  J.   T. Walakahau@i  opio a me kana wahine, a me  umi a keu  kanaka  Hawaii, a me na ukana no keia awa, i hoounaia mai no C. Burua ma a me kekahi poe e ae.

     KA MOKU  "WHISTLER."   He mau pule ae nei paha elua i hala, ua ku mai  keia moku ma ko kakou nei awa, mai ke awa mai o Sidane ma Nu  Holani,  me  ka  ukana  paele maluna ona he lanahu. Ua hoolimalima ia oia e ka Hui Hooholo Mokuahi o Kaleponi, Oregona a me  Mesiko, e lawe  mai i Honolulu nei i lanahu, no ko lakou mau mokuahi e holoholo  nei  mawaena o kakou a me Kapalakiko.

     AHAAINA PAPA HIMENI.---Ma  ke ahiahi o ka Poaono aku nei i hala,  ua  haawi  ae ka Papa Himeni o Kaumakapili, he wahi paina na lakou,  maloko o ke  keena  kula  o Kiha.  Malaila, ua  akoakoa ae  ka  hapa nui o ua Papa Himeni la, a ua  koe aku kekahi  poe.  Ua konoia ma ia Ahaaina  na Mea Hanohano Paulo Kanoa,  Davida Kalakaua, W.  P. Kamakau,  J. W. Makalena,  H. A. Kahanu, a me na Mea  Mahaloia  W. J. Noa,  J. M. Kapena, S. W. Mahelona, L. Keliipio a me J. D. Halai.  Mahope  o ka  hoomalu  ana, ua haule like iho  lakou a pau e paina i na mea momona o ia papaaina.  Mahope o ko lakou lawa pono ana, ua  inu wai huihui lakou no ke ola o ka Moi Kamehameh V., ke Kiaaina o Kauai, ke'lii hanau D. Kalakaua, na'Lii o ka  Aha Kukamalu,  ka Lunakanawai o Hana a me na hoolaha nupepa.   Mahope o  ia mau mea, ua koiiia o Pakeke a me Kaliko e mele  mai i ke melo   "Ka  wahine hele la o Kaiona," a ua hooko ia ke noi.  Ua mele pu ia hoi ke mele Butaritari, a hoopau ia na hana.