Ka Nupepa Kuokoa, Volume VIII, Number 51, 25 December 1869 — Hawaii. [ARTICLE]

Hawaii.

NO KEALAKEKUA. - Ma ke Sabati mua o Dekemaba nei, oia ka la 5 o nia malama, ua malamaia ka Ahaaina a ka haku e ke kahu hou o keia ekalesia Makua, ma ke kokua pu ana mai no hoi o ke kahu mua e lawaelawe pu me kona pokii i ka hana nui a ka Haku. A eia ka mea hilu a nano loa: Ma ke kokua ana a ka ekalesia ma ia la i ke ola o ko lakou kahu hou, ma ka mua o kona malama ana i ka ekalesia, he $44.00. He hoike maopopo io keia o ke aloha a me ka makemake o ka ekalesia i ko lakou kahu hou e like me ko lakou palapala kaheu. "Ua ikeia ka laau ma kona hua." Kahu. MAKANI IKAIKA. - Ua hoomaka ka pa mai o ka makani, i ka Poaha la 2 of Dekemaba nei ma Kekaha i Kona Akau, aole nae he ikaika loa iloko oia mau la. Ma ka poakahi la 6 ae, ia la wau i ike ai i ka ikaika o ka makani, ua like ke kai me he mahu la no ka ipuhao, aohe ike pono ia o kona wai hooluu, he kuakea wale no. I keia la no hoi, ua uhi paa pu ia o Kekaha nei e ka lepo, ua like ka lepo me he ohu la e uhi ana; ka paa pu aohe ike pono ia aku, o keia lepo mai Waimea mai, o ka inoa o keia makani, he Mumuku, he makani pa mau no i kekahi wa, aole nae he ikaika loa e like me kia, ke koele mai o ka lepo i ka maka, lao-lao, launa ole. He noho wale ae nei no hoi i ka aina, aole i ikeia ka ikaika o ua makani kamaaina nei i keia wa hoi, ka hele ka ia o ka lepo, he ula pu wale no i ke-a. Aole nae i hoopoinoia na wahi kauhale o makou e keia makani, i keia la a'u e kakau nei, ua akakuu iki mai hoi ka pa ana.