Ka Nupepa Kuokoa, Volume IX, Number 1, 1 January 1870 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KE KUOKOA, HONOLULU, IANUARI 1, 1870.

 

MAKAHIKI HOE

 

 

1.  Hamau @ he bele kani nei @

       Hamau @ na hele kani ke

       Ma ka @@@@@ o ka po,

       Pa lea ma @a pepeiao. 

 

2.  Na bele kani aha nei ! 

       Kaoi aloha nowai. e ! 

       Nou, e ka makahiki @ pau ; 

       A, nou, ka makahiki hou. 

 

3.  He makahiki aha i pau @ 

       Na kou waihona no e ao ; 

       Ua baole paha ia makou,

       E ahonui, a hai hou. 

 

4. He makahiki koa a kaa,

       A kaa kiau a pau na la ;

       He lohi no ka lio hao,

       Ke kaa uwahi holo mau.

 

5.  He lohi hoi ka lele nei 

       O na nunu, na manu e ; 

       Ua kaa mama me na manao 

       I holo ma ka weia hao. 

 

6.  He makahiki kike nei, 

       Kaa mua a kaa hope ae, 

       Onionio ke nana, 

       He aloha, a he kuekaa. 

 

7.  He makahiki kaa mai no, 

       He Kalalina ka mai hou, 

       Hoko on a i koa a o, 

       Kaa make, a kaa ola pu. 

 

8.  Ua make ane lau a lau, 

       Olo ka pihe kanikau, 

       Aloha na naau luuluu, 

       Me na waimaka kulu pu. 

 

9.  He makahiki hakaka, 

       He makahiki hoopaapaa ; 

       Na Mahiko, ua hakoko 

       No na Pake i kaina hou. 

 

10.  Hoole kahi aoao nae 

        Aole make e kai hou mai ; 

        E pau ke puhi i ke ko, 

        Na hale mahu e poho. 

        E aho ia i ke kii ae 

        I na Pake e kepa mai. 

 

11.  Ku nae kekahi e kao ae 

        Mawaena o na noao nei, 

       "Mai awiwi, e akahai, 

        O nei na mauna a haule mai." 

 

12.  Ua lawa kau kaiūa mai, 

        Ka makahiki i kaa ae ; 

        O oe, ka makahiki hou, 

        Ke kali nei e lohe i kau. 

 

13.  He makahiki make no ;

         Ka põe mame owai lakou ?

         O oe, ke hoa paha ou ;

         E noho pono, e kuoo.

 

14.  He makahiki hana nei

         No na inakua na kamalii,

         Na kumu, na haumana ao,

         Na kahu, me na hoahanau.

 

15.  E kaua i na enemi,

         Ka po, ke ao, ka pi, ke kee ;

         Keēo ma ka unauoo.

         Hainā'ku i ka naaupo.

 

16.  He makahiki kohe hou

         Na Lunamakaainana no ;

         Noonoo, nowelo, noke pu,

         I kohoia na noeau.

 

17.  He makahiki hoopaapaa

         Ma ka Ahaolelo ke nana ;

         Uwao, kuka, hooholo ae,

         A kau na kanawai maikai.

 

18.  Ko Waialua Hoku no,

         E napoo ana, e kanikau

         Ke kau hou mai ka pouli e

         Ma ko Hawaii poe pokii.

 

19.  He makahiki oli nei,

         He makahiki lubile ;

         Ka puni kanalima nei

         O ko na kumu noho mai.

         E kuu na pio, na aie

         Ma ko Hawaii lubile.

 

20.  E "Hoku Ao," e alo mai

         I ko Ebona hoa maikai,

         Na hoa hoi o Ponepē,

         Me ko Nuuhiwa hoa e.

 

21.  Ala'e i ola honuā'e.

         Hoomakaukau, hoolako e,

         O hemahema a hoka'e

         Na malihini ke kai mai.

 

22.  E laa ka makahiki hou ;

         Ua lawa kau, aloha no,

         Aloha hoi, na hoa o'u.

         He hapenuia ia oukou.

 

 

KA HANA PAEWAENA A KA LUNA HELA O

Ka A@@@@ o Hana, Maui.

 

 

I ke K@@@@ ;  Aloha oe:

            E olu@@ oe a me kou Luna Hooponopono e ae mai ia'u e hoakaka aku i kekahi mau hana kupono ole a ka Luna Helu o ka Apana o Hana nei, i oleloia maluna ma ke poo o keia kukulu manao ana.

            O ka Luna Helu o keia Apana i keia makahiki 1869 o ka Luna Helu mua no, he kanaka maikai o na helehelena, a he ano oluolu no hoi ma ke kamailio ana ; aole nae oia he haole, he kanaka maoli no.

            A oia no hoi ka Lunakanawai Apana o Kipahulu, Kaupo a me Kahikinui.  Ua kipa ae ua Luna Helu nei ma ko'u wahi home, a ua ninau pono mai i na mea e pili ana no ko'u auhau ; a ua babai pono aku au i ko'u mau aubau o ka makahiki i hala. 

            Eia hoi, ma kuu hele ana aku i kahi o ka Luna Aubau T. Laiana (Lyons) me ka makaukau i kahi apana dola e kaa'i o ka auhau mekahiki ; i nana mai ka hana o ka Luna Auhau i ka Buke, e pinana loa aku ana ka auhau iluna, a ua like ole me ka mea i haiia aku i ua Luna Helu la.  l mea aku ka hana i ka Luna Auhau aole ia o ko'u mau auhau mua, ke haohao nei au ia mau auhau au e hai mai nei.  Pane mai la no kela i ka hua o ka maikai.  " Aole be mana i loaa ia'o malaila. o kana mea i hoopaa'i oia no ka'o e hana aku ai, oiai, aole e hiki ia'u ke holoi ia kiko eleele e paa nei ma ka Buke."  O ka hoi mai la no keia me ke kaumaha o ka manao a hiki i ko'u home ; kuka iho la me ka'u wahi ewa (wahine) e nune ai ; ua apiki ka Luna Helu, ua kakau hewa he lio, hoki a me ka ilio, me kuu olelo aku ao ka i ua Luna Helu la aole o'u lio, hoki a me ka ilio o ko'u kino hookahi wale no.

            Nohia, kai noa owau wale la ka i kope hewaia e ka Luna Helu, eia ka @ o lakou la no hoi kekahi i paumaele pu i keia lepo pohopoho o "Oopuola."  Ma keia mea. e na makaainana o ka Apana o Hana nei, e noo nanea mai nei i ke aheahe o ka weiau makani he Koholalele.  E nana pu mai kakou i keia hana pono a ko kakou Luna Helu, nolaila. he mea kaumaha a walania no ka naau, a ua ili mai keia mau palahaku maluna o kekahi poe ui a me na elemakule hapauea o keia Apana.

            Auhea oukou e na Poo Aupuni e noho mai nei ma ma Oihana Hanohano o ka Pae Aina o Hawaii nei.  I keia makahiki ae, e pono ia oukou e noonoo i Luna Helu kupoono a ano aloha makaainana ; i kanaka ano makau i ke Akua, aole e like me keia Luna Helu a oukou i hookohu mai ai.

            Ina no hoi o ka oukou Luna Helu ae no keia e koho mai ai no ka M. H. 1870, ke manao nei au, e uwouwo ana a me ke kupilikii na makaainana o ka Apana o Hana nei.  Ina ua hewa au ma keia kakau manao ana, e kala mai no ia'u. Owau no me ke aloha.

Abenera Kaulukoa

Koolau, Maui, Dekemaba 20, 1869.

 

 

HE KAAO NO KAUILANI

Ke kupueu o ka uka waokele o Kawakina i Waialua, Kauai, a me kana poe mamo aku.

Hoopukaia e Sanuela Kapohu.

HELU 9

            {Mamuli o ke kono ana mai a ka lehulehu e hoopuka i Kaao a moolelo Hawaii a haole ma ko kakou mupepa, a no ka mea hoi, no ka lehulehu ka nupepa, nolaila, ua ae aku makou e hoopukaia ke Kaao Hawaiian malalo iho nei.  Aka, ke nui nei makou, o na olelo maalea a me na olelo hoomanamana o ka wa kahiko, aole no ia he mea na kakou e manaoio aku ai ; he hoike ana ia i ke ano tupo loa o ku kakou lahui i kela wa.  O na hewa a me na olelo pelapela, e kapae loa aku ka haku Kaao ia mea wai kona kakau ana mai.}

            A pane mai la na kaikunane o Wailuku ia Kakuhihewa, (oia hoi Oloimehameha a me Lahaina) me ko laua olelo mai penei : Pehea kou manao e ke alii, na makou keia mau imu, a me keia puu-wahie e ahu mai nei la nou, o keia mau mea no a pau loa, a i olelo mai oe ia makou, huli ke au papio i lalo, aia ia oe e ke alii.

            A@ aku o Kakuhihewa, aole a'u make, he ola ka'u ; nole no hoi au i ike i ka hana kanaka ana ; in a o ke eo ana iho nei a he eo ia oukou ; alaila, make io no ia oukou, aka, aole pela ko'u manao, oiai aole na'u keia make, na kuu hunona no ; no laila, e kau ka lepa ola, a kau ia ae la ka lepa ola ( hue ola.) 

Ka hoi ana o Mauinui kona aina.  Ka Kakuhihewa olelo i kona poe makaainana.  Kona hoouna ana i na kanaka e iwi i ke keiki alii ia Kauilani, a me ka loaa ana o ua keiki nei.  Ka hopai ana o Ihiihilauahea, a me kona hanau ana.  Ka ike ole ana o ke alo alii i ka hanau anu o ke keiki, a lilo i ka makani.

            A liuliu iho la na waa o Mauinui e hoi i kona wahi i Maui, a kau i ka ae-one, a kau iho la no hoi o Mauinui a hoi aku la me ka hoka o kona manao, a noho iho la no hoi o Wailuku me Kakuhihewa kona kaikunane.  Eia no ka hoi he kaikoeke o Mauinui la no Kakuihewa, paakiki ia i ka make, kai no hoi nana ka make, (hokai no hoi ua kaikoeke kua niu o Kahaloa wahi a ka olelo.)

            A hala aku la kela i ka moana kai lipolipo, hai ae la o Kakuhihewa i kona mau makaainana penei :  Aole a'u make aku i koe, he ola wale no, o ka poe @ loan na lako ia mamua, e ai no i ka ia, mai manao mai ia'u, a pela no ka poe ai aina, e lawe mai no lakou i ka lakou mea i kanu ai e ai, aole hooinanao mai ia'u, a pela na mea a pau i haawaiia ma ko oukou lima no oukou loa ia ; ono ka mea, ke haawi nei au keia mokupuni no kuu hunona, ka mea nana i hoihoi mai i kuu ea a lana malie me he wai la : polaila, ke kauoha aku nei au ia oukou e o'u poe makaainana, e hele oukou ma ka mokupuni nei e imi i kela keiki e ku ana i ke kahua kaua i ka wa e kaua ana na moa, a ua ike no hoi paha oukou, ae mai la lakou, a o kekahi poe ma Hawaii, a ma Maui kahi poe, a ma Kauai kekahi poe, a ma Molokai kekahi, a ma Kauai kekahi, a ma Niihau kekahi kekahi poe, e huli oukou a loaa, e lawe mai imua o'u, i ike aku au iaia.

            A makaukau iho la na waa o na kanaka e holo ma ma kela mokupuni keia mokupuni e huli i ua keiki la, a pela no hoi ka poe ma ka aina ihe, hele no hoi lakou e huli.

            A hala aku la na kanaka, hoi aku la ia a imua o kana kaikamahine, a olelo aku la ia penei : Ua hewa loa oe i kuu manao, no ka nea, o kela keiki au i hookuke ai a i hana ino iho nei hoi, o ke alii no ia o Kauai, o kuu mea no hoi ia i opu ai a noa ko kino ia ia, a nolaila au i hoouna koke aku nei i na kanaka e hele e huli, malia eia koke ae no ke noho koke mai nei, alaila, pane mai ke kaikamahine.  I hea la hoi oe hai mua mai ia'u i ka imoa o ua keiki la!  Kai no hoi no kou ike ole ke kumu i puka ai oia mau huaolelo, aole hoi paha au i manao e oia ke alii o Kauai, e noho koke mai ana no hoi oe ia wa a'u e kamailio ana, nolaila nou ia hemahema.

            A pene mai la ka makuaka@e, e ninau ia no hoi paha e oe i ko wa i kiiia mai ai e na kahu malama moa, hooili mai ka oe no'u ia hemahema, no kaua like ia naaupo, a oki pu wale iho la no ka manao o Kakuhihewa.

            Aka, iloko o keia manawa a na kanaka e huli nei, aohe wahi mea a loaa iki, puni na mokupuni i ka hele ia iloko o kela pule keia pule, (hebedoma) e hiki mau ai na waa o kela mokupuni keia mokupuni imua o ke'lu, a o ka ke alii hana no ka hoouna aku e hele ko ka aina iho ko ke kai a me na moku e ae, a hooko no na kauwa i ka hana i kena ia aku ai, a hala na mahina eiaw, hoi hou mai lakou a hai imua o ke alii penei : Ua kuekaa ia aku nei e makou ma mokupuni a pau, aohe wahi i koe, pau na kualono, ka he-i na kuahiwi, na mauna, na puu a me na awawa, na elu na pua lealea, na anakua na waokele, na wao eiwa a me na wahi pohihihi, aohe wahi i koe, a nolaila makou loihi loa ai a hala iho nei keia mau mahina eiwa, a pela no hoi ka hana a ka poe ma ka aina iho, ua hooikaika no lakou i ka huli ana aohe no hui he loan iki, a o ka ke alii hana no e ke kena i ma kanaka e hele hou e huli, a hele hou no lakou e huli, aohe no he loaa iki, a hala wale ka makahiki a me ka malama keu, a iloko oia malama, loaa ua keiki nei i kahi mau kanaka ma ka aina iho o Oahu, o ka imoa o keia mau kanaka, o Kau a me Waikiki, o ke kumu ane i loaa ai ia laua, i hoike maoli ua keiki nei, ma kekahi hoailona he anuenue, (e waiho iki ae kakou i ka luana ana no keia a e nana ae kakou no ke kumu o ka hoike ana o Kauilani iaia iho.)

            A i ka hala ana o ka makahiki okoa, olelo aku la o Lepeamoa i kona kaikunane. E! eaho e hoi oe me ko wahine la ke hoope hanau la i keia mau la, no ka mea, ua nui na kanaka e huli nei ia oe, nolaila, e hoike oe e pono ai i keia mau la, a ae mai la kela i keia olelo a kona kaikuahine.

            A ma keia hele hou ana a na kanaka e huli i ua mau keiki nei, ko kela moku keia moku a me ko Oahu iho, elua nae kanaka i hele ma ke komohana akau, o ko laua mau inoa o Kau, a me Waikiki, e like me ia i hoike mua ia aku nei mamua.  Ia laua i hele ai a hiki ma Honolulu, ike aku la laua i ke anuenue e pio mai ana i Kapalama, a hiki aku la laua ilaila, aia hoi, he mau hale e ku mai ana e pio pono ana ke anuenue e pio pono ana ke anuenue iluna o ia mau hale, a olelo aku kekahi i kekahi, "e! aia paha i kela mau hale kahi i noho ai o ka mea a kaua e imi nei la ; akahi hoi a ikeia keia anuenue a me kela mau hale ; mo ka mea, o ka kakou wahi no keia e hele mau nei a puni ae nei ka makahiki, a o ka malama mua keia, (mahina) akahi no a ike ia he hale hou ma keia wahi, e aho e hele kaua e ninau i ma kanaaina o kela mau hale," ae mai la kekahi, a hele aku la laua a hiki i ua hale la, a hookipaia laua e Lepeamoa, a kono aku la laua iloko o ka hale, a ike aku la iaua i ua keiki la, a hai aku la laua i ka olelo a ke alii penei :  I kauoha mai nei ke alii ia oe e hoi aku, no ka mea, ua hala aenei ka makahiki, a o ka mahina keu keia o kona ai ole ana i ka ai, nolaila makou e huli nei ia oe, a nani hoi ia ua loaa aenei oe ia maua i keia wahi, a nolaila, e hoi kakou o make mai auanei ko makuahonowai.

            A i mai ke keiki Kauilani, ae, ou hoi e aku mamua a na'u no ia e hele aku mahope, ae mai la laua, a hoi e aku la laua a hiki i mua o ke alii, a hai aku la i ke ano o ka loaa ana o ua keiki la, a me kahi loaa ai, a lone ke alii o Kakuhihewa i keia, hookanaaho ae la ia mailoko mai o kona waiho ana i ke kau a ka pilikia, aole mae e hiki, ua hanai ia iho la ia i ka ai i pau ae ai ke poniuniu o na maka, a mahope iho ponopono iki ae la na wahi maka, a ano kupono i ka nana aku.

            Aole no hoi i liuliu iho ku ana ua keiki la a hui aloha pu iho la me kona makuahonowai kane, me Kakuhihewa, a uwe aloha pu iho la laua, a pau ka laua uwe, kamailio mai la o Kakuhihewa ia Kauilani penei : "Lioko o keia makahiki iho nei, ua lino ia mai au a paa e ka make."  Elua mea kaumaha iloko o'u e noho ana ia wa, o kou nalowale ana a me ke kaumaha o ka opu o ko wahlne, a ke hoope hanau mai nei ia i keia wa a e hanau ana o ke keiki, a iaia i hiki ai i ko laua hale, aia hoi na pale keiki e noho ana imua o ka mea e haakohi ana, a ia wa hoopuka aku la kela imua o ka poe pale keiki.  "E, homai na'u e pale aku ke keiki i waiwai ai kakou i ke keiki," i mai la lakou, aole oe i ke i ke pale ana i neia mea he keiki, o makou mai ka mea i (ao hele) a kau i ka hale uwahi, a i hou mai la kela penei : Pehea ke ano o keia keiki i ka oukou ike ana, aia mahea ke poo o ke keiki i keia wa ? A pane mai la ua poe pale keiki la, o ka makou ike aia mo ke poo ilalo e anuane aku ana e puka, a i heia wa no e hoea koke mai ai ka malihini hou, a i mai la ua keiki la, he keu oukou o ka poe palekeiki ike ole i ke ano o ke keiki, ina me ueia, aole oukou e ike ana he Ihiihiauakea maanei, aole e hanau ana i keia wa, aole e hanau ana i ka la apopo, a e hala ka pule (hebedoma) a hai aku la ia i ke

 

 

ALEMANAKA

NO KA

M. H. 1870.

 

 

ano o ke keiki, a o ka'u ike joi o ke poo o ke keiki aia maluna e pili la me ka houpo ua haliu aku la ke alo iloko, o ke kua mawaho nei, nolaila i na e loli ole ke poo o ke keiki ilalo a hala keia po e make koke ana oia nei, a i na no hoi e hoolohe mai oukou i ka'u olelo, e ola ana oia nei, aka, pakiki no ua mau pale keiki nei mamuli  o ko lakou ike iho, a i hou mai la kela.  Ae, in a e make kuu wahine ma keia hana ana a oukou, alaila, o oukou ka'u luahi ma keia hope aku, e pau oukou i ka lukuia aole mea e koe.  Aka, o ke kum o keia hanau koke ole ana o keia keiki, mamuli no o ke ano mana o Kauilani i hoohokaia ai ua poe pale keiki nei, he wahi waha wale no ko ianei a pane ae i na kupuna makani ona, e hookoia kana kauoha i hai ai.  Oi noke ke akamai o ua poe pale keiki nei, aohe wahi mea a hemo iki o ke keiki, oi hana lakou a hala na la elima, kupilikii mai la ko lakou manao.  " Aneane hiki ole i Wailelehuna: aohe wahi pono o Ihiihilauakea i koe, a o ka make wale no ka mea i koe, ua hele mai la ka hanu a kiikoi iluna o ka hoipo o Kane, i ke pani ku ae a ke keiki paa ka hanu, a hala he mau minute, a o ka ikaika iho hoi o ke kuakoko, nawaliwali loa ua kaikamahine alii nei.

 Ka mihi ana o na pale eiki imua o ke keiki alii o Kawai, a me kona kala ana aku i ko lakou hewa.  Kona hele kino ana e pale ae i ke kaumaha o kana wahine.

            Oiai e waiho ana o Ihiihilauakea i ke kupilikii a ka huamoa i ka nahunahu ikaika a ke kuakoko o kana keiki e noho ana iloko o kona opu, a hoopuka ae la ia i kana olelo imua o na pale keiki me ka i mai. " E make ana au ano eia kuu hanu i ka houpo ke pani paa mai nei ke keiki, aohe hiki ke hanu ae, heaha la ko'u pono i koe?"  Ia wa hoopuka aku ua poe pale keiki nei i ka lakou lelo penei:  He nani no ia ua hana aku lao no makou i ke akamai i ao ia e ko makou poe kupuna, a ua pau ae la no, aohe wahi i koe aku, e aho paha e hele makou e mihi i ko makou hewa i ke keiki alii, aole hiki iaia ke pane mai ia wa; no ka mea, ua aneane e hikii mai ka make ia ia.  A ku ae la ua poe pale keiki nei, lawe ae la lakou he wahi makana, he puaa hiwa, he i-a ula, he awahiwa, a pela aku.  A ku ana imua o ua keiki nei, alala ana ka puaa imua o Kauilani, oiai aia no ia me kona makuahonowai kane kahi i noho ai.  A na iho la ka aumakua wahi a ka olelo, i ka uhau ia i ka ihu o ka puaa.

(Aole i pau.)

 

 

Alanui Mauna o Aika.

 

 

E KE KUOKOA;  Aloha pu kaua :

            Ua hoomakaia ka hana hou ana i keia alanui; ma ka la 13 o Sepateaba aku nei i hala.  Ekolu mile ka loihi o kahi i pau i ka hana ia.  Penei no ke ano o ka hana ana;  He iwakalua kumamaono kapuai ka laula o ke alanui, a ua eli auwai ia ma na aoao elua, a hoonuiia ka lepo iwaena; a o ka laula o ka auwai, ewalu kapuai, a elua kapuai ke akea o lalo, he elua kapuai no hoi ka hohonu, he umikumamaono kapuai ka loa a ke kanaka e hana ai i ka la hookahi; a o ka uku no ke kanaka hookahi, he umi dala no ka mahina hookahi.  Ke hana nei na kanaka me ka oluolu.  O na elemakule i hiki aku na makahiki i ke kanalima a kanaono a me na opio pu kekahi, eia lakou ke hana nei.  A o ka nui o na kanaka e hana nei i keia wa, ua oi ae ia mamua o ke kanaono.

            Ke mahalo nei no hoi makou ia Mr. Wilson & Macy, na haole nana e alakai oluolu nei i keia poe kanaka-- aohe hoopaapaa, aohe huhu wale aku i na kanaka.

            O keia no ke alanui e kaulana nei i ke poho, aka, i keia manawa, e maikai ana paha.  Pela io no, ke haawi iho nae ke aupuni i puu dala hou i keia kau Ahaolelo ae, no ka hoomaemae hou ana i keia alanui, alaila, ke manao nei makou, ua ku maoli keia alanui i ka hanohano, e like la me kekahi o na alanui o ke alo alii e moe la mai ka uwapo a hiki i Nuuanu, i kapaia iho ai, " Alanui Nuuanu."  A o keia alanui nae a kakou e olelo nei, aole no ia i moe pololei ma ka laina hookahi.  He mau iho la ia, o ke aloha no ko oukou.

D. B. Kapena.

            Aiku, Hawaii, Dec. 15, 1869.            

 

 

NA BUKE

HOOLAHAIA E KA PAPA HAWAII.

 

Baihala Hemolele Nui ili gula nani me na kuhikuhi ma na aoao.- - - - $12 00

  " "  Nui ili eleele kaekae wai gula,  7 00

  " "  uuku iki iho, " " " " "  8 00

  " "  Pananaiki iho ili eleele, " "  5 00

Kanoha Houili gula nani ihe na kukikuhi,  3 00

  " " "  eleele kaekae wai gula,  "  1 50

  " " " " " -    -  -  -  -  -  1 00

Kauoha Hou Hapa Haole, -  -  -  -  -    75

Lira Hawaii 1848 me ke kanawei,  -  -    25

  " " " 1855,    -  -  -  -  -  -  -    25

Kumu  Leo Mele ili manoanoa me ke kanawai,  -  -  -  -  -  -  -  -  -  -    25

  "  "  "  "  "  lahilahi, -  -  -  -    10

Moolelo Ekalesia, -  -  -  -  -  -  -  -    50

Haiao,  -  -  -  -  -  -  -  -     -  -    25

Hele Malihini ana,  -  -  -  -  -  -  -    25

No ko ke Akua ano, -  -  -  -  -  -  -    25

Lira Kamalii,  -  -  -  -  -  -  -  -  -    25

Hoike Palapala Hemolele,  -  -  -  -  -    25

Moolelo o Heneri Opukahaia, -  -           25

Hoike Akua,  -  -  -  -  -  -  -  -  -  25

Wehewehehala,  -  -  -  -  -  -  -  -    25

Ninau Hoike ili manoanoa,  -  -  -  -    25

  "  "  "  "  lahilahi,    -  -  -  -  -    10

Ui Kamalii Kula Sabati,  -  -  -  -  -    10

Kumumoa Kula Sabati,  -  -  -  -  -    10

Haawina Kamalii Buke 2,  -  -  -  -  -    10

Buke Lawe Lima,    -  -  -  -  -  -  -    10

He Buke no ka Pope,  -  -  -  -  -  -    10

Ui Kula Sabati Helu 3,  -  -  -  -  -    25

  "    "    "    4, -  -  -  -  -  -    05

Buke Euanolio a Ioane,  -  -  -  -  -    10

 

Na Kauoha Hou Pakeke.

Ili Gula nani  -  -  -  -  -  -  -  -  -  1 50

Ili eleele kaekae nani  -  -  -  -  -  -    50

Ili eleele  -  -  -  -  -  -  -  -  -  -    35

Kauoha Hou Pakeke me na Halelu.

Ili Gula nani  -  -  -  -  -  -  -  -  -  1 75

Ili eleele kaekae wai gula  -  -  -  -  -    60

Ili eleele    -     -    -  -  -  -  -    50

Na Halelu Pakeke.

Ili Gula nani      -      -  -  -  -  -    50

Ili eleelekaekae wai gula  -  -  -  -        30

Ile eleele      -      -    -  -  -  -  -    20

Eia na buke haawi wale.

Palapala Liilii--

            Helu 4--Makemake anei oe i ke ola?

            Helu 6--E hele i o Kristo la.

            Helu 7--Ka hoi ana mai o ke Keiki Uhauha.

            Helu 11--No ka hoohiki wahahee i ke Akua.

            Helu 16--Ka Eohia ana o ka Ahaaina a ka Haku a me ka Papekiko ana.

            Helu 17--Mai hana ino i na Holoholona.

            Helu 18--No ka mahi ana, kuai ana, a me ka inu ana i ka Awa.

Ka Davida Malo Kumumamo.

Ka Moolelo o Batimea Puaaiki.

L. H. Kulika.

Kakauolelo o ka Papa Hooko o ka Ahahui Enane lio o ko Hawaii Pae Aina.

 

 

Na Luna Kuokoa o keia M. H. 1870.

 

Hawaii.

Punahoa,  Hilo,    Rev. T. Koana.

  "    "    Rev. D. B. Laimana

  "    "    Kauka Weimore

Haaheo,     "    Kumalae

Alae,      "    J. P. Iwa

Kaiwiki,    "    E. G. Hikikoki

Paukaa,       "    C. Akona Akau

Onomea,    "    Rev. P. Haui

   "      "    S. L. Auselina

Kaupakuea,  "    -

Hakalau,    "    J. B. Hanaike

Laupahoe@   "    Rev. J. Hanaloa

Puula,      "    Rev. J. W. Hanu

Opihikao,    "    Rev. D. Makuakane

Kalapana,   Puna,   Rev. Barenaba

Kaimo,     "    Paakaula

Kahaualea,   "    Kumauna

Kealakomo,   "    Kama

Kehena,    "    J. D. O. Palea

Kilauea,    "    L. Kaina

Keaiwa,   Kau,    Rev. J. Kauhane

Waiohinu,   "    W. Toma Matina

Kapalilua,  S. Kona, Rev. S. W. Papaula

Kealia,     "    D. Nahinu

Napoopoo,   "    Rev. J. Kahookaumaha

Kaawaloa,    "    Rev. J. D. Parisa

Kaumalu@  N. Kona, Rev. D. S. Kupahu

Kailua,     "    Rev. G. W. Pilipo

Kalaoa,     "    Rev. Kaonohimaka

Kawaihae, S. Kohala, Samuela Aiwohi

    " uka   "    J. W. Keoni

Waimea,    "    Rev. L. Laiana

Kaipuhaa, N. Kohala, Rev. S. C. Luhiau Icle,

Hamakua Komohana, Rev. J. Pikanelo

    "    Waena

    "    Hikina,   Mr. Kaaua

 

Maui

Lahainaluna,      Rev. M. Kuaea

Lahaina,        Rev. J. H. Moku.

Olowalu,       Rev. J. Kikiakoi

Kaanapali,      RevW Kahookaumaha

Honokohau,     J. Kaimana

Waihee,       Nalau.

Wailuku,      Rev. W. P. Kahale

   "        Rev. W. P. Alexander

Waikapu,      J. Kamakele

Kalepolepo,     J. Halstead

Kula, Maui Hikina, G. S. Kalama

Makawao,   "    Rev. J. P. Green

Huelo,     "    R. K. Puowina

Haiku,     "    George Brooks

Keanae,    "    Rev. S. Kamakahiki

Nahiku,     "    Paakuku

Hana,      "    Asa Hopu

Kipahulu,   "    Rev. D. Puhi

Kaupo,     "    Rev. J. M. Kealoha

Honualula,   "    Rev. H. Manase.

 

Molokai a me Lanai

Kaluaaha,       Rev. S. P. Heulu.

Halawa,        Rev. S. W. Nueku

Kalaupapa,     Kahauliko

Lanai,         M. Kealakaa.

 

Oahu

 

Kaneohe,       Rev. J. Manuela

Waimanalo,      Rev. S. Waiwaiole

Waikane,      Rev. P. W. Kaawa

Kaaawa,       Awaa

Kahana,        Rev. E. Kekoa

Punaluu,       Kaaimanu

Kaloanui,      Punihele

Mkao,       Lota Kaailaau

Hauula,       Rev. H. Kauaihilo

Laiewai,      K. S. Kaleohano

Kahuku,      J. Kaluhi

   "        J. Kekahuna

Waialua,      S. N. Emesona

   "        N. Kaiaikawaha

Waianae,      Rev. A. Kaoliko

Puuloa,       J. Maukeala

Ewa,         Hon. Ioane li

 

Kauai

Hanalei,       Rev. A. Pali

   "        F. Bindt

Anaholo,       Lono

Wailua,       Rev. J. Waiamau

Lihue,       W. H. Rice

Koloa,        Rev. J. W. Kamika

Waimea,      Rev. A. Kaukau.