Ka Nupepa Kuokoa, Volume XI, Number 26, 29 June 1872 — Page 4

Page PDF (1.69 MB)

This text was transcribed by:  John Rodriguez
This work is dedicated to:  What's this box for?

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

E Kali kiai ana.

7-6

  1. Ke kali nei no au ia,  Paapu na aka po, I puka mai ke alaula, I poha mai kea o.  E hana nae a pau ia  Na hana lohi nei,  K kali ahonui.  E holo ae ka awe.
  2. Ke kali nei a aoa, Loihi no ka wa; Paulele nae ia Iesu, I kana olelo paa; Kii hou I na hipa auwana Ma na mauna, ma na puu, I hoi mai lakou la, A ola ia Iesu.
  3. Ke kali nei mawaena O koonei poe kue, A eha, a kaumaha, A ane maule ae, Ke kali nei no au la; Aloha mai Iesu; Kau au ma koni poni, A nana e hoopaa mau.
  4. Ke kali nei mawaena O na ale nui e! Manene, u, ohumu; A hea malino mai? Ku mai kuu Haku olu, A kia I maikai mai, A kuhikuhi mai la I ke ala e hele ai.
  5. Ke kali nei no au la; Pouli loa ua ao! Auhea ke anuenue,  I lana kuu manao?  He ao hakumakuma, He ino ke kau mai; Hoea mai kuu Iesu, Hee ae a malaelae.
  6. Ke kali nei a hana, Mai kali me ka uwe, Hamau! He leo aha? He leo hea anei? Ke holo nei a mau la Ka maliwai oonei, E kaikai ana ia’u la I ko luna kahakai.
  7. E kali a hauoli No ka home maluna’e, A, e hawanawana, A hea la e hiki ae? Hamau! E pii I ka mauna, He o memele nei, E ia’e ke kane mare, e ala a hahai.”  Hawaii.

 

Ka haule ana ilalo.

 

Nui kea no o ka haule ana, haule maoli ke kino ilalo, mai ka laau mai, mai ka hale, a mai ka puu mai, a mai ke kia a spar o ka moku mai iloko o ke kai, I loko a na laau ooi.  A haule mawaho o ka puka aniani. Mai kahi kiekie iwaena o na pohaku; haule mai ka anuu o luna o ke alapii a I ka anuu o lalo, a eha ka lima, ka wawae, ke poo; a hai paha kekahi iwi lima, iwi aoao, a uwe no ka eha. 

Haule kekahi iwaena o na powa, a powa ia, a pepehiia, a ane make, a make loa paha. Haule kekahi iwaena o ka poe hewa, a alakai hewa ia’ku.

Haule ka palapala, ka buke, ka hinai, ked ala, ka lole, &e., ma ke alanui, ma ka hale, haule ka inoa, aole heaia, aole kakauia, aole heluia, haule ka haumana iwaho o ke kula maoli, Kula Sabiti, haule ka hoahanau iwaho o ka ekalesia, haule kekahi luna mai kona oihana aku, haule kekahi mai ka lani mai, haule kekahi mai ka noho hookolokolo a ilalo I ka po.

Makena wale ka no haule, aole pau koke I ka heluis.

No ke aha ka haule ana? E helu mai I na kumu.

Haule wale a nei kekahi me ke kumu ole? Ma ko’u lohe ana, a he lhe io paha ia, aohe mea I puka mai, a I hanaia; a i loaa mai me ke kumu ole; he kumu no no kela a me keia mea, no kela a no keia haule ana.

  1. O ka makaula ole kekahi kumu; hele wale aku no kekahi, a pii wale aku, aole nana, a kiai, a makaala, a haule iho.
  2. O ka ike ole I ka mea e haule ai, ua hunais paha, he mea liilii loa paha, he mea popopo, a hai wale, a moki wale, a ku, a hele a kapeke a haule.
  3. O ka makemake paha kekahi kumu; no ka makemake no I ka hewa, I ka lealea, I ka hula, I ka ona, nolaila haule iloko o ka hewa.
  4. Ka hoowalewaleia kekahi kumu. Haule Eva ma no ka hoowalewaleia e ka nahesa. He kumu nui keia o ka haule ana, o ke alakai hewaia e ka poe hoowalewale.
  5. O ka palaka, ka hiamoe.  Ka hoololohi, ka laiau, ka paina oia kekahi mau kumu o ka haule ana, he mau kumu nui hoi keia.
  6. O ke kuiia, a hanaia, a pepehiia kekahi mau kumu no ka haule ana.
  7. Ka mai, a nawaliwali, a palupalu, a kolopupu kekahi mau kumu e haule ai.
  8. O ka manao paa o ke Akua kekahi kumu nui o ka haule ana a eha, a make paha. Aole haule wale kekahi me ka hui ole o ka manao o ke Akua me ia.  E holo kiki ana kekahi ma ke alanui o ka hewa, a ma ka manao o ke Akua, o kona haule ana, a eha, a hai na iwi paha, oia ka mea e lohi ai, e oki  ai kona holo ana, a loaa ka moe malie; a ma ka hela o ka eha e loaa’I ka noonoo, ka mihi, ka huli io mai; a I ole ia, e keaheaia. A hoopauia paha kona alakai hewa ana i na hoa ona, a me ka hana ino ana I ka pono, a I ke aupuni o ke Akua. (Aole I pau.)

 

Ke Kanaha o ka Hoike Makahiki o na Kula Waimea, Hawaii.

 

O keia mau hoike makahiki he 40, no ko’u Manawa no ia I noho ai ma Waimea. He mau hoike makahiki paha mamua aku, I ka wa ia Tatina a Bihopa, a Balauina, aole paha.  Hookahi no hoike nui, a hoike hui o na kula o Hamakua, o Kohala, a o Waimea ma Waimea mamua o ko’u puka ana mai maanei, oia ka hoike ia Baluina ina Feb. 1832.  Aole au e nana ana ia hoike.  E nana ana au ika mua o ka hoike makahiki I loaa mai ia’u.  Ua kukuluia ia hoike mua ma Waimea, ma Nov. 5, 1832, a lilo elua la ma ka hoike ana.

O keia hoike hope o na makahiki he 40, ua kukuluia ma Iune 3, 1872 a lilo no na la elua ma ka hoike ana, kekahi la ma Kawaihae, a o kekahi la ma Waimea.  Aole nae au I ike I ka hoike ma Kawaihae, ka Luna Kula S.H. Mahuka a me ko’u hope Rev. S. Aiwohi ka I ike.

Ma keia meolelo hoike e ike ana ka poe heluhelu I ka like, ka like ole paha o na hoike elua, ka hike mua, a me ka hoike hope.

  1. Aia no na hoike elua malalo iho o ka malu o ke aupuni, ka mua malalo iho o ka malu o Kamehameha III., ka lua, malalo iho o ka malu o Kamehameha V.,

“E ola ka Moi I ke Akua.”

  1. Ke kumu o ka Mana Hoike. Ke aupuni no ke kumu o ia mana no na hoike elua.  Aole nae I like.  Maka wa hoike mua, na ke aupuni no I ae, a paipai ia na kanaka, I na kamalii e hele I ke kula, e huli I ka palapala, aole nae he kauawai kula, he Oihana Ao Palapala, aole he hoopai ke hele ole I ke kula; aole he Papa Hoonaauao, a Kahu Kula Nui, a Lunakula, a papa kula apona.  Aia no ka mana o ka hooponopono ana I na kula iloko o ka lima o na misionari, ma ka ne oluolu ana mai o ke Aupuni Lakou no ka Papa Hoonaauao, a Kahu Kula Nui, a Lunakula, a papa kula apana.  Na lakou I kukala I ka wa hoike, a me na hana e pili ana I ka hoike.  Na lakou no I kii I na haumana ke hele ole mai me ke kokuaia mai e na Konohiki.  Aole nae lakou I kau I kanawai hoopai ke hele ole main a kanaka, na kamalii.  Me ke aloha, a ahonui ka hana ana.  Ma keia hoike hope, he ano okoa ke kumu o ka mana hoike hope, he ano okoa ke kumu o ka mana hoike.  He Oihana Ao Palapala, he Papa Hoonaauao, he Kahu Kula Nui, he Lunakula, he papa kula apana, he Kanawai kula, a no lakou mai ka mana hoike.  Nani ka like ole!
  2. Na Luna Hoike.  Ma ka hoike mua, na misionari wale no na Luna Hoike, maua no me Baluina kuu hoa, me na wahine a maua.  Aohe me e ae; no ke aha? No ka mea, aohe mea e ae I makaukau e hoike ia hai.  He hapa ka naauao ia wa.  Ma keia hoike hope, ka Lunakula, S.H. Mahuka ka luna hoike, a kokuaia e ke komite hoike, oia hoi ka papa kula apana.  Owau hoi kekahi iaia o ia Papa, a he mau kokua kekahi a ka Luna Kula I koho ai, no ka mea, ua nui ka poe naauao I keia wa, a hiki ke kokua ma ka hoike ana.  Nolaila, owau no kekahi luna hoike ma ka hoike mua, a, owau hoi kekahi  luna hoike ma keia hoike hope, Nani ke ahonui o ke Akua!
  3. Na Kumu. Ma ka hoike mua ma ka nana ana I ka’u buke kakau la, ua 19 kula, 19 kula I akoakoa ma Waime, no Waimea no Kawaihae, a no Puako. Eha kumu Misionari; maua me Baluina, me na wahine a maua.  Na kumu e ae he poe kanaka Hawaii no, he mau kane, he mau wahine.  Nohea mai ko lakou makaukau?  Aohe kula nui ia wa I makaukau ai kanaka no ka oihana kumu.  Noloko mai no o na kula misionari ma kumu nua, a noloko mai o na kula a keia mau kumu mua I ao ai na kumukula.  He kula kumu no nae ma Waimea, ma Februari 1832.  Baluina ke kumu, ua 150 a oi paha na kumu ma ia kula, no Kohala, no Hamakua, a no Waimea me Kawaihae.  Oia paha ke kula kumu mua ma ka mokupuni o Hawaii.  Ma ia kula, ua loaa kekahi makaukau iki I na kumu ma ka heluhelu, ma na ninau Helu, a ma ke kakaulima paha.  Uuku kahi ike, uuku hoi kahi uku.  Aole no hoi he uku I hoomaopopoia.  Hana wale na kumu me ke aloha, me ka makemake e ike na haumana, me ka uku ole ia.  Auhea ka waiwai e uku aku ai?  Aohe dala, aohe lole ia Manawa.  Ilihune ke aupuni, ilihune na kanaka.  He wahi waiwai nae o ke kalo, ka uala, ka puaa, ka moa, ke kappa, ka ia, ke olona, ka paakai, &c.  Aole nae I ukuia na kumu ma ia mau mea.  Ina aloha na misionari a haawi aku I wahi palapala, oia wale iho no ka uku o na kumu.  He poe hoomanawanui lakou iwaena o ka luhi, a me ka pilikia pololi &c.  He poe hoahanau ole ka nui o lakou ia wa.  Elua, ekolu paha hoahanau.  He poe pule nae.  Hookahi no aoao pule.  Hookahi no inoa o ka pule, ka pule Karistiano.  Aole I mokuahana, he pule Katolika, he pule Kalavina, he pule Moremona.  Aole lohe ia ia mau inoa pule ia wa.  Pule lakou ia Iehova, ia Iesu, me ka makau ole o hoahewaia e kekahi aoao pule.  Auhea lakou ia keia wwa?  Ua pau ka nui I ka make.  Elua, ekolu paha kumu kanaka Hawaii I koe ma Waimea.  Aole nae he kuleana o lakou iloko o ka oihana kula.  A o na kumu misionari, ua hala ka’u wahine I ka lani; Baluina wahine, aia ma Honolulu, he palupalu loa; o Baluina kane, kua hoa, aia no ilaila, he kumu no na kona mau moopuna.  Eia hoi au la, ke mau nei no kea no kumu ma kea o ana no I na kumu aupuni, ina kea o ana hoi iloko o na Kula Sabiti, &c, &c, me ka palupalu no nae.  Ma keia hoike hope, ano e na kumu me na kula.  Ewalu no kula, ewalu kumu.  Ekolu kumu no Waimea.  Laiana wahine ke kolu, aole nae he kula aupuni kona, aole hoi I hookena kona kula, no ka mea, he Manawa hoomaha ia.  Ehana kumu mai Puako a Kawaihae-uka.  He poe kumu makaukau keia. (Aole I pau.)

 

He wahi Haawina ia Rev. Toana. HEAHA KA POMAIKAI I HOIHOI IA mai maluna o na Ekalesiaa, a me na kela o Hawaii nei, no ka hoonua ana ia na Misionari I na aiua e?

Ua olelo kekahi poe, he mea lapuwale ka hele ana o na misionari I na aina pegana, a ua poho hoi na dalai a haawiia no keia hana.  Okoa nae ka manao o kekahi poe he nui loa, a okoa hoi ka manao o ka Haku I hoikeia ma ka Bibala.  Ua olelo o Iesu ma Mat 9:36, 3S, I kona ike ana ia na kanaka, “ua auana lakou e like me na hipa kahu ole; he nui ke kihapai ai ua hapa no nae ka poe lawe hana.  No ia mea, e noi oukou I ka Haku nana ke kihapai ai, e hoouna oia I na lawe hana Iloko o kona kihapai.”  Ma ka mokuna 13:3S, ua olelo me nei—“O ka mahinaai, oia kea o nei.”  Nolaila kana ao’ana ia na haumana e pule.  “E hiki mai kou aupuni, e malamaia kou makemake ma ka honua nei, e like me ia I malamala maka lani la.”  Mat 26:10. Nolaila hoi kona kauoha ana ia na haumana, “E hele ae oukou e hoohaumana aku I na lahuikanaka a pau,” me ka ia ana ai; “ Ua haawi ia mai ia’u ka mana a pau ma ka lani a maka honua nei.  Oia hoi, owau no me oukou I na Manawa a pau, a hiki I ka hopena o keia ao.  Mat 38:18-20. Ma ia mau olelo a Iesu, ua Akaka lea kona manao e hoouna aku I kona mau elele ma na aina a pau, a e hoohuli I na lahuikanaka a pau, mai ka hewa a I ka pono.  Ua like me ia ka manao o Paulo ma Roma 10:12-16.  "Hookahi no Haku maluna o na mea a pau, he waiwai nui kana na ka poe a pau i kahea aku ia ia. no ka mea, o ka mea e kahea aku i ka inoa o ka Haku. e ola ia.  A pehea la hui lakou aku ai i ka mea a lakou i manaoio ole ai?  A pehea la hoi lakou e manaoio aku ai i ka me a lakou i lohe ole ai? a pehea ia hoi lakou e lohe ai ke ole ka mea nana e hai, A pehea la hoi e hai aku ma lakou ke hoouna ole ia aku?  Eia hoi ka manao kokua ma Isaia 82:6. 7.  "Oukou hoi, ka poe hookaulana ia Iehova, mai hoomaha oukou ia oukou iho sole hoi e haawi ia ia i ka hoomaha, a hoala hou oia ia Ierusalema-a hoolilo ia ia i mea nani ma ka honua."

Eia paha ke ano o keia olelo; E hooikaika mau ma ka haiolelo, a ma ka hana a ka Haku. a e pule mau ia Iehova, a kukulu ia kona aupuni a hoomauia hoi kona inoa ma na aina a pau o ka honua nei; a kukuli na kuli a pau. a hoomakai na olelo a pau i ke Akua Ola.

Ma na pauku nu i heluhelu ai, a ma na pauku like hoi he nui loa, ua akaka lei ka hana u ka Haku i haawi mai ai i na ekalesia a pau; e hele a e hoohaumana i na lahuikanaka a pau. A ina e ninau mai kekahi, "Heaha ka pomaikai o na mea i haipai ia hana?" Eia ka ke Akua haina.

"E hoolei i kau barena maluna iho o ka wai, no ka mea, a hala na la he nui, e loaa hou mai no ia ia oe."  Kekahuna 11:1..

"E haawi aku, a e haawina mai ia oukou, me ka ana i kaomina iho, i pilipu i ka hooluliluli a hanini ia iwaho."  Luke 6:2S.

eia hoi na pono au i ike ai e pili ana i na mea i hana oluolu mamuli o ke kauoha a Iesu—E hoohaumana i na kanaka a pau. 

I Ua mahalo ia, a ua mahalo ana i ke kanaka no Samaria, i kona kokua ana i ka mea i powa ia; a ma ko kakou hoomaikai ana i ke kanaka lokomaikai; pela ka hoomaikai ana i na ekalesia, i na kula Sabati, a me na aha misionari ikaika maoli i ka nui ana, hoouna ana, a me malama mau ana i na elele no ka Haku iwaena o na peguns.  a me na kanaka ike ole i ke Akua oiaio.  Ua like kela mau ekalesia me ke kulanakauhale maluna o kahi kiekie, a ua like hoi me ka malamalama.  Ua lilo ia i Alakai, a i pookela no na ekalesia, a me na kanaka palaka.  a me na mea hiamoe, a me ke kumu hoi e ao i ka poe naaupo.

 II Ua liio hoi kaia hana i mea e nui ai ka heluhelu o ka Baibala, me na nupepa, a me na palapala e ae e naauao ai na makua a me na kamalii ma na mea o ke aupuni o ka Haku.

Ikaika loa ka boli ana o na hoahanau, a me na haumana kula he nui wale ma Amerika, Britaania, a me na aina o Europa, i na moolelo nona misions, me Asia, Afreka, ua mokupuoi o ka moana o Pakipika, iaia, a me na wahi a pau o ka honua.

III Eia hoi kekahi pono i hoihoi is iloko o lakou, a u pule naauao hoi.

Ua hoomaopopo lakou i ka lapuwale a me ka makehewa o ka pule a ke kanaka i ina ole i ke aupuni o ke Akua ma na wahi a pau o ka honua; no ka mea, pehea la e malama ia ai ka make make o ke Akua ma ka honua a pau, e like me ka malama ia ana ma ka lani, ke pule wale ka hoahanau me ka hana ole, a me ka hele ole?  He pule lakou, a he pule hoowahawaha ia na pule a pau a ka poe imi ole ka mea e laha aku ai ka olelo euanelia ma na aina a pau o aka honua.

He pule pono, a he pule hewa; he pule hoolohe, he pule hookuli; he pule inanaoio, a he pule hoomaloka; he pule lanakila, a he pule pio na ka ekalesia.

Ua lanakila ka pule a na hoahanau i hoolohe, a i hana hoi e like me ke kanaka o ka Haku.

IV Ua like ke dala kokua o ka poe i hoouna aku i na misionari me na hua i kanuia. Ua ulu, a ua hua mai he pakanakolu, pakanaono, pahaneri.  Aole anei i ulu mai ma Bertania? ma Eropa a puni? ma Amerika? ma Hawaii nei?  He mau aina hoomanakii keia mau aina a pau i ka wa hahihko.  Nui loa ka pouli, ka lalau, ka haunaele, ka ilihune, a me ka make.  Aka, i ka hele ana a na misionari ma Beritania, ma Germania, a ma kela a me keia aina, ua ulu mai na anoano a lakou i lulu ai, a ke nui nei ka ike, ka waiwai, ka ikaika, a me ka pono e pili ana i ke ola mau loa o na uhane.

Ke ulu nei hoi ma Aferika, ma Iaia, Kilona, Kina, me Maikonisia.  O ko kakau barena i hooleiia maluna o ka moana ma Ebon, butaritari, Bonabe, me Ualana, ke hoi hou ia nei i keia wa, ma na kula, ekalesia, palapala, kokua i ka mahina hou, a ia mea aku, a ia mea aku.

V Eia hoi.  Aole i emi mai ka hana pono o ka misionari i kona aina hanau no kona hele ana i ka aina pegana.

Ke manao nei ka poe i noono, ua oi nui aku ka me neia.

1 I kona hele ana, ua nui na kanaka i launa mai, uwe mai, aloha mai, kokua mai, a pule hoi i ke Akua nona.

2 Aia a hala ia, nui ke aloha a me ka hoomanao ia ia; nui hoi ka pule a me ka heluhelu i na palapala e naauao ai no kona aina e hele ai, a me ke ano o kona noho ana, me kana hana ana.

3 Aia a palapala mai ka misionari, nui ka poe i ike a i loha hoi ia palapala; a ua nui ke aloha, a me ka manaolana o na makamaka, a me na hoahanau oiaio; a ua lilo ia he mea e ikaika ai, a e hauoli ai na ekalesia.  A ina ua pai ia kana mau palapala, ua nui loa na mea i heluhelu, me ka waimaka aloha kekahi, me ka pule hoi, a me ka mahalo.

O ka hoahanau, a o ke kahuna paha e noho ana ma kona one hanau, aole nui ka poe i lohe i kona leo, a ua hapa ka poe pule i ke Akua nona.

4 A ina i hoihoi mai kakahi misionari i kona ??? iho, me ka pono io, nui loa ka manao o na ekalesia ia ia; a ua nui ka olioli a me ka pomaikai i ka launa ana me ia, a i ka lohe ana i na hana a Iehova, ana i ike ai mawaena o na lahui naaupo.  He waiwai nui keia.  He me hoi e naauao ai, a e hauoli ai na ekalesia, a me na kamalii no na aina e.  Nui loa ka hauoli o na aina pegana, e hai ia lakou i na mea a lakou i ike ai, a me na mea a Iehova ia hana ai iwaena o na lahuikanaka e.  Pela ka olioli nui o na hoaana o Ierusalema a me Anatioka, i ka hoi ana o Paulo, o Barenaba, e Sila, a me na kumu e, mai na aina a lakou i hele aku ai, e hai i ka olelo a Iesu.

VI Aole emi iki ke dala a me ka waiwai o na ekalesia i hoouna aku i na misionari i na aina naaupo; aka, i ko'u nana aku ai, he mea ia e nui hou ai.

I iho la ka Haku, Hoohelelei kekahi a nui hou nae; Aua hoi kekahi i ka mea ku ole i ka pono, a o ka nele ka hope.  O ka mea hoomanawalea aku, e momona ia, a o ka mea e hoomau aku, e hoomau ia mai oia.

Solomona 11:24, 25.

Aole paha ike kakou i ka kanaka i Hooilihune ia no ke kokua ana i ke aupuni o ka Haku me ka naau oiaio.

Nui loa na kanaka ilihune, a pilikia hoi no ka hoomaunauna i ka waiwai, a no ka hana kolohe ana.  Nele hoi kekahi poe no ka molowa a me ka palaualelo.  Aole pela ka poe hooikaika nui no ke aupuni mau loa; aole molowa lakou, aole nohe wale, aole hoi hoopoho lakou i ka waiwai ma na lealea lapuwale, a me ka uhauha.  E like me ka kanaka i aloha nui i kana wahine, a me na keiki, nui hoi kona ikaika e hoolako ai ia lakou, pela no ka mea i makemake ai i ke aupuni o ka Haku, ua hooikaika ia e kokua mau, a ua hoolako o Iehova ia ia e like me kana olelo i ka mea lokomaikai.

Ua emi mai, a ua lilhune anei na ekalesia o Hawaii nei, no ka hoouna ana i na misionari i Nukuhira, a i Maikonisia?  aole loa.

VII. E like me ka ikaika a me ka oiaio o i ke kokua ana i ko Iehova aupuni ma na aina e, pela ka nui o kona kokua ia kakou ma keia aina iho nei.

I na i hoonawaliwali, a i hoopalaleha kakou ma ia hana a ke Akua i haawi mai ai, alaila, e nawaliwali maoli, a e hua ole hoi na hana maanei.  Aka, ina ua hooikaika mau na kahuna, a me na ekalesia o Hawaii nei, ma na mea e laha ai i ka euanelio, a e kaulana ai i ko Iehova inoa iho ma na aina a pau, me ka makemake e hoohaumana i na kanaka a pau, alaila e ulu mai ka pono io ma Hawaii nei; a piha pono na kula Sabiti, na anaina pule, a me na ekalesia.  E lilo mai hoi na keiki a kakau i poe hoolohe, a i kawowo no ke aupuni o ka Haku; a e lilo hoi lakou i poe e hoopaa ai, a e hoomau ai ka pono io o Hawaii nei, a i poe e hookaha akua hoi i ka olelo a ka Haku i na aina e; a e piha hoi na kahuna a me na hoahanau i ke aloha nui, a me ka Uhane Hemolele.

Heaha ke kumu o ka hapa o na kane a me na wahine ui i iioi nui e hele aku ia na aina e i keia wa?  aole anei no ke kanalua, a no ka hoonawaliwali o na kahu ekalesia, a me na makua, a na kumu kula, a me na hoahanau?  Nui ke kihapai, a ua hapa na lawehana.  Ina e ala ole kakou, na kahuna, e pule i ka Haku, a e ao hoi i na ekalesia, me na kula Sabati, a me na kanaka ui, e maloo auanei ko kakou mau mala, a e mimino ka hua.

E ala hou kakou a e hoolohe i ka leo e kauoha ana,  "E hele ae hoohaumana i na kanaka a pau."  O lilo auanei na ekalesia i ka hiamoe, o na kanaka opiopio i ka lealea, o na keiki i ka hookuli a me ka auwana, a uhi mai ka hoomaloka maluna o Hawaii nei; a hoohewa mai ko kakou Pookela Nui ia kakou i ka la hookolokoloia ai, me ka olelo aku—"Pololi au, aole no oukou i haawi mai i ai na'u, a makewai au, aole hoi oukou i hoinu mai ia'u, malihini au, aole oukou hookipa mai ia'u, he kapa ole ko'u, aole hoi oukou i hoaahu mai ia'u, he mai ko'u, a iloko hoi o ka hale paahao, aole hoi oukou i ike mai ia'u.  no ka mea, i ko oukou hana ole ana pela i kela poe naaupo ma na aina pouli, ua hana ole mai hoi oukou pela ia'u.

HAAWINA KULA SABATI

1872: HAPAHA Ekolu. Olelo ao a Paulo.

HELU XXVII IULAI 7.       

KA MALU ME KE AKUA

Pauku Baibala. Roma 5: 1-10.

1 No ia mea, i hoaponoia mai kakou ma ka manaoio, he malu ko kakou me ke Akua, ma ko kakou Haku o Iesu Kristo:

2 Ma ona la hoi i loaa mai ai ia kakou ka hookipaia ma ka manaoio, iloko o keia hoopomaikaiia, kahi e ku nei kakou, a e hauoli me ka manaolana i ka nani o ke Akua.

3 Aole ia wale no, ke hauoli nei no hoi kakou i na popilikia, ke ike nei, e hana ana ka pomaikai i ke ahonui;

4 A o ke ahonui i ka hoao ana, a o ka hoao ana i ka manaolana;

5 A o ua manaolana la aole ia i hoohilahila; no ka mea, ua niniaiia mai ke aloha i ke Akua iloko o ko kakou mau naau e ka Uhane Hemolele, i haawiia mai ia kakou.

6 No ka mea, a ia kakou i nawaliwali ai, i ka wa pono, make iho la o Kristo no ka pae pono ole.

7 No ka mea, aneane hiki ole i kekahi ke make no ke kanaka pono, malia e hiki paha i kekahi ke make no ke kanaka lokomaikai.

8 Aka, ua hoakaka mai ke Akua i kona aloha ia kakou, no ka mea, i ka wa e hewa ana kakou, make iho la o Kristo no kakou.

9 Nolaila hoi, ke hoaponoia mai nei kakou e kono koko, he oiaio no, e hoopakeleia mai kakou e ia i ka inaina.

10 No ka mea, ina i ko kakou wa e enemi ana i hoolauleaia'i kakou ma ka make ana o kana keiki, he oiaio no, a laulea kakou, e hoola io ia hoi kakou ma kona ola ana.

Pauku Alakai.—Ua hoike mai ke Akua i koua aloha ia kakou oiai e hewa ana no kakou ua make o Iesu Kristo no kakou.

Kumu noonoo.—Heaha ka mea i ulu mai ai ke kue mawaena o ke Akua a me kakou nei?

MANAO WEHEWEHE.—O ka olelo-ao nui o ka hapa mua o ka episteole o Roma, oia keia.  1. Ua hewa kakou a pau imua o ke Akua.  2. Aole i hiki ia kakou ke pani aku a e hoopau i na ino a me na ino a me na poino o ia noha hewa ana. 3. Ma ka lokomaikai o ke Akua, ua lawe ia ia ua poina o ka hewa maluna ona iho, ma ka make ana o Iesu Kristo.  4. O ka mea hookahi i koe ia kakou, oia na ka hoolilo ana i keia pomaikai maluna o kakou pa-kahi,  ma ka hilinai manaoio ana ia Iesu Kristo.

E pono e ao nui o ikaika ia na haumana, i na ano elua o ka noho ana;--o ka noho kue ana me ke Akua, a me ka noho lokahi ana.  E ao aku no phi, mawaena o na ino a me na pilikia a pau; hookahi wale no pilikia a poino oiaio, oia hoi ka noho ana malalo o ka inainaia mai o ke Akua.  Oia na mea wehewehe mua, alaila e lilo no keia haawina i mea ano nui.  Ina no he poe keiki liilii na haumana, ua akaka no ke ano o ke ao ana i kupono i keia haawina.

Mailoko ae o na popilikia e aoia kakou i ke ahonui, i ke aho loa.  Mailoko ae o ke ahonui, e ulu hou mai ai ka manaolana, ma keia manaolana e hiki ai ia kakou ke ku hou iluna me he poe pono la, oiai ua hoolaia e ka lokomaikai o Kristo.

NINAU—Heaha ka episetole?  Nawai i kakau i ka hapa-nui o na episetole?  He mau episetole anei kekahi o ke Kauoha Kahiko?  Owai ka inoa o ka episetole mua?  No ke aha ke kapaia'na pela?  Mai hea aku ke kakauia aoa?  Mai Korieneto aku, Nana Roma 16:23.  Korineto 1:14.

  1. Ua hooponoia kakou ma ka aha?  Ua noho kue anei kakou me ke Akua?  Heaha ke kumu o ia kue?  Ina e hoomanao kakou i ka huhu a me ka inaina o ke Akua i ka hewa—alaila pehea ka manao?  Ua hiki a nei ia kakou ke hoopau i kela ano o ka noho ana Waena o kakou a me ke Akua?  Pehea a pau ai?
  2. ?
  3. 3—5. Heaha ka mea e ulu ana makou ae o ka popilikia?  Hesba mailoko ae o ke a?? nui?  A e lilo ka manaolapa i mea e ????? kakou?
  4. 7. Ua ae anei kekahi e make no ke ??? ka pono?  Ua make nae o Iesu no mawaena o kakou a me ke Akua?  Pehea ? ??? lokahi hou ai?

Halawai o na Komite o na Ahabui

EKALESIA O KA MOKUPUNI O HAWAII

Elike me ka mea i hooholona e na ??? hui ekalesia o ka mokupuni o Hawaii ??? ua hui ma Honolulu nei na komite ????? e kuka no ka pono o ke kukula ana ??? kaikamahine ma ia mokupuni.

Ekolu manawa i hoi ai na komite ???? ko lakou mau inoa:

Rev T. Co?? Rev J.H. Pahio no Hawaii Hikina, Rev. J.D. Paris, no Hawaii ??? mohana, Rev. J. Bicknell. Rev. S.C. Laau. Rev J.F. Pague, no Hawaii Aka.

Kohoia o Rev. J.D. Paris Luna??? ????, a o Rev. S.C. Luhiau i kakauo e o.

Mahope o ke kuka pono ana, a me ?? kahi no o ka manao, ua hooholoia ke a mai olelo hooholo penei:

  1. Ma Eleio, Hamakua-waena, e ??? ia ai ke kula, a e lilo o Rev. J. Bickner kahu a i kumu.
  2. E lilo na kahu ekalesia o ka mokupuni o Hawaii i poe kahu imi waiwai no ke ???
  3. He 25 dala ka uku makahiki ?? ? ?? haumana keia haumana.
  4. E aoia na haumana i ka humu??? holi lole, kamalama hale, a me na ?? ? mahiai kupono i ka wahine.
  5. E ao pu ia ka olelo haole me ka o Hawaii.
  6. E ae ia na haumana e komo i ke a ? la mai ka 10 o ka makahiki a hiki i ka ?
  7. Eha makahiki ka palena o ka mea ? ?
  8. Aia a makaukau ka hale, ala??? maka koke no ke kula.  S.C. L???? Kakau?

Honolulu, Iune 21, 1872.

Kela Poaono Keia Poaono

$2.00

No na mahina he umikumamalua

$1.00 no na mahina eono.

MEKAHOOKAA MUA MAI          

NA OLELO HOOLAKA--?? i o, mamua ???? puka hookahi ana. $1.00 ???? kahi malama $2.00. ??? hoolaha a pau

KANIKAU—he ?? $1.00

KA ??? NO NA OLELO HOOKAKA—ka uku pepa ??? o ke kanikau. e haawena no ma ka i ma ??? Kuokoa, a i ?? ?? ?? ?? mai ia ??

NA UKU PEPA A PAU ? HOOKAA MEA MAI ? __??ka inoa o kekahi haole a kaoaka maoli ?? ?? ?? ka poe lawe pepa keole e hookaa e mai ??? ke hilponia keia mau ???? no ka mea. ?? ??? no keia nupepa.

AIA KE KEENA O KA NUPEPA KOUKUA—MA?? ?? mua ia iho nei e J.W. Aukina, maluna ?? ?? ??  O na ??? hana mai ?? ????? ????? ?? ?? ?? ?? ke ahiahi.  H.M WINI. Lunn Hoopuhi

"KA NUPEPA KUOKOA."

Is published in Honolulu

EVERY SATURDAY

$2.00 PER ANNUM, OR $1.00 per six months, in advance.

ADVERTISEMENTS not exceeding 10 line ??? ?? ? twice for $1.?0; and $2.00 for one month ?? ?? payment must be paid ni advance.

???????? will be charged 1.00 per page ??? ??

PAYMENTS FOR ADVERTISEMENTS ????????? may be paid to any of the agents of the ???

ALL ??SCRIPTIONS must be prepaid No ??? ?? foreigners or natives will be ???????? ?? ?? ??? list until paid for.  This rule must be ?????? ?? on account of the low subscriptions price.

THE OFFICE OF KUOKOA over the Post Office ??? from 9 A.M. to 4 P.M. H.M WHITNEY . Publisher

F Bound Volumes of the KUOKOA ???? over the Book store--$3.00 each

F Persons having complete ??? of the ??? ?? ?? ?? ???? bound by paying @2.00 each.

NA BUKE

HOOLAHAIA E KA PAPA HAWAII

Baibala meolele Nui ??? ????nani ?? na ku kik??? ma no ???

"  " Nui ?? eleele ?? wai ???

"  " oku ??? ???

"  " pana""" ino hll eleele

Kauoha Hou ili kula ???? me na kuh????

"  " eleele kaukae wai ????

"  "

kauoha hou Haa Haole.............

???? hawaii 18?? me ke kanawai........

"  " 1836..........................

Moolelo Ekalesia.....................

???? ili lahilahi............................

Hele malihini ana....................

No ko ke Akua ???..........................

Lina Kamalii..............................

Hoike palapala Hemolele...................

Moolelo o heneri Opukahala.............

IIoike Akua................

Wehewehehala..............

Ninau Hoike ili manoanoa.............

"  " Lil?????.............

Kumamua Kula Sabati................

Buke Lawe Lima......................

He Buke no ka Pope...................

Ui ula Sabati ???? 3...................

" " " " 4..

" " " "5..

Buke Koanelio a Ioane........

Himeni..........

Na Kauoho Hou Pakeke

Ili ???? nani...............

Ili eleele kaekae nani...............

Ili eleele...................................

Kauoha Hou Pakeke me na Ha????

Ili ???? nani.......................

Ili eleele kaekae wai gula.......................

Ili eleele............................

Na Halehi Pakeke.

Ili Gula nani.................

Ili eleele kaekae wai gula...................

Ili eleele...................

Ili eleele..................

Ka Hai Hoonani (Buke ?????) ..................................

Eia na buke haawi wale.

Palapala Liilii—

Helu 4—Makemake anei oe i ka ola?

Helu 6—Ka Hele i o Kristo La.

Helu 7—Ka hoi ana mai o ke Keiki Uhanaha

Helu 11—No ka hoohiki wahine i ke Akua.

Helu 16—Ke kehia ana o ka Ahaaina a ka haku a ma ?? Bapetize ana.

Helu 17—Mai hana ino i na holoholona

Helu 18—No ka mahi ana, kaui ana a me ka ina ana ??? Awa.

Ka Davida Malo Kumamanao.

Ka Moolelo o Batimea Puaaiki

J.F. POKUK.

Kakauolelo o ka Papa Hooko o ka Ahanui Kua??? ko Hawaii ??? Aina.