Ka Nupepa Kuokoa, Volume XI, Number 51, 21 December 1872 — Page 4
| This text was transcribed by: | Cindy Jepsen |
| This work is dedicated to: | To my children, Nui & Lillie Makaila |
Ka Nupepa Kuokoa
KE KILOHANA POOKELA NO KA LAHUI HAWAII.
Mele makahiki Hou
8--@eo. Farewell (Aloha)
1.
Hauoli ae! na puka mai
Ka makahiki hou.
La mua nei, e oli e,
A hapenuia no.
2.
Na kamalii, me na pokii,
La keia, no oukou,
E pii i na puu, a halelu,
A hapenuia no.
3.
Ka poe hou, ka poe oo,
Me na kahiko pu,
E hoi mai, a oli ae,
A hapenuia no.
4.
Na hoa e, e noho nei,
E la@ aloha pu,
E hele ae, a hoi mai,
A hapenuia no.
5.
Ka poe kuai, ka poe waiwai,
Na ilihune pu,
E hui mai, a oli ae,
A hapenuia no.
6.
Na haku e, e hoi nei
Me na paahana pu,
E maha pu, a halelu,
A hapenuia no.
7.
Na kini u, me na luuluu,
E hui pu oukou;
E pau ka uwe, e oli e,
A hapenuia no.
8.
Na kumu e, e luhi nei,
Me na haumana pu,
La oli nei, e maha e,
A hapenuia no.
9.
Na kahu ao, na hoahanau.
Hoomaha e kakou,
E hui pu, a halelu,
A hapenuia no.
10.
Na keiki e, na makamae,
Me na makua pu,
La hui nei, e oli e,
A hapenuia no.
11.
La oli nei, hoomaikai e,
A hai hauoli pu,
I na maikai i loaa mai.
A hapenuia no.
12.
Ia maikai nei, e mele e
I ke Akua e,
No ia la mai ka pomaikai,
Ka hapenuia nei.
13.
E oli ae, e kuoo nae;
E oli maikai pu,
Kii a hoolei i na ino e.
A hapenuia no.
14.
Ka pono nei, e lilo e
Ka makahiki hou
No Iesu no me kakou pu,
A hapenuia no.
HAWAII.
Na olelo Wehewehe no na Olhana a
na Lunaolelo.
MOKUNA VIII.
P. 14. “Hoouna ae la lakou ia Petero me Ioane io lakou la,” e like me ko Iesu hoouna papaloa ana i kana mau haumana, Mareko 6 : 7, pela no lunaolelo i hoouna’i i ko lakou mau elele. O Iesu, iaia e noho ana ma ka luawai o Iakoba, ua ike oia na keokeo ka mahinaai no ka ohi ana, Ioane 4 : 35, a no hoi ke hoouna ia nei o Petero me Ioane e ohi, Ioane 4 : 38. He pono e loaa ia Pilipo ke kokua ia ma kana hana nui, a o Petero laua me Ioane na mea kupono loa ke kokua aku. O keia hoouna ia ana o Petero me Ioane, aohe ku like me ke ao ana o ka poe Pope, oia hoi, “o ka mana hooponopono maluna o ka Ekalesia holookoa o ke Akua, ua haawi koke ia mai me ka maopopo ia Petero, e Kristo ko kakou Haku.” “Nolaila hoi, ina e olelo kekahi aole i hoonohoia e Kristo ko kakou Haku o Petero pomaikai i alii no na lunaolelo, a i poo hoi no ka ekalesia holookoa; a i olelo paha kekahi, ua loaa iaia (Petero) ka helu akahi ma ka inoa hanohano wale no, aole ma ka mana hooponopono maoli i ka ekalesia, e hoino ia kela kanaka.” Kanawai paa mua (first dogmantic decree) o ka ahahui o ka hale alii o ka Pope, Mokuna I.
Pehea la e hiki ai i na luna olelo ke hoouna aku i ko lakou alii a poe hoi in Samaria? Ua like ia me ka manao o na Ka@ e hoouna aku i ka Pope e hele i Turoke a i Berazila paha.
P. 15. “Pale aku la laua no Iakoa, i loaa @ lakou ka Uhane Hemolele.” Ua @ ia o Petero laua me Ioane me ka @, a oiai he mau @ laua ua pale @ ke alanui a o ka pale no ka @ ma hope o ka @ aka i @ ka hoakaka ana mai i ka hewa, a i ka pono, me ka @ Ioane 16 : 8. Aka, he hana e @ e loaa kona koao ana i na kanaka hemolelele e wanana, e ho@ ia lakou na mea e hiki mai ana, II Petero 1 : 21, a i ole ia, elike me kona iho ana mai i ka la Penetekota, e kau ana maluna o na haumana me ke kokua ana ia lakou e @ olelo i ao ola ia’i lakou mamua. Ma kona hele ana i ko Samaria poe, me na hana mana no ia.
P. 16. “Ia manawa, aole ia i haule mai maluna o kekahi o lakou.” Ua hoike mai oia i ko lakou hewa, a ua alakai ia lakou e manaoio aku i ka Haku ia Iesu. A ua hoike lakou i ko lakou manaoio iaia ma ka bapetizoia. Eia ke ano o ka huaolelo haule, he nui loa, a he Mana. Nana na Mokuna 10 : 44 me 11 : 15, pela no hoi Ezekiela 11 : 5—7.
P. 16. “Kau iho la laua i na lima maluna iho o lakou.” Pela o Iesu i kau ai i kona mau lima maluna o na keiki uoku i lawe ia mai i ona @. Mataio 19 : 15. Kinohi 48 : 14. “Loaa iho la ia lakou ka Uhane Hemolele,” i ike ia ma na hoike ana ano e. Aole i hai ia mai na loaa i ka poe a pau i bapetizoia ka Uhane Hemolele. Aole no i loaa ia Simona.
P. 18 me 19. “A ike iho la o Simona.” Ua lohe o Simona i ka pule a na lunaolelo no ka Uhane Hemolele, a ua ike maka oia i na mea kupaianaha i hanaia e ka poe i kau limaia, he mea ia e kahaha ai oia. Ina e loaa iaia ia mana elike me na lunaolelo, ua manao oia he mea ia e nui ai kona mana maluna o ko Samria. Nolaila, “haawi ‘ku la oia ia laua i kau wahi dala.” Ano, ua hoike ia mai kona ano maoli. Ua ake nui oia e hookelakela aku a like ia me na lunaolelo ma ka mana. Ma ka waiwai kona manao, a haawi aku la oia i dala no ka makana o ke Akua, me ka manao he mea ia e pomaikai oia ma ka hoonuiia o kona mana, a me hoomahuahua ana i kona waiwai. E like Dioerepe, pela oia i ake nui ai e hooalii ia, III Ioane 9. A elike hoi me Dema, ua makemake ia i ke ao nei. II timoteo 4 : 10.
(Aole i pau.)
Ka Hebedoma Haipule, 1873.
Sabati, Ianuari 5.—Na haiao—No ka hookumu ana, ka paa a me ka hoolah loa ana i ka Ekalesia Karistiano.
POAKAHI, Ianuari 6.—Pule—E hoomaikai ana no ko ke Akua lokomaikai i ka Lahui; a i na ohana me na ekalesia; no ma pomaikai i loaa ia kakou; me ka hai ana ku i ka hewa.
POALUA, Ianuari 7.—Pule—NO na Ekalesia Karistiano; i hoomahuahua ia lakou ma ke aloha, ma ka ikaika, a ma ka hoopili ana i ka oiaio, a i hoomaopopoia ko lakou hookahi ana iloko o ka manaoio; no na Kahunapule, na Misionari, a me na Hailoelo euanelio.
POAKOLU, Ianuari 8.—Pule—No na Ohana; no na Keikikane me na Kaikamahine o na makua Karistiano; i hoopmaikaiia na Oihana-ao ma na home me na oihana o ka ekalesia o ke Akua; no na Kula me na Kula nui; no na keiki maluna o ke kai a me na aina e; no na kanaka opio e lawelawe ana ma ka lakou mau oihana; no na kauwa; a no ka poe a pau i mai a i loohia i ka popilikia.
POAHA, Ianuari 9.—Pule—No na Lahuikanaka; no na Lii a me na luna aupuni a pau; e hoomauia ka maluhia; e hoonui ia ka pono; e lanakila ka pono o ka hoomana; i ulu ka naauao, a me ka maluhia iwaena o na kanaka a pau; i ike ia ka lima o ke Akua ma na hoopai pili lahui; i hoopau ia ka ona a me na “hewa e hoohaahaaia i na kanaka.”
POALIMA, Ianuari 10.—Pule—No ka nininiia mai o ka Uhane Hemolele ma ko Hawaii Pae Aina a me na aina e; maluna o na Kahu, na ekalesia a me na anaina; i hoola ia na Hoahanau, a i hoohuliia ka poe hewa mamuli a ke Akua.
POAONO, Ianuari 11.—Pule—No na Kula Sabati; no na Ahahui Misionari, me na hui hoolaha Baibala, me na ahahui pili hoomana; i hoalala mai na paahana a i hoounaia lakou iloko o Kona hooiliili ai ana, a i hoopauia na mea keakea i ka laha ana o ka euanelio me ka huli ana o ko ke ao nei i ka pono.
SABATI, Ianuari 12.—Na haiao—E hoopaapuia ka honua a pau i Kona nani. Amene, a Amene.
Lokahi ka manao o ka aia me ko
PAULO.
He lapuwale, lapuwale wale iho no! wahi a kekahi Aia. Ninau aku la kekahi haumana iaia, Heaha la ka mea lapuwale? Eia, wahi ana; Na ke koko o Iesu Kristo o Kana Keiki, e huikala mai ia kakou i ko kakou h@ a pau Oia ka mea @ loa. Aole @ i ka olelo lapuwale aole loa. Ae aku la ka haumana kula. Ae. Ke hoole mai nei ka oe i ka oiaio o keia olelo @ lokahi @ ko ia la manao me ko Paulo. Aole, wahi ana, aole paha, e ka hoaloha e, wahi a ka @ kela, e huli ae i ko Paulo Episetole mua i ko Kormeto, mokuna 1, pauku 18, penei: “No ka mea, o ka olelo no ke kea, he mea lapuwale la i ka poe make,” o ka pau no ia o ka hoohenehene a ua aia nei, ua ae @ no oia @ no ka mea lapuwale, aha o ho E@ o Kristo, o ko ke Akua @ @ e ola’i, no kela mea @ mea @, no ka mea, me ko koko waiwai @ o Kristo, me ko @ kina ole a @ ka @ ole i hoala papaiia oe o ke kanaka.
He Papa e Hoike ana i na Misiona o Mikonesia
- 1. MA NA MOKUPUNI O GILIBATI.
[TABLE - see orginal]
Nu Hou Misionari.
IA REV. J. F. POGUE; aloha nui oe:--
Ma hope iho o ka haalele ana mai o ka moku Hoku Ao ia makou, a hoi aku ia ma knoa alanui moana i ka Pae Aina Hawaii, a ma kona mau ohua, a me na palapala maluna ona e ike ai oukou i na mea hou ma keia mau Mokupuni kahi a makou e noho nei.
Ua imi mua makou i wahi e kukulu ai i na hale, a ua loaa no na aina kupono, a i ka loaa ana, ua hoomakaukau no e kukulu i na hale, a i ka hala ana o Dekemaba a me Ianuari 1872, ua paa na punana o makou e noho ai.
Aole aua na kanaka i na aina i ke kuai mai me makou, ua haawi mai no e kuai me makou, aole elike me ko Tabiteuea i kuu hiki mua ana malaila. Ua hoomaka mua no nae ka’u wahine i ke ao aku i kahi mau kaikamahine i na hua mua o ka naauao. I ka malama o Dek., elua pule ka hele ana mai, aole hele hou mai, no ka olelo ana o na makua, o. pepehiia e Tieoba (Iehova) ina e ao ia i ka palapala, no ka mea, olelo lakou o Tieoba ko lakou Akua, aole nae he makemake i ka buke; o ka hulu manu ka mea makemake o ko lakou Akua; nani ke kupanaha!
I ko makou hoike ana ‘ku nae i ka oiaio, a me ka hoomaopopo ana ia lakou i kahi e loaa mai ai ka naauao, a me ke ola ma o Iesu Kristo la, huli mai la kekahi poe, a ae mai la no e no ia i ka oiaio, a haalele aku la i kela hana hoopunipuni loa. I ke ao ana aku ia lakou, ua loaa no ka ike; ua paanaau loa ka pule o ka Haku, a me na kanawai he umi, kahi mau ninau Baibala, a me kahi mau himeni. Ke heluhelu nei kahi poe he umi a oi aku, a o ka nui ma na hua mua no, i na paha aole keia keakea, ina no ua like me ko Tabiteuea, a ina no ua nui ka poe @ kaukau. Ke huli mai nei nae na kanaka, ke kahea mai nei e hele aku e ao ia lakou, a ke hele nei no io a ianei, e ao aku ia lakou, e hoike aku ana hoi ia lakou i ke alanui e malu ai. Nolaila hoi ke lana nei kuu manao, ua hookoia ka oukou pule no ka kakou hana nui e hapai nei.
O keia ka mokupuni i oi aku ka ona mamua; nui ka haunaele, aka, i keia manawa ke emi aku nei a nalowale aku paha ia hana ino e make nui ai lakou, no ka mea, aia kaapuni makou i ka aina, aole nae i halawai mai me na kanaka ona. Ke hele nei makou me na kamaaina e kaapuni i ka aina me ka launa oluolu aku me na kanaka, a makemake nui lakou e hoolohe i na mea a makou e hai aku ai. O ko lakou kino nae ka makou i ike, a lohe i ko lakou mau leo mahalo no na mea a makou i hoike aku ai, aka, aole makou i ike i ko lakou manao maloko, ua ka manawa e hoike mai i na hana ma keia hope aku.
O ka hula kahi hana nui loa ma keia mokupuni, a ke hoomau nei no lakou i keia hana nui kohu ole a lakou i makemake nui ai; aka, o kekahi nae ke hoowahwaha nei, aole hula; a ke olelo mai nei, he hana hooluhi kino wale no. E kuu makua o na hana maikai, ina paha e wehe mai ke Akua i ka maka o ka lakou naau, alaila e hoopau loa ia ko lakou naaupo. Oih 26:18, Ekek 36:26. E hoomanawanui nae kakou me ka hoomau i keia @ ko kakou Haku i @ mai nei maluna a kakou. Kaumaha no ka manao i na la mua no ka launa nui ole mai o na kanaka, aka, i keia manawa ke launa oluolu mai nei me makou, a ke haalele aku nei i na hana lapuwale o kela wahi kanaka o Tabiteuea. Ua kaapuni makou i ka aina iloko o keia mau malama elima, no ka mea, i ka malama o Feberuari ko makou hoomaka ana e kaapuni, ekolu o makou hiki ana i ka aoao hema; a elua hele ana ma ka aoao akau; a ua maikai ko makou kaapuni ana i ka aina, aole hoopilikia mai ia makou.
Ua @ kela mokupuni, a ua akaka ka nui o na kanaka ke huiia na kane, na wahine, a me na keiki, 4,229.
Ke malama ia nei ke Sabati a makou, aole nae he maluhia loa o ka la Sabati; malama kahi poe, a o kahi poe aole malama pono. Aole nui na kanaka hele mai i ka la Sabati; 80 i kahi wa, a oi aku i kahi wa, a emi mai no hoi i kahi wa, aka, ke nee liilii nei no hoi na hana imua. emi loa ma ka hoomaka ana, aka ke mahuahua nei i keia manawa. Ma @ nei na Sabati, no ka mea, aole i kukuluia i hale pule maoli; ua paipai nae au e kukulu i @ pule, aka, manao lakou me ka uku e kukulu ai; a ua hoole au, nolaila, e kali kakou a loaa ka wa kupono, onoai o lana ko ko lakou manao e kukulu i luakini no ka Haku. Aole kuai nui mai na kanaka i na buke, ekolu wale no buke i kuaiia mai me a’u, nolaila, ua ike ia malaila ko lakou makemake nui ole i ke ao ia, aole nae kakou kanalua ma keia mea, onoai paha o makemake mai lakou mahope aku.
Aole makou i hoomaka i ka paipai ia lakou i ka mahina hou, aole no hoi i kukuluia i mau halawai Poakolu, ke kali iki nei no; ua kokoke nae makou e hapai i keia hana. Nolaila, e pule kakou o keia mau tausani kanaka, i hoohuli ia mai lakou ma ka pono, no ka mea, nui ko lakou hemahema i na mea e pono ai no kela noho ana lani.
Makemake no lakou i na kumu, aole kipaku e like me ka poe Iapana; ke ae mai nei no, a ke haalele aku nei kahi poe i na hana kahiko a ko lakou mau kupuna, koe nae ko lakou mihi ana i ko lakou hewa.
Me oukou a pau ko’u Aloha nui.
Na’u na G. Leleo
Nonouti, Mei 30, 1872.
HAAWINA KULA SABATI.
Hapaha Hope o ka Makahiki, mai Okatoba 6, a Dekemaba 29, 1872,
HELU LII.
Mele. Ma ko Babela muliwai, Him. 270.
Heluhelu like. Halelu 137.
Pule ke Kahu.
Ninau.
Na Makua. No ka poe hea ka Halelu 137?
Nawai i lawe pio ia lakou i Babulona? Na Nebukaneza. Mahea i maopopo ai? Ehia makahiki i noho pio ai lakou? Heaha ke kumu o ka lawe pio ia’na o na Iudaio? Heaha ka lakou hana ma ka muliwai o Babulona? No ke aha ko lakou uwe kanikau ana? He uwe mihi anei keia no ka hewa? Nawai i noi e oli mai lakou i ka oli o Ziona? Na na enemi, Ae ae anei lakou e mele? Ua kaulana na mea kani mahea? He laau aha ka wilou? He laau maikai e ulu ana ma kapa kahawai, a e kulou malumalu ana hoi ma na lua kupapau, me he hoailona kanikau la.
Ua hoopaiia Babulona no ka lawe pio a hana ino ana i na Iudaio, ma owai la ka hoopai ana? Nawai i hoihoi mai i na Iudaio i ko lakou aina ponoi?
Na Kaikanahine. Owai kekahi poe maikai i lawe pio ia i Babulona? Daniela ma. Dan. 1:6; Owai na inoa hou i kapa ia’i lakou? Heaha ka mea paa ma ko Daniela manao? Dan. 1:8. E hoole i ka inu waina kekahi mea paa, a me ka ai ana i na mea haumia, ua ae anei ka luna ai i keia manao? Makau oia mamua, a mahope ae e hoao i ka haalele no na la ehia? Mahope o ka hoao ana no na la he 10, pehea ke kino o Daniela ma? Dan. 1:15. Lanakila a hoopomaikai ia mai anei Daniela ma? Heluhelu like Dan. 1:17—20.
Oukou a pau. Ma ke aha oukou e hoohalike ai me Daniela ma? Ma ka hoole a haalele i na wai ona, a me na ai haumia, e like me ka baka, ka opiuma, ka awa. Ina he poe hoole a haalele oukou i keia mau mea ino, aole anei e o ka maikai o ko oukou mau kino mamua o ko na kino o ka poe inu a ona rama, a ai i ka baka, i ka awa, i ka opiuma? Owai ka poe kupono e hookiekieia, a e haawiia’i na hana aupuni? Owai ka poe kupono i ka hooneleia?
Na Keikikane. Ua huhu launa ole kekahi alii nui, owai ia alii? Heaha ke kumu o kona huhu? He moe uhane ko keia alii, a nalowale iho la, a kii oia ia wai e hoala ia moe, a hai i ke ano? Dan. 2:2. Hiki anei ia lakou ke hai? a, no ka hiki ole pehea ke alii? Dan. 2:5, 12. He huhu kumu pono anei keia? Ae, aole. Mahea ka pono? He kamu pono no, ke nana i ke ano hoopunipuni o na magoi, a me na kilo; he kumu pono ole nae ke nanai ke ano paulele o ke alii i ko ke kanaka akamai i ka wehewehe i na mea pili ike akamai o ke Akua wale no.
Na Pokii. Ua okioli liilii ia anei kela poe hoopunipuni? Aole. Nawai i hoopakele? Na Daniela. Ma ke aha kona hoopakela ana? ma ka hai, a wehewehe ana i ka moe uhane o ke Alii. Owai ia alii? Nebukaneza. Ke alii o hea? o Babulona. No hea mai ke akamai o Daniela? No ke Akua mai. No hea ko oukou akamai? loaa anei ke akamai, a me ka pono ke imi ole, a noi ole? Ke imi a noi mai anei oukou?
Mele. Lei Rose maikai.
Na Makua. E hai mai i ke ano o ke alii nui a Nebukaneza i ike ai ma ka moe uhane. Owai ke poo? ka umauma? ka opu? na wawae me na manamana he 10? Owai ka pohaku i kalai lima ole ia mailoko mai o ka mauna? Heluhelu like Dan. 2:37—45. Ke ano nui keia, elima aupuni: 1. Babulona. 2. Media me Peresia. 3. Makedonia, oia hoi o Helene. 4. Roma. 5. Ke aupuni o Iesu. Owai ke aupuni i oi? ke aupuni o Iesu, nana e wawahi i na aupuni e ae a pau loa, a lilo lakou no Iesu.
Na Kaikamahine. Owai na keiki ekolu i hoolei in iloko o ka imu i hoowela pahiku ia? No ke aha? Pehea ka nui o na kii gula? Dan. 3:1. Hoole keia poe ekolu i ke kukuli iho imua o keia kii a hoomana aku; ua hewa a nei lakou i ka hoole ana? Hai mai i ke kanawai papa i ka hoomanakii; hui pu oukou a pau loa. Makau a nei Saderaka ma i ka imu ahi? Pehea mai Iesu ma Mat. 10:28? Ua make anei lakou iloko o ka imu ahi? Nawai i hoopakele? Owai ka ha o na mea i ikeia iloko o ka imu ahi? Owai ka i make malaila? Dan. 3:29. Ma ke ahi hea e make ai ka poe hewa?
Na Keikikane. Heaha ka moe uhane o Nebukaneza? Dan. 4:10—16. Hai like mai. Nawai i wehewehe i ke ano? Owai ua laau nui i kuaia ilalo? Nebukaneza. Ka kaau aha i haawiia ia ia ? Pehea ka loihi o kona kolo pu, a ai pu me na holoholona? Dan. 4:25—32, 33. Heaha ko Nebukaneza hewa i hoopaiia’i oia pela? P. 20. O ka waiho ana i ke kumu i ulu hou ae, heaha ia? P. 36.
Na Pokii. Owai ka mea nui, ke lii? ke Akua? Pono ia oukou ke hoomana ia wai? Ina kena ke’lii e hoomana i ke kii, a ina aole hoomana, e hooleiia oukou iloko o ka imu ahi, pono anei ke makau i ke ahi? E makau oukou ia wai? no ke aha?
Mele. “aole o’u makau.”
Na Makua. Heaha kekahi lima kupanaha? Dan. 5:5. Owai ka i ike? E aha ana ke alii ia po? /p. 1—4, heluhelu like. Ua akaka anei i ke alii ke ano o ka mea i kakau ia? Aole. Nawai i wehewehe? Heaha na hua i kakauia? a me ke ano? P.25—28. U’ahaia o Daniela non ka wehewehe ana? p. 29. U’ahaia ke Lii Belehazara? No ke aha ko ke akua hoopai ana ia ia? P. 30. A lilo ke aupuni ia wai? p.31.
Na Kaikamahine. Ohumu kekahi poe, a imi i mea e hewa ai Daniela, no keaha? Daniela 6:1—4, heluhelu like. Us loaa anei ka mea e hewa ai ma kona ano luna aupuni? Aole. Mahea i loaa’i ka hewa? Ma kana pule ana i ke Akua. Heluhelu like p. 10—13. Huhu kealii ia ia iho no ke aha? Heaha ka hoopai no ka pule ana a Daniela i ke Akua? Ua oluolu anei ke lii i ka hoolei ia ana o Daniela iloko o ka lua liona? P. 14. Imi oia e hoopakele ia ia, ua ae anei na luna? P. 12.
Na Keikikane. Ua hooleiia no Daniela iloko o ka lua liona; ua make anei oia i na liona? nawai oia i hoopakela? p. 22. Olioli ke lii i ka pakele ana o Daniela. Owai ka poe i hooleiia iloko o ua lua liona nei, a make koke i na liona? p.24 Nawai e hoolanakila i ka poe kupaa ma ka pono maluna o na enemi a pau?
Na Pokii. Ehia pule ana a Daniela ma ka la hookahi? ekolu. Ehia a oukou pule ana ma ka la hookahi? Ina papa ka makua, ke lii paha, mai pule oukou ia Iesu; ina pule e hahaoia i ke kaula, makau anei oukou a oki i ka pule? Ae, aole. Makau oukou, e hoomau no i ka pule; ina hoehaia pomaikai no oukou. wahi a Iesu ma Mat. 5:10, 12.
Mele “Koa Maikai.”
Na Makua. Mahea i hoikeia’i na mea e pili ana i ke ala hou ana? Heluhelu Dan. 12:1—2. Mahea i hooiaio ia’i ke ala hou ana? Ma Ioane 5:28, 29. Heaha ka Iesu olelo no ke ala hou ana, ma Ioane 11:25? Ka poe hea ke ala hou? Ka poe pono, me ka poe hewa. Mahea ka like ole o ko laua ala hou ana? e ala ka poe pono i ke ola mau loa? a o ka poe hewa, i ka hilahila a me ka hoowahawaha mau loa ia, ua like ia me ka make mau loa.
Na Kaikamahine. Ka manawa hea ke ala hou ana? Pohihihi ea. Ae. Ku mai kekahi kumu a wehewehe i ke ano o ke ala hou ana.
Na Keikikane. A make ko oukou mau kino, heaha mahope? ka hookolokolo ana. Ae. Heaha ka hope o ka hookolokolo ana? ka hoapono ana i ka poe pono, a hookomo ia lakou iloko o ke aupuni maikai o ka lani; A o ka hoahewa ana i ka poe hewa, a hooleiia ‘ku lakou iloko o ke ahi pio ole. Pehea la e lilo ai oukou i poe pono? Ahea hoi? Ano no paha.
Na Pokii. E loaa ana anei ia oukou ke aupuni o ka lani? Ae, ina he mau keiki pono makou. Heaha ka Iesu olelo no na keiki liilii? “I mai la Iesu, e @ mai oukou i @ kamalii, me ka papa ole ia lakou i ka hele mai i o’o nei; no ka mea, no ka poe @ me lakou nei ke aupuni o ka lani.” Mataio 19:14. Ae, oluolu no Iesu ke hele aku oukou i ona la me ka manaoio, a me ke aloha; a ina e hoomau oukou ma ka pono a hiki i ka hopena, e loaa ana ia oukou ke Ala hou nani ma ka lani.
Mele na Pokii. “Mai paepauaho oe.”
Na manao paipai no ka Hoike hapaha hope o ka makahiki.
Mele ke Kula a pau. Holo, holo ka manawa. Alaula Dek.
Pule pualu Dan. 9:16—19 ka kula a pau, a @
HAWAII.
Heaha la na hana kupono o kakou?
He wa po pilikia keia –Heaha la na hana kupono ia kakou i keia wa pilikia?
1. 1. E pule hooli ole. “E kahea mai ia’u i ka la popilikia. A e hoopkele au ia oe, a e hoonani mai no hoi oe ia’u”—“E noi, a e haawina na oukou.”
2. 2. E makaala. “O ka’u e olelo aku nei ia oukou, oia no ka’u e olelo aku nei i na mea a pau loa, e makaala.” “Maluna o ko’u wahi kiai ke ku nei ao, “ a e kiai, a e makaa’@.
3. 3. E hauoli ma loa. “Ke olioli nei au ilaila, oia e olioli mau ana hoi au.” “i ka hauoli ana o ka poe pono, nui ka hanohano.”
4. 4. E hoohaahaaia ka naau. “Ua hoohaahaa oe ia oe iho imua o’u, *** nolaila ua lohe au ia oe, wahi a Iehova.” “E hoohaahaa oukou ia oukou iho imua o ka Haku, a Nana oukou e hookiekie ae.”
5. 5. E noho malie. “E noho no ko’u poe kanaka ma na wahi kuapapanui. A ma na hale hoi i hoomalu ia. A ma na wahi hoomaha o ka malu. “A e imi oukou i ka mea e malu ai ke kulanakauhale, no ka mea, ma kona malu oukou e malu ai.”
6. 6. E kupaa ma ka pono. “E kupaa oe ma ka pono a hiki i ka make, a na’u no e haawi aku ia oe i ka lei o ke ola.”
MAKE.—I ke kakahiaka o ka la 18 o Dekemaba nei, ua make o Rev. A. Bihopa, kekahi misionari makua o kakou. Aia no ma kona hale ponoi ma Nuuanu kona wahi i make ai. He 77 paha kona mau makahiki; a he 50 makahiki kona noho ana, a me kana hana ana ma ka oihana misionari ma Hawaii nei. Ma Kailua me Takina kono noho mua ana i kekahi mau makahiki. Alaila, ua hele a noho kahu ekalesia me Ewa kekahi mau makahiki, Nani ka launa ana mai o ka Uhane Hemolele, a kokua ia ia i kona hoohaumana ana i ko laila poe kanaka. Ua noho pu a hanai i na hipa a me na keiki-hipa i kekahi mau makahiki, a nawaliwali elemakule; alaila ua waiho i kela kihapai, a hele mai a noho kamaaina ma Honolulu, me Nuuanu nae. Aole ona makemake e hoi i kona aina hanau; aka, e noho maanei. Ua kali no me ka manaolana i ko kakou Haku, a hiki i keia manawa. “Pomaikai ka poe make, ke make lakou iloko o ka Haku.”
KA “NUPEPA KUOKOA.”
Hoopuka mau ia
I KELA POAONO KEIA POAONO.
$2.00
No na mahina he Umikumamalua!
$1.00 no na mahina eono,
ME KA HOOKAA MUA MAI.
NA OLELO HOOLANA—aole I oi mamua o 10 laina no ka hoopuka hookahi ana, $1.00; alua komo ana, he $1.60; hookahi malama, $2.00. @ mau ia mai ke dala o na olelo hoolaha a pau e hoounaia ana mai e pai.
KANIKAU—he 4 kenela no ka lala oi hookahi—penei; he 26 lalani, $1.00; 60 lalani, $2.00; a pela’ku.
KA U@ NO NA OLELO HOOLANA—ka uku pepa, a me ka uku o ke Kanikau, e hoouna mai la Pokue.
KA UKU PAPA A PAU E HOOKAA MUA MAI NO—aole e kau a ka inoa o kekahi haole a kanaka maoli paha. Ma ka inoa o ka poe lawe pepa ke ole e hookaa e mai mamua. K poi o kehiipolia keia mau rula, no ka mea, he emi no ka auhau no keia nupepa.
AIA KE KEENA O KA NUPEPA KUOKOA—maluna ae o ka Hale Leka. O na hora hana, mai ka eiwa o kakahiaka, a i ka ha o ke ahiahi.
H.M. WINI, Luna Hoopuka.
“KA NUPEPA KUOKOA.”
Is published in Honolulu
EVERY SATURDAY.
$2 00 per annum, or $1.00 per six
Months, in advance.
ADVERTISEMENTS not exceeding 10 lines, inserted once for $1.00 twice for $1.60; and $2.00 for one month; all advertisements must be paid for in advance.
KANIKAUS will be charged 1.00 per page, or 4 cts. A line.
PAYMENTS FOR ADVERTISEMENTS, subscriptions or Kanikaus may be paid to any of the agents of the Kuokoa, or may be enclosed in a letter to the Publisher.
ALL SUBSCRIPTIONS must be PREPAID. No names, either of foreigners or natives, will be inserted on the subscriptions list until paid for. This rule must be strictly adhered to on account of the low subscription price.
THE OFFICE OF THE KUOKOA over the Post Office. Office hours are from 9 A.M. to 4 P.M
H. M. WHITNEY, Publisher.
Bound volumes of the KUOKOA, for sale at the office over the Bookstore--$@ each.
Persons having complete sets of the above, can have em bound by paying $2.00 each.
NA BUKE
HOOLAHAIA E KA PAPA HAWAII.
Baibala Hemolele Nui ili gula nani me na kuhikuhi me na @ ..............................................$12 00
“ “ Nui ili eleele kaekae wai gula .................................................. 5 00
“ “ @ iki iho, “ “ ................................................. 6 00
“ “ pananaiki iho ili eleele.............................................................. 4 00
Kauoha Hou ili gula nani me na kuhikuhi .............................................................................. 3 00
“ “ eleele kaekae wai gula ............................................................. 1 00
“ “ “ ............................................................ 75
Kauoha Hou Hapa Haole ........................................................................................................ 75
Lira Hawaii 1848 me ke kanawai ........................................................................................... 25
“ “ 1855 ................................................................................................................... 25
@ Ekalesia .......................................................................................................................... 60
Haiao ili lahilahi ..................................................................................................................... 10
@ Malihiai a@ .................................................................................................................. 25
No ko ke Akua @ ................................................................................................................. 25
Lira Kamalii ............................................................................................................................ 25
Hoike Palapala Hemolele ....................................................................................................... 25
Hoolele o Heneri Opukahaia .................................................................................................. 25
Hoike Akua ............................................................................................................................ 25
Wehewehehala ....................................................................................................................... 25
Ninau Hoike ili manoanoa ..................................................................................................... 25
“ “ “ lahilahi ........................................................................................................ 10
Kamamua Kula Sabati ........................................................................................................... 10
Buke Lawe Lima .................................................................................................................... 10
He Buke no ka Pope ............................................................................................................... 10
Ui Kula Sabati Helu 3 ............................................................................................................ 25
“ “ “ “ 4 ........................................................................................................... 05
“ “ “ “ 5 ........................................................................................................... 25
Buke K@ a Ioane ............................................................................................................... 10
Himeni ................................................................................................................................... 1 00
Himeni Ili @ ........................................................................................................................ 1 75
Na Kauoha Heu Pakeke.
Ili Gula nani ............................................................................................................................ 1 60
Ili eleele @ nani ...................................................................................................................... 60
Ili eleele .................................................................................................................................. 35
Kauoha Heu Pakeke me na Halelu.
Ili Gula nani ............................................................................................................................ 1 75
Ili eleele @ wai gula ............................................................................................................... 60
Ili @ .................................................................................................................................. 50
Na Helelu Pakeke.
Ili Gula Nani .......................................................................................................................... 50
Ili eleele kaekae wai gula ...................................................................................................... 30
Ili eleele ................................................................................................................................. 20
Ka Hae Hoonani (Buke Mele) ............................................................................................... 25
Buke Wehewehe Hemolele Baibala ...................................................................................... 2 00
“ “ “ Ili nani ...................................................................... 3 00
Eia na buke haawi wale.
Palapala L@ --
Helu 6--Makemake anei oe i ke ola?
Helu @--@
Helu 7—Ka @
Helu 11—Na @
Helu 10—Ka @ ana o ka A@ a ka Haku a me ka @
Helu 17—Mai hana @
Helu 18—Na @
@
Ka @
J.F. POKUE,
@ o ka Papa @ o ka Ahahui @ ko Hawaii Pae Aina.