Ka Nupepa Kuokoa, Volume XII, Number 12, 22 March 1873 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Leo. “Sweet the Sabath morning”

Fresh Laurels, p.47

1.

Ao Sabati lai la, Ke hoea mai la;

Ua malu e, a maha pono no.

Kani main a hele, Ku, ku ae, a hele,

Mele ae a heleluia ia Iesu.

Maanei Iesu la. A oli pu la,

Ke mele aku a hoomaikai.

Ku a hui pu la, Nauwe i ke kula,

Lohe pono no Iesu, a mele ae.

2.

La maikai a nani, Kuhi i ka lani.

He lamaku ma ko kea o nei kai.

Pau ka luhi ana, Maha a hoolana

No na oli me ka malu nona mai.

La pomaikai la, Ke hoi mai la;

La waiwai e ka Sabati nei.

E hoolohe pono i ka leo lono,

Hui pu a mele ia Iesu ke Lii.

3.

Ao Sabati nani! Pau ae na paani,

He wahi laa ke kula Sabati,

Mele pu a oli, Me ko luna po e

Hapai ae i na manao iluna e,

He oli nani! He waiwai lani!

Na la Sabati e kula nei.

Hui me Iesu la, Mele haleluia.

Noho pono e i mele maluna’e.

            HAWAII.

 

I ka ekalesia e aie ana i kona kahu.

      He wahi manao aloha, a me ka paipai hoi ia oukou, e na hoahanau, no ko oukou hooko ole aku i ko oukou berita me ke kahunapule. No ka mea, i ko oukou kahea ana iaia, i lilo oia i kahu no oukou; a i ka wa i hookohuia oia i kahu no oukou, ua hoohiki oukou e kokua hooluolu, a e hoolohe iaia Iloko o ka Haku; a e malama hoi iaia, i ole e pilikia ma ke ola o ke kino.

            Ua maikai ko oukou kahea ana, ua kupono ia me ka poe naauao, a me ka poe minamina i ke ola o ka uhane. Eia no ia. “Ma ko makou ike ia oe mamua aku nei, ke lana nei ko makou manao, e lilo auanei kou lawelawe ana iwaena o makou i mea e pono ai ko makou uhane; no laila, ke koi ikaika aku nei makou ia oe, e lawe oe i ka oihana kahu ekalesia iwaena o keia anaina; a e kokua hooluolu, a hoolohe makou ia oe iloko o ka haku.

            A i kaawale oe i ka mea e hihia ai o keia ao, ke hoomaopopo aku nei makou ia oe i na dala a makou e uku aku ai ia oe i kela malama. Ke hoomaopopo nei makou i keia ma ke kakau ana i ko makou mau inoa, i keia la,” &c, &c.,

Pololei, a maikai keia mau manao kahea, a me ka hoohiki ana imua o ka lehulehu i ka la i hookohuia.

            Aka, iloko o ka Ahahui Euanelio o ka mokupuni i hala ae nei, ua kukakuka nui ka Aha no “Ke ola o na Kahu.” No ka mea, ua olelo mai kekahi poe kahu, ua hihia lakou, ua pilikia, a ua pololi na ohana, no ka loaa ole mai i ko lakou uku makahiki. A ua manao kekahi mau kahu e haalele i ko lakou ekalesia, a ua haalele no kekahi; a ua imi kekahi i oihana okoa.”

            Nolaila, ke ninau aku nei ka Nupepa Kuokoa ia oukou i ke kumu o keia hoaie ana, keia hoohihia ana, a me keia kokua ole ana i ke kauwa a ka Haku, e like me ko oukou hoohiki ana i kinohi?

Ua ike anei oukou i ka hewa o ke kahu? Ua hele anei a hoike ia ia i ko oukou kanalua, a me ka manao e hoopau i kona noho kahu ekalesia ana iwaena o oukou? I ole, ua hewa oukou no hoaie ia ia, No ka mea, aole mea hiki ke hooikaika mau i kana hana, ke loaa ole mai ka ai.

      Ke olelo mai nei ko kakou Haku penei; “He pono ke loaa i ka mea hana ka ai nana” Mat. 10:10. Penei hoi ma Luka 10:7. “ E pono ke ukuia mai ka paahana.” Aole ona makemake i kana poe kauwa e hana wale, me ka uku ole ia mai. Penei hoi kekahi olelo e hooweliweli ana i ka poe hoahanau naauao, 1 Timoteo, 5:8. “A i hoolako ole kekahi i kona, a me ko ka hele ponei ona iho no hoi, ua hoole ia i ka manaoio ole.”

E huli hoi oukou i ka Palapala Hemolele, Luka, mokuna 10; a e heluhelu mai ka pauku 1 -- a hiki i ka pauku 12; a hoomaopopo i ka mea e pili ana ia oukou; no ka mea, eia no kakou ma ke kihapai a ka Haku; oia ka mea e hookolokolo auanei ia kakou, a e haawi mai i kela mea keia mea e like me kana hana ana.

            Aka hoi, ina ua malama pono oukou i ko oukou kahu; ua haawi pono ia ia i kona uku makahiki, e like me ko oukou leo kahea; a me ko oukou hoohiki ana imua o ka lehulehu i ka la i hookahuia i kahu no oukou; a ua molowa maoli ke kahu, aole ona kiai, a hanai i na hipa, a me na keiki hipa; aole ona alakai i ka poe haumana io Iesu la; ua molowa, palaualelo, a ua auwana io ia nei, a ua hemahema kana hana ma keia oihana laa; alaila e hiki pono ia oukou ke hoopii i ka Ahahui Euanelio o ka Mokupuni, a e noi ka Aha e hookuu aku ia ia, i ole oukou e hanai wale ia ia.

            E kaupaonae oukou ia oukou iho, i maopopo ke kumu o ka pilikia o ko oukou kihapai; ka palaka haipule ole paha o na hoahanau, ka manawalea ole noho i ka mahina hou; ke kokua ole paha i ka hanai i ke kahu ekalesia; ka hookaa ole paha i ka aie i ke alaula. &c., &c.,

            Mai kahaha oukou no ka lakou ole mai o ka Uhane Hemolele ia oukou ka malama pono ole oukou i na oihana o ka ekalesia. No ka mea, ikaika ka olelo a ke akua e hoahewa auanei i ka poe e haawi ole ana i ka hapaumi o ko lakou waiwai e pono ai kona aupuni.

            O ka aua, pi, kokua ole, ua kapa ia he “ hao i kake Akua” Penei:-

“E pono anei i ke kanaka ke hao i ka ke akua?” Aka, ua hao oukou i ka’u: A ke ninau mai nei oukou, ma ke aha ka makou i hao ai i kau? Ina hapaumi o ka waiwai, a me na mohai. Ua hohewaia oukou i ka poino no ka mea, ua hao oukou i ka’u, o keia lahuikanaka a pau. E lawe mai i na waiwai, hapaumi a pau iloko o ka hale ahu waiwai; i ai maloko o ko’u hale; A e hoao mai oukou ia’u ma ia mea, wahi a Iehova o na lehulehu, i wehe ai paha au i na puka wai o ka lani; A e ninini iho i ka pomaikai maluna o oukou, a pau aku la, aole koe.” Malaki 3:8-10.

            Ua make ke Alaula no ka malama ole ia e ka poe i lawe, a heluhelu ia ia. Pela e make nuanei kela ekalesia keia ekalesia i malama ole i kona kahu.

            “Mai kuhi hewa oukou, aole ke Akua e hoomaewaewaia aku; no ka oi mea, o ka ke kanaka i lulu, o kana hoi ia i ohi ai. No ia mea, o ka mea e lulu ma kona kino iho, no ke kino ia e ohi auanei i ka make; aka, o ka mea e lulu ma ka Uhane, no ka uhane ia e ohi auanei i ke ola mau loa.” Galatia 6:7,8.

 

HAAWINA KULA SABATI.

-

Helu XIII. SABATI MARAKI 30,

Ka hoi hou i hope. Mai kinohi 1 a XXVIII.

            Mele, Hina 1. E hoolea ku ko kea o. Leo Lemnos C. Saera p. 86.

            Pule, hoomaikai i ke Akua no kona malama ana ia kakou iloko o ka hapaha mua o ka makahiki. (No ka loihi o keia haawina, aole paha hiki i na kumu ke kula pu me na haumana; na ke kahu e mele aku. E maheleia na kula i eha mahele, 1 na makua, 2 na keikikane nui, 3 na kaikamahine nui, 4 na pokii.)

            Na makua.- Ke kumuhana 1. Heaha? Mahea?

            Ka pauku Hui lahui, heaha? Ioane 1:1,3

            Ke ano o kinohi ma keia mau pauku elua, ua like anei?
            Mahea ka like ole? Ma kin. 1:1, na wai i hana i na mea a pau? Nawai, ma Ioane 1: 3?

            Ke akua, ka Logou, ua like anei laua? Ioane 10:30

            Ka honua, ka lani, heaha ke ano?

            He honua anei mamua? He lani anei mamua?

            Ka lani hea ka i hana oleia?

            Noloko mai o ke aha i hanaia’I ka honua me ka lani Hebrera11:3.

            Nawai i hai, ua hana ke akua i ka honua a me ka lani?

            Ua ike maka anei Mose i ka ke akua hana ana i ka honua, &c?

            Ma ke aha oia i ike ai? Heb. 11:3. Ma ka manaoio ia wai? A i ke aha?

            Na keikikane.- Ma ke aha i hana ia’I ka honua me ka lani?

            Ma ka lima anei o ke akua? Ma kana olelo paha?

            Ka olelo, ka manao, ka lima, ka mana o ke akua, ua like anei lakou?

            Owai ka i ike i ka ke akua hana ana i ka honua? Ioba 38:7.

            Na kaikamahine,- Pau anei na mea a pau i ka hana ia ma ka pauku 1? Ua pau na Materia, na kumu mua o na mea a pau i ka hanaia maloko mai o ka ole ma Kinohi, ma ka pauku1.

            A hanaia a kumu mua, pehea? Ua waihoia a loihi loa, he au miliona, a biliona makahiki paha.

Alaila aha? Hoomaka ke akua i ka hana o na le eono.

Ke ano o ka hua olelo, hana, ma ka pauku 1, ua like anei ia me ke ano o ka hua olelo, hana, ma na pauku 7,16,21,25,27? Aole like.

      Mahea ka like ole? Eia, pili ka mua, i ka hana ana noloko mai o ka ole. Pili ka lua i ka hana ana noloko mai o na mea i hana e ia maua.

Na pokii.- Na wai i hana i na mea a pau? i na hea?

Iloko o na la ehia? Ma ke aha?

Mahea ke akua? Hai mai Isaia 44:24. “owau o Iehova, ka mea nana i hana na mea a pau.” Hai mai Kekahuna 12:1. "E hoomanao oe i kou mea nana i hana."

Hana anei ke Akua ma ka la ehiku? He aha ia la?

Hai mai i ke kanawai a pau no ka la Sabati.  Kokua mai ka poe nui.

Hai mai i ka himeni.

Na ke Akua i hana

Na mea mai o a o." &c.

Owai ke kanaka mua? Owai ka wahine mua?

Mele.--"Na ke Akua i hana," Leo Hosana kamalii.

Na Makua.--Heaha ka hana hope a ke Akua? Ke kanaka.

Ma ka la ehia? Ma ke ano owai?

Ma ke aha i like ai ke kanaka me ke Akua? ma ke kino anei? ma ka uhane paha.

Ma na mea ehia i like ai?

Ma na mea ehia i like ole ai?

Mahea i like ole ai ke kanaka me na holoholona?

Owai ka i hooaliia maluna o na holoholona?

Nawai e hoopiha i ka honua?

Heaha ka mea i ae ia e ai? Ua ae ia anei ka io?

Ma ka manawa hea i ae iaʻi e ai i ka io? Kin. 9:3.

Na keikikane.--Ke kino o ke kanaka, nohea ia?

Nohea ka uhane? Owai ka i oi?

I na ua oi ka uhane heaha ka pono?

Na kaikamahine.--Nohea ke kane mua? nohea ka wahine mua?

Kupanaha anei na hana elua?

Hiki anei ia oe ke hana i ka popo barena noloko mai o ka ole?  Hiki ia wai?

Na pokii.-- He mea nui anei ke keiki uuku?

Hiki anei ke hoolea i ke Akua?  Hoopaa Halelu 8:2-9.  Kokua na keiki a pau.

Na makua.--Edena, mahea ia? Heaha maloko?

Owai ka i hoonohoia maloko o ia mala? E aha?

Haimai i na muliwai eha.

Na inoa o na holoholo, na manu, &c., na wai i kapa?

Nohea kona akamai?

He kokoolua kupono anei no Adamu iwaena o na holoholona?

Pono anei i ke kanaka ke noho oia hookahi wale iho no?

Pehea i loaa ai ke kokoolua kupono no Adamu?

A ike Adamu ia ia, mahalo anei?

Heaha ke kanawai o Mose?

Ehia wahine na ke kane hookahi ke kupono?

Na keikikane, Ka laau kapu.--Mahea ia laau? he laau aha?

Heaha ka hope ke ai ia kona hua?

He laau okoa anei kekahi? he laau aha ia?

Elua ka laau, laau make, laau ola.  He aha ka mea i papaia i keia manawa?

He aha ka uku o ka hewa? heaha ka make?

Na kaikamahine.--Aia mahea kekahi laau o ke ola? Hoikeana 22.

Ehia ano o na hua? Ehia hoi hua ana ma ka makahiki?

Pehea la e loaaʻi ia laau  me ona mau hua ia oukou?

Na pokii.--Owai kela mala mua? O Edena.

Nui anei na laau maikai maloko?

Hai mai i kekahi mau laau a oukou i ike ai?  a me kekahi mau holoholona?

Owai kekahi muliwai? Euperati.

Heaha ka hana malaila? Heaha ka lole?

Aohe lole mamua, aohe kapa, hlahila anei Adamu ma?

No ke aha ka hilahila ole?  Hilahila anei oe ke hana maikai?

Mahea ka mala maikai loa?

Ma ke aha e komo ai oukou ma ia mala?

Heaha ka hana malaila?  He mahiai anei kekahi hana?  Uli mau anei ia?

Mau anei ka noho ana iloko ke hiki ilaila?

Mele.--"Ili iki," Hae Hoonani.

Na Makua.--Hana ke Akua i na mea a pau a maikai mamua, ua mau anei ka maikai?  Hai mai Kekahuna 7:29.

Nawai i hoollau i na makua mua?

He nahesa maoli anei ka i hoowalewale?  He nahesa ke kino, aka, owai maloko?  Hoikeana 12:3,9, Ioane 8:44.

Nohea Satana?  Hiki anei ia ia ke lawe i ke kino o hai?  kino nahesa, kino anela, kino kanaka?  Nana II Kor. 11:14.

Na keikikane.--Owai ka i hoowalewale mua ia?

Pehea kona hoowalewale ana ia Eva?  Ua ae anei Eva ia ia?

A hoowalewale Eva ia wai?  Ae anei Adamu?

Owai ka i hele mai mahope e hookolokolo?

Na kaikamahine.--A lohe Adamu ma i ka leo o Iehova, pehea laua?

Pee laua a nalo anei i ke Akua?

Hea mai ke akua pehea? E Adamu,auhea oe?

Hana laua i aha i kappa no laua?

Hilahila laua, heaha ke kumu o ka hilahila?

Na pokii.- A hana hewa, a hookuli oukou, aole anei e hele mai ke akua e hookolokolo?

Hiki anei ia oukou ke holo, a pee a ike ole ke akua? Hoopaa Halelu 139:7. “Mahea la wau e hele ai mai kou uhane aku? Mahea la wau e pee aku ai mai kou alo aku?

Hilahila paha oukou ke loaa e hana hewa ana?

Heaha ke kappa e uhi ai i ka hewa? Kekoko o Iesu.

Na makua.- Hai i na hoopai o ka nahesa, o ka wahine’ a o Adamu

Ke kumu anei keia o ka hewa ma keia ao? Ma o Adamu la ka hewa, a me ka make, ma o wa la ke ola? Rom. 5:12, 1Kor. 15:22.

Na keikikane.- Ua hewa like anei na keiki me na makua?

A e make anei na keiki no ka hewa?

Heaha ka mea e pakele ai?

Mahea ka wanana mua no Iesu? Kinohi 3:15.

Owai ia hua e paopao ana i ka poo o ka nahesa?

Mahea? Ma ka puu o Kalavari, ma ke kea. Paopao i ke poo heaha ia?

Pakuikui i ke kuekue wawae, heaha ia?

Na kaikamahine.-Owai ka i hoowalewale ia e satana he 40 la a kupaa?

Ua mau anei ka hoowalewale ana o satana i kanaka, a i kamalii?

Pehea la e hiki ai ke kupaa?

Owai ka poe hoohalike me Satana? Ka poe hoowalewale ia hai paha.

Na pokii.-Oukou anei kekahi poe hoowalewale? Ae, hoowalewale o mea ia’u e haalele i ke kula Sabati, a e holo i ka paani, a e komo iloko o ka mala o mea e aihhue i na bua.

Heaha ka pono ke hoowalewale ia? E hoole aku.

Nawai e kokua i ka hoole aku?

Heaha ka uku kea e oe i ka hoowalewale, i ka hoookuli? Mai ae oe, ea, o hoopaiia. Hoopaa Sol. 2:10

Mele.- “Kai a nauwe.” Hae Hoonani.

Na makua.- Na kanaka elua i lawe i na mohair? Owai?

Ka mohai owai ka i hoaponoia? No ke aha? Heb. 11:4

A haalele i aka mohair a kaina, no ke aha? Heaha hoi ka hope?

Na keikikane.- No ke aha ko kaina pepehi ana ia Abela kona kaikaina? 1 Ioane 3:12.

Ehia hewa o Kaina noloko o kona lawe an i kona mohair?

            Heaha kona hewa i oi? O ka pepehi ana anei i kona kaikaina? Aole, o kona hoole ana mahope, a pakike i ke Akua.

            Na kaikamahine.- Owai ka poe hoohalilike me Kaina? Ka poe pule wale, himeni wale, kokua wale no ka manao io ole, a, owai? Ka poe huhu kumu ole, a pepehi kumu ole.

            Na pokii.- Heaha Abela? Heaha Kaina? Owai ke keiki maikai o laua?

            Huhu Kaina a pepehi kanaka?

Pono anei ke pepehi kanaka?

            Heaha ke kanawai no ka pepehi kanaka? Kin. 9:6

            O ka huhu kumu ole, ua like anei ia me ka pepehi kanaka? Mai huhu oe i kou hoa.

            Hai mai i ka pauku himeni, “Aloha kahi i kekahi” me ka pauku elua.

            He mau kahu anei oukou kekahi no kekahi?

            Ke koko o ko wai mohair ka i oi i ko Abela?

            Ua hoopai ia Kaina, heaha ka hoopai? Kokua nui na keiki nui?

            Na makua, Noa me ka halelana. Haawina ehia ia? Heaha ka Pauku Alakai? Mok. 6:13.

            Heaha ka pauku Hui Lahui? Heb. 11:7.

            E luku ana ke akua i ka honua no ke aha? Me ke aha hoi?

            Heaha ka hewa o na kanaka? Mok. 6:2.

            Owai na keiki a ke Akua? Owai na kaikamahine a kanaka?

            Na keikikane.- Kauoha ke Akua ia Noa e hana i halelana, no ke aha? A nowai hoi?

            Pehea kona nui? Loa? Kiekie?

            Me he aha la ke ano? Ua hana anei Noa?

            Ehia makahiki ka hana ana a paa?

            Na kaikamahine.- A pau ka halelana, owai kai komo? Noa ma me ka ana?

            Ka poe mawaho, pehea lakou? Pau i ke aha?

            Pehea na mea maloko?

            Heaha ka Iesu mau olelo ma Mataio 24:37-39. Me ka Petero ma 1 Pet. 3:20, 11 Pet. 3:5,6?

            Na pokii.- Nawai i hana i ka halelana? Nawai i kauoha? No wai?

            He moku nui anei ia? He moku ia e pakele ai owai? i ke aha? Ehia Noa ma?

            Make na makua no ko lakou hewa, make pu anei na kanaka ma na holoholona?

            Hewa anei na holoholona?

            Owai ko kakoua halelana nui?

            Pakele oukou i ke aha, ke komo iloko o Iesu? Heaha ka mea e pau hou ai ka honua? 11 Pet. 3:7.

            Mele.- Iesu ka moku holo, Him. 2321 pauku.

            Na makua.- He berita mawaena o ke Akua me wai ma ka Haawina 6?

            Heaha ko ke Akua hoohiki?

            Heaha ka hoailona no keia berita?

            A ike kakou i ke anuenue epio ana ma kea o, e hoomanao kakou i ke aha?

            Na pokii.- Hiki i na keiki ke nana i ke anuenue a hoomanao i ko ke akua lokomaikai, a pehea na holoholona, hiki anei ia lakou ke nana, a hoomanao?

            Mahea ka like ole o oukou me na holoholona? Nohea ke anuenue?

            He hoailona hoi ke anuenue no wai? No Iesu.

            Nana ke Akua ia Iesu, a aha ia kakou? Hoomanao. Haia mai hoikeana 10:1, hui main a keiki nui.

            Na keikikane.- Heaha ke kumu hana o ka haawina 7?

            Heaha ka Pauku Alakai? Mok. 11:7. Ka pauku Hui Lahui? Luka 1:51.

            Heaha ka mea i hookahuliia? Ehia olelo mamua?

            No ke aha ka hookahuliia’na?

            Heaha ka manao hookiekie o kanaka ia wa? Ua hookoo ia anei?

            Nawai i hookahuli? Pehea ke Akua i hookahuli ai, a hooki ai i ka lakou hana?

            Na kaikamahine.- Owai ka inoa i kapaia ai ia wahi?

            Owai ke kulanakauhale nui i kukuluia malaila mahope?

            Ehia olelo i keia wa? Nohea ka olelo Hawaii?

            E aha ia ‘na na mea hookiekie a pau?

            Na pokii.- Hai mai i ke mele hookahuli ma ke Alaula no Feberuari.

            Na makua.- Hai mai i ka Pauku Alakai o ka haawina 8. Mok. 15:1. Ka pauku Hui Lahui, roma 4:20.

            Nohea Aberama? Mahea Kaledea?

            Na keikikane.- Owai ka makuakane o Aberama? Owai kana wahine?

            Heaha ka ke akua kauoha ia ia? Mok. 12:1

            Ua hoolohe anei oia? Ua hele oia i hea? Me wai pu?

            Owai kona hooilina? E like ana kana mau mamo me ke aha?

            Na kaikamahine.- Manaoio o Aberama i ka ke Akua, a lilo oa i aha nona? 15:6.

            A lilo hoi oia i makua no wai?

            Owai na mamo o Aberama, ma ke kino, ma ka uhane?

            He poe mamo anei oukou nona?

            Na pokii.- Ua mau anei ka inoa o Aberama? Owai ka inoa hou?

            Makemake anei oukou e loaa ka inoa hou? Owai? Pehea la e loaa’i?

            Na keiki.- Sodoma ma Haawina 9, Hai mai i ka Pauku, 19:17, ka pauku Hui Lahui Heb. 2:3.

            Na makua.- Pau Sodoma ma i ke aha? No ke aha?

            Owai ka i hoopakelena? No ke aha?

            Nawai i kokua i ka hoopakele ana? Kokua pehea?

            Owai ka i lile i kukulu paakai? No ke aha?

            Na kaikamahine.- E hoomanao oukou ia wai? i aha ole oukkou?

            E holo oukou mai i hea aku? A i hea? Hai mai Luka 17:28,29. 11 Pet. 2:6. Iuda 7.

            Na pokii.- ehia kulanakauhale i pau i kea hi? No ka hewa, ea.

            I hea oukou e holo ai i pakele i kea hi pio ole? Ua holo anei? A hea?

            Lilo ka papu o ia mau kulanakauhale i aha? Mahea?

            Na makua.- Pehea i hoaoia’I ko Aberahama manaoio?

            Na keiki.- Hai mai i ka Pauku Alakai , 22:8, ka pauku Hui Lahui. Heb

. 11:17.

            Ua mohaiia anei Isaaka? Ma ke aha i hoopakeleia’i?

            Ua akaka anei ka manaoio o Aberahama?

Owai ke pani no Isaaka? Owai ke pani no kakou?

            Make Iesu  i aha kakou? Ma ke aha? Iehova @si, heaha ia?

            Mele.- “Make Iesu no’u.” Hae Hoonane.

            Na makua.- Iakoba me Esau, ma ka haawina ehia laua? Hai mai i ko laua ano.

            Na keiki.- Owai na makua o laua? Owai ka i aloha ia e ka makuakane? E ka makuwahine?

Ka makua he aka i pono?

            Owai ka i kuai i ka pono? No ke aha? Hai mai i ka Pauku Alakai , 27:38. Pauku Hui Lahui, Heb. 12:15.

            Na pokii.- Owai ka inoa o keia mau mahoe? Owai ka mua? Owai ka maikai?

            Owai ka i kuai aku ia Iesu? No na dala ehia?

            Owai ka poe kuai i ko lakou uhane? No ke aha? A loaa ke aha? Kokua na keiki nui.

            Ke kula a pau.- Heaha ke kumu hana o ka haawina 12? Ka Pauku Alakai? 28:17. Pauku Hui Lahui? Ioane 1:51. E holo ana? Mai hea aku? Kona moe uhane, heaha? Kapaia ia wahi Betela, heaha ke ano? Heaha kona hoohiki? Ke aha ke Akua?

            Owai na Betela i keia wa? Heaha ka kakou e haawi aku ai i ke Akua?

            Mele.- Him. 401. Pule, a hookuu aku.

HAWAII

Maloo ka Waiu

 

He kanaka hanai pipi waiu. Kaulana kona mau pipi no ka nui o ka waiu i loaa ke uwiia. Ua lohe no kekahi kanaka, o Kimo paha kona inoa, no keia mau pipi waiu maikai loa. A hui oia me ka mea non aka pu-a pipi, olelo, e kuu makamaka, makemake au e kuai i kekahi pipi waiu maikai loa maloko mai o kou pu-a pipi. Maikai no kou manao, e nana ae i ka pipi kupono i kou makemake.

            Nana kimo i kela a i keia pipi, a loihi no ka nana ana; a kau ka maka maluna o kekahi pipi ano waiu nui, a ninau, pehea keia pipi? He pipi maikai anei, a nui ka waiu? Ae-he pipi maikai ia,a, i ko’u uwiana, nui ka waiu i kela la i keia la.

            Ehia dala ke kumu kuai ke huipu me ke keiki? 25 dala. Kea i nei au. Eia no na dala. E hooa i ka pipi ma ko’u wahi. Ae, e hiki ana no ilaila i keia la.

            I ka hiki ana o ka pipi i kona wahi, hoomaka Kimo e uwi oia i kekahi Manawa; uwi kona keiki i kekahi Manawa. Uwi nae i kekahi la, a uwi ole i kekahi la. He oiaio no, ua nui ka waiu i loaa ma ka hoomaka ana. A mahope, emi iho ka waiu, a emi hou, a emi loa, a emo ole ka maloo ana.

            Hoohalahala Kimo, a holo e ike i ka ona mua, a olelo me ka huhu. Ka, ua hoopunipuni mai paha oe ia’u. Aole anei oe i olelo mai, he pipi waiu nui, ka pipi ai i kuai mai ia’u? Eia ka, ua maloo koke ka waiu.

            Aole paha wau i hoopunipuni ia oe. Nau no i wae i ka pipi waiu nui ia ma ko’u ike maka ana.

            Pela no ma ka hoomaka ana, wahi a Kimo, nui ka waiu i kekahi mau la. Aole nae he loihi, a, o ka emi koke iho la no ia o ka waiu, a emi, a emi.

            Alia, pehea ka uwi ana? Na uwi mau ia anei?

            Aole i uwi mau ia; ua uwi ia i kekahi la, i kekahi kakahiaka, i kekahi ahiahi; a haule kekahi la, kekahi kakahiaka, kekahi ahiahi, no kuu hele ana i kahi a, a molowa hoi ka’u keiki a uwi ole; a he anu, he ua i i kekahi la, haalele i aka uwi ana.

            Pela anei? Ae-Oia kekahi kumu; e Kimo, o ka emi ona o ka waiu. Aia a @ mau i aka pipi, i kela la, i keia la, i ke kakahiaka, i ke ahiahi, alaila mau no ka waiu a hiki i ka Manawa e pono ke haalele a hookuu i ka pipi.

            Pela ka, akahi no au a lohe i keia. Ua hewa au i ka uwi kikokikoi ana i ka’u pipi, o ka uwi mau k aka pono, ma ka haawi ole ka hoi ia hai e uwi.

            Oia kekahi kumu o ka emi koke a maloo ana o ka waiu. A, mahea e hani ia nei kau pipi waiu?

            Holo wale iho no ia ma ka alanui, kahi i hehi nui ia e kanaka, aohe o’u wahi pa hanai maikai.

            Pela anei? Akaka loa ke kumu o ka maloo ana o ka waiu. Aole paha he nui a mau ka waiu ke  maikai ole kahi hanai.

            Nui ka kuu naaupo, wahi a Kimo. Maloo ka waiu no ka mau ole o ka uwi ana; maloo hoi ka waiu no ka hapa o ka weuweu, no ka maloo o kahi hanai.

            Ma ka hoopili ana. He hoahanau oe, ikaika oe i kekahi panawa, hauoli, lana ka manao, nui ka makemake i ka pule. i ka halawai, i ke kokua. No ke aha? No ka mea a mau ana o ka pule, o ka hele i ka halawai o ke kokua ana?

            Mahope iho, ua emi ka ikaika, ka hauoli, ka makemake. No ke aha? Ua emi ka pule-ua pule kikokikoi, a kikokikoi hoi kou hele ana i ka halawai, a me ke kokua ana. Ua maloo ka waiu no ka mau ole ka uwi ana.

            He Kumu Kala Sabati oe, he Kahu Kula Sabati paha-maikai ke kula mamua, maikai kau papa, nui na haumana, mau ko lakou hele ana i ke kula- ikaikai ka imi ana i ke ano o ka Haawina. No ke aha? Ua hana mau oe- ua hele mau i ke kula me ka hala ole o ka hora kupono; ikaika i ke ao ana- i ka hanai ana i na haumana ikaika i ke kii aku i ka poe i haule, a komo ole mai.

            Mahope iho, emi na haumana. Haule pinepine haalele, makemake ole. No ke aha? Ua emi kou ikaika, ua hele kikokikoi i ke kula; ua komo hope paha-ua haawi i ka hana ia hai paha- ua emi ka ikaika i kea o ana-I ke kii ana i ka poe i haule, a haalele a komo ole. Ua maloo ka waiu no  ka uwi kikokikoi ana, a haawi ana ia hai.

            Na luakini. Na hale halawai nui. Ua piha paha mamua-- piha na halawai nui, na halawai apana. Ala na kanaka, ala na kamalii.

            Mahope iho, emi, waiho wale ia kekahi mau noho, noho kawalawala kanaka.

            Maloo ka waiu. No ke aha? Ikaika na kahono, na kahu, naluna mamua, hana mau, kii mau, paipai mau.

            Mahope iho, emi ka ikaika. Palaka, hiamoe na luna-hana kikokikoi, mau ole.

            E hana mau na Kumu Kula Sabati, na Kahu, no Kahuna, na lono, ke makemake e piha ke Kula Sabati i na haumana.  Ma ka hana mau e piha ai na luakini. Na hale halawai, ka ekalesia, ka waihona dala kokua, a mau no ke kahe ana o ka waiu.

KA "NUPEPA KUOKOA."

Hoopuka mau ia

I KELA POAONO KEIA POAONO.

$2.00

No na mahina he umikumamalua

$1.00 no na mahina eono,

ME KA OOKAA MUA MAI.

NA OLELO HOOLAEA- aole i oi mamua o 10 laina no ka hopuka hookah ana, $1.00; alua komo ana, he $1.60 hookahi malama, $2.00 E uku mua ia mai ke dala o na ole o hoolaha a pau e hoonaia ana mai e pai.

KaKANIKAU-he 4 keneta no ka lalani hookahi-penei: he 25 lalani. $1.00; 50 lalani, $2.00 a pela ku

KA UKU NO NA OLELO HOOLAHA- ka uku pepa, a me ka uku o ke Kanikau, e haawiia no ma ka lima o na luna oia Kuokoa, a i oleia, e hoouna mai ia Pokue

KKA UKU PEPA A PAU E HOOKAA MUA MAI NO-aole e kauia ka inoa o kekahi haole a kanaka maoli paha ma ka inoa o ka poe lawe pepa ke ole e hookaa e mai mamua @ po ke hiipoiia keia mau rula, no ka mea, he emi no ka auhau no keia nupepa.

AIA KE KEENA O KA NUPEPA KUOKOA- maluna ae o ka Hale Leta. O ua hora hana, mai ka eiwa o kakahiaka, a i ka ha o ke ahiahi

H.M. WINI, Luna Hoopuka.

NA BUKE

HOOLAHA IA E KA PAPA HAWAII.

Baibala Hemolele Nui ili gula nani me na kuhikuhi ma na aoao……………………..$12.00

“ “ Nui ili eleele kaekae wai gula….@00

“ “ Uuku iki iho, “ “ ….500

“ “ pananaiki iho ili eleele……….4 00

Kauoha Hou ili gula nani me na kuhikihi…….3 000

“ “ eleele kaekae wai gula………1 00

“ “ “  ………………..75

Kauoha Hou Hapa Haole…………..75

Lira Hawaii 1848 me ke kanawai…………25

“ “ 1855………………25

Moolelo Ekalesia…………….60

Haiao ili lahilahi…………………….10

Hele malihini ana…………….25

No ko ke Akua ano……………..25

Lira Kamalii……………………25

Hoike Palapala Hemolele………….25

Moolelo o Heneri Opukahaia………….25

Hoike Akua…………….26

Wehewehehaia……………..26

Ninau Hoike ili manoanoa…………….26

“ “ “ lahilahi…………..10

Kumamua Kula Sabati.............10

Buke Lawe Lima………….10

He pake no ka Pope……………..10

Ui Kula Sabati Heul 3……………25

“ “ “ “ 4…………….35

“ “ “ “ 5…………….25

Buke Euanelio a Ioane………….10

Himeni………………..100

Himeni Ni nani…………175

 

Na Kauoha Hou Pakeke

Ili Gula nani……….150

Ili elele kaekae nani............50

Ili eleele.............25

 

Kauoha Hou Pakeke me na Halelu

Ili Gula nani...............175

Ili eleele kaekae wai gula………..60

Ili eleele…………..50

 

Na Halelu Pakeke

Ili Gula nani...........50

Ili eleele kaekae wai gula..........30

Ili eleele.........20

Ka Hae Hoonani (Buke Mele)………..25

Buke Wehewehe Huaolelo Baibala………2 00

“ “ “ Ili nani…..3 00

 

Eia na buke haawi wale.

Palapala Liilii-

Helu 4-Makemake anei oe i ke ola?

Helu 6-E hele i o Kristo la.

Helu 7-Ka hoi ana mai o ke Keiki Uhauha

Helu 11- No ka hoohiki wahahee i ke Akua.

Helu 16- Ka Eehia ana o ka Ahaaina a ka Haku a ma ka Bapetizo ana

Helu 17- Mai hana ino i na holoholona

Helu 18- No ka mahi ana, kuai ana ame ka inu ana i ka awa

 

Ka Davida Malo Kumumanao

Ka Moolelo o Batimea Puaaiki.

 

            J.F. POKUE,

Kakauolelo o ka Papa Hooko o ka Ahahui Euanelio ko Hawaii Pae Aina.