Ka Nupepa Kuokoa, Volume XII, Number 32, 9 August 1873 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA KUOKOA, ME KE AU OKOA I HUIIA.

 

MA KE KAUOHA.

            NO KA BAKA.--I mea e maopopo ai ka palapala hoolaha no ka Baka, ke hoakaka nei, aole kuai ke Aupuni ka baka a kanaka; aka, I mea e hiki mai ai ka mea ike ka hana ana o ka baka ma kekahi hana okoa, i ike ole ia maanei, oia hoi e like me ka hana ana o kahi haole o "Culp," ma Kaleponi, nolaila ka haawi ana o na dala i hoopuka ia ma na nupepa.            E.O. HALI., Kuhina Kalaiaina.

            Oihana Kalaiaina, Augate 8, 1873.

 

            I KEIA LA, ua kohoia o W. Panihale, i Luna Panihale, i Luna Pa Aupuni, no ka Apana o Honolulu, Mokupuni o Oahu, ma kahi o P. Kaaiahua i waiho mai.        D. KALAKAUA, Hope Kiaaina.

            Keena Kiaaina, i Oahu, Honolulu, Aug 2, 1871.        610

 

            I keia la, ua hookohuia aku keia poe Keonimana malalo iho, i mau Komisina no na Ala Liilii a me na pono Wai, no na Apana o Ewa a me Waianae, mokupuni o Oahu, a o na hookohu ana mamua no na luna o keia Apana ma ia ano, ua hoonalowaleia.--J. R. Williams, S. Kaanaana a me H. U. Mahi.    EDWIN O. HALL, Kuhina Kalaiaina.

            Keena Kalaiaina, Aug. 4, 1873.          610 3ta

 

            HOOLAHA.--E hamama no ke Keena Kalaiaina a hiki i ka la 20 o Augate e hiki mai ana, no ka poe e hele mai ana e kukakuka no ka hiki ia lakou e hoolawa i POI PAAKIKI o ke ano maikai no ka Hale Paahao o Kawa, no ka manawa he hookahi makahiki, mai ka la 1 aku o Sepatemba A. D. 1873

            @ 10,000 paona no ka @ manawa a ka hale paahao e kuhikuhi ai, a oia iho @una nan@ o ka poi.

Ina e haawiia @ i kekahi poe, e hoopaa @ mai oia i H@ no ka hooko pono ia ana o ia n@.

            Aole loa e hoopaa ke aupuni iaia iho, e ae aku i ka mea koi haahaa loa a mea e ae paha.      EDWIN O. HALL, Kuhina Kalaiaina.

            Keena Kalaiaina, Aug. 4. 1873.

 

            HOOLAHA.--E hamama no ke Keena Oihana o ka mea nona ka inoa malalo iho, ma ka Hale Koa, a hiki i ka la 20 o Augate e hiki mai ana, no ka waiho ana mai ma ka palapala o ka poe e makemake ana e hoolawa mai i ka poi o ke ano maikai loa i ka Oihana Kaua, no ka manawa he hookahi makahiki ka loihi, e hoomaka ana mai ka la mua aku o Sepatemaba A. D. 1873.

            O ka nui i makemakeia, he 10,000 paona no ka malama, a e laweia ma ka Hale Koa, e like me ka nui i makemake ia ma kela a me keia manawa a ka Akukana Generala i manao ai he pono, a oia no ka luua nana no ke kupono o ka ai.

            O ka poe e haawiia ana ka Palapala Aelike, e hoopaa pu mai i Hookahi Tausani Dala Bona, i hooko pono ia ai ka Palapala Aelike.

            Aole no hoi e hoopaa ana ka mea nona ka inoa malalo iho i ka mea emi o ke noi a mea e ae paha.   CHARLES H. JUDD, Akukana Generala.

            Oihana Akukana Generala, Augate 6, 1863.

 

            UA hookohuia o Col. Hon. D. Kalakaua, i Hope Kiaaina no ka Mokupuni o Oahu, i koʻu wa e kaawale ai.                        JNO. O. DOMINIS, Kiaaina o Oahu.

            Honolulu, Iulai 28, 1873.

 

            MA keia la, ua hookohuia o Mr. S. B. Dole, i Komisina no na Ala liilii a me na pono wai no ka Apana o Kona Oahu, ma kahi o Mr. E. H. Boyd i waiho mai.                       EDWIN O. HALL, Kuhina Kalaiaina.

            Keena Kalaiaina, Iulai 30, 1873.

 

            HOOLAHA--E hamama no ka puka o ke Keena Kalaiaina, no ka noonoo ana i ka poe kupono nana e hoolawa i na 10 BIPI i ka Halemai Lepera ma Kalihi, ka Halemai Pupule a me ka Halepaahao o Kawa, a hiki i ka la 9 o Augate, no ka manawa he hookahi makahiki, mai ka la 11 aku o Augate 1873.  E hoopaa mai ka poe e haawiia ana ka palapala aelike i na Dala Elima Haneri, i mea e malama pono ia ai ka hooko ana o ia palapala aelike.  Aole no e hoopaa ana ke aupuni iaia iho, e ae aku no ka mea, noi haahaa loa a mea e ae paha.             EDWIN O. HALL, Kuhina Kalaiaina.

            Keena Kalaiaina, Iulai 30, 1873.

 

            E HOOMAKA ana na Kula Aupuni o ka Apana o Kona, mokupuni Oahu, ma ka Poakahi, la 4 o Augate e hiki mai ana, ma ka hora 9 o ke kakahiaka o ia la.                  H. R. HITCHCOCK, Kahukula Nui.

            Keena Oihana Aopalapala. Iulai 23, 1873.

 

            I KEIA LA, ua hookohuia aku o Hon. J. Moanauli i Komisina no na Ala-liilii a me na hooponopono wai, no ka apana o Kona, Mokupuni o Oahu, ma kahi o Hon. W. P. Kamakau i make.                     EDWIN O. HALL, Kuhina Kalaiaina.

            Keena Kalaiaina, Iulai 5, 1873.

 

            OIAI, ua hoi mai nei o THEODORE CHRISTOPHER HEUCE, ESQR., ke Kanikela no ka Emepire o Germania ma keia aupuni, a Kanikela hoi no ke Aupuni o Denemaka, iloko o keia aupuni, a ua hoike pili aupuni mai i keia la no kona hoi kino ana mai nei mai Europa, a e hoomaka ana i kana hana i keia la, ma ke ano he mau Kanikela no Ka Emepire o Geremania, a i ole ia, no ke Aupuni o Denemaka, nolaila, ke kauohaia aku nei, o kana mau hana pili aupuni a pau no ia mau aupuni, e paulele a e mahaloia e ko ke aupuni mau mana.                CHAS. R. BISHOP. Kuhina o ko na aina e.

            Keena o ko na aina e, Honolulu, Iulai 8, 1873.           606

 

            KE HAIIA aku nei ka lo@ i loaa ole ka lepera, mai keia la aku a mahope aku nei, ua hookaawale loa ia na aina o Kalaupapa, Waikolu, a me Kalawao, ma ka aoao makani o Molokai, e ka "Papa Ola," i wahi e noho kaawale ai no na mai lepera; a ua kapu loa na mea e ae a pau aole e hele aku, a o na moku a pau, na waapa a me na waa ke papaia aku nei, aole e ku a pae ma ia mau wahi, aia wale no a ae aku ka Papa Ola; ua hookapu pu ia no hoi ke alanui e moe la maluna o ua mau aina la, a ua papa ikaika loa ia no hoi na kanaka a pau, aole e hele malaila me ka ae ole o ka Papa Ola a o kona agena paha.  Ke konoia aku nei no hoi ka lehulehu, e nana i ka Pauku 5, A, o ka Mokuna xxxiii o na Kanawai o 1870, penei:

            PAUKU 5 (A.) Aole no e aeia kekahi mea i loaa ole ia ia ka mai lepera, ke hele aku a e noho paha maluna o kekahi aina, wahi, a iloko paha o kekahi pa i hookaawaleia e ka Papa Ola, no ka hookaawale ana a me ka hoomalu ana i ka poe mai lepera, ke ole e loaa mua ia ia ka palapala ae a ka Peresidena o ka Papa Ola, a i ole ia o kekahi luna i hookohuia e ka Papa Ola; a in a i loaa kekahi kanaka maluna o ka aina, wahi a pa paha i olelo mua ia, me ka palapala ae ole, in a i ku ka hewa iaia imua o kekahi Lunakanawai Hoomalu a Apana paha, e hoopaiia i ka uku aole e emi mai malalo o na dala he umi, aole hoi e oi aku i na dala he hookahi haneri no kela p me keia hewa; a i uku ole i ke dala, alaila, e hoopaahaoia ma ka hana oolea a kaa ka uku hoopai a me na koina o ka Aha.

            E hookoia ke kuhikuhi maluna ae me ka ikaika mai keia la a mahope aku nei.

            Ma ke kauoha a ka Papa Ola.              CHAS. T. GULICK, Kakauolelo Papa Ola.

            Keena Kalaiaina, Iune 18, 1878.

 

            I KEIA la, ua hookohuia aku ka poe nona na inoa malalo iho nei, i mau Luna Helu no na apana ohi auhau a pau o na mokupuni, no ka 1873:

OAHU……..Honolulu……..……..……..……..…..…C. H Judd

                        Ewa a me Waianae……..……..………A. Kaoliko

                        Waialua……..……..……..……….S. M. Naukana

                        Koolauloa……..……..……..……….…..J. Amara

                        Koolaupoko……..……..……..……....E. H. Boyd

MAUI……..Lahaina……..……..……..……..…….D. Kahaulelio

                        Wailuku……..……..……..……...…T. W. Everett

                        Makawao……..……..……..………….M. Kapihe

                        Hana……..……..……..…………M. P. Peenahele

MOLOKAI A ME LANAI……..……..……..……..E. H. Rogers

HAWAII…Hilo……..……..……..……..……..…F. S. Lyman

                        Hamakua……..……..……..……..G. W. D. Halemanu

                        Kohala Akau……..……..……..……..C. F. Hart

                        Kohala Hema……..……..……..……..P. Kaaekuahiwi

                        Kona Akau……..……..……..……..S. K. Kaai

                        Kona Hema……..……..……..……..D. H. Nahinu

                        Kau……..……..……..……..……..Thos. Martin

                        Puna……..……..……..……..……..……..J. Ili

KAUAI……..Hanalei……..……..……..…………....H. Johnson

                        Anahola……..……..……..……..……..Kapahuelima

                        Lihue……..……..……..……..……..……..S. Kamahalo

                        Koloa……..……..……..……..……..G. W. Lilikalani

                        Waimea……..……..……..……..……..V. Knudsen

NIIHAU……..……..……..……..……..……..……..J. H. Kaika

                                                ROBERT STIRLING, Kuhina Waiwai.

            Keena Waiwai, Iune 16, 1873.           603 2m

 

            E HAAWIIA ANA I MAKA HE HOOKAHI TAUSANI DALA i kekahi hui a kanaka paha, oia hoi ka mea mua e hoomaemae maikai ai ma ka mea ma Hawaii nei, a lawe aku i waho o ka aina i na paona he iwakalua tausani (20,000 ;) me ka hoomaopopo nae, o ka poe e ake ana i keia makana, e hoike e mai lakou i ke Kuhina Kalaiaina mamua ae o ka la 1 o Maraki 1874.    EDWIN O. HALL, Kuhina Kalaiaina.

            Honolulu, Mei 26, 1873.

 

            PAKE PEPEHI KANAKA--Ma ka Poaono, la 26 o Iulai i hala, ma Kalihikai Kauai, ua hoao kekahi pake paahana, (pake kinikiu) e komo aihue ma kahi hale o kanaka, no ke kumu i manao wale ia aku, e aihue i ka pahu. O ua hale la, ua ikeia he luahine hookahi wale no ka mea noho mau maloko; aka, ma ua po nei nae, ua moe he elua mau kanaka iloko. Puiwa laua i ka nakeke o ka puka komo, a hoao aku la e hopu i ke kolohe, a ia lakou e aumeume ana, eha iho la ua mau kanaka nei. O Aimoo ka inoa o kekahi kanaka, ua houia oia i ka pahi ma ka opu, me ka manao ia paha e ku i ka puuwai, aka, ku e i ka iwi aoao a pahia ae la ka pahi, he eha kukonukukonu keia ; a he elua on a mau moku e ae ma ka lima ; mai make oia no keia mau eha, aka, ua pohala nae. O kekahi kanaka, o Kaialiilii kona inoa, ua komo pu aku ka pahi i kona lima. O ka pake hoi, ua holo mahuka aku, aole i loaa.

 

 

Ka Nupepa Kuokoa

ME

Ke Au Okoa

HUIIA.

Published every Saturday, $2 a year.

 

REGULAR EDITION, : : : : : 4,872 COPIES.

NA PEPA PAI MAU IA, : : : : . He 4,872.

 

HENRY M. WHITNEY,

Publisher and Editor, (Luna Hoopuka.)

 

JOS. U. KAWAINUI,

Associate Editor, (Luna Hooponopono.)

 

HONOLULU, AUGATE 9, 1873.

 

            Ua ikeia mai nei ko kakou Moi, e ka Moi o Italia, a na ka palapala malalo iho, e hoike mai.

            VITTORIO EMANUELE II, ma ka lokomaikai o ke Akua a me ka makemake o ka lahui, ka Moi o Italia ia Ke 'Lii Lunalilo, ka Moi o ko Hawaii Pae Aina.  Aloha. I ka makemake aloha a maikai--O ka palapala Au e ke 'Lii i hoike mai ai no ka make ana o Kou Mua, a me kou noho ana ae maluna o ka Noho Alii o ko Hawaii Pae Aina, i kohoia mai ai oe e ka Ahaolelo, ua huki mai nei. Ke komo pu aku ne au iloko o ke kaumaha mamuli o ka make ana o Kou Cousini Alii Kamehameha V., a ke wikiwiki nei au e hoike aku ia Oe, ma ko'u aoao iho aole loa au e hoopau i ka hooikaika ana e malama i na launa hoaloha ana i hookumuia mamua mawaena o na Kalaunu Elua, no ka pomaikai kaulike o na lahui elua. Ke haawi aku nei au ia Oe e ke 'Lii i ko'u hoomaikai oiaio, me ka hoike pu aku i ko'u manao maikai a hoaloha. E pule no au i ke Akua, i paiia ai Oe e ke 'Lii ma Kona malama hemolele ana.

            Kakauia ma Roma, Apr 14, 1873.

            Kou Makamaka Aloha a oiaio e ke 'Lii,

                        [Kakauia]                    VITTORIO EMANUELE.

            [Kakau hou ia] VISC NTI VENOSTA.

 

            UA hoopiha iho ka nupepa Ko Hawaii Ponoi i na olelo nuku no makou nei mai na peni like ole mai o ke kakau ana, me ka hauhili wale ana mai i na olelo hoinoino, me ka makemake e hookelakela ae, a o kana ke alakai pololei a puu ole. No na mea e pili ana i ke Kuikahi a makou pu no e huki ikaika nei, ua hiki ia makou ke pale ae me ka haawi aku i ike hou no ka poe ma ia pea.

            Aole no paha mea kanalua ma ka puana ana aia maluna o na Kuhina ka hewa o na hana pili aupuni, ku i ka pono o ka Moi a me ka lahui. Aka makemake anei Ko Hawaii Ponoi e hoike ia aku iaia ka ike malalo o ke kanawai kumu o keia aupuni, a me na Aupuni Moi Kumukanawai, o ka mana o ka hana Kuikahi aia no ia i ka Moi, a aole loa e hanaia kekahi mea o ia ano, ke ole Oia e Kauoha mai e hana pela? I ko makou hoopuka ana aku i ko makou manao i ka pepa o kela hebedoma, ua hoikeike aku makou i ka mana o ko Kakou Kumukanawai a ua hoopili hoi i ka Moi i ka mea kupono iaia wale no, aole i ka mea e. Aole loa e hiki i kekahi Kuhina ke lawelawe i ka hana e like me keia ke ano, ke haawi ole ia kana Kauoha e hana aku ia pela, a i ka wa e haawiia mai ai ia Kauoha, o ka mea pono wale no ia Kuhina e hana ai o ka hoolohe aku i ka leo. O keia ka makou i manaolana ai, e hana aku ana ka Aha Kuihna pela.

            Ma Enelani, Geremania, Rusia a me na Aupuni Alii Kumukanawai e ae, ke waiho ia aku na ka Ahaolelo a me na nupepa e noonoo mai i na Kuikahi i hanaia, o ka Moi wale no ka mea i hapai nui ia ma ke ano oia ka mea haku Kuikahi, a aole na Kuhina; aia wale no ma kana a ma ko ka Moiwahine kauoha e hoolalaia ai na Kuikahi, a waiho aku imua o na Haku o ka aina e noonoo mai. No keaha la kakou e eeke mai ai mai na hana maa mai o na aupuni naauao, a hoole i ka mea kupono e haawi ia Kaisara i ka Kaisara. No ka mea e pili ana i ka Moi, oia ke ala i ikeia nana e hana i ke Kuikahi, ua hoohanohano aku makou i ka Moi o ka aina--ke Alii a na makemake a pau e hoohanohano aku ai.

 

E haalele ana paha o Bisimaka.

            Ke walaau hou mai nei ka waea olelo, ua hooholo iho la o Bisimaka e waiho i kona noho Kuhina ana no ka na Aina e no Perusia, a e paa no nae oia i Lunakanawai Kaulike no ka Emepire. O ke kumu no keia haalele ana ma keia keehina, ka oluolu kupono ole o kona ola kino, a o ka noho kaawale ana mai na hana pili aupuni aku ka mea kupono wale no. Malia paha o oiaio keia kumu, no ka mea, ua luhi maoli o Bisimaka i na makahiki eono i hala'e, ua lawa paha ia manawa no ke kino hao, e emi ole ai ka ikaika. O kona manaopaa ka mea nana i hookiekie ae ia Geremania iloko o kona mau wa kaua me Auseturia a me Farani, a i keia wa ano, h@ oi loa aku ka winiwini o ke koi ana e koi nei, mamua ae o ka hiki i kekahi luna aupuni naauao e hooikaika ai--oia ka hakoko me ka ekalesia--ke ku nei ia me ka wiwo ole he alakai no keia hana nui a ka Ahaolelo e noonoo nei. Iaia wale no aohe i kekahi kanaka e ae, i aie nui ai o Geremania i ka hooko ana o kana moeuhane, oia ka hoohui ana o Geremania. O keia mau hooikaika nui ana a me na lanakila nui i ikeia me ka manao i hoopaaia pela, he kumu kupono auanei ia nona e hiki ai e waiho aku i kona noho ana kuhina. He mea hiki ole ke noonoo aku, he mau kumu e ae kekahi e waiho nei malalo, a ko Europa i maopopo ole ai ano. I ka wa i lono lauahea wale ia mai ai mamua iho nei, e haalele ana oia i kona kulana, ua hooupuupu puia mai, no ka like pu ole o ko na kuhina e ae manao me kona iho no ka ninau ekalesia, a he mau lili kuloko e ae kekahi e hoolaulea ole ai i ka noonoo lokahi ana o ka Aha Kuhina, a no ko ka Emepera paulele ole i ko Bisimaka manao e pili ana i na Iesuita a me na ano ekalesia e ae malalo o na pa@ ua hilinai o Uilama me ko ke Kuhina Kau@ manao kue i ku @. Me he mea la, ke hoaiai mai nei keia mau kah@ka i na hiohionai mali@ pela, ano, he @leloia mai nei, e noho ae ana o Vou Roon ma ke kulana o ke keehina no ko na aina e. He mea maopopo ole nae, ke ike ia aku ka oiaio mai keia wahi aku ka mamao, a noonoo iho pehea la ka oiaio iloko o ia mau lono, aka malia o kena iho lakou e makaala o ka ike no ke ano o keia mau mea nui, e naholo mai nee pilikia. Ina o ka Geremania hooponopono aupuni e pili ana ia Roma a e houuku ia iho ana ma ka degere nui, aneane paha e komo ana o Europa iloko o ka uune a keakeaia paha auanei ko Italia hele ana ma ke alanui o ke kuokoa. Aole he mea hiki no ke kanaka waiwai loa o ka naauao e like me Bisimaka, e nele ana i kona mana iloko o ko ka lahui kukakuka ana, a o kona manao ana e noho ma ke ano lunakanawai Kaulike, aole ia he mea i ike akea loa ia. Ina o ko Bisimana manao e koi nei a he nawaliwali, a he mea e poholo pu ai kona kaulana penei aole loa oia e hoolohilohi i ka haalele ana i kana mau oihana a pau mai ke aupuni aku, a e hoi e noho makaainana mawaho mai. Pela ka hoike a ka Buletini o Kapalakiko.

 

Nu Hou Kuloko.

            Ua lohe mai makou, ua hikimai nei ka palapala hoopii a ka apana o L@haina imua o ka Moi, e noi ana aole e hawi ia Puuloa. He mau inoa lehulehu ka@kakania malalo oia palapala hoopii.

 

            Ua noiia mai makou e hoolaha aku e hoomaka ana ke Kula Kahunapul@ma ka la mua o Okatoba e hiki mai ana. Ma ka hora 10 o ka la hope o Sepatema@ make ana e komo, ma ke keena kula.

 

            HE OLELO HOOLAHA DALA OLE--Ua loaa mai ia makou he olelo hoolaha mai N@aole Kau Hawaii mai, aole i hooili pu ia mai me ka dala. A no keia kue i ko makou rula paa, ua kiola haalele loa e makou.

 

            Ma ka ka hora 7 1/2 o ke ahiahi Palua e hiki mai ana, maloko o ka luakini o Kaumakapili, e haawia ana o Hon. J. M. @apena, i kana haiolelo, no ke Kuikahi @anai Like me ka haawi ia Ewa. No laila ke poloaiia aku nei na kanaka a pau, e hele nui ae e hoolohe ia haiolelo.

 

            Ma ke kakahiaka Poalua iho nei, oiai e hana ana o Mose o Honokaupu malalo o ka mokuahi Koka Rika e hoono@o pahu ko ana, aia hoi, haule iho la ka pa@u ko maluna on a a hooneeia iho la. Ua h@i paha kona au, aka, ua hoihoi ia nae i ka Halemai Moiwahine e lapaau ai.

 

            HOINO PILIKINO--Ua loa mai ia makou kekahi palapala mai Makawao mai, na ka mea i kapa iaia iho o K. Keaweaumi, e hoinoino ana i kekahi makua. No ka maopopo ole o ka mea nona keia palapala, a me ke ku o na huaolelo i ka pili kino e hiki ai ke hoopiia, nolaila, ua kiola loa ia. Luhi u-a wale e ka makamaka.

 

            MAI KAU I KULA.--Ua kau leta mai o J. P. Iwa o Hilo ia makou, no ka pakele ana o ke kuna Adifelo mai ili ma Hilo one, ma ka la 12 o Iulai. O ke kumu o keia poino ua hihia na heleuma elua, a hukiia ana iluna me ka ike ole ia ua hihia. I ikeia nae i ka panee a kokoke i kaha-one. Ua pau aku na kanaka o Hilo e kokua, pakele aku la i ka poino. Mai kau io Ka-pua ua wahi moku la.

           

            NA BAIBALA HOU-- Ua loaa hou mai n@ i ke Keena Kuai Buke o ka Papa Hawaii na Baibala hou Hawaii no lakou na kumu kuai mai ka elua dala a hiki i ka umikumamalua o ka buke hookahi E loaa ia lakou ma ke keena kuai buke o ka Papa Hawaii malalo o ka Hale Lui@a. E h@ nui e kuai i ke kiai hale maikai nana@ hoonani mai i ko oukou mau home iho. @ aole no e poho ke dala ke lilo ia mea.

 

            LUNAMAKAAINANA MAKE.-- Ma ka hora @ o ke ahiahi o ka la 31 o Iulai, ma Lahaina @ make iho la o Hon. W. Hanaike, kekahi @ na Lunamakaainana o ka apana o Lahaina @ no ke kau e hele nei e pau, i ke 37 paha @ kona mau makahiki o ke ola aha. Alo @ ino oia. Ua ike makou iaia a ua maha@ no kona ike makamaka, aka, ua lawe e aku la kona Mea nana ia i hana, a hoonele i ka ohana i ka makua ole. Aia malun@ oia ohana i hooneleia i ka makua ole ko makou aloha paumako. Anoai wale.

 

            Ma ka Poaha iho nei, ua holo aku o Hs. Hon E. H. Allen Lunakanawai Kiekie i Maine, Amerika, e ike i kona ohana nawaliwali. Ua ukali aku ka Moi iaia a w@ho o ka nuku o ke awa.

 

            PAIO.--Ua paio ka Ahahui Hooulu Noon@o o Kawaiahao, i ka pomaikai, a pomaikai ole paha o keia Aupuni ke hoolahaia @e Dala Pepa--Ma ka hooholo a ka Lunahoomalu, a like a like ka olelo hooholo. @e aha kupono keia na ka poe i hoonaauao maikaiia e launa pu mai ai.

 

WAIHO I KAWAIAHAO—Ma Mililani, Honolulu Augate 3, hora 4 o ke ahiahi Sabati, make iho la o W. K. Kekukahiko aloha, la 19 o kona mau makahiki, 11 malama, @ebedoma 4 la me 5 hora kona manawa i makaikai ai i na mea o keia au inea. Ua ha@uia ma Kauhako Kona Hema Hawaii, Aug. 13. 1853 a ua hele hookahi aku la me ke kaniuhu, a me ka makemake ole. Noho iho ua makua, na kaikuahine, a me na keiki @ na kaikuahine ka uwe a hooaloha iaia.

 

            MAI PAU I KA MANO.—Ma ka la 5 o Iulai, aia hoi, ua holo aku kekahi mau keiki o ka ohana hookahi, mawaho ae o Kohala i ke kapaepae Malolo Ia laua nae e nanea ana i ka huki a ka Malolo, aia hoi, hooho ana ke kaikuaana, "mamamake kaua i ka ale au e !" a kuho ana ia iloko o ke kai. O ke kaikaina hoi lele aku la no ia, a lumilumi ia iho laua e ua ale nei a mao ae la, aia ka waa i kahi e. Ia laua e hoolana ana i ka waa, aia hoi, apo mai ka mano i ke ka-waa a pau iaia la i ka nalinaliia. O ke kaikaina keia pinana ae la maluna o ke kuaoi o ka waa. I hoalu iho ka hana o kamua ilalo a nana'ku, kau mai la ka weli ka ike maopopo ana aku i ka hulili mai o@a maka. Aole nae i holapu mai ia lauanei, a lana wale no ka waa, a hoi i kula. @i pau io i ka La iki maka inoino ihu meu@u o ka moana. Pomaikai wale.

 

            Ka LEHULEHU HAWAII.--E Mr. Lunahooponopono: Mawaena o na mea hou kulo@o @ kou nupepa o ka la 2 o Augate i @ala, a ke au i kekahi pake i kapa iaia iho o Kauka Akina, a i hoolahaia mai, ua hiki iaia ke hoola i 28 ano mai pake a 8 ano aole e hiki ke lapaauia. Ke noonoo nei au no'u, iho me ka hai aku ua lapaau au ma Kina no na makahiki he 16, aole loa au i ike i kekahi mai pake, ua hoola ia. O ka'u mea i ike@ma Kina, i ka manawa o kekahi pake e loaa ai i keia mai lepera, o ka hookaawale kok@a ia no ia, a aole loa e ae ia oia e noho hui@ me ka poe e ae, aka, ua ikeia iho @ kekahi kauka pake akamai e olelo ana ua hiki iaia ke hoola i ka mai pake, nolaila, ke makemake nei au e ninau aku, o ka mai pake hea la ke ola ana?       Su Ping Ying

            Honolulu, Aug 7. 1873.

 

            @O KA WI O KOHALA AKAU.-- Ua ike ia ka wi ma ka pana o kohala, aka, he wi pu@i paha keia ma na wahi a pau. Ka Hui M@iko ma Halaula Kohala, no Waimanu ka@ai e kii ai ma ka waapa, elua haneri ai o @a pule, ewalu haneri ai i ka malama. G@W.D.Halemanu ka luna ai,o ke Kipi ke Kapena waa. Ka nui o na holo ai i haawiia ia lakou, 1,350, ka nui o na dala mao@$ 200 dala a oi ae, ekolu pahu ko, a he mau pahu kopa kekahi, a he mau mea e ae n@kekahi. Aole nae i pau ka malama o keia a@awa i ua Hui la. Ma ka palapala ae li@e, eha mahina e malama ai o Waimanu ika@ Hui Mahiko o Halaula. Aole nae i pau ka kia@mau mahina pau e ka ai.

            Elima waapa lawe ai mau; elua waapa o P@ana, hookahi o G W. D. Halemanu. Hookahi o ka Hui o Halaula. Hookahi o K@a mai no Makahia me Kaulahiwa, na ke@ puukani o Kona kai opua i ka lai. M@e la o ka huina ai o keia mau waapa 2,@0 a oi ae. Ua hoohalahala wau i ke ka@o Hawaii Ponoi, aohe ku i ka lealea. Ho@ua kaao oia Nupepa, aohe ku i ka iini o k@uuwai.      J. W Kapololu.

            Wai@anu Hamakau, Hawaii Julai 24, 1873

 

            KA @ 31 O IULAI MA KOHALA.--Mai ka peni ma@a D. B. Kulanui o Halaula, Kohala Akau i loaa mai ai ia makou keia wahi mool@o uaku kupono i ka malama ia ana o ka lahoihoi ea. Ma ka hora ekahi o ke awak@a, he hora ia i hoopiha pono ia ai ka lua o@ka inaina, mamuli o ke ahonui o ka luna @ui o keia mahiko i ka hoomakaukau ana ina mea ai o kela ano keia ano e lawa pono ai ka ai ana. He la hoi keia i wehe aka@la lea mai ai ka lani i na kukuna olinolino o@ka la, aka hoi, i ke anaina e nanea ae ana @malalo o ka olu kohai o ka lau o ka inia e ho@olono ana i ke kani nukup@u a ka pahu a m@ na ohe keleawe. He lai anoano ia la, eia ka he mau paka ua koikoi loa mahope iho o ka pau ana o ka paina ana.

            NA HANA O KA LA.--Heihei eke hapalua dal@ ka mea puka. Heihei kaa huila palalala,@papaniia a paa ka maka a pakele ke ola ma@ lilo, ua lealea haole no hoi, a mahope iho@he halawai e pili ana no ke Kuikahi Pa@nilike. Mai ke kakahiuka a hiki i ka ho@ elima, e welo mau ana na hae Hawaii el@, hookahi hoi hae Amerika, nolaila ua m@e ma pono ia na lealea kulaia o ko kakou A@uni, e G. C Williams a me kana lede.

            Nolaila ke waiho aku nei makou i ka @alo maluna iho o laua a nui loa.           

            D.B. KULANUI

            @aula, N. Kohala, Iulai 31, 1873.

 

            NA MEA HOU O KALAWAO.--Aloha oe e ke KUOKOA. E oluolu oe e hookomo iho i ka'u wahi leta ma kou wahi kaawale--

            No na Mai.--He oluolu maikai no ke ola kino o na mai e noho nei, no ke kololio mai paha o ka makani ma ka moana. O ka nui o na mai iloko o keia mau la, ua hiki aku ka huina i ka 800, a no ka ume mau o ka make i kela a me keia la, ua emi iho malalo o ka 800. Mailoko mai o keia heluna, he 6 pake o Kina, he 10 hapa haola, he 3 haole, he 30 he poe Lahainaluna, he 3 he mau hoa Lunamakaainanana, no na makahiki i hala; he elua he mau kahunapule i poniia, a 1 no Kapunahou mai. Ma kena ea !

            Kanaka pau i ka puaa.--Ma ka po Poalima, a 11 o Iulai nei, ua huaiia, a ai ia e ka puaa kekahi kanaka, o Kahula kona inoa, no Hookena, Kona H., Hawaii, kona one-hanau. Penei ke kumu o kona pau ana :- O kana moopuna, o Nakapahau ka inoa, ua kanu keia moopuna me ka manao ua nalo, eia ka aole, a no ka mea hoi ua oleloia, aole no i hohonu ka lua ana i eli ai, he elua kapuai wale no ka hohonu. A no ia mea ua ai ia ua kanaka la e ka puaa, ua pau ma na kipoohiwi a me na lima, a koe aku ke kino holookoa, mai pau loa nae paha ina aole i ike e ia. Ua hoopaa iho nei na luna ia Nakapahau i ka hale paahao no kona kanu hoomainoino ana i kona ku punakane.

            Ka Halekuai o Kalawao.--Ua wehe ae nei ka Papa Ola i halekuai lole o na ano a pau, a ke kuai mai nei i ka poe mea kenikeni. He oluolu no ke kumukuai o na mea a pau, he $1.25 lawa ka holoku, a he .75c no ka muumuu. Ma ka la i weheia'i ke kuai ana, ua hiki aku ka loaa o ia i ka $150.00. Makena no hoi ua mea he dala a ka poe mai.

            Manawalea Aloha.--Ma ke ku ana mai nei a ka "Wawiki," ua hoi mai o Rev Damiano mai Honolulu mai, me na lole manawalea mai a na hoahanau o ka ekalesia Katolika Roma o Honolulu  He mau lole kane, wahine, a kamalii, kamaa o na ano a pau. A ua haawi waleia aku i ka poe hune o na hoahanau Katolika, a me kahi poe nele e ae o keia lahui. Aloha no.

            No ka ai a me ka ia.--Ke malama mau nei no ka Papa Ola ia makou i ka ai a me ka ia, he 24 paona pai, a he 5 paona bipi a ka mai no ka pule.

            No na hana Karistiano.--Ke ulu mau nei no na hana pono iwaena o keia lahui, o ka Hoomana Moremona, ka Hoomana Karistiano, a me ka Hoomana Katolika Roma; ua malu a maluhia ka noho ana o @ nana e holoholo--aohe pueo nana e ke'u.

            No ke Kula Sabati.--Ua wehe ae nei o J. H. Napela i ke Kula Sabati maloko o Siloama, a ua piha ka luakini i ka poe i naue aku e ike i na wehewehe baibala ana a Napela. Aka, ma ka makaikai ana, ua pololei no kekahi mau wehe ana, a ua hu loa aku hoi i kula kekahi. Me ke aloha.                    D W. KALUA.

 

OLELO HOOLAHA.

 

E KUAI KUDALAIA ANA ka Lio wahine eleele lae kea hao UH hema, me ke keiki puakea kane, ke hiki aku i ka la 13 o Augate, hora 9 kakahiaka, oia ka Poakolu,          J. KAHAUOLONO, L. Pa Aupuni.

            Waiawa, Ewa, Augate 6, 1873.                     610 1t@612

 

Hoolaha Komisina Palena Aina.

 

            KE HAIIA AKU NEI, UA NOIIA MAI AU E hoomaopopo a e hooiaio i na pale o ka Ili o Kalawahine. E hooloheia keia noi. ma ka hora 11 o ka Poaha, ka la 28 o Augate 1873, ma ka Hale Hookolokolo, Honolulu, a ma ia manawa a ma ia wahi, e hooloheia na mea a pau, ke kuleana lakou.                        L. McCULLY, Komisina Palena Aina o Oahu.

            Honolulu, Iulai 30, 1873.                  610 3t 612

 

UA HAULE

HE MAU BUKE MALAMA DALA BANAKO, na ka poe nona na inoa malalo iho, a nalowale, a o ka uku ana ma ka Banako, ua hookiia. O ka poe e loaa ana ia mau buke, e oluolu lakou e hoihoi ae i ka hale malama dala o Bihopa.--J. Kaluhi, Paukialani Laumana, Emma Paukialani, Catalina Paukialani.                      610 2t 611

 

OLELO HOOLAHA!

            O KA POE A PAU E MAKEMAKE ANA E hoouna Dala aku i ko lakou mau makamaka a me na hoaloha ma Kalawao, ua hiki no ke waihoia mai ma ka lima o ka mea nona ka inoa malalo iho nei, a e haawiia na palapala kikoo dala ia lakou, ma ka Hale Kuai ma Kalawao. Aole mau lilo e ae.                S. G. WAILA.                       610 3m 621

 

HOOKAA WALE HUI!

 

            MA HOPE IHO O KEIA LA, O KA HUI MAhiai Laiki mawaena o

ACHOCK a me ACHEONG,

ma Moanalua, Oahu, ua hoopauia, mamuli o ka ae like ana Ma keia hope aku, e lilo no ka hooponopono ana o na aina hoolimalima ia TANGIB. Aole o maua kuleana hou aku i koe maluna o ia aina, no ka mea, ua hoolilo aku maaa ma ke kuai nona ponoi.                ACHOCK, ACHEONG.

            Honolulu, Aug 5, 1873.

 

E IKE MAI NA KANAKA a pau o kela a me keia ano, owau o ka mea nona ka inoa malalo iho, ka mea a kuu kane mare i hoolaha ai, aole au i haalele iaia no kekahi kumu e ae, aka, ua haalele au iaia no na kumu malalo iho nei--he kanaka pepehi hoomainoino ia 'u imua o ka lehulehu, he kanaka hoounauna ino ia'u ma na hana kaumaha, e like me ka mahiai, kii holoholona, olokaa wahie, a pela aku. He kanaka hoopuka mau i na olelo hooweliweli imua o'u, e oki ka i kuu poo i ke koi, aole ka ona minamina i kona ola. Oia iho la na kumu o'u i hele ai. Ua hai mai no hoi kela, aole au e aie, ke hai aku nei au me ka oiaio, he mana hiki ia'u ke aie ma ka inoa o kuu kane; a ua hai mai oia, na kekahi poe e ae e hookokono ia'u e hele, ke hai pololei aku nei au, aole na ka poe e ae, na'u pono'i no, no kuu makau, e like ma na kumu a'u i hai ae la maluna.                  MELE PEELUA KAHALEPUNA.

            Honolulu, Aug 4, 1878.

 

PAPA! PAPA!

 

            KE hoomau aku nei no ka Hui Kuai Papa kahiko o LEWERS & DICKSON, i ke kuai i na lako Papa kapili hale, ma ka pa papa kahiko, ma na Alanui Moi Papu a me Kalepa.

Na Papa Nouaiki,

            Na Papa ulaula,

                        Na kua hale,

                                    Na papa hele Nouaiki a ulaula,

                                                Na papa kapili ia loko o luna o ka hale,

                                                            Na pili hale keokeo a ulaula,

                                                                        Na aila, pena, o na ano a pau,

                                                                                    Na kui, pani puka, puka aniani a me na Olepelepe.

            E laweia lakou ma na wahi a pau iloko o keia aupuni.

LEWERS & DICKSON.

Iune 14, 1873.                         602-3m-613

 

HOOLAHA HOOKOLOKOLO

 

AHA HOOKOLOKOLO KIEKIE O KO HAWAII PAE AINA. Ma ka waiwai o D. Weatherbie no Honolulu, i make. Ma ke keena imua o ka Hon. H. A. Widemann.

            Ma ka heluhelu a me ka waiho ana mai o ka palapala noi a me ka papa hoike waiwai a S. B. Dole ka Luna Hooponopono, me ka palapala hooilina e pili ana o ka waiwai o D. Weatherbie, o Honolulu, i make, e noi ana e aponoia na hoolilo ana i na $400 09 mailoko mai o na $400 09 i loaa iaia, e nanaia a hoaponoia a e kauohaia e mahele i ka waiwai e paa nei iloko o kona mau lima, no ka poe i kuleana ia waiwai, a e hookuu iaia a me kona poe hope mai ka noho ana ma ia ano.

            Nolaila, ua kauohaia o ka POALIMA, ka la 12 o Sepatemaba, A. D. 1873, ma ka hora 10 A. M., imua o ka lunakanawai i haiia, ma kona keena maloko o ka Hale Hookolokolo ma Honolulu, oia kahi a me ka manawa e hoolohe ai i ua noi la me ka papa hoike waiwai, a o ka poe a pau i pili, e hele mai a e hoike ina paha he kumu io e ae ole ia ai ua noi la, a na lakou e hoike mai owai la ka mea kuleana ia waiwai. A o keia kauoha e hoolahaia ma na olelo Enelani a Hawaii, a e paiia ma na nupepa "Ke Kuokoa a me Ke Au Okoa i huiia" a me ka "Hawaiian Gazette," he mau nupepa i paiia a hoolahaia ma Honolulu, no na hebedoma ekolu mamua ae o ka manawa e hoolohe ai.

            Kakauia ma Honolulu, H. I., Aug. 6, A. D. 1873.      H. A. WIDEMANN,

Ikeia:                           Lunakanawai o ka Aha Kiekie.

            JNO. E. BARNARD, Kokua Kakauolelo Aha Kiekie.

                                                610-3ts-612.

 

MA KA waiwai o Piipii (k), o Waikapu, Maui, ko Hawaii P A i make. Ma ke Keena o ka Luna kanawai Kaapuni Apana Elua o ko Hawaii Pae Aina. Ua heluheluia, a ua waihoia ka palapala oi a Keanu (k), e hoonoho iaia i Lunahooponopono no ka waiwai o Piipii (k), no Waikapu, Maui H P A i make aku nei. Nolaila, ke kauoha ia aku nei na kanaka a pau, ke pili, o ka Poaha, oia ka la 18 o Sepatemaba, M H 1873, ma ka hora 10 o kakahiaka, ma ka Hale Hookolokolo ma Wailuku, oia ka la a me kahi i kohoia no ka hoolohe ana mai i ua nonoi la a me na mea kue ke hoikeia.              ABR. FORNANDER,           Lunakanawai Kaapuni Apana Elua H. P. A.

            Lahaina, Augate 6, 1873.

 

MA KA WAIWAI O KAAIKAULA, (k) no Wailuku, Maui, H. P. A., i make. Ma ke keena o ka Lunakanawai Kaapuni Apana Elua o ko Hawaii Pae Aina.

            Ua heluheluia a ua waiho ia ka palapala noi a Kealoha (k) a me G. W. Wilfong, e hoonoho ia laua i Luna Hooponopono no ka waiwai o Kaaikaula (k) no Wailuku, Maui, H. P. A., i make; nolaila, ke kauohaia nei na kanaka a pau, ke pili, o ka POAHA, oia ka la 18 o Sepatemaba. M. H. 1873, ma ka hora 11 o kakahiaka, ma ka Hale Hookolokolo o Wailuku, oia ka la a me kahi i kohoia no ka hoolohe ana i ua nonoi la, a me na mea kue ke hoike ia.                 ABR. FORNANDER, Lunakanawai Kaapuni, Apana Elua, H. P. A.

            Lahaina, Aug 6, 1873.

 

MA KA WAIWAI O PI (k). no Lahaina, Maui, H. P. A. i make aku nei.

            Ma ke Keena o ka Lunakanawai Kaapuni, o ka Apana Elua o ko Hawaii Pae Aina. Ua heluheluia a ua waihoia ka palapala noi a Kaou (w), e noi ana, e hoonoho iaia i Lunahooponopono o ka waiwai o Pi (k), no Lahaina, Maui, H. P. A. i make aku nei. Nolaila, ke kauoha ia'ku nei na kanaka a pau, ke pili, o ka POAKOLU, oia ka la 10 o Sepatemaba, 1873, ma ka hora 1 o ke ahiahi, ma ka Hale Hookolokolo ma Lahaina, oia ka la a me kahi i koho ia no ka hoolohe ana i ua nonoi la a me na mea kue ke hoike ia.

            ABR. FORNANDER, Lunakanawai Kaapuni Apana Elua, H. P. A.

            Lahaina, Augate 5, 1873.

 

MA KA WAIWAI O PUUOHALA (k), no Honokohau, Maui, H. P. A. i make aku nei. Ma ke Keena o ka Lunakanawai Kaapuni, o ka Apana Elua o ko Hawaii Pae Aina. Ua waihoia a ua heluheluia ka palapala noi o Kumee (w), e noi ana, e hooiaioia ka palapala kauoha hope loa o Puuohala (k), no Honokohau, Maui H. P. A. i make aku nei. Nolaila, ke kauoha ia nei na kanaka a pau, ke pili, o ka Poakolu, oia ka la 11 o Sepatemaba M. H. 1873, ma ka hora 11 o kakahiaka, ma ka Hale Hookolokolo o Lahaina, oia ka la a me kahi i koho ia no ka hoolohe ana i na nonoi la, a me na mea kue ke hoike ia.                     ABR. FORNANDER.                       Lunakanawai Kaapuni Apana Elua. H. P. A.

            Lahaina, Augate 5, 1873.                                610-3@-612

 

MA KA WAIWAI O NA HOOILINA OO ole o Kaailau (k), no Lahaina i make. Ma ke Keena o ka Lunakanawai Kaapuni Apana Elua o ko Hawaii Pae Aina. Ua heluheluia a ua waihoia ka palapala noi a Kuanea (w), & Napohohaku (k), na kahu o na hooilina oo ole o Kaailau (k) no Lahaina, Maui, H P A i make, e noi ana no na kumu kupono i weheweheia imua o keia Aha, ma ko laua palapala noi, e ae aku keia Aha i ko laua kuai aku ai i na mahele o ua mau hooilina oo ole la, ilako o ka waiwai o ua Kaailau la. Nolaila, ke kauoha ia nei na kanaka a pau, ke pili, o ka Poakolu, oia ka la 10 o Sepatemaba, M. H 1873, ma ka hora 10 o kakahiaka, ma ka Hale Hookolokolo ma Lahaina, oia ka la a me kahi i koho ia no ka hoolohe ana i ua nonoi la, a me na mea kue ke hoike ia.                      ABR. FORNANDER, Lunakanawai Kaapuni Apana Elua, H. P. A.

            Lahaina, Augate, 4, 1873.

 

MA KA WAIWAI O M. HIKIAU (k). no Hamakualoa, Maui, H. P. A. i make. Ma ke Keena o ka Lunakanawai Kaapuni, Apana Elua, o ko Hawaii Pae Aina. Ua heluheluia a ua waihoia ka palapala noi a Rev. C. B. Andrews, e noi ana, e hooiaioia ka @ nei. Nolaila, ke kauohaia aku nei na kanaka a pau, ke pili o ka POAHA, oia ka la 11 o Sepatemaba M. H 1873, ma ka hora 10 o kakahiaka, ma ka Hale Hookolokolo o Lahaina, oia ka la a me kahi i koho ia no ka hoolohe ana i ua nonoi la a me na mea kue ke hoike ia.

            ABR. FORNANDER, Lunakanawai Kaapuni Apana Elua, H. P. A.

            Lahaina, Augate, 5, 187e.                               610-3t-612

 

MA KA WAIWAI O KEAKUALELE (k) NO Lahaina, Maui H. P. A. i make. Ma ke Keena o ka Lunakanawai Kaapuni o ka Apana Elua o ko Hawaii Pae Aina. Ua heluheluia a ua waihoia ka palapala noi a John Kanui, ka Lunahooponopono o ka waiwai o Keakualele (k), no Lahaina, Maui, H P A i make, e noi ana e hoaponoia kona moo-waiwai, a e hookuu iaia mai kona oihana, a e hooholoia ka waiwai i na hooilina. Nolaila, ke kauohaia aku nei na kanaka a pau, ke pili, o ka Poakolu, oia ka la 17 o Sepatemaba 1873, ma ka hora 10 o kakahiaka, ma ka Hale Hookolokolo o Wailuku, oia ka la a me kahi i kohoia no ka hoolohe ana mai i ua nonoi la, a me na mea kue ke hoikeia.

                        ABR. FORNANDER, Lunakanawai Kaapuni Apana Elua, H. P. A.

            Lahaina, Augate 6, 1873.                    610-3t-612

 

MA KA WAIWAI O KAMOHOMOHO (k). O Lahaina, Maui, H P A i make. Ma ke Keena o ka Lunakanawai Kaapuni o ka Apana elua o ko Hawaii Pae Aina, Ua heluheluia, a ua waihoia ka palapala noi a Punalau (k), a me Pau (w), na Luna hooponopono o ka waiwai o Kamohomoho (k), no Lahainai Maui H P A i make, e noi ana e hoaponoia ko laua moo-waiwai, a e hookuuia laua mai ko laua oihana, a e hooholo ia ka waiwai i na hooilina. Nolaila, ke kauohaia aku nei na kanaka a pau, ke pili, o ka Poakolu, oia ka la 17 o Sepatemaba M H 1873, ma ka hora 1 o ke ahiahi, ma ka Hale Hookolokolo ma Wailuku, oia ka la a me kahi i kohoia no ka hoolohe ana mai i ua nonoi la, a me na mea kue ke hoikeia.                 ABR. FORNANDER, Lunakanawai Kaapuni Apana Elua, H. P. A.

            Lahaina, Augate 6, 1873.                    610-3t-612

 

MA KA Waiwai o Kapohinauakea (k), no Waihee, Maui. H P A i make. Ma ke Keena o ka Lunakanawai Kaapuni Apana Elua o ko Hawaii Pae Aina. Ua heluheluia, a ua waihoia ka palapala noi a Kauhi (k) a me Kuke (w), e noi ana, e hoonohoia i Lunahooponopono i ka waiwai o Kapohinauakea (k), no Waihee, Maui, H. P. A. i make, a e koho ia i kahu no na keiki oo ole a ua Kapohinauakea la; Nolaila, ke kauohaia nei na kanaka a pau, ke pili, o ka Poakolu, oia ka la 17 o Sepatemaba, M H 1873, ma ka hora 11 o kakahiaka, ma ka Hale Hookolokolo ma Wailuku, oia ka la a me kahi i kohoia no ka hoolohe ana mai i ua nonoi la a me na mea kue ke hoikeia.                   ABR. FORNANDER, Lunakanawai Kaapuni Apana Elua, H. P. A.

            Lahaina, Augate 6, 1873.

 

MA KA WAIWAI O Kaluau (k), o Waikapu Maui, H P A i make. Ma ke Keena o ka Lunakanawai Kaapuni Apana Elua o ko Hawaii Pae Aina. Ua heluheluia, a ua waihoia ka palapala noi a Kahololio (w), e noi ana, e hoonohoia i Lunahooponopono, a e hooholoia i na hooilina, o ka waiwai o Kaluau (k), o Waikapu Maui, HPA i make. Nolaila, ke kauohaia aku nei na kanaka a pau, ke pili, o ka Poakolu, oia ka la 17 o Sepatemaba, M H 1873, ma ka hora 2 o ke ahiahi, ma ka Hale Hookolokolo ma Wailuku, oia ka la a me kahi i kohoia no ka hoolohe ana mai i ua nonoi la a me namea kue ke hoike ia.               ABR. FORNANDER, Lunakanawai Kaapuni Apana Elua H. P. A.

            Lahaina, Augate 6, 1873.                    610-3ts-612.

 

AHA HOOKOLOKOLO KIEKIE O KO HAwaii Pae Aina. Ma ka waiwai o ka Moi i make Kamehameha V, Imua o ka Lunakanawa Kiekie E. H. Allen.

            Ma ka heluhelu a me ka waiho ana mai o ka palapala noi a Kahokua (k), e hoike mai ana, he kaikuaana ponoi oia no M. Kekuanaoa i make, a he hooilina kupono ma ke Kanawai no Kamehameha V., i make, e noi mai ana i ka Aha, e koho i la a me kahi e hooloheia ai kana Noi, a ina ma ia hooloheia ana, a kukalaia, oia ka Hooilina, alaila, o ka waiwai o Kamehameha V. i make, e maheleia iaia.

            No ia mea, ua kauoha ia o ka Poakolu, ka la 10 o Sepatemaba M. H. 1873, ma ka hora 10 kakahiaka, ma ka Hale Hookolokolo ma Honolulu, Oahu, imua o ka Mea Hanohano no Elisha H. Allen, ka Lunakanawai o ka Aha Kiekie ma ke Keena, oia ka la i hoana e ia no ka hoolohe ana ia Palapala noi, a ua kauoha hou ia, e hoolaha aku ma na nupepa "Hawaiian Gazette" a me ke "Kuokoa," he mau nupepa i paiia a hoolahaia ma Honolulu, no na hebedoma eha, e kono ana i na mea a pau i pili, e hoike mai, ina paha he kumu e ae e hooleia ai keia noi.                   ELISHA H. ALLEN, Lunakanawai Keikie.

            Kakauia Honolulu, Iulai 30, 1873.                  609 4ts 612

 

I ka Aha Hookolokolo Kaapuni Apana Elua--Ma ka Kau o Iune A. D. 1873. N. W. Tallant, kue ia Hila Tallant, hooki mare. Ma ka hihia maluna ae no ka oki mare, ke hoikeia aku nei, ua hooholoia ka pono no ke ia hihia, ma ka aoao o N W Talant, ma ka hooki ana i ka hipuu o ka materemonio, no ka moekolohe o Hila Tallant, mahope o ka pau ana o na malama eono, mai ka la aku i hooholoia ai e like me ke kumu, ke loaa ole kekahi kumu e kue ana.

            A ua kauohaia ka mea hoopii, e hoolaha aku i keia kauoha iloko o ka nupepa "Hawaiian Gazette" a me ke "Kuokoa" i huiia me "Ke Au Okoa," no na hebedoma eono: o ka hoopuka mua ana ma ka wa maloko i hookahi malama, mahope iho o ka la i hooholoia ai; a o ka poe a pau i pili, ina he kumu io ko lakou e kue ai, iloko o na malama eono lakou e hoike mai ai, i ole ai e lilo i mea oiaio.--Na ka Aha.                        H. DICKENSON JR, Kakauolelo Aha Kaapuni Apana Elua.

            Ke hooiaio aku nei au, o ke kope maluna ae, oia ke kope oiaio a pololei o ke kauoha ma ka hihia maluna ae, e waiho nei ma ka papa.

Ikeia e ko'u lima a me ke Sila o ka Aha Kaapuni Apana 2, i keia la 20 o Iune 1873.             H. DICKENSON, Kakauolelo.                 605 6ts 610

 

L. MAKALE.

HE LOIO, a he kokua no na hihia o kamaka, (koe na hihia hewa.) Aia kona keena ma ka Hale Hookolokolo.                        530-4m@