Ka Nupepa Kuokoa, Volume XV, Number 29, 15 July 1876 — Page 3
KA NUPEPA KUOKOA, ME KE AU OKOA I HUIIA.
Na hana o ka La 4 o Iulai ma Wailuku, " Malu he kuawa."
E KA LUNAHOOPONOPONO, Aloha oe :—
Eia mai na hana i malama ia no ka la lealea o na puuwai Amerika, oia ka piha ana o ka haneri makahiki o ko lakou kuokoa ana. He la maikai nani keia la, a na kahiko ia ko " ka malu he kuawa," e kona nani kuahiwi lua.
Mahele I. 1 Ka hora 12 o ka po. I ka hiki pono ana i ka hora 12, ua lohe ia'ku ka leo o na ohe e honehone ana, a o na pahu, e nuku leo ana. Ua hele pu no hoi me na keiki himeni, e himeni hele ma na kauhale. Oia nani okoa no hoi ia. Iloko no oia wa, ua haawi ae o W H. Bele he ki pu hauoli ; he 12 pu i ki ia.
2 I ka wehe ana o kaiao. I ka nalo ana'ku a ka po, a puka mai ke ao, o ka hora 5 a oi paha ia, i kani hou ai he mau pu, oia, he mau pauku heo i hoopiha ia me ka pauda, kohu Puowina no hoi ; eleu no hoi ia haole.
Mahele II 1 Na hana o ka la 1 Heihei lio. Mamua'e o ka hiki ana i ka hora 10, ua piha e na puu one, e kai lalani ana mauka o Paukukalo, o na kane, wahine a me na kamalii o na ano kanaka pu no hoi he nui ; a i ka hoomaopopo ana, he mau haneri kanaka kai mu ia'e laila. Eia na inoa o ka poe nona na lio heihei ia la : no H. Cornwell, W. H. Bele. H. Petter, Mr. Keo, S Maule, &c. Ua eo na lio e ae i ko Cornwell, a ua lilo ke kuma pili ia ia he $15.00 2 Heihei hoki. Eia iho ka poe nona na hoki : W P. Wilifaona, W. H Bele, Nuhi. &c I ka heihei ana eo i ka hoki o W P. Wilifaona ; aole wau i ike i ke kumu pili. O ka pau ana ia o na hana makai o Paukukalo, a ua hoomaha iki a i ka hora 2 P M. 3 Ka wa paina. Mamua ae o ka hora 2 P. M. ua hoolako ia na mea ai, iloko o ka hale hui Hoole Waiona, malalo o na lilo a me na hooponopono ana a W. H. Bele Esq , a ua hele nui ae na haole malaila e paina hauoli ai. Mamua o ka wa paina, ua ike aku au e ku ana o W. P. Wilifaona, a e haiolelo ana ; a i ka pau ana o kana haiolelo, ua hehihehi, paipai, akaaka, no ka hauoli. Ia pau ana oia mea nani, ua luana kui'ho la e hoonuu i na ano mea ai haole he nui. Nani kela po Iulai ! 4 Kukini heihei wawae. I ka hora 3 P. M. ua heihei, a eia kekahi mau inoa : Keliikipi, Daniela, Kaia, Kaula, Kealohapauole, a he nui aku ; ua lilo ke eo ia Keliikipi, a o Daniela aku kona ukali. I ka mea mua no ke kumu pili, $4.00 a i ka lua $1.00 Hauoli laula la ! Ua loaa na pohaku.— 5 Heihei kaa huilapalala. Eia ka poe i heihei Kahaulelio, Kiapu, Paahao, Makahui, a he nui aku. Ua eo ia Kahaulelio, a ua loaa ia Kahaulelio ka makana, oia, $2.00. 6 Pii i ka laau i hamo ia me ka aila. Aole mea i hiki. Ina nae he mea hiki iluna, e makana ia $4.00. Minamina aku au ! 7 Hopu puaa hamo ia a palahinu me ka aila. Hu ae ka aka i ka wa i hopuhopu ai kanaka i ua puaa nei, olali lua kela. I ka paa iki ana no o ka huelo ia Kapaelani, e nahu iho ana ko ia la niho i ka huelo, kipu oe, a hoolai ia nei. O ka poe no a pau i hopuhopu ai i ua puaa nei, ua haawi ia no na lakou ua puaa nei. Puaa nui no, ua iwilei a oi. Poka kela poe ! 8 Huki kaula. Penei ke ano : he 10 kanaka no Wilifaona, he 10 no Bele, ua kaha ia 2 lina, aia o ka aoao e huki ia na a pau na lina elua, o lakou kai pio. Ia hoomaka ana iho no, hele okoa na keiki o W. H. Bele, a pio ko W. P Wilifaona poe ; uku makana, he $5.00. Pokeokeo lakou la, he palahu ka mana, o lakou nei'ho he neo, a he mauu ahuawa ka mea loaa. 9 Heihei eke, me ke pani ia o na maka. Hu e ae la ka aka i ka holo i o ia nei i kana mea o ka hookui aku, a hookui mai. Uku makana helu 1, ia Kahaulelio $2.00, helu 2 ia Kiapu $1.00, a o ka nui aku he neo. 10 Mokomoko. Eia na hoa mokomoko. Ioela, H. Akealii, Kealohapauole, Manoa, Kamakaupaa, Makahui ; o na inoa hope a pau, he poe pio wale no lakou na Wili Ahiu Ioela. Uku makana, he $5.00. Pokeokeo no o ua o W. Ioela. 11 Heihei kekake. O ka poe nona ia mau kekake, oia o Puiwa, W. H Bele, Kala ; oia na rula. 1 O ka mea e puka hope aku ana i ka pahu hopu, nona ka uku makana. 2 I ka wa e heihei ai e kau aku o Kala iluna o Bele, a o ko Bele i ko Kala &c. I ka wa i heihei ai, ua lilo ke eo ia Puiwa, a ua loaa ka uku makana ia ia, he $5.00. Kani pono ka ho, ho, ana o kou kekake, o laua la iho, aole kani, he " Uhele ! Unele !! Ua hele wale !" 12 Kani hou ka pu pauku hao. Me he la i ka hiki ana'ku i ka hora 6 P. M ua hookani hou ia na pu pauku hao, a me he la, ua hiki aku i ka 22 kani ana. Mahele III. 1 Ka hoolele ahi kao. Ua hiki aku i ka hora 7 P M, ua hoolele ia na ahi kao, ma ke kuhua o ka luakini Kaahumanu. Ua holo pono no ia hana. Aohe nae he kohu i ke poaeae o ka mahina.
2 Ka hula haole. He mau haole kane a me na wahine Hawaii kai hula, a he mau kane Hawaii pu no hoi, aole wahine haole. Ihea nui la ? e ole na wahine Hawaii loaa ai ka poe hula. Eleu no ! Mikiala no oukou la hauoli ! 3 He wahi haunaele. I ka wa a ke anania hula e hula ana, ua ike ia ia wa, he wahi haunaele, oia hoi o Kale, oiai, ua hoopoluluhi ia oia e ka wai ula o ke kiaha, eia kahi moolelo. I na o Kale nei e holoholo ana, nou ae la oia, he omole wai ole iluna, iloko o ka hale hoole waiona haule iho la nahaha liilii. Ma ia hope iho paki oia i kana wati pakeke a nahaha liilii. A no ia mau hana a oi aku, ua kena koke ae la ka hope lunakanawai e hopu, a ua hopu ia. Mahope iho, ua kii ia aku e pela no na dala he $25.00, a ua hookuu ia mai. I ka wa hookolokolo, aole i hele ae, ua haalele i ka bela.
He mea hou loa keia ia Wailuku nei, aole i na la hauoli e ae i hala, e like me keia. O kahi hana i hana ia mahope o ka aina awakea, ma ke alanui aupuni, mamua o ka hale hoole waiona a me ka hale hookolokolo.
Eia kekahi ; i ka nana io aku no o na haole ia la, ua hauoli io no, oiai, ua welo na hae, ua huro, aole o kana mai. No lakou ka la hauoli, hauoli pu me na Hawaii. I ko'u hoomaopopo ana no hoi, me he la, ua hiki aku no ka nui o kanaka i ka eono a ehiku haneri. Ua lohe pono loa mai au, o na lilo a pau e pili ana i na uku makana o na hana lealea o ka la, na mea ai na ahi kao, malalo wale no ia o W. H. Bele Esq Lalawai no hoi ia keiki a E. Bele. S. P. K. NAWAA.
Wailuku, Maui, Iulai 7 1876.
HANAU.
Iulai 4 — Ma Kaumakapili, hanau he kaikamahine, na Kawaa a me Aienui.
MAKE.
Iune 22 — Ma Kalawao, make o Kekua k, no Kohala, H.
Iune 22 — Malaila no, make o Kualaau k, no Kau, H.
KUAI A KA
LUNAHOOPONOPONO WAIWAI.
— NO KA —
AINA KUMUKUAI NUI.
MAMULI o ke kauoha a S. B. Dole, Esq., ka Lunahooponopono Waiwai o John Booth i make, mamuli o ka ae ana o ka Aha Kiekie Novemaba 2, 1875, e kuai aku no au i Ka Poaono. Iulai 29, 1876
I kela pa aina nui o Keoni Bu e waiho nei ma Kaumakapili, Honolulu, nona ka nui e hiki aku i ka 294 anana kuea a me 10 kapuai kuea. He elua mau hale maloko o ka pa a me na hale e ae. E. P. ADAMS, 764 2ts 761 Luna Kudala.
NALOWALE !
Ua nalowale iho nei kuu lio wahine eleele, laekea, ua keokeo ka wawae hope, hema. O kona hao kuni he U- malalo o ka hulu a-i. E loaa auanei i ka mea nana e hoihoi mai, he makana kupono C. LARRISCH. Waialua, Oahu. 763 3t 765
$5.00 MAKANA !
LIO Nalowale — Ma ka po Poalua, Iulai 11, he Lio lokia uuku, eia na ano : Elua w keokeo, he keokeo ma ka lae, huelo pokole, ua kuniia ma ka aoao hema S E loaa no kela makana i ka mea nana e hoihoi mai ma ka Roiala Hotele. 763 1t
UA LILO aenei ia MR DONNELL ka Hale Hana Wili Hinuhinu mua o C E Williams ma Alanui Hotele, a me na pono kaa kupapau a ua makaukau oia no na hana a pau i pili i ka hana wai hinuhinu a me ka hana pahu kupapau.
763 3ms 774.
E IKE auanei na kanaka a pau, o makou ka poe Hui nana i hoolimalima i na apana kula e pili ana i ka loko ma Kaelepulu i Kailua, Oahu. Ke hoike aku nei makou ma ke akea, o ka pa aupuni e ku nei malaila o ua aina 'la a makou i hoolimalima ai. Ma pau kona ku ana he pa aupuni maluna o ua aina la, mai keia la aku e laha ai ma ke akea, oiai, ua poho makou ka mea nana i hoolimalima kela aina no kela pa aupuni e ku nei. O ka mea a mau mea nana e kukulu hou i kela pa aupuni maluna o ua aina la o makou, e hoopii no makou ma ke kanawai ma ke koi pono ana. E lawe loa ia na holoholona helehewa a pau ma ka pa aupuni ma Heeia. Aole ma ka pa aupuni ma Kailua. Na ka Hui nana i hoolimalima na apana kula ma Kaelepulu. Kailua, Oahu, Iulai 12, 1876. 763 1t*
I NA kanaka o na ano a pau, i loaa ka pono wai, mai ke poo-wai mai o Pahoa ma Nuuanu, ma ka apana o Honolulu nei, a me ka poe i loaa ka pono wai ma ke kahawai o Waolani. Oia ka poe mea aina ma Puiwa, Kapaeli, Puunui a me Alewa, Oloku. Ke kauohaia aku nei ma keia hoolaha, e hele ae ma ka hale o Joe (Pukiki) ma Alewa, ma ka la 7 o Augate, 1876, e kuka no ko lakou pono wai, a me na mea e hiki ana ke hana ia ia la, ma ka hora 9 oia la. Ke kauoha pu ia aku nei na mea a pau loa, aole kapulu i ka auwai i na mea ino, aole kukulu i na lio, bipi, miula, hoki, kao, puaa, ma kahi pili i ke kahawai, a me na auwai, pela me na lualiilii, pela ma ka poe holoi lole, ua kapu loa ka wahi malu i ka mano wai, a me na la wai, o kela a me keia. O na mea kue i keia, elima dala ka uku, e lilo keia i kanawai ma kona la e laha ai.
JOE THESSAY. Luna Wai. Honolulu, Iulai 3, 1876. 763 1t*
EIA iloko o ka Pa Aupuni o Koholaloa, Apana o Honolulu, hookahi lio e kuai kudalaia ana, ke hiki aku i ka Poakahi, Iulai la 17, hora 12 awakea. Eia ke ano : Lio k eleele laekea iki, 2 w keokeo, 1 mamua 1 mahope, keokeo iki maluna o ke ka, he ano eha hema ML l Lio hou mai, lio k hulu waiapo 1 w puki wiwi kua puka.
A H KAAUKUU Luna Pa Aupuni. Koholaloa, Iulai 14, 1876. 763 1t*
E IKE auanei na kanaka a pau o kela a me keia ano, eia ma ko'u lima kekahi Lio kane helehewa, he keokeo hulu kukaenalo i kuni ole ia. Ina o ka mea nona keia lio, e kii koke mai, me ka hoihoi pu mai i ko'u mau poho. Ina e kii ole mai a hala na la he 15, mai ka la e hoopuka ia ai ma ka nupepa, alaila, lilo loa no ia'u kela lio. D K HONUAKAU. Puueo, Hilo. 762 2t* 763
MA ka Waiwai o Paakuku (w), o Kula, Maui, i make. Ma kela, ke hoolahaia aku nei ua mea a pau, he koina ko lakou i ka waiwai o Paakuku w i make, e hoike koke mai i ka lakou mau bila aie, me na hooiaio kupono, maloko o na malama eono, o hooneleia lakou. A o ka poe i aie mai iaia, e hookaa koke mai me ka hookaulua ole. DAVID P. ELDREDGE, Luna Hooko Kauoha o ka Palapala Hooilina o ka waiwai o Paakuku w. 762 4t* 765
E IKE auanei na kanaka a pau o kela a me keia ano, a me ka poe mea waiwai, a poe mea dala hoaie, a palapala moraki, owau o ka mea nona ka inoa i kakauia malalo, ke hoike nei au ma ke akea, mai hoaie mai oukou i kuu wahine mare ia HAAHEO, me ko'u ae ole, a me ko'u kakau inoa ole ma ia mau palapala, a me ko'u hooiaio ole. O ka mea a mau mea hoi e kue ana i keia olelo, aohe ia e lilo ana he mana mai a'u aku, nolalia, e makaala a e nana, o poho auanei oukou. D W KAILIANU. Kapalama-kai, Oahu, Iulai 6, 1876, 763 4t* 765
O NA UKU WAI no ka hapa makahiki e hiki mai ana, he uku e mamua, nolaila, ka kauoha ia aku nei na mea apau i loaa na wai, aole nae i uku mai, e hookaa koke mai iloko o keia malama o Iulai. H. S. HOWLAND, Luna Wai Honolulu, Iulai 7, 1876. 763 3ts 764
AKIU (PAKE),
— MEA —
HANA I NA KAMAA
Hila Aulii Maikai !
ALOHA OUKOU E NA KANAKA HAWAII a pau, a me na wahine maka onaona o Honolulu nei, na iwa-kiani o Paliuli. Owau o ko oukou hoa'loha, ka mea nona ka inoa malalo nei, he Kumeka Kamaa, e noho ana ma ke Alanui Nuuanu, ma ka Hale nona ka helu 63, malalo o ka Hale Pai Kii Hoolele-aka. Na Kamaa Buti maikai loa i hanaia me ka Ili Farani maikai loa, no ka uku haahaa me ka oluolu. Na Kamaa wahine maikai loa o kela a me keia ano, no na Ili Farani maikai loa no ka uku oluolu. No ka hana ana o na Hila i ke Kamaa me paa loa, a maikai kupono i ka makemake, me ka uku oluolu loa. A no ke poho ana i na kamaa nahenahe me ka maikai loa no ka uku oluolu loa.
Na Ili Noho Lio o kela a me keia ano - he nui wale na ili maikai loa. Eia hoi kekahi, o na kamaa a pau a'u e hana ai, a ina ua ike ia ua kapakahi, a nohae, a kahuli, a puka paha iloko o ka makahiki hookahi, e hoihoi mai, a na'u no e hana me ka uku ole. A o na kamaa i waihoia ma kuu lima a hala na makahiki ekolu, a kuai kudala aku no au no ka loihi loa. Nolaila, e hele nui mai oukou a pau ma kuu Hale Hana Kamaa, e ike maka i na hana a pau, i pau ke kuhihewa, a e hana no au e like me ko oukou makemake, ka aulii hulali o na kui-hao malalo o na hila, e uheuhene ana i ka papa o Maukele, e aloha ana i kona hoa, ka uwea ke kamaa ke hanaia. 762 6t* 763
Ma ka la 29 o Iune 1876, ua hoonohoia maua e ka Mea Hanohano C C Harris, Lunakanawai Kiekie, i mau Lunahooponopono no ka waiwai o MARIE KALAMA (w) i make. Nolaila, o ka poe i pili ma ka waiwai, a aie i ka aie mai hoi iaia, e hele mai e hoike i na hoakaka kupono, i hiki ke hoolahaia iloko o na malama eono, a e hookaa mai hoi na aie ia maua ; a hala ia wa, e hoole mau loa ia aku no. E loaa no maua i Honolulu, a i ole i Waianae, Oahu.
M K MAIKAI a me KALEIEPU,
Na Lunahooponopono Waiwai. Honolulu,
Iune 30, 1876. 761 4t* 764
KE noiia aku nei i na me a pau i pili, e hoike mai, ina he mau bila aie a mau koi ana paha ka lakou iloko o ka waiwai o AUWANA k, o Kamooloa, Kauai i make ; iloko o na malama eono ; a ina hoi he poe aie mai a mau waiwai paha ko ka mea make ma ko lakou lima, e hoihoi koke mai. A K MIKA,
Lunahooponopono Waiwai o Auwana.
Koloa, KAUAI, IUNE 5, 1876. 760 4t* 763
CECIL BROWN,
Loio a he Kokua ma ke Kanawai
A HE AGENA NO KA HOOIAIO ANA I NA Palapala no ka mokupuni o Oahu. Helu 8 Alanui Kaahumanu, Honolulu. H. P. A
John W Kalua,
Loio ! Loio !
E loaa no ma Lahaina, Maui 760 6m* 786
OIAI ua hoonohoia mai au e C F Hart, ka Lunakanawai Kaapuni, Apana Ekolu i Lunahooponopono waiwai no Aki pake i make, o Kohala Akau, Hawaii. Nolaila ke kauohaia aku nei ka poe a ua Aki la i aie ai e pono lakou e hookomo mai i na bila kupono me ka oiaio, iloko o ka wa kupono, a o ka poe a pau i aie mai i ua Aki la, e pono no e hookaa koke mai o hoopii ia auanei.
ATUN, Lunahooponopono waiwai o Aki.
Kohala, Hawaii, Iune 12, 1876. 760 4t* 763
HOOLAHA HOOKOLOKOLO.
AHA Hookolokolo Kiekie o ko Hawaii PAE Aina. Ma ka Hooponopono Waiwai. Na ka waiwai o JOHN BRAY o Kaliua, Oahu i make kauoha ole. I mua o ka Lunakanawai Chas. C. Harris. Olelo kauoha, e hoolaha aku no ke noi ana mai, e koho i Lunahooponopono Waiwai.
Ma ka heluhelu a me ka waiho ana mai o ka palapala noi a Kalapuna o Kaliua, Oahu, e hoike mai ana, o John Bray, Kaliua, Oahu, ua make kauoha ole, ma ke kulanakauhale o Honolulu, ma ka M. H. 1871, a e noi ana, e haawi ia ka palapala hookohu Lunahooponopono Waiwai ia Kalapuna. Ua kauohaia, o ka Poakahi, la 31 o Iulai M H 1876 oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o kela Aha, ma Honolulu, a ma ia manawa a ma ia wahi no, e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa, nupepa ma Honolulu.
Kakauia ma Honolulu ko Hawaii P Aina, Iulai 14, 1876.
CHAS. C. HARRIS.
Ikea : Lunakanawai o ka Aha Kiekie. Jno. E Barnard, Kokua Kakauolelo. 765 3t 765
AHA Hookolokolo Kiekie o ko Hawaii PAE Aina. Ma ka Hooponopono Waiwai. Na ka waiwai o KUMUOKALANI (w) o Ewa, Oahu i make kauoha ole, i mua o ka Lunakanawai Chas. C. Harris. Olelo kauoha, e hoolaha aku no ke noi ana mai, e koho i Lunahooponopono Waiwai.
Ma ka heluhelu a me ka waiho ana mai o ka palapala noi a Kiaaina k, e hoike mai ana, o Kumuokalani w, o Ewa, Oahu, ua make kauoha ole, ma Ewa, Oahu, ma ka la— 1875, a e noi ana, e haawiia ka palapala hookohu Lunahooponopono Waiwai iaia.
Ua kauohaia, o ka Poakahi, la 31 o Iulai M H 1876, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o kela Aha ma Honolulu, a ma ia manawa a ma ia wahi no, e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa, nupepa ma Honolulu.
Kakauia ma Honolulu ko Hawaii P Aina, Iulai 14, 1876.
CHAS. C. HARRIS.
Ikea : Lunakanawai o ka Aha Kiekie. Jno. E Barnard, Kokua Kakauolelo. 763 3t 763
AHA Hookolokolo Kiekie o ko Hawaii pae Aina, Ma ka hooponopono waiwai. Ma ka hana o ka waiwai o WILLIAM HOAPILI KAAUWAI, o Honolulu i make. Ma ke Keena, imua o ka lunakanawai Charles C. Harris. Kauoha e hoolaha i ke noi, e apono i na palapala hoike, hookuu ana, a e mahele i ka waiwai.
Ma ka heluhelu ame ka waiho ana mai o ka palapala noi a me ka papa hoike o John Koii Unauna, Lunahooponopono Waiwai o ka waiwai o W H Kaauwai, no Honolulu i make, e noi ana, e aponoia na hoolilo he $2259.59, a e hoike ana, o na mea i loaa mai iaia, he $2653.20, a e noi ana e nana a aponoia kela mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana ia ia a me kona mau hope mai ko lakou noho ana ma ia ano.
Ua kauohaia o ka Poakahi, ka la 14 o Augate. M. H. 1876, ma ka hora 10 o kakahiaka, imua o ua Lunakanawai la ma ke keena, ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua noi la a me na papa hoike i oleloia, a o ka poe a pau i pili malaila, e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Enelani a me Hawaii ; e paiia maloko o ka nupepa Kuokoa & Hawaiian Gazette, he mau nupepa i paiia a hoolahaia ma Honolulu i ekolu pule mamua ae o ka manawa i oleloia no ka hoolohe ana.
Kakauia ma Honolulu, ko Hawaii P A Iulai 11, 1876. CHAS. C. HARRIS.
Ikeia e : Lunakanawai o ka Aha Kiekie. Jno. E Barnard, Hope Kakauolelo. 763 3t 765
AHA Hookolokolo Kiekie o ko Hawaii Pae Aina. Ma ka Hooponopono Waiwai. Ma ka waiwai o J HAPUKU, o Lihue, Kauai, i make kauoha ole, imua o ka Lunakanawai A Francis Judd. Olelo kauoha, e hoolaha aku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka palapala noi a Hanalaau w, o Honolulu, e hoike mai ana, o J Hapuku, no Lihue, Kauai, ua make kauoha ole ma Lihue, Kauai, ma ka la 6 o Aperila M H 1876 a e noi ana, e haawiia ka Palapala Hookohu Lunahooponopono Waiwai ia J Kahina.
Ua kauoha ia, o ka Poalua, ka la 15 o Augate M. H. 1876, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o kela Aha, ma Honolulu, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa nupepa ma Honolulu.
Kakauia ma Honolulu, ko Hawaii P A Iulai 11, 1876. A FRANCIS JUDD,
Ikea ; Lunakanawai o ka Aha Kiekie. Jno. E Barnard, Hope Kakauolelo. 763 3t 765
AHA Hookolokolo Kiekie o ko Hawaii Pae Aina. Ma ka Hooponopono Waiwai. Ma ka waiwai o SYLVESTER ZABLAN yCASTRO o Honolulu i make, kauoha ole, imua o ka Lunakanawai A Francis Judd.
Olelo kauoha, e hoolaha aku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka Palapala Noi a Anna Sylvester Zablan yCastro o Honolulu e hoike mai ana o Sylvester Zablan yCastro no Honolulu ua make kauoha ole ma Honolulu ma ka la 5 o Iulai, M H 1876 a e Noi ana, e haawiia ka Palapala Hookohu Luna Hooponopono Waiwai ia —Ua kauoha ia, o ka Poalima, ka la 4 o Augate M. H. 1876, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o kela Aha, ma Honolulu, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Enelani a me Hawaii, i ekolu pule ma ka "Kuokoa" a me " Hawaiian Gazette" nupepa ma Honolulu.
Kakauia ma Honolulu, ko Hawaii P A Iulai 12, 1876. A FRANCIS JUDD,
Ikea ; Lunakanawai o ka Aha Kiekie. Jno. E Barnard, Hope Kakauolelo. 763 3t 765
AHA Hookolokolo Kiekie o ko Hawaii Pae AiNA. Ma ka hooponopono waiwai, ma ka hana o ka waiwai o KAELE (k), o Honolulu i make. Ma ke keena, imua o ka Hon. Chas. C. Harris. Kauoha e hoolaha i ke noi, e apono i na papa hoike, hookuu ana a e mahele i ka waiwai.
Ma ka heluhelu a me ka waiho ana mai o ka palapala noi a me ka papa hoike o Haremano Poka, o ka waiwai o Kaele k, no Honolulu i make, e noi ana e aponoia na hoolili he $26.00, a e hoike ana, o na mea i loaa mai iaia, he $172.00, a e noi ana, e nana a apono ia keia mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia e me kona mau hope mai ko lakou noho ana ma ia ano.
Ua kauohaia, o ka Poaha, ka la 29 o Iulai M H 1876, ma ka hora umi o kakahiaka, imua o ua Lunakanawai la, ma ke Keena, ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua noi la a me na papa hoike i oleloia, a o ka poe a pau i pili malaila, e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e paiia maloko o ke Kuokoa, he mau nupepa i paiia a hoolahaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Honolulu ko Hawaii P A la 26 o Mei 1876.
CHAS. C. HARRIS,
Ikeia : Lunakanawai o ka Aha Kiekie.
Walter R Seal, Kakauolelo, 761 3ts 763
AHA Hookolokolo. Kaapuni o ko Hawaii Pae Aina, Apana Ekolu, Ma ka hooponopono Waiwai, Ma ka waiwai o KELIILEOLEA (k), no Kohala A., Hawaii i make kauoha ole, imua o ka Lunakanawai Chas. F Hart.
Ma ka heluhelu a me ka waiho ana mai o ka palapala noi a D S Kahookano, o Makapala, Kohala Akau Hawaii, e hoike mai ana, o Keliileolea, no Makapala, Kohala Akau, ua make kauoha ole ma ka M. H. 1872 a e noi ana, e haawiia ka palapala Hookohu Lunahooponopono Waiwai ia Keawekolohe k.
Ua kauohaia, o ka Poaono, oia ka la 5 o Aug. M H 1876, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Kapaau, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa, nupepa ma Honolulu.
Kakauia ma Kohala A. H., ko Hawaii P A Iune 23, 1876. CHARLES F. HART.
762 3t 764 Lunakanawai Kaapuni Apana Ekolu.
AHUPUAA O HONOKOHAU
E kuaiia'na !
KUAI a KE KAHU MALAMA WAIWAI He Aina Waiwai Nui ! He Hoopukapuka Maikai ! MAMULI o ke kauoha a Mrs. SS Robertson, ke Kahu Malama Waiwai o Florence Robertson, Grace Robertson a me Alexander G M Robertson, he mau keiki oo ole, e kuai aku no au mamua iho o Aliiolani Hale, kulauakauhale o Honolulu, ma ka Poaono, la 12 o Augate, A D 1876.
I ka hora 12 awakea, i ke Ahupuaa o Honokohau, mamuli o ka laikini i ae ia mai e Hon Charles C Harris, Lunakanawai kokua o ka Aha Kiekie, i noho ma ke keena.
I kela Ahupuaa, oia kekahi o na waiwai o Hon G M Robertson i make, a aia ke waiho la ma Kona, Hawaii, e moe ana mai ke kai a i ke kuahiwi, a aia maloko o laila, he mau loko ia, na pono lawaia, a he aina wahie ; ke waiho nei Ma kahi maikai loa o Kona Akau, e kokoke ana ia Kailua, a oia kekahi o na aina maikai loa no ke kanu kope, alani a me na hua ai e ae, a kupono no hoi no kekahi mau mea kanu e ae. Aole i anaia ka aina, aka ke oleloia nei, ala iloko o ia aina he 3000 eka a oi aku.
E hoomaka ana ke kuai mai ka $2000 aku, a he oluolu loa ka hookaa ana. I $600 o na dala e hookaaia i ka wa e hanaia ai ka palapala kuai, a o ke koena, e ukuia ma na nota hookaa eha iloko o 1, 2, 3 a me 4 makahiki pakahi me ka uku panee kupono e ukuia i kela a me keia makahiki, a o ka aina no ka moraki. Aka, ua hiki no i ka mea kuai ke hookaa nui ina o kona makemake ia, a i ole ia, e uku pau loa paha. ka wa i haawiia ai ka palapala hoolilo.
Oiai he kuai keia a ke kahu malama waiwai, a e hoopukaia ana na dala loaa mai, malalo o ka mana o ka aha aohe mea e kanalua ai he mea makemake loa ia kela e ka mea e lilo ai ma na nota, 3, 2 a me 1 e hoopaa no i na aina la ma ka moraki no ka manawa loihi aku ina e hookaa pololeiia ka uku panee.
Ke hoeueu aku nei keia he wa maikai no na kanaka ha mai o ke dala e loaa ai no lakou na aina maikai.
CHAS. M. COOKE.
76i 3ts 765 Luna Kudala.
OLELO HOOLAHA.
EMI LOA * NA KII !
MA KA HALE PAI KII O AHI, MA KA Helu 63 Alanui Nuuanu, Honolulu. O ka uku o ke kakini Kii Pepa mamua, he $2.50, a i keia manawa, emi loa, he $2.00. O ka uku o ke kii aniani, he $2.50 mamua, ua hoemi loa ia a i ke $1.50 wale no ! Emi maoli ! Makepono loa ! Aole like pu mamua ! E hele wikiwiki mai e pai i na kii.
HALE KAMANA !
AIA no maloko o keia Hale maluna ae, e hanaia ai na Pahukupapau, na Moe, Noho, Pakaukau, Mamalu, a ia mea aku ia mea aku. O ka Pahu kupapau paina mamua, he $3.00, a i keia manawa, he $2.00 wale no. O na kumukuai o na mea e ae i koe, e kuai makepono loa ia aku ana.
$5.00 MAKANA !
E UKUIA i ke kanaka nana e hoihoi mai i kuu lio wahine hulupala, i hele auwana a laweia paha mai Kapalama aku, i ka Poakahi i hala. Hao kuni DV He eleele kona hulu huelo. A S HARTWELL.
Iune 28. 1876. 761 3t 763
E KIPA MAI E KE ALOHA.
I NA MAKAMAKA A PAU O KA UA Kukalahale, ke waiho aku nei au iluna o oukou, he olelo poloai, e pili ana i na Lole Nu Hou e waiho nei ma ko'u Hale KUAI, ma ka aoao ma Ewa o ka Hale Borabora, ma ke Alanui Nuuanu. A penei na ano :
Na Kalakoa hou loa o kela a me keia ano. Alapia o kela a me keia ano. Kihei huluhulu papamu alokahi o na wai hooluu like ole he lehulehu. Kihei huluhulu pukapuka, me ka huhui mahope o na ano he nui wale. Kihei huluhulu nanahe a me na kihei huluhulu he huihui ke kae a puni, e hoohiolo na wainaoa i ke kehau. Papale wahine pinana o ka aoao, a luhe hoi kekahi ilalo o kela a me keia ano. Na hulu a me na pae papale he nui wale. Leta 4 Silika loloa o na Lede o na ano like ole. Mamalu Silika liilii a me ke nui. Kamaa wahine nihoniho o ka aoao. Iliwai huluhulu manoanoa o na ano he nui wale. Holoku Lilina keokeo, kakau a papamu he nui wale. Na Lole Kane. Kuka Kainahai manoanoa a lahilahi. Na Koheo huluhulu paina manoanoa a lahilahi, a me na koheo Lilina. Lole wawae huluhulu paikini hou a me na ano e ae he lehulehu. Na apa huluhulu paina a kakimea hoi. Na palule o kela a me keia ano. Na Papale o na ano a pau. Na Kamaa buki a me haahaa o na ano he nui wale. Na Pahulole koa a ili hoi. NA paiki ili. Na mea kamano, e lawa ai ka makemake o na kamana. Aole o keia mau mea wale no na mea hou, aka, e hiki hou mai ana no. A o ke kumukuai o keia mau mea i haiia ae la maluna, he haahaa loa no. A i mea e ike io ai, e hele mai no. Me ka mahalo. GOO KIMA.
Honolulu, Mar 15, 1876 746 6m 772
Mai keia la aku, aole au e hookaa ana i kekahi aie ma ko'u luna, ke ole e loaa ke kauoha mai a'u aku.
Hilo, Iune 1 1876. (757 4m*) C. K. HAPAI.
E. STREHZ, (AILUENE,)
HAAWI A KUAI
LAAU LAPAAU.
AIA MA MONIKAHAAE, KIHI O NA HUINA o na Alanui Papu a me Hotele. Aia malaila na Wa Ala a me na Wai Rukini maikai loa e loaa ai.
E hamama mau ana i na ahiahi Poaono a pau.
741 1y 792
HALE KUAI * HOU.
KAWAIHAE, KOHALA HEMA.
Allen & Stackpole. (Kale).
UA lilo mai ka Hale Kuai ma Kawaihaekai, a ua hoopihaia me na lole hou loa i makemake kupono no ka makemake o na kanaka — E kuai hoemi aku ana laua, malalo iho o na Hale Kuai e ae ma ia apana.
E loaa mau ana na lole ma na ku ana a pau o " Kilauea."
Iune 22, 1876. 760 3ms
MA ka la 13 o Iune, 1876, ua hoonohoia mai au e ka Mea Hanohano C C Harris, Lunakanawai o ka Aha Kiekie, i Kahu no na keiki opio a me ka Hooko Kauoha Lunahooponopono no na waiwai a pau o SAMUEL KEAANA k, o Pokai, Waianae i make. Nolaila, ke hoolahaia aku nei, o ka poe i pili a kuleana ma ka waiwai hui, a e hai mai imua o'u ; a o ka poe i aie iaia, a oia ia hai, e hookaa mai iloko o na malama eono mai keia la aku, a e hoike mai hoi i na bila i hooiaioia e ia. E loaa no au ma Waianae, Oahu.
S W KAAIHOLEI.
Lunahooponopono Waiwai.
Waianae, Iune 29, 1876. 761 4t* 764
E IKE auanei oukou e na kanaka a pau o kela a me keia ano i like ole na waihooluu, owau o ka mea nona ka inoa malalo nei, ke hookapu loa aku nei au i na holoholona Bipi, Lio, Hoki, Miula, aole e hele wale maluna o ke kula o kuu mea aina, oia o Hahaione, Kaelekei, a me ka apana kula o Keokea, ke kulana hale o Koko ma Maunalua, mokupuni o Oahu. Ina e loaa ia'u mau paniolo kekahi o kela mau holoholona, e uku no i $2.00 no ke poo hookahi. A ke papa loa ia aku nei no hoi na kanaka o kela a me keia ano, a me na kanaka malalo o Mr Paiko, mai hele e lawaia i ka po. Ua kapu loa na aina o ke konohiki, oia hoi o Awawamaiu, Hanauma, a me Kalua, aole e kii a lawe wale i na i-a ame na laau pae, ua ae ia no nae i na kanaka a me na hoaaina malalo o'u. Ina e loaa ia'u a i o'u mau hope paha e kue ana i keia hoolaha, e hopu ia no a hoopaa. " He kuli ka make, a he lohe ke ola."
W C MAHUKA.
Maunalua, Oahu, Iulai 1, 1876. 761 4t* 764
O KA POE A pau he mau Bipi a Lio, a pela aku, ko lakou e holo ana maluna o Wailuku a ma Waikapu, ke konoia aku nei lakou, e lawe koke aku, a ina aole e lawe e ia mamua o ka la 1 o Iune, 1876, alaila, mahope o ia la, o na holoholona e loaa aku ana, e holo wale ana, e hoopaaia maloko o ka pa aupuni e like me ke kanawai. O ka poe e makemake ana e hooholo i ko lakou mau holoholona maluna o ua mau aina la, ua hiki no ke alualu ia.
HENRY CORNWELL, & Co.
o Waikapu, Maui.
N. B. Aole e aeia ka ho-a a me ke kuai holoholona maluna o ia mau aina, me ka ae ole o Cornwell & Co., a i ole ia ko lakou mau Agena paha.
Wailuku, Mei, 22 1876. 756 3m 760
HE PAPA KUHIKUHI MANAWA HOLO
O KA
Mokuahi Hawaii
KILAUEA !
KAPENA MARCHANT !
Poakahi, Iulai 17........................................................No Kona
Poakahi, Iulai 24.........................................Kaapuni ia Hawaii
Poakahi, Iulai 31.........................................Kaapuni ia Kauai
(E ku mua ana ma Nawiliwili, i ka holo ana aku, a e haalele ana ia wahi i ka Poaha, Augate 3.)
Poakahi, Aug 7...........................................Kaapuni ia Hawaii
Poaha, Augat 17.........................................Maui me Kawaihae
(E ku ana ma Honolulu ma ke kakahiaka Sabati).
Poakahi, Aug 21..........................................Kaapuni ia Hawaii
Poakahi, Aug 28........................................................No Hilo
Poakahi, Sept 4.........................................................No Kona
Poakahi, Sept 11...........................................Kaapuni ia Hawaii
Poakahi, Sept 18...........................................Kaapuni ia Kauai
(E ku mua ana ma Nawiliwili, a e ku ana ma Honolulu i ke kakahiaka Poalima).
Poakahi, Sept 25...........................................Kaapuni ia Hawaii
Ma na huakai a pau a Kilauea e hoi mai ai mai Hawaii mai, aole e haalele ana ia Kaalualu a hiki i ka hora 9 a.m., a mahope iho paha ; Kawai a hiki i ka hora 10 a mahope iho paha ; Makena e like me ka mea i hoolaha wahaia ; Maalaea a hiki i ka hora 7 a.m., a mahope iho paha.
Uku Eemoku mai Honolulu aku,
A hiki i Kaunakakai, a pela maluna mai...........$ 5.00
" Lahaina, " " .................................................. 6.00
" Maalaea, " " ................................................. 7.00
" Makena, " " .................................................. 8.00
" Mahukona, " " ............................................ 10.00
" Kawaihae, " " ............................................. 10.00
" Kailua, " " ................................................... 10.00
" Kaawaloa, " " ............................................. 10.00
" Hilo, " " ...................................................... 12.50
" Kau, " " ...................................................... 15.50
Uku kaapuni ia Hawaii, .................................. 22.00
A hiki i na awa o Kauai .................................... 8.00
Uku kaapuni ia Kauai ..................................... 12.00
Uku ohua Hawaii oneki .................................... 2.00
Aole aie no na uku ohua.
Ma ka Hale Oihana e loaa'i na palapala.
Aole keena o hope e lilo, aia wale no a kaa mua mai ka uku moku. Aole e ili ka hewa no ka paiki, ukana a puolo paha, ke ole e kakauia ka loaa ana mai.
E hookaaia ka uku ukana i ka wa e noiia aku ai.
SAMUEL G. WILDER, (Waila),
Agena.
Keena ma ka Hale Kuai Papa o Waila ma, kihi o Alanui
Papu a me Moiwahine. 761 3m
OLELO HOOLAHA.
J. PORTER GREEN,
" KEIKI O KAUAUKIUKIU."
LOIO !
E HELE MAI NA MAKAMAKA A PAU IO'U nei, a na'u no e kokua ia oukou imua o ka Aha Hoomalu a me ka Aha Kiekie, me ka uku haahaa makepono loa. Aia kuu Keena ma kahi o ka Lunakanawai Hoomalu o Honolulu nei, oia ka " Aiko," ma Alanui Kalepa. 741 ly 792
C. H. DICKEY (Kalekika).
LOIO !
MA HAIKU, MAUI.
UA MAKAUKAU E HANA PALAPALA Kuai, Palapala Moraki a me na mea a pau e pili ana ma ka Oihana Loio. 743 1y 794
KE HOIKEIA aku nei i na kanaka a pau, aole lakou e komohewa ma ka Aina o ke Kula, ma Wahiawa, Waialua, Oahu, ma ke kua ana i na laau, a pepehi hoi i na Bipi hihiu, a alualu i na holoholona ma ua aina la ; aole hoi lakou e hookuu wale i na bipi a me na holoholona e ae maluna o ua aina la. W C JONES, Honolulu, Novem. 29, 1875 731 tf
Richard P. Bickerton.
[PEKEKONA],
LOIO !
E KU LOIO no oia imua o na Aha Hookolokolo a pau ma keia mokupuni a ma na moku e ae, ma na hihia a pau. Ua makaukau oia i ka hana ana i na ano palapala a pau. E hoaie ia no na dala mai a iaia aku ma na moraki maikai a oiaio wale no me ka ukupanee.
Keena Oihana ma Alanui Kalepa, Helu 23, ma ka hale maluna ae o Kauka Minuteole. 735 1y
NA MEA NANI E HIEHIE AI
NAUWE MAI * NAUWE MAI
MAHEA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu ai e kau ai ka iwa, he la makani e hao ai na polena o Haupu, kapakahi manuia o Keokoi ka moku, ma kahi o L. ASEU, Aia pu no malaila na HAINAKA SILIKA liilii LEI AI kae weluwelu, a me na LIPINE SILIKA puapua weluwelu, e kuwelu ai i ka makani. NA KALAKOA ANO HOU LOA i like oleia mamua, Na KAEI SILIKA Nani, NA MAKALENA KALAKOA me ka PUAKEA, na ALAPIA HULUHULU o na ano a pau, na KIHEI UHI hou e kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ume naau o kela ano keia ano, na kamaa wahine o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono loa no hoi ke kuai i na mea i hoikeia ae nei maluna ke kuike. I mea e pau ai ke kuhihewa, e naue mai no e na makamaka ma kuu Hale kuai HIKIKIIKALOENA. L. ASEU.
Kihi ma Ewa o Alanui Nuuanu mauka o Alanui Moi.
Honolulu, Aug. 27, 1875, 717 lyr 768
E naue mai ! E naue mai !!
KE POLOAI IA AKU NEI OUKOU E NA keiki lalawai o na pali hauliuli, a me na kaikamahine puukani nohenohea o na pali Koolau, e naue mai ma ko makou mau Hale Kuai ma KAALAEA a me KANEOHE, malaila e loaa'i oukou na nuhou o na ano a pau. Na Lole Kane, Wahine a me na kamalii, Na Kamaa Na Hou. Na ano Papale a me na mea liilii o kela ano keia ano he nui wale. E loaa no ia oukou ke kumukuai makepono loa. E naue mai ! E naue mai !! E hoao i pau ko oukou kuhihewa. AKANA & KONGER & Co.
Koolaupoko. Maraki 23, 1876. 747 6m* 771
NA MEA ANO HOU !
Ua loaa mai nei, Eia ma ka Hale Kuai o Wini ! NA EA, NA OMAU A-I NA KULA PEPEIAO NA OMAU HAO BUKALO, NA MEA ANO HOU A EMI, Na Buke Pakeke Ili a me na Eke Dala ! Na Lei Pilali, Na Lei Eleele, a me na mea e ae he nui wale.
E HAAWI MAKANA IA ana i kela a me keia mea i kuai a hiki i ka ELUA DALA.
E hele mai, e nana i keia mau mea maikai, a e loaa no e like me ka makemake, Emi loa aole e like me mamua !
Eia ma ka Hale Kuai o 756 2m WINI.
Papa ! Papa !
— NO —
ALLEN A ME ROBINSON.
Ua wehe ae nei maua i PA KUAI PAPA ! MA KA UWAPO O PAKAKA. Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale. Na Pepa Molina. Na Pena a me na Aila Pena ! NA KUI O NA ANO A PAU ! Na Pani Puka a me Na Pani Puka Aniani. Na Pani Puka a me Na Olepelepe. Na lako kukulu Hale. O NA ANO A PAU E kuaiia ma ke Kumukuai Haahaa Loa ! o keia Makeke.
ALLEN & ROBINSON.
Honolulu, Aper 13, 1876. 750 ly
OLELO HOOLAHA.
ANOAI I KA LEHULEHU, E kipa mai a e nana i kumaka ka ike i na waiwai nani i loaa mai nei iloko o na La Kulaia iho nei. Penei ke ano o ua mau waiwai la :
Na wati a me na kaula gula, a na Ledee a me na Keonimana ! NA KAULA OPELE A NA LEDE NA KOMO GULA NANI O KELA A ME KEIA ano o na Lede a me na Keonimana ! NA KUPEE GULA, NA LIPINE GULA, Na gula pepeiao o na wahine ! e oaka ai i na pepeiao, a e hulali ai hoi na manamana lima, a e kilipohe ai hoi na ai. Na komo humuhumu gula a me ke kala, Na pihi pulima gula wahine a kane, Na laketa gula lei wahine nani, Na komo daimana o na Lede. Na kaula laketa, Na pine omau kihei, Na laketa aniani, Na huka gula wahine. NA LAKO HALE. NA PUNA, NA PAHI, NA KIAHA, KALA, NA APO KALA, NA KAWELE holoi lima, NA O DALA o kela a me keia ano, a me na mea nani e ae no he nui wale.
E kuaiia aku ana no ma ke kumukuai haahaa loa i ko na wahi e ae o ke taona nei.
UA MAKAUKAU NO HOI NA mea nani no kanaka makua a me na kamalii. Na Kamaa Paa Loa, e loaa no maanei e like me ka makemake ; a ina e loaa koke ka ino, he hiki no ke hoihoi mai. M. McINERNY. Kihi o Alanui Papu a me Kalepa. 737 3m 762
Lole Makepono ke Kuike !
E LOAA NO IA MA KAHI O KAKELA ME KUKE, E LAA NA AHINAHINA, KALAKOA, KEOKEO, LEPONALO, Pena, Aila, Aniani, Na Mea Piula, Kopa, Aila Honua. Aila Hoomaloo, Kui Kakia, Pakeke, Tabu, Kaula, Noho lio, Hulu-palaki, na Pulumi.
A he Agena no hoi no na Mokupuni o Hawaii nei no na LAINAKINI-NAO, LAINAKINI-MAOLI, PALULE KALAKOA, ALAPIA, KELEPA, KILISA, Na Lole kupono i ka wawae, Palule Huluhulu, Na Lole Huluhulu, Na Lole no ka hoohehelo ana Lipine, lihilihi, a me ia mea'ku A HE MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c A HE LAAU LAPAAU KAULANA LOA A Dr. JAYNES. Laau Kunu, Laau Hoomaemae Koko, Laau hoopau naio, Penikila, Huaale, A me na Laau Hamo, a pela'ku.
759 ly 811