Ka Nupepa Kuokoa, Volume XV, Number 40, 30 September 1876 — Page 4
KA NUPEPA KUOKOA, ME KE AU OKOA I HUIIA.
SINGING ALL THE WAY.
Brightest & Best. p 85.
1
Naue au a mele pu, Kena pela kuu Iesu ; Naue, naue mama e, Me he manu lele nei. Cho.— Naue mele, naue mele, naue mele,
Mele no a mau —
Naue mele, naue mele, naue mele,
Mele no a mau.
2
Naue au a mele pu,
Mau ke aloha o Iesu,
Noho au a ao maikai,
Ma ko ia la mau wawae. Cho.— Naue mele, &c. 3
Naue au a mele pu,
Waiho ae i na luuluu,
Ma o Iesu e maha'i
Maha, mele, pomaikai. Cho.— Naue mele, &c. 4
Naue i ke kula nei,
Naue mele oli e ;
Loaa no ka naauao,
Me na pono e a pau. Cho.— Naue mele, &c.
5
Naue a hoolohe ae,
I ko Iesu kanawai,
Aloha a lokahi no
Me na hoa kula o'u. Cho.— Naue mele, &c. 6
Mele au a naue pu
I kuu home me Iesu,
Kahi o na halelu,
Kahi o ke mole mau. Cho.— Naue mele, &c.
Hawaii
HAAWINA KULA SABATI
HELU 3 — SABATI, OCT. 15, 1876.
KUMU HANA.— Ko Setepano haliukuia'na a make.
PAUKU BAIBALA. Oih. 7 : 51 — 60.
51 E ka poe a-i oolea, ka poe i okipoepoe ole ia ma ka naau, a ma ka pepeiao, ua mau loa ko oukou pale ana i ka Uhane Hemolele ; e like me ko oukou kupuna, pela no hoi oukou nei.
52 Owai kekahi mea o ka poe kaula i hoomaau oleia e ko oukou poe kupupuna ? Ua pepehi hoi lakou i ka poe nana i hai mua mai i ka hiki ana mai o ka Mea Hemolele, ka mea a oukou i kumakaia iho nei a pepehi iho la.
53 Ua loaa no hoi ia oukou ke kanawai, na ka poe anela i hoolaha mai, aole nae oukou i malama.
54 A lohe lakou i keia mau mea, walania iho la ko lakou naau, nau iho la ko lakou mau kui iaia.
55 Aka, ua piha ho ia i ka Uhane Hemolele, a haka pono aku la ia i ka lani, a ike aku la i ka nani o ke Akua, a me Iesu e ku ana ma ka lima akau o ke Akua.
56 I mai la ia, Aia hoi, ke ike aku nei au i na lani e hamama ana, a me ke Keiki a ke kanaka, e ku ana ma ka lima akau o ke Akua.
57 Uwa aku la lakou me ka leo nui, papani iho la i ko lakou mau pepeiao, a lele lokahi mai la maluna ona ;
58 Kiola aku la iaia mawaho o ke kulanakauhale, a hailuku aku la ; a waiho iho la na mea hoike i ko lakou nahu ma ka wawae o kekahi kanaka ui, i kapaia o Saulo.
59 Hailuku aku la lakou ia Setepano, kahea ana me ka olelo aku, E ka Haku, e Iesu, e hookipa aku oe i kuu uhane.
60 Kukuli iho la ia a hea aku la me ka leo nui. E ka Haku, mai kau oe i keia hewa maluna o lakou. A pau kana olelo ana pela, hiamoe iho la ia.
Pauku hoopaa p. 51, 59. Mele, Him. 868, 11 — 5. Leo Sweet Home. 1
Mawaena o koonei mau mea luuluu,
Na mea hoeha a naulu pu,
Iini no au no kuu home ma o,
Kuu home maluna a mau me Iesu, Mau, mau me Iesu ;
Ma kuu home nani a mau me Iesu.
3
Iini no au la e kaawale ae Na hewa o loko i launa pu mai Kuu Iesu me au ma kuu home ma o, Kuu home maluna a mau me Iesu.
Mau, mau me Iesu, Ma kuu home nani a mau me Iesu, Pule no ka.poe pilikia, a hoinoia, a hoomaauia, a pepehiia no Iesu, &c.
Na ninau a na Kumu.
P 51. Ma ka nana'ku, ua keakeaia a hoopokoleia ka moolelo a Setepano, no ka nui o ka hawanawana ana a me ka walaau o kanaka. No kela huaolelo no ka luakini ; p. 49, 50, hu mai la ka huhu o ka Aha Hookolokolo. Aole nae i wiwo Setepano. Oki koke oia i ka moolelo, a huli a hai aku i ke ano o ia aha. He a-i aha ko lakou ? A he naau aha hoi ? He pepeiao aha ? Ua hoopiliia keia mau hua ia wai mamua ? Puk 32 ; 9 ; 33 : 8. Isaia 48 : 4. Oihk 26 : 41. Kan 10 : 16. Ier 4 : 4 ; 6 ; 10 ; 9 : 26. Ezk 44 : 9. Heaha ka lakou i pale mau aku ai ? E like me wai ? Heaha ke ano ? Hookuli, malama ole, hoomaloka, a pela aku.
P 52. Heaha ka ninau no na kupuna ? Nana 2 Oihlii 36 : 16. Hana ino ia Mose, Samuela, Daniela, Elia, Isaia, Ieremia. Ua pepehi lakou ia wai ? Owai ka mea Hemolele ? Ka Mesia ? Owai na kaula i hai e mai no ka Mesia ? Mose, Isaia, Ieremia, Mika. Ua pepehi na kupuna i na kaula, a pehea keia aha ? Ua kumakaia a pepehi i ka Mesia. Na Iuda i kumakaia, aka, ua kokua, ua hoapono keia aha ia kumakaia ana.
P 53 Heaha ka mea i loaa i keia aha ? Nawai i haawi mai ke kanawai ? Na ke Akua no i haawi mai ma ka mauna o Sinai, aka, malaila pu no na anela a kokua ma ke kakau ana &c. Aole nae keia aha i aha i ke kanawai ?
P 54. A lohe ka aha i keia mau huaolelo, pehea ko lakou naau ? A aha i ka niho ? Piha loa ea i ka huhu, no ka lohe ana i ko lakou hewa, ko lakou ai oolea, naau a pepeiao okipoepoe ole ia, ko lakou pepehi ana i ka mea Hemolele, i ka Mesia. P 55. Ua piha nae Setepano i ke aha ? a haka pono i ke aha ? a ike i ke aha? a ia wai e ku ana mahea ?
P 56. Heaha ka Setepano i hai aku ai i ka aha ? I kona ike ana i ke aha ? A ia wai ? E ku ana mahea ?
P 57. Pehea ka aha ? uwa me keaha ? Papani i ke aha ? a aha lokahi iho la ?
P 58. A kiola iaia i hea ? Owai keia kulanakauhale ? Ierusalema. A o ka poe hoike, waiho lakou i ko lakou aahu ma ka wawae owai ? owai keia Saulo ? Mok 8 : 1. 9 : 12 Huli mai anei oia mahope a kapaia o Paulo. Ka aahu hea ka i waihoia ? Ka aahu nui mawaho, i pilikia ole lakou i ka hailuku ana ia Setepano. Heaha ka hewa nui o Setepano i ka manao o ka aha ? Heaha ke kumu io o ko lakou pepehi ana iaia ?
P 59. Ia lakou e hailuku ana ia Setepano, e aha ana oia ? Heaha kana pule ? P 60. Aha iho la oia, a hea me ka leo nui pehea ? Hoohalike oia me wai ma keia pule ? Luka 23 : 34. A pau kana pule, aha iho la oia ? Hiamoe — ua like ia me ke aha ?
Mele, Him. 588. 8 — 6. Leo.
1 Ke ku nei au a nana no
Ma Ioredane ae, I kela Kanaana hou, Malaila kuu waiwai. 5
A hea la au e hiki ai Ia wahi nani e ?
A ike ae i kuu Alii, Kuu Iesu e maha'i ?
Na ninau a ke Kahu. Na makua, Heaha ke kumu o ke oki koke ana o ka moolelo a Setepano ? Ua hai mai oia i ka moolelo a na Iudaio, mai a Aberahama a hiki i ka luakini a Solomona i kukulu ai. Hookahi tausani makahiki i koe a hiki mai Iesu. Aole nae oia i hai mai i ka moolelo no ia tausani makahiki. Kona manao paha, e hai mai no ia koena moolelo. Oki e nae, a loli ka olelo ; no keaha ? Ke ano o ia aha, a-i oolea, naau okipoepoe ole ia, pepeiao hookuli, a pale mau i ka Uhane Hemolele, aole anei ia i pili ia i na kanaka, i na kamalii, i na Luna aupuni o keia wa ? Heaha ke kauoha ma Ep. 4 : 30. 1 Tes. 5 : 19 ? Ma keaha e kinai ai a hoeha i ka Uhane Hemolele ? Ma ka hoole, a hookuli, a malama ole i ka ke Akua olelo. Ma ka hoopanee ana i ka mihi, ka huli ana mai.
Na keiki. Ua loaa ia oukou ke kanawai a me ka olelo a Iesu, ke malama nei anei oukou ? Oolea anei ko oukou ai ? Paakiki anei ko oukou naau ? Hookuli anei ko oukou pepeiao ? Mahalo anei oukou ia Setepano ? no keaha ? Makau anei oia i ka make no Iesu ? Makau anei oukou i ka hoomaauia , i ka pepehiia no ka malama ana ia Iesu ? Ma keaha i make ai Setepano ? Pomaikai anei oia mahope o kona make ana ? Heaha kana pule no ka poe i hailuku iaia ? Heaha ka Iesu pule i ka poe i kau iaia ma ke kea ? Heaha ka Iesu kauoha no na enemi ? Mat. 5 ; 44. Heaha kana olelo no ka poe i hoomaau nona ? Mataio 5 : 11, 12.
Ke kula a pau. Heaha ka mea e ulu mai ai ka huhu o kanaka i ka poe haiolelo ? Ke mau nei anei ka hoomaauia, ka pepehiia, ka hailukuia o ka poe malama ia Iesu ? Mau no ma na aina hoomanakii, hoomana Mahomeda, hoomana Pope, &c. Owai ke kanaka mua i hoomaauia, a pepehiia no ka pono ? Owai ka haumana mua a Iesu, i pepehiia a make no ka malama ana ia Iesu ? Ma keaha kakou e hoohalike ai me Setepano ? Ina makemake kakou e hoomaauia, a pepehiia no Iesu, pehea e hookoia ai ka makemake ? Ma ke aha e nui ai ka uku ma ka lani ?
Mele. Him. 369. Leo Pisega,
1
Pii ka mauna ia Pisega, Ma na eheu e pii ae ai ; Loheia'e na leo lea,
Leo oli ma ia kahakai. Hamau ! oli na puu o Edena,
Oli ae i ka Haku Iesu ; Oli pu me ko laila mau kini,
Oli, oli, a oli pu mau. Cho.— Owai ke ake e pii i ka mauna, Me na hoaaloha pu no, A e memele me na anela ? E ala'e a hahai ia Iesu. Pule no ka poe ai oolea, naau paakiki, pepeiao hookuli, ka poe hoomaloka, hana ino, olelo ino, a no ka poe i hoomaauia, i kupaa a make iloko o Iesu, &c.
Haawina. no Oct. 23.— Oih. 8 : 9 — 25.
MA KE KAUOHA.
Na Kanawai o 1876.
HE KANAWAI E hoololi ai i ka Pauku 3, o ka Mokuna 50,
o ke Kanawai Hoopai Karaima. E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni :
Pauka I. E hoololi ai a ma keia ke hoololi ia nei ka Pauku 3 o ka Mokuna 50 o ke Kanawai Hoopai Karaima a penei e heluhelu ia ua Pauku nei.
Pauku 3. E hiki no na Lunakanawai Apana a me na Lunakanawai Hoomalu kulanakauhale ke lawe i ka palapala bela, maua o ka hoopaahao ana, e hookolokoloia mahope. Aka mahope o ka hoopaahao ia ana, o ka Lunakanawai nana i hoolohe i ka hihia, a o kekahi Lunakanawai o kekahi Aha Hookolokolo kakau wale no, ke hiki ke ae i ka bela ana. Aka hoi, ina e loaa ole ka bela e hoopaa ia ka mea i hoopii ia ma ka halepaahao.
Pauku 2. O na kanawai a me na hapa kanawai a pau, i kue i keia ua hoopau ia no. Aponoia i keia la 15 o Sept. M H 1876. KALAKALA R
HE KANAWAI
E hoopau ai i ka Mokuna IV o na Kanawai o 1874. No ka mare ana o na wahine Hawaii me na Pake. E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni.
E hoopauia a ma keia ke hoopau loa ia nei ka Mokuna IV o na Kanawai o 1874, oia hoi,— He Kanawai " no ka mare ana o na wahine Hawaii me na Pake" i aponoia ma ka la 30 o Mei 1874.
Aponoia i keia la 16 o Sept. M H. 1876 KALAKAUA R
HE KANAWAI E hoololi ai i ka Pauku 846 o ke Kanawai
Kivila.
E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni :
Pauku 1. E hoololi ia a ma keia ke hoololi ia nei ku Pauku 846, o ke Kanawai Kivila, e like me ia i hoololi ia e ke kanawai i aponoia ma ka la 26 o Mei 1866 ma ke kapae ana aku i na huaolelo " Ekolu Tausani Elima Haneri" a e hookomo ana ma ia wahi, i na huaolelo " Eha Tausani" a penei e heluhelu ia ai ua Pauku la.
Pauku 846. E ukuia no ka Lunakanawai Kiekie i elima tausani dala no ka makahiki a e ukuia hoi ka hoa Lunakanawai mua i eha tausani dala i ka makahiki, a o ka hoa Lunakanawai elua i eha tausani dala i ka makahiki a e hookaa ia i kela malama keia malama noloko ae o ka Waihona dala o ke Aupuni.
Pauku 2. O na kanawai a me na hapa kanawai a pau e kue ana i keia kanawai ma keia ua hoopau ia. Aponoia i keia la 18 o Sept. M. H. 1876 KALAKAUA R
HE KANAWAI E hoololi ai i ka Pauku 500 o ke Kanawai
Kivila. E hooholoia e ka Moi a me ka Hale Ahao-
lelo o ko Hawaii Pae Aina i akoakoa
iloko o ka Ahaolelo Kau Kanawai o ke
Aupuni :
Pauku 1. E hoololi ia a ma keia, ke hoololi ia nei ka Pauku 500, o ke Kanawai Kivila ma ke kapae ana aku i na huaolelo " koe ka auhau alanui" i heluhelu ia ai ua pauku la penei.
Pauku 500. Na na Kiaaina, mamuli o ke kauoha a ke Kuhina Waiwai, e nana i ka ohi ana i na auhau, maloko o ko lakou mau moku kiaaina iho, a e haawi i na auhau a pau, i loaa ia lakou, koe ke koina no ka uhi ana i ke Kuhina Waiwai. I mea e hiki ai ke hana pela, na kela Kiaaina keia Kiaaina, me ka ae o ke Kuhina Waiwai, e koho i kela makahiki keia makahiki i hookahi Luna Auhau, no kela apana keia apana i olelo ia iloko o ka pauku maluna iho, a e hiki no hoi ia lakou me ka ae ana o ua Kuhina nei, ke hooponopono, a e hoopau paha i ua Luna Auhau nei, ke manao lakou hoapono.
Pauku 2. Na kanawai a me na hapa kanawai a pau e kue ana i keia ua hoopau ia.
Aponoia i keia la 18 o Sept. M. H. 1876. KALAKAUA R.
HE KANAWAI
E hoopau ai i ka hoolaha ana o na mai mawaena a na Hipa. E hooholoia e ka Moi a me ka Hale Aha-
olelo o ko Hawaii Pae Aina i akoakoa iloko o ka Ahaolelo Kau Kanawai o ke
Aupuni ;
Pauku 1. Ua hiki no i ke Kuhina Kalaiaina ke koho i Luna Nana Hipa ma kela a me keia apana Kiaaina o ke Aupuni mamuli o ke noi ana o ka hipa nui o ka poe hanai hipa ma ia apana, e noho ua Luna Nana la ma ia oihana no na makahiki elua, ke hoopau e ole ia oia e ke Kuhina no kekahi kumu, aole e loaa ia ia kekahi uku no kana hana mai ke Aupuni aku.
Pauku 2 Na ka Luna Nana Hipa, ina ua hoopii aku kekahi imua ona ma ka pa-
lapala e olelo ana na luna kekahi hipa a pu-a hipa paha i ka mai lele, a mai ino e ae paha, e hele aku e nana ia hipa a pu-a hipa paha imua o ka ona a kahu paha oia hipa, a hoomaopopo i ka oiaio, a oiaio ole paha oia hoopii. Ina ua ike ia na loaa ia hipa a pu-a hipa paha ia mai, alaila na ka Luna Nana Hipa e hoike koke aku ma ka palapala i ka ona oia mau hipa, a o kona hope paha no ia mea. A loaa ia ia na dala elima no kela la keia la ana i hana maoli ai ma ia hana, a o kona mau lilo o ka hele ana e uku ia no e ka mea nana i hoopii. Ina e ae ole ana ka mea hoopii maloko o ka palapala e uku ia mau mea, alaila, ua hiki no ka Luna Nana Hipa ke nana ole ia palapala.
Pauku 3. Aole e ku i ke kanawai ka hoa ana o kekahi kanaka i na hipa i loaa i ka mai lele, ma kekahi alanui aupuni, me ka loaa mua ole iaia ka ae ana i kakau ia e na ona hipa no lakou na aina hanai hipa e pili ana ma ia alanui, aole no hoi maluna o na aina hanai hipa me ka loaa ole ia ia ka ka ae ana i hoakaka ia.
Pauku 4 E hoopai ia ka ona o na hipa i hoa ia ma ke ano kue i ka Pauku 3 o keia Kanawai ke ku kahewa ia ia imua o kekahi Lunakanawai Apana a Hoomalu paha i na dala aole emi malalo o ka elua haneri a oi ae paha, e like me ka manao ana o ka Aha he pono, a o na hipa mai i komohewa aku maluna o na aina hanai hipa o kekahi e hoopai ia oia aole emi malalo o na
dala he iwakaluakumamalima no kela hipa keia hipa.
Pauku 5. E Hoopau ia ka Mokuna 58 o ke Kanawai Hoopai Karaima, a me na kanawai a me na hapa kanawai e kue ana i keia kanawai.
Aponoia i keia la 18 o Sept. M H 1876. KALAKAUA R.
HE KANAWAI E hoololi ai i na Pauku 64, 65 a me 66 o
ke Kanawai Kivila.
E hooholoia e ka Moi a me ka Hale Ahaolelo o ko Hawaii Pae Aina, i akoakoa
iloko o ka Ahaolelo Kau Kanawai o ke
Aupuni :
Pauku 1. E hoololi ia a ma keia ke hoololi ia nei ka Pauku 64 o ke Kanawai Kivila, a penei e heluhelu ia ai.
Pauku 64. E hiki no i ke Kuhina Kalaiaina, i kela manawa keia manawa, e haawi i ka palapala ae kuai kudala, no ka makahiki hookahi, i kekahi kanaka kupono a he mau kanaka kupono paha, koe na kanaka o na Aupuni i hana Kuikahi ole me keia Aupuni, ma kela mokupuni keia mokupuni, e lilo lakou i poe kuai kudala no ka lehulehu ma ko lakou mau mokupuni i ae pakahi ia
Pauku 2 E hoololiia a ma keia ke hoololiia nei ka Pauku 65 o ke Kanawai Kivila a penei e heluhelu ia ai.
Pauku 65. O ka uku o ka palapala ae kuai kudala no ka Mokupuni o Oahu he elima haneri dala a me ka uku hapahaneri aole e emi malalo o ka hookahi hapalua keneta, iloko o ke dala hookahi ma kela a me keia kuai kudala ana. A ma na mokupuni e ae e kau ia ka uku o ka laikini ma ka uku hapahaneri ma ko lakou mau kuai ana, a ke Kuhina i manao ai he kupono, aole nae e oi aku i ka hapa haneri hookahi.
Pauku 3. E hoololi ia a ma keia ke hoololi ia nei ka Pauku 66 o ke Kanawai Kivila a penei e heluhelu ia ai.
Pauku 66. E haawi mai ka mea e lawe ana i ka Palapala ae Kuai Kudala i ke Kuhina Kalaiaina i palapala hoopai no na dala ekolu tausani, ina no ka Mokupuni o Oahu ka palapala ae, a hookahi tausani dala ina no kekahi wahi e ae o ka Pae Aina Hawaii, me ka hope a mau hope maikai a kupono paha i aponoia e ke Kuhina no kona hoike pololei mai ma ka palapala hoike i ka nui o ka waiwai ana i kuai kudala ai, e like me ka olelo o ke Kanawai, a e uku aku i ke Kuhina Kalaiaina, iloko o kela hapaha keia hapaha makahiki i na hapahaneri i oleloia iloko o kona palapala ae ; a no kona uku pono aku i ka poe nona ka waiwai, i ke dala i loaa mai ia ia ma ke kuai kudala ana, mahope iho o ka unuhi ana i kona uku hapahaneri me kona mau lilo, a no kona malama pono ana i na olelo a pau o ke kanawai e pili ana i ka poe kuai kudala.
Pauku 4. O na kanawai a me na hapa kanawai a pau e kue ana i keia kanawai e hoopau ia, a ma keia ke hoopau ia nei.
Aponoia i keia la 18 o Sept. M H 1876 KALAKAUA R.
HE KANAWAI
E kokua ai i ka hooholo Mokumahu Holo
Pili Aina.
E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni ;
Pauku 1. Ma keia ua haawi ia ka mana i ke Kuhina Kalaiaina e ae, a e hana i na aelike me kekahi poe kupono, e noi mai ana a e haawi mai ana i na bona kupono, e hooholo i kekahi mokumahu kupono, aole e emi malalo o na tona 500, e like me ke ana ana o na moku i keia manawa, ma ka holo pili aina, e like me ia i hoakaka ia mahope iho nei, aole e oi aku i na makahiki he umi a e uku aku no ia hana i uku kokua no kela makahiki keia makahiki aole e oi aku i na dala he $1250, no ka mahina hookahi, ke noi ia mai a hooholo ia ua aelike la mai a mamua ae paha o ka la mua o Dekemaba e hiki mai ana.
Pauku 2. E hooholo ia ua Mokumahu nei aole e emi malalo o ka elua holo ana i mahina hookahi mai Honolulu aku a puni ka Mokupuni o Hawaii, a e ku ana ma na Awa ku mau, a hoi hou i Honolulu ; hookahi holo ana i ka mahina i Hilo a i Kealakekua paha, ina i Hilo i kekahi mahina, alaila i kekahi mahina mai e holo i Kealakekua, a e ku ana ma na Awa ku mau a hoi hou i Honolulu ; a i hookahi holo ana i ka mahina a puni ka Mokupuni o Kauai, e ku ana ma na Awa ku mau a hoi hou i Honolulu.
Pauku 3. I na e hana ole ia kekahi aelike e like me ia i hoakaka ia ma ka Pauku 1, alaila ma keia, ua haawi ia ka maua i ke Kuhina Kalaiaina e nana i na aelike no ka lawe ana mai a ku ma ke awa o Honolulu, i mokumahu no ke Aupuni, i emi ole malalo o na tona elima haneri ma ke ana ana o ke Aupuni Hawaii, i kupono no ka hooko ana i ka hana hooholo mokumahu pili aina o keia Aupuni. E lawe ia mai ua mokumahu la ma ke awa i olelo ia iloko o ka makahiki hookahi ma ka la 1 aku o Ianuari e hiki mai ana ; a ua haawi ia ka mana i ke Kuhina i olelo ia e uku aku no ua mokumahu nei i na dala aole e oi aku i ka hookahi Haneri Tausani.
Pauku 4. Ma keia ua haawi ia ka mana i ke Kuhina Waiwai e hoopuka i na bona o ke Aupuni Hawaii me na kubona i hui ia no na dala a ua Kuhina la i manao ai he pono i oi ole ka huina i ka hookahi haneri tausani dala ; e uku ia keia mau hana ma ka Waihona Dala o ke Aupuni i kela manawa keia manawa iloko o na makahiki he umi mai ka la aku o ka hana ia ana o na bona, a ke Kuhina Waiwai i manao ai he pono, a e kau ia ka uku panee aole e oi aku i ka eiwa keneta no ka makahiki, a e uku ia ka uku panee i kela hapalua makahiki keia hapalua makahiki.
Pauku 5 Ma keia ua haawi ia ka mana i ke Kuhina Kalaiaina, mahope iho o ka loaa ana mai ia ia o ka mokumahu i olelo ia, e kuai aku i ua mokumahu nei i kekahi mea a mau mea kupono paha no ke kumukuai, aole e emi i ke kumulilo me ka uku panee, o ua mokumahu nei, aka nae, e hana a e haawi mai na mei e kuai mai ana me ke Kuhina Kalaiaina i palapala aelike e hoomau aku i ka hooholo mokumahu pili aina o keia Aupuni, no ka manawa aole e emi malalo o ka eono makahiki, me ka hooholo pono o na hana e like me ka hiki ia ua mokumahu nei ke hooko, e like ka nui o na holo ana me na mea i hoakaka ia ma ka Pauku 2. A e haawi mai na mea i aelike i palapala hoopaa me na hope kupono, a me na hoopai no ka hooko pono ana i ka olelo aelike, e hana ai ka palapala hoopaa
ma ka inoa o ke Kuhina Kalaiaina, a e apono ia na hope a me na hoopai e ke Kuhina i olelo ia.
Pauku 6. Ina e kuai aku ke Kuhina Kalaiaina i ka mokumahu i haawiia ia ia ka mana ma ka Pauku maluna ae nei e kuai, a e hana piha i ka aelike no ia mea, alaila e hana oia i aelike me na mea ai a i kuai aku ai, e hoomau i ka hooholo moku-
mahu pili aina, a me keia, ua haawi ia ka mana ia ia e uku aku i na mea ana i hana ai i ka aelike i olelo mua ia no ia hana i puu dala aole e oi aku i ka hookahi tausani elua haneri me kanalima no kela a me keia mahina, o ia lawelawe ana, e uku ia no ia mau dala mamuli o ka palapala kikoo a ke Kuhina Kalaiaina i ka Waihona Dala o ke Aupuni, a ma keia ua haawi ia ka mana a ua kauoha ia ke Kuhina Waiwai e hookaa aku ia mau palapala kikoo, mailoko ae o kekahi dala iloko o ka Waihona i hookaawale ole ia.
Pauku 7. I na i kekahi wa iloko o ka makahiki hookahi mamua ae o ka pau ana o ka olelo aelike i ae ia ma ka Pauku 5 o keia Kanawai, ua manao ke Kuhina Kalaiaina he mea pono a he pomaikai hoi no ka lehulehu ka hooloihi hou ana aku i ua olelo aelike nei, ma keia ua haawi ia ka mana ia ia e hana aku pela ke ole nae e oi aku ia hooloihi hou ana mamua o ka eha makahiki mai ka pau ana o ka aelike mua ; a ma ia hooloihi hou ana aku i ka olelo aelike ua haawi ia ka mana i ke Kuhina Kalaiaina i olelo ia ma keia e hoololi a e hooponopono hou i na olelo o ia palapala aelike e like
me kona ike ana he pomaikai no ka lehulehu.
Pauku 8 Ma keia ua kauoha ia ke Kuhina Kalaiaina ina oia e kuai aku i ka mokumahu i kauoha ia ma keia Kanawai, e hoihoi koke aku i na dala i loaa ma ia kuai ana iloko o ka Waihona dala o ke Aupuni.
Pauku 9. E loaa no i ka poe e hana ana i ka olelo aelike me ke Kuhina Kalaiaina malalo o ka Pauku mua, a Pauku ekolu o keia kanawai, i hui ia me na uku kokua i olelo mua ia, ka pono o ka hookomo ana mai me ka dute ole, i na mea a pau no ke kapili ana a me na hana no na moku i hooholo ia ma ia hana, a e loaa no hoi ia lakou na pono, na pomaikai a me na hookuu ana i haawi ia i na luina mokumahu o na aina e ma ke kanawai i aponoia ma ka la 1 o Augate M. H. 1874 i kapaia " He Kanawai e kokua ai i ka hooholo mokumahu ana me na Aina E "
Puuku 10. Ina e hana ia kekahi palapala aelike malalo o keia kanawai e hoakaka ia ma ia palapala aelike e laweia a e haawi ia na leta o ka lehulehu me ka uku
ole, a ua hiki ma ia aelike ke hoakaka ia ka uku no ka lawe ana i na ohua a me ka ukana, a me na hooponopono e ae a ke Kuhina Kalaiaina i manao ai he pono.
Aponoia i keia la 18 o Sept M H 1876. KALAKAUA R.
KA HUNT'S LAAU OLA
(HUNT'S REMEDY)
HE LAAU LAPAAU HOU, MAI AMERIKA MAI !
He Laau Maikai keia no
Na mai pehu o ka opu,
Na mai o ka puupaa a me ka opu mimi,
Mimi-paa, Mimi-eha, Mimi-helelei,
Ka lepo gravel iloko o ka opu-mimi,
Ka mana ole, kapalili, hui ono ole ka ai.
Na Mai Wahine,
NAWALIWALI O KE KINO,
LEPO ULA ILOKO O KA WAI MIMI,
MANOANOA PAHA KA WAI E like me keokeo o ka huamoa,
Like paha me na kaula silika keokeo, eleele, lenalena paha ; a i ole ua like paha me
ka lepo i anaiia i na iwi keokeo, a i ka mimi ana, ua wela oioi ka
mai, me ka eha nui o ke kikala a me ka puhaka.
HE NUI NA HOIKE e ola nei, ka poe i loohia i keia mau mai i haiia maluna ae,
ua pau lakou i ke ola maikai, no ka inu ana i ka
HUNT LAAU OLA. ("HUNT REMEDY)!"
UA HAAWI mua ia keia laau, e kekahi kahuna lapaau naauao, i ke kanaka mai
pehu o ka opu, e noho ana me ka ohana a Mr. Hunt ; John Hunt kona inoa, he 45 kona
mau makahiki, he kanaka nui poepoe, ua loohia i ka mai pehu. Ua haawiia kela me
keia laau no keia mai, aole nae oluolu ; ua mahuahua mau kona pilikia, ua pau loa ke
kino a me na wawae i ka pehu ; ua kokoke paa loa ka mimi ; kokoke pau loa ka hanu
ana ; a ua mahuahua loa ka wai iloko o ke kino. Aole hiki iaia ke moe ilalo ma ka
moe, nolaila, ua noho wale no iluna i ka po a me ke ao. Pela mau kona popilikia a hi-
ki i kona hoao ana i keia laau, a ke kahuna i kuhikuhi mai ai. A i kona inu ana i ke-
ia laau, ua hoomaka koke ka oluolu. Ua paipai koke ia ka puupaa i ka laua oihana ;
ua puka hou ka wai mimi a nui wale ; ua emi koke mai la ka pehu o na waewae ; a ua
oluolu hou ke ake-mama i ka hanu ana ; ua oluolu a maikai ka io o na lala, a e hoi nui
mai ana ke ola maikai, alaila, me ke kuhihewa, ua waiho oia i ka laau i kekahi mau
la. Ua pono ole nae ka waiho ana ia manawa, no ka mea, aole i ola io maoli kona mai
pehu. Ua molowa hou na puupaa i ka laua oihana, a ua mahuahua hou ka wai iloko o
ka opu, a ua popilikia hou e like me mamua. Alaila, ua inu hou oia i ua laau la, a ma
ka hoomanawanui ana, ua lanakila hou auanei maluna o ka mai, a ua ola io maoli, a
ua hoomaka hou oia i kana oihana mawaho o ka hale.
Oia ka lapaau mua ana me keia laau ; a mai ia wa mai, (he 25 makahiki) ua ha-
hanaia keia laau e like me ka hana ana o Mr. Hunt, a ua haawi na kahuna lapaau i ke-
ia laau i ka poe mai pehu a me na mai like.
Mai ia manawa mai, ua ikeia, e mahaloia hoi keia laau, mai o a o, e na kana-
ka, a ua inu ia hoi ma ke ao ana a me ke ao ole ana mai o na kahuna lapaau ; oia ka
mea i hoola mai i na kanaka he nui, ka poe pilikia i ka mai pehu, a kokoke i ka make.
Na kuhikuhi no ka inu ana :
E INU I KE PUNA TI PIHA, a hala na hora 4, alaila, e inu hou. E mahuahua
liilii nae a hiki i elua puna ti piha — a hiki hoi auanei i puna nui piha.
NO KE KEIKI hookahi makahiki a hiki i na makahiki eono, e haawi 5 kulu, a hi-
ki i na kulu 20 ; eha hora nae mawaena o ka haawi ana.
KUMUKUAI, he - - $1.50 no ka omole.
DILLINGHAM & CO.,
762 3m 774 Na Agena no ka Pae Aina Hawaii.