Ka Nupepa Kuokoa, Volume XV, Number 52, 23 December 1876 — Page 4
| This text was transcribed by: | Ke`ala Ka`upu |
| This work is dedicated to: | Charles Kauhi Ka`upu, Jr. |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA KUOKOA ME KE AUOKOA I HUIIA.
TRIUMPH BY AND BYE
Crown of Life. P. 70.
1
He uku no imua,
Nee ae, mai kanaloa,
Ke nana nei ke Akua
Mai ke ao, mai ke ao.
He leo hea kona,
He leo pa aloha,
Hoolohe ano no Ia,
Hea mau, hea mau
Cho. -- : Ma o ae e hoohui,
Ma o ae e hoohui
Me Iesu la maka nani:
2
E ku a e hahai la
Ma kona kula lae la,
A ma na kahawai la
Mai ke ao, mai ke ao.
Hoopili i kona poli,
Hoolana a hauoli,
Mai kuiine a loli,
Pili mau, pili mau.
Cho. – Ma o ae e hoohui, &c.
3
He home ao maluna,
A uli mau na kula,
Aloha mau Iesu la
Ma ke ao, ma ke ao.
No ia la mau ka ikaika,
A me ka hoomaikai la,
Ke ola mau loa’e la,
Ola mau, ola mau.
Cho. – Ma o ae e hoohui, &c.
HAWAII.
HAAWINA KULA SABATI.
KA HAPA MUA O 1877
HELU 1, SABATI, IAN. 7.
KUMUHANA.—Ka mokuahana aua o o ke Aupuni.
PAUKU BAIBALA.—I Na Lii 12:12.20.
12 Pela i hoi mai ai o Ieroroama a me ka poe kanaka a pau i o Rehoboama la i ke kolu o ka la, e like me ka ke alii i ho omaopopo ai, i ka i ana mai, E hoi mai oukou io`u nei i ke kolu o ka la.
13 Hai mai la ke alii i kanaka me ka oloea, a ua haalele aku i ka olelo a ka poe kanaka kahiko, a lakou i haawi aku ai iaia.
14 A olelo mai la hoi ia lakou mamuli o ka olelo a na kanaka @ui, i mai la, Ua ho okaumaha ko`u makuakane i ka oukou anamo, aka, e hoouka hou aku au ma ka oukou anamo; ua hahau ko`u makuakane ia oukou me na huipa, aka, e hahau aku wau ia oukou me na moohueloawa.
15 Aole hoi i ho olohe ke alii i kanaka, no ka mea, no ka Haku mai no ia, i hooko mai oia i kana olelo a Iehova i olelo mai ai ma ka lima o Ahiia no Silo, ia Ieroboama ke keiki a Nebada.
16 A ike ae la ka Iseraela a pau, i ka ho olohe ole mai o ke alii ia lakou, olelo aku la ka poe kanaka i ke alii e i ana, He aha ko makou kuleana iloko o Davida? aole ho oilina iloko o ke keiki a Iese. I ko oukou mau halelewa, o ka Iseraela: ano hoi, e nana i kau ohana iho, e Davida. Pela i hoi ai ka Iseraela i ko lakou mau halelewa.
17 A o na mamo a Iseraela e noho ana ma na kulanakauhale o Davida, ua alii ae la o Rehoboama maluna o lakou.
18 Alaila, hoouna ae la o Rehoboama ia Adosama, ka lunaauhau, a hailuku ka Iseraela iaia me na pohaku a make ia. Nolaila, hele wikiwiki ae la o Rehoboama ke alii e oe ae i kona kaa, e holo i Ierusalema.
19 Pela i kipi ai ka Iseraela i ka ohana a Davida a hiki i keia la.
20 Eia kekahi, i ka lohe ana o ka Iseraela a pau, ua hoi mai o Ieroboama, kii aku la lakou iaia e hele mai i ke anaina, a hooahi lakou iaia maluna o ka Iseraela a pau. Aohe mea i hahai i ka ohana o Davida, o ka luda wale no.
Pauku Gula – “Haalele oia i ka olelo a ka poe kanaka kahiko, a lakou i haawi ai iaia.” I Na Alii 12:8.
Mele. Mele hou 8-7 Leo Bentley
1 Hoomaikai i ke Akua
I aloha ia kakou,
A ae mai e komo iloko
O ka makahiki hou.
2 La Sabati mua keia,
La laelae malu e,
Me na hana maikai ona,
Me na Kula Sabati.
3 Launa mai e ka Makua,
Me ke Keiki e Iesu,
Me ka Uhane Hemolele,
Launa a kokua pu.
Pule hoomaikai i ke Akua, no ke komo ana iloko o ka makahiki hou, a noi aku iaia e kokua mai ma na hana pono a pau o keia makahiki hou.
Na ninau a na Kumu.
Haalele kakou ia Solomona iloko o ka lanakila a me ka hoopomaikaiia mai. I Na Alii 10. Mahope iho, hele lalau oia, a ho okuli , a kue i ke kanawai o Iehova. I Na Alii 11:1-8. Huhu ko Akua iaia, a ao aku, a paipai aku e haalele i kona mau hewa, ho okuli hou nae oia. A nolaila, olelo ke Akua, E kaili ana ola i ke aupuni mai ona aku, a e haawi aku ia i kana kauwa. Aole nae i kona wa e ola ana, aole hoi i ke aupuni a pau. Koa kekahi ohana no kana keiki. mok 11:9-13.
No ka hewa o Solomona, hoala mai ke Akua i mau enemi nona. P 14, 23, 26. A hoike kekahi kaula, e kipi ana na ohanana he umi. P 29-31. Ka make ana o Solomona. p 41-43. A lilo ke aupuni ia wai! Mok 12. Mahea i hoahiia’i Rehoboama? p 1 Mahea Sekema? Mawaena o Geserina me Ebala, ma ka ohana o Eparaima. Owai ka i kiia’ku ma Aigupita? p 2-8. Heaha ka manao i hoopukaia’ku ia Rehoboama, i oluolu na kanaka iaia! Me kana pane ana? p 4, 5. He mau poe hoa kuka elua o Rehoboama i koho ai? Owei? Owai? Heaha hoi ka oleloao a laua a elua? p 6-11.
P 12. Heaha ma ke kou o ka la?
P 13. Pehea ke alii i hai aku ai? a haalele oia i ka olelo ao a wai?
P 14. A olelo ke’lii mamuli o ka oleloao a wai?
P 15. Hoolohe anei ke’lii i ka na kanaka? No keaha kona ho olohe ole? Nana mok. 11:11, 31. Hewa anei kona ho okuli ?
P 16. Heaha ka hope o ko Rehoboama ho okuli ana?
P 17. Haalele anei na ohana a pau iaia? Owai ka poe i koe nona? No Keaha?
P 18. Heaha ka pilikia i lii mai maluna o ka luna auhau o Adorama? Pehea hoi ke’lii? No keaha?
P 19. Pehea ka loihi o keia kipi ana? A hiki i keia la, la hea ia? La e ola ana ka mea nana i kakau i keia buke. Oia hoi o Ieremia paha.
P 20. Owai ka hoaliiia no na ohana he 10? Mahea oia i holo aku ai mamua? No keaha? Ka wanana a wai ka i hookeia? Owai na ohana he 10? Owai na ohana i koe no Rehoboama? Hookahi kai oleloia? Owai? No keaha ka haule ana o Beniamina? No kona uuku paha?
Mele. Mele hou. 8-6. Lao.
1 Pomaikai e! ua puka mai
Ka makahiki hou;
E oli a hauoli e,
Hoonani ia Iesu.
2 Ma keia la e lilo ai
Na kamalii oonei,
I mau ohua na ke’Lii,
Ka Haku e ola`i.
Ka ninau a ke Kahu.
Na makua. Heaha ke kumuhana? Heaha ke kumu o ka mokuahana ana o ke aupuni? Heaha na hewa o Solomona?
1 Ka haalelo i ka pono mua. 2 Ka ho okaumaha ana i na kanaka. 3 Ka hoonui ana i na wahine. 4 Ka haalele i ke Akua, a hele mamuli o na akua kii Na wai i huki aku iaia i ka hoomanakii? Maikai anei ka mare lehulehu? Heaha ko ke Akua hoopai ia Solomona? Ua hooki loa anei ka Akua i kona aloha iaia? Me ke aha i maopopo ai no koe kekahi aloha? A no ke aha ke koe ana?
Na keiki. Owai ke alii naauao loa? Mau anei kona manao? Aole. Naaupo loa paha oia i ka lawe nui ana i na wahine, a hele pu me lakou i ka hoomanakii, a lilo ka hapanui o kona aupuni ia hai. Ina he poe naauao oukou, a lilo i ka hewa, he mea aha ko oukou naauao? Ehia makahiki i alii ai Solomona? Ehia alii i like e pu ka loihi o ke alii ana? Owai? Owai? A make Solomona, lilo ke aupuni ia wai? Heaha ke kipi nui ia Rehoboama? No ke aha?
Ke kula a pau. Ehia makahiki i noho hui ai na ohana he 12 malalo ae o ke alii hookahi? No ke aha ke kipi ana? Ke kipi mua anei keia? Pehea ka loihi o keia kipi ana? Owai ke’lii mua o na ohana kipi? Owai ke alii hope? I ka manawa hea i hui hou ai na ohana he 12?
No ka hewa o Solomona ke kipi ana, a mai ke Akua mai no hoi. Ua mihi anei Solomona i kona mau hewa? Ma ke aha i maopopo ai kona mihi ana?
Ina hewa na’lii o Hawaii nei, heaha ka pono? a mihi ole, heaha ka hope?
Mele. Mele hou 8. Leo.
1 Hoolilo e ka Haku mau,
I keia makahiki hou,
I makahiki Iubile,
I wa hauoli nui e.
2 Ninini i ka Uhane ou
Ma ko na aina naaupo,
Ma na anaina halawai,
A ma na Kula Sabati.
3 I huli nui na kamalii
Maanei a ma na aina e,
I holo lanakila no
Ka olelo au mai o a o.
Pule no na aina e, &c.
Haawina no Ian 14-I Na Alii 12:25-33.
Make i aloha nulia.
E KA NUPEPA KUOKOA @; Aloha oe: --
E oluolu oe a me kou mau ho okele e ae mai ia’u e hoike pihaaku i ka haawina kaumaha a luuluu i haulehia mai maluna o’u a me na ohana a pau loa o ka mea i make.
Ma ka la 7 o Dekemabe, 1876 iho nei, ma ka hora 7, 20 minute o ke ahiahi, ua kii mai la na lima menemene ole o ka make i ka’u kane mare ia Mr. Kalaimano a lawe ia aku la; a ma ka la 8 ae, hora 2 o ke ahiahi, ua maneleia aku la kona kino wailea a waiho ma kahi o na mea ola kino a pau e waiho ia nei.
Ua haalele mai oia ia’u i ka wahine mare a me na makua, a i kona mau muli pokii o ka poepoe hookahi, a me na ohana a pau e kumak@ aku ma keia aoao o ka lua-pihawelu a ke aloha ole.
Ua h@ ma Ka@, @, Maui, i ka makahiki 1849; a ua hoohuiia hoi me a’u ma ke k@ula gula o ka mare, i ka la 9 o Maraki, makahiki 1863; a @ noho pu maua me ka ol@la maikai iloko oia mau makahiki me ka mau o ke aloha a hiki wale i kona wa i laweia ai i Kalawao Molokai, i ka la 9 o Iulai, makahiki 1873, no ka loaa ana i ka mai hookaawale ohana, a no ka nui no o ko’u aloha, @ imi loa aku no au ia ia a loaa i kela aina makahiki aina, a @ ka la 11 o Iune, makahiki 1876, ua hoihoiia mai i ke kulanakauhale alii nei, no ka ike ana o ka Papa Ola, ua maikai kona mau helehelena; aole nae hoi i pilikia ia ana mai, he wahi mai @ho e iho nei ka mea i pilikia ai, a me ia ano mai oia i kau ih@ nei i na la 5, a hiki wale i ka wa i haalele loa mai ai kona banu hope i keia ola ana.
Ua make oia i ka 27 makahiki a oi o kena ola ana; a i 13 makahiki, 8 malama, a me 28 la hoi o ka loihi o ko maua noho pu ana ma ka berita o ka mare a hiki i kona wa i haalele mai ai ia’u.
He malama wahine, makua a mau pokii hoi; he iike a heahea hoi i ka poe a pau e kipa mai ana ma ko maua wahi, a pela no i ka poe o na lahui e aku.
A no ka nui no o ko’u aloha a me na ohana o maua ia ia, nolaila, na hoku iho makou i wahi kunikau nona a oia keia malalo iho nei:
Kanikau aloha keia nou e Kalaimano,
Ku’u kane mai ka makani Wehelauniu o H@
Mai ka malu hale o Kaukaweli, [nuakaha,
He hale leo waimaka nui a kaua i noho ai,
Ku`u makua o keia wahi makua ole,
Ke kuleana, ke kuhikuhi o kahi weliweli,
A kamaeina ia na Haku Lani a kaua,
Auwe ku’u kane, ku’u minamina pau ole – e.
Ku’u kane mai ka la wela o ke Alialia,
Oia wahia kaua e holoholo ai i uka, i kai,
Ku’u kane mai ke @ai nehone o Kalia,
Mai ke alo naua i ka ihu o ka moku,
Moku iho nei kaua ka awale oe,
Hamo wale ana au i ka ukana a ke aloha,
Auwe ku’u kane, ku’u lei haole ole – e.
He a he minamina keia ia oe e Kalaimano,
Ku’u kane mai ka aina makamaka ole,
Hookahi makamaka o ka Papa O@a,
Nou hoi ka pilikia au aku au mahope,
Nonoho a kaua ia aina malihini,
Ia aina pali kiekie haawe ma ke kua;
Aloha ke kula loa o Puhahi,
Oia wahi a kaua e hele ai,
E haawe ai ke kua i ka wahie,
Ku’u kane mai ka la pololi maka poniuniu,
Ola kaua i ka ai laulelo o ka nahale,
Ku’u kane mai ka hau anu o Kalawao,
Mai ke iho’na ikiiki o Puokapae,
Mai ka wai huihui hoeha ili o Waikolu;
Aia paha ku’u kane ilona o Kauhako,
Hoolohe i ka owe a ka lao kukui,
Kuhi ana ke aloha o ku’u kane i Waiha –
Ka aohele puoa aala i kaawapuhi; [nau,
Aloha ke kula pae lio o Makanalua,
Elua ukana nui a loko e hana nei,
E ho ohanini nei i ku’u waimaka,
E uwe ana au i ka pili hemo ole a kaua,
Akahi e hemo ua haalele oe ia’u,
Ku’u kane mai ke kai loa o Hawaii,
Mai ke kai hawanawana o Kawaihae,
Mai ka makani anu he Waileia;
Aloha ka Lae o Kauhola au i ke kai,
Aia paha ku’u kane i Makuukiu,
E nana ana i ka au hulaena o Elelu,
Ku’u kane mai ka wailele o Hiilawe,
Oia wai mahae lua i na pali,
Aloha ka ua Kanilehua o ka aina,
Ke nihi hele ae la ma Panaewa,
E hoi haaheo ana i ka pua lehua,
Ku’u kane mai ka makani haliala he Puu—
Oia makani anu a kaua e noho ai, [lena,
Ku’u kane mai ka hale malu ohia,
Mai ka wai huihui o Wailuku,
Uluku au maeole i ko aloha,
Auwe ku’u kane, ku’u lei haole ole – e.
MRS BECKY KALAIMANO.
Kanikau aloha keia nou o Kalaimano,
Ku`u kane mai ka la wela o ke @aona,
Mai ka piha kanaka o Pololewa,
Aloha ia wahi a kakou e hele ai,
Ku’u makua o ka wa naaupo,
Hoa pupuu anu o ka po kapa ole,
I mehana maua i ko poli,
Ku’u kane leo ole mai ia’u,
He nui, he milimili maua nau,
He lei a i no ka la haaheo,
Ku’u kane o ke alo Ihikapu,
Kapu na maka o ku’u kane,
Hele i ke ala hoi ole mai,
Noho a makou i ko aloha,
Auwe ku’u kane, ku’u minamina pau ole.
-a. MRS. HOOPAU APIKI.
E uwe helu mai maua aloha ino ku’u keiki,
Ku’u keiki mai ka malu lau niu o Apu@,
Mai ka hale wainui a kaua e noho ai,
Ku’u keiki mai ka ua Kukalahale,
E loku haaheo ana i ka lau inia,
Ku’u keiki mai ka la pololi ai ole,
Imi aku ke ola i ka ihu o na moku,
Ku’u keiki o ka hale makamaka ole,
O oe ke kuleana ka makamaka o nei wahi,
Auwe ko’u keiki, ku’u lei aloha – e.
Ku’u keiki mai ka pii’na loa o Leleo,
Mai ka wai laupoo o Niuhelewai,
Oia wai hoonupu no me ka lepo.
Kuu keiki mai ka la wela o Kaiwiula,
Olu kaua i ka wai pi-lima o Kahooiwai,
Ku’u keiki mai ka hale hoopiliwale,
Oia hele a ke aloha ole i noho ai,
Aloha ka iho’na wela o Kahauiki,
Hoomaha i ka olu o Moanalua;
Aia ka uhane o ku’u keiki iluna o Aliama-
E hoaikane ana me Kinimakalehua, [nu,
Kuu keiki mai ke kula wai olo o Kaloaloa,
Mai ke kahe ai ole o Kaihikapu,
Oia hale mehameha, kanaka ole,
Hoolau kanaka i ka leo o na manu;
Kou keiki mai ka makani @u he Waikolo-
Loa ka nele’ou o ka uhane o ku’u keiki [@
Auwe ku’u keiki, ku’u lei aloha – e.
MRS. MALIANA KAMALIMALI.
Honuakaha, Dekemaka 14, 1870
ANOAI I KA LEHULEHU.
E kipa mai a e nana,
i kumaka ai ka ike i na waiwai na-
ni i loaa mai nei iloko o na
La Kulaia iho nei.
Penei ke ano o ua mau waiwai la:
Na Wati a me na kaula Gula.
a oe Lede a me na Keonimana!
NA KAULA OPELE A NA LEDE
NA KOMO GULA NANI O KELA A ME KEIA
ano o na Lede a me na Keonimana!
NA KUPEE GULA,
NA LIPINE GULA.
Na gula pepeiao o na wahine!
e oaka ai i na pepeiao, a e hulali ai
hoi na manamana lima, a e
kilipohe ai hoi na a-i.
Na komo humuhumu gula a me ke kalo,
Na pihi pulima gula wahine a kane,
Na lakela gula lei wahine nani,
Na komo daimana o no Lede.
Na kaula laketa,
Na pine omau kihei,
Na laketa aniani,
Na huke gula wahine.
NA LAKO HALE.
NA PUNA,
NA PAHI,
NA KIAHA, KALA,
NA APO @ ALA
NA KAWELE holoi @ima,
NA O DALA o kela a me keia auo, a me na mea nani e awe no he nui wale.
E kuaiia aku ana no
Ma ke kumukuai haahaa loa i ko
na wahi e ae o ke taona nei.
UA MAKAUKAU NO HOINA
mea nani no kanaka makua
a me na kamalii.
Na Kamaa Paa Loa,
e loaa no maanei e like me ka
makemake; a ina e loaa
koke ka ino, he hiki
no ke hoihoi mai.
M. McINERNY
Kihi o na Alanui Papa a me Kalepa. 773 @ 787
Lole Makepono ke Kuike!
E LOAA NO IA MA KAHI O
KAKELA ME KUKE,
E LAA NA
AHINAHINA,
KALAKOA,
KEOKEO,
LEPONALO
Pena, Aila, Aniani,
Na mea Piula,
Kopa, Aila Hon@a,
Aila Hoomaloo
Kui Kakia, Pakeke,
Tabu, Kaula, Noho lio,
Hulu-@alaki, na Pulumi.
A he Agena no hoi no na Mokupuni o Ha-
waii nei no na
LAINAKINI-NAO,
LAINAKINI-MAOLI,
PALULE KALAKOA,
ALAPIA, KELEPA, KILISA,
Na Lole kupono i ka wawae,
Palule Huluhulu,
Na Lole Huluhulu,
Na Lole no ka hoohehelo ana
Lipine, lihilihi, a me ia mea’ku
---A HE---
MAU MEA AI KAHI
Ka Palaoa, Kopaa,
Raiki, Pia, Hoohu,
Paakai, Huaala,
Pia Kulin@ &c.
---A HE---
LAAU LAPAAU KAULANA LOA
A Dr. JAYNES.
Laau Ku@,
Laau Hoomaemae Koko,
Laau hoopau naio,
Penikila, Huaale,
A me na Laau H@, a pela’ku
759 ly 811
Ua nui na Mea Maikai ma keia Hale, Maka-aniani, Waki, Waki,
KAULA WAKI DALA, KAULA WAKI GULA, PU, PU, PU, NA PU WAHA-LUA, NA PU Waha-kahi, Paula, Paula, Lu, Lu, o na ano a pau. Kukaepele Pu, Kukaepele Pu, Haila @, Kui Lopi, Aila, a me na mea a pau no na Huila. Na mea Gula Maikai. Pihi Palule, Pihi Lima, Kula Pepeiao, o kela ano keia ano, Pahi, Pakeke, Upa, Upa, Hale Manu, Kanana Ti, Kanana Kope, Eke LiiPii a me na Eke Nui, etc., etc.
EMI LOA NO KEIA MAU MEA A PAU NO KE KUAI KUIKI.
A.L. KAMIKA Opio
Helu 73. Alanui Papa. 750 2m 787
KA AILA BALAKI A PINKHAMA!
---HE MEA---
OLE KA WAI I KEIA AILA HAMO!
Palupalu Maikai na Ili Hooluu.
Ke noi haahaa ia’ku nei oukou, e hoao iho i keia
Aila Balaki, Hamohamo Palewai, Hoopalupalu Ili.
E kuai a e hoao i na Buti, Kamaa, Ili Kaao Kaa, a i na mea ili hooluu e ae paha i loaa ia
oukou. Ua lana loa ka manao, ina oukou e hoao ana pela, e mahalo ana oukou, a hoomaikai aku auanei me ke kanalua ole Ina e hamo pinepine ia i keia
AILA BALAKI HOOPALUPALU ILI,
E mau no ka palupalu maikai o na ili, me ka makaka ole. Aole hoi no ka wa ua wale no e pono ai keia Aila, aka, no ka wa la kekahi. He 50 keneta no ke tini.
Aila Inika Balaki Hoomau Ili a PINKHAM.
He mea maikai loa, i hanapaka maoliia no ka ho opalupalu ana i na ili kaa lio, na kaulawaha lio, na noho lio, a pela aku. E hoao oe – Kumukuai no ke kini 75 keneta.
Na Olelo Mahalo.
Hilo, Nov. 5, 1875.
Ua hoao pono wau i na Aila Hamo Kamaa @ ae, a ua hoao pono no hoi i ka Aila Hamo Balaki a G.S. Pinkham; a ua hiki ia’u ke olelo me ke kunalua ole, o keia Aila ka helu akahi, a me ka oi o ka maikai, o na Aila Balaki a pau a’u i hoao ai.
A.O. FORBES.
Ua hoao maua i na Aila Hamo Kamaa a G. S. Pinkham & Co., a ua oi aku ka maikai mamua o na Aila Hamo Kamaa mai na aina e mai.
R. A. LYMAN,
S. KIPI.
Hilo, Nov. 10, 1875 Kiaaina o Hawaii.
Hilo, Nov. 10, 1875.
Ua hoao pinepine au i na Aila Hamo Kamaa a G.S. Pinkham & Co., a ua manao no au oia ka Aila Balakai Kamaa maikai mamua o na aila e ae a’u i hoao ai mamua, a he oiaio keia.
C.K. HAPAI.
Hilo, Nov. 10 1875.
No ko’u ike oiaio loa o ka Aila Hamo Kamaa a G.S. Pinkham he Aila maikai loa no ka Hoowaliwali i ka ili.
D. KAMAI.
Hanaia e G.S. PINKHAM & Co., ma Hilo, Hawaii.
E kuaiia aku no e BOLLES & Co., Agena, ma Honolulu. 780 3m 791
KA HUNT’S LAAU OLA
(HUNT’S REMEDY)
HE LAAU LAPAAU HOU, MAI AMERIKA MAI!
He Laau Maikai keia no
Na mai pehu o ka opu,
Na mai o ka puupaa a me ka opu mimi,
Mimi-paa, Mimi-eha, Mimi-helelei,
Ka lepo gravel iloko o ka opu-mimi,
Ka mana ole, kapalili, hui ono ole ka ai.
Na Mai Wahine,
NAWALIWALI O KE KINO,
LEPO ULA ILOKO O KA WAI MIMI,
MANOANOA PAHA KA WAI E like me keokeo o ka huamoa,
Like paha me na kaula silika keokeo, eleele, lenalena paha; a i ole ua like paha me
ka lepo i anaiia i na iwi keokeo, a i ka mimi ana, ua wele oioi ka
mai, me ka eha nui o ke kikala a me ka puhaka.
HE NUI NA HOIKE e ola nei, ka poe i hoohia i keia mau mai i haiia maluna ae ua pau lakou i ke ola maikai, no ka inu ana i ka
HUNT LAAU OLA, (“HUNT REMEDY)!”
UA HAAWI mua ia keia laau, e kekahi kahuna lapaau naaoao, i ke kanaka @pehu o ka opu, e noho ana me ka ohana a Mr. Hunt; John Hunt kona inoa, he 45 kona mau makahiki, he kanaka nui poepoe, ua loohia i ka mai pehu. Ua haawiiia kela me keia laau no keia mai, aole nae oluolu; ua mahuahua mau kona pilikia, ua pau loa ke kino a me na wawai i ka pehu; ua kokoke paa loa ka mimi; kokoke pau loa ka hana ana; a na mahuahua loa ka wai iloko o ke kino. Aole hiki iaia ka moe ilalo ma ka moe, nolaila, ua noho wale no iluna i ka po a me ke ao. Pela mau hon@ popilikia a hiki i kona hoao ana i keia laau, a ke kahuna i kuhikuhi mai ai. A i kona inu ana i keia laau, ua hoomaka koke ke oluolu. Ua paipai koke ia na puapaa i ka laua oihana; ua puka hou ka wai mimi a nui wale; na emi koke mai la ka pehu o na wawae; a ua oluolu hou ke ake-mama i ka hanu ana; ua ol@olu a maikai ka io o na lala, a e hoi nui mai a ua ke ola maikai, alaila, me ke kuhihewa, na waiho oia i ka laau i kekahi mau la. Ua pono ole nae ka waiho ana ia manawa, no ka mea, aole i ola io maoli kona mai pahu. Ua molowa hou, ua puupae i ka laua ci@, a ua mahuahua hou ka wai iloko o ka opu, a ua popilikia hou a like me mam@a. Alaila, ua inu hou oia i na laau la, a ma kahoomanawanui ana, ua lanakila hou auanei maluna o ka mai, a ua ola io maoli, @ ka hoomaka hou ola i kana oihana mawaho o ka hale.
Oia ka lapaau mua a@ me keia laau; e mai ia wa mai, (he 25 makahiki) ua he hanaia keia laau e like me ka hana ana o Mr. Hunt, a ua haawi na kahuna lapaau i keia laau i ka poe mai pehu a me na mai like.
Mai ia manawa mai, ua ikeia, a mahaloia hoi keia laau, mai o a o, e na kanaka, a ua inu ia hoi ma ke ao ana a me ke ao ole ana mai o na kahuna lapaau; oia ka mea i hoola mai i na kanaka @ nui, ka poe pilikia i ka mai pehu, a kokoke i ka make.
Na kuhikuhi no ka inu ana:
E INU I KE PUNA TI PIHA, a hala na hora 4, alaila, e inu hou. E mahuahua liilii nae a hiki i elua puna ti piha – a hiki hoi auanei i p@ nui piha.
NO KE KEIKI hookahi makahiki a hiki i na makahiki eono, e haawi 5 kulu, a hiki i na kulu 20; eha hora nae mawaena o ka haawi ana.
KUMUKUAI, he $1,50 no ka omole.
DILLINGHAM & CO.,
775 3M 787 Na Agena no ka Pae Aina Hawaii.