Ka Nupepa Kuokoa, Volume XVI, Number 7, 17 February 1877 — Page 3

KA NUPEPA KUOKOA. ME KE AU OKOA I HUIIA.

 

Nu Hou o na Aina E.

Ku mai ke Zealandia.

Hehee wale ke kaua ma Europa.

Owai ka Peresidena?

            Me ke ku ana mai o ka mokuahi Zelandia i ka wanaao Sabati iho nei, iloko o na la holo 7 mai Kapalakiko mai, ua loaa mai ia makou na mea hou o Amerika ahiki i ka la 3 o Feberuari nei:

            Ua make ke kapena nona keia moku ma luna ae ma keia huakai i hoi mai nei, he elua la mamua ae o ke ku ana mai i Honolulu nei, a ua kanuia kona kino ma ka P*na o Nuuanu i ka awuina la Sabati iho nei, a ua @@@ ka hookele ana o ka moku i ka malama moku nui.

            Ua hoi mai maluna o keia mokuahi, kekahi mau kamaaina o Honolulu nei, oia o Hon. S.G. Wilder, Rev. H.H. Parker, T.R. Walker, E.C. Macfarlane, Z.S. Spalding, C. Poole a me kekahi poe e ae.

            NO AMERIKA HUIPUIA.

            No ke koho balota Peresidena o Amerika Huipuia, aohe mea i koho ia i poo no ia lahui. E hoopaapaa nui ana paha ia lahui no ka mea e lilo ai ka noho Peresidena. O ka la e heluia ai o na balota o na elele a kela a me keia mokuaina i hoouna mai ai e hele i Wasinetona, oia no ka Poakolu alua o Feberuari i hala koke iho la. Ma ia la e hoi mai ai ka Hale Senate i lalo o ka Hale Lunamakaainana, alaila noho mai ka Peresidena o ka Hale Senate e hoomalu a nana e wehe i na palapala hookohu o na elele koho Peresidena me ke ku pa mai o eha mea helu balota, oia hoi he elua no ka hale mai o luna a he elua no ka hale o lalo. A ma i ka wa e kaheaia ai na elele ma ua mokuaina la, ua kue ia kekahi elele no ka pono ole, alaila, hoi ka hale o luna i kona hale iho e noonoo ai a noho ka hale o lalo e noonoo. Ina e like na hale elua i ka hoole, alaila hoole ia. Me he mea la, e hooleia ana ka helu ana i na elele o Ferolida no ka mea he elua mau papa o na elele mai ia mokuaina mai, a e hele ana paha keia ninau imua o ke komite he umikumamalima lala o na ahaolelo elua, elima Repubalika a he elima Democarata a me elima lunakanawai, oia he elua lunakanawai Democarata a me elua lunakanawai Repubalika, a hookahi lunakanawai ku i ka wa.

            Ua hele o Wasinetona a piha i na makaikai o na aoao elua. Aole hotele i koe, ua hele nae a kumeki. E hala ana paha he mau pule mamua o ka ikeia ana o ka mea i koho io ia i Peresidena.

            Ua ku ae ma ke awa o Norfolk, Vireginia, Amerika Huipuia ka moku kaua Rukini Svetland, o ke Duke Nui Alexis, ke keikikane alua a ka Emepera o Rusia oia ke kapena. Ua lele ae oia i kula e ike ia Baron Shish kin, ke Kuhina noho o Rusia. Aia pu no hoi maluna o keia moku, o ke Duke Nui Constintine. Ua kokoke paha e 18 ona mau makahiki. O keia keiki alii, oia ke keikikane alua a ke kaikaina o ka Empera o Rusia a Alihikaua nui hoi o na koa o Rusia i hoouna ia ai ma ka hema e noho alakai i ka wa e kaua ai o Rusia me Tureke.

            O ke Kiaaina S.B. Packard o ka mokuaina o Lousiana, ua hoolohe ole ia kana hoomalu ana e ka hapa nui o na kanaka o ka mokuaina kahi ana e noho la, nolaila, ua lawe kekahi poe i na hale oihana aupuni a noho alii iho la, oia no ka poe Democarata, no ka mea, ua manao lakou, ua puka ka lakou Kiaaina i ka wa a lakou i koho iho nei, a na ka hana apuka i hookekee i ko lakou noho mana ana. Kupanaha ka hana ma kela aina naauao nui wale.

            Ma ka halawai hope loa a Moody, kela haole haiolelo kaulana, i malamaia ma ke kulanakauhale o Kikako i ke ahiahi o ka la 16 o Ianuari, ua hele kela hale a piha loa. A i ka pau ana o na hana, ua hapaiia he lulu dala no ka aie o ka Ahahui opiopio nana i hapai i ka lawe ana ia Moody i Kikako. O ka nui o na dala ia lulu ana he $67,000.

            I ko ke Kiaaina Tilden waiho ana i kana mau hana ma Albani, Nu Ioka, ua hoi oia i kona home nani ma Gramercy Park, kulanakauhale ponoi o Nu Ioka. Ke nana aku i ka nui o kana mau hana i na malama i hala aenei, aole no i ano maluhiluhi iho. Ke hoomau oia i ka mahele piha o kona ano mau he ohaoha i ka wa e piha malihini ai kauhale. Me he mea la iloko o keia mau la, aole paha he kanaka i oi ae ke kipa pinepine ia aku e ka poe makaikai elike me ia. He makemake loa o Tilden e ai a piha i ka paina awakea a oi loa aku ina he mau hoa maikai kekahi e ai pu me ia. O ka mea mau iaia, aole oia e noho e ai ma kona papaaina me ka loaa ole o na hoa-ai, a o kona poe hoa-ai, aole ia o ka poe kulana ano haahaa, aka, o ka poe kaulana o ka aina. Nolaila, ua hoano okoa ia keia kanaka no kekahi oihana kiekie. O kana punahele o ka manawa noho wale o ka holoholo lio, ke malama maunei no oia i na la a pau ina he ua a he malie e kau ana no maluna o ka lio, a ikeia maloko o kona pa nui a ma ke alanui paha.

            UA HAULE pu wale na koi ana a ka aha uwao a na aupuni naauao eono o Europa i hoouna aku nei i ke Soletana o Tureke e ae wale mai i ka lakou mau kumu i noonoo e ae, mamuli o ko ke Soletana ae ole ana mai i ka lakou mau kumu, a ua hauleia aku na Komisina uwao a ua mau aupuni la a hoi aku la me ka nele. A o Rusia hoi keia, ka mea nana ka haiolelo kaulana i olelo ae ai ina aole e aeia kana mau koi alaila e hana @@@ ana ia, aole ma i hooko aku, aka, ke ku pu wale nei oia i keia manawa. Aohe ona i hoopau loa i kona manao kaua, no ka mea, i keia wa, ke ** nei no oia i na koa, ke p*kau la no, aka, o Tureke, aole oia i hopo i ka nui o Rusia. Ua kukulu aenei o Tureke iaia iho i aupuni Kumukanawai, ua noho he ahaolelo, a ua konoia he mau Kiaaina Karistiano ma kahi lehulehu o na Karstiano, a ma keia wa e kau like ana kona mau makaainana ma ke kulana hookahi ma ke ano koa a kivila.

            Ua hoolaha ae ka nupepa Manawa i kekahi heluna o na kanaka o ke ao nei i hoomakaukauia i kela a me keia makahiki e na Kauka Behm a me Wagner, a mai loko mai o ia mau huina i ikeia iho ai, o ka heluna o na kanaka o ke ao nei i ka 1876, he 1,423,917,000 mailoko oia heluna, he 308,188,000 e noho nei ma Europa; 824,000,000 e noho nei ma Asia, a o ka hapalua o keia huina he mau pake no ia. O ka heluna o na kanaka o Amerika Akau a me Hema, ke hui puia na kamaaina, he 85,000,000. O ka heluna o na kanaka o Aferika, ua kohoia he 199,900,000.

 

HALELEIA I KE ANU.

            E haohao ana paha ko makou poe heluhelu ke lohe aku, ua hoole mai nei ka Ahahui Hooholo Mokuahi o ka Pakifika i ke kipa ana mai o na mokuahi ma ke awa o Honolulu, a ua unuhi aku me ka manao e hooholo loa aku no mai Kaleponi a Fiji, a pela no ma o mai. Nolaila, aia a lalau mai kekahi ahahui e hooholo i laina holo malama mai Kaleponi a i Honolulu nei, alaila, e ahona no kakou, aka, ina aole, alaila, e hoi hou no kakou i ka wa kahiko, oia ke kali aku i na moku pea.

 

            He Ahaaina la Hanau.

            E KA NUPEPA KUOKOA; - Aloha oe:

            Ma ka la 23 o Ianuari aku nei, ua malama ae o Mr. J. Keaweahawaii a me Mrs. Julia Keaweahawaii i ka la hanau o ka la ua kamalei; ma ka hoala ana i "Ahaaina," a ua nui na hoa i hele mai e launa pu me laua ma ka papaaina. I ka nana ana i na mea i hoolakoia, ua maikai no, aohe mea a ka naau e kaluna ai, oiai, ua imi ia na ono apau i kupono i ka ii a loko.

Mamua ae o ka hoomaka ana e paina, ua ku mai ka mea nana ka ahaaina a hoakaka nmai i ke ano o keia wahi paina; apau ia noho iho la ke anaina e hoopiha i ka lua o ka inaina. Ma ka hora 3 o ka auina la, ua hiki mai la ka Lunakanawai Apana o Kona Akau nei, o Mr. J.G. Hoapili Esq. a me ka hope Makai Kamakainai a ua lulu lima pu me na mea nana ka papaaina. He mau mele a me na himeni ka i hana ia mahope iho o ka pau ana o ka paina ana.

            A ma ka hora 7 o ke ahiahi poeleele, ua malama ia he hulahula haole, na J.G. Hoapili a me Keaupuni, ua mai ai no lakou.

            A ma ka hora 9 paha o ka po, ua hookuuia ke anaina. Me ka mahalo

J.K. KAEHULIKI

Holualoa, N. Kona, Feb. 3, 1877.

 

Na anoai o ka malu Ulu o Lele nei

            Ma kekahi mau la iho nei o Ianuari, ku ai aku la o Keawe, i kekahi loi-kalo ma Paeoha, mahope oia wa, pii aku la o Hoope e uhuki i ke kalo, loaa aku la kekahi kalo nui iaia, ua puka maluna iho, malalo iki iho o kahi e pili ana i ka huli; e kuhi ana kona manao he popo la, hopu iho la nae ia i ke kalo a hoomoni ae la, uwe ae ana keia leo popoki liilii, manao iho la no nae keia aia no kahi e aku, oia uhuki no ko i*** a hemo, hoolei aku la keia ma kapa, ia wa oili liilii aku ai he 5 mau popoki keiki, aole i kaakaa na maka, aole nae i ike ia ka makuahine, a no ke ano pihoihoi loa o Hoope, me kona manao he popoki aku no koe kipopo kela i ke kalo a palahe, nolaila, aole i ana ia ka nui o ke kalo.

            Ma ka wanaao Poakolu Ian. 31, halawai aku la o Kahananui me Makae, puanuanu maoli keia kakahiaka, ae. hoea maila hoi o Bob, oia olelo hookahi no, ninau aku la o Kahananui heaha kela mea kloko o ko olua mau maka, i hopu ae ka hana o Makae i kona, a hopu uo hoi o Bob i kona, eia ka o ka ohu oia kuahiwi, ua hele a paakiki anu io no, ua like me ekolu-hapaha iniha ka loihi, ka i nohoi oia wale iho la no, eia no ka hoi o Aarona kekahi, ninau aku la o Maui ia Aarona iaha ia ko lehelehe? hai pololei mai la no o Aarona ka, kai nohoi i pelu aku au i kuu lehelehe, aia paha a ua Nohinohiula i ike mai, anu io no ke hele ala a li ka io i ke anu o Makawao.

            Ma ka Poakolu Ian, 31, i kuai kukala hou ia'i i ka Laikini Awa i lilo ai ia Kipikona mamua aku nei, a eianei ia Kia Nahaolelua, no $301 dala kuike, a oia ka eleu o na hale kuai hoopupuka kino o keia Kulanakauhale. Nolaila, e naue ae e ka poe makemake e like ka ili me ko na Mano.

            Ma ke Sabati Ian. 28, lou mai ana o Hapa la ia'u a kuhi ae la na lima iluna o ka PAPA HIMENI i nana aku ko maua hana, ua an h @@kekee na wahine o ka papa himeni e nui ana ka nuku o kekahi, e hookokoe ana ka maka o kekahi, e pihana ana ka iho o kahi iluna o ka lae, a o ka olohewa mau no ia o ka himeni. E auhea oukou e na puukani o ka papa himeni o Waihee, mai hele paha oukou ilaila e h@pu@punalua ai i ka hale i @@@hia no ke Akua. Pela no i kahi manawa, ina no e pane oolea aku kahi kumu, o ka hookee ino la no ia, aohe e pii iluna i ka himeni, pela no hoi na keiki kane aohe mau ohana kanohonu eae, elike me ka oihna Kahunapule, a me ka oihana Himeni, he lalo loa na oihana e ae. Nolaila, e makaala e na Boys a me na Girls o Lahaina nei i ka hana maikai, hanohano na helehelena ke nana aku. Me ke aloha.

            S.K. KAIHUMUA.

            Paionia Wili, Ian. 30, 1877

 

            KA MEA HANOHANO J.E. BUSH; Aloha

            Ua makemake au e ukali hele mahope o kau huakai, aka, aole nae e hiki no kuu makemake e hakilo pono i na helehelena o kau mau hana. A ma ko'u ukali pokole ana aku i kau huakai, ua loaa mai ia'u kekahi mau hiohiona o kau kaapuni aina ana. Oia keia: He alii aihue puuwai oe, o ka lehulehu, o na manao o na makaainana, ua pau i ka ili ia ma kau hana maalea, he nui ka piha hauoli o na makaainana no na huaolelo i luai ia mai kou waha mai.

            Aole oia wale ka mea nana e huki nei i ka manao o ka lehulehu. Eia kekahi: O kou waiho ana i ke ano hanohano, ame ke ano alii. O ke kino ano elemakule, oia kau e poai hele nei i waena o ka lehulehu, elike me kau i haiolelo ai ma Anahola, aole i hiki mai ka manawa e alii ai ke Kiaaina o oukou. He olelo oiaio kela, pela no hoi o Iesu i hele mai ai i ke ao nei, o ke kino ano kauwa, oia kana i hele mai ai, a no ke kupono ole oia ano kino i ke Keiki a ke Akua, nolaila, ua hoohewahewa ko ke ao nei iaia. Oia ka mea i make ai o Iesu ma ke kea. No ka mea, o kona ano alii a me kona ihiihi, aole he mea e ku imua ona. Nolaila, ua lawe mai oia i ke kino ano kauwa kuapaa i hiki ai iaia ke kipa ma kahi o ka poe ilihune.

            Elike me oe i lulu lima ai me ka luahine ma ke alanui, he mau hiohiona ia e uhai ana mahope o ko kakou Haku, ina paha o ke ano alii kau e hele mai nei, ina aole e hiki i kela luahine ke apo mai i ka lima akau a ke aloha o ke Kiaaina keia ola, ka hune ola no hoi na iwi o ka lahui Hawaii.

            Ua noi aku au i ke Akua e haawi mai ia oe i keia mau mea: O ka naauao e hiki ai ke hoomalu i kou poe makaainana, Iobs 28:28. Penei hoi o Solomona 21:22, O keia ike kau i manao ai, oia ka ike e hiki ai ke hookele i ke aupuni i ke ola mau loa. Oia ike ka Daniela i hele ai e wehewehe i ka ninau pohihihi. Dan 5:25, Ina loaa mai ia ike ia kaua oia ka ike e hiki ai ke wehewehe i na mea huna a ke Akua.

            Oia na ike e hiki ai ke wehe i na lumi liilii o ka naauao. Nolaila, he nui ko'u olioli ina e loaa ia oe. Na ke Akua e malama ia oe, a e kokua mai i kou hooponopono ana. Na kou makaainana haahaa loa. R. PUUKI.

            Waioli, Kauai, Feb-1877.

 

HANAU.

            Ian. 7, 1877, ma Kawela, Koolauloa, Oahu. Hanau o Iosepa Nepoa, (k) na Naulaula k, me Keliiheleole w. O ka 12 ia o ka laua mau keiki.

            Ian. 14, 1877, ma Malaekahana, Koolau, Oahu. Hanau a make, he keiki kane, na Kaui k. a me Aeae w.

 

Kapu na Kuleana ma Moanalua.

            O makou o ka poe nona na inoa malalo iho nei ke hookapu, a hoomalu aku nei makou i ko makou mau kuleana malalo iho, e waiho ana ma ke Ahupuaa o Moanalua. Eia na inoa o na kuleana, o Kumuulu no Moana. Paahao. Pauiki, Kuamakahiki, Aipuaa, no Kaanaana; Mokulama no Koki; Umi no ka mai; Analoa no Pama'i; Kapahu no Kumalae Kukoa a me Kaikainalii; Kanenelu no Kahapalani; Kiao no Kane; Kealapii no Kulaamanu; Mookahi no Pakele; Inaikolea no Hapuu. Uma, Kapahi a me Kawaihae; Polelma no H.; Muliwai no Lelehana; Wao no Kalai; ke hoomalu aku nei makou i ka holoholona bipi, lio, hoku, &c, e hele ana e hahi a hoopilikia, a hoopoino i na mea kanu, kalo, maia ko, uala, &c. E like me na olelo hoomalu, a hookapu, a ke konohiki; a pela no hoi ke konohiki o ke kula, a pela no hoi makou e hoomalu aku nei i ko makou mau apana mahiia. Ke papa aku nei makou aole hoopoino, a hoopilikia i na mea i hoikeia maluna. E lilo nae keia mau olelo i hoikeia maluna i mau olelo oiaio, i umi la mahope iho o ka puka ana ma na nupepa, a ina kue kekahi, alaila, na makou, no e hooponopono ina wahi e pili ana ia makou e like me na olelo i hoikeia malunaae. Na makou M. Kukue, Keoni, Ohule, Naluahi, Pahoa, M. Alexander, Aikake, Naloha, Kahau, Kaulunae, Meleuhana, Hoopii,

Moakalua, Feb. 12, 1877. 4ts.

 

            E IKE auanei na kanaka a pau ke nana mai i kela, ua kapu loa keu kuleana aina kalo, oia o Keaweloi, e waiho ia ma ke kahawai o Maunalei, mokupuni o Lanai, aole he kuleana o kekahi mea, a mau mea paha wale a mahi i kekahi loi a mau loi paha maluna o kuu ai; na i kai la ae la maluna. koe nae kuu kanaka a'u i hoonoho aku ai, oia o W. Apihi. O ka mea a mau mea e kue ana i keia olelo hoolaha, e hoopii no au ma ke Kanawai,

DANIEL PAAHAO.

Makawao, Maui, Feb. 9, 1877.           734 1t*

 

            O WAU o ka mea nona ka inoa malalo ke hoike aku nei au ma keia hoolaha, oiai ua haalele mai kuu wahine mare o KAINU AMANA, a ua lilo ia mahope o kona makemake i ka puni lealea, me kuu malama pono ma ke ano he kane a he wahine, a ua haalele mai oia ia'u me ke kumu ole o kou hewa, me ko'u hana ino ole ia ia, ua kii aku au e hoi mai, a ua mahuka hou ma ka la 27 o Ianuari. Nolaila, aole loa au e hookaa i kana mau aie, i aie ai ma kuu inoa. W. AMANA (pake).

Waimalu, Ewa, Feb. 1, 1877.  T92 4ts* 795.

 

            OIAI ua hookohuia mai ka mea nona ka inoa malalo iho i Lunahooponopono Waiwai no FREDERICK el WELCH o Wailuku i make, nolaila ke kauohaia aku na na mea a pau ina he mau koina ko lakou i ka waiwai o ka mea i make, e hoike mai ia'u iloko o eono malama mai keia la aku, ua olelo ka Lunahooponopono no ka manawa ma ka Hawaiian Gazette o Ianuari 3, 1877, o ka eono malama e pau ana i ka la 3 o Iulai 1877, a i oleia e hoole loa la; a o na kanaka i aie i ka mea i make e hookaa koke mai ia H.W. DAIELS.

Lunahooponopono Waiwai o F. Welch i make.

Feb. 8, 1877. 794 4ts 797.

 

EIA ILOKO O KA PA AUPUNI I HEEIA, Koolaupoko nei hookahi lio i laweia mai, ke ano me ka hao. Lio k. lokia i kuniia i ka hao M 2 me ka HP malalo, uha hema. E kuai kudala ia ana ke hiki aku i ka la 17 o Feb. oia ka Poaono, hora 12 awakea. P. KAHUHU.

Luna Pa Aupuni o Heeia, Koolaupoko. 1ts.

 

            UA LILO A NALOWALE MAILOKO AKU O ko'u mau ukana i kiolaia e ka Ekalesia o Kaiuana, he Ekolu mau Bila Dala. He $100 pakahi ma keia a me keia Bila. O ka helu nae o ia mau Bila, aole i paa ia'u, ua poina, eia nae kahi hoailona iki e maopopo ai. Aia ma ke kihi hema malalo, ua oki lihi kepa ia, e like me ka mea i ike mau ia ma na Bila Dala. Ina ua loaa, a ua ikeia e kekahi mea, e hoike ae, a i ole, e hoihoi mai no ia'u. E. KEKOA.

Waikahalulu, Honolulu, Feb. 16, 1877. 1t *

 

            E kuai kudalaia ana ma ke akea na lio hele hewa ma ka pa aupuni ma Waiawa, ewa, ke hiki aku i ka Poalima, Feb. 23, hora 10 A.M. 1 lio k. ulaula laekea, elua wawae keokeo hope, hao ano e ma ka uha hope akau, B uha mua, P A uha hope hema. 1 lio k. hulupala laekea, ekolu wawae keokeo hao hapala. 1 lio w eleele, aohe hao. 1 lio k. hauliuli. aohe hao. 1 lio k. eleele laekea. hao uha mua ak. 1 lio k. kalakoa ahina, aohe hao. 1 lio w. eleele laekea, eha wawae keokeo, hao (E) uha hope hem. elua keiki. 1 lio k. ulaula laekea, elua wawae keokeo hope, hao A F uha hope ak. 1 lio k. ulaula laekea, hapala ke hao. 1 lio k. hulupala hauliuli, aohe hao. 1 lio w. hulupala laekea, elua wawae keokeo hope, me ke keiki keokeo, hao I uha hope ak. 1 lio w. ahinahina, hao ano e hope hema. 1 lio w. ohi hulupala laekea, hao ano e uha hope hem. 1 lio w. ulaula laekea, ekolu wawae keokeo, hao I I uha hope ak, hao ano e uha mua. hapala uha hope hem, me ke keiki. E kii mai i keia mau la.

            J.S. KAANAANA.

Luna Pa Aupuni o Waiawa, Ewa. Oahu.

Feb. 15, 1877. 1t*

 

E IKE auanei na kanaka a pau ma kela, ua hoopauia o Kimo pake mai ka noho malama hale kuai ana o GOO IM & CO., ma Kapaau, a me Apuakohau, Kohala, Hawaii. Nolaila, ke kauohaia aku nei ka poe a pau i aie iloko o ka hale kuai ma Kapaau, e hookaa koke ae ma ka lima o Pahana pake; a o ka poe i aie ma ka hale kuai ma Apuakohau, Kalopihi, Kohala, e hookaa koke ae ma ka lima o Afong. Ina o ka poe i hookaa ia Kimo pake e poho ana lakou. O ka poe i aie mua ia Kimo, e hele ae me laua e hooponopono ai, a e hoemiia no ko lakou huina aie mua, ke hookaa koke aku. He oluolu no hoi ke kuai ana i keia manawa. GOO KIM & CO.

Honolulu. Feb. 2, 1876. 792 1ms.

 

AINA WAIWAI NUI

A ME

Ka Aina Kula!

Ma Koolaupoko, Oahu.

            Mamuli o ke kauoha a C T Gulick Esq., ka Luna Hooko Kauoha o H H Sawyer i make, e kuai aku no au ma ke kudala, ma ka

POAONO, FEBERUARI 17

i ka hora 12 awakea, ma kuu Hale Kudala, i ka Aina Waiwai nui o ka mea i make, e waiho ia ma Koolaupoko, Oahu, a i hoikeia na palena malalo iho:

            Ka mea. - Kela apana aina e hoomaka ana ma ka Lae o Waikane, e like me ka anaia ana e C J Lyons, a i kapaia aina helu 2, a e holo ana

Akau 58. 30' Komohana 100 kapuai

Hema 72. 0' Komohana 1728 kapuai

Hema 8. 30' Hikina 888 kapuai

Akau 55. 40l Hikina 925 kapuai

Hema 40. 50' Hikina 455 kapuai

Akau 53. 50' Hikina 615 kapuai

Akau 24. 35' Komohana 632 kapuai.

            Nona ka ili he 31 8-100 eka.

            Me na hale a pau maluna iho a me na hana hou e nu la oia hoi he hookahi hale laau 5 keena, he keeka paina a me ka hale kuke, he hale papaa a hale ku waho; me na lako a pau e pili ana, oia hoi na moe, papakaukau, na noho a pela aku.

            O kekahi hapa o keia aina he 16 eka paha eka, aia malalo o ka hoolimalima no 5 makahiki mai Ian. 1, 1875 mai, oia hoi he 3 makahiki i koe, ma ka $130 o ka makahiki, e uku mua ana i kela a me keia hapalua makahiki. Kokoke e pau loa keia aina i ke kupono no ke kanu raiki, oiai he wai e lawa pono ai no keia hana, a he manawa pono keia no ka poe kanu raiki. E kuaiia aku ana keia ma ke kudala hookahi ana i ka aina na hale a me na lako hale.

            Aina Helu. - Oia kela aina Kula waiwai nui, ka il o Waiahole, Koolaupoko, Oahu, a i hoike pau ia na palena ma ke kii o ke anaia ana e C J Lyons nona hoi na eka he 225, me na hale a me na hana hou a a pau maluna iho. Aia ma keia aina, he mau kahawai, a o kekahi hapa kupono no ke kanu ko, laiki a kope paha. O ka aina mauka, ua paa pono i ka wahie, a o ka aina kula, aia no ke waiho maikai la.

            E kuaiia aku ana keia aina me na hale i ka wa hookahi. Maikai ke kuleana. E ikeia no ke kii o ka aina ma ka Hale Kudala. A no na mea i koe e ninau ia C T Gulick. a i ole ia E.P. ADAMAS, Luna Kudala.

790 4ts 793

 

Kuai Kudala o ka Hoolimalima

O KA

Aina Lei Alii!

            MAMULI O KE KAUOHA A NA Komisina o ka Aina Alii, e kuai aku no au ma ke kudala, ma ka

POAONO, - MARAKI la 3,

i ka hora 12 awakea, ma kuu Hale Kudala i ka Hoolimalima o ka Aina Lei Alii, nona ka inoa Keaau. e waiho ia ma ka Apana o Waianae, mokupuni o Oahu, nona eka he 2431 ka nui, a no ka manawa he

UMI MAKAHIKI

ka loihi, e hoomaka ana mai Sepatemaba 1, 1877 aku.

Uku hoolimalima kiekie,

            $150 no ka makahiki!

a me ka hoolimalima o ka Loko-ia me ka aha Kula, e waiho ia ma Wailupe, Kona, mokupuni o Oahu. no Umi Kumamalima Makahiki ka loihi.

C.S. BARTOW.

Luna Kudala 793 4ts 796

 

ANOANO KAPIKI,

E loaa no ke kuai ma ka Hale Kuai o H.M. WINI. 793 3ts 795

 

KUAI MAKEPONO.

MA KA

Hale Kuai Buke o H.M. Wini,

Oia na waiwai o keia ano:

Na Buke Waiwai,

Na Buke kakau moolelo,

Na Buke liilii pakeke,

Na Buke Hoomanao o 1877,

NA LAKO KAKAU.

Na Pepa kakau,

Na Kanana Loio,

Na maka Sila a me na Peni,

Na Inika eleele a ahiehie,

Na wahi Leta.

Na mea hoonani o na wahine.

Na Pine umauma,

Na Kula Pepeiao pilali.

Na kii a me na laau kii.

E kuai manuahi loa ia ana keia mau mea a pau, a o ka poe e kuai ana, e koa ana he hapaha mai kela a me keia dala a lilo ana malaila,

H.M. WINI 793 1m 794

 

OLELO HOOLAHA.

O WAU o ka mea nona ka inoa malalo iho, ke hoike aku nei au ma keia hoolaha oiai ua haalele mai ia'u ka'u wahine mare, o Kaulakeahi Kaipo Brown. i ka ai a me kahi moe, me ke kumu kupono ole; aole loa au e hookaa ana i kana mau aie, i aie ai ma ko'u inoa.

WILLIAM BROWN.

Koloa, Kauai, Aug. 24, 1875. 771 6m 7947

 

KE KAU LEO nei au i na kanaka a pau, i aie dala maloko o kuu Halekuai, e waiho ia ma Wailuku mokupuni o Maui, e hookaa koke i ko lakou aie ma ka aina o Akea pake kuu hope ma Wailuku. J. ASSEE.

744 2m 743

 

ALANUI HOU!

            I kulike ai me na hana hou e hapaiia nei e ka Ahahui Kapiolani e kokoke ia i Waikiki, ua hapaia ka neoneo ana e hooloihi aku i ka Alani Moi ma kona palena hema, i hui ai me ke alanui aekai alaila lilo i alanui makai no ka holoholo kaa ana o ka lehulehu. I mea e hookoia ai keia hana, ua manaoia o ka uku ana ma ka pakahi dala a keia a me keia kanaka oia ka mea e holo ai ia nana, a ua ae mai ua keonimana malalo iho i ohi i na dala ma ka luna o ka Puuku.

Jno M Kapena,

Duncan McBryde,

Thomas Brown,

Ira Rienardson,

Thrum and Oat,

Alfred N Tripp,

Winder & Co,

H A Widemann,

Jas I Dowsett

H M Whitney,

Edward B Friel,

Charles Long,

J G Dickson,

A Herbert,

W L Green,

Ed Furstenau,

C T Gulick,

E Strehz,

J A Cummins,

F S Pratt

Alex J Cartwright,

F A Schaefer.

A S Cleghorn.

Jas A Hopper,

John H Patv,

J C Glade,

Castle & Cooke,

W C Parke.

Afond & Achuck,

A McWayne,

E O Hall & Son,

E T O'Halloran,

H Cornwell.

J Moananui,

 

J.H. PATY, Puuku

791 4ts 794 H. MACFARLANE, Kakauolelo.

 

            E IKE auanei na mea a pau, o wau o ka mea nona ka inoa malalo iho, ke hoike aku nei au ma ke akea, ua haalele kumu ole mai kuu kane mai ia'u oia o Kame (Iapana) a me ko maua wahi moe, a ua malu aku oia ma ko maua pili ana. A nolaila, ke hoike nei au ma ke akea ua haalele kumu ole mai oia ia'u, ua ohi pu hoi i kona mau pono a pau a lawe aku ia me ia, a no ia mea aole na'u na ka wahine ka haalele mua, aka, na Kame no, a eia au ke hoko nei me ka pilikia, oiai, ua haalele mai keia me ke kumu ole, a ua holo malu aku la i Maui. Nolaila mai hookipa mai oukou ia ia, a hana pana i kekahi mea e kue ana mawaena o maua. MRS MIKALA KAME.

Kaliulalo, Honolulu, Ian. 23, 1877. 791 4ts 794

 

E IKE mai na kanaka a pau, owau o Kaaihuenui k ke kane mare e Lehuaokona, i hoolaha iho nei ia'u ma ka Nupepa Kuokoa. I ka haalele  o'u ia me kahi moe, me ka papa i na pake a'u i hoolimalima ai, aole e haawi mai ia'u i ka uku hoolimalima. Ke hoike aku nei au me ka oiaio, aole au i haalele ia ia me kahi moe, nana no i haalele mai ia'u iloko o na makahiki elua a oi, me ko'u malama ia ia, hele no i ke ko-ke a kana mea paahana, me ko'u kii aku ia ia, aole ae; o ka waiwai ana e papa nei he lalau ia, owau ka maua ma ke kanawai, na'u e hooponopono, a owai hoi kela iaia, nana i ao la ae? He hana pololei au a ike no oe i ka hua o ka aina. Ke hoi nei ke keiki o na pali hauliuli ua ahiahi, ke kani mai nei ke oeoo o Kukahoeio. KAAIHUENUI.

Kahaluu, Koolaupoko, Ian. 24, 1877. 791 4ts 794.

 

AHA Hookolokolo Kiekie o ko Hawaii Pae Aina. Ma ka hooponopono waiwai, ma ka waiwai o YOUNG CHEONG, o Honolulu, Oahu i make. Ma ke keena, imua o ka Hon. A.F. Judd, Lunakanwai Alua o ka Aha Kiekie. Kauoha e hoolaha i ke noi, e apono i na palapala hoike, hookaa ana a e mahele i ka waiwai.

            Ma ka heluhelu a me ka waiho ana mai o ka palapala noi a me ka papa hoike o Young Hee, Lunahooponopono Waiwaii o ka waiwai o Young Cheong no Honolulu i make e noi ana, e apono ia na hoolilo he $6,161.64. a e hoike ana, o na mea i loaa mai iaia, he $6,694.97 a e noi ana, e nana a apono ia kela mau mea. a e kauohaia e mahele i na waiwai e waiho ana ma ko laua lima i na mea i kuleana malaila, a e hookuu ana ia ia a me kona mau hope mai ko lakou noho ana ma ia ano.

            Ua kauohaia, o ka Poalima, la 23 o Feb. A D 1877, ma ka hora umi o kakahiaka, imua o ua Lunakanwai la, ma ke Keena, ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua noi la a me na papa hoike i oleloia, a o ka poe a pau i pili malaila, e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike i na mea i kuleana maloko o ka waiwai i oleloia. A o keia kauoha ma ka olelo Hawaii, e paiia maloko o ke Kuokoa, a me Hawaiian Gazette, he mau nupepa i pai ia a hoolahaia ma Honolulu, i ekolu pule mamua ae o ka manawa i oleloia no ka hoolohe ana.

Kakauia ma Honolulu ko Hawaii P A. Ian. 23, 1877.

A. FRANCIS JUDD,

Lunakanawai o ka Aha Kiekie.

Ikea: Jno. E. Barnard, Kakauolelo. 791 3ts 793.

 

E IKE auanei na mea a pau, owau o ka mea nona ka inoa malalo iho, ke papa aku nei au i ka poe mea wawiwai a mau hale kuai noi, mai hoaie mai oukou i kuu wahine mare, oia o HOOPII, no ka mea ua haalele kumu ole mai oia ia'u, a me ka maua keiki uuku. a me ko maua wahi moe. Ina o ka mea e kue ana i keia manao, alaila, maluna no ona kona poho, aole loa au e hookaa ana ia mau aie. K. MAHELE.

Kapaukolo. Ian. 27, 1877. 792 2ts* 793.

 

OLELO HOOLAHA!

KE KAUOHA IA AKU NEI NA HOA A pau o Company A a me ke Company B o ka Puali Koa Puwalu "Princes Own Corps" ma ke ahiahi o ka Poaono, oia ka la 17 o Feberuari o keia mahina, me ko lakou kahiko keokeo mai luna a lalo, no ka halawai ana a me ka paikau; a o ka poe hiki ole mai me ka noho aku me ke kumu ole, e hookuu ia aku no ia mai ka Puali aku.

KALAKAUA.

Mekia o ka Puali "Princes Own Corps."

Honolulu, Hale Paikau, Feb. 14, 1877. 4t

 

CECIL BROWN,

Loio a he Kokua ma ke Kanawai

A HE AGENA NO KA HOOIAIO ANA I NA Palapala no ka mokupuni o Oahu.

Helu 8 Alanui Kaahumanu. Honolulu, H.P.A.

 

WILLIAM R. CASTLE.

(Kakela Opio.)

Loio a me Luna Hooiaio

MA NA ANO HANA PILI KANAWAI A pau, e lawelawe koke ia me ka hikiwawe. Na Palapala Sila a me na Palapala pili aina o na ano a pau, e hoomakaukau ia no, a he Notari Hooiaio Palapala no ka lehulehu.

Keena hana, ma ke kihi o Alanui Kaahumanu a me Kalepa, Honolulu. (786 1y) (51)

 

KAUKA LEKA!

[DR. LATHROP].

OIAI UA HOI MAI NEI AU I Honolulu nei e noho ai, ua hapai hou ae nei au i ka'u Oihana. O ka poe e makemeke ana e lapaauia e a'u, e loaa no au ma ka Hale noho o Kapena Kano (SaoW), e pili koke ia i ka Hale Hotele Hawaii. 12-tf 778 2m 782

 

HE PAPA KUHIKUHI MANAWA HOLO

O KA

Mokuahi Hawaii

KILAUEA!

KAPENA MARCHANT!

Poakahi, Feb. 19 hora 5 pm.....No Kona

Poakahi, Mar 5, hora 5 pm.....No Hilo

Poakahi, Mar 12, hora 5 pm......No Kona

Poakahi, Mar 19 hora 5 pm......No Hilo

Poakahi Mar 26, hora 5 pm.....No Kona

            Ma na holo ana a pau a Kilauea i Koaa, e hiki loa ana oia i Honomalino, ma Kapalilua.

Aole kaapuni hou, aia a hai hou ia'ku.

            Ma na huakai no Maui a me Hawaii, e haa-ele ai ke Kilauea i ka hora 5. A ma na huakai o Kauai, i ka hora 4 P.M. Ma ka hoi ana mai, e haalele ai ke Kilauea ia Kawaihae hora 10 A.M. Makena e like me ka mea i hoolaha waha ia. Maalaea a hiki i ka hora 7 a.m. E hoolahaia aku ina e hoololiia ka manawa holo.

Uku Eemoku mai Honolulu aku,

A hiki i Kaunakakai peia mailuna mai.....$5.00

" Lahaina, " ".....6.00

" Maalaea, " ".....7.00

" Makena, " "......8.00

" Mahukona, " ".....10.00

" Kawaihae, " ".....10.00

" Kailua, " ".....10.00

" Kaawaloa, " ".....10

" Hilo, " ".....12.50

" Kau, " " 13.50

Uku kaapuni ia Hawaii....22.00

A hiki i na awa o Kauai.....6.00

Uku kaapuni ia Kauai.....12.00

Uku ohua Hawaii oneki.....2.90

Aole aie no na uku ohua.

Ma ka Hale Oihana e loaa'i na palapala.

Aole keena o hope e lilo, aia wale no a kaa mua mai ka uku moku. Aole e ili ka hewa no na paiki, ukana a puolo paha, ke ole e kakania ka loaa ana mai.

E hookaaia ka uku ukana i ka wa e noiia aku ai.

SAMUEL G. WILDER (Waila,)

Agena.

Keena ma ka Hale Kuai Papa o Waila ma, kihi o Alanui Papu a me Moiwahine. 788 2m 799

 

C.H. DICKEY (Kalekika).

LOIO!

MA HAIKU, MAUI.

UA MAKAUKAU E HANA PALAPALA Kuai. Palapala Moraki a me na mea a pau e pili ana ma ka Oihana Loio. 743 1y 794

 

J.M. Davidson,

Loio a kokua!

HALE Oihana, maluna ae o ka Hale Kuai Buke o Wini, ma ke keena i @@ @@ aina * iho nei e J W Au@@@. Ua makaukau oia e lawelawe i na hana o kela a me keia ano, imua o na Aha Hookolokolo a pau o kona Aupuni. 784 1yr

 

Richard F. Bickerton.

[PEKEKONA]

LOIO!

E KU LOIO no oia imua o na Aha Hookolokolo a pau ma keia mokupuni a ma na moku e ae, ma na hihia a pau. Ua makaukau oia i ka hana ana i na ano palapala a pau. E hoaie ia me na dala mai a iaia aku ma na moraki maikai a oiaio wale no, me ka ukupanee.

Keena Oihana ma Alanui Kalepa, Hele 23, ma ka hale maluna ae o Kauka Minuteole. 733 1y 308

 

KAUKA C.S. KITTREDGE.

KE HOIKE aku nei oia imua o ka lehulehu, ua hai mai nei oia mai Kaleponi a e noho ana ma Honolulu nei no ka lawelawe ana i ka oihana lapaau. O ka poe a pau e makemake ana i kana lapaau, e loaa no ma Alanui Nuuanu ma ka hale mauka iho o ka uapo o **ula. 783 2ms*

 

Ua makemake nuiia

ka aila Hua Koli e KAKELA me KUKE MA, a ua lakou e haawi i ke kumukuai kiekie. E waeis na hua kolu a maemae.

Ianuari 25, 1877. 791 3ms.

 

E.T. Halolani.

LOIO!

EIA HE $20,000 E MAKEMAKE ANA E hoaie aku ma ka ukupanee haahaa loa mai ka $200 aku a pii ae ma ka moraki ana i na aina. Ua hoomakaukau e no oia i na palapala aelike, hoolimalima, moraki a me na hooilina, a he hiki iaia ke hoomaikai i na aina loaa ole na Palapala Sila Nui.

            Hale Oihana, aie ma ka "Real Estate Exchange" Helu 31, Alanui Papu, Honolulu, malaila oia e loaa ai i na kanaka a pau, ina he mau aina kuai a hoolimalima ko lakou, a e hoopaaia me ka uku ole. 792 3m 803

 

NU HOU! NU HOU!!

KA

PENI KAKAU MANA KUPUA,

He hou wale iho no iloko o ka wai

maoli.,

He kakau wale aku no ka hana.

Kumukuai he 50 Keneta.

Hele mai a e ike.

E kuaiia ma ka Halekuai o

A.L. SMITH.

Helu 44, Alanui Papu 791 2ms

 

NA MEA ANO HOU!

Ua loaa mai nei,

Eia ma ka Hale Kuai o Wini!

NA EA

NA OMAU A-I,

NA KULA PEPEIAO,

NA OMAU HAO BUKALO.

NA MEA ANO HOU A EMI,

Buke Pakeke Ili a me na Eke Dala

Na Lei Piliali,

Na Lei Eleele,

a me na mea e ae he nui wale.

E HAAWI MAKANA IA ana i keia a me kela mea i kuai a hiki i ka

ELUA DALA.

E hele mai, e nana i keia mau mea maikai, a e loaa no e like me ka makemake.

Emi loa aole e like me mamua!

Eia ma ka Hale Kuai o WINI.

756 2m

 

Papa! Papa!

NO

ALLEN A ME ROBINSON.

Ua wehe ae nei maua i

PA KUAI PAPA!

MA KA

UWAPO o PAKAKA.

Na Papa Ulaula o na ano a pau.

Na Papa paina o na ano a pau.

Na Pili Hale Ulaula.

Na Pili Hale Keokeo.

Na Pepa Hoonani Hale.

Na Pepa Molina.

Na Pena a me na Aila Pena!

NA KUI O NA ANO A PAU!

Na Pani Puka a me

Na Pani Puka Aniani.

Na Pani Puka a me

Na Olepelepe.

Na lako kukulu Hale

O NA ANO A PAU

E kuaiia ma ke Kumukuai Haahaa Loa!

o keia Makeke.

ALLEN & ROBINSON.

Honolulu, Aper 13, 1876 783 2m 799