Ka Nupepa Kuokoa, Volume XVIII, Number 13, 29 March 1879 — Page 3

OLELO HOOLAHA.

Castle a me Hatch.

                O Kakela Opio a me F.M. Hatch, ua hui laua ma ka lawelawe ana i ka oihana Loio Ua hiki ia laua ke ku imua o na Aha a pau, mai ka Aha Hoomalu a hele iluna. A e lawelawe no hoi ma na hana pili i ka hooponopono waiwai, me ka imi ana i na Palapala Sila Aina, ka hana ana i na Palapala Kuai, Hoolimalima , a me ka Hoaie Dala ana.
W.R. CASTLE, Luna Hooiaio Kope.
Keena Hana, maluna ae o ka Halekuai o Dillingham & Co.
Helu 37, Alanui Pap u. 3 6ms

ALFRED S. HARTWELL,
[HAKAWELA.]
LOIO a he KOKUA ma ke KANAWAI!

                Aia kona Keena Oihana maluna ae o ka Hale Baneko Hou o Bihopa ma. 867 tf

CECIL BROWN.
LOIO A HE KOKUA MA KE KANAWAI

                A HE agena no ka Hooiaio ana i na Palapala no ka Mokupuni o Oahu. Helu 8. Alanui Kaahumanu Honolulu. H.P.A. 2y

S. B. DOLE,

                HE LOIO A HE KOKUA no na KANAKA ma ke Kanawai. E hiki no laila ke lawe i na hihia o ke la a me keia ano imua o na Ahahookolokolo a pau i keia Aupuni. Keena hana ma Alanui Papu, maluna ae o ka Halekuai o Likikini. Honolulu, Oahu, Januari 19, 1878. 3 ly

RICHARD F. BICKERTON,
[PEKETONA.]
LOIO a he KOKUA ma ke KANAWAI !

                E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau, ina paha ma Oahu nei, a ma na Mokupuni e ae. Ua makaukau mau oia i ka hana ana i na Palapala pili kanawai o kela a me keia ano. Ua hiki no hoi iaia ke hoaie dala aku ma ka moraki ana ina aina, ma ka ukupanee haahaa loa. E hanaia na hana me ka hikiwawe a ma ka uku haahaa. Keena hana, Helu 23 Alanui Kalepa, elua puka ma o aku o ka hale kauka o Kauka Minuteole. 840 ly

S.W. MAHELONA
HE LOIO! HE KOKUA A HE PALE
ma ke Kanawai.

                UA makaukau au e lawe lawe me ka mikioi a me ka eleu lua ole i na hihia a pau o kela a me keia ano imua o na Aha Hookolokolo a pau o keia aupuni. Ua hiki no hoi ke kakau i na palapala a pau e pili ana i ka Oihana Loio. E loaa no au ma ko'u hale noho mauka iho o Kawaiahao, a i ole ma ke keena hookolokolo o ka Aha Hoomalu a me ka Aha Kiekie ma Honolulu nei. O ka poe makemake e aie dala, he oluolu ka ukupanee. 876 3m

JNO. LOTA KAULUKOU
LOIO A HE KOKUA.

                UA mak aukau au e lawelawe i na hihia a pau o kela a me keia ano iloko o na Aha Hookolokolo a pau o keia Aupuni. Ua hiki no hoi ke hana i na palapala a pau e pili ana i ka Oihana Loio me ka eleu. E loaa no au ma Heeia Koolaupoko, a ma Honolulu no hoi i kekahi manawa. 877 3m

DAVID K. MALEKA.
Loio a he Kokua ma ke Kanawai.

                Ua makaukau au e lawelawe i na hana a pau ma keia Oihana imua o na Aha a pau o ka mokupuni o Hawaii. E loaa no au ma ka hale hookolokolo ma Hilo, a e hooko ia no na kauoha mai na wahi a pau o ka mokupuni me ka hikiwawe loa. 882 ly oc26

EDWARD KEKOA.

                HE Loio no na Aha Kakau ole ma Hawaii. Aia kona Keena Oihana ma alanui Waianuenue, ma o mai o ka hale hookolokolo o Hilo, o Nani Kaauea ka inoa. E loaa no ma ke Keena mawaena o ka hora 8 am a me ka hora 4 pm., ke ole he pilikia e ae. 882 ly oc 26

J. KAPOHAKIMOHEWA.
He Loio a he Kokua.

                NO na Aha Hoomalu a me Apana o ka mokupuni o Maui. E loaa no au ma Makena, a e hooko ia na kauoha mai na wahi e ae o ka mokupuni me ka eleu a me ka hikiwawe loa. 883 6m no2

S. M. P. KALEO.
He Loio, he Kokua, a he Pale ma ke Kanawai.

                NO ka Aha Apana a me ka Aha Hoomalu o ka Apana o Wailuku, Maui. E loaa no au ma Waiehu, Waihee, a i ole ma ka Hale Hookolokolo ma Wailuku. 884 ly no9

P. NUI
LOIO! LOIO!!
O ka Ua Ukiukiu o Makawao, Maui.

                UA makaukau oia e kokua i na mea a pau e hele aku ana i ona la, ma na mea pili kanawai imua o ka Aha Apana a me ka Aha Hoomalu, me ka Aha Keena a ka Lunakanawai Kaapuni o Maui. E loaa no au ma ka Hale Hookolokolo o Makawao, a i ole ma Haiku. 885 ly no16

HENRY N. KAHULU
Loio a he Kokua ma ke Kanawai.

                UA makaukau no au e lawelawe i na hana a pau ma ka Oihana Loio imua o na Aha a pau o ka mokupuni o Oahu. E loaa no au ma ko makou Keena Oihana ma alanui Papu, Helu 31. E hookoia na kauoha mai na wahi a pau o ka mokupuni me ka eleu a me ka hakalia ole. 885 ly no16

ASA KAULIA
Loio a he Kokua ma ke Kanawai.

                UA makaukau au e lawelawe i na hana a pau ma keia Oihana imua o na Aha a pau o ka mokupuni o Oahu. E loaa no au ma ke Keena Oihana ma alanui Papu, Helu 31 ; a e hooko ia na kauoha mai na wahi a pau o ka mokupuni me ka eleu a me ka hikiwawe. 885 ly no16

L.A. THURSTON.
LOIO!
WAILUKU, MAUI.
889 6m dec 14

TIMOTHY KALAEONE.
He Loio a he Pale ma ke Kanawai.

                IMUA o ka Aha Hookolokolo Apana o Kawaihau , Mokupuni o Kauai. A he Agena hoi no ka hooiaio ana i na Palapala Kepa no ia Apana. E loaa no au ma Anahola, a i ole ma Waiakalua, Koolau, Kauai. E makaala no au i na kauoha me ka eleu loa. 895 ly Jan. 25

J. W. M. POOHEA.
He Loio a he Kokua ma ke Kanawai.

                No na kanaka a pau imua o ka Aha Apana a hiki imua o ka Aha Kaapuni ma ke keena no ka Mokupuni o Molokai; a he Agena Hooiaio Palapala Kope no hoi no ia Apana. E hookoia na koi-i a ka makemake me ka eleu loa. E loaa no au ma ko'u home ponoi oia o "Kalauonaona," ma Waiwaia a i ole ia, ma ka Halehookolokolo ma Pukoo. 895 ly Jan 25.

OLELO HOOLAHA.

                AHA Kiekie o ko Hawaii Pae Aina, ma ka hooponopono waiwai. Mokupuni o Oahu H P A ss. Ma ka waiwai o S.L. Kapahakula i make. Oleleo kauoha e koho ana i la e hooiaio ai ka palapala kauoha, a no la hoolaha ana. No ka mea, ma ka la 18 o Mar. M H 1879, ua waihoia mai imua o ka Aha, kekahi palapala, i olelo ia, oia no ke kauoha hope loa o S. L. Kapahakula keia palapala kauoha a e hoopuka hoi ka palapala luna hoike ia Kaluna w & Manuhi w, na waihoia mai e Kaluna w. Nolaila, ua kauoha ia o ka Poalima oia ka la 11 o Aper. M H 1879, ma ka hora 10 am no ka rumi hookolokolo o ia Aha, ma Aliiolani Hale ma Honolulu oia ka la me ka hora, e hooiaio ia'i ia palapala kauoha, a e hoolohe hoi no ia noi ana mai, a me ka poe a pau i pili e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no na pule ekolu iloko o ka "Nupepa Kuokoa" he nupepa i pai ia a i hoolaha ia ma Honolulu. A ua kauoha hou ia, e hoopukaia na palapala kona no na hoike no ia palapala kauoha, a me na hooilina o ka mea make, ma keia Aupuni e hele mai a e kue i kela palapala kauoha i ka wa i oleloia.
Kakauia ma Honolulu, ko Hawaii Pae Aina, Maraki 18, 1879
A. FRANCIS JUDD,
Lunakanawai o ke Aha Kiekie
Ikea: A. Rosa, Hope Kakauolelo. 903 3t.

            AHA Kiekie o ko Hawaii Pae Aina, ma ka hooponopono waiwai. Mokupuni o Oahu H. P. A. Ma ka waiwai o Elizabeth kauwa Ulukou w, i make. Olelo kauoha e koho ana i la e hooiaio ai ka palapala kauoha, a no ka hoolaha ana. No ka mea, ma ka la 18 o Mar. MH 1879 ua waihoia mai
imua o ka Aha, kekahi palapala, i olelo ia, oia no ke kauoha hope loa o Elizabeth Kauwa Ulukou i make aku la a me ka palapala hoopii e noi ana e hooiaioia keia palapala kauoha a e hoopuka hoi ka palapala luna hooko ia Chas. H. Judd i na waihoia mai e Hea C. Ulukou. Nolaila, ua kauoha ia o ka Poakolu oia ka la 9 o Aper. Mei 1879, ma ka hora 10 am ma ka rumi hookolokolo o ia Aha, ma Aliiolani Hale ma Honolulu Oahu oia ka la me ka hora, e hooiaio ia'i ia palapala kauoha a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia e hoolaha no ia mea no na pule ekolu iloko o ke "Kuokoa" he nupepa i pai ia a i hoolaha ia ma Honolulu. A ua kauoha hou ia, e hoopuka ia na palapala kena no na hoike no ia palapala kauoha, a me na hooilina o ka mea make, ma Honolulu a i ole ia ma kahi wahi e aku e hele mai a e kue i keia palapala kauoha i ka wa i oleloia.
Kakauia ma Honolulu, ko Hawaii Pae Aina, Maraki 18, 1879.
LAWRENCE McCULLY.
Lunakanawai o ka Aha Kiekie.
Ikea A. Rosa, Hope Kakauolelo. 963 3t

Hoolaha a ka Lunahooponopono Waiwai.

                MA ka waiwai o Henry Gordon o Waialua, Oahu. i make; Oiai, ua hookohu ia ka mea nona ka inoa malalo iho, i lunahooponopono waiwai no ka waiwai o Henry Gordon o Waialua i make ma ke kauoha a ka Aha Kiekie i kakau la i ka la 5 o Maraki 1879, nolaila, ke kauoha aku nei oia i na mea a pau no lakou na koina i na waiwai ala, e hoike mai. imua o ka lunahooponopono i olelo ia me na palapala hooiaio pu, ma kona hale noho, a i ole ma kona Keena Oihana Helu 37 Alanui Papu ma Honolulu, ma ka mokupuni Oahu i olelo ia, iloko o na mahina eono mai ka la aka e puka ai keia olelo hoolaha a i ole e hoole loa ia aku lakou. Kakau ia ma Honolulu Maraki 5, 1879.
W. R. CASTLE.
Lunahooponopono Waiwai o ka waiwai o Henry Gordon i make. 901 4t

            E IKE na kanaka a pau ma keia hoolaha. o maua na mea nona na inoa malalo iho, mamuli o ke kauoha a ka Aha Kiekie o ko Hawaii Pae Aina ia maua; i mau Lunahooponopono no ka waiwai o Pi Lulana o Honolulu i make, a nolaila ke kauoha ia aku nei ka poe Lulana, i aie aku ai a me ka poe i aie mai la Lulana e Loike mai ia maua iloko o na mahina eono mai keia la aku.
Wm. KEAWEMAHI (k) A. KEPA (w). Kamanuwai, Honolulu, Mar. 19, 1879. 901 4t*

HOOLAHA PA AUPUNI.

                Eia iloko o ka Pa Aupuni o Kohololoa o Honolulu 1 bipi e kuai kudala ia ana ke hiki aku i ka la 5 o Aperila hora 12 awakea Poaono, bipi w puakea ulaula momole ak oo maluna GO malalo, bipi hou mai no kahi, 1 bipi w ulaula me ke keiki ak JtO hem uha mua JtO, bipi k ulaula ano moo ak PZ maluna PZ malalo e kudala ia ana no ia bipi ma ka la 5 Aperila he mau lio hon mai no kahi, lio k hauliuli hao ano e lio k ulaula laekea 2 w keokeo mahope hem JTH ma ka aoao kela kuni hem hao ano e.
A.B. KAAUKUU, Luna Pa Aupuni
Kohololoa, Honolulu, Mar. 27,1879. 904 l t*

            E KUAI kudala ia aku ana na lio helehewa ma ka pa Aupuni ma Waiawa, Ewa, ke hiki aku i ke awakea o ka Poaha la 3 o Aperila, 1879. Lio k keokeo, hao NU uh hope hema, ak hao ano e. Lio k keokeo hao PA maluna IL malalo uh hope ak, H uh mua. Lio w hulupala lae kea hao LAN uh hope hem. Lio k ahina M uh hop hema. Lio w puakea laekea JI, uh hop hem, N uh hope akau. Lio k ulaula hao J uh hope hem. Lio k lokia TF uh hop ak. Lio w keokeo hao, X hope a me mua. Lio w puakea laekea P9 uh hop hem. Lio w ahinahina laekea, hao VC uh hop hem. Lio k ulaula hauli, hao hapala. Lio w eleele laekea hao hapala. E kii mai ka poe no lakou keia mau lio iloko o keia mau la.
J. S. KAANAANA. Luna Pa Aupuni, Ewa, Mar. 27,1879. 904 1 t*

            E IKE auanei na mea a pau. owau o ka mea nona ka inoa malalo iho, ke kauoha aku nei au ia Mape w e kii koke mai i kona ukana e waiho nei ma kuu lima, ina e hala na la he kanakolu me ke kii ole ia mai, alaila, e kudala ia aku no e a'u ua mau waiwai la, i uku no na mahina ekolu i noho hoolimalima ai ma KUU hale, oiai aole oia i hookaa mai.
KIOPE w. Kepauhi. Honolulu, Mar. 8, 1879. 901 4t*

Hoolaha a ka Lunahooponopono Waiwai,

                UA hookohu ia mai ka mea nona ka inoa malalo nei e ka mea hanohano F. S. Lyman. Lunakanawai Kaapuni Apana 3 o ko Hawaii Pae Aina. i lunahooponopono no ka waiwai o I. Kamai o Piihonua, Hilo i make aku nei. Nolaila, o ka poe a pau i aie i ka mea i make e hookaa koke mai, a me ka poe ana i aie aku ai e hoike koke mai i ka lakou mau bila aie kupono i hooiaio ia, maloko o na mahina eono mai keia la aku, o hoole ia; a ina he mau waiwai kekahi o ka mea i make ma ka lima o kekahi mea, e hoihoi koke mai ia'u.
V. KAMUKAI.
Lunahooponopono Waiwai o I. Kamai. Hilo, Mar. 7, 1879. 902 4t

AUHEA KA POE KA UPENA!
Mahea hoi ka Poe Hana Kahi!

                Ua loaa mai nei ia'u maluna mai KIALUA 'HOKU AO' AHO UPENA! EA HANA KAHI ! A e kuai ia aku no ma ke Kumukuai makepono loa i emi iho i ko na Halekuai e ae o keia ano. Nolaila, ano ka manawa, e kipa mai ma ko'u Halekuai ma alanui Alii, Helu 95, a malaila e loaa oi ia oukou na mea i hoike ia maluna.
JNO. T. WA TERHOUSE. 902 4t (WALAKAHAUKI)

PAPA KUHIKUHI MANAWA HOLO
O KA
MOKUMAHU HAWAII
"LIKELIKE,"
KAPENA. REYNOLD.

Poalua Aperila 1, hora 5 pm........................Hilo
Poalua Aperila 8 hora 5 pm..............Kaapuni ia Hawaii
Poalua Ape rila 15, hora 5 pm..........................Hilo
Poalua Aperila 23, ho ra 5pm............Kaapuni ia Hawaii
Poalua Aperila 29, hora 6 pm..........................Hilo
Poalua Mei 6, ho ra 5 pm................Kaapuni ia Hawaii
Poalua Mei 13, hora 5 pm..............................Hilo
Poalua Mei 20, hora 5 pm................Kaapuni ia Hawaii.
Poalua Mei 27, ho ra 5 pm..............................Hilo
Poalua Iune 3, hora 5 pm................Kaapuni ia Hawaii
Poalua Iune 10, ho ra 5 pm.......................:.....Hilo
Poalua Iune 17, ho ra 5 pm...............Kaapuni ia Hawaii
Poalua Iune 24 ho ra 5 pm.............................Hilo
            AOLE AIE NO KA UKU OHUA !
            Ke hoole ia aku nei ka aie no na uku ohua, a ke hoike ia aku nei i ke akea. ina he mau paiki, ukana a puolo hooili ko lakou e pono e hoailona ia me ka moakaka ponoi aohe no e ae ia ka lawe ana i na ukana, paiki a me puolo i hoailona ole ia ke ole e kakau ia ka loaa ana mai.
            HE KUIKE KA UKU UKANA.
            Ma na ukana a pau a na makamaka, e pono e uku mai ia. A e hookuia no na kauoha no ka lawe a hiki i kahi i makemakeia. A e malama ia no me ka makaala na ulana, paiki a me na puoho, lio pipi a me ka hoki
            E hoailona ia me ka moakaka na Pahu Rama a me Waina.
            O ka poe no lakou na ukana o keia ano e pono e hoailonaia me ka moakaka, a i ole e kakauia me ka moakaka ka loaa ana o ka poe no lakou keia mau waiwai.
            O na koina no na pilikia a me na poho, e pono e hoike koke ia mai iloko o ka malama hookahi.
            Aole e ae ia na hookolo kaa, na keiki a me na mea like, e pii iluna o ka mokuahi i ka wa e pili mai ai i ka napa, aia wale no a pau na ohua eepakeke i ka lele.
            No ke ake nui e hoopomaikaiia ka lehulehu kaahele, na hoololi ae nei na ona o Likelike i ka Papa Hoike Manawa o ia Mokuahi e like me maluna.
            Ma ka Hale Oihana e loaa'i na Palapala.
            Aole keena o hope e lilo, aia wale no a kaa mua mai ka uku moku. Aole e ili ka hewa no na paiki, ukana a puolo paha, ke ole e kakauia ka loaa ana mai. K h ekaaia ka uku ukana ka wa e nolia aku ai.
WILDER & CO.

OLELO HOOLAHA.

                AHA Hookolokolo Kaapuni Apana Eha, ko Hawaii Pae Aina, ma ka hooponopono waiwai. Ma ka waiwai o Kaleiohi k o Moloaa, Kauai i make kauoha ole. Imua o ka Lunakanawai Kaapuni ma ke keena. Olelo kauoha e hoolaha aku no ke noi ana mai e koho i lunahooponopono waiwai. Ma ka heluhelu a me ka waiho ana mai o ka palapala nei a Helena w e hoike mai ana o Kaleiohi no Moloaa, ua make kauoha ole ma Koolau ma ka la 6 o Aperila 1871 a e noi ana e haawiia ka palapala hookohu lunahooponopono waiwai ia Akiu pake. Ua kauoha ia o ka Poakolu oia ka la 30 o Aperila, 1879, oia ka manawa i koho ia no ka hoolohe ana i na noi la, imua o na Lunakanawai la, ma ke keena hookolokolo o keia Aha ma Hanalei, Kauai, a ma ka manawa a ma ia wahi no e hele mai ai na mea a pau i pili e hoike mai i ke kumu Ina he kumu oiaio ko lakou e ae ole ia ai ua noi la. A o keia olelo kauoha e hoolaha ia ma ka olelo Hawaii i ekolu pule ma ka Kuokoa he nupepa ma Honolulu.
Kakauia ma Koloa, Kauai, ko Hawaii Pae Aina, Maraki 22, 1879.
JACOB HARDY.
904 3t Lunakanawai Kaapuni Apana Eha.

            AHA Hookolokolo Kaapuni Apana Eha, ko Hawaii Pae Aina, ma ka hooponopono waiwai. Ma ka hana o ka waiwai o Mose Kanaana k o Koolau i make, ma ke keena imua o ka Lunakanawai Kaapuni. Kauoha e hoolaha i ke noi e apono i na papu hoike, hoolua ana, a e mahele i ka waiwai. Ma ka heluhelu a me ka waiho ana mai o ka palapala noi a me ka papa hoike o D. Nuuhiwa a me Kini w na lunahooponopono o ka waiwai o Mose Kaulana no Koolau i make, e noi ana e apono ia na hoolilo he $_____, a e hoike ana o na mea i luna mai lala he $_____ a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano. Ua kauoha ia o ka Poakolu oia ka la 30 o Aperila, 1878, ma ka hora umi o kakahiaka imua o ua Lunakanawai la ma ke keena ma ka hale hookolokolo ma Hanalei, Kauai, oia kahi a me ka manawa i koho ia no ka hoolohe ana i ua noi la, a me ka papa hoike i olelo ia, a o ka poe a pau i pili malaila e hele mai a e hoike i ke kumu ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Hawaii e paila maloko o ke Kuokoa he nupepa i pai a hoolaha ia ma Honolulu. I ekolu pule mamua ae o ka manawa i olelo ia no ka hoolohe ana.
Kakauia ma Koloa, Kauai, ko Hawaii Pae Aina, i keia la 22 o Maraki, 1879.
JACOB HARDY.
904 3t Lunakanawai Kaapuni Apana Eha.

            AHA Hookolokolo Kaapuni Apana Eha, ko Hawaii Pae Aina, ma ka hooponopono waiwai. Ma ka hana o ka waiwai o David Kaukaha k o Hanalei i make, ma ke keena imua o ka Lunakanawai Kaapuni. Kauoha e hoolaha i ke noi e apono i na papa hoike, hookuu ana, a e mahele i ka waiwai. Ma ka heluhelu a me ka waiho ana mai o ka palapala noi a me ka papa hoike o Christian Bertelemann ka lunahooponopono o ka waiwai o David Kaukaha no Hanalei i make, e noi ana e apono la na hoolilo he $828.16, a e hoike ana o na mea i loaa mai iaia he 828.16, a e noi ana e nana a apono ia keia mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano. Ua kauoha ia o ka Poakolu oia ka la 30 o Aperila, 1879, ma ka hora umi o kakahiaka, imua o ua Lunakanawai la ma ke keena ma ka hale hookolokolo ma Hanalei, Kauai, oia kahi a me ka manawa i koho ia no ka hoolohe ana i ua noi la, a me na papa hoike i oiaio ia, a o ka poe a pau i pili malaila e hele mai a e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Hawaii, e palia, maloko o ke Kuokoa he nupepa i pa a hoolaha ia ma Honolulu, i ekolu pule mamua ae o ka manawa i olelo ia no ka hoolohe ana.
Kakauia ma Koloa, Kauai. ko Hawaii Pae Aina, i keia la 22 o Maraki, 1879.
JACOB HARDY,
904 3t Lunakanawai Kaapuni Apana Eha.

            AHA Hookolokolo Kaapuni Apana Eha, ko Hawaii Pae Aina, ma ka hooponopono waiwai. Ma ka hana o ka waiwai o Kanehoa w o Makaweli, Kauai i make, ma ke keeni imua o ka Lunakanawai Kaapuni. Kauoha e hoolaha i ke nui e apono i na papa hoike, hookuu ana, a e mahele i ka waiwai. Ma ka heluhelu a me ka waiho ana mai o ka palapala noi a me ka papa hoike o G.B. Rowell a me H. Kauaihilo na lunahooponopono o ka waiwai o Kanehoa w no Makaweli i make, e noi ana e apono ia na hoolilo he $4.50, a e hoike ana o na mea i loaa mai iaia he $24.00, a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano. Ua kauoha ia o ka Poaha, oia ka la 15 o Mei, 1879, ma ka hora umi o kakahiaka, imua o ua Lunakanawai la, ma ke keena ma ka hale hookolokolo ma Waimea, Kauai, oia kahi a me ka manawa i koho ia no ka hoolohe ana i ua noi la, a me na papa hoike i olelo ia, a o ka poe a pau i pili malaila e hele mai a e hoike i ke kumu ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Hawaii, e pai ia maloko o ke Kuokoa he nupeapa i pai a hoolaha ia ma Honolulu, I ekolu pule mamua ae o ka manawa i olelo ia no ka hoolohe ana.
Kakauia ma Koloa, Kauai, ko Hawaii Pae Aina, i keia la 22 o Maraki, 1879.
JACOB HARDY,
904 3 t Lunakanawai Kaapuni Apana Eha

            AHA Hookolokolo Kaapuni Apana Eha, ko Hawaii Pae Aina, ma ka hooponopono waiwai. Ma ka hana o ka waiwai o J. W. Kapehe no Waimea, Kauai i make, ma ke keena imua o ka Lunakanawai Kaapuni. Kauoha e hoolaha i ke noi e apono i na papa hoike, hookuu ana, a e mahele i ka waiwai. Ma ka heluhelu a me ka waiho ana mai o ka palapala noi a me ka papa hoike o G. B. Rowell, lunahooponopono o ka waiwai o J. W. Kapehe, no Waimea i make, e noi ana e apono la na hoolilo he $15.50, a e hoike ana o na mea i loaa mai iaia he $68, a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano. Ua kauoha ia o ka Poaha oia ka la 15 o Mei, 1879, ma ka hora umi o kakahiaka imua o ua Lunakanawai la, ma ke keena ma ka hale hookolokolo ma Waimea, Kauai, oia kahi a me ka manawa i koho ia no ka hoolohe ana i ua noi la, a me na papa hoike i olelo ia a o ka poe a pau i pili malaila e hele mai a e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia, kauoha ma ka olelo Hawaii, e pai ia maloko o ke Kuokoa he nupepa i pai a hoolaha ia ma Honolulu, i ekolu pule mamua ae o ka manawa i olelo ia no ka hoolohe ana.
Kakauia ma Koloa, Kauai, ko Hawaii Pae Aina, i keia la 22 o Maraki, 1879.
JACOB HA RDY,
901 3t Lunakanawai Kaapuni Apana Eha.

            AHA Kiekie o ko Hawaii Pae Aina, ma ka hooponopono waiwai. Mokupuni o Oahu, Hawaii Pae Aina ss. Ma ka waiwai o Aumai k i make. Olelo kauoha e koho ana i la e hooiaio ai ka palapala kauoha a no ka hoolaha ana. No ka mea, ma ka la 26 o Maraki, 1879, ua waiho ia mai imua o ka Aha kekahi palapala i olelo ia, oia no ke kauoha hope loa o Aumai k i make aku la, a me ka palapala hoopii e noi ana e hooiaioia kela palapala kauoha a e hoopuka hoi ka palapala luna hooko ia Panui k, ua waihoia mai o Panui k i oleloia. Nolaila ua kauohaia o ka Poalua oia ka la 15 o Aperila, 1879, ma ka hora 10 am ma ka rumi hookolokolo o ia Aha ma Aliiolani Hale, ma Honolulu, Oahu, oia ka la me ka hora e hooiaio ia ai ia palapala kauoha, a e hoolohe hoi no ia noi ana mai, a me ka poe pau i pili e kue ana ia palapala kauoha, a me ka hoopuka ana i ka palapala luna hooko. A ua kauoha hou ia e hoolaha no ia mea no na pule ekolu iloko o ka Nupepa Kuokoa, he nupepa i pai ia a i hoolaha ia ma Honolulu. A ua kauoha hou ia, e hoopukaia na palapala kena no na hoike no ia palapala kauoha, a me na hooilina o ka mea make ma keia aupuni e hele mai a e kue i kela palapala kauoha i ka wa i olelo ia.
Kakauia ma Honolulu, ko Hawaii Pae Aina, Mar. 27,1879.
A. FRANCI S JUDD,
Ikea Lunakanawai o ka Aha Kiekie.
A. Rosa, Hope Kakauolelo. 904 3

HOOLAHA A KA LUNAHOOPONO-
pono Waiwai no ka Manawa.

                UA hookohuia ka mea nona ka inoa malalo e ka Hon. A. Fo rnander, Lunakanawai Kaapuni o Maui, o ko Hawaii Pae Aina, i lunahooponopono waiwai no ka manawa, no ka waiwai o Akela pake. mea malama hale ai i make kauoha ole ma Wailuku, Maui. Ke kauoha ia aku nei na mea a pau no lakou na koina iloko o ka waiwai i oleloia, e hoike mai me na hooiaio pu Hoku o na mahina eono, a i ole e hoole mau loa ia aku. A o na poe a pau i aie i ua waiwai la i oleloia, e hookaa koke mai lakou ia'u ma Wailuku, Maui.
THO S. W. EVERETT,
Lunahooponopono waiwai no ka manawa, no ka waiwai o Akela pake i make. Wailuku, Mar. 20,1879. 904 4t

            E IKE auanei na kanaka a pau ke nana mai i keia, Owau o ka mea nona ka inoa malalo nei, ke hooki a hoopau loa aku nei au i ke kuai ana a Kalawaianui me Kimo Pelekane i ka apana aina o Luana, oia o Kaluamoo ili o Niukee, a me ke kahua hale o Kamaipipipi, nona ka Palapala Sila Nui Helu 4162, Kuleana Helu 907, me ke kau ole aku o ko'u pulima ma keia kuai ana. Nolaila, o ua apana aina la i haiia ae la maluna, ke lawe nei au ma ka poho o ko'u lima, e like me ka maua i loaa mai ia'u ma keia Sila mai ke aupuni mai, ke hoole a hoopau aku nei au i ka mana o ke Sila mua a me ke kuai ana, e lilo kela i olelo paa a oiaio mai keia la aku.
Owau no D. H. KEKUKAHIKO. Honouliuli, Ewa, Oahu, Mar. 25. 1879. 904 4t*

            KE papa ia aku nei kanaka a pau e noho ana ma Waialae, Nui Waialae, Wailupe, a me na wahi e pili ana, a me na kanaka e ae no a pau loa o kela a me keia ano. Ua kapu loa ke Ki pu ana i na puaa ahiu na palahu, a me na kao e holo ana ma na wahi a pau e Maunalua. O ka mea kue a hoolohe ole i keia olelo papa, e hoopii ia no ma ke kanawai. Nolaila, e hoolohe o pilikia auanei.
Owau no METUSALA MAHUKA, Honolulu, Oahu, Mar. 24.1879. . 904 4t*

            E IKE auanei na kanaka a pau ma keia olelo hoolaha. Ua lilo mai ia'u ma ke kuai ka hoolimalima o na aina o Aniu (pake) Ai Young (pake) Atan g (pake) a me Atai (pake) e waiho la ma Kamoiliili, Oahu, na lilo pu ma na hale a me na mea a pau e ulu ana maluna o ka aina. Ua lilo pu mai hoi ia'u ma ke kuai maoli kahale o Atai (pake). Nolaila, ke hoike ia aku nei ka lohe i na mea a pau, ua ka pu loa ke komohewa ana ma ia mau wahi i hoike IA maluna. E hoolohe o pilikia auanei GOO KIM
Honolulu, Mar. 26, 1879. 904 1m

Hoakaka He Aloha kekahi i kekahi.

                EIA maluna o keia kahua ke aloha, he Aloha i kukuluia 'i ka Ahahui Poola mai kona la i hoomaka ai i ka 1876 a hiki i keia manawa, a ma keia, ke ukuia aku nei kona mau lala mai he ekolu dala i kela a me keia hebedoma e mai ai, ke hookaa mua oia i kana hapaha auhau mahina, a na auamo no hoi lakou i na hana i ku i ke aloha a me na mea like, e like me ka hiki, nolaila, mai keia la aku a hiki i ka manawa halawai mau o ka Ahahoi i ka Poaha mua o Aperila, ua wehe ia ka puka no ka poe a pau e makemake ana e komo mai, a e luakaha pa iloko o keia poai he Aloha.
WILLIAM K. AWIHI, Kakauolelo. Honolulu, Mar. 26, 1879. 904 1t

            KE Papa ia 'ku nei na mea halekula, ma kela wahi keia wahi, mai hoale mai oukou kuu wahine mare, oia o Maria Meleana no ka mea ua hele aku kela mamuli o kona manao, a on na aie a puu, mai ka malama o Feb. a mau loa'ku aole loa, au e hookaa i keia o poho auanei oukou.
MELEANO. Waipio, Hamakua, Ma r. 11. 1879. 904 4t

            OWAU o ka mea nona ka inoa malalo, ke ninau aku nei au. auhea la ke kane mare a Lei w mai ko laua mare ana a hiki i keia manawa, aole i ike iki ia, no ka mea, o ka emi keia o na makahiki a oi, aole oia i lohe ia e noho ana maloko o keia aupuni, a ua lohe ia no hoi, ua holo oia maluna o ka moku, aole no hoi i hoi iki mai a hiki i keia manawa, nolaila, ina ke noho nei oia me ke ola, e hoike mai no, ina aole e ike ia a e lohe ia paha e hala na malama eono mai keia la, aku, alaila ua mana no ka wahine mare ke hoolilo i kekahi mau waiwai ana i pono kono iho.
KAAIHULU.
N. Kohala, Hawaii, Mar. 19, 1879. 903 1m 907

Nuhou o ko na Aina e

KE KAUA MA AFE RIKA HEMA.
Hoopio loa ia ka Enemi,
NUI KA POINO O NA PUALI ZULU.
Ke Ake nei Lakou i ka Maluhia.

                Ano, e na tausani makamaka heluhelu o ke KILOHANA, ua loaa ia makou ka iini a ko oukou mau puuwai, ma ke ku ana mai nei o ka mokuahi mai ka Hikina mai, me na nuhou o ke kahua mokomoko o ka poe Zulu a oia keia a makou e waiho aku nei no ko oukou papaaina:

Ka Hooili Kaua Hahana.

                Ma ka la 9 o keia mahina, ua lele kaua mai he heluna nui o ka poe Zulu maluna o na mahele koa malalo o Konela Pia sona o na Beritania ma Ekowe, aka, ua hoopio ia aku na puali koa paele Zulu me ka nui o ko lakou poino a me ka make hewahewa o na enemi; a ua ukali ia aku lakou a hiki ma kekahi kauhale i kapaia o Eutamedia, kahi hoi o kekahi mahele koa Zulu kokua e hoolulu ana a malaila i nalo aku ai na enemi iloko o ka malumalu o kona mau poopoo a me kona mau papu ; aka, ua hoike mai o Konela Wood he lono, ua hoopio aku oia he heluna nui o na pipi a ka enemi, oiai lakou e puahi launa ole ana i ke auhee mai ka haule makawalu ana aku o na elele ahailono ole a na keiki iwikani Liona, a e hoike pu ana no hoi, he maikai ke ola o kona puali kaua.

Ka Ouli o na Kamaaina.

                O ka ouli a me na hiona o ka noho ana o na kamaaina o ka aina, ua ano malu a ao kanaka mai, aka, ua manao wale ia nae, ua hui lokahi ae na alii o na apana kuaaina a hana malu i kekahi manao e alu kue mai i na Beritania, oia ke kumu o keia ano oluolu iki ana mai o na kamaaina.

Puhiia o Eutamedia i ke Ahi.

                E olelo ana kekahi mea kakau ma Lae Kauhale penei: Mahope iho o ke kipaku ia ana aku e Konela Piasona o ka enemi mai Eutamedia aku, ma ka lele kaua ana aku ma ka la 13 o keia mahina, ua puhi ae oia i ke kulanakauhale i ke ahi, kahi hoi e hoolulu ai o na puali koa o ka enemi.
E hoike ana hoi kekahi lono, ua puhi aku ka enemi he ewalu mau kauhale kuaaina no na hoa'loha paele Kafere i ke ahi, me ka luku pu ana i na kamaaina.
            Ua pau wale ka uluku ana o ka manao maloko o Taranavala no ko lakou noho kuokoa ana, oiai ua ano nawaliwali ka manao o na kamaaina.
            Ua hoike ia ae, ke hoomakaukau nei kekahi kakaualii paele o Sekokoeni kona inoa, e lele kaua aku maluna o Sedenobuga, he kauhale ma Tarana vala Hikina.

Noi na Zulu i ka Maluhia.

                Ua hoolaha ae ka nupepa A rgus i ka lono, mai kona mea kakau mai ma ke kahua mokomoko penei: Ke ake nui nei na Zulu i ka maluhia, maluna o na kumu o ka nohona kuokoa.
            E hoike ana kekahi lono mai Vincent ae penei : He nui na keakea ana maanei no ka hooili lanahu ana, no ka halihali ana aku i na puali koa kokua ma ke kahua mokomoko o ka poe Zulu. Ua hookaulua ia ka makaukau koke ana, a kr ku wale nei na mokuahi elima no kekahi mau la me ka piha ole i ka lanahu.

He mau Alikoa Ame rika ke Alakai o na Zulu.

                Ua hoolaha ia ae kekahi palapala ma Ladana, e hoike ana i ke kumu o ka ikaika o ka lahui Zulu, oia hoi, ua alakai ia lakou e na aliikoa Ame rika akamai, na lakou e kuhikuhi i ko ka enemi kulana kupono, a hoonoho aku ia lakou ma ia wahi, i haulehia ai he mau tausani o na puali koa Beritania iloko o ka poino. E loaa ae ana i ke Kuhina noho o Amerika ma Ladana na hoike no keia mea, i hoike aku ai oia i ke aupuni o Beritania, aole he mana iki i keia mau aliikoa Amerika lawe inoa wale ke lawe i kela inoa laahia, "he aliikoi Amerika." Ke Kaua Afeganitana.

            Kanadaha.— He elua tausani lala o na hui powa like ole i akoakoa ae ma kahi he kanakolu mile mai ianei aku, e kilo ana i na kauhale kuaaina ma ka inoa o ka Ameer a me Mahomeda.

HUNEGARI,
Poino nui i ka Waikahe.

                E hoike ana he lono mai Zegedina penei: Mahope o ka hala ana ae o ka po hooweliweli nui, o na luhi ana a pau ua lilo i mea ole. Ma ka ho ra 3 o ka wanaao, ua naha ka muliwai Theiss, a kahe mai la ka wai me ka ikaika nui iloko o ke kulanakauhale. iloko o na hora ekolu wale no he mau kapuai ka hohonu o ka wai o ke kulanakauhale. He nui ka poino, he nui na leo uwe a kumakena mai na tausani i poino i lohe ia aku, he nui na hale e hiolo ana, me ka hoonalo pu ana i ko lakou mau haku hale. He 15 kapuai ka hohonu o ka wai a ka poe hana e hana nei, he nui ka hopohopo no ka uuku o ka ai. Ua hala aku nei he hookahi waapa e hoola i ke ola o na uhane o loko kekahi hale nui i lawea aku e ka wai. Maluna aku o ka 80,000 ka nui o ka poe i hoonele ia i na home, a he mau haneri i make ; oiai, e pii mau ana ka ikaika o ke kahe ana o ka wai i na wa a pau.
            O keia kulanakauhale, oia ka lua o na kulanakauhale kalepa o Hunega ri, aka, na komohia ia nae iloko o ka poino.
            E olelo hou ana no ka lono mai Zegedina penei; O ka hope o ka noha ana o ka muliwai Theiss ma ke kakahiaka nui me ka nui o ka poino, a na manao ia he nui na ola i poino.
            Ua hiolo kekahi luakini, a kana iho la malalo o kona mau eheu i kekahi poe he lehulehu wale i holo ilaila i pakele a loaa ka malu.

TUREKE.

                Ua hoike ae ke Suletana, aole oia e ae ana ma ke ano hoa'loha no ko Helene mau palena. Aia he kumu e hopohopo ia ai ke kuikahi mawaena o Helene a me Tureke no ka hoomahuahua ana aku i ko laua mau palena a e lilo ia i mea ole.

RUSIA.

                Aia ke holapu la ka mai fiva ma ke kulanakauhale o Sana Peterboro, a ke pahola la me ka weliweli nui a me ka ikaika iwaena o ka lahui kanaka o Rusia. He mea keia nana e hoonawaliwali mai ana i ka helu ana o na manea o ua Bea nei o ka Akau.

KINA.

                E hoike ana ka nupepa Buletina Kulepa o Nu Ioka. o na waiwai i lawe ia aku mai ia awa aku oia no na tona hao he 100 i kuai ia mai e Kina.
            O keia ae la ka hoouna mua ia ana o ko Ame rika hao no ia makeke; he ; mea mau iaia ka lawe ana i ka makahiki i ko Enelani hao, a lawe ole i ko Amerika no ke kiekie o ke kumu kuai Aka, i keia wa, ke makaleho nei o Kina i ko Amerika hao, no keia kumu, oia ke aupuni e holomua nei ma na mea a pau,

AME RIKA.

                Ua hoike ae kekahi alihikaua o Amerika mai Lousiana mai i ka lono, ke hualele ia na negero he nui loa ia mokuaina, ke hele la he mau heluna nui na makua a me na keiki, a ke imi la i ko lakou mau pono iho ma kekahi mau wahi e aku o ka aina mai Lousiana mai. Ua nui ka pioo iwaena o ka poe mahiai a me ka poe kuleana aina o keia mokuaina ; ke kuai nei na paele i na mea a pau no lakou ponoi iho, a o na mokuahi holo pili aina ma ka muliwai Misisipi, ua hookeke ko lakou mau oneki me na kanaka ili eleele e holo ana mai na hana ino a me na hoomainoino ana a ka poe Demokarata. Ua manao wale ia, mai waena ae o ka lahui eleele e auhee ana, e loaa ana ia lakou ka lanakila, aka, o ka hune a me ka ilihune ke pahola ana ma na palena a pau o Lousiana.

Huakai Hookipa Aloha ia Kene ta Kalani.

                He palapala kai loaa ae i ke poo o ka Hui Kaa Mahu o ka Uniona Paeilika, e hoakaka ana ua le ta la, e hoala ia ana he huakai Hookipa Aloha nui ia Keneta Kalani mai Wasinetona aku a hiki i Kapalakiko ma ka la 1 o Augate e hiki mai ana, ke huli hoi mai o Kalani mai kana huakai mai.
            E olelo ana no hoi ka mea kakau, ua hoohala oia he mau hebedoma ma Wasinetona, a ua kamailio pu oia me na alakai Senate a me na Lunamakaainana, a ua lokahi like ka manao no keia hana. Ua hoopuka ia na olelo hoakaka ; na makemake ia mai ke 50,000 a i ke 75,000 ka nui o na kanaka o loko o keia huakai. O na hoomakaukau ana no keia huakai, ua nui ka manawa e hana ai. Ua olelo ia, o na mokuaina a pau o Amerika ke hookomo ia ana a o ka nui o ka huakai, mai ka 100 a i ka 125 lalani kaa ahi, ma ka 10 kaa ahi o ka lalani hookahi.

ENELANI.

                Mawaena o ka Ahaolelo o Enelani i noho ai, no ka noonoo ana i ke kulana o Afegani tana a me ka hoomau ia aku o ke kaua ana, na haiolelo ikaika mai la o Haku Cavarona maluna o keia kahua, oia ke kapa ia ana o Beritania "he lili makehewa wale, " ua olelo mai la oia, i na ua ake o Rusia no ke kaua, no ke aha la oia i hoike ole mai ai i kona manao kaua imua o ke akea, a e makaukau no o Enelani me ka hakalia ole nona, imua o ke kahua kaka laau a Kawelo laua o Kanaloa.
            Oiai makou e noii ana me ka paulehia e hoolawa ia ko makou mau makamaka me na mea hou o ke kaua, ua halawai aku la makou me ka hoike a kekahi nupepa, e olelo ana, ua hoopio ia na puali koa Beritania e na Afeganitana, ua nui ka poino a me ka make o na koa Beritania, a ua nonoi aku ka lakou i ke keiki a ka Ameer, oia o lakuba Kana, e hana koke ia ke kuikahi.
            Ma ka nana ana i na nupepa i hiki like mai nei ma keia mokuahi, kahi hoi a makou e wae nei i na ono no ka oukou papaaina, aole he mau hoike a lakou e pili ana no ia mea, a o keia pepa wale no ka mea e hoike ana i keia mau olelo, nolaila, ua huli makou i ka oiaio, aole nae i loaa ; no ia mea, ke hoike aku nei makou i na tausani poe heluhelu o ke KUOKOA, aole he oiaio o kela mau olelo, a i na i ike a halawai oukou me na lono oia ano, mai lawe a hooiaio.

            HOOLAA LUAKINI.— E hoolaa ana ka luakini o Moanalua, ke hiki aku i ka la 8, o Ape rila, hora 10 A. M.
                Ke kono ia'ku nei na hoalawehana iloko o ka Haku, e hele ae na kamaaina a me na malihini me na lau Oliva a ke aloha, i mea hoopau i ka pilikia oia luakini o ka Haku. A mahope o ka lulu ana he wahi papaaina ke pahola la mai ana imua o na makamaka. u E ike ia kakou hookanaka o kipa hewa ke aloha i ka Ilio. " S. PAALUHI.

            MAI LIHUE KAUAI MAI.—Mai ka le ta mai a Rev. J. B. Hanaike o Lihue, Kauai, i loaa mai ai ia makou na mea hou malalo iho nei. 1. Ua hanau mai kekahi lio malaila, ekolu no wawae o ke keiki, hookahi wawae mua, a elua wawae hope, a ke ola 'la no ua lio nei i keia manawa. O ka ona nona ua lio la o Hon. Paul Isenberg i hiu aku nei i Geremania. "Manomano no na mea a Iehova i hana'i." 2. E manao ana na haole malaila, e kukulu a e hoomoe i waea olele mai Koloa a hiki i Lihue, no ka loa he umi mile paha a oi ae. l na peia alaila, aohe manawa i koe a piha, o Hawaii nei me na waea olelo he lehulehu.

I NA LUNA NUPEPA KUOKOA.

                Ua makemake ia na Luna Nupepa Kuokoa a pau mai Hawaii a Kauai, i ka wa a oukou e hooili mai ai ia makou i na dala o ka poe lawe nupepa : e hoike pu mai i ka papa inoa o ka poe hookaa palua mamua ae o ka la 31 o Maraki i kulike ai me ka makou rula. A i hiki hoi ia makou ke hookaawale pono i na Kii Makana no ia poe.

NU HOU KULOKO.

                KAPENA B RAY. — E haiolelo ana o Kapena Issac Bray o ka moku "Hokuao" maloko o ka luakini o Kawaiahao ma ka hora 7 me ka hapa o ka po o ka la apopo.

            HOIKE HAPAHA O NA KULA SA BATI O KAWAIAHAO. — E malama ia ana ka hoike hapaha o na Kula Sabati o Kawaiahao ma ka luakini o kawaiahao ma ka hora 10 o ke kakahiaka o ka la apopo.

            UA HALA O AKONA—Ma ke kakahiaka o nehinei, ua make o Akona (pake) kekahi o na pake i kamaaina ma ka malama hale aina, a me ka inu ti. ma ke kulanakauhale o Honolulu nei. Aloha ia makamaka o ka lehulehu.

            LA HANAU O KA EMEPERA UILAMA—Ma ka Poaono o ka pule i hala Maraki 22, oia ka la hanau o ka Emepera Uilama o Geremania. Ma ia la ua kahiko ia na i-a o na moku me na hae o na wai hooluu like ole, a pela pu no hoi me na pahu hae o uka nei.

            HE PUA I MOHALA.—Ma ka Poaono o ka pule i hala, Mar. 22. ma Honolulu nei, ua hanau mai he kaikamahine na kekahi o ko makou hoa paahana o ka hana hookahi Mr. John. A. Danean a me kana lede.

            MAI POINO.—Ma ka Poalua iho nei mauka o Makiki, oiai kekahi Pukiki e palaina ana me ka puna i ka luawai hou o ke aupuni e hana ia la malaila, ua haule iho kekahi pohaku maluna iho a pa ma ka poohiwi o ua Pukiki la, a pepe iho la kona lima, aka, ua pakele no nae ke ola.

            HOOPOLOLEI.—Ma kekahi hapa o ua pepa i pai ia ma ka pule i hala iwaena o ko makou manao pepa, ua pai hewa ia o ka M. H. 1883 ka makahiki i hooneoneo ia'i ke kulanakauhale o Ladana e kekahi mai ahulau, aole oia ka pololei, o ka pololei oia ka M. H. 1663, oia ka makou e hoopololei aku nei.

            PAPA KUHIKUHI MANAWA HOLO.—No ka pono a me ka pomaikai o ka poe kaahele a makaikai i na wahi kaulana o na mokupuni hikina o kakou, ke hoopuka aku nei makou i ka Papa s Kuhikuhi manawa holo kou o ka mokuahi Likelike no keia mau mahina ae ekolu e hiki mai ana.

            O KA poe a pau o makemake ana e komo i ka puali hou o ka "Prince's Own " Company C. ua makemake ia lakou e akoakoa ae ma ka Hale paikau i ke ahiahi o ka la 31 o keia mahina, oia hoi ka Poakahi e hiki mai ana, i ka hora 7 me hapa.

            AHAHUI KULA SA BATI O KAUAI—E halawai ana ka Ahahui Kula Sabati o Kauai, ma ka Poakolu elua o Aperila ma Koloa ma kahi e halawai ai ka Ahahui ekalesia o Kauai, ke kauoha ia aku nei na Kahu Kula Sabati, na kumu na elele, a me na lala a pau. E eleu kakou a pau e na keiki o ka aina kaili la.
G.M. KEONE.
Anahola, Kauai.

            KA MAKE ANA O LEVI KELIIPIO.—Ma ke kakahiaka nui o ka Poalua iho nei, i haalele mai ai o Levi Keliipio i keia ola ana, a hele aku la ma ka aoao mau o ko ka honua nei. He kanaka oia i kamaaina nui iwaena o ka lehulehu. He hoa no ka papa Loio o Honolulu nei. Ua haalele iho oia mahope ona he wahine he mau keiki, a me ka lehulehu o kona mau ohana e noho a aku nona. Ma ka hora e 4 no oia la i hoolewa ia'i kona kino kupapau.

            NA PALAPALA SILA NUI.—Ma ka aoao mua o ka pepa o keia pule malalo o ke poo, MA KE KAUOHA, ke hoopuka aku nei makou no ka pono a me ka pomaikai o ko makou poe heluhelu a me ka lehulehu pu no hoi. l na he mau kuleana ko lakou ma na Palapala Sila Nui a makou e hoolaha aku nei. Eia ka wa kupono no oukou e kii koke ae me ka makaukau ma ke Keena Kalaiaina.

            CALIFO RNIA ONE PRICE BAZAR.—Mai poina i ka hele ae ma ka hale kuai nona ka inoa i hoike ia maluna i keia Poaono, no ka mea, ua hiki mai nei na waiwai hou makamaka loa no ia hale kuai ma keia mokuahi mai nei. Nolaila, i na makemake i na makalena makepono, na palemai, na palule, na pau lole keiki, a me na mea nani wehiwehi e ae, e pono e hele e ike maka ma ka hale kuni "California One Price Bazar."

            KE KU MAKANA.—Ma ke ku ana mai nei a ka mokuahi Zealandia mai kapalakiko mai i ka po Poalua iho nei, ua loaa mai ia makou ke Kii Makana nani o ka Moiwahine Kaulana o Beritania Nui. ka makana hoi a makou i kukala aku ai no ka poe hookaa palua i na dala mamua ae o ka la hope o keia mahina. No kekahi mau pule i hala ae nei mahope iho o ko makou hoolaha hope ana i ka manawa e hiki mai ai, ua hookui ia mai makou ma kela a ma keia aoao me na olelo hoopohala a kekahi poe, ua iomo mai na mamala olelo o keia ano iloko o ko makou Puuwai, aka, ua hoomanawanui makou no ia mau huaolelo. Aka, ano, ke hoike aku nei makou imua o ko makou poe hookaa palua ua hiki mai ke ke Kii Makana o oukou i kau nui ai i na la i hala ae nei, a ma keia pule ae e hooko ake ai makou i ko oukou makemake me ka hala ole.