Ka Nupepa Kuokoa, Volume XVIII, Number 50, 13 December 1879 — MAHALO PIHA. [ARTICLE]

MAHALO PIHA.

Ua loaa mai na $134.50 ma ka lima o ke komite o ka luakini o Manoa. Oahu mai ka makua E Bona mai o Kohala Hawaii. Penei ke kumu o ka loaa ana mai o keia mau dala, ua wehe la be Aha Mele maloko o ka luakni Kalahikiola ma lole Kohala e ka mea kaulana Juliana Walanika a me kona mau hoa. Ua manao ia no ka ekalesia makua o Kohala kekahi hapa o na dala i loaa mai. aka. ma ka lokomaikai piha o ka makua E Bona a me kona mau hoa iloko o ka Haku, ua hookuu pau loa mai nei lakou ia puuu dala no ka pomaikai o ka luakini o Manoa. Nolaila, ke haawi piha aku nei ke komite i kona mahalo i ka makua E Bona a me kona mau hoa. Me ke aloha. Owau iho. J. P. K. Ka.heihilai.