Ka Nupepa Kuokoa, Volume XX, Number 29, 16 July 1881 — Page 4
| This text was transcribed by: | Elise Higashi |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA
Kuokoa me ka Au Okoa
@ H@A.
No ka Makahiki $2. Eono Mahina, $1.
Dala Kuike ka Rula.
KOMITE HOOPONOPONO.
SAMUELA KAAIKAULA
HEZEKIA AEA
POAONO IULAI 16, 1881.
OLELO HOOLAHA
Kula Nui o Lahainaluna
E hoomaka ana ke Kula Nui o Lahainaluna mai ka la 18 o Iulai a hiki i ka la 18 o Iulai a hiki i ka la 14 o Sepatemaba o keia makahiki, a ma ia la e hoomaka ana ka makahiki @ o ke Kula.
Nolaila, ke Kauoha ia aku nein a Haumana a pau i keakea ia ko lakou Hoi hou ana mai i ke Kula, e ka Mai Puupuu Lii@ o na mahina i kaa hope ae nei. E makaala a e Hoi mai i ka Home Naauao ma ka la i olelo ia maluna.
A ke Kauoha ia nei no hoi na Luna Kula @ @ Apana, na Kumu Kula, me ka poe e ae a pau e manao ana e Hoouna mai i na Keiki i ke Kula, e Hoouna mai mamua o ka ia i olelo ia maluna.
H R HITCHCOCK
1023. 2m.
E MAU NO KA HOOMANA
Are your windows open towards
Jerus@alem?
Gospel Hymn, No 2.
1
Aia no na hio e kulou ana
E pule i ke Akua mau,
Pule hoomanao la ia Ziona,
Oiai ua pio no.
Cho. Kulou mau anei oukou e pule ae,
Oiai he poe ano pio no,
No ka hiki mai o ka Haku Nani,
Me ke kiai no a mau?
2
Mai makau i ka imu ahi wela,
Me na liona haehae e,
E ia ko Daniela Akua
Nana e hoopakale mai.
Cho. Kulou mau anei, &c.
3
Na haipule, e mau ke ahonui,
Paulele i ka Haku e,
E nana i ka puu o Ziona
A e kali no ke L@ii.
Cho. Kulou mau anei, &c.
Hawaii.
Haawina @ula Sabati.
HEL@ @. SABATI IULAI 31, 1881.
KUMUHANA.
@ me na Magoi. Pauku Baibala. Puk
7;8-17.
8 Olelo mai la o Iehova ia Mose a me Aarona, i mai la,
9 I ka wa e olelo mai ai o Parao ia olua, i ka i ana mai, E hoike mai olua i kekahi hana mana, alaila, e olelo ae oe ia Aarona, E @ i kou kookoo, a e kiola iho imua o Parao, a e lilo ia i nahesa:
10 Hele aku la o Mose laua o Aarona io Parao la, hana iho la laua e like me ke kauoha ana a Iehova, a kiola iho la o Aarona i kona kookoo imua o Parao a imua o kana poe kauwa, a lilo iho la ia i nahesa.
11 Kii aku la hoi o Parao i na kanaka akamai, a me na kilo a o na magoi o Aigupila, hana iho la hoi lakou pela, i ko lakou kilokilo ana.
12 No ka mea, kilo iho la kela kanaka keia kanaka a pau i kona kookoo iho, i lilo lakou i mau nahesa, aka, o ke kookoo a Aarona, moni iho la ia i ko lakou mau kookoo
13 A hoopaakiki mai la ka naau o Parao, i hoolohe ole ai oia ia laua, e like me ka mea a Iehova i olelo mai ai.
I mai la o Iehova ia Mose, Ua hoopaakiki ko Parao naau, i ole ai ia e hookuu mai i ka poe kanaka.
15 A kakahiaka ae, e hele oe io Parao la, aia e hele ana no ia i ka wai, e ku oe ma ke kappa o ka muliwai e halawai me ia, a e lawe oe ma kou lima i ke kookoo i lilo ai i nahesa.
16 A e olelo aku oe ia ia, Ua hoouna mai nei ke Akua o ka poe Hebera ia’u iou nei, ua i mai, E hookuu mai oe i Ko’u poe kanaka, i hookauwa mai lakou Na’u ma ka waonahele, aia hoi, aole oe i manao e hoolohe mamua.
17 Ke olelo mai nei o Iehova penei, Ma keia e ike auanei oe, owau no o Iehova aia hoi, e hahau no wau i keia kookoo ma kuu lima, maluna o ka wai maloko o ka muliwai, a e lilo ia i koko.
Pauku Gula, Ha@ 105;27.
Manao nui. Na hana lokomaikai a ke Akua, he mea hoopaakiki ia i ka naau o kekahi poe.
Na heluhelu la. 1 Puk 7;1—25, 2 Puk 8—15, 3 Puk 8;16—32, 4 Puk 9;1—17, 5 Puk 9;18—35, 6 Puk 10;1-11, 7 Puk 10; 12—29.
Mele,
Pule,
Ka wehewehe me ka ninau ana.
Huhu loa Parao ia Mose me Aarona, no ko laua kauoha ia ia e hookuu i ka poe Iseraela, a hoomahuahua oia i na luhi o lakou Huhu na Iseraela @ Mose me Aarona, no ka hookuu ole ia, a no ka hoonui ia ana o ko lakou kaumaha. A ane huhu laua i ke Akua no ka hookuu ole ana ia lakou.
Ke Akua ka mea huhu ole. Ua hoolana Oia i ka manao o Mose ma, ma ka hai ana i Kona manao @ e hookuu ia no ka poe Iseraela e Parao, mahope nae o na hoopai nui he 10. A kauoha no Oia ia laua e hana i na hana mana Ana i hai e mai, imua o Parao, Puk 5;5—23, 6;1—30 7;1—7.
P 8—13 Heaha ka hana mana mua? Heaha ka hana a na kilo me na magoi o Aigupita? Ua like anei ko lakou mana me ko Mose ma? Heah ka mea kupanaha a ke kookoo o Mose ma? He hana hoopunipuni ka na magoi, e like me ka ka poe keaka e hana nei, a ane puni kanaka ia lakou. Pehea Parao i kona naau?
P 14—17 Heaha ka hana mana elua a ke Akua i kauoha ai ia Mose ma e hana imua o Parao ma, i hookuu ae oia i ka poe Iseraela e hele mai Aigupita aku?
Ua hana ia anei ia hana? Ua lilo anei na wai i koko? Pehea hoi Parao?
Kena oia i na magoi e hoolilo i ka wai i koko, a hana lakou ma ka lakou hana hoopunipuni, a lilo ka wai i koko. Ua lilo na wai a pau i koko. Pilikia loa kanaka, me na holoholona, uwe lakou.
A noi Parao ia Mose me Aarona, e pule i ke Akua e hoi hou ke koke i wai. No ke aha kona noi ole aku i na magoi e hana ia mea?
No ka mana ole no paha. Hiki no i kanaka ke hana hewa, hana ino, hoeha i na kino, pepehi i na kino, aole nae i hiki ke hoopau i ka hewa, a hoola i na mea make.
I ka pule ana a Mose, pehea ke koko? Pehea hoi Parao? Hookuu anei oia i ka poe Iseraela? Aole, hoopaakiki hou oia i kona naau, e hia hana mana i koe i hookuu ai oia i ka poe Iseraela?
O ka hana mana mua, o ka lilo ana o ke kookoo i nahesa, aole oia he hana mana hoopai, o ka lilo ana o ka wai i koko, oia ka hana mana hoopai mua. Nana Ma@ 7;15—25?
Ka hana hoopai elua, oia na rana, ano moolelo uuku, hai mai ia hana, mok 8,1—15
Ka hoopai ekolu. Heaha. 8;16—19, na riakika, ano uku pipili hoeha loa i na kino.
Heaha ka ha o na hoopai?
Na nalo nahu, 8;20—32, hai mai i ka lakou hana, a me ka hana a Parao, ane ae oia mamua e hookuu i ka poe Iseraela.
Hoopaakiki nae oia i kona naau mahope iho.
Ka hoopai elima, heaha ia me kona hope? Ka mai ah@lau, 9;1—7. Hai mai i kona ano.
Ka hoopai eono, ka mai puupuu, hai ma i kona ano, 9;8—17, pehea Parao?
Ka hiku o na hoopai, ka hua hekili, hai mai i kona ano, kona hope, 9;18—35, pehea Parao?
Ka hoopai ewalu, na uhini, hai mai ia, me kona hope, mok10;1—20, pehea Parao?
Ka hoopai eiwa, ka pouli no na la ekolu.
Hai mai, 10;21—29, pehea Parao, ane ae e hookuu aku i ka poe Iseraela, hoopunipuni @ae a huhu loa ia Mose ma.
Heaha ka umi o na hoopai, oia hoi ka hoopai i hookuu ai Parao i ka poe Iseraela, mok 11;1—6. Aia ma ka mok 12 ka hooko ana.
Kupanaha ka hoopaakiki ana o Parao i kona naau? Nui na hoopai, mahuahua mau ko lakou ikaika, mihi no Parao i kekahi manawa, ae no e hookuu, no ka hoopau ia ana o ka hoopai, minamina hou oia i na kauwa pio ona. A hoole loa, aole e hookuu aku.
Na ninau pili i o ianei.
He mau nahesa liilii oia na mea hoowalewale, na keiki a pela aku. Owai ka nahesa nui e ale ana ia lakou? E makau ea, ia poe o alo ia auanei.
Owai na kilo, me na magoi ma keia wa, O ka poe i lapaau i ka poe mai me ka olelo wale no, aole me ka laau?
Pehea ka poe mai e paulele ana ia lakou? Ka poe kaula hoopunipuni, na kahunapule hoopunipuni, ka poe keakea, &c.
Nui anei ka poe i puni ia lakou, a poino ko lakou uhane?
Heaha na mea i like me na rana, na makika, na nalo nahu, na uhini, na mai puupuu, na hua hekili? Weliweli ka nui o na enemi?
I ko ke Akua hoopai ana i ko Aigupita, ka poe kanaka me ko lakou aina, pehea Kana hana ana i ka poe Iserae@a, me ko lakou aina? Ehia la pouli, heaha kekahi pouli kupanaha? Heaha ka pouli nui e hiki mai ana?
Owai ka poe e hoopaakiki ana i ko lakou naau, ma ke aha e lilo ai na halawai me na kula, me na baibala i mea hoopaakiki i ka naau?
Heaha ke ano o ko ke Akua hoopaakiki ana i ka naau?
Owai ka poe hoohalike me Parao, ane mihi, ane huli, ae no e huli, a noi i ka pule a ka poe haipule, a hoi hou no i ka hewa? No k@ aha ka haalele ole o na kanaka, o na keiki i na hewa?
Mele.
Pule.
Haawina no Aug 7. Puk 12;1—14.
NA LETA A NA HAUMANA O HALEIWA, WAIALUA.
Waianae, Mei 14 1881.
Mea i aloha nui ia. Miss Mary E Green.
Aloha nui oe:--
E oluolu oe e kala mai ia’u, i na ua nee kekahi o ka’u mau mamala olelo malalo iho mawaho o ka rula.
E ka makua o ka ike a me ka hoopono, he malihini au ia oe, a pela oe ia’u, aka, m@ ke kauoha a ka buke nui, ua apo ia kaua i ke kuikahi o ka hoopono, i na no ka hoopono kaua.
Ua paho@a mai nei kou leo e ka makua ma ke Kuokoa o Ianuari iho nei, i na haumana i noho mua ma ke kula o Haleiwa, e hoike piha aku i na haina o na ninau au i ninau mai nei.
He oiaio, owau kekahi haumana o loko o ia kula, a ua makaukau au e h@i aku i na haina o ia mau ninau.
A eia iho ka’u mau ninau a me ka’u mau haina.
Ninau, owai kou inoa?
Haina, o Rahaba,
N e noho ana oe mahea i keia wa?
H ma Kanepuniu, Waianae,
N heaha kau hana i keia wa?
H He hooponopono no i ko’u ohana ka’u hana i keia wa.
N ua mare anei oe?
H ae, ua mare au.
N i na ua mare oe, ehia au mau keiki, a pehea ka nui o ko lakou mau makahiki?
H eha a’u mau keiki, ka mua 7 makahiki a eia no oia ke ola maikai nei, ka lua, @ mahina, ke kolu 2 makahiki, ka ha 7 mahina, o keia mau keiki ekolu, ua kuu aku @a ko lakou mau kino i ka hiamoe o ka make.
N he kane haole paha, hapa haole paha, kanaka Hawaii paha?
H o ka’u kane he Hawaii oiaio oia.
N e oluolu oe e hoike mai ia’u i ka moolelo nou iho mai kou wa i haalele ai i ke kula a hiki i keia la?
H o keia iho la paha na hana oiaio o na ninau i ninau ia.
A i na oia, alaila, eia paha ka mea i koe, o ka moolelo e pili ana no’u iho, mai ko’u wa i haalele ai i ke ku’a a hiki i keia la.
E kala hou mai ia’u e ka makua, aole au i haalele i ke kula, aka, o ke kula kai haalele mai ia’u, ma ka waiho ana mai o na makua kumu i ka oihana, a haalele mai la i Puna na hoa@loka, pau ka noho ana malalo o ko laua maluhia a me kea o maikai ana mai.
O Haleiwa kuu home i luakaha ai ma kona mau paia, oiai oia e ku haaheo ana i ka lai o Waialua. Nolaila wau i hoomanao ae ai i ke mele inoa o kekahi opio. C Naolaelua, oia hoi keia:
“Ku kilakila Haleiwa i ka nani,
Nana ae oe liilii na hoku o luna,
O Haleiwa ka oi o na home imi o ka ike.”
Ua minamina nui no hoi au no ka pokole o ka manawa, oiai o ka wa kupono aku la no ia.
Ua haalele au ia Haleiwa i na malama hope o ka m h 1869, a hoi mai la no ka makani kaiaulu, e noho hou malalo o ka makua.
A i ka m h 1872, ua noho haumana ao himeni malalo o D Keaweamahi, a i ka m h 1873, mare i ke kane, a ua noho ao himeni malalo o S N Aarona, a noho kumu papa kula Sabati, a haumana kula S@bati a hiki i keia la.
Oia iho la no kahi moolelo nuku e pili ana ia’u.
E haawi iho oe i ko’u aloha i kau mau kaikamahine, o’u mau hoa uhai aholo o ka ike. Me ka mahalo. Owau no me ka haahaa.
Mrs RAHAB LELEO.
Manana, Ewa, Aper 23 A D 1881.
Miss Mary E Green. Kumu o ke kula hanai o Haleiwa, Waialua, Oahu, e welina oe, a me kou mau hope kumu, a me na haumana malalo o kou @alu.
Ano, ma ka ike ana i kou manao i hoolaha ia ma ka Nupepa Kuokoa, o Ianuari o keia makahiki, no na mea e pili ana i na haumana o Haleiwa i ka wa ia Rev O H Kulika, a me na ninau e pili ana i ko lakou kulana a me ka lakou mana hana.
Owau kekahi pokii a muli loa oia kula i ka wa ia Kulika, aka, no ke noi ia mai e pane aku i na ninau me na haina, ua hiki ia’u ke puana aku e like me ka pane a ko’u mau mua, i pane aku nei ia oe, me ka haina o kau mau ninau.
Ninau, owai kou inoa?
Haina, o Mileka K Makanui.
N e noho ana oe mahea i keia wa?
H ma Manana, Ewa, Oahu,
N heaha kau hana i keia wa?
H ma ka hale no ka’u hana i kekahi manawa ma na mea pili i ka malama ohana, a i kekahi wa ma na hana mawaho ma na mea hiki ia’u,
N ua mare anei oe i ke kane?
H ae,
N i na ua mare oe, ehia au mau keiki, a pehea ka nui o na makahiki?
H elima no a’u mau keiki, o ka mua 9 makahiki me 8 malama, a me na la keu, o ka lua 8 nakahiki, me 6 malama me na @ keu o ke kolu 6 makahiki me 2 malama, me na la keu, o ka ha 2 makahiki me 5 malama me 5 la, o keia kaikamahine ua make iloko ao o keia mau la i hoike ia, o ka lima, 1 makahiki, me 3 malama, he keikikane keia. Elima keiki, ua kii mai ka Mana Lani, a lawe aku la i Kana o ka uhane, a koe wale no eha. Ano, no ka make ana o ko’u hanau mua, ua hooili mai oia i ka@ mau keiki elua na’u.
Nolaila, ua pii hou aku ka’u mau keiki e malama nei i ka eono, elua keikikane, eha kaikamahine.
N he kane haole paha, hapa haole paha a Hawaii paha kau?
H he kane Hawaii no ka’u, ka @ o kuu @, a me ka iwi o kau iwi.
Eia ka moolelo no’u iho.
Ua puka mai au mai ke kul@ mai @ i na malama hope o ka makahiki 1869, oia no paha ka wa i pau @ ai ia kula, ke ole au e kuhihewa.
Ua hoi mai no au a noho me ko’u mau @, ma Manana, Ewa, a ma k@ malama @ Sepatemapa 9 1870, ua ae mai ke Akua @ @ he Adamu na’u, nolaila, mai ia la no ua hoohui ia maua ma ka oihana hemolele o ka noho ana kane a wahine ana me G M Keone, no P@na, Hawaii, kona aina hanau @ noho oia ma Waikane, Ko@laupoko, Oahu.
A ma ka malama o Oct @ 14, @ koho ka ekalesia o Ewa ia maua e noho hai euanelio no lakou, ua noho no maua no elua makahiki me ka hapa, ma ia noho ana, ua haawi mai ke Akua i ka maua keiki mua, i Aug 19 1881, he kaikamahine.
Ua koho mua i kuu manao i na e nui ana keia kaikamahine, ma kuu home i hoonaau no ia’i, malaila e hoonaauao ia’i oia, i ka ike i oi @e i ko’u i ao ia ai ma ia home.
Ua hoomaka ae la oe e kukulu hou i ka hanohano o Haleiwa, a e noho makua hoi no ia kula, a no ka nui no o ke aloha ia Haleiwa, hoouna aku la wau i ka’u kaikamahine ia kula ma ka la 15 o Maraki 1872, ua noho no oia a hiki i keia wa a’u e kakau nei i keia @, ua pin@ ka ewalu makahiki, a oi aku.
A mahope o ko maua waiho ana i ka hana a ka Haku ma Ewa, ua noho no ma Ewa a ma ka mak 1974, ua kahea hou ke Akua ia maua ao ka hana a ka Haku ma ke kihapai ma Anehola, Kauai, ua noho malaila no elima makahiki a oi, iloko o ka la 1 Oct 1877 ua hoouna hou aku la wau i kuu kaikamahine i ke kula o Haleiwa, no ka pau ole no o ke aloha i kahi i noho ai, no ka imi naau, a me ka makahiki 1879, ua waiho hou maua i ka hana a ka Haku ma ke kihapa uhane ma Anahola, Kauai, no na pilikia e pili ana i ka ohana, aole no ka pauaho i ka ohana, aole no ka pauaho i ka hana a ka Haku, no na pilikia no.
A hoi mai no Ewa, a ma ka 1879 ma ka malama o Aug 7 ua hoihoi hou aku au i ka’u kaikamahine hou, no ka pau ole no o ke aloha ia Haleiwa, nolaila, ua piha ka 3 o ka’u mau kaikamahine ma ia kula, mailaila mai no a hiki i keia wa, ma Ewa no i ka @ Hamaule@.
E mama Mary E Green, ma paha e hoouna ana oe i keia leta iloko o ka Nupepa Kuokoa, ka elele waha olelo na@a e lawe’ku i na mea hou, ina pela, e oluolu oe e ae mai i ka’u noi ia oe, e haliu ae au a e kalokalo ae i o’u mau hoa luhi o ka imi naauao, a hoa hoomanawanui o ka Ehukai o Puaena.
E o’u mau hoa luhi, a inea oia home hoo nui ike, a makua hanai uhane, ua hiki paha ia’u ke puana ae me ka hoike aku ia oukou e o’u hanauna mua ma ka imi naauao, owau paha ka hiki mua o na kaikamahine a Rev O H Kulika i hoouna i na moopuna ma Haleiwa he mea hauoli ia no ka makua ke ike iho i na nana a kana mau kaikamahine, ina owau ka mua, owai hoi ka lua?
Puana mai no a nui ka leo a lohe o@ mama i ka Ehukai o Puaena, owai hoi ke kolu, a owai hoi ka ha, pau kauna.
Ola no Haleiwa, kupono no ka hua aloha ia Haleiwa, aole keia he nuku, a mai manao hoi kakou o kahi mau pilikia nana e keakea ia kakou ma ka hoouna ana mai, mai manao kakou pela.
Aole pili keia leo i ka poe i hoouna i ka lakou mau opu momi i na kula e ae. Ua hala ia Puulena a ia i Hilo, no ka poe i koe ae, e pulama mai nei, nolaila keia leo.
He koho wale ko’u, oia paha ka makemake o keia mau ninau a mama ia kakou.
Nolaila, ke paipai aku nei keia leo, i o’u mau kaikuaana, mai ka la puka i Kumukahi a ka la welo i Lehua, ua pau ko’u kamailio no oukou, a na oukou e hookomo iloko o ko oukou mau puuwai, o ke aloha no ko oukou.
Aole paha a’u mea e ae e pane aku ai ia oe, eia wale iho no o ke aloha.
Aole mea hou o ka Ia Hamauleo, oia mau iai malino no e ke kai o Ewa, hookahi no a lakou hana o ka liuliu no i na kaikamahine no ke kula o Haleiwa, a hiki aku na kaikamahine he 20 a oi aku, ola no Haleiwa ia Ewa.
Me ka welina ia oe, a na ke Akua no e alakai ia oe, ma na mea a pau e pili ana i kau kula.
MRS MILETA KAPELA KEONE.
PANE IA D KAAKOPUA.
E ka Nupepa Kuokoa e, Aloha oe:--
E oluolu oe e pane hou ae au i ke kanaka nona na olelo hailiili he nui i ike ia, ke kanaka hoi i nele ka puniu i ka noonoo maikai ka hookae nui nana i hapala na kolamu o ka Paeaina, ke kakaolelo nana e hoaleale nei i ke keena o ka lunahooponopono, ka hohe maopopo i ike ia.
Ua manao au o oe la ka hoa e lealea ai i ke kahua mokomoko o Hinakahua, kahi a ke koa kaulana Ihuanu i pahapaha ae ai oia ke koa o ke koa, ke akamai nui hoi oia mau la, a o oe la kana haumana, eia ka he neo ia. Kai no paha ua ao ia oe me ia a pau pono ua ai o ke kahua mokomoko, pane ku mai la oe i ke poohak@haka, eia ka, aole.
Ina no paha o ko a@ ana mai e ku i kea kea, ina ua ike oe i ka mea maikai a ke keiki o Kauai Aiwohikapua ka mea nana i owili k@ kumu i ka lewa.
I ninau ia iho e oe i ke aha, me na ike la hea o kaua e hookuku ai, ka@ @ ka aka, Akaka ka nele i ka lolo o keia wahi kanaka, paan@au ke poohakahaka i kona waha aole ike i ke ano.
Hokai ua kamalii, o ka inoa ka k@ mea e ku ai i kea kea, hu @ ka pih@ uwe o ka poe o kahua ia oe, o kuu mau olelo i pane ai ia oe, ua koikoi ia iluna o ko hokua, aohe mea e hemo ai, ina e hoi @ ilalo o ka honua, @ kiai kuu mau olelo maluna ou@. K@ palolo mai nei @ waha i kuu @ @ @ @, @ ka @ anei ia @ kuu kono aku ia oe e ku kaua i ke akea, a ike mai ka lehulehu ia kaua, aka, owai o kaua ka mea i ike ia ka @ ana? A o ka mea hohe wale paha? He oiai, aole he ho@hanau e hele nei i K@waiahao i ka pule o D K ka inoa.
E aho paha ke pee ae o D Alopeka, pehea ia? Kai no ua pakele oe i ka huna ole ia o oe malalo o na eheu o ke kapae inoa oiaio, eia k@ ke holu @ no.
Ua makaukau wau he mau kee nou e @apuu ai ko kikala, aka, aole au i makemake e kau@ ia ka’u maka peni mamuli o @ @ o kau mau olelo, he oiaio, @ puka ino kou ike ma ka hakukule, a o na ike a me na olelo maikai, ua hoonele loa mai ke Akua i@ oe.
Ma kau mau pale nou iho, ua @ ia ua mimino ka pua a mae wale ka @, @ ua pane mai nei me ke kua@ wale ana i na mea no i hala.
Na kekahi poe lawe Kuokoa & Paeaina.
Honolulu, July 13 1881.
LOLE MAKEPONO
Ke Kuike.
E LOAA N O IA MA KAHI O
KAKELA ME KUKE!
E LAA NA
Ahinahina, Kalakoa
Keokeo, Leponalo,
Pena, Aila, Aniani,
@A MEA PIULA!
KOPA, AILA HONUA,
AILA HOOMALOO
Kui Kakia, Pakeke,
Tabu, Kaula, Noho Lio,
Hulu Palaki, na Pulumi.
A HE
AGENA NO HOI NO NA MOKUPUNI O HAWAII NEI NO NA
Lainakini-nao,
Lainakini Maoli,
Palule Kalakoa,
Alapia, Kelepa, Kilika,
Na @ole kupono i ka wawae,
Palule Huluhulu,
Na Lole Huluhulu,
Na Lole no ka hoohehelo ana
Lipini, Lihilihi, &c.
LIPINE, LIHILIHI, &C.
A ME NA
Mikini Humuhumu MakeponoLoa!
A HE
MAU MEA AI KAHI
Ka Palaoa, Kopaa,
Raiki, Pia, Hoohu,
Paakai, Huaala,
Pia Kulina, -@
A he Laau Lapaau Kaulana Loa
A DR. JAYNES.
Laau Kunu,
Laau Hoomaemae Koko,
Laau Hoopau Naio,
Penikila, Huaale.
A ME NA LAAU HAMO, A PELA ‘KU
840 tf
PAPA! PAPA!
NO
ALLEN & ROBINSON
UA WEHE AE NEI MAUA @
PA KUAI PAPA
MA
KA UWAPO O PAKAKA
Na Papa Ulaula o na ano a pau.
Na Papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale,
Na Pepa Molina.
Na Pena a me na Aila Pena
NA K@I O NA ANO A PAU.
NA PANI PUKA a me
NA PANI PUKA ANIANI.
NA PANI PUKA a me
NA OLEPELEPE
NA LAKO KUKULU HALE
O NA ANO A PAU!
@ KUAILA MA KE
KE KUMUKUAI HAAHAA LOA
O keia Makeke.
ALLEN & ROBINSON
@ @ @ @ @ @ @
CHRISIANT GERZT
Mea Hana Buti
ME
NA KAMAA MAOLI!
Al@ Papa, makai o ke Keena o @ @ @
KE HAI AKU NEI OIA I NA @ @ @
Ua hoi mai oia mai Kapala@ mai,
Ilaila Oia i ohi @ino mai nei @ @ @
nani a pea o kanu oihana, @ @
waiho ia aku nei no @
ai ana @ @ kumuk@
o ka manawa
HE MAU WAIWAI PIHA O NA BUTI
Na KAMAA HAAHAA a me na ano kamaa
no na Lede. Na Buti, na Kamaa Haahaa
a me na ano kamaa e ae a @
no na Keoni@ana
NA BUTI & KAMAA HAAHA!
A ME NA ANO KAMAA E AE A PA@
NO NA KAMALII!
NA KAMAA O Na ANO HE NUI
O NA KAMAIKI OPIOPIO
O neia mau mea a pau ua hana@ me ke @ @ @ @ paa o na ano hou loa, @ ke @ ia aku nei ia mau mea @ me ka mea i olelo ia
@ E lawe ia no na kauoha mai na M@ me @ @ au me ka eleu.
@
NU HOU! NU HOU!
MAHOPE AKU O KA LA I O IANUARI @ @ @ maka ana makou malalo o na @
DALA KUIKE,
I ka Lona ana aku o ka Waiwai
ka Mea Kuai
E hooka@ua ana makou i ka makou @
malalo o ke DALA KUIKE @
kuai ia aku ana na lako @
@ a pau no ke @
kuai malalo iho @
MEA I IKE IA MAMUA
E LIKE ME KA LILO
He Huina nui ko makou o na @. @
Ho, &c., &c., i kuai ia mamua ae @ @
hoopii ia ana o ka a@ o ka poe
@ i hana.
HE MAU LAKO NUI KO MAKOU
O NA
PALAU
A makou e kuai aku ai no ka @7 a hiki
ka $7.50 Malalo iho o ke Kumukuai
mua no kela a me keia PALAU.
Ano ko oukou manawa kupono e @ @ na waiwai makepono loa.
E hele mai Hookahi. E hele mai a pa@ loa.
DILINAHAMA MA.
942 @ 73 Alanui Papa.
PAPA, PAPA
AIA MA KA@
LEWERS & COOKE!
(O LUI MA.)
MA KE KAHUA KAHIKO MA
Alanui Papu a me Moi
E LOAA AI NA
Papa Nouaiki
o kela a me keia an@
Na Papa Nani a P@ no ke Kukulu
ana i na Hale!
Na Pani Puka, Na Puka Aniani.
Na Olepelepe, Na Pou, Na @
Na Papa Hele, Na Papa Ku,
A me na Papa M@ @ @
NA PILI O KA HALE
O NA ANO A PAU,
Na Pepa Hoonani, Na Pena o na Wai a pau
Na Kui mai ke Nui a ka Makalii,
Na Ami Puka, Na Ami Puka Aniani
Na Ami o na ano o pau.
Na Aila Pena, o kela me keia @
Na Aila Hoomal@o, he lehulehu wale
Na Aila e ne o na ano a pau.
NA WAI@ANIKI
A ME NA
WAI HOOHINUHINU NAN@
o na ano a pau lao.
NA BALAKI ANO NUI WALE
A ke hai ia aku nei ka lono i na makamaka
pau, ua makaukau keia mau makamaka
o oukou e hoolawa aku @
na mea a pau e pili ana
ma ka laua oihana
NO KA
UKU HAAHAA LOA!
E like me ka mea e holo ana mawaena o
LAUA a me ka MEA KUAI
E hele mai! E na Makamaka!
A e lawa no hoi ko oukou makemake
Ma ka oluolu a me ka maikai
@