Ka Nupepa Kuokoa, Volume XX, Number 42, 15 October 1881 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XX, HELU 42                        POAONO, OKATOBA 15, 1881.     {NA HELU A PAU 1037.

 

KA NUPEPA

 

Kuokoa me ke Au Okoa

 

I HUIIA

 

NA OLELO HOOLAHA: -O na Olelo Hoolaha he lo laina kakau lima, he Hookahi Nala no ka puka mua ana : elua puka ana, he $1.50; no hookah maluna, he $2.00

 

NA KANIKAU A ME NA MELE: He 10 Keneta ka uka no ka lalani hookahi, ua like me $1.00 no10 lalani.

 

HOOLAHA MAU: E hoomanao na makamaka a e hookomo mai I na olelo hoolaha mamaa ae o  ke awakea Puaha, I ole e kaukai ia aka a kekahi pule ae.

 

            E hoomanao e na lehulehu, aole e hoopuka kekahi Olelo Hoolaha, Kanikau a me ke Mele ke ole e hookaa mua ia mai ka uku.

            E hoouna pololei mai I na leta I ka Nupepa Kuokoa.

 

MOOLELO O NA LA

•         -           O KA    -

Haku Visakauna Nelekona,

 

KE DUKE O BERONETI.

 

KE KAUA ANA O NA AUMOKU KAUA

 

BERITANIA, - A ME KO ENELANI

 

MAU PAPU LAAU, &E.

 

UA LOKAHI KA MANAO, - AKA, HE HOOKAII

WALE MO NO O ‘NELEKONA.’

            -Earl St. Vincent.

 

KE KAHUA KAUA KAULANA MA KA LAE TARAPARAGA.

 

KA hiki hou ana o ka Haku Nelekona I kona aina hanau, un hookoia la mea no ka Manawa hope loa, mahope iho o kona hoomanawanui ana I ke kiai kaulana o na enemi iwaho o Toulana, a me ke alualu loihi ana ia lakou ma ka moana Atelanika. O keia huakai imi a Nelekona I na numoku kaua hui o me ke kiai paa ana hoi ia lakou iwaho o ke awa o Toulana no na makahiki elua, nole lon he Adimarala o Enelani I hana e like me ia a hiki iloko o ke a la, u me kona hoopakele ana I ke Panalaau o laia Komohana me ke kahe ole o he koko. I kona wa I lele aku ai iuka, a hehi hou kona mau kapuai wawae I ka lep o Enelani, un kakau iho la oia I keia mau olelo maloko o kana Buke Hoomanao penei:

            “I keia la, o ka piha ana ia o na makahiki elua a me na mahina ekolu, mai ko’u ku mua ana mai I Enelani I ka makahiki 1803, mai ke kahua kaua mai o Kopennhegena, a hiki hou au I Enelani nei I keia makahiki 1805, mei ke Kaiwaenahonua mai.”

            Huli hoi pololei aku la ua Nelekona nei I kona home ma Matone, a hui aku la oia me kona ohann, kona mau kaikuaana a me na waikaahine, a hui aku la me kana aloha Ema Hamiletona, a ua piha la kou I ka hauoli ana iloko o na makahiki elua a oi.

            I kekahi la ae, ua holo aku la ua Nelekona nei iloko o ke kulanakauhale o Ladana, e hoike aku I ka Alihikaua Kiekie ka Haku Bahama maloko o ke Keena Kaua o Enelami, I ka moolelo o kona mau aumoku o ke kiai paa ana iwaho o Ladana. Ma kana huakai hele iloko o Toulana, ua hui aku la oia me kona Haku mua, oia hoi ka Haku St. Vincent, ua nui ko laua hauoli ma ka hui ana he alo a he alo. O kona mau hoa'loha, a me na hoa Adimarala e ae, ua hui pu ae la lakou iloko o ka hauoli me ke aloha no lakou ihu.

            He mau la loihi iki mai mahope mai o ia Manawa, ua loaa mai la na palapala hoomaikai a na kanaka kalepa a me kekahi poe e ae o laia Komohana, ma o ko lakou Lunahoomalu lo Sir R Neave, Bart., I hoouna mai i ke kulanakauhale o Ladana ma o ka Haku Meia la, no na hana koa a me ka wiwo ole a ka Haku Nelekona, i kona wa i alualu ai i na aumoku kaua hui i ka moana Atelanika, a me kona kiai pu ana hoi i ka malhia a me ka pono o laia Komohaua. Nolaila, o keia mau palapala hoomaikai a na kanaka kalepa o lnia, ua heluheluia ia mau mea iloko o na halawai nui, a ua hoopukaia hoi iloko o na aupepa o Ladane.

            O keia mau la poloke o ua Nelekona nei ma Enelani, aole be mau mea ano nui i ha na ia, aka, o ke kali wale aku no i ka moku hoomakakio I ka hoi mai I Enelani, e hai ka mea hou no ae aumoka kaua hui, ina ua hoi hou ae lakou iloko o Toulana. O ua mau aumoku kaua hai la, ua pakele mai lakou mai ua aumoku mai o ka Haku Nelekona, a ua hui nae lakou me Adimarala Sir Robata Calder, me na aumoku kaua he 15, a ua hooukaia ke kaua ma kea no ahiahi ma ua kahakai o Ferola, a i ka Manawa i uhi mai ai o ka po, ua nalowale na aoao elua iloko o oka noe, a i ke ao ana ae o ka po, aole i ike hou ia na enemi ma ia maa kahakai. O ke kaua i hooukaia mawaena o keia Admiarala a me na enemi, ua ikaika loa ia mawaena o na aoao elua a ua lawe pio ia mai he elua moku o’he enemi, a ua pakele aku lakou a hoi hou i ke Kaikuono o Toulana. O kana kaua ana, lawe loa ia mai la ia lono a hiki i Enelani no na mea i hanaia e kela Admirala, nolaila, o ke kulanakauhale o Ladana, ua hoomalamaiamaia e na kukui o na ano a pau, a e kai huakai ana na pualikoa ma na alanui me ka hauoli, me ka inoa o Sir Robata Calder, e kukalaia ana ma ka waha o na mea a pau

            O ka iini mau ana o ka Haku Nelekona e hui oia me na aumoku kaua hui, aole nae oia i hui iki me lakou, a o keia lono hoi i lawe ia mai, ua hoouka’l Admirala Robata me na aumoku hui, he mea haohao loa ia i kona manao, pehea la ka oia i hui ole ai me lakou ma kahi kokoke i ke Kowa Pelekane. O ka nana ia ana o kela wahi kauau uuku e na alakai kiekie a me ka poe naau ino, he mea ia no ka Haku Nelekona e lawe hou mai ai i kana kaua kaulana i hoouka ai ma Kopenahagena. O ia kaua, ua hooikaika ka Haku Nelekoua e ioaa na makana no na koa o kona mau aumoku i hoouka ai ma ia la weliweli, aka, o na hoa nae o ka Hale o na Haku, ua hooleia kana mau noi. Nolaila, o keia kaua i hooukaiai e ua Admirala la, ua nana ia la mea a ua loaa na hoomaikaiia e ke kulanakauhale o Ladana, a ma ia kumu, kakau aku nei ua Nelekona nei i kekahi leta i kona hoa’loha Kapena Frementle ma kea no hoohalikelike, a penei kana palapala ana aku:

            “Ua manaoio au me ka hauoli oo ka manao, no ka lanakila i loaa ia Admirala Sir Robata; a me ko’a lohe ana i ka leo o ka lahuikanaka e ake ana e loaa ka maluhia ma ka moana, a nolaila ko’u wahi kaumaha iki. Owai la o na Admirala koa loa o Enelani nei i alakai i kena mau aumoku iloko o ka lanakila nui, no ka hooko ana i ka makemake o ke Aupuni o Beritania Nui? Ua hoouka like kakou i ke kaua, a ua ike pu no kakou i kea no o ia mea. Eia me a’u na aumoku o ka wiwo ole, oia ko’u mau hoa’loha, aka, owai ka mea hiki ke olelo mai, heaha ka hua e loaa mai ana mai loko mai o ke kahua kaua o ke koko? Ua hana ka Haku Nelekona i kana hana a oi mamua o na mea i makemake ia. Ua hoouka no au i keia mea weliweli he kaua, a pela pu no hoi me ua hoa’loha la ou Sir Robata. Owai la ka mea hiki ke olelo mai, ua oi ae kekahi mamua o kekahi? O ko’u imi mau. E kupaa no maluna o ko’u mau manao ponoi iho, mamua o ka hoolohe ana aku i na kuhikuhi huhewa a kekahi poe ma o ae a maanei mai.”

            O ka Manawa o ka Haku Nelekona i keia wa, ua pau kona Manawa noho ma ke no alakai ana i na aumoku ma ka moana. Ua nui ka hanohano i loaa iaia, a aia hoi oia ma ke kulana kiekie loa he Alihikaua no na aumoku Beritania, aka, ua makemake loa oia i keia wa, e hookelakela hou ae i kana mau hana koa mamua o na Admirala e ae, nolaia ua noi hou aku la oia i ke Aupuni o Enelani, e ae hou mai iaia i hookah alakai ana i koe i kona mau aumoku, alaila oia noho i ka aina me ka holo ole i ka moana. O na halawai lehulehu a na kanaka o ke kulanakauhale o Ladana, e noi ana lakou i ka Haku Nelekona e lawe hou ae oia i ke kulana alakai i na aumoku ma ke Kaiwaenahonua, oia kekahi kumu nui nana e hoonioni mai ana i kona manao, i hookah ana huakai alakai i koe i na aumoku, alaila, hoopiu oia i kona manao holo i ka moana.

            I kekahi la ana i hui ai me ka Haku Bahama, ua hoike aku oia i na mea a pau e pili ana no na aumoku Beritania a me na aumoku kaua hui iloko o Toulana; ka hewa o na Kuhina i na mea i hooholoia e pili ana i ka pono o ke Kaiwaenahonua; kea no a me na loli o ka Manawa o na aumoku o Europa, kua mai i ke Aupuni o Enelani. O keia mau mea ana i hoike mai ai imua ona, mahope iki mai o ia Manawa, ua hele makaikai aku la laua iloko o na Keena Kaua, a hoohiki loa aku la iloko o oka Halemai o Garinawika.

            Noho iho ia ua Nelekoka nei me ka ohaoa iloko o keia mau la pokole ma Enelani, a ma ua la hope loa o ka mahina o Aogate, ku mai la i Enelani o Kapena Blackwood, maluna o ka moku hoomakakiu Euryalus. Me ka mea hou o na aumoku kaua hui iloko e ke awa o Toulana. Oiai oia ma ke alahelo na ke kulanakauhale o Ladana, ua kipa mua ae la oia ma Matona ma ka hora 5 o ke kakehiakanui, a he mea mau hoi ia Nelekona ke ala ana i ka wa kakahiaka loa, a e holoholo mau ana oia mawaho o oka lanai o ka hale a hiki i ka wa e malamamalama loa ai. I ka Manawa i komo aku ai o Kapena Blackwood ma ka puka pa, ua ike koke mai la ua Nelekona nei i kona wa e pii aku ana, nolaila, huli koke mai la oia i ke Kapena a pane mai la i keia mau olelo:

            “Aloha kakahiaka oe e Kapena Blackwood,” wahi a ua Nelekona nei, “ua manao au, lawe mai nei oe i ka mea hou o na aumoku kaua Farania me Sepania, a i keia manawa aku paha, e lanakila ana au maluma o lakou.” Pii mahe aku la ke Kapena a lulu lima iho la laua, me ka hai ana aku i ka ike hou ia ana o na aumoku kaua hui iloko o ke awa o Toulana.

            I ka lohe ana o ua Nelekona nei i keia mau hoike a ke Kapena, komo koke aku la oia iloko o ka rumi moe, a hai aku la ia Ema Hamiletona a me kana kaikamahine hanai a me ka punahele, e haalele ana oia i ko lakou home I keia la no ke Kaiwaenahonua. Ua nui kona pioloke ana iloko o keia mau minute pokole, kauoha koke aku la oia e hoomakaukau koke ia mai kona kaa e holo ai iloko o Ladana, hele aku la oia e ike i kona kaikuaana Wiliama, a pau ko laua ike ana, kau aka la ua Nelekona nei me kana kaikamahine punahele maluna o ke kaa, a haawi aku la ua Nelekona nei i kona aloha hope loa ia Ema Hamiletona, oiai oia ma keia huakai i ke kulanakauhale o Ladana.

            Ma keia wahi o ko kakou moolelo e na poe heluhelu, ua hiki mai kakou i kahi e hooko ia ai o ka makemake no ke kahua kaua o Tarafalaga, a e hoomanao hoi ko makou poe heluhelu, o ka haalele ana keia a ua Nelekona nei, haulehia ai oia iloko o ka lanakila nui. Mamua nae o kona haalele ana I a Enelani no kana huakai kiai iwaho o Toulana, ua hana mua oia i koaa palapala hooilina o kona mau waiwai a pau, e haawi ana i kona ohana a me ka poe ilihune, aka, o keia mau mea, aole au i hoike mua aku maloko o’ko kakou moolelo, a hiki I kona wa e haulehia ai, alaila hoike aku.

            O ke aloha o ka ohana a me ka wahine, he mea nui loa ia imua o ka Haku Nelekona, aka, o ka leo o ka loahui e kahea ana i loaa ka maluhia, huli ae la oia i ka moana a nana aku la i na ale kupikipikio, a kahea aku la e like me ka leo kupuni, aia iloko olaila kahi o ka maluhia a me ka hanohano, aia a hookaheia ke koko, alaila, loaa auanei ua maluhia la: a ko hoi ka leo o ka lahuikanaka; a loaa hoi ka maluhia, alaila, noho iloko o ka hanohano a me ke kaulana pookela, ke kanaka nana i hooko ia mau kau oha.

            He mea ua olelo ia e kekahi poe, he kanaka hoomaloka ka o Nelekona i ke Akua, aka, iloko hoi o keia Manawa, ke olelo nei keia mau Buke Moolelo, mamua o ka hale le ana o ua Nelekona nei i kona home ma Matona, ua kakau iho oia i keia pule maluna o kekahi pepa keokeo, me kona lima ka kau ponoi, a ua manaoia, o keia pule ana i kakau ai, he mau huapule ia a ke kanaka manaoio i ke Akua, e noi ana me ka naau haahaa imua Ona, e malama kiai mai iaia ma kana huakai hele imua o na enemi, a penei oia i pule aku ai ia lehova a na Kaua:

            “E OLUOLU anei I ke Akua Kiekie o na Lani, e kokua mai ia’u ma ka’u huakai i ka moana, i hooko ia ai na imi ana a ko’u aupuni maluna io o’u. Ina he mea oluolu ia oe e ka Mea Mana Loa, ka malama kiai ana mai ia’u a hiki i ko’u wa e hehi hou ai ko’u mau kapuai i kuu aina hanau, ke hooinaikai aku nei au me ka eehia malalo o ka paepae kapu o Kou Noho Alii. A ina hoi, he mea oluolu ia Oe ka hoopokole ana mai i ko’u mau la maluna o ka ili o ka honua, ke kunou aku nei ka Haku Nelekona me ka haahaa, me ke noi ana aku ia Oe e ka Makua e hoopakele ae i na poe a pau a’o i aloha ai, oiai au i waiho iho ai ia lakou mahope nei, me ka hoomaikai mau loa ia hoi o Kou inoa. Amene! Amene!!”

            Haalele aku la ua Nelekona nei i kona home aloha, a holo pololei aku la i ke kulanakahale o Ladana, a mamua o kona hiki ana ilaila, ua hoouna mua akua la oia i kekahi elele, e holo loa aku i ke awa hoolulu moku o Portsmouth, e hai aku ia Kapena Haki, e hoomakaukau oia i ka mokukaua Lanakila mamua o ka napoo ana o ka la, oiai e haalele ana lakou ia Enelani i keia ahiahi.

            Oiai oia ma kona alahele iloko o ke kulanakauhale, ua hui mai la me ia kona mau noa’loh he lehulehu wale, ka Haku St. Vincent, ke Keiki Alii ke Duke o Kalalelana, a me kekahi mau poe e ne, e aua ana lakou iaia e noho, aole hoi e holo i ka moana, aka, o kona manao paa ana i hookah ana huakai alakai i na aumoku, aole no oia e noho, nolaila, o na poe a pau e hahai ana iaia, huli ae la ua Nelekona nei a pane aku la ia Kapena Haki penei:

            “Ua loaa mai ia’u na hoohanohano ana ne nui wale mai ko kaou auponi mai, ua liko au he punahele no na aumoku kaua alii o Beritania Nui a pela aku, mai loko mai o kahi a lakou nei e aua mai nei ia’u e noho, ke olelu aku nei au ia oe, e hela aku imua, a e hoo@o pololei i na kauoha a ka lahui.”

            I kona wa i komo aku ai iloko o ke Keena K@na, hui aku la oia me ka Alihikaua Kiekie ka Haku Bahama, a hai aku la oia iaia, e malele ana oia ia Enelani nei i keia ahiahi no ka Kaiwaenahonua, no ka mea, ua hei hou ae na aumoku kaua hui iloko o ke awa’o Toulana. O ka Alihikaua Kiekie, ike mai la oia i kea no pupuahulu o ua Nelekona nei, a manao iho la oia, he hiki iaia ke hookaulua aku i ka holo ana o ka Haku Nelekona, ina he manao kona e holo oia i kela la, o kana mau olelo e ano like ana me ia, huli ae la ua Nelekona nei, a kuhi aku la kona lima hema i ua Alihikaua nei me ka pane ana aku i keia mau olelo:

            “E pono oe e kamailio akahele ma kea no naauao,” wahi a ua Nelekona nei, “he mana hiki i ka Alihikaua Nui o na aumoku o ka moana e like me a’u, ke kauoha aku i mau pono kaua no kona mau aumoka e like me kona makemake iho. Aole au e olelo nui aku ia oe no’u iho, aka, he mea pono nou a me a’u, e lokahi ko kaua manao ma ke kumu hookahi.”

            O keia mau olelo a Nelekona imua ona, aole ia he mau huaolelo ku i ka maikai, aka ua ike mau kakou i ko Nelekona ano, he kanaka oia aole e loli kona manao ma kana mea i manao he pono a me ka pololei, a he kuokoa loa no hoi oia ma kana mau hana i na na wa a pau. No ka hoka ana o ua Alihikaua nei i keia mau olelo a Nelekona, waiho koke mai la oiai ka papa inoa o na moku a me na koa imua o Nelekona, me kona manao, nana no e koho kona mau moku a me na koa me ka naau hookeekee, aka, ua hiki no i ka Haku Nelekona ke ike aku i kea no o kana hana ana pela, nolaila, huli hou ae la oia imua o ka Alihikaua a pane hou aku la i keia mau olelo:

            “E kuu Haku Bahama,” wahi a ua Nelekona nei, "e koho no oe ia oe iho, alaila, aole oe e koho hewa i kou mau aumoku.”

                                                                                                                                    Aole i pau…

 

HE OLELOAO.

 

I ke KUOKOA; Aloha oe.

 

            Eia malalo iho nein a oleloao a ka Lunakanawai Hoomalu o Honolulu nei no kekahi hoa Lahainaluna opiopio, kino puipui, a me kekahi wahine a kekahi haole o Honolulu nei, oia keia malalo nei:

            “La oe e Kuahupio k, ke hawai aku nei keia Aha he mau oleloao, a no na hoa Lahainialuna e like me oe e ku mai nei imua o keia Aha. No kou ao maikai ia a puka mai Lahainaluna mai, aka me kou ike no na hai keia wahine, hoomaka oe e komo i kekahi koloka pouli, me kea o ana ma kekahi mau mea e pili ana i ka pono, eai ka he mau hana ino loa kau i hana ai. A pela pu no hoi me kau mau leta i hoea mai imua o keia Aha, he mau olelo kupono ole, a pelapela no hoi. Ua manao keia Aha he oi loa ka pono o ka mea naaupo mamua o ka mea i naauao e like me oe i keia la. Ua ike no oe ua loaa wale mai ka ike ia oe a ke Aupuni e haawi wale nei i na keiki Hawaii, aka, hana nae oe i keia mea imua o kou lahui ponoi me ka hilahila, me kou ike iho no ia oe uo ao maikai ia oe, hoomaka nae oe e hana i hana ino loa, e like me he mea naaupo la. O kou hoopai he $75.00 me $3.10 ke koina o ka Aha.”

            A pela pu no hoi me ka wahine ia ao ana a ka Aha, a me kona’aa e haalele i kana kane mare no kekahi mau malama i hala, a nolaila, nahoopai ka Aha i ka wahine he 2 malama hana a $6.10 ke koina.

                                                                                                            S R KAMAKA.

Leleo, Honolulu, Sept. 24, 1881.

 

HUNAHUNA MEA HOU O KA AINA

PALIKU.

 

            Auwe! Ona ka hoi kekahi haole wehe leta o Honokaa, puehu liilii na palapala mai kona lima aku, haukae i ke lepo.

            Ke kukuluia nei kekahi hale ma Kukuihaele; he hale hoonaanao no na Hawaii ma na mea hoolana manao, malalo o ke alakai a ka Makua Rev. J Bicknell, i mea e hoolaka ia mai ai na opio i paa iluna o na hana maemae, he ole hoi ka auwana hele wale.

            Ua hoopaiia iho nei elima poe kanaka ma Kukuihaele no ka pili waiwai ma ka lulu. Eia ka huaolelo: Aohe Kanawai o ka pili lealea.” Hana mau no a nanea, mahope hoopaiia, akahi no lakou a ike he lealea hewa keia.

            Nui na hookolokolo i keia mau la no ka hewa one a me ka malama i ka opioma; kakaikahi na hewa e ae, ke pa iho nae, kanono ka puu monimoni.

            Ke hoomaemae hou ia nei ka halepule ma Kawela, me ka manaolena i wahi e no ia ai ka olelo haole no ka apana o Hamakua nei. He mea hou keia ia makou, oui, he makapehu olelo haole makou a nohe nei.

            Holopono na hana mahiko ma Hamakua nei, a ulu no hoi ked ala ma ka poli o na kanaka; ua ikea ma ka pii ino o na mea kuai, aole nae he kanalua ia mai.

            O ka mahi laiki ma Waipio ka hapanui o ka aina ke nana aku, nuku na mahi kalo; aneane ana paha e nele i ke kalo ole, pela i ka nana aku.

            Nani na alanui o Hamakua nei; ke ake nui ian ei e holo na kaa holoholo e like me ko Honolulu, a e ko ana no paha ma keia hope aku, no ka mea, ke hoomau ia nei no ka hana ana.

            He ma-u ia.

                                                                                                                                                J.W.K.

 

KE KAHU AUPUNI MA KILAUEA,

HANALEI, KAUAI.

 

E ka Nupepa KUOKOA e; Aloha oe:

            Ma ka hora 4 P.M. o ka Poaono, la 24 o Sept. nei, ua hiki mai la ka huakai alii ma keia wahi. Ma ke kaalio ke Kahu Aupuni Liliuonamoku, ma na lion a Ukali; a ua ukaliia e ke ‘lii Kiaaina Pual P Kanoa o Kauai nei, a me J Kakina. Mrs. Kakina, Miss Ema Hobbe, D Makaliu o ka Ua Loku o Hanalei.

            Mamua o ka hiki ana mai, ua lonoia mai la, e haalele ana ka huakai a ke Alii ia Hanalei Mahope o ka aina awaken, no Anahola. Aka, ulu ae la ka manao o ke keiki R A Macfie, keiki lalawai a ona mahiko o Kilauea nei e hoomaikai aku i ka huakai a ke Kahu Aupuni, a laweia mai la na launahele o ke kuahiwi o ka laau lehua a hooulumahiehie ia aku la ke alanui me na puka pa o na aina mahiko e waiho ana.

            I ka hiki ana mai i ka hora i haiia maluna, holo ae la na makaainana ma ka pa o ka halekuai pake, e kali ana me ka pihoihoi; a i ka hiki ana mai, a aloha mai la i na makaainana o Kilauea nei me ka leo waipahe, a me na kipona hoomanao aloha makaainana o na la i hala ma Koloala.

            I ka hookaulua ana iho o ka huakai alii ma ke alanui, ma ka hoolauna ana aku o ka ona mahiko o Kilauea nei, a ku iho la ke kaa Alii, a haawi aku la o Mr. Macfie i ke aloha o na makaainana o keia apana i ke Kahu Aupuni ma ka olelo haole, i kakauia ma kekahi mea ano buke. A i ka pau ana ae o kana, ua kukai mai la ka leo alii ma ka pane ana mai i ke aloha i na makaainana ma ka olelo haole no, no ka mea, he lehulehu no na makaainana haole. A i ka pau ani ae, ua knonia aku la ka huakai alii no kekahi hana ano hou e pili ana i ka ma hiko o Kilauea nei.

            Ke Alanui Kaamahu o Kilauea – Ua hooili aku o Mr. Macfie na ke kahu Aupuni e kike a e kakia i ke kui mua o ke alahao o Kialuea. Mamua o ko ke Alii kakia ana i ke alahao, ua lilo ka haiolelo alii ia J M Kapena ma ka aoao o ke Kahu Aupuni. O kea no nui o kana mau olelo, ua lilo ka hanohano i ka mahiko o Kilauea nei ma ka hiki kino ana o ka Hooilina o ke Kalaunu e hoomoe i ke alahao mua loa o Kauai nei, a kappa aku la oia i ka inoa o ke alahao o LILIUOKALANI; a he mea e haaheo mai ai na makaainana o ka apana mahiko o Kilauea nei iloko o keia au holomua. A pau ka hai ana ma ka olelo Hawaii. Hai aku la oia ma ka olelo haole no ia manao hookah no; a ua piha hauoli ia na haole me na Hawaii. A kukai mai la ke ‘lii Kiaaina ma ka aoao o na makaainana o Kauai, me na manao koikoi a waiwai a make Alii.

            A mahope iho, pane hou aku la ke keiki R A Macfie i ke Kahu Aupuni ma ka olelo haole, a haawi ia aku la he hamare hou loa ma ka lima o ke Aliiwahine me ke noi ia ana aku la ke Aliiwahine e kakia i ke alahao; a i ka pau ana ae, ua haawi ia he mau huro make alii no ka hana a ke Kahu Aupuni no ia Manawa pokole.

            Mahope iho ua lulu lima me na makaainana, a o ka pau no ia, a kau hou aku la ke Kahu Aupuni ma ke kaa, a aloha hope mai la i kona mau makaainana, a ahai aku la na lio me ka niniu o na huila o ke kaa, no Anahola ka pahuhopu ia po.

            Me ka mahalo. Owau no

                                    J H M MAKAAINANA

Kilauea, Sept. 26, 1881.

 

HOOLAHA KAI LA LAWAIA.

 

            KE papia aka nei ka kihe i na kanaka a pau loa, ua kapu loa ka hele wale ana me ka laweia ana, ohi limu, papai a me na ano ia a paa ioa maloko o na paleoa o ke Kai Lawaia o Koholaloa, ma keia ia a ma keia hope aku. O ka poe e koa ana i keia hoohaha, a hoopili ia ao ma ke Kanawai.

                                                                                                            HOI LEE LEE WAH CO.

 

KALE KULIKA,

Luna Hooiaio Palapaia kuai,

MOLAKI A ME NA PALAPALA OIA ANO.

Luna Hooinio Palapala Aelike mawaena

O na Haku a me na Kauwa.

Luna Haawi Palapal Mare.

Me ke hiki o ke Alanai Meiwahiae me Kaahamano, kulana o Hookeka, ko Kawaii Pae Aina. 996 tf

 

MAIKAI KA HOI KA PAPA

•         -           A ME –

 

KA LAAU O KOU HALE!

 

KAI NO HOI NO KAHI O

 

WAILA MA

 

Nana aku no hoi ia la

           

            Ohi ka lo o ka Laau o Makawao

                       

                        I ka ua mea hoi o ka nani

 

Na PAPA! Na PAPA!

 

            -A ME-

 

NA PONO KUKULU HALE

 

O NA ANO NO A PAU

 

Aia ma ke kihi o na

 

ALANUI PAPU me MOIWAHINE

 

HONOLULU

 

MALAILA E LOAA AI

 

            E LIKE me ka MAKEMAKE

 

KUMUKUAI MAKEPONO LOA

 

PAPA, PAPA, PAPA,

 

            Na Papa Huluhulu,

           

                        Na Papa i kahiia

 

                        Na Papa Kepa,

 

            Papa Hole Keoeko,

 

            Papa Hole Ulaula.

 

NA LAAU, NA LAAU

 

Na Kua,

 

            Na Kaola.

                       

                        Na Anaho,

                                    Ne Molina

                                                Na Peapea

 

Pine Huluhulu,

            Pine i kahiia

 

NA Papa a me na Laau Ulaula?

 

            Pili ulaula,

            Pili Keokeo,

            Pani Puka,

 

                        Pani Puka Aniani,

                        Ipuka Aniani,

                        Puka Olepelepe.

 

PENA O NA ANO A PAU

 

Hulu Pena mai ka Liilii a ke Nui,

            Aila Pena,

                        Aila Hoomaloo,

                                    Waniti, Pate.

 

NA LA KO O KELA A ME KEIA ANO

 

            Na Ami Puka Hale,

                                    Na Ami Puka Pa

                        ANIANI!

 

Pepa Hale a me na Lihilihi

            E LOAA NO MALILA.

PAAKAI HELU I O KAKAAKO me PUULOA

            No ke Dala Kauiki, e loaa no na mea a pau i hai ia ae la, ne ke Kumukuai Emi loa. O na kauoha mai Hawali a Niihau, e loaa aku no ia lakou, e hooko kake ia no ia me ka lawa pono. E kipa nui ilaili i ike i ka oiaio.                           905 if