Ka Nupepa Kuokoa, Volume XX, Number 42, 15 October 1881 — Page 4
| This text was transcribed by: | L. A. Marchildon |
| This work is dedicated to: | Any Canadians calling Hawaii home...I'm so envious !! |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA
Kuokoa me ke Au Okua
I HUIIA.
No ka Makahiki, $2. Eono Mahina, $1.
Da@a Kuike ka Rula.
POAONO, OKATOBA 8, 1881.
OLELO HOOLAHA.
E noho ana ka ahahui lunakahiko @ na mokupuni o Maui ma ka luakini o Waihee i ka Poalua mua o Nov ae nei, koho pu mai oukou e na ekalesi i mau lunakahiko i ike io ia he aloha i ke Akua, i hana io ia na ha na i hooholo ia maanei iloko o ko lakou mau ekalesia, aole i poe hookamani a hooko ole, a lilo i poe pepehi kahunapule, a me na hana a ka Haku i kauoha mai ai.
Pele na kahu a pau o keia aha, e hele mai, mai noho i hookahi, e hele mai ko Silo ama, Pelekuni a me Wailu, e S Paulo o Halawa, mai hoopupu hou oe, o lohe hou ole i na mea pili ia mau ekalesia o ka Haku o Polepe kahi ia mau la.
E ka ahahui kula Sabati o Maui nei, e hui pu ana kakou a pau ma Waihee nei, e hele mai na lala i koho okoa ia, aole o na mea i koho ia no ka hui makua, mai makau oukou a kanalua hoi, e hele nui mai, i pakele oukou i ka wanana o Italia ina Novemaba, oiai he nui loa na akua ma Waihee nei, e hoopakele i na la ino o Nov, e lawe pu i wahi io i-a, he puaa wale no ka i-a o Waihee ia mau la.
2t O Nawahine.
A ROSY CROWN.
Mele Hoole Waiona.
Golden Wreath.
1
He lei maikai, he rose no,
Ua kuiia a ala,
E kau maluna o na poo
O na hoole rama.
Cho. Kii, e kii na hiwa, na hiwa e,
I ka lei, lei rose, lei rose nei.
2
Owai ke koa ke ae nei
E kue i ka ona?
E oki i mau rose lai,
E hana i lei nona.
Cho. Kii e kii, &c.
3
Makou a pau ke ae nei no,
E kinai i ka rama,
No loko ia o ka po,
He koa no satana.
Cho. Kii e kii, &c.
4
Makou ka aha Inuwai,
He ino loa ka rama,
He ahi wela e make ai,
A mau ka aa ana.
Cho. Kii e kii, &c.
Unuhi ia e Hawaii.
LULI A MAU.
Tempted & Tried
Gospel Hymns No 3.
1
Luli a mau ma ke kai o ke ao,
Kai hohonu e no me ka ooloku.
Papa nae o Iesu,
A malie koke no,
A Ali mana Oia a mau, mau a mau.
Cho. Luli a mau, paa no nae Iesu,
Ke Hoa hoopili, a hommalu mau.
2
Luli a mau, E ia nae o Iesu.
Ma Ona la ka paa, o ku paa no a mau
Ka Hoola no nei
Ma ka paulele e,
Ke Alii Hanohano ke Hoa maikai.
Cho. Luli a mau, &c.
3
Luli a mau, Oia mau nae Iesu
Ma Ona la ka malu, ka malu a mau,
A malalo ae no
O ka hae o Iesu,
Malu pu kakou me ka hauoli pu.
Cho. Luli a mau, &c.
4
Luli a mau. Mau no nae o Iesu,
Ke Kiai pili pono, a alakai mau,
Ka palama no nei
Me ka uku maikai,
Oli wale kakou a e pomaikai e.
Cho. Luli a mau, &c.
Hawaii.
Kaawina Kula Sabati.
HELU 5, SABATI, OCT 30, 1881.
KUMUHANA.
Nadaba me Abihu. Pauku Baibala. Oihk 10:1—1.
1 Lalau iho la hoi, ka Aarona mau keiki o Nadaba a me Abihu, i ko laua mau ipuahi a hahao ae la i ke ahi maloko, a kau hoi i ka mea ala maluna iho a mohai aku la i ke ahi ma ke alo o Iehova ka mea Ana i kauoha ole ai ia laua.
2 Puka mai la hoi ke ahi mai ke alo mai o Iehova, a ai iho la ia laua, a make iho la laua imua o Ichova.
3 Alaila olelo ae la o Mose ia Aarona, O ka mea keia a Iehova i olelo mai ai, i ka i ana mai, E hoanoia mai no wau e ka poe e hookokoke mai Io'u nei, a e hoonani ia mai hoi Au ma ke alo o na kanaka a pau. A hakanu iho la o Aarona.
4 Kahea ae la hoi o Mose ia M@saela a me Elazapana; na keiki a Uziela, ka hoahanau o ko Aarona makua, i aku la hoi ia laua, E hookokoke mai, e lawe aku i ko olua mau hoahanau mai ke alo aku o ke keena kapu, mawaho o kahi e hoomoana ai.
5 Hookokoke ae la hoi laua, a halihali ae la ia lana iloko o ko laua mau kapa mawaha o kahi e hoomoana ai, e like me ka Mose olelo.
6 Olelo aku la hoi o Mose ia Aarona a me Eleazara a me Itamara, kana mau keiki, Mai wehe ae i ko oukou mau poo, aole hoi e uhae i ko oukou mau kapa, o make oukou a kau mai ka inaina maluna o ka poe kanaka a pau; aka e uwe ko onkou poe hoahanau ka ohana a pau o Iseraela, i ka aa ana a Iehova i kuai iho ai.
7 Aole hoi oukou e hele mawaho o ka puka o ka halelewa o ke anaina, o make ou kou, no ka mea, maluna o oukou ka aila poni o Iehova. A hana iho la lakou e like me ka olelo a Mose.
8 A olelo mai la o Iehova ia Aarona, i mai la.
9 Mai inu i ka waina a me ka mea ona, o oe a me kau mau keiki me oe, i ka wa e hele ai oukou iloko o ka halelewa o ke anaina, o make oukou: he kanawai mau no ia i na hanuana o oukou.
10 I hiki hoi ia oukou ke hookaawale iwaena o ka hoano, a me ka hoano ole, a iwaena o ka haumia a me ka maemae;
11 A e ao aku hoi oukou i na mamo a Iseraela, i na kanawai a pau a Iehova i olelo mai ai ia lakou, ma ka lima o Mose.
Pauku Gula, Oihk 11;14, hoopaa.
Manao nui. Ka hoopai weliweli ia ana o ka poe hookuli.
Na heluhelu la I Oihk 8;1—36 2 Oih 9 1—24, 3 Oihk 10;1—20 4 Oihk 24;10—23 5 2 Sam 6;1—12, 6 Na Lii 13;1—25, 7 Heb 2,1—9.
Mele.
Pule.
Ka wehewehe ana, &c.
Ka manawa, Aperila B C 1490, ma ke ahiahi o ka la 8, ehiku la i lilo i ka hoolaa ana i na kahuna. I ka pau ana o na hana hoolaa, alaila ua makaukau na kahuna e hoomaka i ka oihana kahuna a ua hoomaka no lakou ia oihana ma ka pau ana o na la hoolaa ehiku.
Aia no na Iseraela ma ka papu o Sinai.
Ma ke ahiahi o ka la 8, ua pau na mohai i ka mohai ia e Aarona, ua komo Mose me Aarona iloko o ka halelewa, a hoomaikai aku laua i ke anaina kanaka. A ike ia ka Nani o Iehova. Puka mai ke ahi mai ke alo mai o Iehova a hoopau iho la i ka mohai kuni a me ke kaikea maluna o ke kuahu, a ike ka poe kanaka a pau ia, hooho ae lakou a moe ilalo, Mok 9;1—24.
Mok 10 pauku 1 Ehia keiki a Aarona? Owai na inoa?
Ua hele lakou eha me Mose i ka mauna o Sinai a ike i ka nani o Iehova malaila.
Ua hoolaa ia lakou i mau kahuna, a hiki ke mohai i na mohai i na manawa kupono, a mamuli o na kanawai mohai.
Aole po ka la mua o ka hoomaka ana i ka oihana kahuna, a hookuli na keiki 2.
Owai ia mau keiki, na keiki hanau mua keia, a pono ke hana maikai. Hana hewa no nae.
Owai kekahi mau keikii hiapo i hanahewa, heaha ka hewa o keia mau keiki elua.
1 lalau laua i mau ipu ahi no ka manao e mohai aku ma ke alo o Iehova.
Ka hewa o keia, 1 aole i kauoha ia, 2 aole ia he manawa kupono no ka mohai ana, 3 me he la hoi, ua komo laua ma kahi hoano loa, kahi kapu loa, Aarona wale no ka mea i ae ia e komo ilaila.
2 hahao i ke ahi maloko o ka ipu, a pela aku.
Ka hewa o keia, he ahi e, he ahi maoli keia, aole ke ahi mai ka lani mai, he hana wale keia, e like me ko laua manao, he hana hookiekie.
3 ua ona paha laua i ka waina, oia hoi ka waina e pili ana i ka mohai inu.
P 2 heaha ka hope o ko laua hewa? Nohea ke ahi?
Mahea ka hoopai mua me ke ahi?
Mahea kekahi mau hoopai me ke ahi?
Nah 11;1,16;35, 2 Na Lii 1;10,12, Hal 11;6, Ezk 20;47, Hoik 21;8.
P 3 heaha ka Mose olelo ia Aarona?
Pehea iho la Aarona?
Aole hiki iaia ke ekemu, ua kaumaha loa oia.
Aole hiki i na makua e pane aku i ke Akua ke hoopai Oia i ka lakou mai keiki kolohe.
P 4,5 owai kai kahea ia e lawe i na kupapau iwaho, maloko o ke aha?
He mau kahuna anei laua?
Owai kekahi mau mea elua i make koke no ka wahahee, nawai laua i kanu?
P 6,7 heaha ka Mose i papa aku ai ia Aa moa me na keiki koe elua?
Na hoailona kanikau, mai wehe i ke poo, mai uhae i ke kapa, mai puka iwaho o ka hale lewa e uwe, no ke aha? O make oukou.
Ina kanikau na kahuna, he ano hoohalahala paha ia i ka ke Akua hoopai ana i Nadaba ma.
Hiki i na kanaka ke kanikau no ka make ana o keia mau kahuna o lakou.
Aka o na kahuna, hiki no ke kanikau malu, aka aole pono ke haalele i ka oihana kahuna a hui me na kanaka ma ke kanikau ana , ua laa lakou na ke Akua.
P 8—11 heaha ke kanawai mau maluna o na kahuna ke hele e hana i ka lakou oihana?
Mai inu i ka waina o aha lakou?
Pili anei keia i na kahuna i keia wa?
Heaha ka hewa ke inu e i ka waina?
Lalau ka noonoo, hiki ole ke hookaawale mawaena o ka mea hoano me ka mea hoano ole, mawaena o ka pono me ka hewa.
Heaha ka na kahona e ao ai i na kanaka?
Na ninau i o lanei.
Na kane. Ehia la i lilo i ka hoomakaukau ana poni ana, hoolaa ana i na kahuna?
Heaha na hana, na lole, na mohai, ka aila?
Heaha ka hana ke makemake kekahi kanaka Hawaii e lilo i kahunapule?
1 e hele i ke kulakahuna,
2 e huli kekahi mau kahuna, mau aha euanelio paha e ninaninau iaia.
Ina apono ia ka hoike ana, alaiia, aha?
Na wahine. Ua kapa ia kekahi hana e pili ana i na kahuna, he poni, heaha ia hana?
He poe Iudaio anei kakou, a nolaila keia hoohalike ana me na Iudaio?
Owai ko kakou kahuna nui?
Me ke aha Iesu i poni ia ai Hal 45;7.
Nawai la i poni, Hal 2;6.
Owai na kahuna malalo ae o Iesu?
A pono ke poni ia lakou me ke aha? A na wai lakou e poni?
Ma ke kau ana o na lima o na hoa kahuna, malaila anei e loaa ai ka poni ana o ka Uhane?
Na keiki. Pehea oukou e lilo ai i poe kahuna? Ma ka poni ia ana e ka Uhane Hemolele. Ua poni ia anei oukou?
Ae, aole, ina ua huli io mai oukou, ma ka pono, ua poni ia a hiki ke haiolelo, ke ao ke paipai i na hoa e huli mai.
Ke kula a pau. He mau kahuna hou loa ua hewa koke, owai laua, heaha ko laua hewa, heaha ko laua hope ino?
Owai ka poe hoohalike me laua?
Nui wale. 1 na kahuna me na haiolelo inu waina, inu rama, haiolelo me ka ona, me ke puhi paka, nau baka, me ka hana i na hana pono ole.
2 ka poe hookekee i ka ke Akua olelo, a hai aku i ko lakou mau olelo, me he mea, na ke Akua mai.
3 ka poe hui pu i ka hoomanamana kahiko me ka hoomana ia Iehova, e hoomana ana ia Iehova, a i na daimonio, i na akua kahiko.
4 ka poe hoopuka wale i na hua pule me ka manao ole.
Heaha ka mea e pakele ai i ka make i ke ahi?
Mele,
Pule,
Haawina no Novemaba. Oihk 16; 16—30.
KA HELE MAKAIKAI ANA I
-- KA –
AINA O NA PARAO.
KAKAU IA NO KA POMAIKAI O KA POE HELEUHELU O KE KUOKOA.
HELU 12.
Na hale pule kahiko o Aigupita.
O na halepule kahiko o Aigupita ua kukulu ia lakou mai na pohaku paa loa a me he mea ala ua kukulu ia no ka manawa loihi a he paa loa hoi ko lakou kukulu ia ana, me he mea ala, ua kukulu ia no ka manawa mau loa.
O na halepule kahiko o Aigupita, aole lakou i kukulu ia no ka hoomana ana o ka lehulehu e like me ko kakou mau halepule, aka, ua kukulu ia no ka poe kahuna nui a na lakou wale no e komo iloko a e hoomanao i na akua a ua hoopuni ia keia mau hale pule me na pa kiekie i hana ia me ka paa loa a mawaho mai o ka puka o ka pa hale, oia kahi o na kanaka e hoomana ai.
A ia no hoi mamua o keia wahi puka iloko o ka pa, he hale nui i kukulu ia me na aleo a he rumi nui ma ka ipuka okeia hale he mau lumi maloko aku e moe ana me ka like loa.
O ka rumi mua loa ua nui ae, a o ka rumi maloko aku he uuku ia i ka rumi mua a pela no ka moe lalani ana o na rumi a hiki i ka uuku loa, o ka runi uuku loa he pouli loa ia a iloko o keia wahi rumi, he pahu pohaku i kalai ia me ke akamai, ua kapa ia, ka pahu hoohalike kahi e noho ai na akua a ua kapa ia, ke keena hoaho loa.
Ua kapu loa keia keena i na mea e ae a koe wale no ke kahuna alii, @e poo o na ka huna a pau.
O ia wale no ka mea kuleana i keia wahi, o na kuhana malalo iho ona, na kapu loa ko lakou komo ana ma keia rumi.
Ua hoonoho ia na kahuna ma kela wahi keia wahi o ka luakini e like me ko lakou kulana a me ko lakou naauao, ina ua kiekie ke akamai o kekahi kahuna, alaila e hoonoho ia ana oia ma na rumi e kokoke mai ana i ke keena hoano loa, a pela no na kauna a pau
E noho no lakou e like me ke kauoha a ke kahuna nui, a o ka hana a kekahi poe kahuna oia no ko lakou lawe ana i ke kii o ke akua a lakou e hoomana ai e hoanau ilo ko o kekahi wahi loko wai mahope aku o ka luakini i kapa ia, ka lokowai l@.
A o na wahi a pau o ka luakini, ua pena ia me na kii, na moolelo na mea pili i ke ano o ka hoomana ana a me na moolelo, a o ka hapa nui o keia mau moolelo no na alii wale no, ka hana kaulana, kona ano haipule paha, kona mau kaua kaulana a he nui na mea a pau e hoike ana no na mea e pili ana no keia mau alii.
A o na aia kaulana loa no ka lanakila ua kahakaha ia kona ka me kana mau mohai i mohai a me ka malia ana mai o na akua i kana noi me kona lanakila nui maluna o na enemi.
He mau kii kekahi a'u i ike ai no na lii e kau ana maluna o na kaa kaua a e luku ana i na enemi, e ku ana oia me ka hanohano nui e hoolele aku ana i oia i kana mau pua iwaena o na enemi.
Aole e hiki ia'u e hoi pau aku i ka nui o na hale pule me ko lakou mau inoa aka nae e hoike au i ka mea hiki ia'u.
O ka halepule o Ed@u kai hana hou ia i keia mau malama i hala aku nei, @ hanee kona mau kaupiku, o ka puka e komo aku ai iloko o keia hale he 27 kapuai ke akea, o ke kiekie he 125 kapuai a ua hana ia na ao ao o keia puka mai na pohaku nui a paakiki a ma na aoao e ku ana kekahi mau kia pohaku no laua ke kiekie he 75 kapuai.
Ua ike aku no hoi makou i ka lua i pao ia iloko o ka pohaku kahi i hoopaa ia ai ke koa hao e paa ai ke pani puka opiopi o ke kihi o luna o ka puka he pohaku nui nona ka loa he 27 kapuai o ka manoanoa he 5@ kapuai o ke kaumaha o keia pohaku he 50 tona, oi hoi he 100,000 paona ke kaumaha.
Ua ike no hoi au i kekahi pohaku nui i like ka nui me ka haie towe@a o luna.
Ua alakai ia aku la makoa iloko o kekahi rumi nui a ua pii @ku la makou i kekahi ala pii i kalai ia mai loko mai o ka pohaku, o ka nui o na anuu o keia alapii he 243 e moe ana keia alapii malalo aku o kekahi mau ru mi liilii.
Ma na aoao ekolu o ka halepule, ua hana ia me na pohaku nui eleele a ua uni ia keia mau pohaku eleele me @ kii i kahakaha ia aku mawaho e ka poe kahiko loa o Aigupita.
O ke kiekie i uhi ia me keia mau pohaku eleele he 50 kapuai, a ua paa wale no i na kii.
Ia makou i komo aku ai i kekahi rumi nui i kukulu ia me na kia pohaku nui i hiki ole i na kanaka elua ke hoopuni ae.
Ua halawai mai la me ko makou ike kekahi kii pohaku, oia hoi ke kii o ke akua Hawke i kalaiia mai loko mai o na pohaku paakiki loa.
Mai keia rumi aku; ua alakai ia aku la makou ma kekahi rumi e aku, e ku lalani ana na kia pohaku i kalai ia e like me ke ano o ke kumu o ka pama a o ke kiekie o keia mau kia pama he 50 kapuai.
I ka'u hoomaopopo ana, he rumi ahaolelo paha keia, a ia ma na aoao o keia rumi he mau wahi rumi liilii; o keia rumi li ilii, ua uhi ia o luna me na pohaku oolea a he puka kuea iwaena konu i wahi e komo mai ai ka malamalama.
Ua pena ia me ka pena omaomao na paia o keia mau rumi a he mau kii o na hoku kai kahakaha ia aku me he mea ala he rumi kilo hoku keia, i ka pau ana o ka makou makaikai ana i keia rumi, ua alakai ia aku la makou ma kekahi rumi ma ka hikina, o na mea o loko, he pahu kupapau pohaku ke waiho ana.
A ia iloko o keia pohaku kahi i waiho ai o na kii o Hawke a me Harus na laloa ia a he mau rumi liilii no e pili ana i keia rumi aia iloko o kekahi oia mau rumi he alapii e moe ana a hiki iluna loa o ka palena pau o kaupaku.
Ua kahakaha ia ma na aoao o keia alapii na kii akeakamai a me na mea pili hoomana na kii o na kahuna nui a he mau kii kekahi i kalai ia a kukulu ia ma hai o keia alapii, hookahi wawae o keia mau kii e hehi ana maluna o ke alapii.
A i ka hiki ana iluna loa, ua hiki aku la makou i kekahi rumi uhi ia me na pohaku a ua kahakaha ia na paia me ka papa hele me na kii o na ano a pau.
Aole i pau.
HAINA O NA NINAU HAUOLI A L S KEANIANI.
E ka Nupepa Kuokoa e. Aloha oe:--
E ae mai oe i keia makapeni e kuilima pu aku me ka Lunahooponopono a me na Keiki oniu lawe poahi o kou keena lamalama i na haina a L S Keaniani i hoopuka ia ma kou Helu 37 Buke 20 o ka la 10 o Sept, a eia ka'u mau haina malao iho nei:
Niaau 1 ehia ano hoopunipuni?
Haina, ekolu, 1 ka hoopunipuni lealea, 2 ka hoopunipuni kokua, 3 @ka hoopunipuni hoopoino.
Ninau 2 heaha ke ano o ka huaolelo Denie?
Haina, he apana moni, a na like me 16 keneta me hapalima.
Ninau 3 heaha ke ano o ka hua olelo Levita?
Haina he poe lawelawe ma ke kuahu malalo o na kahuna.
Ninau 4 owai ka mea i ike mua ia Iesu i Kona wa i ola hou ai mailoko mai o ka luakupapau?
Haina, o Mari@ Mad@lena.
Nikau 5 heaha ke kapa a Iosepa i wahi ai ke Kino make o Iesu?
Haina, he kapa olona, ke ano he kihei maemae.
O keia ae la ka'u mau haina no na ninau hauoli o ka la a L S Keaniani.
Me ka lana iliwai like o ko'u manao, e hooia mai ana ia i keia mau haina.
Ua oki au maanei, oiai ke ani peahi mai la ke oho o ka palai ia'u e hoi ua ahiahi, a ke kani hoe@e mai nei hoi ka leo o ka @ele o Pilemena @a anu na p@li Koolau.
Me ka mahalo,
PETER N MAILOU.
Kalaupapa, Molokai, Oct 5 1881.
HOOLAA IA PAIAALA A ME KA LULU DALA NONA IHO.
Ua hoolaa ia keia betera hou ma ka Poaono Sept 10 hora 11, na Rev J N Kamoku i hoolaa, P K Malauea me J Paakaula na lawelawe hoolaa.
Ua wehe ia na hana me ka himeni 74, pule o Paakaula, himeni 504 Malauea, helu helu ba@b@la Kamoku, pule Malauea, himeni 126 Paakaula, haiolelo Paakaula a kokua mai o Malauea, himeni 503 Kamoku, hoiolelo hoolaa Kamoku aia ma Nalii 1 3:13 pule hoolaa ia Kamoku hookuu ia na hana e pili ana i ka hoolaa.
Ma ia wa koke iho no, ua malama ia ka lulu dala ma o na malihini la, a ua ike ia na hua ohaha he $42.50, a mahope iho hoi ua kahea ia na kamaaina e hoomake ana ma na hale, e like me ka mea i hooholo ia e hana, J K Kawaiwai me kona ohana he $10.50. Kamainui me kona ohana $25.00, Kalemakani me kona ohana $13, Kauwila me kona ohana $30.00. Paakaula me kona ohana $16, Kahoalalua $3. Lilipi ma $8.50 Bila ma $2.50, Meheula ma $5.50, Huelo 1 dala, Kahuluhelu me $6.50, Palea ma $10 hui ia me ka na malihini, ua loaa $146.50, aka ma ia wa iho ao, ua ala mai la na manao aloha mai kela a me keia hoa mai e kahea ana no ka manuahi.
Ia wa no i ike ia aku ai ka helelei ana mai o na pakaua dala ma o mai, maanei iho malalo ae, a pela wale aku no a hiki aku la ka huina pau o na loaa i ka $258.60.
Me keia mau hua ohaha i ike ia ai, ua uuku loa ka ukana i koe maluna o keia betera hou?
Ua manao ke komite, e pau ana ma keia mua iho me ko ka bele.
"Na ke Akua e Kokua."
J M KAUWILA.
Kaimu, Puna, Hawaii, Sept 12, 1881.
HE LEO KAHEA.
Ina makamaka a pau e noho aie nei i ke Kuokoa o ka 1880 a me keia makahiki a'u e lawe aku nei i ka Nupepa ma ko oukou mau hale, ke kauoha ia aku nei oukou i ko oukou mau koena i koe iloko oia mau makahiki, i mea e hala ole ai oukou a me a'u ko oukou Luna lawe.
O kuu manawa e hiki aku ai i o oukou la e ohi mai, o ka Poaono o ka pule elua Oct oia ka la 15 oia malama, e hiki aku ana au ma na hale noho a me na hale oihana o ou kou ma ka la i hai ia ae la maluna. O ka mea hookaa ole mai i kona aie, e hoonele ia oia i ka pepa ole ma ia hope aku. E hooko ia keia i pono ai.
S W B Kaulainemoku,
Luna Lawe Pepa.
OLELO HOOLAHA.
Maikai ka hoi kou Paa Lole?
Nohea la kahi i loaa ai ia oe?
No kahi o
ROBSON & SORENSON,
ma Alanui Papu,
Keena o McINTYRE.
1022 6m.
PAPA! PAPA!
-- NO –
ALLEN & ROBINSON
UA WEHE AE NEI MAUA I
PA KUAI PAPA
-- MA –
KA UWAPO O PAKAKA
Na Papa Ulaula o na ano a pau,
Na Papa Paina o na ano a pau.
Na Pili Hale Ulaula.
Na Pili Hale Keoko.
Na Pepa Hoonani Hale,
Na Pepa Molina.
Na Pena a me na Alla Pena!
NA KUI O NA ANO A PAU.
NA PANI PUKA a me
N PANI PUKA ANIANI.
NA PANI PUKA a me
NA OLEPELEPE.
NA LAKO KUKULU HALE
O NA ANO A PAU!
I KUAIIA MA KE
KE KUMUKUAI HAAHAA LOA
O keia Makeke.
ALLEN & ROBINSON
@
LOLE MAKEPONE
Ke Kuike
E LOAA NO IA MA KA@
KAKELA ME KUKE!
-- E LAA NA –
Ahinahina, Kalakoa,
Keokeo, Leponalo,
Pena, Aila, Aniani.
@ MEA PIULA!
KOPA, AILA HONUA.
AILA HOOMALUO
Kui Kakia, Pakeke,
Tabu, Kaula, Noho Lio,
Hulu Palaki, na Palumi.
-- A @ --
AGENA NO HOI NO NA MOKUPUNI O HAWAII NEI NO NA
Lainakini-nao,
Lainakini Maoli,
Palule Kalakoa,
Alapia, Kelepa, Kilika.
Na lole kupono i ka wawae
Palule Huluhulu,
Na Lole Huluhulu,
Na Lole no ka hoohehelo ana
Lipini, Lihilihi, &c.
LIPINE, LIHILIHI, &c.
-- A ME NA –
Mikini Humuhumu MakepouoLoa!
-- A HE –
@AU @EA AI KAKI
Ka Palaoa, Kopaa,
Raiki, Pia, Hoohu,
Paakai, Huaala,
Pia Ku@a, @
A he Laau Lapaau Kaulana Lo@
A DR. JAYNES.
Lau Kunu,
Laau Hoomaemae Koko,
Laau Hoopau Naio,
Penikila, Huaale
A ME NA LAAU HAMO, A PELA 'KU
840 tf
PAPA, PAPA
AIA MA KAHI O
LEWERS & COOKE!
(O LUI MA.)
MA KE KAHUA KAHIKO MA
Alanui Papu a me Moi
E LOAA AI NA
Papa Nouaiki
o kela a me keia ano.
Na Papa Nani a Paa no ke Kukulu ana i na Hale!
Na Pani Puka, Na Puka Aniani,
Na Olepelepe, Na Pou, Na O-a,
Na Papa Hele, Na Papa ku,
A me na Papa Moe nui loa
NA PILI OKA HALE
O NA ANO A PAU.
Na Papa Hoonani, Na Pena o na Wai a pau,
Na Kui mai ke Nui a ka Makalii,
Na Ami Puka, Na Ami Puka Aniani
Na Ami o na ano a pau,
Na Aila Pena, o kela me keia ano
Na Aila Hoomaloo, he lehulehu wale,
Na Aila e ae o na ano a pau.
NA WAIVANIKI
-- A ME NA –
WAI HOOHINUHINU NANI !
o na ano a pau loa.
NA BALAKI ANO NUI WALE
A ke hai ia aku nei ka lono i na makamaka pau, ua makaukau keia mau makamaka o oukou e hoolawa aku ma na mea a pau e pili ana, ma ka laua oihana
-- NO KA –
UKU HAAHAA LOAI
E like me ka mea e holo ana mawaena o
LAUA a me ka MEA KUAI.
E hele mai! E na Makamaka!
A e lawa no hoi ko oukou makemake me ka oluolu a me ka maikai!
845tf