Ka Nupepa Kuokoa, Volume XXI, Number 12, 25 March 1882 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Kuokoa me ke Au Okoa

I HUIIA.

No ka Makahiki, $2.   Eono Makina, $1.

Dala Kuike ka Rula.
POAONO, MARAKI 25, 1882.

 

WHAT HAST Thou Done FOR ME?

Gospel Hymns, No 276

1

Lilo kuu ola @ou,

A me kuu koko pu,

I ola oe a mau,

            Aole make hou.

||": Heaha kau, heaha kau

            I hana mai la no'u?:||

2

Ua waiho au la nou

            Kuu home maluna'e.

Kuu nani no a pau,

            Nou au i waiho ai.

||: Heaha kau, heaha kau

            I waiho ai la na'u? :||

3

Kai au i kou luuluu,

            A make ino nou,

I ole e make mau

            Kou uhane ma ka po

||: Heaha kau, heaha kau

I kaikai ai la no'u? :||

4

U @ lawe au la nou

            Mai luna lilo mai,

I mohai kamahao,

            Ka mohai e ola'i.

||: Heaha kau, heaha kau

            I lawe mai la no'u? :||

Hawaii.

 

Haawina Kula Sabati.

HELU 2.  SABATI,  AP. 9.

KUMUHNA.

Ka make ana a loane Bapetite.  Pauku Baibala.  Mareko 6;14—29.

            14 A lohe ae la o Herode, ke ulii, (no ka mea, ua kaulana aku ko Iesu inoa,) i ae la ia, Ua ala hou mai nei o Ioane Bapetite, maiwaena mai o ka poe make, no ia mea, ua hoike ia na hana mana, ma Ona la.

            15 Olelo ae la kekahi poe, O Elia keia: a olelo ae la kekahi poe, He kaula ia, a he mea like me kekahi o ka poe kaula.

            16 Lohe ae la o Herode, i ae la ia, o loane keia, nona ke poo a'u i oki ai, ua ola hou mai ia, maiwaena mai o ka poe make.

            17 No ka mea, ua hoouna aku o Herode, a hopu ia Ioane, a hoopaa iaia iloko o ka halepaahao no Herodia, no ka wahine a Pilipo, a kona kaikana, no ka mea ua mare o Herode me ia

            18 A ua olelo aku o Ioane ia ia, Aole pono kou lawe ana i ka wahine a kou kaikana.

            19 No ia mea i ukiuki ai o Herodia ia ia, manao iho la no hoi e pepehi ia ia, aole nae i hiki;

            20 No ka mea, ua makau o Heroda ia Ioane, ua ike ia, he kanaka pono oia, a me ka hemolele, a malama no o Herode ia ia, a hoolohe no i kana, a nui na mea ana i hana ai me ka hoolohe oluolu iaia.

            21 A hiki mai ka la apopo a Herode i hoomakaukau ai i ahaaina hanau no kana mau ahi, a me na lunatausani, a no n@ mea koikoi o Galilaia;

            22 Alaila, komo ae la ke kaikamahine a Herodia, a haa iho la ia, a olioli o Herode iaia, a me ka poe e noho pu'na me ia, alaila olelo mai la ke ahi i ua kaikamine la, E noi mai oe ia'u i kau mea i makemake ai, a e haawi aku no wau ia oe.

            23 Hoohiki aku la oia iaia, O ka mea au e noi mai ai ia'u, na'u ia e haawi aku ia oe a hiki i ka hapalua o ke aupuni o'u.

            24 Hele aku la ia iwaho, i aku la @ kona makuahine, Heaha la auanei ka'u mea e noi aku ai?  Olelo mai la oia, O ke poo o Ioane Bapetite.

            25 A hele wikiwiki ae la ia i ke alii nonoi ae la, i ae, Makemake au e haawi koke mai oe ia'u i ke poo o Ioane Bapetite, maiuna o kekahi pa.

            26 Minanina loa iho la ke alii, aka, no kona hoohiki e ana, a no ka poe e noho pu ana me ia, i manao ole ai ia e hoole aku ia ia

            27 Kena koke ae la ke alii i kekahi ilamuku, olelo ae la e laweia mai kona poo.  Hele aku la ia, a oki ae la i kona poo iloko o ka halepaahao;

            28 A lawe mai la i ke poo, iluna o ke pa, a haawi mai la i ua k@ikamahine la, a haawi ae la hoi ke kaik@mahine i kona makuahine.

            29 Lohe iho la kana poe haumana, hele mai la lakou, a lawe aku la i ke kino, a waiho iho la iloko o ka halekupapau

            Pauku Gula, Hal. 37;12.  Hoopaa.

            Manao nui.  He mea ino loa ka hoomauhala.

            Na heluhelu la.  1. Mar. 6; 14—29.  2. Mat. 14;1—12.  3. Luk. 3;1—20.  4 Mat. 11;1—11.  5. Io. 1;6—8, 15—36.  6. 1 Na Lii 19.1—14.  7. Hal 37;7—24.

            Ka manawa.  Maraki paha.  Aperila paha A. D. 31.

            Kahi i hanaia'i.  Makerasa, ma Pesea.

            Na wahi like.  Mat. 14;1—12.  Luk. 3;19,20. 9;7—8.

            Ka wehewehe me ka ninau ana.

            P. 14.  I ko Herode lohe ana i na hana mana a Iesu, heaha kana olelo nona?  Owai keia Herode?  Herode Anetipasa, ke keiki a Herode ka nui.

            P 15.  Owai hoi Iesu ma ka manao o kekahi poe?

            P 16.  Paa nae ka manao o Herode, o Ioane Bapetite keia.  No ke aha kona manao ana pela?  No ka mea, ua hana loane i na mea kupanaha.  Ua hana hoi keia kanaka i kapa ia o Iesu i na hana mana.  Noaila, o Ioane no ia, Ua oki au i kona poo.  Ua make oia, ua nalo.  Aka, ua ala hou mai oia, a ke hana nei i keia mau hana mana.  Ua akaka ko Herode manaoio ana, ua hiki i ka poe make ke ala hou mai.

            Na ke aha nae i hoala ia manao iloko ona no Ioane?  Na kona lunaikehala, e hoahewa mau ana ia ia no kona pepehi halaole ana ia Iaone.  Hoea pinepine ke poo ana i oki ai imua o kona maka a hoopiha ia ia i ka weliweli me ka hoahewa Ioa ia ia iho.

            P. 17 20.  Heaha ka hala o Ioane i hopu ai Herode a hoolei ia ia iloko o ka halepaahao?

            Owai ke kaikana o Herode?  Owai ka wahine a Pilipo?

            U'aha Herode ia Herodia?  U'aha Ioane ia Herode no kona lawe ana ia Herodia i wahine nana?

            Olelo oia, aole pono kou lawe ana i ka wahine a kou kaikaina i wahine nau.  Oia ka ko Ioane hala, Ukiuki loa Herode, a manao e pepehi ia Ioane.  No ke aha ka pepehi ole?  Makau ia Ioane no ke aha?  Ua ike oia, he kanaka aha Ioane?  A ua aha oia i kana mau hana?

            Makau Herode is loane, Makau hoi i na kanaka.  No ka mea, ma ko lakou manao, he kaula pono Ioane.  Ina pepehi Herode ia ia, e pepehi paha na kanaka ia ia.  Nolaila, aole oia i pepehi ia Iloane; u'aha nae oia ia ia?

            Ua hewa io anei Ioane?  Aole?

            P. 21—23.  Ua hoopaaia loane iloko o ka halepaa hao, a hala ka makahiki hookahi ilalia.  He la kai hiki mai, oia hoi ka la hanau o Herode.  Heaha kana i hoomakaukau ai?  He ahaaina no wai?

            Owai ke kaikamahine i komo iloko o ke keena ahaaloa?  Salome.  Owai kona makuahine?  He kaikamahine akamai oia i ke aha?  Akamai i ka hula, e like me kekahi mau kaikamahine Hawaii.  Hookahi no mea i hula.

            He wahine wale no.   Aohe ka he kane.  Ko Hawaii hula paha ia.  E nana kakou i ka hope o keia hula hookahi ana.  Mahalo piha Herode ia Salome no ke akamai loa i ka hula ana.  E ke kaikamahine, e noi mai oe i ka mea au e makemake ai.  Ina noi oia a i ka hapalua o kona aupuni, pehea kona hoohiki ana?  He hoohiki naaupo ea.  He aupuni nui kona.

            E haawi ka oia i ka hapalua o kon a aupuni no ka haa hookahi ana o Salome!  Owai kai hoohiki pela mamua loa aku?  Est. 5;3.  E aho keia hoohiki, no ka mea, o Esetera ka moiwahine.

            P 24—28.  Akaka ole ia Salome ka mea ana e noi aku ai ia Herode.   A hele oia a ninau ia wai?  Maikai no Salome ma ia kuka pu ana me ka makuahine.  Aka, ma ka ae ana i kona pane, ua maikai anei?  Heaha ia pane ana?  Ina ua noi aku oia i ka hapalua o ko Herode aupuni me ka loaa mai.

            Ua waiwai loa oia.  Heaha ka waiwai ke loaa ia ia ke poo o Ioane?  Naaupo loa oia ea.

            Kulou iho paha @ia imua o Heroda, a olelo.  E ke lii, e Herode e ola oe a loihi.  E koe okoa no kou aupuni nou iho.

            He wahi makana uuku ka'u e noi aku ai ia oe, e ke lii hanohano, oia ke poo lo Ioane Bapetite.  E oki oe i kona poo, a e lawe mai ia i o'u nei maluna o kahi pa nui.  Auwe! he kaikamahine ai-kanaka ka oe, e Salome!  Oia ka kou uku maikai no kou hula akamai ana imua o ke 'lii, ke poo o ke kaula maikai!

            I mea aha nau, a na kou makuahine?  I mea anei?  I mea aha?  I uku ea, no ka hoomauhala o kou makuahine?

            Ua hooko anei Herode i keia noi ana?  Me ke aha nae?  A no ke aha hoi?  Makemake e hoole, makau nae i kona hoohiki, a @ ka henehene ia e na hoa ai.

            P 29.  I ka lohe ana o na haumana a Ioane i na mea i hana ia i ko lakou kumu, aha lakou i kona kino?  A hele a hai aku ia wai?  Mat 14;12.

            Ua make ko lakou kumu.  I o wai la e hele aku ai?  Akahi no a manao e hahai mamuli o Iesu.

            Mahea i hana ia'i keia mau mea?  Ma Kerusa, kahi puu kaua keia halepaahao.  Ma Pesea, ma ka hikina o Ioredane.

            Heaha ka hope o Herode me Herodia?  No ka lohe ana o ka Moi o Roma, ua kipi Herode, ua wailanaia laua i Liona ma ka hemo o Farani, a malaila laua i make ai.

Ka hoopili ana.

            I Pohihihi Iesu i kekahi poe.  Owai la la?

            Nohea mai?  Heaha Kona ano?  Owai la Iesu i ko oukou manao?  Ua akaka Kana mau hana.

            Ua pepehi ino ia Ioane Bapetite.  Ua kuhi Herode, ua ala hou oia mai ka make mai.  He kuhihewa ia.  Ua pepehi ino ia Iesu.  A ua ala io mai no oia mai ka make mai.  Heaha Oia i keia manawa?

            2.  Huhu no kekahi poe ke ao ia no ko lakou hewa.  A hana ino, hoopaahao, pepehi i ka poe ao aku.  Mai makau i ka hoike i ka hewa.  Nui paha na paa mare hewa, na paa manuahi, me ka poe hewa e ae.  E ao e papa, e hoike i ko lakou hewa.

            Mai makau i ka hoopaa ia iloko o ka halepaahao.

            3.  He mea hoeha loa ka lunaikehala.  Mai hana hewa i ke kanaka pono.  Mai aihue.  Mai pepehi kanaka.

            Mai puhi i ka hale i ke ahi, o lilo auanei ka hoomanao ana ia mau hewa i ahi wela loa iloko ou.

            4.  Hookahi no hula ana, a lilo ia i mea i hewa ai na mea ekolu no ka pepehi kanaka.  He mau pepehi kanaka, Herode, Herodia, Salome.  Hookonokono Herodia.  Ae Salome.  Hooko Herode.

            Aole paha i like ka hope o na hula a pau me keia.  Aka, heaha ka maikai o ka hula?

            He mea alakai no i ka hewa.  He mea hoala i na kuko.

            E na kane me na wahine, e nana i ka hope o ka noho mare pono ole, o ke oki hewa ana, a mare i ka poe i oki hewa.

            Mai hookonokono na makua i na keiki e hana hewa.

            Mai ae na keiki i ka hookonokono ana o na makua e hana hewa o hoopai pu ia.

            Kakou a pau, e wikiwiki e hoopau aku i ka inaina a me ka hoomauhala.

            5.   Ka poe kanikau no ka nele i ka makua ole, i ke kumu ole, e hele io Iesu la, i lilo Oia i Makua, a i kumu no oukou.

Haawina no Aperila 16.  Mareko 16; 30—44.

 

HE OLELO HOALOHALOHA A KA AHALUNA MAKUA O KAWAIAHAO i ka Ohana o PILIPO NAONE.

            I ka wahine kanemake, na keiki makua ole, a me na m@ opuna i hoonele la i ke kupunakane ole.  Aloha oukou:

            Ua oluolu i ka Makua Mana Loa, ka lawe ana aku i ko oukou makua i a oha nuiia a hoahana pu hoi me makou iloko o na hana a ka Haku, oia o Pilipo Naone, kekahi o na makua kahiko o keia ahaluna.

            Nolaila, hooholoia, o makou na hoa o ka aha@na makua o Kawaiahao, ke komo pu aku nei makou e kanikau pu me oukou, no ko oukou makua, a hoahana pu hoi me makou i hala aku.

            Hooholoia, ke haawi aku nei keia ahaluna makua i ko lakou hoomaikai ia John Naone a me kana wahine, no ko laua malama maikai ana me ke aloha i ko laua makua i hala.

            Hooholoia, ke nonoi nei makou i ka Makua Mana Loa, Nana e hoomama mai i ko oukou mau manao Tuuluu me ka ehaeha, no ko oukou makua aloha, i haalele mai i keia ola ana.

            Pela i ko ai ka olelo a ka Haku "Nana no i haawi mai, a Nana no i lawe aku, e hoomaikai ia Kona Inoa."

            Na ka Ahaluna makua o Kawaiahao, ma o na komite 'la.

James K Kaulia,

Stephen L Desha.

 

            Ina kieki makuaole,

                        Mr a me Mrs Davida;

                                    Aloha olua:--

            Ua aluolu i ka Makua Mana Loa, ka lawe ana aku i ko olua makua i aloha nuiia, a hoahana pu hoi me makou, iloko o na hana a ka Haku, oia o Wahinealohaoleia, kekahi o na makua kahiko o keia ahaluna.

            Nolaila, hooholoia; o makou o na hoa o ka ahaluna makua o Kawaiahao ke komo pu aku nei makou e kanikau pu me olua no ko olua makua a hoa lawehana pu hoi me makou i hala aku.

            Hooholoia, ke nonoi nei makou i ka Makua Mana Loa, Nana e hoomama mai i ko olua mau luuluu me ka ehaeha, no ko olua makua aloha, i haalele mai i keia ola an@.  Pela i ko ai ka olelo a Iakobo.

            "He mahu ke ola i pu-a iki ae, a nalo ae la.  Pomaikai ke kanaka ke make iloko o ka Haku."  Hoik 14;13.

            Na ka Ahaluna makua o Kawaiahao, ma o na komite la.

James K Kaulia,

Stephen L Desha

 

UA KUU KA LUHI.

            Ma ka la 8 o Mar 1882, ua kii ia mai e ka makua Mana Loa o Lota Nakalina, a ua hoi aku oia ma ka Paredaiso nani loa ma kela ao.

            Ua haalele mai oia ma keia noho ana, he ohana nui, a he mau hoapaahana iloko o ka pono Kristiano o ka ekalesia o Kaneohe, ua nui kona mau la o ka hoomanawanui ana no ka pono Kristiano.

            Ma ka ekalesia makua o Kawaiahao, no kekahi manawa loihi, ua nui no hoi kona hooikaika ana me na 'lii o Kaahumanu ma a me na kumu.

            Ua puni o Hawaii, Maui, Molokai, Oahu a me Kauai a hiki loa aku i Niihau, e hai ana i ka olelo a ke Akua iwaena o keia paeaina.

            Mamuli o kona ulia ana no kikahi poino ma ke alanui, ma ia wa mai ka hoonawali ana a ka mai maluna o kona kino, a hiki mai i ka la mamua ae o kona haalele ana mai ia makou a pau i kona ohana.

            A ma keia wahi i puana mai ai oia i keia mau olelo hope loa.

            "Ke hauoli nei au, a ke olioli nui nei hoi, e halawai pu hoi me ka Haku ma kela ao, a ke lana nei kuu manao, e loia ana ia'u keia ao nani.  Ke hea mai nei ka Haku ia'u, ke olioli nei wau i keia wa, e halawai pu me la ma kela ao."

            Nolaila, e kupaa ma ka manaoio ia Kristo, aole ma ka mana o kanaka, e hoolana i ka manao," me keia mau olelo oia i kauoha ai ia'u e hoike aku i ke anaina kula Sabati o Kaneohe, pela no i ka ahaluna.

            O ka loihi o kona mau makahiki ma keia ao 110, ua hanau ia oia i ka makahiki 1772 a hoi aku la oia ma kela aoao.

            Nolaila e mahaloia ka Haku ma na lani kiekie loa, Nana no i hana mai a Nana no i lawe aku.

            Nolaila, ke haawi nei au i ko'u aloha hope loa i ka Lunahooponopono, a me na Keiki Ulele hua Metala o kou Office.

Williams L Kailiwai.

            Kaneohe, Koolaupoko, Mar 18 1882.

 

HUNAHUNA O KO NA AINA E.

            Ua hoolaha ia ae ne olelo kuahaua mai ka hale leta nui ma Wasinetona i na hale leta e ae a puni o Amerika, e pono e @ ia kela a me keia e lawelawe ana i ka hana maloko o na hale let a pau.

            Ua hoike ae o kauka Hoinona, ke kauka i ike @ono  i ke ano o ka poino i loohia maluna o ka Peresidena Gafila mamua o na kauka e ae a pau i lawelawe he pupule io ko Guiteau, aka aohe nae ia he mea e pakele ai oia mai na umii o ke kanawai.

            Ua laulaha ae he lono manaonao a puni ka honua nei no kekahi hana pegana i hana ia e ka Moi o ka lahui Ashantee ma Aferika a penei ua lono la:

            Ua kauoha aku la ua Moi la i kona poe kanaka e hele aku iwaena o kekahi lahui e pili pu la me kona me ke kauoha paa aku, ua ake oia e loaa i 200 wahine opiopio a e lawe ia mai imua ona.

            I ka hooko ia ano o keia kauoha, ua lawe @e la oia i ka pahi a oki pakahi aku la i na poo, a o koko, ua malama ia iloko o kekahi ipu, a oia ka mea e hoowali ia ai ka puna no ka hana ana i kekahi halepule e manao ia nei e kukulu ma Ashantee.

            Ua hana ia keia mea me ka malu loa, aka ua ko no ka ka baibala, o ka mea e hana ia ma kahi malu, e ahu molale ia ma kahi akea.

            Ua loaa mai nei ma Idaho i kekahi kanaka malama holoholona he muliwai nui e kahe ana malalo o ka honua, ua loaa i keia kanaka kekahi lua hohonu nona ke anapuni o ka waha he 12 kapuai, a o lalo loa aku o ka loa he pouli a puni a he halulu o ka wai e kahe ana la'i hea kai lohe @.

            Ua make mai nei kekahi wahine ma Ohio iloko o ke kanawalu o kona makahiki, no na makahiki he nui @a ake mau oia e make aka o kahi keakea nana e hoopanee mau'na i kona ola, oia no ka pau pono ole o kana mau hana liilii, oia ka humuhumu &c, aole on@ makemake e haule na manao hilinai o kona mau makamaka, u@ hoomanawanui oia a piha na mak he 80, ia wa ua hiki ole iaia ke hana, nolaila ua olelo iho keia wahine, ua ko ko'u imi a ke inu nei au i keia laau make, inu ae la ia a haule aku la ilalo he mea make.

 

E. Cook Webb, M.D.

HOMEOPATIKA.

            Kauka o ka Halemai Homeopatika, ma ka Mokupuni Ward's.  N. Y.)

            KEENA OIHANA.—Helu 60, Alanui Papu.  Makaukau mau e lawelawe i na pilikia mai o na wahine a me na kamalii.

            HORA HANA.—Mai kakahiaka a hora 10 am.—2 a i ka 4 pm.       967 4m

 

C. C. Coleman.

Amara a he mea hana Mekini

Kapili kapuai hao lio.

--A ME KA—

Hana ana i na Kaa Lio &c.Hale Hana ma Alanui Alii. e kokoke la i ke Alanui Papa.            905 tf

 

PAPA KUHIKUHI MANAWA HOLO

--O KA—

MOKUHAHU HAWAII

"LIKELIKE,"

KAPENA KING.

AOLE AIE NO NA UKU @

            Ke hoolela aku nei ka aie no ka uku ohua, a ke hoikeia aku nei i ke akea, ina he mau paiki, ukana a puolo hooili ko lakou, e pono e hoailona ia me ka moakaka lea.  Aole no e ae ia ka lawe ana i na ukana, paiki a puolo i hoailona ole ia ke ole e kakouia ka loaa ana mai.

HE KUIKE KA UKU UKANA.

            Ma na ukana a pau o na makamaka, e pono e uku mua ia.  A e hookoia no na kaueha no ka lawe a hiki i kahi i makemake ia.  A e malama ia no me ka makaala na ukana, paiki a me na puolo, lio, pipi a me ka hoki.

E hoailona ia me ka moakaka na Pahu Rama a me Waina.

            O ka poe no lakou na ukana o keia ano, e pono e hoailona ia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.

            O na koina no na pilikia a me na poho, e pono e hoike koke la mai iloko o ka malama hookahi.

            Aole e aeia na hookele kaa, na keiki a me na mea like e pii iluna o ka mokuahi i ka wa e pili mai ai i ka uapo, aia wale no a pau no ohua eepakeke i ka lele.

            No ke ake nui e hoopomaikai ia ka lehulehu kaahele, ua hoololi ae nei na Ona o Likelike i ka Papa Hoike Manawa oia Mokaahi e like me ma na.

Ma ka Hale Oihana e loaa'i na Palapala.

            Aole Keena o hope e lilo, aia wale no a kaa mua mai ka uku moku  Aole e ili ka hewa no na paiki, ukana a puolo paha aole e kakauia ka loaa ana mai.  E hookaaia ka uku uka@ ka wa e noila aku ai. WAILA MA

 

OLELO HOOLAHA.

                        Ma keia ke hoike aku nei au, aole au e uku i kekahi aie i hoaie ia ma ko'u inoa ke ole e loaa aku kekahi palapala hoapono mai a'u uku.

R NEWTON,

            Lahaina, Feb. 25, 1882.          1057 3t

 

JNO. LOTA KAULUKOU.

LOIO a HE KOKUA.

            UA makaukau au e lawelawe i na hihia a pau o kela a me keia ano iloko o na Aha Hookolokolo a pau o keia Aupuni.  Ua hiki no hoi ke hanu i na palapala a pau e pili ana i ka Oihana Loio me ka elea.  E loaa no au ma Heela Koolaupoko, a ka Honolulu no hoi i kek manawa.     901 tf

 

S. B. DOLE.

HE LOIO A HE LUNA HOOIAiO

PALAPALA.

            E hiki no iaia ke lawelawe i na hihia o kela a me keia ano imua o na Ahahookolokolo a pau o keia aupuni.

            Keena hana ma Alanui Papu, maluna ae o ka Halekuai o Likikini.

Honolulu, Oahu, Iulai 10, 1880.         97I tf.

 

RICHARD F. BICKERTON.

[PEKETONA.]

LOIO a he KOKUA ma ke KANAWAII

E HELE ANA OIa IMUA O NA AHAHOOKOLOKOLO a pau o keia Aupuni ma na ano hihia a pau, ina paha ma Oahu nei, a ma na Mokupuni e ae.

            Ua makaukau mau oia i ka hana ana i na Palapala pili ka nawai o kela a me keia ano.

            Ua hiki no hoi iaia ke hoaie dala aku ma ka moraki ana ina aina, ma ka ukupanee haahaa loa.

            E hanaia na hana me ka hikiwawe a ma ka uku haahaa.

            Keena hana, Helu 23 Alanui Kalepa, elua puka ma o aku o ka hale kauka o Kauka Minuteole.       840 ly

 

JAMES M. MONSARRAT.

[MAUNAKEA.]

Loio a he Kokua ma ke Kanawai

IMUA O NA AIIA HOOKOLOKOLO A PAU o keia Aupuni.  E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai, Hoolimalima a me ka hoaie dala ana.

A HE LUNA HOOIAIO PALAPALA.

            Keena hana helu 9 alanui Kaahumanu.

            Jan. 3, 1880,    944 1v

 

KO BIHOPA MA

BANAKO MALAMA DALA.

E MALAMA NO MAUA I KE DALA O na kanaka maloko o ka Banako, penei:

            Ina hoomoe mai ke kanaka hookahi i na dala $300 a emi mai paha, alaila, e uku maua i eono hapahaneri ukupanee ma kahiki, mai ka la o ka lawe ana mai a hiki i ka la o kona ohi ana, ke waihoia ke dala hoomoe i ekolu malama a keu paha.  Aole ukupanee e helu ia no ka hakina e ke dala hookahi aole no hoi no ka hapa malama.

            Ina ohi koke oia i kana dala, aole i hala na malama ekolu aole ukupanee.

            Ina i manao ke khnaka e ohi i kana dala, e pono ke hoike mai oia ma ka Banako i kona manao ohi, i kanakolu la mamua o kona ohi ana, a o kana buke kekahi kelaweia mai.

            Ma ke kikoo wale no a ka mea dala e haawi ai kana, ka Buke kekahi ke lawe mai.

            Ma ka la mua o Sepatemaba keia makahiki a i keia, e ho uluulu ai i ke dala, a e huipuia ka ukupanee me ke ktmupaa o na dala i hoomoeia no na malama ekolu a keu, a mahuahua ke kumupaa e loaa i ka ukupanee

            Ina oi aku ke dala hoomoe mamua o $300, alaila, hooholo pu ka olelo.

            E weheia ka Hale Banako i ua la hana a pau.

            851 tf  BISHOP & CO

 

He Nui Anei Kou Makemake i na

MEKINI HUMUHUMU LOLE!

Ina pela, alaila, e kipa mai no ma ka Halekuai o

KAKELA & KUKU.

A malaila oukou e ike ai a makaikai i na ano

MEKINI a WHEEELER a me WILSON

mai ke $40 a hiki i ke $50 ke kumukuai o ka mea hookahi.

NA MEINI A SINGER,

ma ke $50 pakahi, me ke ano

MEKINI a WILCOX me GIBBS,

ma ke $30 hiki i ke $50 ke kumukuai.

mea e pau ai ko oukou kanalua e na Makamaka no ke k pono o keia mau Mekini, e naue mai no me ke kuihe ole, a e ike no oukou iho

628 tf

 

PAPA!  PAPA!

--NO—

ALLEN & ROBINSON

UA WEHE AE NEI MAUAI

PA KUAI PAPA

--MA—

KA UWAPO O PAKAKA

            Na Papa Ulaula o na ano a pau.

            Na Papa Paina o na ano a pau,

                        Na Pili Hale Ulaula,

                        Na Pili Hale Keokeo.

            Na Pepa Hoonani Hale,

            Na Pepa Molina.

Na Pena a me na Aila Pena!

NA KUI O NA ANO A PAU,

NA PANI PUKA a me

N PANI PUKA@ANIANI.

            NA PANI PUKA a me

            NA OLEPELEPE.

 

NA LAKO KUKULU HALE

O NA ANO A PAU!

E KUAIIA MA KE

KE KUMUKUAI HAAHAA LOA

O keia Makeke.

ALLEN & ROBINSON

            Ian . 1, Honolulu 1818            853 t

 

LOLE MAKEPONO

Ke Kuike

E LOAA NO IA MA KAHI O

KAKELA HE KUKE!

--E LAA NA—

Ahinahina, Kalakoa,

            Keokeo, Lepoualo,

                        Pena, Aila, Aniani,

KA NEA PIULA!

KOPA, AILA HONUA,

            AILA HOOMAL@O

Kui Kakia, Pakeke,

Tabu, Kaula, Noho L@

Hulu Palaki, na Poiu@

--A HE—

AGENA NO HOI NO NA MOKUPU@ HAWAII NEI NO NA

            Lainakini-nao,

            Lainakini Maoli,

            Palule Kalakoa,

            Alapia, Kelepa, Kilika.

                        Na lole kupono i ka w@

                        Palule Huluhulu.

                        Na Lole Huluhulu,

                        Na Lole no ka hoohe@

                        Lipini, Lihilihi, &c.

LIPINE, LIHILIHI, &C.

--A ME NA—

Mikini Humuhumu Makepono Loa!

--A HE—

MAU HEA AI KAHI

Ka Palaoa, Kopaa,

            Raiki, Pia, Haohu,

                        Paakai, Huaula.

                                    Pia Kul@

A he Laau Lapaau Kaulana Loa

A DR. JAYNES.

Laau Kunu.

            Laau Hoomaemae Koko,

                        Laau Hoopau N@

                                    Penikila, Ha@

A ME NA LAAU HAMO, A PELA @

840 tf

 

PAPA, PAPA

AIA MA KAHI O

LEWERS & COOKE!

(O LUI MA.)

MA KE KAHUA KAHIKO MA

Alanui Papu a me Moi

E LOAA AI NA

Papa Nouaiki

o kela a me keia ano.

Na Papa Nani a Paa no ke kukula ana i na Hale!

Na Pani Puka, Na Puka Aniani,

            Na Olepelepe, Na Pou, Na O-a,

                        Na Papa Hele, Na Papa Ku,

                                    A me na Papa M@

NA PILI O NA HALE

O NA ANO A PAU.

Na Pepa Hoonani, Na Pena o na Wai a pau.

            Na Kui mai ke Nui a ka Makalii,

                        Na Ami Puka, Na Ami Puka A@

Na Ami o na ano a pau,

Na Aila Pena, o kela me keia @

Na Aila Hoomaloo, he lehulehu wale

Na Aila e ae o na ano a pau.

NA WAIVANI@

--A ME NA—

WAI HOOHINUHINU @

o na ano a pau loa.

NA BALAKI ANO NUI WALE

A ke hai ia aku nei ka lono i na makamaka pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana

--NO KA—

UKU HAAHAA LOA!

E like me ka mea e holo ana mawaena @

LAUA a me ka MEA KUAI

E hele mai!  E na Makamaka

A e lawa no hoi ko oukou makemake me ka oluolu a me ka maikai

845 tf