Ka Nupepa Kuokoa, Volume XXI, Number 15, 15 April 1882 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

Ka Nupepa Kuokoa

KE KILOHANA POOKELA NO KA LAHUI HAWAII.

 

Buke XXI. Helu 15    Poaono, Aperila 15, 1882. Na Helu a Pau 1063.

 

Ka Nupepa

Kuokoa me ke Au Okoa

I Huha.

 

He Mooleo Kaao

no

Keaniniulaokalani!

 

Ka Nani Lua Ole

o na

Moku o Kuaihelani

Ka Mea Nana I Hoonaueue

Kukulu O Kahiki,

Aoke Pukonankona

O na la i au wale aku la.

 

Mahele II

            Ohainakolo nae e noho nei i keia mau la, e noho anan no ka pulama ia, no na nuahulu la ekolu, alaila pau oiai e noho ana o Olopana he 'lii aimoku no Hawaii nei ia mau la, a o Hainakolo no kona kaikuahine, a e noho ana no oia me kona nani loa ole; nolaila no i makemake loa ai e Olapaua e hoohiwahiwa i kona kaikuahine; aia kona wahi e noho ne iuka o Neneue, he wahi okoa no kona me kona kapu; o Olopaua hoi aia no i ka heiau o Pakaalana, a o kana hana ke kapu heiau.

            Oiai hoi na malihini me Hainakolo, he mea haohao loa ia i ko Hainakolo manao, no ka mea, he m kanaka ano hou keia i kona ike ana; nolaila, ninau mai la kelu, Mahea mai olua?

            Hai aku la no hoi laua ne, Maanei mai nei no maua.

            Hoole mai la no hoi kela, Aohe o'u mau kanaka o Hawaii nei i like me olua; ua hele ia e maua me ko'u kaikunane haku a puni o Hawaii nei aohe au i ike i kekahi mau kanak e like me olua. Ma ke kai mai paha olua.

            Ae aku la no hoi laua nei; ae, ma ke kai ma maua.

            A heaha ka huakai o ka hele ana mai? Wahi a Hainakolo.

            He huakai imi wahine na ka maua keiki, oia ka maua huakai o ka hele ana mai.

            I keia manawa a lakou nei e hoohihi nei i ka nani, ua ike mai la kahi kiai o Hainakolo i keia mau hana a laua nei, o ko ia la manawa no ia i uwe ne ai me ka leo nui, no ko ia nei minamina i ka ia nei alii, a pela no keia i uwe ae ai.  O Hooleipalaoa ke kiai o Hainakolo.

            Ia lohe ana no hoi o na kiai o waho, o ko lakou manawa no ia i wa-hi mai ai i na pae humu o waho loa, a nahaha mai la ia pae humu, pela aku ana a ku ana ko waho poe iloko. a ninau ana, Heaha keia i uwe ae nei oe?  Aohe oia la lohe mae i ka lakou nei ninau aku, no ka mea, ua kupuni loa ia kela i ka huhu no na olelo a keia mau kanaka.

            Ia manawa koke no i hopu ia ai ua mau wahi aumoana nei a paa na lima i ke kupee, a lawe ia ana i kai o Pakaalana. Lawe ia aku la hoi laua nei a hoea ana i kai a ku ana imua o Olopana. 'Haiia aku la no hoi, o na pio no keia i holo aku nei a komo iloko o ka pahu kapu o ke 'lii, a hopu ia mai nei e makou. A pehea kou manao? e hai mai oe, ina e make, e make no, e pehea oe?

            Ia manawa koke no i nuike mai ai ko Olopana mau hiona huhu a ano e mai la kona mau heiehelena oia o ka ukiuki, a kena koke aku la i na koa e hoihoi iloko o ka heiau, aia a apopo kalua i ka umu; e like no hoi me ke ano mau o ka ke 'lii mau olelo maoa.

            Ua hoihoia aku la laua nei iloko o ka heiau e pau pio ai, a paa pio laua nei no hookahi po iloko o ka heiau O na kiai hoi, ua hoopuni ae la i ka heiau, me ke kau pu aku o Olopana i ke kanawai, ina e lilo na pio, alaila e make na kiai.  Ua noho makaeia na keai no ka malama ana i ea pio, no ka mea ua lohe lakou, he make ka hoopai no lakou.

            Ia laua nei e paa pio ana, aole laua i hiamoe iki, no ka mea ua kau aku la ke 'lii i ke alina a ke maewaewa maluna o laua ma o ke kunikuui ia ana o ko laua mau kino ike ahi. Ia laua nei e noho nei me ia eha a kekoke e kani ka moa, ua meha o waho o ka heiau, nolaila, kahea aku la o Keauka i kona kaikuaana oiai laua e noho ana me ke kaniuhu; kahea aku la ia, Auhea oe?

            Eia no au, wahi a Keamiki.

            Ka pule, wahi hou a Keauka.

            Ka waiho ka kau kena i ka pue a make, pehea e hiki ai ke pule? wahi a Keaumiki.

            Kena hou no o Keauka, Ka, pule paha. la manawa hoomaka aku la o Keaumiki e pule penei:

 

            Ka popolo a Kane i kanu iluna

            I ulu iluna

            I hoa iluna

            I oo iluna

            I pala iluna

            I puiliia ka popolo a Kane

            I helelei i Hanakamuimui

            Hee kaua ka po kinikini

            Hee kaua ka po manomano

            Kaa i Mukiwaiolena

            Puokii puaulala puahehena

Puamai puahole puaakilolo

Hua mea mea kane

E pa nei ma ka ulu oe

O ka makani e hele nei

E ka po-e

E ka pino maua-e

I ka ike ole ia oe-e

            Auhea ana oe.

 

A pau ka pule ana a Keaumiki, ia mananawa, hoomaka aku la o Keauka e pule, penei:

 

Ka popolo a Kane i kanu ilalo

I ulu ilalo

I hua ilalo

I oo ilalo

I pala ilalo

I puiliia ka popolo a Kane

I helelei i Hanakamuimui

Hee kaua ka po kinikini

Hee kaua ka po manomano

Kaa i Mukiwaiolena

Puokii puaulala puahehena

Puamai puahole puaakilolo

Hua mea mea kane

E pa nei ma ka ulu oe

O ka makani e hele nei

E ka po-e

i ka pino maua-e

E ka ike ole ia oe-e

            Auhea ana oe-e.

 

            O keia mau pule no a na makua a na pepeiao o Keanioulaokalani, oiai oia e noho ana i Kuaihelani, u-hu iho la ua keiki nei me ka olelo iho, I make anuanei olua ia'u,  make no paha olua ia olua.  Ua hai aku au ia olua i ko'u mai a ua hai mai no hoi olua i ke kumu o ko'u oai, a ua pau ae la no hoi; aole, na olua no ka hele e imi, aole uku na'. .

            La manawa hoi aku la keia a loko o ka heiau a olelo aku la.  Aole olua e make; no olua hoi auanei ka make e hanaia aku ana, a ao ae hoi, no kekahi poe e ae hoi ka make.

            E na hoa hoinainau o ko kakou kaao; e nana hou ne kakou i ea mau pio nei, oiai laua e paa ana.

             Ua lohe aku la kekahi kiai o waho i ka laua mau olelo, holo aku la hoi ua wahi kiai nei a mua o ka haku alii, oia hoi o Olopana a hui aku la i na mea a pau ana i lohe ai nei a mua o ka haku alii, oia hoi o Olopana a hui aku la i na mea a pau ana i lohe ai i na pie; e like me na pule a Keauka ma, pela no hoi ua wahi kanaka nei i hai aku ai ia Olopana.

            A piu keia mau olelo a ke kiai, olelo hou mai la a Olopana.  E hoi aku oe e hoolohe, a i lohe hou oe i ka laua mau olelo, hoi hou mai oe e hai ia'u.  Ka hoi aku la no ia o ua wahi kiai ne a mawaho o ka heiau, hoolohe, a huliu iki lohe hou aku la no ua wahi kiai ne i ka pule ana ae a Keaumiki penei:

 

Moe ana la hoolohe ana e Keaniniulaokalani

O kohi keekee o Halawalawa

O kua mauna o Keaolewa

He like oe me Kuaihelani

E ka po-e

E ka poino maua-e

E ka ike ole ia oe-e

            Auhea ana oe-e.

 

Ke hoolohe nei no ua wahi kiai nei mawaho; ke kali hou aku nei e ke oli hou ae o ke kokoolua o na pio, hoomakakiu no keia o ke oli mai o kekahi, aole hoi he ekemu iki ae, ke kali la no keia.  I keia manawa nae ana e kali nei, ke aka ae la ka mahina, oia no na mahina kakahiaka, oia no ka po o Kane, a lohe ana keia i ke kamaiiio ana aku a kekahi kanaka, i ka ninau ana aku. E Keaumi e, e nana aku oe i ka mahina.

            Olelo mai la hoi o Keaumiki, Nana aku auanei i ka mahina, ola, no ka mea, o ke ao ae no koe moa kaua i ka umu.

            Ia wa, hoomaka ae la o Keauka e pule penei:

 

Pii aku iuka i ka ulu olona

I ulu i ke oloha

I hoi aku i kai

I kahi kua

I kahi alo

I pupuu

I kikoo

I heia

I hiloa i ke aho makalii

I ka lia i ka upena makini

I holo lia i ka ulpena makini

I holo aku i kai i ke koa loa

I ke koa poko

I ke koa'i alo ia e ka makua

Alo wale ana ka makuahunowai i ka ono i ka ia na'u

I Ku e Lono e Kane

Eia mai he pule

Na oukou e mana

Na maua e ola

            Ike wale aku ia Keaniniulaokalani ka'u aloha.

 

            A pau keia pule a Keauka, o ka holo aku la no ia o ua wahi kanaka nei a ku ana imua o Olopana, e nohe mai ana no kela me ke kali ana o ka hoea aku o ua wahi kanaka nei.  I ua wahi kanaka nei no a hoea ana, pa no ka ninau iaiala, Pehea aku nei kau huakai o ka hele ana aku nei?

            Ka, pehea mai ka hoi kau; hele aku nei no hoi au a mawaho o ka heiau, hoolohe, aole i liulia iho, hoomaka koke mai ana no kekahi kanaka e oli, a eia ka mea kupaianaha, he oli hoi ka'u mea i lohe aku a i ka olelo aku hoi kekahi kanaka e pule.

            A ua lohe aku nei no oe i ka pule ana mai nei? wahi a Olopana.

            Ae, wahi a ua wahi kanaka nei.

            Olelo hou mai la o Olopana, Ua paanaau no nae paha ka pule ia oe?

            Ae, ua paanaau ia'u mai ka mua a ka hope.

            A pehea, o oe wale no kahi lohe?

            Ae owau wale no kai lohe; o ko makou nui, ke moe la no, i ka wa ahiahi no ko makou ala like ana, a ua aumoe hoi o ko lakou moe no ia, ala hookahi wale aku la no au a hiki i kuu lohe ana i ka pule a ua mau kanaka nei.

            A pehea ka pule ana mai nei o keia hele ana aku nei au i lohe aku nei oe?

            Pule mai nei nei kekahi kanaka penei:

 

Moe ana la hoolohe ana e Keaniniulaokalani

O kohi keekee o Halawalawa

O kua mauna o Keaolewa

He like oe me Kuaihelani

E ka po-e

I ka pine maua-e

I ka ike ole ia oe-e

            Auhea ana oe-e.

 

Pela ka pule a kekahi kanaka; a o ko'u mea i lohi loa ai, e kali ana au i ke pule a kekahi kanaka, a ua liuliu iki no hoi, lohe aku la au i ka ninau ana aku a kekahi kanaka, e kahea aku ana i kahi o laua.

            Pehea? wahi a Olopana.

            E Keaumiki e.  O mai la no hoi kekahi.  Olelo aku la kekahi.  E nana aku oe i ka mahina.  Olelo mai ana o Keaumiki.  Nana aku anei i ka mahina, ola, no ka mea, o ke ao no ia, moa kaua i ka umu.

            Aole i pau.

 

Ka Moolelo

-o-

Onila Maka!

Ka Makai Kiu Kaulana

-o-

Enelani!

-A O Ka Mea-

Pohihihi O ka 1868.

 

Mokuna VII

 

 

            Ka wiwo ole o kahi Irelani — Lele ka hapa Ilikini — Kela mino aka hoonaukiuki — He hakaka kamahao — Elua kiola ia ana maluna ae o ke poo-Owaka ea Pahi-pelu— Ke ano o ke oki ana a na kanak Irelani i ke poo — He pilikia mamua — He mau ole oao no ka poino.

            He mea makehewa paha ia makou ka hoao ana e huna i ke ano o kahi Irelani malihini mai ko makou poe helukela.

            Oiai ua hoomaopopo iho la na mea a pau o loko o ua hale la, nohe keia he mea a ae, aka, o Onila Maka no keia, ka Makai Kiu.

            A he hana ano nui hoi keia ana e lawelawe nei.

            Iaia maloko o ua keena inu rama la, ua hoao pinepine oia e hana no kekahi kumuhana ano nui.

            A ua ko hoi kona ini a oi aku mamua o ka mea ana i manao wale ai.

 

Aka no na pino a me na pilikia he lehulehu hoi, aole oia i ike ia mea, oiai, ua like ia mau mea a pau me ka ole imua o kona manao koa.

            He kanaka kupaianaha no hoi keia o ka ikaika, oiai, ua kokua pu ia kona ikaika me kona ike kuwalawala, a no ia kumu i weli ia ai keia kanaka ke halawa, he alo a he alo.

            E like hoi me ka mea i hoike mua ia ae nei, aole hookahi kanaka ma ka apana a Keaka Likini e noho ana i ea e hoopaapaa pu me ia.

            No ka mea, ma ka ikaika o kona mau lala a me ka wiwo ole o kona manao i lilo ai oia he mea weliweli.

            Aka, ma kona ano he Ilikini ua makau ia oia; a ma kona lilo ana he hapa negero, ua oi loa kona wei ia.

            Oiai, ma kona ano a pau ua like ia me ke akua lapu a ua pakuikui mai hoi na lono e pili ana no kana mau hana weliweli a me ka manaonao.

            Ua koho wale aku kekahi poe he olulo oia; he aihue, a he mea kamaaina i ka wawahi hale a ua kuluma hoi oia mawaena o na kanaka o Mokupuni Loihi no ka pili waiwai. Aka, o ka mea oi loa aku paha o ke kupaianaha, oia no kona ike mau ia me ke dala ma kona mau pakeke, oiai, aole ana hana e hiki ai ke olelo ae, nana ponoi ia mau dala.

            I ka wa a Keaka Ilikini i lele aku ai maluna o ka makai kiu, ua lele aku la kela a me keia ma o a maanei o ka rumi. No ka mea, ua manao lakou e hana ia ana kekahi hakaka weliweli.

            Ua hoomaopopo pu iho le no hoi lakou e lilo ana ua wahi Irelani malihini la i mea ole imua o ke tiga inu koko o Mokupuni Loihi.

            Aka, ua kahaha nae ka naau o na mea a pau i ko lakou ike ana aku iaia e noho ana me ka makaukau a me ka wiwo ole.

            Mamua o ka hikiana i ua Ilikini la ke hopu aku iaia, aia hoi, ua ku ae la ua makai kiu nei iluna a alo ae la I ka pupuu a  a Keaka i koi aku ai iaia.

            Holo puni ae la oia ma ke pakaukau me ka @ la ana a pane aku la ua makai kiu nei: @

             E akahele e kuu hoa'loha, heaha hoi keia au e hueha mai ne ia'u.

            Aole nae i pane mai ua hapa Ilikini la, aka, e like me ka mama o ke tiga, pela oia i lele aku ai ma kela aoao ke pakaukau me ka eleu nui.

            I ka wa a kona hoa paio i haule aku ai ma kela aoao o ke pakaukau, ua lele pu aku la no hoi ua makai kiu nei a haole ana ma kekahi aoao.

            Iloko hoi oia wa, pane mai la ka ona nona ka hale me ka leo huhu:

            He makemake au e hoopau olua i ko olua hakaka ana.

            Ua hiki no ia oe ke hoopau i keia hana e llike me kou makemake, wahi o Onila Maka.

            He makemake ko'u ia oe e hele iwaho! wahi hou a ka haku hale i ka makai kiu.

            Iloko no oia wa, lele hou mai la ua Ilikini nei no ke kelu o ka manawa.

            Ma keia lele hope ana a ua hapa Ilikini la ua manaopuia loa oia no kona lanakila.

            Aka, aole @ hou ua makai kiu la e hoio mai ke aio aku o kona hoa paio, aka, hopu aku la oia iaia a me ka ikaika loa ole. kiola aku la oia i ua Ilikini la maluna ae o kona pop, a pa-hu ana ilalo.

            Aole nae i eha ua Ilikini la i kona wa i haole iho ai, aka, ua pa haneri ia nae kona inaina, a uwo ae ia me ka leo hiena i like me kona mau kupuna. ku hou ae la oia iluna, a no ka ha o ka manawa, lele hou aku la no oia malun o ka makai kiu.

            Aka, ua makaukau mau nae oia iloko o kela a me keia manawa, a e mau ana no hoi na hoailona o ka mino aka ma kona mau papalina, me he mea la, he mea paani wale no. Hopu hou aku la oia i ua Ilikini nei a no ka lua hoi o ka manawa, kiola hou aku la oia iala a pa-hu ana ilalo o ka papahele.

            Ua kau mai la ka weli maluna o na mea a pau o loko o ka hele i keia wa.

            Akahi no hoi a ike ua Ilikini la, i ka hiki ole ke lanakila malun o kona hoa paio, oiai, mai ka mua loa mai, ua lana ka manao o na Ilikini la, he opala wale no kona hoa iaie,. Aka, halawai aku la nae oia me ka mea ana i kaou nui ole ai.

             Ala hou mai la ua Ilikini la mai ka papahele ae no ka lua o ka manawa a ku iho la i kahi hookahi me ka manao ole e lele hou aku malun o kona hoa paio.

             Aole nae ona manao e hoopau i ka hakaka.

            Oiai, ua hoike mai kona mau helehelena hiena e hoomau aku.

            Nolaila, u nuhi ae la oia i kekahi pahi-pelu mailoko ae o kona pakeke, nona ka loa he ekou iniha, a wehe ae la, a hoomakaukau iho la e pale nona iho.

            Ike mai la no hoi ua wahi Irelani nei i ke nao ana iho o kona hoa paio ia loko o kona pakeke, a wehe ae la i kana pahi-pelu a hoomaka mai la e anehe e lele mai maluna ona.  Aka, ua hookuemi hou ia aku oia ihope iaia i ike mai ai i ka waha o ka pu panapana e hamama pono aku ana imua o kona lae.

            Auhea oe e kuu hoa'loha, wahi a kah Irelani malihioi. Mai lawe mai oe i na hana lapuwale a kou mau ohana imua o'u, o hoouna aku au ia oe me ka uku ole i na kula hahai holoholona o kou mau kupuna.

            He oiaio, ua oi aku ka mana o ka pu panapana mamua o ka pahi.

            No ka nele o ua Ilikini nei i na mea kaua ole, ike iho la ia, aole e hiki iaia ke lanakila maluna o kona hou.

            Aia hoi, kupaa iho la ua makai kiu nei me ke kaulona pono o kana pu imua o ka Ilikini.

            Auhea oe e kuu hoa'loha, wahi a ka makai kiu,  Ua naaupo oe i ka hana ana pela a o ka mea kupono wale no ia oe, o ka waiho iho i kena pahi, a noho iho kaua ilalo e like me ka poe karistiano, a e hoopau hoi i na hana lapuwale a ou mau kupuna. Ina aole ae e hoopau, e maihi aku ana au i ka ili o ko poo, e like me ka paikini o Irelani, oia hoi, ke ki ana a kaawale ke poo mai ke kino aku.

             Aole nae i pane mai o Keaka Ilikini, aka ku iho la no ia me mem he liona la ua paa malalo o ke kanaka hahai holholona wiwo ole.

             Iloko o keia manawa a ka makai kiu e kaulona ana i kane pu panapana ua holo aku la kela a me keia i ka paia me ka maka'u, a ku iho la keia me kona hoa paio iwaenakonu o ka rumi.

            No kekahi mau minute pokole, ko laua ku ana ma keia kulana a hiki i ka wa a ka Ilikini i nee palanehe hope aku ai me ka pau no i kana pahi ma kona aoao a hiki i ka puka.

            I ua Ilikini nei i hiki aku ai i ka puka, lele aku ia oia iwaho a nalowale.

            Pai kole! wahi a kahi Irelani i puana ae ai, iaia i ike aku ai i ka hohe wale o kona hoa paio. Aia no iloko o na aa-koko o kela kanaka opio na koko wela o kona mau kupuna.

            Aole loa nae e hiki i kekahi mea o loko o ka hale ke pane mua, no ke mea, ua ilihia loa ia lakou.

            Ike aku la nae ua wahi Irelani nei i ke ano o kona poe hoa kamailio aole e hiki ia lakou ke pane mai, nolaila, noi aku la oia ia lakou e hele mai e inu pu me ia.

            Aka, i ko lakou kono ia ana mai nae e hele aka e inu akahi no a hiki i kekahi o lakou ke kamailio ae:

            E pono oe e haalele iho ia nei i keia po.

            No ke aha ko'u mea e healele ai ia nei?

            No ka mea, aole i oi aku ka waiwai o kou ola mamua o kekahi hua apala nui.

            Nawai e hoopoino ko'u ola?

            Na Keaka Ilikini.

            E pepehi mai ana anei ia ia'o?

            Ae.

            Auhea oukou, ke manao nei au ua kuhihewa ko oukou manao. No ka mea, he opio wale no oia. Ina kona he manao no ka hakaku, aole oia e holo malu. Aka, no kona ikaika ole, nolaila, holo oia a haalele iho la i ka mea ikaika nana e haaheo ke kahua hooili puupau.

            Alaila e pepehiia ana oe e ia iloko o ka wa pouli.

            Aka, mino aka iho ia nae kela a pane mai la:

            Aole owau kekahi o ka poe hohoe wale, aole no hoi au e holo no na hoowliweli a kela hiena puni koko, aka, e ike no auanei oukou e makaukau mau ana au nona i na wa a piu e loaa aku ai a e halawai ai paha maua he alo a he alo.

            Aole oe e halawai kino ana me ia he alo a he alo. Aka, e ukali ana kela mahope o kou mau kapuai wawai e like me na Ilikini Arapahoe, a ki mai ia oe mahope mai o na opu laau.

            E na hoa'loha, owau ke kanaka kupono loa no ia hana; aka, ua makmake nae au e ninau aku ia oukou i kekeahi ninau — No ke aha la ka mea i eha ai ka manao o kela hapa negero no na mea e pili ana i kela kanaka opio i nalowale a oukou i kamailio iho nei?

            Aole nae hookahi o lakou i pane aku i ka haina o kana ninau, aka, luliluli like ae la ko lakou poo.

            E pane mai oukou wahi a ka makai kiu, ua maopopo ia oukou keia mea, aka, he makau nae oukou i ka olelo ae.

            H oiaio keia mau olelo a ua makai kiu la, oiai, mahope iho o ko lakou ino ana ae i ko lakou ma u kiaha. ua haawi mai la lakouimua oia nei i kekahi mau oleloao e makaala iaia, o halawai hou aku oia me Keaka Ilikini, a ili mai paha ka poino ma kona kino.

            Haalele iho la lakou i ke keena inu rama a hoi aku la kela a me keia no kona home iho.

            Aole i pau.

 

Olelo Hoolaha.

            Ua pau iho nei ka noho ana o J T Waterhouse ma ka Halekuai Helu 10, ma ke Alanui Papu; a ua hoi aku eia a me kona mau Waiwai a pau, i ka Halekuai iho nei o S Magnin. ma ia alanui hookahi no. E loaa no i no  Makamaka oa Lole kumukuai makepono. E naue nui mai i ike pono.

            1059 4t

 

MAIKAI KA HOIKA PAPAA ME KA LAAU O KOU HALE

NOHEA LA?

KAI NO HOI NO KAHI OWAILA MA.

Nana aku no hoi ia la ohi ka lo o ka laau o Makawao, i ka ua mea hoi o ka nani

NA PAPA!  NA PAPA!A ME

Na Pono Kukulu Hale

O na Ano no a Pau

AIA MA KE KIHI O NA ALANUI

Papa me Moiwahine,

HONOLULU.

Malaila e loaa ai e like me ka makemake no ke

KUMUKUAI MAKEPONO LOA.

PAPA!  PAPA!  PAPA!

NA PAPA HULUHULU,NA PAPA MANOANOA,NA PAPA I KAHIIA,NA PAPA KEPA,PAPA HOLE KEOKEO,PAPA HOLE ULAULA.

Na Laau, Na Laau,

NA KUA,NA KAOLA,NA AAHO,NA MOLINA,NA PEAPEA,PINE HULUHULU,PINE I KAHIIA.

NA PAPA A ME NA LAAU ULAULA.PILI ULAULA,PILI KEOKEO,PANI PUKA,PUKA ANIANI,PANI PUKA ANIANI,PUKA OLEPELEPEPENAO NA ANO A PAU,

Hulu Pena mai ka liilii a ke nui,Aila Pena,Aila Hoomaloo,Waniti, Pate,

Na Lako o kela a me keia Ano.

NA AMI PUKA HALE,NA AMI PUKA PA,ANIANI

PEPA HALE A ME NA LIHILHI,

E loaa no malaila.

PAAKAI HELU I

o

KAKAAKO ME PUULOA

No ke Dala Kuike, e loaa no na mea a pau i hai ia ae la, no ke Kumukuai Emi Loa.  O na Kauoha mai Hawaii a Niihau, e loaa aku no ia lakou, e hooko koke ia no ia me ka lawa pono.  E kipa nui ilaila i ike i ka oiaio.