Ka Nupepa Kuokoa, Volume XXI, Number 15, 15 April 1882 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Kuokoa me ke Au Okoa

I HUHA

No ka Makahiki. $2.  Eono Mahina. $1.

Dala Kuike ka Rula

POAONO, APERILA 15, 1882.

 

REJOICED be GLAD

 

Gospel Hymns, No. 24.

1

            Hauoli kakou!  E ia ae la ke Lii.

            E nana i kahi i hana ia'i

Cho.  Mele lani, a hookani

            I ka nu hou maikai.

            Mele lani, a hookani,

            Ke 'Lii e ola'i

2

            Kaumaha kakou!   E ia ae la ke Lii.

            E nana i kahi i make ne ai.

Cho.    Kanikau la! Hai aku la

            I ka nu kanikau.

            Kanikau ia!  Make Iesu,

            Ke Lii o ke ao.

 

3

            Hauoli kakou!  E ia ae la ke Lii!

            Ua make no Oia, ua ala hou nae.

Cho.    Mele lani, a hookani,

            Pau ka one o oukou.

            Mele lani a hookani,

            Ua ala Iesu.

 

4

            Hauoli kakou!  Aia ae la ke Lii!

            Ke pii lanakila i o iluna'e.

Cho.    Mele lani, a hookani,

            Iesu no ka uwao

            Mele lani a hoomani,

            E ola ke ao.

                        Hawaii

 

Haawina Kula Sabati.

HELU 5. SABATI APERILA 30.

KUMUHANA.

Na kanawai waha o na kanaka.  Pauku Baibala.  Mareko 7;1-23

 

            Alaila, akoakoa mai la na poe Parisaio i Ona la, a me kekahi poe kakauolelo, e hele ana, mai Ierusalema mai.

            2 A ike mai la lakou i kekahi poe haumana a Iesu e ai ana i ka berena me na lima haumia, oia hoi na lima i holoi ole ia, hoohewa mai la lakou.

            3 No ka mea, o ka poe Parisaio a me na Iudaio a pau, ina aole lakou e holoi pinepine i ka lima, ina aole lakou e ai, no ko lakou malama ana i na kauoha a na lunakahiko.

            4 A mai kahi kuai mai, ina aole e holoi, ina aole lakou e ai: a he nui no hoi na oihana i loaa mai i malama ia e lakou, o ka holoi ana i na kiaha a me na ipu, a me na ipu keleawe, a me na punee.

            5  Alaila, ninau ae la ka poe Parisaio, a me ka poe kakauolelo ia la.  No ke aha la e hele ole ai Kau poe haumana ma na kauoha a na lunakahiko, aka, ke ai nei lakou i ka berena me na lima haumia?

            6  Olelo mai la Ia, i mai la ia lakou, Ua pono io ka Isaia wanana ana no oukou e ka poe hookamani, e like me ka mea i palapala ia, Ke hoomaikai nei keia poe kanaka Ia'u ma na lehelehe, aka o ko lakou naau, ua mamao loa aku ia, mai O'u aku nei.

            7  Makehewa ka lakou hoomana ana mai Ia'u, i ka lakou ao ana ae i na kauoha a kanaka i kumu e malamaia'i.

            8  No ka mea, ke waiho wale nei no oukou i ke kanawai o ke Akua, a hoopaa hoi i na kauoha a kanaka, i ka holoi ana i na ipu, a me na kiaha, a he nui loa no hoi na mea e like me ia, a oukou e hana nei.

            9  I mai la hoi Ia, He oiaio no i ka oukou pale ana i ke kanawai o ke Akua, i malama ai oukou i ka oukou mau kouoha.

            10  No ka mea, olelo mai la o Mose, E malama oe i kou makuakane, a me kou makuahine; a, O ka mea i hailiili i ka makuakane a me ka makuahine, e pepehi ia oia.

            11  Aka, ke olelo nei oukou, Ina e olelo aku kekani kanaka i kona makuakane, a i kona makuahine paha, Korebana, he mea laa hoi ia, o ka'u mea e waiwai ai oe.

            12  Alaila, aole, oukou i ae aku ia ia e hana hou i kekahi mea no kona makuakane, a no kona makuahine;

            13  E hoolilo ana i ka olelo a ke Akua i mea ole, ma ka oukou kauoha, ka mea a oukou e haawi aku ai; a ke hana nei oukou i na mea he nui loa e like me ia.

            14  A kahea mai la la i ka ahakanaka, olelo mai la Oia ia lakou, E hoolohe mai oukou a pau e hoomaopopo hoi.

            15  Aohe mea mawaho o ke kanaka e haumia'i ia ke komo iloko ona, aka, o ka mea i puai mai, mailoko mai ona, oia na mea e haumia'i ke kanaka.

            16 Ina he pepeiao ko ke kanaka e lohe, e hoolohe mai ia.

            17  I Kona komo ana'e iloko o ka hale mai ka ahakanaka ae, ninau aku la Kana mau haumana ia la no ua olelonane ia.

            18  I mai la Oia ia lakou, He naaupo anei oukou pu kekahi?  Aole anei oukou i ike, o ka mea mawaho i komo iloko o ke kanaka, aole ia e hiki ke hoohaumia ia ia?

            19  No ka mea, aole ia i komo iloko o kahi manao, iloko wale no ia o ka opu, a hemo aku ma kiona, kahi e pau ai ka ino o ka ai.

            20  I hou mai la Ia.  O ka mea e puai, mailoko mai o ke kanaka, oia no ka mea e haumia'i ke kanaka.

            21  No ka mea, no loio mai o ka naau o kanaka i puka mai ai ka manao ano, ka moe i ka hai, ka moe ipoipo, ka pepehi kanaka.

            22  Ka aihue ka makee waiwai, ka opu inoino, ka wahahee, ka maka eho, ka huahua, ka niania, ka hoohano, ka lalalau wale;

            23  No loko mai keia mau mea ino a pau i puka mai ai, oia no na mea e haumia ai ke kanaka.

            Pauku Gula, P. 7, hoopaa.

            Manao nui.  Ka haipule maloko ka mea e pono ai, aole ka haipule mawaho.

            Na heluhelu la.  1. Mar. 7;1-23.  2. Mat. 15;1-20.  3. Isa. 29;13-24.  4. Kol. 2;6-23.  5.  Kol. 3;5-17.  6. Heb. 10;16-28.  Pet. 2;1-16.

Ka wehewehe me ka ninau ana.

            Aia Iesu me Kana mau haumana ma Kaperenauma.  Ma ka hikina o ka Loko o Galilaia lakou mamua.  Ilaila kahi i hanai ia'i 5000 kanaka i ka popo berena elima me na ia elua.

            Hoi Iesu ma i Kaperenauma.  I ka hiki ana ilaila.  Nui wale kanaka i akoakoa koke e ike i Kana mau hana, a e hoolohe i Kana mau olelo.  Ilaila ka Iesu haiolelo no ka berena o ke ola ma Ioane mok 6.  A i ka lohe ana huhu kanaka, a ku a haalele ia Iesu.

            Ua hiki ka lono no ka Iesu mau hana mana i Ierusalema.  Lili na Parisaio me na kakauolelo.  Makau lakou o pau loa kanaka i ka hele mamuli o Iesu.

            Nolaila, hoouna aku lakou i kekahi hapa o lakou i Kaperenauma e imi e hoohihia ia Iesu, a e pepahi ia Ia.

Na Mahele.

1.       Na kanawai waha o na kanaka.  P. 1-9.

            Owai keia poe mai Ierusalema mai?  I ko lakou nana ana i na haumana a Iesu, heaha ka lakou i ike ai?  E ai ana i ka berena me ka holoi ole ana i na lima.

            Hewa ka ia?  Pela ka manao o na Parisaio, a hoahewa no ia hana.

            Heaha na kanawai o na Parisaio me na Iudaio a pau no na holoi ana?  Ina holoi pinepine ole i na lima pehea?  Pehea ke hoi mai kahi kuai mai?  Heaha kekahi mau mea a lakou i holoi ai?  No ke aha?  No ka manao, ua haumia no ka pili ana o ke kanaka e, me kekahi mea eia mau mea.

            Na Iehova mai anei ia mau kanawai?  Aole, na ka waha mai o na lunakahiko, he mau kanawai i kakau lima ole ia.

            Mai ka waha o na makua a i na keiki; mai ka waha o na keiki i na moopuna, a pela aku, e like me na kuauhau Hawaii, na kaao Hawaii, na mele Hawaii.

            Pehea na haumana a Iesu?  Heaha ka ninau a na Parisaio ia Iesu no na Haumana?  p. 5.

            P. A pane aku Iesu ma ka hoopuka ana i na olelo aha a Isaia?  Isa. 29;13.

            Ke ano ia o na Iudaio i ka wa ia Isaia.  Ke ano hoi ia o na Iudaio i ka wa ia Iesu.  He mea aha ia hoomana waha?  p. 7.  Heaha ka mea i makehewa ai?

            Hoopaa lakou i na kanawai o ke kanaka, a aha i ke kanaka o ke Akua?  p. 8.

            Pela lakou i ke kanawai o ke Akua, a malama, i ko wai kanawai?  p. 9.

            II. Ke kanawai o ke Akua i hoole ia.  P. 10-23.

            Heaha ke kanawai a na Iudaio i hoole ai?  Ke kanawai elima no ka malama ana o na keiki i na makua.  Aole lakou i hoole maoli, aka, o ka lakou hana, ua like ia me ka hoole.

            Ma ko lakou kanawai, hiki i na keiki ke hoolaa i ko lakou waiwai na ke Akua.  A ina paipai ia e malama, e hanai i na makua me ko lakou waiwai, pane lakou.  "Karebana, he mea lau na Iehova."  A waiho ia na makua ilihune mahope iho.  Aole hanai iki.  Aloha ino na makua ilihune?  Mainoino na keiki!  Pela i lilo ai ke kanawai o ke Akua i mea ole.  A lilo na keiki i ka poe pepehi i na makua.

            III.  Na mea e haumia ai ke kanaka.  P. 14-23.

            Heaha na mea e haumia ole ai ke kanaka?  Aole haumia ke ai ike ka holoi ole o ka i na lima me na ipu, me na papa, me na wahi noho, na wahi moe ke lepo ole.  Ina ua lepo, pono ke holoi.

            Aohe haumia ke hookomo iloko o ka waha i na mea kupono e ai ia, a e moni ia.

            Pehea ka baka, ka opiuma, ka rama me na waiona e ae?  Aole lakou he mau mea kupono e ai ia, a e inu ia.  Haumia ko waho, ko loko, hohono, hoopailu, ino loa.  E aha ia mea?  2. Kor 7;1. 6;16.  Kolosa 2; 22.

            Ehia mea e haumia ai ke kanaka i hai ia ma keia pauku? 13.  Hai like mai, pauku 21,22,23.

Ka hoopili ana.

            1 Mai hoohalike me na Parisaio ma ka imi i mea e hihia ai ka mea pono.  Mai huna nae i na hewa i ike maka ia.  E hai aku, me ke akahai nae.

            2 Mai paulele ma ka pono mawaho, ma ka pule, ma ka hele mau i na halawai, i na kula Sabati, ma ka heluhelu mau i ka baibala, ma ke kokua mau i kuwaho, i kuloko, ma ka bapetizoia, ma ka hono hoahanau ana, oiai ua hewa na hana.

            3 Mai hoonele i na makua, me ka olelo, "Korebana," (Iaa) Nana. 1 Tim. 1;8.

            E malama nae o hoopau loa oe i kou waiwai a pau nou iho, a no kou ohana paha.  E hookaawale i kekahi hapa no ke Akua.

            4 Nui wale na hewa o ka naau.  E kipaku aku ia mau hewa.  E kiai, e malama i ka puka o ka naau, i ole e komo na hewa.  E noi aku i ka Uhane Hemolele e hoomaemae i ko oukou naau, a e hoohanau hou ia oukou, i ole oukou e ae e noho na manao ino iloko o oukou.

            5  Ka haipule io.  Nana. Iakoba. 1;26,27.

Haawina no Mei 7.  Mar. 7;24-37.

 

NAU IHO KOU MAKE. &c.

(Koena o ka Helu 9.)

            Aia ia oe, a iloko ou e Hawaii, na mea e make ai.

            1. I inahuahua na kanaka, me na paahana ke kii aku nei kou mau moku i na kanaka no na aina e mai.  Aole ia he hewa ina he poe kanaka naaupo lakou.  Aka, i ko lakou puka ana mai, aia hoi, he poe kanaka naaupo ka nui, he poe hoomana i na akua kii, e kue ana i kou kanawai iho, e papa ana i ka hoomana kii.

            Nui ka poe kane mea wahine ole.  A mare no lakou me na wahine Hawaii.  A hanau na keiki, a lilo lakou i poe ana ka nui?

            2. Nui ka poe kipi iloko ou.  Ua makemake lakou e hoonoaia ka rama, me na wai ona a pau.

            Aole nae lakou i kali a hoonoa ke aupuni ia.  Lawe e lakou i ke kanawai ma ko lakou lima a hoonoa wale aku no i na waiona.  Paapu na aina i na hale kuai rama a me ka laikini ole.  Lawe ua moku i na pahu rama i kela awa, i keia awa.  Kii no o ua poe laikini ole i ua mau pahu rama nei, a lawe a hookomo iloko o ko lakou mau hale, he mau hale kaui paha, he mau hale no'no paha, he mau hale lua paha.

            3. Pakele keia poe kipi i ka hoopai ia e kou poe kanaka no.  Hui kekahi poe maikai me lakou.

            Huna ka poe ike maka.  Ina laweia imua o ka aha hookolokolo, hoopunipuni lakou, a hoike wahahee a hoohiki wahahee, aole lakou i ike.  Weliweli ka wahahee, wahahee na kane, wahahee na wahine, wahahee ka poe kuai i na waiona, wahahee ka poe ike i ke kuai ana.  Ua piha oe i ka poe kipi, a i ka poe wahahee.  A e pakele anei oe i ka make?

            4. Nui lua ole na hewa i hanaia iloko ou.  Ke kumu o na hewa, oia ka hoomaloka, ka hoole, aole Akua.  Nolaila mai ka pepehi kanaka, ka powa kanaka, ka pili waiwai, ka hana apuka, ka aihue, ka hookamakama, ka mea mare ole e like me ka poe mare, ka hulahula ano hilahila loa, ka hehi wale i ka Sabati, ka haalele i na luakini, i na kula Sabati, ka hoohiki wahahee, ka hoohiki ino i ka Inoa o Iehova mai ka poe nui a i ka poe kamalii ou, na olelo ino, na kuamuamu, a hoomaewaewa, a hoaikolu, a pela aku, a pau ole i ka helu ia o na hewa ou.

            5. A eia kekahi meas e hookaa mai ana i ka make maluna ou ka hooholoia.  Nui ka poe e hoomakaukau ana e hoopii i ka Ahaolelo Aupuni e hoonoa io i na waiona i hiki i na haole ke haawi wale, a kuai hoi i na waiona i na kanaka Hawaii; i hiki hoi i na kanaka Hawaii ke hana pela.  Oia hoi, e hookuu ia na kanaka Hawaii e hana me na waiona, e like me ko lakou makemake, e hana, e kuai, e haawi, e inu, me ka hoopai ia paha ke ona, me ka hoopai ole ia paha.

            A e hoopii ana hoi ia poe, e ae ka Ahaolelo e aie ke aupuni i umi miliona dala.

            Ina e hoolilo ia mau hoopii elua, alaila, e oiaio ana ka olelo a ke Kaula, Nau iho, e Hawaii, kou make.

            A pehea?  Aole anei he mea e pakele ai oe i ka make loa?

                                                Ke koena mahope.

 

            Ua hoike mai o Rev. S C Luhiau i kona mahalo i ka Luna Leta o Mahukona no kona malama maikai i na leta a me na ope nupepa.  Aole keia he mea i maamaa loa ma ka olelo Hawaii wahi ana, aka, o kana malama ana a me ka lawelawe ana i kana hana, ua maikai.  Ua mahalo makou no keia lono, a ina pela na Luna Leta a puni na mokupuni, ua maikai loa.

 

            O ka bila imua o ka aha Senate ma Amerika i keia wa no ka hoopaa ana i ke kumu ana mai o na puke iloko o ka aina, ua hooholo ia e na hale a elua ma ka heluhelu ekolu ana a ua hoouna ia aku ma ka lima o ka Peresidena no ke kakau ino, ua manao wale ia e kau aoa oia i kona pulima maluna o keia bila.

            Eia no ke mau nei ka pilikia o na kanaka e noho nei ma ka muliwai o Misisipi.

            O Henry Wadsworth Longfellow kekahi o na haole kaulana o Amerika Hema ka hiku mele, ua make mai nei ma i ka la 24 o ka Mahina i hala.

            O na lono no ka pae nui mai o na paahana pake ma ke kulanakauhale o Kapalakiko, ke hooiaio ia nei, he 10,000 pake e manao ia nei e hoea ana ma ke kulanakauhale o Kapalakiko mamua ae o ka mana ana o ka bila kanawai e hookapu ana i ko lakou komo ana mai.

            Ma ke kulanakauhale o Kapalakiko i keia mau la aku nei, ua hiki aku mawaana o 500 a me 600 poe haihai kanawai Sabati i hopu ia e na makai a pau i ka hoopaa ia.

            O kekahi o na aliikoa i hoao mai nei e ki ia Guiteau, ua hookolokolo ia mai nei a ua ahewaia e make e ka aha hookolokolo koa, ua nui na palapala i lawe ia ma na hale a ma na alanui no hoi, e noi ana iku oluolu o kela me keia e kau pulima, a e hoouna ia ia palapala i ka Peresidena no ka hoopakele ana i kona ola.

 

AHAHUI EUANELIO O KAUAI.

            E naluwai ana na Ahahui Euanelio o ka mokupuni o Kauai ma Kolima i ko Poakolu ekolu o Amerika, ma ka la 19 ma ka hora 10 @@.

            Ke kalima ia aku nei na kahu @@@ e hele oe me ka makaukau i ko lakou mao mawaena.

                        A ke koi pu ia aku nei na ekalesia e hoouna mai i ko lakou @80 elele.

                                    J M Kealoha, Lunahoomalo.

 

HOOLAHA HOOPAU HUI.

            O ka Hui malalo o ka inoa Hui o J M Alexander & C0, i keia ia ua hoopauia ma ka aelike ana.  O W D Alexander kai waiho mai a na J M Alexander e hoomau aku i na hana o ka mahiko ma Paia, Hamakuapoko, a iaia na hooponopono ana o na Aie o ka Hui.    J M Alexander, W D Alexander.

            Paia, Hamakuapoko, Mar 31 1882.

                        1062 3t

 

OLELO HOOLAHA.

 

            E ike ananei na mea a pau, owau o ka mea nona ka inoa malalo, ke papa a ke hookapu loa aku nei au i na ano kanaka a pau aole e mahi hou ia, aole hoi e oki i na mea kanu o ulu ana i keia wa, ma ka apana aina o Paohi ma Lahaina, Maui; oia hoi ka apana aina o C Kanaina, i lilo ia makou na keiki a Kilinahe, kekahi koko o C Kanaina.  O ka mea kue i keia, e hoopii ia no ma ke Kanawai.

                        MRS. KAHIKIKUA.

            Lahaina. Mar. 13, 1882.                      1061 4t

 

OLELO HOOLAHA.

            Ua haalele mai kuu wahine o Makaimoku i ko maua wahi moe a me ka noho'na me ke kumu kupono ole, ke papa aku nei i ka poe a pau aole e hoohui a e hoaie iaia ma ko'u inoa.

            1059 4t                        WALTER WHITE.

 

UA MAKEMAKE IA

NA ILI BIPI,

NA KAWI BIPI,

NA IWI BIPI

            E haawi ia na ke kumukuai kiekie o ko kakou makeke nei e.            

                        H. Hackfeld & Co.

Honolulu, Mei 22, 1880.                     964 ly

 

HALEPAI HOU.

            No ke pai ana i na ano a pau i makema kela e na kanaka, oia hoi:

 

NA PALAPALA, NA BALOTA,

NA LIPINE I PAHA ME NA HUA,

NA PALAPALA KUHIKUHI HAAWINA,

A ME NA OLELO HOOLAHA.

 

            O na ano Humuhumu Buke o kela a me keia ano, e humu ia me ka eleu a me ka maiau, ke hoounaia mai na kauoha ia.

                        Thos. G. Thrum, (Kalamu)

1029 6m                      Ma Alanui Kalepa, Honolulu

 

C. C. Coleman.

Amara a he mea hana Mekini

Kapili kapuai hao lio.

A ME KA

Hana ana i na Kaa Lio &c.

Hale Hana ma Alanui Alii, e kokoke la i ke Alanui Papu                   905 tf      

 

PAPA KUHIKUHI MANAWA HOLO

O KA

NOKUNAHU HAWAII

 

"LIKELIKE,"

KAPENA KING.

AOLE AIE NO NA UKU OE UA.

            Ke hooleia aku nei ka aie no ka aku ohua, a ke hoikeia aku nei i ke akea, ina he ana paiki, ukana a puolo hooili ko lakou, a pono a hoailona ia me ka moakaka lea.  Aole no e ae ia ka lawe ana i na ukana, paiki a puolo i hoailona ole ia ke ole e kakoaia ka loaa ana mai.

 

HE KUIKE KA UKU UKANA.

 

            Ma na ukana a pau o na makamaka, e pono e aku mea ia.  A e hookola no na kanaka no ka lawe a hiki i kahi i makemake ia.  A e malama ia no me ka makaala na ukana, paiki a me na puolo, lio, pipi a me ka hoki.

 

E hoailona ia me ka moakaka na Puhu Rama a me Waina.

 

            O ka poe no lakou no akana o keia ena e pono e hoailona ia me ka moakaka, a i ole o kakaala me ka moakaka ka @aa ana mai o ka poe no lakou keia mau waiwai.

            O na koina no na pilikia a me na poho, e pono e hoike koke la mai ik@o o ka malama hookahi.

            Aole e aeia na hookele kaa, na keiki a me na mea like e pili@@@ o ka mok@ i ka wa e pili mai ai i ka napo, aia wale no a pau a@ okua @@@ i ka @@>

            No ka ake mai a hoopomaikai ia ka lehulelu kaahele, ua kuolo@ ae nei na Ona e Likelike i ka Papa Hoike Manawa oia Mokua@i e like me ma ia.

 

Ma ka Hale Oihana e loaa'i na Palapala.

 

Aohe Keena o hope e lila, aia wale no a kaa mea mai ka @@ i moku.  Aole @@ ka hawa ao no paiki, ukana a puolu paha aole e kaka@a ka lima ana mai,.  E @@@@ ka aku uka @ ka wa @@@ aku ai.                  WAILA MA

 

JNO. LOTA KAULUKOU.

LOIO a HE @OAUI.

 

            Ua makaukau au e @@@@.

 

S. B. DOLE.

HE LOIO A HE LUNA HOOLAIO PALAPALA.

            E hiki no  @@ ke lawelawe i no hihia o kela a me keia ano imau a ae @@@ a pau o keia aupuni.

            Keena hana ma Alanui Papu, makana ae o ka Halekuai o Lilik@ui. Honolulu, Oahu, Iulai 10, 1880.         97l tf

 

RICHARD F. BICKERTON.

[PEKETONA.]

LOIO a ke KOKUA ma ke KANAWAI!

 

            E HELE ANA OIA IMUA O NA AHA HOOKOLOKOLO a pau o keia Aupuni @@@ ua ano hihia a pau, ina paha ma Oahu oki, a ma na Mokupuni e ae.

            Ua makaukau mau oia i ka hana ana i na Palapala pili ka nawai o kela a me keia ano.

            Ua hiki no hoi iaia ke hoaio dala aku ma ka moraki ana ina aina, maka ukupanee haahaa loa.

            E hanaia na hana me ka hikiwawe a ma ka aku haahaa.

            Keena hana, Helu 23 Alanui Kalepa, elua puka ma o aku o ka hale kauka o Kauka Minui@ole.      S40 ly

 

JAMES M. MONSARRAT.

[MAUNAKEA.]

Loio a he Kokua ma ke Kanawai

                        IMUA O NA AHA HOOKOLOKOLO A PAU o keia Aupuni.  E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai.  Hoolimalima a me ka hoaie dala ana.

 

A HE LUNA HOOIAIO PALAPALA.

            Keena hana hulu 9 alanui Kaahumanu.

            Jan. 3. 1880     944 ly

 

KO BIHOPA MA

BANAKO MALAMA DALA.

 

            E MALAMA NO MAUA I KE DALA O na kanaka maloko o ka Banako, penei:

            Ina hoomoe mai ke kanaka hookahi i na dala $300 a emi mai paha, alaila, e uku maua i eono hapahaneri ukupanee ma kahiki, mai ka la o ka lawe ana mai a hiki i ka la o kona ohi aua, ke waihoia ke dala hoomoe i ekolu malama a keu paha.  Aole ukupanee e helu la o ka hakioa e ke dala hookahi aole no hoi no ka hapa malama.

            Ina ohi koke oia i kana dala, aole i hala na malama ekolu aole, ukupanee.

            Ina i manao ke kanaka e ohi i kana dala, e pono ke hoike mai oia ma ka Banako i kona manao ohi, i kanakolu la mamua o kona ohi ana, a o kana buke kekani kela weia mai.

            Ma ke kikoo wale no a ka mea dala e haawi ai kana ka Buke kekahi ke lawe mai.

            Ma ka la mua o Sepatemaba keia makahiki a i keia, e ho uluulu ai i ke dala, a e huipuia ka ukupanee me ke kimupaa o na dala i hoomoeia no na malama ekolu a keu, a mahuahua ke kumupaa e loaa i ka ukupanee.

            Ina oi aku ke dala hoomoe mamua o $300, alaila, hooholo pu ka olelo.

            E weheia ka Hale Banako i na la hana a pau.

            851 tf              BISHOP & CO.

 

He Nni Anei Kou Makemake i na

MEKINI HUMUHUMU LOLE!

Ina pela, alaila, e kipa mai no ma ka Halekuai o

KAKELA & KUKE.

A malaila oukou e ike ai a makaikai i na ano

MEKINI a WHEELER a me WILSON

mai ke $40 a hiki i ke $50 ke kumukuai o

ka mea hookahi.

NA MEINI A SINGER,

ma ke $50 pakahi, me ke ano

MEKINI a WILCOX me GIBBS,

ma ke $30 hiki i ke $60 ke kumukuai.

mea e pau ai ko oukou kanalua e na Makamaka no ke ia

pono o keia mau Mekiai, e naue mai no me ke

kuihe ole, a e ike no oukou iho

628 tf

 

PAPA! PAPA!

NO

ALLEN & ROBINSON

UA WEHE AE NEI MAUA I

PA KUAI PAPA

MA

KA UWAPO O PAKAKA

 

Na Papa Ulaula o na ano a pau.

Na Papa Paina o na ano a pau.

Na Pili Hale Ulaula.

Na Pili Hale Keokeo.

Na Pepa Hoonani Hale.

Na Pepa Molina.

 

Na Pena a me na Aila Pena'

NA KUI O NA ANO A PAU.

 

NA PANI PUKA a me

NA PANI PUKA 'ANIANI.

NA PANI PUKA a me

NA OLEPELEPE

 

NA LAKO KUKULU HALE

O NA ANO A PAU!

E KUAHA MA KE

KE KUMUKUAI HAAHAA LOA

O keia Makeke.

                        ALLEN & ROBINSON

Honolulu         Ian 1, 1878                  @@@ tf

 

LOLE MAKEPONO

Ke Kuike

E LOAA NO LA MA HALEKUAI

KAKELA ME KUKE

E LAA NA

Ahinahina, Kalakoa,

Keokeo, Leponalo,

Pena, Aila, Aniani.

NA MEA PIULA!

KOPA, AILA HONUA.

AILA HOOMALU

 

Kui Kakia, Pakeke

Tabu, Kaula, Noho Lio,

Hulu Palaki, na Pulunu.

A HE

AGENA NO HOI NO NA MOKUPUNI O HAWAII NEI NO NA

Lainakini-nao,

Lainakini Maoli,

Palule Kalakoa,

Alapia, Kelepa, Kilika.

Na lole kupono i ka wawae

Palule Huluhulu,

Na Lole Huluhulu,

Na Lole no ka hooheheia ini

Lipini, Lihilihi, &c.

LIPINE, LIHILIHI, &c.

A ME NA

Mikini Humuhumu Makepono Loa!

A HE

WAU MEA AI KAHI

Ka Palaoa, Kopaa,

Raiki, Pia, Hoohu

Paakai, Huaala,

Pia kulina.

 

A he Laau Lapaau Kaulana Loa

A DR. JAYNES.

Laau Kunu,

Laau Hoomaemae Koko,

Laau hoopau Naio,

Penikila, Huaale

 

A ME NA LAAU HAMO, A PELA 'KU

840 tf

 

PAPA, PAPA

AIA MA KAHI O

LEWERS & COOKE,

(O LUI MA.)

MA KE KAHUA KAHIKO MA

Alanui Papu a me Moi

E LOAA AI NA

Papa Nouaiki

o kela a me keia ano.

Na Papa Nani a Paa no ke Kukula ana i na Hale!

Na Pani Puka, Na Puka Aniani,

Na Olepelepe, Na Pou, Na U-a,

Na Papa Hele, Na Papa Ku,

A me na Papa Moe nui loa.

 

NA PILI O NA HALE

O NA ANO A PAU.

Na Pepa Hoonani, Na Pena o na Wai a pau,

Na Kui mai ke Nui a ka Makalii,

Na Ami Puka, Na Ami Puka aniani

 

Na Ami o na ano a pau,

Na Aila Pena, o kela me keia i@,

Na Aila Hoomaloo, he lehulehu wale,

Na Aila e ae o na ano a pau.

 

NA WAI VANIKI

A ME NA

WAI HOOHINUHINU NANI

o na ano a pau loa.

NA BALAKI ANO NUI WALE

A ke hai ia aku nei ka lono i na makamaka

pau, na makaukau keia mau makamaka

o oukou e hoolawa aku ma

na mea a pau e pili ana

ma ka laua oihana

NO KA

UKU HAAHAA LOA!

E like me ka mea e holo ana mawaena o

LAUA a me ka MEA KUAI

E hele mai! E na Makamaka

A e lawa no hoi ko oukou makemake

me ka oluolu a me ka maikai!

845 tf