Ka Nupepa Kuokoa, Volume XXI, Number 18, 6 May 1882 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Kuokoa me ke Au Okoa

HUIA

No ka Makahiki $2. Eono Mahina. $1.

Dala Kuike ka Rula

POAONO, MEI 6,1882.

 

KEI KE ALOHA.

 

(Oh How He Loves.)

Gospel Hymns, No 36

 

1

Iesu no ka Hoa aloha,

Aloha e!

He aloha lua ole,

Aloha e!

Hee ae no koonei mau hoa,

Mae ke aloha o lakou la,

Paa nae ko Iesu aloha,

Aloha e!

 

2

Ola mau mau Kona aloha,

Aloha e!

Kai ko kakou aie. Nona!

Aloha e!

Kuai Oia ia kakou la

Me ke koko Mana On a,

I loaa na hipa Nona,

Aloha e!

 

3

Iesu no ke Kalahala,

Aloha e!

Nana kakou nei e kala,

Aloha e!

Kei na pono Nona mai la!

Ko ke ao nei pomaikai loa!

Me ka nani maluna ' e la!

Aloha e!

Hawaii.

 

haawina kula Sabati.

HELU 8. SABATI, MEI 21.

KUMUHANA.

 

Ka ike me ka hooiaio ana ia Kristo. Pauku

Baibala. Mar. 8;22-33.

 

        22 Hele mai la ia i Betesaida, alaila, halihali ae la lakou i kekahi kanaka makapo i Ona la, nonoi aku la ia la, e hoopa mai ia ia.

        23 Lalau iho la la i ka lima o ke kanaka makapo, alakai aku la ia la, mai ke kauhale aku; kuha mai la la i kona mau maka, hoopa mai la kona lima ia la, ninau mai la i kona ike ana i kekahi mea.

        24 Nana ae la ia iluna, i aku la, ke ike nei au i kanaka, me he mau laau la e hele ana.

        25 Mahope iho, kau hou mai la la i Kona lima ma na maka on a, a hoonana hou aku la ia ia iluna; a ola ae la ia, a ike maopopo iho la i kela kanaka i keia kanaka.

        26 Hoihoi ae la o Iesu ia ia i kona hale, i ae la. Mai hele aku i ke kauhale, mai hai aku i ko ke kauhale.

        27 Hele aku la Iesu, a me Kana poe haumana i na kauhale o Kaisareia Pilipi ninau ae la Ia i Kana poe haumana ma ke alaloa, i ka i ana, Owai la wau i ka kanaka olelo?

        28 I aku la lakou, O Iaone Bapetite; a o Elia i kekahi; a o kekahi o na kaula i kekahi.

        29 Ninau mai la Oia ia lakou, Owai la hoi Au i ka oukou olelo? Hai aku la o Petero, i aku la ia la, o ka Mesia no Oe.

        30 Papa mai la Oia ia lakou, mai hai aku ia la i kekahi kanaka.

        31 Haila Kana hoomaka ana e hoike mai ia lakou e hoomainoino nui ia ke Keiki a ke kanaka, a e hooleia e ka poe kahiko, a me ka poe kahuna nui, a me ka poe kakauolelo, a e pepehiia Oia, a Poakolu ae e ala hou mai.

        32 Hai maopopo mai la Oia ia olelo; alaila, lalau ae la o Petero ia la, a hoomaka e papa aku la ia.

        33. Hahu ae la Iesu, nana ae la i Kana mau haumana, papa ae la ia Petero, i ae la. E hele oe pela mahope O ' u, e Satana, no ka mea, aole i like kou manao me ko ke Akua, me ko na kanaka.

        Pauku Gula. Mar 16.16.

        Manao nui. Pono ke hoomaopopo lea i ka manao no Iesu Kristo.

        Na heluhelu la. 1, Mar. 8;22-33. 2. Mat. 16;13-23 3. Luk 9;18-22. 4. Io, 6;53-71. 5. Io.-11;1-27. 6. Heb. 10;1-22 7. Isa. 53;1-12.

 

Ka wehewehe me ka ninau ana.

Ekolu mahele.

 

        1. Ka hoola ana i ka makapo. P. 22-26.

        Hele Iesu i hea? Betesaida, aia no ia ma ka hikina akau o ia Loko o Galilaia. Owai kai alakai ia imua o Iesu? No ke aha? I hoola Iesu i ua makapo nei. Ehia hana a Iesu i hana ' i ma Kona hoola ana iaia? 1 Lalau, 2 Hookaawale. 3 Kuha 4. Hoopa. 5 Ninau. 6 Kau hou ka lima. 7 Hoonana iluna.

        7 ka hana. Aole anei i hiki ia Iesu ke hoola koke i ka makapo? Hiki no. Aka, aole pela Kona manao. Okoa Kana hana i kekahi manawa. A okoa i kahi manawa. Aole Oia i hana ma ka rula hookahi.

        I ke ola ana o ua makapo nei, hoihoi aku Iesu ia ia i hea? Me ka olelo ana pehea? No ke aha ia papa ana?

        11. Ko Petero manaoio me ka hooiaio ana. P 27-40.

        P 27-28. Hele aku Iesu me Kana mau haumana mai Batesaida a i ka hikina akau aku, a komo iloko o na kauhale nui keia. Na kauhale  on a oia na kauhale liilii mawaho e pili ana. Na Herode Pilepi ia i kukulu.

        Aia no ia malalo ae o Mauna Lebanona.

        Ma ke alanui, heaha ka Iesu i ninau aku ai i na haumana? A pane lakou pehea?

        Ninau anei Iesu no Kona ike ole? No ke aha?

        P.29-30. Heaha ka ninau hou a Iesu? A pane Petero pehea? A heaha ka Iesu i papa aku ai?

        No ke aha?

        III. Ke ano io o ka Mesia. P.31-33.

        P.31. Ehia mea a Iesu i hoike ai Nona iho? 1. E hoomainoino ia. 2. E hoole ia. 3. E pepehiia. 4. A e ala hou mai.

        P. 32 33 Pehea Petero i pane aku ai? Kupanaha ia pane ana! Naaupo! A pane Iesu ia ia pehea?

        Kapa iaia o Satana. He enemi oia. Ko Satana makemake e make Iesu, aka, aole on a makemake e ala hou Oia. Ko Petero makemake ma ka aoao o ke kanaka, e ola mau Iesu maanei me ka hana ino ole ia, me ka make ole. Ko ke Akua Manao, e make no Iesu, a ala hou i Kalahala no ke ao nei.

 

Ka hoopili ana.

        1. Nui na makapo ma ka uhane. He mau maka maoli no. Aka, aole lakou i ike i ke ano o ke Akua, i ke ano o ka hewa, i ke ano o ka make, i ke ano o ke ola ma o Iesu la.

        E halihali ia lakou imua o Iesu, a ma ka manaoio e noi aku ia Ia e hookaakaa i na maka.

        E wiki o make e, a komo iloko o ka pouli mau loa.

        2. Aia a kaakaa iki na maka, e noi hou aku ia Iesu e hookaakaa loa i na maka.

        3. E hoohalike me Iesu, e lalau ia poe makapo, e lawe i kahi kaawale, e hoao i na hana e kaakaa ai, e ike ai na maka.

        4. Ike koke, huli koke kekahi poe. Paakiki kekahi poe, huli hapa, ike hapa, mihi hapa, hoopanee.E hana mau nae i huli loa, mihi loa, &c.

        5. Aia a ike oe, a huli io, a mihi io, e hoi i kou hale, kou home, kou ohana, e hai aku i ka Iesu hana ia oe, a e paipai aku ia lakou, e nana aku ia Iesu i ike.

        6. Owai la Iesu ma ko oukou manao?

        He kanaka anei? He kaula anei? He mea hoopunipuni anei? Ke pane mai nei anei oukou. Ka Mesia no Ia. Ke Keiki Hipa a ke Akua, ke Kalahala e ola ai? He pane oiaio no ia.

        Aka, aole e ola ana oe ma ia pane ana, ke malama ole oe i kona makemake.

        7. Nui na Satana. Nui na Petero e kokua ana mamuli o Satana, oia hoi ka poe e hoole ana. Aole ola kanaka ma ke koko o Iesu, aole Iesu he Kalahala. E kala ia ka hewa ma ka mihi. E ola ke kanaka ma kona pono iho.

        E ao oukou o hui pu oukou me lakou a hoonele ia i na pono, na pomaikai o ko Iesu aupuni, a auwe mau oukou no ko oukou naaupo.

Haawina no Mei 28. Mar. 8;34-39.9;1.

 

KA LAAU MISIONARI.

        He wahine negero ma ka mokupuni a Iamaica, aloha oia i ko na aina e, makemake nui e kokua.

        Ua ilihune nae, pehea e hiki ai? Noonoo oia, a loaa ka mea e hiki ai.

        Kanu oia i 5 laau piku, hoailona oia i kekahi laau no ke kokua misionari.

        I ke kapu ana ae a ulo a kiekie iki, kahakaha oia ma ka ili o ua laau la i ka inoa Laau Misionari.

        Ulu awiwi ae keia laau, oiai ua lohi ka ula ana o na laau e ae eha. mahope iho, hoomaka keia laau e hoohua i na hua.

        Kuai oia i na hua, a loaa mai 3 dala i kela i keia makahiki no ke kokua misionari.

        E hoohalike na hoahanau ilihune me keia wahine, e hookaawale i na hua o kekahi laau, o kekahi holoholona no ke Akua, e hoailona i kekahi kapa apana no ke Akua.

KA MANU PAROTA.

        He manu kamailio keia, hiki ke ao ia a loaa kekahi mau huaolelo kanaka, a i kekahi manawa, hoopuka wale oia i na olelo i paa ia ia.

        He Parota ko kekahi kanaka, ua lele ia i kahi la a hui pu me na manu e, he mau manu kolohe lakou, e ai ana i ke kulina o keia kanaka, nona ka Parota, i ele ka on a e ki pu i na manu kolohe, ku no na la, a haule a make kekahi mau manu. I ka laweloa i na manu make a eha i ka hale, aia ka ua Parota nei me lakou, aole i make, ua eha nae, ua hai kekahi pekekeu.

        Ninau na keiki, e ka makua, heaha ka mea i eha ai ka Parota? Pane koke ka Parota. Na hoa kolohe, na hoa kolohe.

        E ao oukou, e na keiki, e na ui, o hui pu oukou me na hoa kolohe.

        Mai launa me ka poe kolohe, inu rama, piliwaiwai, aihue, o hopu pu ia, a hoopai pu ia me lakou, e like me keia Parota.

KE KANI NEI NA BELE LUAKINI.

        He wahi hale ma kekahi kaona. He ohana hewa loa ko loko, kuai rama ka makuakane me ka laikini ole, hewa loa na makua elua, makau loa na kamaaina ia ohana.

        He kaikamahine, o Maria Luiza, nona na makahiki he 14,  e hele ana i ka luakini , lohe oia i ka walaau ona rama me ka hakaka ino o loko, komo oia iloko a pani i ka puka. Kahaha na hoa on a rama i kona wiwo ole.

        Ninau oia, aole anei oukou i lohe i ke kani ana o ka bele luakini, e kahea ana ia oukou e hele e hoomana ia Iehova maloko o kona hale pule?

        Noho malie iki lakou, a aua kena ka wahine me ka leo huhu loa, e hele pela aku oe mai ke a hale aku. Noho malie oe, kena ke kane i kana wahine. Ua pololei ua kaikamahine nei, e lawe oia i kona papale, a kahea i na hoa ona, ke hele nei au i ka luakini, owai ke hele pu?

        I ke komo ana o ua kane hewa loa nei iloko o ka luakini, haohao loa na kanaka.

        Noho malie no nae oia, a hoolohe pono i ka haiolelo, mai laila mai no kona lilo ana i kanaka ano hou, noho haipule oia me ka hoomanao maikai i ke kaikamahine nana i paipai ia ia e hele i ka luakini.

        Lilo hoi kana wahine i wahine haipule, a lilo hoi kona hale i makau ia mamua i hale haipule.

        Auhea na kaikamahine Hawaii, me na kaikamahine haole, e ae ana e hoohalike me Maria Luiza? Ku a hoohalike.

 

HE AHAHUI KOKUA KAHI I KEKAHI

        Ua kukulu ia ua aha nei, mahope iho, hele mai he kanaka amala, a olelo.

        E na keonimana, ke makemake nei au e lilo i lala no ko oukou aha. Ninau mai ka aha, heaha kau e hana ai no makou?

        Pane oia, hiki ia ' u ke hana i na kamaa hao lio, i na oo, I na kepa, i na hao wehe lio me na mea hao he nui wale.

        Maikai, e komo mai oe. Mika Amala, mahope iho, hele mai he kamana, a olelo, ke makemake nei au e komo iloko o ko oukou aha.

        Ninau ka aha, heaha kau e hana ai no makou?

        Pane oia, hiki ia ' u ke kukulu i ko oukou mau hale, a hana i na uapo, a i na waapa, i na moku, maikai, e komo mai oe, hemahema makou ke komo ole oe.

        A liuliu iki, hoea mai he kumeka, a olelo, makemake au e lilo i lala no ko oukou aha.

        Ninau ka aha, heaha kau e hana ai no makou?

        Hiki ia ' u ke hana i na kamaa me na buti no oukou, maikai, komo mai, aole make e hele kamaa ole makou, maikai loa kau oihana, komo mai, komo mai.

        Pela no i hele mai ai ka poe hana alanui, okioki a humuhumu lole, ka poe pena, pai nupepa, pai buke, na loio, na lunakanawai, e noi ana e komo iloko o keia aha.

        A mahope loa, hoea mai he kanaka e, he maka ulaula, he kino puipui, he wawae kekee, a noi mai e komo iloko o ka aha.

        Ninau ka aha, heaha kau oihana? He kuai rama au, he kuai rama! A heaha kau e hana ai no makou? Hiki ia ' u ke kukulu i na halepaa poe lawehala, hale no ka poe pupule, a no ka poe ilihune loa.

        Oia wale anei? Aole, hiki ia ' u ke hoopiha ia mau hale i ka poe lawehala, i ka poe pupule, i ka poe ilihune, oia wale no anei? Aole, hiki ia ' u ke alako i ka poe poohina i ka luakupapau me ke kanikau, hiki ia ' u ke hookaumaha wale i na naau o na wahine, a ke hoonele i na keiki i na mea e pono ai a ke hoopiha i ka aina i na mea ino i oi aku i na ino he 10 o Aigupita.

        Oia wale no anei kau e hana ' i? A pane aku ka mea kuai rama, kahaha! heaha ka mea i koe? Aole anei he nui keia?

        He keiki na kekahi kanaka waiwai o Kaleponi ua make mai nei iloko o ka pule hope o Maraki. He nui ka poe i ukali aku i kona kino kupapau, a i ka makaukau ana e hookuu ia ka pahu iloko o ka lua, lalau iho la oia i ke kuau dala o ua pahu nei, wehe ae la a hemo alaila lawe aku la e kuai i kekahi mea hana pahu.

        E hoopoina i na kee o kou mau hoaloha a e noonoo i kou mau kee ponoi.      E aho ke kamailio akahele ana ma na huaolelo moakaka mamua o ke kamailio pupuahulu ana me ka wikiwiki a lohe ole ia ke ano o kau mea e kamailio ana.

 

MOOLELO O KA AHAHUI EUANELIO O HAWAII KOMOHANA.

La hana 1, Poalua Mar 7 1882.

 

        Halawai ka ahahui maloko o ka luakini o Lanakila ma Kona waena , hoomaka ia na hana me ka haipule.

        Rev G P Kaonohimaka, lunahoomalu no ka manawa; P Kaaekuahiwi, kakauolelo.

 

Kihapai                   Kahu                       Elele.

Hamakua hikina                                     Ahia

Hamakua waena                                     Kaaekuahiwi

Hamakua komohana                                       Mio

Waimea                                          Mose Kaholoaa

Kohala akau

Kohala komo Luhiau

Kohala hem                    Luhiau Komite Kauwewahine

Kekaha Kona akau         Kaonohimaka         Kaiekoili

Kailua me Helani           Waiamau        Hoa

Kona waena                                           Kahikina

Kealakekua                                             Maka

Pukaana                                          Kanui

Kaohe                                                      Kalaukoa

Milolii                                                     Nakea

Waiohinu Kau       

        Na lala mau, Palisa, Makaike, Waiau; na hoa kuka, Nawahine, Kealoha, Hoapili Esq.

        Koho ia ma ka balota, Kaonohimaka, lunahoomalu, Kaaekuahiwi, kakauolelo.

        Na komite mau, komite imihana, Parisa Mio, Waiau, komite imi haawina, Waianae, Luhia, Kanui kohoia i komite no na halawai, Makaike, Mose Kaholoaa a me Ahia.

        Hoike hapa a ke komite imi hana, hapalua hora haipule, hoike kihapai, heluhelu haawina na palapala hoopii a kahea paha na ekalesia kahu ole, na kahunapule kihapai ole, keiki a ka aha, kula kahunapule a kula kaikamahine o Kohala pehea la e pakele ai na kanaka opiopio mai ka make ia o ma ka muliwai o ka waiona.

        He mea pono anei no na luna ekalesia a me na hoahanau ke hookomo i ko lakou mau keiki iloko o na kula hanai o ka poe hoomana Pope?

        Auhea ka like ole o ka hoomana a me ke ao ana o na pope a poe hoole Pope.

        Na elele o keia aha no ka aha nui ma Honolulu, kahi e halawai i hou ai keia aha, apono ia ka hoike a ke komite.

        Kumuhana 2, hoike kihapai, hoike mai ke kakauolelo i na hoike kihapai o Hamakua hik, Hamakua waena, hamakuaa komohana.

        Hoomaha ka aha hapalua hora, pule o Waiau.

        Akoakoa hou mai ka aha, pule o Kanui heluhelu ke kakauolelo o i ka hoike kihapai o Waiamea

        Ua mahalo nui ka aha me ka hoomaikai aku i ke Akua no keia hoike kihapai.

        Ua hooholo ka aha, na ke kakauolelo e hoi ke aku i ke kahu o Waimea i ka mahalo me ke aloha nui o na lala a pau o ka aha ia ia no kona hooikaika ma ka hana a ka Haku oiai, ua nawaliwali oia.

        Hoike kihapai o Kohala, na Kaonohimaka o Kealakekua me Kaohe.

        Na Makaike o Pukaana me Miloili

        Na Waiau, ua mahalo ka aha i keia komite no ka ikaika i ka hooulu i ka pono ma kona kihapai.

        Hoopaneeia ka halawai a hora 9 o ka la apopo.

        Hoolaha mai o Hoapili, e noho hou ana ka ahahui kula Sabati ma ka la apopo, apono ia.

        Hookuu ia ka aha me ka himeni a me ka pule a Nawahine.

       

La hana 2, Poakolu Mar 8.

        Akoakoa mai ka aha, malama ia ka manawa haipule, kahea ia na inoa, heluhelu ia ka moolelo, hooponopono ia a aponoia.

        Na hoike kihapai i koe, Kohala akau, na ke kakauolelo, Kohala komite Kohala heai na Luhiau.

        Kailua me Helani na Waiamau. Kona waena na Parisa.

        Koho a o Waiamau i komite e hoike i na hana o keia aha i ka aha nui ma Honolulu.

        Lohiau no na hoike kihapai o keia ahahui.

        Kumuhana 3, heluhelu haawina.

        Heluhelu ke kakauolelo i ke kumumanao a L Lyons ma Io 15;5 hapa hope, ua hooholoia e hoouna i ka Nupepa Kuokoa.

        Kumuhana 4, palapala hoopii, aohe.

        Kumuhana 5, na ekalesia kahu ole, hooholo ia e waiho io i ke komite, Waiamau, Luhiau, Parisa.

        Kumuhana 6, na kahunapule kihapai ole.

        Hooholoia, e waiho ia ma ka lima o ke komite o na ekalesia kahu ole.

        Kumuhana 7 na keiki a ka aha, Kapa a me Kihe.

        Hoomaka ka aha hapalua hora, pule o Hoa.

        Akoako mai ka aha, pule o Hoapili, hooholoia, e lilo na lala o ka aha i komite ninau i na keiki o ka aha.

        Mahope waiho ia i ke komite Parisa, Waiamau, Luhiau.

        Hoopanee ka aha a noho hou ma ka hora 8 o ka la apopo, pule o Kaholoka.

        Aole i pau.

 

OLELO HOOLAHA

        O ka poe a pau e makemake ana e hoolimalima i kuu aina e waiho la ma Kalahiki. Kona Hema, Hawaii, oia ke Kuleana o Kaholaikapu w, ia Wakinepio kona hooilina. E pono e hele mai e kamailio pu me a ' u ma Honolulu, a i ole ia i kou Agena ia W R Castle.                            J W MIKASOBE.

1065 4-t

 

PAPA KUHIKUHI MANAWA HOLO

O KA

MOKUMAHU HAWAII

"LIKELIKE"

KAPENA KING.

AOLE AIE NO NA UKU OHUA

 

        Ke hooleia aku nei ka aie no ka uku ohua, a ke hoikeia aku nei i ke akea, ina he mau paiki, ukana a puolo hooili ko lakou, e pono e hoailona ia me ka moakaka la. Aole no e ae ia ka lawe ana i na ukana, paiki a puolo i hoailona ole ia ke ole e kakauia ka loaa ana mai.

 

HE KUIKE KA UKU UKANA.

 

        Ma na ukana a pau o na makamaka, e pono e aku mua ia. A e hookoia no na kauoha no ka lawe a hiki i kahi makemake ia. A e malama ia no me ka makauia na akana, paiki a me na puolo, lio, pipi a me ka hoai.

 

E Hoailona ia me ka moakaka na Pahu Rama a me Waina.

       

        O ka poe no lakou na ukana o keia ano, e pono e hoailona ia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.

        O na koina no na pilikia a me na poho, e pono e hoike koke a mai iloko o ka malama hookahi.

        Aole e aeia na hookele kaa, na keiki a me na mea like e pii iluna o ka mokuahi i ka wa e pili mai ai i ka uapo, aia wale me a pau na ohua  a pakeke i ka lele.

        No ke ake nui e hoopomaikai ia ka lehulehu kaakela, ke hoololi ae nei na Ona o Likelike i ka Papa Hoike Manawa oia Mokuahi e like me ma luna.

 

Ma ka hale Oihana e loaa ' i na Palapala.

        Aole Kaena o hope e lilo, aia wale no a kua mua mai ka akua moku. Aole a ili ka hewa no na paiki, ukana a puolo paka aole e kakauia ka loaa ana mai. E hookaaia ka uku aka ha wa e malia aku ai.         WAILA MA.

 

JNO. LOTA KAULUKOU.

LOIO a HE KOKUA.

UA makaukau au e lawelawe i na hihia a pau o kela a me keia ano iloko o na Aha Hookolokolo a pau o keia Aupuni. Ua hiki iau ke hana i na palapala a pau e pili ana i ka Oihana loio me na ano a pau.  E loaa no au ma Heeia Koolaupoko, a ma Honolulu i kekahi manawa. @@.

 

S.B DOLE.

HE LOIO A HE LUNA HOOIAIO PALAPALA.

E hiki no keia ke lawelawe i na kihua o kela a me keia ano imua o na Ahahookolokolo a pau o keia aupuni.

        Keena hana ma Alanui Papu, maluna ae o ka Halekuai o Likikini.         Honolulu, Oahu Iulai 10,1880        917tf

 

RICHARD F. BICKERTON.

[PEKETONA]

LOIO a he KOKUA ma ke KANAWAI!

 

E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau, in a paha ma Oahu nei, a ma na Mokupuni e ae.

        Ua makaukau mau oia i ka hana ana i na Palapala pili kanawai o kela a me keia ano.

        Ua hiki no hoi iaia ke hoaie dala aku ma ka moraki ana in a aina, ma ka ukupanee haahaa loa.

        E hanaia na hana me ka hikiwawe a ma ka uku haahaa.

        Keena hana, Helu 23 Alanui Kalepa, eklua puka ma o aku o ka hale kauka o Kauka Minuteole                      840 1y

 

JAMES M. MONSARRAT.

[MAUNAKEA.]

Loio a he Kokua ma ke Kanawai

 

IMUA O NA AHA HOOKOLOKOLO A PAU o keia Aupuni. E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai, Hoolimalima a me ka hoaie dala ana.

A HE LUNA HOOIAIO PALAPALA.

Keena hana helu 9 Alanui Kaahumanu.

Jan 3,1880.                      944 1y

 

KO BIHOPA MA

BANAKO MALAMA DALA.

E MALAMA NO MAUA I KE DALA O na kanaka maloko o

        Ina hoomoe mai ke kanaka hookahi i na dala $300 a emi mai paha, alaila, e uku maua i eono hapahaneri ukupanee ma kahiki, mai ka la o ka lawe ana mai a hiki i ka la o kona ohi ana, ke waihoia ke dala hoomoe i ekolu malama a keu paha. AOle ukupanee e helu ia no ka hakina e ke dala hookahi aole no hoi no ka hapa malama

        Ina ohi koke oia i kana dala, aole i hala na malama ekolu aole ukupanee.

        Ina i manao ke kahuaka e ohi i kana dala, e pono ke hoike mai oia ma ka Banako i kona manao ohi, I kanakolu la mamua o kona ohi ana, a o kana buke kekahi kelaweia mai.

        Ma ke kikoo wale no a ka mea dala e haawi ai kana, ka Buke kekahi ke lawe mai.

        Ma ka la mua o Sepatemaba kela makahiki a i keia, e ho uluulu ai i ke dala, a e huipuia ka ukupanee me ke kimupaa o na daal i hoomoeia no na malama ekolu a keu, a mahuahua ke kumupaa e loaa i ka ukupanee.

        Ina oi aku ke dala hoomoe mamua o $300, alaila, hooholo pu ka olelo.

        E weheia ka Hale Banako i na la hana a pau.

851tf                                                                                        BISHOP &CO

 

He Nui Anei Kou Makemake i na

MEKINI HUMUHUMU LOLE!

Ina pela, alaila, e kipa mai no ma ka Halekuai o

KAKELA & KUKE.

A malaila oukou e ike ai a makaikai i na ano

 

MEKINI a WHEELER a me WILSON mai ke $40 a hiki i ke $50 ke kumukuai o ka mea hookahi.

NA MEINI A SINGER,

ma ke $50 pakahi me ke ano

MEKINI a WILCOX me GIBBS,

ma ke $30 hiki i ke $50 ke kumukuai.

mea e pau ai ko oukou kanalua o na Makamaka no ke kupono o keia mau Mekini, e nane mai no me ke kuihe ole, a e ike no oukou iho.

628tf

 

PAPA! PAPA!

NO

ALLEN & ROBINSON

 

UA WEHE AE NEI MAUA 1

PA KUAI PAPA MA

KA UWAPO O PAKAKA

 

Na Papa Ulaula o na ano a pau.

Na Papa Paina o na ano a pau.

Na Pili Hale Ulaula.

Na Pili hale Keokeo.

Na Pepa Hoonani Hale.

Na Pepa Molina

Na Pena a me na Aila Pena

NA KUI O NA ANO A PAU.

A PANI PUKA a me

PANI PUKA ' ANIANI.

NA PANI PUKA a me

NA OLEPELEPE.

 

NA LAKO KUKULU HALE

O NA ANO A PAU!

E KUAIIA MA KE

E KUMUKUAI HAAHAA LOA

O keia Makeke.

ALLEN & ROBINSON.

363

 

LOLE MAKEPONO

Ke Kuike

E LOAA NO IA MA KAHI O

KAKELA ME KUKE!

E LAA NA

 

Ahinahina, Kalakoa,

Keokeo, Leponalo,

Pena, Aila, Aniani.

 

HA MEA PIULA!

KOPA, AILA HONUA.

AILA HOOMALOO

Kui Kakia, Pakeke, Tabu, Kaula, Noho Lio, Hulu Palaki, na Pulumi.

 

A HE

AGENA NO HOI NO NA MOKUPUNI O HAWAII NEI NO NA

 

Lainakini-nao,

Lainakini Maoli,

Palule Kalakoa,

Alapia, Kelepa, Kilika.

Na lole kupono i ka wawae.

Palule Huluhulu,

Na Lole Huluhulu,

Na Lole no ka hoohehelo ana

Lipini, Lihilihi, &c.

 

LIPINE, LIHILIHI &c.

A ME NA

Mikini Humuhumu Makepono Loa

 

A HE

MAU MEA AI KAHI

Ka Palaoa, Kopaa,

Raiki, Pia, Hoonu,

Paakai, Huaala,

Pia Kulina, ae

 

A he Laau Lapaau Kaulana Loa

A DR. JAYNES.

 

Laau Kunu,

Laau Hoomaemae Koko,

Laau Hoopau Naio,

Penikala, Huaale

 

A ME NA LAAU HAMO, A PELA ' KU

 

840tf

 

PAPA, PAPA

AIA MA KAHI O

LEWERS & COOKE,

(O LUI MA.)

MA KE KAHUA KAHIKO MA

 

Alanui Papu a me Moi

E LOAA AI NA

Papa Nouaiki

o kela a me keia ano.

 

Na Papa Nani a Paa no ke kukulu ana i na Hale!

Na Pani Puka, Na Puka Aniani.

Na Olepelepe, Na Pou, Na O-a,

Na Papa Hele, Na Papa Ku.

A me na Papa Moe nui ka

NA PILI ONA HALE

O NA ANO A PAU.

Na Pepa Hoonani, Na Pena o na Wai a pau.

Na Kui mai ke Nui a ka Makalii,

Na Ami Puka, Na Ami Puka Aniani

Na Ami o na ano a pau.

Na Aila  Pena, o keia me keia ana

Na Aila Hoomaloo, he lehulehu wale,

Na Aila e ae o na ano a pau.

 

NA WAI WANIKI

A ME NA

WAI HOOHINUHINU NANI

o na ano a pau loa.

NA BALAKI ANO NUI WALE

 

A ke hai ia aku nei ka lono i na makamaka pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana

NO KA

 

UKU HAAHAA LOA!

E like me ka mea e holo ana mawaena o

LAUA a me ka MEA KUAI.

E hele mai! E na Makamaka

A e lawa no hoi ko oukou makemake me ka oluolu a me ka maikai

845tf

 

end