Ka Nupepa Kuokoa, Volume XXII, Number 10, 10 March 1883 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

NU HOU KULOKO.

Ma maemae hanau o Davida Kamauoha Feb. 25 na Kamauoha me Mrs. Kamauoha.

Ma ka pa Kula Kahunapule Feb. 16, hanau o Mary H. Kapa he kaikamahine, na C. K. Kapa a me Mrs. H. Kapa.

Hakaka ka Aha Kuhina i ka Poakahi nei a mai puehi liilii lakou.  He hakaka kuloko no keia mawaena o la @ iho.

E heluhelu akahele e ko makou mau makamaka i ka Olelo Hooholo o ka Aha Kiekie e puka aku ana ma kekahi @ kolamu o keia pepa.

Ua hoopaiia ka Ilamuku Mika Paka i ka Poalima o kela pule he 30 dala me @ koina no kela hana ana i ka nupepa @ la a Kawainui ma.

Owai la ka makai i ona i ka po Poa@ nei ma Kepahoni?  Ua oleloia he @ kanaka oia no Waikiki, a hele ka @ Laehao i ka imi ia, a kahuli ka waa, @ ana i ke kai.

E hookaa na dala o ka NUPEPA KUOKOA ma ka lima o W. S. Lokai, a e @ i palapala hookaa mai kona lima @.  He mea ole ke dala i hookaaia @ ole ka palapala hookaa.

Ma ka la 26 o kela mahina aku nei, @ haalele mai i keia ola ana o Kaia Ka@ w. ma kona wahi ma Leleo.  He @ @ mau makahiki.  Aloha wale oia.  he ohana nui kona eia ma keia aoao.

Ua loheia mai he lono, o Kenela Com-@ @ Kuhina Noho o Amerika Hui @ mamua iho nei, e holo balota @ oia ma keia mua iho no ka noho K@ina o ka mokuaina o Ohio.

Ua hoikeia mai ia makou he lono e @ penei, e malamaia ana e ko Laha@ mau makaainana he halawai makaainana nui no ke kue ana i na hana a keia Aha Kuhina.  He hana pono loa @ a ko Lahaina mau makaainana.

ke kauoha hou ia aku nei no na @ a pau o ka Hui Puuwai lokahi e @koakoa ae ma Kaumakapili i ka hora @ @ o ke ahiahi Poaono la 10 o Maraki 1883.  E pono e hoomanao e na @ i keia leo kahea.

MA KE KAUOHA.

Hoopaa no au i na nupepa a pau a ko'u poe lawe pepa o Koolau a me Honolulu nei, iloko o ka pule hope o keia mahina ke ole lakou e uku e mai @ ke Keena KUOKOA mamua ae o ka pule hope.  e hoolohe i keia.

W. S. LOKAI.

Luna NUPEPA KUOKOA.

E hoomanao e ko makou mau luna nupepa i ko makou leo kauoha i puka @ ma ka la 24 o kela mahina aku nei a e hookaa kaulua ole mai i ke ola o ka pepa ma ko makou keena nei, o hoopa@ auanei na nupepa.  Ke paipai aku nei makou i keia i ole e palaka a poina @

Ma ka auina la o ka Poaono nei i lawe aku ai ka mokuahi Mokolii he 46 mai lepera i Kalawao; o keia mau mai @ ka halemai no ia e ku nei ma Kukuluaeo i Kakaako.  Malaila ke Kuhina Kipikona a me kana hunona kahi i haawi ai i ko laua mau aloha hookamani i ka poe mai.

I ka po o ka Poaono nei i haawi hou ae ai na keiki hoolealea paele o keia kulanakauhale i kekahi o ka lakou anaina hoolealea ma ka Hale Mele Hou no ka manawa ekolu, a ua nui no ka poe i hele ae a hoopiha pono i na noho o na hale la.  Nui ka hauoli o ke anaina.

Ua hoao iho nei kekahi mau luina o ka manuwa Amerika Lakawaena e holo mahuka maluna o ka moku Kalepa Hope o Kakela ma i hana hou ia iho nei, a i ke kakahiaka o ka Poalua ka @ ana a loaa e pee ana iluna o ua moku Kalepa la.

Ma ka nupepa puka la a Kawainui ma i ka Poakahi nei, ua ike iho makou ma kekahi itamu o ua nupepa e olelo ana no ka hoolapuwale ana o kekahi o na luna aupuni i kona kulana keonimana, a pela wale aku.  Ua koho iho makou i keia luna aupuni i olelo ia ma ua nupepa la, oia no ke Kuhina i hookohu ia iho nei, a mamuli no hoi o na @ i hoikeia, ua hooia ia o ke Kuhina i oleloia maluna ua luna aupuni la i hoolapuwale iaia iho.  He anaina hula kai malamaia ma Apua i ka po Poaono nei a malaila keia Kuhina hou a me kekahi poe e iho kahi i hula ai a e hoolapuwale ana ia lakou iho.  Ua @ lakou i ka rama---a aole no hoi makou e kuhihewa ke olelo ae, ua onaia @ lakou.  Ma ka auina la o ka Poakahi @ komo ae la kekahi o na poe ma ua @ hula la i ka po Poaono nei, i ke Keena o ka nupepa Paeaina, a i aku la @ ka luna hooponopono o ua pepa ia no ka oiaio ole a me ke aloha ole o na mea i hoolahaia ma ua nupepa puka la ia.  Ma ke koho aku i ke kaona o kana kamailio ana, me he la e i aku ana oia, Aole he mea pono e hoolaha waleia na hana i hanaia ma ua ahiahi la, a e hamau mai hoopua iki.  Lapuwale loa na hana o keia ano e hanaia nei i keia wa, a ke paholaia nei na hana lapuwale iwaena o na kanaka, ke hunaia nei ka ka oiaio a o ka hoopunipuni maalea ka mea e hoalaha nui ia nei.

AHA KIEKIE O KOA HAWII PAE AIAN MA KA BANEKO

KE ALII KA MOI KALAKAUA AME KA MOIWAHINE KAPIOLANI KUE IA G. W. KEAWEAMAHI ME KEKAHI POE.

Ma ke Kaulike Imua o Judd C. J. McCully me Austin J. J.

Olelo hooholo a ka Aha i hoopuka ia e Austin J.

Ua hiki mai keia hana imua o ka Aha piha ma ka ae ana o na aoao elua, ma ka palapala hoohalahala (demurrer) i ka palapala hoopii.

Ke olelo nei ka palapala hoopii ma ke ano nui o na mea i hoopiiia, koe o D. K. Fyfe, o lakou na hooilina ma ke kanawai o William I. Moehonua o Honolulu i make, a ma ka makahiki 1848 a e kokoe ana ilaila paha ua mare o Moehonua i olelo ia me Kaunuohua, a ua make kauoha ole oia me ka loaa ole iaia o kekahi keiki ma ka 1849; a ua hoopuka ia na palapala Luna hooponopono waiwai no kona waiwai ia W. L. Moehonua i olelo ia  ma ka la 13 o Maraki 1852.  Ua make o Moehonua i olelo ia iloko o Sepatemaba 1878 me ka waiho ole imua o ka aha i kekahi mau hoike ma kona ano lunahooponopono, aole no hoi aoia i hookuuia ma ia ano Luna hooponopono.

A o Kaunuohua i oleloia oiai oia e ola ana, ua loaa iaia, a nona na apana aina i hoakakaia ma ka palapala hoopii ma ka mahele aina mawaena o ka Moi Kamehameha III a me na alii ma ka makahiki 1848.

A ua waiho aku o Kaunuohua i kana palapala noi imua o na Luna Hoona aina e noi aku ana e haawiia mai i palapala hooko no ua mau aina la, a mahope iho o kona make ana ua hoopukaia mai no ka palapala hooko e like me kana palapala noi oia ka Helu 6450, a ua waiho ia mai ke kope a oia kekahi hapa o ka palapala hoopii; a ua hoopuka ia mai he ekolu Palapala Sila Nui no kekahi mau wahi o ka aina i olelo ia a ua hoakaka ia ma ka palapala hoopii a ua hel ia 2509, 6846 a me 7168, ua waiho ia mai na kope a oia kekahi hapa o ka palapala hoopii; a o na huaolelo "no W. L. Moehonua" ua hookomo kolohe ia me ka pono ole mahope iho o ka inoa o Kaunuohua ma kekahi mau wahi o ka palapala hooko i olelo ia e pili ana i na aina i hoakaka ia ma ka palapala hoopii, aka aole ma kekahi mau wahi e ae o ka palapala hoko i olelo ia.

A ke olelo nei na mea hoopii o ka Moiwahine Kapiolani ua lilo iaia ke kuleana a pau loa o Kahanaauwai Kanoa iloko o na aina i hoakaka ia ma ka palapala hoopii; a i ka manawa i lilo ai o Kahanaauwai wale no ka hooilina ma ke kanawai e ole ana o Kaunuohua i olelo ia.

A o na mea i hoopiiia, koe o D. K. Fyfe, ke olelo nei me ka oiaio ole, he kuleana ko lakou malalo o ua palapala hooko nei i olelo ia i ua mau aina la i olelo ia a ke paa nei lakou ma ke ano he mau hooilina no W. L. Moehonua i olelo ia.  Aka ke olelo nei na mea hoopii aole o W. L. Moehonua he mea kuleana i hele imua o na Luna Hoona aole no hoi oia i waiho aku i kekahi mau hoike imua o lakou e hoomaopopo ai he kuleana kona; a o na huaolelo ("no M L Moehonua") ma ia wahi i ike ia maloko o ua palapala hooko la ua hookomo kolohe ia me ka pono ole, a aole i loaa ke kuleana ma ia mea.  A nolaila, ke noi nei na mea hoopii e hooko ia mai ka pono e like me na mea a laua i hoike ai.

Ua hooholahala mai na mea i hoopiiia a hoike mai aole e loaa ka pono i na mea hoopii ma ka laua palapala hoopii; aole e hiki ia laua e komo i na aina no ko laua hoohemahema a hoohakalia i ke koi ana i ko laua mau pono; a ua hala na makahiki he iwakalua a oi ae.

O ka palapala hooko e pili ana i ka aina  hoakaka ia ma ka palapala hoopii ua kakau ia maka la 17 o Sept. 1851.  Make o Kaunuohua ma ka makahiki 1849.

Mamuli o ke kanawai o 1846 aoao Pauku 3 ua paa ma ka lima o Moehonua kona mau aina a pau ma kona ano kane mare.  I kona manawa i hoonoho ia ai i lunahooponopono waiwai no ka waiwai o kana wahine ma ka la 13 o Maraki 1852, ua puka mua mai ka palapala hooko no kona pono no na aina i hoakaka ia i kakau ia ma ka la 17 o Sept 1851.  Ua like keia me he olelo hooholo la no kona pono.

E nana ia Bishop---vs---Namakalaa me Kahinukaw 2nd Hawaiian. R. P. 238---9---40 Kekiekie---vs---Dennis @ Hawain R. p. 43. Kukiiahu---vs---Gill lt Hawin R. p. 45.

E nana ia Kane---vs---Perry 3rd Hawin R. p 663.  Kalaeokekai---vs---Kahanu kau o Okatoba 1882.

Hoike mai ke kokua o na mea hoopii aole i hooholoia ka pono no Moehonua no ka mea aole aoia he mea noi imua o na Luna Hoona, aole no hoi he mau hoike i kukulu ia nona.  Ua olelo ia ma ka palapala hoopii ua waiho aku o Kaunuohua i palapala noi i kona manawa e ola ana e noi aku ana e hooko ia kona kuleana iloko o ua mau aina la a e loaa iaia ka palapala hooko.  Amahope o kona make ana ua hoopuka ia mai ka palapala hooko 6450 e like me kana palapala noi:  Aole i hoakaka ina paha ua lawe hou ia he mau hoike hou mahope o kona make ana, eia nae aole i hoano e ia ka waiwai.  Aole makou e koho wale mahope o ka hala ana o keia manawa loihi ua hoopuka na Luna Hoona i ka palapala hooko a lakou i hoopuka ai me ka mana ole.  He me maopopo he palapala hooko no Moehonua.  O ka lakou olelo ana i na olelo hoike e maopopo ai ia mea aole ia he mea e haule ai ua palapala hooko la, aka i na e hoala ia kela ninau ua hiki no ke hoike ia.  Ua make o Moehonua, ina maanei oia hiki paha iaia e wehewehe mai no ia mea.

Ke olelo nei ma mea hoopii ma ko Moehonua hoonoho ia ana i lunahooponopono waiwai no ka waiwai o kana wahine ua lilo oia i kahu no kona mau aina no na hooilina o kana wahine aole hoi oia i waiho i kela noho kahu ana a nolaila o kona noho ana a hiki i kona make ana aole ia he noho kue ana i kona hooilina ka poe nona mai ke kuleana o na mea e hoopii nei.  Ina pela na aina a kana wahine, ua akaka i ko makou manao iho, aole i manao o Moehonua ma kona lilo ana i lunahooponopono waiwai, e ae aku no na hooilina o kana wahine ka aina i loaa mai iaia ponoi ka palapala hooko mamua aku.

O ka noho ana i manao ia he noho kue, o ka noho ana no ia mamuli o kekahi kuleana e kue aku ana i ke ao ho@ookoa.  E nana ia Kaaihue---vs---Crabbe and husband 3rd Hawin R p 768 ---7+ Olelo hooholo a Judd J.

Ke manao nei makou o ka palapala hooko me ko Moehonua noho ana malalo o ia palapala ua lawa kona noho kue ana'i na hooilina o Kaunuohua.  Ua hoike ka palapala hoopii ua noho mau o Moehonua mai ka make ana o kana wahine a hiki i kona make ana he kanakolu a oi makahiki mahope mai.  O ka noho ana i hoomakaia ma ke ano kue e manaoia na mau no ke kue e like me ka loihi o @ noho ana.  Brogardus---vs---Trinity Church 4 Sand Ch. R 633.733.  I Greenleafs Ev. Sec. 41.

Ke koi nei na mea hoopii mahope o ko Moehonua lili ana i lunahooponopono aole oia i noho ma ke ano kue.  Ma keia ninau e nana ia Perry on Trust, Vol 2 Sec 864.  "Ina hoole kekahi kahu i kona noho ana ma ia ano mamuli o kekahi mau  hana a olelo maopopo, a olelo nona ponoi ka waiwai a o ia hoole ana a olelo ana pela ua lohe a ike na mea nona ka waiwai, alaila hoomaka no ke kanawai e helu no kona noha ana."  E nana ia Washburn on Real Property, Vol 2; p 493  Ke manao nei makou ua oi aku ka ikaika o keia hana e noonoooia nei mamua o keia.  E like me ka makou i olelo mua ae nei aole i ae iki o Moehonua he noho malama wale iho no kona i na aina i hoakakala ma ka palapala hoopii.  O ka palapala hooko he hoole mau ia i ike ia no kona noho malama wale ana no.  Manao makou o ka palapala hooko he hoolaha ia i ka mea nona mai ke kuleana o na mea hoopii, ua noho oia malaila ma ke ano nona ponoi.

Ke koi hou nei na mea hoopii aole i kue ko Moehonua noho ana no ka mea ua hanaia ka palapala hooko ma ke ano kolohe a pono ole.  Manao makou aole pela.  Ke manao nei makou ua akaka loa ke kanawai i na ua lilo ke kuleana i koiia i mea ole, a i ole ia ua hoomakaia ma ke ano kue i ke kanawai, aole ia he mea e lilo ai ka noho kue ana i mea ole i hoomakaia malalo o ia mea.

E nana ia Harpending---vs---The Reformed Prot. Church, 16 Peter's R., 455.  Brogardus---vs---Trinity Church 4 Sand Ch. R 533.738 i hoikeia maluna.

Ke olelo hou mai nei na mea hoopii, aole hiki e lawe mai i ke kanawai no ka noho loihi i mea pale ma ka palapala hoohalahala (demurer.)  Ke manao nei makou ua kuhihewa ka mea hoopii ma kona ike kanawai.  Olelo o Story ma kona Equity Pleadings, he hiki no ke laweia mai ke kanawai no ka noho loihi ana ma ka palapala hoohalahala (demurer) ma ke kaulike a me ke kanawai ina ua hoikeia ma ka palapala hoopii (bill.)  Pauku 503 Note 4. Pauku 484 me 751.

Olelo hou oia:  "O ka manao o ke kanawai e noho malie na kuleana aina.  Mahope o ka hala ana o kekahi manawa loihi me ka noho keakea ole ia o ka aina, aole pono i na aha kaulike e hoanoe i kela noho ana."  Id 831.  E nana no hoi ia Story Eq. Jur. Pauku 15-20.

Ke manao nei makou ua hoikeia mai ma ka palapala hoopii (bill) na mea a pau e maopopo ai ka noho loihi ana o Moehonua me kona mau hooilina no na makahiki he kanakolu.  Hoike mai ke kokua o na mea hoopii me ka hilinai nui i ka hihia o Bishop---vs-Namakalaa me kekahi mea e ae.  Buke 2 olelo hooholo a ka Aha Kiekie o ko Hawaii Pae Aina aoao 238 i mea e hiki ai i ka palapala hoopii (bill) e hooponopono i ka Palapala hooko.  Ma ia hihia ua hoopukaia ka palapala hooko ma ka la 10 o Feberuari 1851, a o ka Palapala Sila Nui ua hoopukaia ma ka la 14 o Mei 1851, a ua hooholoia kela hihia ma ka la 26 o Maraki 1860, he eiwa wale no makahiki mahope mai o ka hoopukaia ana o ka palapala hooko.

Olelo ka aha, aole lakou e ae i na olelo hoike no ka noho kue mamua aku o ka hoopukaia ana o ka palapala hooko, aole no hoi oleloia ua loaa ka noho o ia ano mahope mai.  E nana ia Kanaina---vs---Long.  Buke 3 olelo hooholo o ka Aha Kiekie 332.  Ma ia mau olelo me he la, ina ua like ke kumu pale ma ia hihia me keia, ina ua pono ka mea i hoopiiia.

Ke olelo mai nei ke kokua o na mea hoopii, ina ua oleloia ua hanai me ke kolohe, e like me keia hihia, aole e hoomakaia ka helu ana o na makahiki no ka noho loihi aia a ikeia ua hana kolohe alaila hoomaka, a aole i hoakakaia ma ka palapala hoopii(bill) ka manawa i ikeia ai ka hana kolohe, a ina pela, malia paha aole i piha ka manawa.  Ma @ekahi mau aian he nui, ua hoakeiaia ke kanawai o ka noho loihi ana ma na hihia i hanaia ma ke ano kolohe.   Ma Enelani, ua hoomakaia ka helu ana o ke kanawai ma ka hihia i hunaia ke kolohe mai ka manawa e ikeia ai ina ua hooikaika kuponoia e ike.

Story Equity Jurispudence Pauku 1521.  Ma ko kakou kanawai aole i hoakeaia ka manawa.  Ua oleloia he iwakalua makahiki.  Aole i oleloia ua loaa i na hooilina o Kaunuohua kekahi pilikia e hiki ole ai e hana mamua, a nolaila aole e hiki e koho waleia.

Ke oleloia nei he mau wahine lakou, a me ke ano pili me ka makemake ole e kue me ke kane me Moehonua he kanaka ano alii a mamuli o ke ano o ka noho ana o kanaka Hawaii, he mau mea ia e noonooia ai oia ka mea i hakalia ai ka lawe ana mai i ka hoopii.

O keia mau kumu i hoikeia, me he la ua ike i ke kolohe ina he kolohe io, a he mau mea hiki e hooiaioia ina aole i piha ka manawa ma ke kanawai, aka, aole hiki i keia manawa.

Ke manao nei makou e like me ka makou i olelo mua ai, e manao ia mamuli e na mea i hoakakaia ma ka palapala hoopii, (bill) ua ike no na hooilina o Moehonua i ke ano o ka palapala @hooko mai ka manawa i hoopukaia ai.

O kona noho mau ana maluna o ka aina mahope mai o ka make ana o kana wahine, he hoike ana ia i ke ano o kona kuleana, aole no hoi i kue i kona noho ana oiai oia e ola ana, a aole no hoi he pono e kue ia i keia manawa.  E nana ia Perry on Trusts Pauku 228 buke 1.  Ua piha kahiko ke kanawai no ka noho loihi.  Ua nana makou i na kanawai me na kumu alakai, a ke kokua o na mea hoopii i waiho mai, a malalo o na kanawai o keia aupuni aole makou i manao e hiki e ko ka hoopii a na mea hoopii.

Ua aponoia ka palapala hoohalahala (demurer) ua ae ia nae na mea hoopii e hooponopono hou i ka palapala hoopii (bill) iloko o na la he umi mai ka la e hoopukaia ai keia olelo hooholo a ina aole i hooponoponoia, alaila e hooholoia ka pono no na mea i hoopiiia me na koina.

Hon E. Preston me Mr. Hatch no na mea hoopii, J. M. Davidson no na mea i hoopiiia.

Honolulu, Jan. 12 1883.

HE WAI KUPANAHA MA

HALAWA, MOLOKAI.

E ka NUPEPA KUOKOA E:  ALOHA OE.

Ma ka po o ka la 27 o Feb. 1883 hora 10 paha, ua haluku mai la he wai nui kupanaha@na ke Kahawai o Halawa Molokai.

Penei ke kupaianaha ana:---Ma ke la 27 he malie maikai ka makani, a aohe no hoi he ua nui.  Aka, ma kela po, ua hele uluulu mai la ka wai o na kahawai o Moaula & Hipuapua, a lawe aku la he 2 mau waa lawaia.  Hookahi o keia mau waa i kau hou i uka nei, ua nohaha nae; a hookahi ua lilo loa.

Oia iki ae la no kahi nuhou o Halawa Molokai nei.

Me ka Luna Hooponopono ke aloha, a me na Keiaki kiani poahi o ka halepai ke ohohia.

ALBERT KAPAEHAOLE.

Halawa, Molokai Mar. 1 1883.

NA MEA HOU O KA PALI

HAULIULI.

Ua paa iho nei ka luakini o Kaneohe i ke pili hou, a ua hooponopono hou ia no hoi ka Bele, a ua maemae ke nana aku i ua Betela la o ka Haku i keia wa.  Me ka hikiwawe loa, a me ka eleu malalo o ke alakai ana a ka luna kamana J. Kamaunu, ka Puuku o keia ekalesia, a kokua ia e kona mau hoa kamana James Kaulia, Anaru Kapule, Kewe, Pahau.  Nolaila, ke haawi aku nei makou i ka mahalo i keia mau paahana eleu.

Welina i na keiki ulele hua kepau.

SAM. KAPU. N. P. M. I.

KA HANAU HAPA.

Ma ka Elele kukini holo hewa o ka la 7 o keia malama.  Ua ike iho au i ka hoomau ana o Puuohau i kana hoopuka ana i ka hailiili me na hauaolelo ino loa, a i kupono ole iaia ke hoopuka ia ano olelo, oia hoi, "Palauka," e manao ana paha, he olelo i ku i ka naauao.

Oia ano olelo, he oleloia na kekahi mea hanau hapa, i puni ole i na mahina o ka hanau keiki.

Ke i mai nei, owau a me kuu hoa Pilipo, he mau pio maua nana, no ko maua hoopau ana i ka pane iaia, heaha ka maua e pane hou ai i ke kanaka ano loco e like me oe e Puuohau.

PAIONIA.

HOOKAMALII NA HANA.

Ua hoike mai ka Oihana Kalaiaina i ke kamalii o na hoohanaia ana o na alanui o ke kulanakauhale nei; ua laweia mai na rula a na Pake hoopukapuka, a oia iho la ka na rula a ke aupuni e hoopili aku ai, ahliilii ka poe Pake ia mua iho o ko lakou mau hale piepiele i na apana papa palahe wale, pela ka hoohanaia ana o na alanui liilii o Honolulu nei.

Ke haliilii ia nei ka mole o kai o ke alanui Papu me na apana papa palahehe.  Pela iho la ka e hoohanaia ai na dala i haawiia ai no na alanui o Honolulu nei, e hoohalike ia ka hana ana a ka poe piepiele, hookamalii maoli keia hana.

Mai kekahi makamaka o Kauai, ua i mai oia no ka oololi ka na wahi uapo o Kauai, liilii ka ka laau.  Hookamalii no hoi na hana.     J. N.

KELA ME KEIA.

Ua hoolahaia aekekahi lono ma Amerika Hui e i ana, e hakaka pili dala ana o Sullivan me Slade iloko o keia mau la koke mai, no 5,000 dala ke kumu pili o ka aoao hookahi.  Ua makaukau laua a elua e ulele i ka wa e hoikeia aku ai ka lohe ia laua.  He hana nui loa keia e hoala mau ia nei ma Amerika Hui iloko o keia mau la.

Ua lulu mai nei na Olelo e Geremania ma ke kulanakauhale o Ladana, he huina dala mahuahua a ua hoounaia aku i Geremania no ke kokua ana i ko lakou mau hoa kanaka malaila i pilikia ma o ka halanaia ana e ka wai o ka muliwai Rine.

Ua hoala mai nei kekahi heluna nui o na Negero ma ka mokuaina o Karolina Akau, he anaina halawai nui a o ke ano nui o na hana i kaheaia ai ua halawai la, oia no ko lakou noonoo ana i na kumuhana kupono e hoowaiwai ia ai ko lakou alanui kaamahu.  I keia wa ke moe nei ko lakou alanui kaamahu mai  ke kulanakauhale o Wiliminatona a hiki loa i na palena aina hikina o ua mokuaina la.  He poe Negero wale no ka poe nana i hoala i keia alanui kaamahu.

Ua hoolaha ae ke Kiaaina o ke kulanakauhale o Nu Ioka i kona manao e i ana, e uhau pohaku ia ana na alanui o ke kulanakauhale o Brooklyn ma keia mua iho.

Ua malamaia ka Ahaolelo hope loa o Irelani iloko o ka makahiki 1800.

I ka makahiki 1633 ua ike mua ia keia mea he kumu kula ma ke kulanakauhale o Nu Ioka.

O na leta pili hooponopono aupuni a Kenela Wasinetona, ua paiia ma ke kulanakauhale o Bosetona, Nu Ioka, a me Nu Ladana, iloko o ka makahiki 1793.

Aia ma kekahi apana aina e kokoke la i ke kulanakauhale o Berelina i Geremania a no kekahi wahikanaka wahiai ilihune, a ua oleloia ua loaa i keia kanaka mahiai ilihune, a ua oleloia ua loaa i keia kanaka mahiai he puu dala nui iloko o ka lepo oiai oia e eli ana i kekahi la.  Iloko aku nei o kela makahiki, oiai oia e eli ana he auwaha wai, ua loaa hou aku la no iaia he ipu hao nui a ua piha no i ke dala ke au kahiko loa o Geremania.

NA HOOLAHA.

HOOLAHA HOOKAPU AINA.

Ke papa a ke hookapu @ aku nei au i ka poe a mau poe paha e hookuu wale ana i @ lakou mau holoholona oia hoi ka bipa, lio, Hoki, kekake a me na ano holoholona e ae e hele wale ana maluna o kuu aina e waiho la ma Kalapuna Puna Hawaii.

Ke hookohu pu aku nei au ia Olehulehuwa i luna nana e nana, a e hopu i na holoholona helehewa, a e hoouku aku i hookahi dala no kela a me keia holoholona pukahi e like me ke kanawai.     J. K. MI.

Honolulu Jan. 22, 1883.

OLELO HOOLAHA.

He waki haule, ua loaa ia'u ma ke alanui Moi; a i na o ka mea a mau mea paha nana keia waki e kii koke mai. me ka hai pu ana mai i ke ano o ka waki, a i na e hala na la he umikumamalima mai keia la aku, alaila, e lilo loa no ia'u keia waki.

E loaa no au ma Kikihale.  K. MAHOE.

Iloko o ka Aha Hookolekol Kiekie o ke Aupuni Hawaii.  Kalakaua ma ka lokomaikai o ke Akua, o ko Hawaii Pae Aina, Moi.

Ia William C. Parke Esquire, Ilamuku o ke Aupuni, a i ole i kona Hope.  me ka mahalo.

Ke kauohaia aku nei oe. e kii aku ia Alexander J. Cartwright Jr. ka mea i hoopii ia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia, e hele mai imua o ka Aha Hookolokolo Kiekie, ma ke Kau o Ianuari o ua Aha la e malamaia ana ma ke Keena Hookolokolo o ka Hale Hookolokolo ma Honolulu, Mokupuni o Oahu, ma ka Poakahi, la 1 o Ianuari, e hiki mai ana, ma ka hora 10 A. M., e hoike mai no ke aha la e ae ole ia ai ke noi a Theresa Cartwright ka mea hoopii, e like me ka mea i hoakakaia iloko o ka palapala hoopii i pakuiia.  A e  hoihoi mai oe i keia palapala me ka hoike piha o kau mau hana mamuli o keia palapala.

Ikea ka Mea Hanohano A. Francis Judd.

Lunakanawai Nui o ko Makou Aha Hookolokolo Kiekie, ma Honolulu, i keia la 4 o Ianuari, A. D. 1883.

[Sila o ka Aha Kiekie.]

(Inoa) JNO. E. BARNARD, Kakauolelo.

I keia palapala kii, ua pane ka Ilamuku penei :

KEENA O KA ILAMUKU,  }

Honolulu, Ianuari 1, 1882.

Oiai ua imi au ia Alexander J. Cartwright Jr. i oleloia maloko o keia palapala kii, ke hoihoi aku nei au i keia palapala kii me ka hooko ole ia, no ka loaa ole ana o ua Alexander J. Cartwright Jr. la i oleloia iloko o keia Aupuni.

[Kakauinoaia]  W. C. PARKE, Ilamuku.

KO HAWAII PAE AINA,    } ss

Honolulu, Oahu.

Ke hoike nei au ma keia, o ka palapala maluna ae, he kope oiaio a pololei ia o ka palapala kii i hoopukaia ma ka hihia oki mare o Theresa Cartwrigh kue ia Alexaner J. Cartwright Jr., a me ka hoike a ka Ilamuku no ia mea, a mamuli o ua hoike la a ka Ilamuku, ua kauoha ka Aha ma ke Kau o Ianuari, A. D. 1883, e hoopaneeia ua hihia la a ke Kau o Aperila, A. D. 1883, a iloko o ia manawa kowa, e paiia i kope oiaio o ua palapala kii nei  e like me ka mea i hoakakaia ma ke Kanawai, e kahea aku i ka mea i hoopii ia e pane mai ma ke Kau o Aperila i oleloia.

I hoike no ia mea, ke kau nei au i ko'u lima i keia la 3 o Feberuari, A. D> 1883.

[Sila o ka Aha Kiekie.]

JNO. E. BARNARD,

Kakauolelo o ka Aha Kiekie.

KUAI A KA ILAMUKU.

Mamuli o ka mana o kekahi palapala hooko i hoopukaia e R. F. Bickerton Esq Lunakanawai Hoomalu o ka Aha Hoomalu o ka Aha Hoomalu o Honolulu ma o kana olelo hooholo mua, ia James Keau no ka pono o D. W. Pua no ka huina dala he Hookahi Haneria me @analima kumamahiku a me 65-100 keneta ($157,65-100), a no ka pono no hoi o Kamanuwai no Hookahi Haneri me kanaiwa kumamalima dala me 70 keneta ($195.70) Ua hoopaa au a e kuaiia aku ana ma ke koho kiekie ma ka POAKOLU la 4 o APERILA M. H. 1883 ma ka hora 2 o ka auina la ma ka Halewai ma Honolulu keia mau waiwai i hoikeia malalo iho nei:

O na pono a pau a me na kuleana o Keau maloko o ka loko ia i ikeia ma ka inoa o Kuwili me na ia a pau maloko o ua loko la, a ua hoolimalimaia no Elima Haneri me elima dala ($505) no ka makahiki i hoolimalimaia ia Keau i oleloia maluna, a i kakauia ma ka la 4 o Ianuari 1882 e ke Kuhina Kalaiaina.

He mau loi kalo kekahi elua ma Kaliu Kalihi-uka, me kekahi kaa lawe poi, he ili kauo kaa, he lio kalakoa me hookahi lio hulu iole, ke ole e uku mua ia na lilo.

W. C. PARKE,

Ilamuku.

Honolulu Feb. 27, 1883.

AHA Hookolokolo K.o ko Hawaii Pae Aina, ma ka waiwai o LONO k, o Kau Hawaii i make kauoha ole, imua o ka Lunakanawai A. Francis Judd.

Ma ka heluhelu a me ka waiho ana mai o ka Palapala Noi a  Kapehe k, ka makuakane ponoi o  Hawaii, ua make kauoha ole ma Kau Hawaii ma ka la ----- o Iune M. H. 1882, a e noi ana e haawi ia ka Palapala Hookohu Luna Hooponopono Waiwai ia Kapehe k, ka makuakane ponoi.

Ua kauoha ia, o ka POALUA, ka la 20 o Maraki, M. H. 1883, oia ka manawa i kohoia no oia ka manawa i koho ia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no, e hele mai ai na mea a pau i pili, e hoike mai i ke kumu, ina he kumu oiaio ko lakou e ae ole ia ai ua noi la.  A o keia olelo kauoha, e hoolahai a ma ka olelo Hawaii i ekolu pule ma ka Kuokoa nupepa ma Honolulu.

Kekauia ma Honolulu, ko Hawaii Pae Aina, Feberuari 27, 1883.     A. F. JUDD,

Lunakanawai o ka Aha Kiekie.

Ikea:   Jno. E. Bernard,  Kakauolelo.

AHA Hookolokolo Kiekie o ko Hawaii Pae Aina, ma ka hooponopono waiwai.  Ma ka waiwai o LUKELA KAAIMANU, o Punaluu i make

kauoha ole, imua o ka Lunakanawai McCully.

Ma ka heluhelu a me ka waiho ana mai o ka Palapala Noi a  Kahaiao o Punaluu e hoike mai ana o LUKELA KAAIMANU, o Punaluu Oahu, ua kauoha ole ma ---------- ma ka la ----- o Iulai 1882, a e noi ana e haawiia ka Palapala Hookohu Lunahooponopono Waiwai ia Cecil Brown.

Ua kauoha ia, o ka POAKOLU, ka la 14 o MARAKI 1883 ma ka hora umi o kakahiaka, oia ka manawa i kohoia no oia ka hoolohe ana  i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no, e hele mai ai na mea a pau i pili, e hoike mai i ke kumu, ina he kumu oiaio ko lakou e ae ole ia ai ua Noi la.  A o keia olelo kauoha, e hoolahai ia ma ka olelo Hawaii i ekolu pule ma ke KUOKOA he nupepa ma Honolulu.

Kekauia ma Honolulu, ko Hawaii Pae Aina, Feberuari 19, 1883.     L. McCULLY

Lunakanawai o ka Aha Kiekie.

Ikea:   J, E. BARNARD,  Kakauolelo.

PALAPALA HOOLAHA.

MA ke Keena o ka Lunakanawai Kaapuni o ka Apana Elua o ko Hawaii Pae Aina. 

No ka mea, ma ka la 31 o Sepatemaba ua hoopaneeia ka palapala noi a AIEA w, e noi ana e hooponopono ka waiwai o LAUPAHULU k, no Waihee i make, a e hooholoia i na hooilina.

Nolaila, ke kauoha ia aku nei na kanaka a pau ke pili, ma ka POAHA oia ka la 13 o Maraki, 1883, ma ka hora 10 1/2 o ke kakahiaka ma ka Hale hookolokolo ma Wailuku, oia ka la a me kahi i kohoia no ka hoolohe ana i ua noi la a me na mea kue ke hoikeia.    

ABR. FORNANDER.

Lunakanawai Kaapuni Apana Elua  o ko Hawaii Pae Aina. 

Lahaina, Feb. @1, 1883.

NA HOOLAHA.

PAPA! PAPA!

---NO---

ALLEN & ROBINSON

UA WEHE AE NEI MAUA 1

PA  UAI PAPA

---MA---

KA UWAPO O PAKAKA!

Na Papa Ulaula o na ano a pau.

Na Papa Paina o na ano a pau.

Na Pili Hale Ulaula.

Na Pili Hale Keokeo.

Na Pepa Molina,

Na Pepa Hoonani Hale,

Na Pena a me na Aila Pena!

NA KUI O NA ANO A PAU.

NA PANI PUKA a me

NA PANI PUKA ANIANI.

NA PANI PUKA a me

NA OLEPELEPE.

NA LAKO KUKULU HALE

O NA ANO A PAU!

E kuaiia ma

KE KUMUKUAI HAAHAA LOA

O keia Makeke.

Mrs. W. H. Wilkinson,

MEA HUMUHUMU LOLE.

HELU 103, ALANUI PAPU.

Ke makaukau nei oia e kuai aku i kona mau lako hale o na ano a puu, oia:

Na Lole Lihilihi a Lihilihi ole,

Na Palapala i kinohinohiia o na Wahine

a me Opio,

Na Lole o na Lede o kela a me

keia ano, etc., etc.

Oiai e hoea mai ana na lako lole hou, nolaila e kuai ia aku ana na waiwai maluna i hoike ia, no ke

KUMUKUAI HAAHAA LOA.

L. WAY,

KAMANA HALE,

HELU 109, ALANUI MOI.

Na Pani Puka, Aniani, a me na Olepelepe, he

nui wale e waiho nei.

He mau paahana ko'u o ka helu ekahi wale no, a o na hana a pau e kauohaia mai ai, e hookoia me ka eleu loa.

A oiai he mau paahana helu ekahi ko'u, hanaia no na hana a pau me ka maikai a me ka haahaa o ka auhau.

S. AUKAI.

LOIO !   LOIO !!

Honolulu, Oct, 19, 1882.

NU HOU! NU HOU!

NA WAIWAI HOU LOA!

NA PAIKINI O KEIA AU.

E Loaa no ma ka Halekuai o

DILINGHAMA MA.

MA ALANUI PAPU.

OIA NA WAIWAI MALALO IHO NEI :

Na Palau, Kaa Huilapalala, Kopala,

Piki, Oo, Koi, Koilipi, Na Hama-

re Kamana o na ano a pau,

Na Mea Hana a na Ka-

mana, Poe Hamo

Puna, na Am-

ara a me

na mea

hana o ka

Poe Akeakamai

a pau.     Pena Aila,

Vaniki a me na Palaki,

Pauda, Poka a me na Kukae-

pele, Palaki Hamo Puna, Pulumi,

Pakeke, Kapu Holoi Lole a me na Papa

Holoi Lole, na Iputi,

na Pa Palai, Na Ma

kau Lawaia, Na

Aho Lawaia o na

ano a pau, na Kaula

o na ano a pau, na

Pahi, O, a me na

Puna, a he nui aku

no na mea i koe.

I KUPONO NO KA HOOHIWAHIWA ANA I

NA HALE

I hiki oie ia makou ke huai pau aku, aka, na oukou no e hele mai a e hoonuu iho.  O keia maluna ae, e loaa no ma ka halekuai o

Dilinahama Ma,

Ma ka helu 37. Alanui Papu.

HOOLAHA HOU.

CALIFORNIA

FURNITURE CO.

O KEIA HUI A HALEKUAI O

Na Lako Hoonani o na Hale!

I ike mua ia iho nei ma kona kahua mua

iho nei ma ke Alanui Papu, ma-

kai iho o ka

Halekuai o na Mea Kani o Geo. F. Wells

UA HOONEEIA AE NEI A I NA

HELU 56 me 58 ALANUI MOIWAHINE.

He Hookahi Ipuka ka mamao mai ka Hale Ma.

A malaila e loaa ai na Lako Hale Emi Loa. 

Eia iho ka inoa o ia mau Lako Hale:

Na Moe maikai loa,

Noho o na ano a pau,

Noho Ko-ki, Pakaukau,

Noho huleilua,

A HE NUI AKU.

Eia pu no hoi me makou,

Na Uluna,

Na Bela Moe,

Na Kihei Moe

A me na Pale Uluna,

A oiai na makou iho no e hana keia mau mea maluna ae, nolaila e kuaiia aku ana me ke

KUMUKUAI HAAHAA LOA.

@ ADAMU, Agena

PAPA!  PAPA!

AIA MA KAHI O

LEWERS & COOKE,

(O LUI MA.)

MA KE KAHUA KAHIKO MA Alanui Papu a me Moi

E LOAA AI NA

Papa Nouaiki.

o kela a me keia ano.

Na Pani Puka, Na Puka Aniani, Na Olepelepe,

Na Pou, Na O-a, Na Papa Hele. Na Papa

Ku, A me na Papa Moe nui loa.

NA PILI O KA HALE O NA ANO A PAU.

Na Pepa Hoonani, Na Pena o na Wai a pau.

Na Kui mai ke Nui a ke Makalii.  Na Ami

Puka, Na Ami Puka Aniani, Na Ami

o na ano a pau, Na Aila Pena, o

kela me keia ano Na Aila Hoo-

maloo.  He lehulehu wale,

Na Aila e ae o na

ano a pau.

NA WAI VANIKI

---A ME NA---

WAI HOOHINUHINU NANI!

o na ano a pau loa.

NA BALAKI ANO NUI WALE

A ke hai ia aku nei ka lono i na makamaka a

pau, ua makaukau keia mau makamaka

o oukou e hoolawa aku ma

na mea a pau e pili ana

ma ka laua oihana

---NO KA---

UKU HAAHAA LOA!

E like me ka mea e holo ana mawaena o

LAUA a me ka MEA KUAI.

E hele mai!  E na Makamaka!!

A e lawa no hoi ko oukou makemake

me ka oluolu a me ka maikai!

MAKANA LA KULAIA

KUAI !

MA KA

HALEKUAI LOLE NUI O

HONOLULU NEI.

E makana waleia aku ana he

mau kii pena i ka mea kuai mai

a hiki aku i ka $1.00 a oi aku ka

lilo i ka wa@hookahi.

EWEHE MUAIA ANA I KEIA LA

MA KA HALEKUAI LOLE NUI

O

HONOLULU

He Kuai Manuahi Launa ole.

He Kuai Hoopoho a Hoopakika.

E hele nui mai e na makamaka.

E wae oukou e like me

ko oukou makemae

iho i na

waiwai o kela a me

keia ano he nui

wale.

A. M. MELEKI.

HELU 104 ALANUI PAPU.

LOLE MAKEPONO

Ke Kuike! e loaa no ia ma kahi o

Kakela me Kuke.

---E laa na---

AHINAHINA, KALAKOA, KEO-

KEO, LEPONALO, PENA, AILA,

AILA HONUA,  ANIANI,

NA MEA PIULA,

Kopa, Aila Hoomaloo, Kui Kakia, Pa-

keke  Tabu Kaula,  Noho Lio, Hulu

Palahi, na Pulumi, ahe agena

no hoi no na mokupuni o Ha-

waii neino na Laina-

kini-nao

Lainakini-Maoli, Kilika, Palule Kalakoa,

Alapia, Kelepa, Na Lole kupono i

ka Wawae, Palule Huluhulu,

Na Lole Huluhulu, Na

ka hoohehelo ana, Li

Lole no pini, Li-

hilihi, etc.

A ME NA

Mikini Humuhumu

Makepono Loa

A HE MAU

MEA AI KAHI :

KA PALAOA, KOPAA,

BAIKI, PIA, HOOHU

PAAKAI, HUAALA,

PIA KULINA, KOPE,

---A HE---

Laau Lapaau Kaulana Loa

A DR.  JAYNE.

LAAU HOOMAEMAE KOKO

LAAU HOOPAU NAIO,

PENIKILA, HUAALE,

LAAU KUNU,

Me na Laau Hamo, a Pela 'ku.