Ka Nupepa Kuokoa, Volume XXII, Number 17, 28 April 1883 — ANO KA WA. [ARTICLE]

ANO KA WA.

Ano ka wa no na Hawaii Opio a pau e ku ai iluna a e lawelawe i na hana lima o kela ame keia ano; e lawelawe i na hana lima i kumu pomaikai ponoi no ke kino iho a me ka ohana. Ma kekahi hoolaha o ka nupepa Paeaina o kela mau pule aku nei, i ike iho ai mahou i ka hoohni ana o kekahi o na keiki Hawaii o keia kulanakauhale ia lakou iho ma ke ano "hui hoolaha nupepa Hawaii," i hui pu me kekahi mau kanaka makua. Ua ike ka lehu lehu i ka hua oko lakou noonoo maikai—Maikai maoli keia hana ā lakou i hoala ai. Ano ka wa e na Hawaii Opio, ano ka wa no ka hoohana ana i ka ike o ka naauao i loaa ai oiai na la opiopio ma na kula, e ku iluna e hoohui na opio elua a ekolu i hookahi puuwai, hookahi manao, a hookahi ka hooikaika ana, a e hapai i kekahi hana; he nui na hana e waiho mai nei—E hana oiai ke kau nei ka la, a e hana oiai ka wa o ka ea aala o ka aina hanau e pa nei. Nui ko makau iini e ike i ka hapai ana ae o na Hawaii Opio i na' hana hma, a ina he mau Opio Hawaii kekahi he mau hana lima ka lakou e hoala ae ma keia kulanakauhale a i ole ma na mokupuni paha, e oluolu e hoike mai ia makou i ke ano o ka hana, a na makou ia e hoomaikeike ae i ke akea —ua hamama na kolamu o keia pepa no ko lakou mau manao ; a pela no ina he mau Opio e manao ana e hapai i kekahi hana a ua ano kuihe paha ka manao, e hoike mai no, a ina he mea hiki na makou no e kokua aku ma kahi pohihihi ma ka hoopau ana ae i na manao pouli, a mai ka pouh ae a ka malamalama. Mai kanalua no ka hoike mai. Ano ka wa kupono loa no na Opio Hawaii a j>au eku iluna a e hana kaokoa i na hana.