Ka Nupepa Kuokoa, Volume XXII, Number 34, 25 August 1883 — NUHOU O NA EKALESIA. [ARTICLE]

NUHOU O NA EKALESIA.

Ua hoi mai ke kahu o ka ekalesia ma Polelewa, a ika la Sabati nei ua haiolelo oia ma loba .22:24, penei ka olelo: "E hookuikahi ae me ia ano, a e pomaikal" Ua haiolelo o Polepe ma Kaukeano, aia ma Kinohi 4:9 kona pooolelo, "Owau anei ke kahu o kuu kaikaina?" Ua haiolelo o Waiamau ma Kaumakapili i ke awakea, pooolelo ma Hebera 12:3, "E hoomanao hoi oukou i ka mea i hoomanawanui i ke kue ana mai o ka poe i hana hewa iaia, 0 nawaliwali ko oukou manao a maule hoi oukou." Ika po iho ia Hon. J. W. Kalua ka haiolelo ma Kaumakapili, a 0 kana pooolelo aia ma Kinohi 37:32 penei ka olelo: "Hoouka aku la lakou 1 ua kapa onionio la, a hiki i ko lakou makuakane; i aku la, ua loaa md keia ia makou, e nana oe, o ke kapa paha o kau keiki, aole paha." E pili ana ka olelo no losepa a me kona poe hoahanau. Ma Kawaiahao ua haiolelo 0 Paleka, pooolelo ma Luka 2:10, "Ke hai aku nei au ia oukou 1 ka mea maikai, e olioli nui ai e lilo ana no na kanaka a pau." Ua hai mai o S. Kamakahiki ike ala nui ana o na hana 0 ka ekalesia ma Keanae, Maui. Ua piha loa ka hale pule wahi ana, a ua paa na la noa a pau i na halawai liilii ma na apana. Aia i laila 0 Kawaiaea, kekahi 0 na haumana o ke kula kahunapule e lawelawe nei. . Ua hoomau ia mai nei no hoi na lono maikai no ka hana ma ka ekalesia 0 Kaawaloa, Hawaii, a me kahi mau apana no hoi o ka mokupuni 0 KauaL