Ka Nupepa Kuokoa, Volume XXII, Number 43, 27 October 1883 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

[1 Huila]

No ka Makahiki………………………………………………$1.00

Eono Mahina …………………………………………………..1.00

Dala Kuike ka Rula.

POAONO, OKATOBA, 27, 1883.

OWAU NO KA PUKA.

(Iam the Door,) Gospel Hymn Book IV No 86.

1

Heaha la kau e hana'i ?

He ino e ka kau nei.

Mahea la au e pee ai?

|| : He puuhonua anei ? : ||

Cho. || : Owau Iesu ka puka kahi

E komo ai, a ola e, a ola e. : ||

2

Heaha la kau'u e hana'i ?

Ua puni au i ka po.

Aohe o'u koo e ou ai.

|| : Owai ke aloha mni ia'u ? : ||

Cho. Owau Iesu, &c.

3

Heaha la ka'u e hana'i ?

Ka mea hewa mau no.

Pehea e komo ae ai

|| : A ehmo no kuu lulu ? : ||

Cho. Owau Iesu, &c.

                            HAWAII.

Haawina Kula Sabati.

Helu 4, Sabati Nov. 11.

Kumuhana, ka haaleleia o Saula.

Pauku Baibala, I Sam. 15 ; 12-26.

I KA wanaao, ala ae la o Samuela e

halawai me Saula i kakahiaka, ua

haiia mai ia Samuela i mai  la, ua hiki

mai o Saula ma Karemela, a ua kukulu

i mea hoomanao nona, a ua huli ae, a

ua hele aku, a ua iho, ilalo, o Gilegala.

13 A hele aku la o Samuela i o Sau-

la la ; i mai la o Saula iaia, pomaikai

oe ia Iehova ; ua hooko no wau i ka

olelo a Iehova.

14 I aku la o Samuela, no ke aha

keia alala ana o na hipa ma kuu pepei-

ao, a me ka uwo ana o na bipi a'u e

lohe nei?

15 I mai la o Saula, au lawe mai la-

kou ia mau mea mai ka Amaleka mai :

no ka mea, ua hoola na kanaka i na

 mea maikai o ka poe hipa a me na bi-

pi, i mea e kaumaha aku ai ia Iehova

kou Akua ; a o na mea e ae, ua pau ia

matou i ka lukuia.

16 Olelo aku la o Samuela ia Saula,

alia, a e ahi aku au ia oe i ka mea a

Iehova i olelo mai ai ia'u i neia po. I

ma la kela iaia, e hai mai.

17 I aku la o Samuela, i ka wa i

uuku ai oe i kou maka, aole anei i lilo

oe i luna no na ohana o ka Iseraela, a

i poni mai hoi o Iehova i alii maluna o

ka Iseraela ?

18 Hoouna aku la o Iehova ia oe

ma ke ala, i aku la, e hele, a e luku

loa i ka poe hewa o ka Amaleka, a e

kaua aku ia lakou, a pau lakou i ka

lukuia.

19 No ke aha la oe i hoolohe ole ai

i ka leo o Iehova, a ua lawe hewa oe i

ka waiwai pio, a ua hana hewa oe imua

o Iehova.

21 I mai la o Saula ia Samuela, ua

hoolohe no wau i ka leo o Iehova, a ua

hele au ma ke ala a Iehova i hoouna

aku ai ai'u, a au lawe mai au ia Agaga,

i ke alii o ka Amaleka, a ua luku loa

aku au i ka Amaleka.

21 Aka, ua lawe na kanaka i ka wai-

wai pio, i ka hipa, a me ka bipi, i na

mea maikai o na mea laa, i mea e kau-

maha aku ai ia Iehova i kou Akua ma

Gilegala.

22 I aku la o Samuela, ua like anei

ka oluolu o Iehova i na mohai kuni, a

i na alan, me ka hoolohe ana i ka leo

o Iehova ? Aia hoi, ua oi aku ka po-

no o ka hoolohe ana, mamua o ka mo-

hai, a o ka maliu ana, mamua o ka mo-

mono o ka hipa kane.

23 No ka mea, o ke kipi, ua like ia

me ka hewa o ka anaana, a o ka hoo-

paakiki, me ka lapuwale o ka hooma-

kii : no kou haalele ana i ka olelo a

 Iehova, ua haalele mai ia ia oe, aole oe

ke alii.

24 I mai la o Saula ia Samuela, ua

hewa au ; no leo mea, ua malama ole

au i ke kauoha a Iehova, a me kau

mau olelo, no kuu makau ana i na ka-

naka, a ua hoolohe au i ko lakou leo.

24 Ano ohi, ke noi aku nei ai ia oe,

e kala mai oe i kuu hewa, a e huli ae,

me oe, a e oomana aku ia Iehova.

26 I aku la o Samuela ia Saula, aole

au e huli ae me oe ; no ka mea, ua

haalele oe i ke kauoha a Iehova, a ua

haalele mai o Iehova ia oe, aole o oe

ke alii maluna o ka Iseraela.

Pauku Gula, p. 22.

Manao Nui. He mea ole ka mala-

ma hookamani.

Na Heluhelu La. 1, 1 Sam. 13; 1

--11, 2, 1 Sam. 13; 15--23, 3, 1 Sam.

14; 1--23, 4, 1 Sam. 14; 24--46, 5, 1

Sam. 14; 47--52, 15; 1--9 6, 1 Sam.

15; 10--35, 7, Hal. 51; 1--19.

Ka Manawa, B.C. 1065 paha.

Kahi i hanaia'i, Gilegala.

Samuela, ane 80 mak. kahuna, kau-

la, kuhina nui.

Saula ke alii e lanakili ana.

Mele. "Aina e," Hoku Ao Nani

p. 201.

----------------------------------

Pule i makaukau e noho ma ia aina

e.

Ka WEHEWEHE ME KA NINAU ANA.

Hai mai i na hana mawaena o ka

Helu 5 ine ka Helu 6, oia ka Helu o

keia la. 1, ka wae ana o Saula i 3000

koa, 2000 ia Saula, 1000 ia Ionatana

kana keiki, 2, Luku e Ionatana i na

koa o Pilisetia ma Geba, 3, Ala ko Pi

lisetia e kaua aku i na Iseraela, 4,

Hoomakaukau Saula i na Iseraela ma

Gilegala no ke kaua, 5, Nui wale ko

Pilisetia poe koa, na hale kaa, na hoo-

holo lio, 6, Makau wale na Iseraela a

pee kekahi, a mahuka kekahi 7, Kali

Saula no Samuela a paupauaho, a lawe

oia i ka oihana kahuna, a kaumaha i

mohai kuni, , Puka Samuela a hoa-

hewa ia Saula, a olelo aole e mau ana

ke aupuni i kona ohana, e lilo ana ia ia

hai, 9, Na pilikia o na Iserarla no ka

amara ole ; mok. 13; 1--23.

Na hana ma ka mok. 14. 1, Ka la-

nakila ana o Ionatana,2, Ka pihoihoi

o na Pilisetia, 3, Ke ala ana o na Ise-

raela e kaua aku i ka Pilisetia, 4, Mai

lanakili nui, ina aole i hoohikiia na

Iseraela e Saula, 5, Mai make Ionata-

na no ka hai naaupo ana  i ka hoohiki,

pakele nae oia i na kanaka, 6, Mau no

ko Saula kaua ana aku i na enemi me

ka lanakili hapa no.

Na hana ma ka mok. 15 ; 1--11. 1,

Ke kauoha a Samuela ia Saula e hele a

 e luku i na Ameleka a pau, me na ho-

loholona a pau, mai hookoe i kekahi

mea, 2, Ka hele ana o Saula e hooko i

keia kauoha, 3, Ua hookoe nae i ke

alii me kekahi mau holoholona maikai,

4, Ko ke Akua mihi, &c.

Ma ka pauku 12 ka hoomaka ana o

ka Haawina o keia la.

NA MAHELE.

I Na olelo hookamani a Saula, p.

12--15.

I ke kaua no o Saula a hoomaha ma

Gilegala. Halawai pu Samuela me ia.

He aha ka Saula olelo ia Samuela ? A

pane aku o Samuela pehea ? A pane

mai Saula peha ?

I I Na olelo ao a Samuela, p. 16--

19.

Olelo Samuela, alia, a aha oia ia Sa-

ula ? A pane Saula pehea ? Heaha

na olelo na Iehova mai no Saula ? He-

aha kana kauoha ? Ua malamaia anei ?

Heaha ka Sameula ninau ? No ke aha

kou hoolohe ole, &c.

P 20, 21, A pane mai Saula pehea?

P 22, 23, A pane aku Samuela pe-

hea? Oluolu anei ke Akua i na mo-

hai kuni oiai aole i malamaia kana

may kauoha ? Ua like ke kipi me ke

aha ? Ua kipi o Saula, ua hoopaakiki

oia iaia iho, ua hoapono oia i kana mau

hana, ua haalele i ka ke Akua kauoha.

Nolaila, ua haalele ke Akua iaia, aole

oia ke alii.

P 24, A pane Saula pehea ? Ua he-

wa au. Me he la e mihi ana oia. He

mihi aha kona ? No kuu makau i na

kanaka ! He hookamani ia. Oia ke

alii, nui ka hewa, hookuli, hoopunipu-

ni, hookamani, kaena, hoapono iaia

iho. He mihi aha la keia ?

P 25. E aha oe i kuu hewa ? A e

huli au a aha ? He mau olelo hooka-

mani.

P 26 Pehea O Samuela i pane aku

ai ? Hoole ea. Pau oke anei ko Sa-

ula alii ana ? Mau iki no. A alii iki

no kekahi keiki ana. Aka, ua ili ke

aupuni i ke ohana e, ka ohana a Iuda,

nana mai Iesu, aole na ka ohana a Be-

niamina.

KA HOOPILI ANA.

1, Maikai na hana mua a kekahi poe

alii me ka na kanaka. Ino nae maho-

pe.

2 I mau Ionetana e hele me na mea

halihali i na kea kaua e kaua aku i na

enemi, i na hewa, i na hana pono ole,

e hoauhee aku i na mea ino.

3 Ke kauoha mai nei ke Akua ia

kakou e luku i na Ameleka a pau, i na

hewa a pau me ke koe ole o kekahi.

4 Luku no kekahi i kekahi may he-

wa. He mau Agaga nae kekahi i hoo-

punaheleia. He mau hewa i minami-

naia.

5 Ina ua hookoe oe i kekahi hewa,

he hookuli ia, he kipi. Huhu ke

Akua ia oe.

6 E hoomanao, a e makau i na hoi-

ke, ke ae mai nei oe, ua pau kou hewa,

kou inu rama, kou puhi paka nau pa-

ka. He hoikenae kau nuku, kou ha-

kaka, kou huhu, kou hoopunipuni, kou

hana apuka, kou aihue, kou hookuli,

kou hana ino, hanu rama, hanu baka,

aole i pau kou hewa. Aia no ka paka,

ka ipu paka ka omole rama, ka pepa

pili waiwai, ka wahine manuahi, ke ka

ne manuahi ma kou hale, e hoike kue

ana ia oe.

Nohea kela ooo ana, alala ana, uwo

ana ma kou pa ? No na mea paha au

i lawe wale ai. No hai lakou, aole

nou.

He kanaka maikai anei oe, he kana-

ka hoopono ? Ae, a'ia, e ninau ma

na halekuai. ua aie anei o mea maa-

nei ? Aie ! Nui wale, me ka manao

ole no ka hookaa ana.

7 Ka malama loa ko ke Akua ma-

kemake, aole he malama hapa. Ke

aloha kona makemake, aole o ka mo-

hai. Maikai ka mohai, na dala kokua,

na hana kokua, ke hui pu ia ka naau

ole, me ke aloha ole.

8 Makehewa ka mihi oiaio ole. Paa

-----------------------------------

ko ke Akua manao e haalele ia oe, e

hoopai ia oe, ke loaa ole ka hua ku i

ka mihi oiaio.

Mai olelo, he aloha ko ke Akua, ao-

le oia e hoopai. He aloha no kona i

kekahi manawa ; aka, in a mau kou he-

wa, e mihi ke Akua no kona aloha, a

lilo ia i inaina e make ai oe.

E mini io, e manaoio ia Iesu i pake-

le i ka make mau loa.

Mele. "Wai Hoola," Hoku Ao

Nani p. 138.

Pule i kiia ia Wai Hoola.

Haawina no Nov. 18, 1 Sam. 16 ; 1

--13.

-----------------------------------

KUMUMANAO

"E lawe mai i na waiwai hapaumi a

pau iloko o ka hale ahu waiwai. I ai

maloko o ko'u hale ; a e hoao mai ou

    kou ia'u ma ia mea, wahi a Iehova o na

kaua. I wehe ai paha au i na puka

wai o ka lani, a e ninini iho i ka poma-

ikai maluna o oukou, a lawa a hu. Ma-

laki, 3 : 10."

I ke au ia Malaki ke kaula, aole i ho-

ohamamaia ka puka e hiki aku ai ka

olelo a ke Akua i na aina e. He oiha-

na pili lahui ka oihana a Levi. Na ka

poe Iseraela ka Palapala Hemolele (a

mawaena o lakou i hoala mai ai ke Akua

i na kaula.) O na hookupu ana ma-

lalo o keia oihana, no na hana kuloko

wale no, aole he oihana kuwaho ia wa.

I ola no keia oihana, ua auhauia na Ise-

raela a pau i ka hapaumi o ka lakou

mau waiwai. He kanawai keia mai ke

Akua mai, nolaila o ka poe hookupu

ole, ua hana hewa lakou.

I na wa a pau i hahai pono ai ka Ise-

raela ia Iehova, ua makaala lakou, a ua

hookupu lakou me ka maikai a me ka

pololei.

Aka,  i ka manawa i palaka ai, a i hele

hewa ai, au apiki kekahi poe ; o na ho-

loholona wiwi, oopa, makapaa, a ano

ole kai hooliloia no ke Akua. Ua like

keia me ka haawi ana o kekahi poe o

kakou i na hapaha me na hapawalu

pahee a hookaeia no ke kokua mahina

hou.

No ka noho loihi loa paha o ka poe

iudaio i Babulona ma ka aina hooka-

na kii, a no ka hoomahaia o ko lakou

hoomana iloko o ia manawa, nolailia, i

ko lakou hoi ana i ka aina hanau, a ha-

pai hou i ka oihana hoomana, ua hoo-

maloko kekahi poe, ua minamina i ko

lakou dala a me na holoholona no hoi.

Ma ka pauku 8 o keia mokuna e ikeia

ai ka ninau a ke Akua ia poe a me ka

lakou pane.

"E pono anei i ke kanaka ke hao i

ka ke Akua ? aka, ua hoao oukou i ka'u.

A ke ninau mai nei oukou, ma kea-

ha la makou i hao ai i kau ? "

He pane ano mahaoi keia a ka poe

Iudaio, a ua maopopo aole lakou i ike

i ko lakou ano iho. He kaula o Mala-

ki no ka manawa mahope iho o ka hoi

ana o ka poe Iudaio mai Babulona.

Me keia mai hoakaka ana, maka-

ukau kakou ano e wehewehe iho i ka

pauku olelo kumuhana.

" E lawe mai i na waiwai hapaumi

a pau iloko o ka hale ahu waiwai, ia i

maloko o ko'u hale. "

O ko ke Akua makemake ma keia

 kauoha, o ia ka piha mau o kona wai-

hona waiwai. Ua hoolaaia ka ohana a

pau o Levi nona. Ia lakou ka mala-

ma i ka oihana hoomana, a no ko lakou

ola a me ke ola hoi o ka oihana a lakou

i malama ai i keia waiwai e kauohaia

nei i ka poe Iudaio e lawe mai.

"A e hoao mai oukou ia'u ma ia

mea, wahi a Iehova o na kaua."

Ua oluolu ke Akua e hoao aku ka

poe Judaio Iaia i ike lakou i ka oiaio o

kana hana.

"I wehe ai paha au i a puka wai o

ka lani, a ninini iho i ka pomaikai ma-

luna o oukou, a lawa a hu. Mal. 3, 10."

Ua manao mai no ke Akua i ka poe

kokua i kona aupuni ma ka honua nei.

E hoi hou mai ana no me ka ukupa-

nee na poono waiwai a ke kanaka i hoo-

lilo ai no ka oihana a ke Akua. Ua lo-

aa i na Iudaio he pono pili kino. He

Kanaana honua ; he waiwai o keia

ao, a maluna o na Pilisetia a me na ene-

mi kanaka i hoolanakilaia 'i lakou ; aka,

o kakou e noho nei malalo o ka hoo-

mana Karistiano, he Kanaana lani a he

waiwai uhane kai hoomakaukauia.

Na manao pili i keia haawina, eia ka

mua. Aole i auhauia na haipule e no-

ho nei no ka oihana a ke Akua. Ua

haawina na ka hoahanau e koho. E li-

lo oia i kanawai nona iho ma keia mea.

2 E ahewaia ana ka poe kokua ole.

E nele ana lakou i ka pomaikai ole.

3 Ma ka hoomana Karistiano a ka-

kou e malama nei, ua hoopiliia ke ola i

ka uhane, a o ka uku i ka lani ; nolaila

ma ke ola uhane a me ka waiwai lani

kakou e paulele ai.

4 E oi loa aku ana ka loaa mamua o

ka lilo, wahi a Iehova, e ninini iho oia

i ka pomaikai maluna o ka poe hoolo-

he, a hu a lawa.      J.BICKNELL.

--------------------------------------

HANA MAU.

He aha ka oukou e ku hana ole nei a

po ko la ? Mat, 20 ; 6.

Ina aole e hana kekahi, aole hoi ia e

ai. 2 Tes, 3 ; 10. Aia iwaena o oukou

kekahi poe e hele hokai ana, aole e ha-

na maoli ana, aka, he poe hana lapu-

sale. 2 Tes, 3 ; 11.

Me ka hou o kou maka e ai ai oe i

ka ai, a hiki i kou wa e hoi hou aku ai

i ka lepo. Kin, 3 ; 19. O na mea a

pau i loaa mai ma kou lima e hana'i, e

-----------------------------------------

hana oe me kou ikaika. Kek, 9 ; 10.

Ma keia mau pauku, ua akaka ko ke

kanaka pono, oia ka hana mau e pono

ai.

Nui nae ka poe noho wale me ka ha-

na ole. Noho wale kekahi no ka hoo-

hana ole ia. Noho wale hoi kekahi no

ka maopopo ole o ka hana. Noho wa-

le kekahi no ka hilahila ke hana, e ake

ana e noho ano keonimana. Noho wa

le kekahi no ka molowa.

Ma kahi e nana 'ku ana o ka maka,

e ike ana ia i ka poe e noho hana ole

ana. Aia no lakou e pili ana ma na

alanui, i na halekuai, i na hale inu bia,

inu rama, i na hale leta, na hale hooko-

lokolo, i na hale lealea, i na wahi he nui

wale. A eha ka maka i ka nana ana

'ku i keia poe.

O ka noho wale me ka hana ole ka

makua ia o ke aha ? O ka ilihune, a o

ka ona, o na karaima e poino ai. Owai

kai hoopaaia iloko o na halepaahao ?

Ka poe hana ole, loaa ole na oihana

paa, na oihana maikai. Ka poe i ma-

kemake e loaa ka waiwai me ka hana

ole.

Ma ka aihue, a ma ka hana apuka,

ma ka hoopunipuni i ko hai inoa, e lo-

aa'i ka waiwai. A heaha ka hope ?

E na kanaka Hawaii, makemake anei

kekahi e lilo i poe waiwai ? Ma ka ha-

na mau e ko ai ko oukou makemake.

Makemake anei kekahi poe e loaa na

oihana aupuni, na oihana lunakanawai,

lunahelu, lunauhau, lunamakai, luna-

makaainana, ka oihana loio ? Ko anei

ka makemake ke noho hana ole, imi

ole, hoomakaumakau ole ?

Makemake anei ke aupuni i poe na-

aupo nana e hooponopono na oihana

aupuni ?

E imi i ka naauao, e hula i na buke

hoonaauao no na oihana. Mai hele i

ka poe kilokilo, na kahuna hoomana-

mana, na-kahuna ananana, e ninau aku,

pehea la au ? E loaa ana anei ka oiha-

na ia'u ? E mau ana anei au ma ka

oihana ? E lanakili ana anei au ?

Ua kauoha ke Akua e pepehiia na

kupua, na kilokilo, na kahuna anaana.

A ua pepehi o Saula ia lakou, ua koe

no nae kekahi.

A pela ma Hawaii nei, ua make ka

nui o ia poe kilokilo anaana, ua koe

nae kekahi.

Mai hoopii ia lakou, a haawi e aku i

omole barani, a i dala, e ninau ai, pe-

hea la au ? e ko ana anei ko'u makema-

ke ?

E imi oe i ka makaukau no na oiha-

na maikai. A e noi aku ia Iehova e

hooko i kou makemake ke kuponoia i

kona manao. Mai huki mai i ka inai-

na o Iehova maluna ou ma ka hilinai

ana i na kaula hoopunipuni.

                                           E. P. W.

--------------------------------------

EIA MAI KA OIAIO E KALUNA.

Ua ike au i ke noi maikai a kuu

hoa'loha P. Kaluna (Katolika) ma ka

Elele Helu 42 Oct. 17, e hoikeia ma

ia pepa ma ka la 29 o Augate Helu 35,

penei :

"No ka hemahema anei a ike ole

paha a hawawa hoi o keia Epikoko ka-

ulana, (Augutino) a ka moolelo ekale-

sia Kalavina, a Gerina o Makawao e

kuhikuhi neima ka aoao 55 mokuna

4, i olelo ai oia (Augutino) aole au e

manaoio i ka Euanelio, ke ao ole mai

ka ekalesia ia'u ?

2 "O ka ekalesia hea la ia ana e

olelo nei e ao mai iaia ? "

Ma keia mau ninau au e ka maka-

maka, ua hoike aku au i haina ma

keia pepa ma ka la 15 o ka mahina o

Sepatemaba, a no kou noi hou ana

mai i na wehewehe, no laila eia mai ia.

Haina 1. Ua hemahema a ua hawa-

wa keia Augutino au e hoike nei, no

ka meam he Augutino makani keia, ao-

le ona kino.

He Agutino aihue keia, a he lawe

wale.

He Augutino keia i noho i loko o

ka puahiohio, aole ma Hipo i Aferika.

Haina 2. O ka ekalesia makani, no

ka mea elike me ka hiki mua, pela no

kona ukali. Ea; e ka makamaka, e

makawelawela mai ana anei oe ia'u ma

keia mau hoakaka ana ? Aole, e hoo-

lohe iki mai a na'u no e kuu aku i ka

nake, malia o pau no ka uilani o loko.

O keia Augutino au e hoike nei, ao-

le loa e loaa kona inoa ma ka moolelo

ekalesia Kalavina mokuna 4 aoao 55,

elike me kau hoike ana ma ka Elele

helu 35 a me 42. Nolaila au i hoike

ae nei, he Augutino hemahema keia,

no ka mea,he makani wale no aole he

mea kina oiaio.

He Augutino aihue, no ka mea o na

olelo au i hoike mai nei, oia keia,

"Aole au e manaoio i ka Euanelio, ke

ao ole mai ka ekalesia ia'u," aole ia na

keia Augutino makani i oleloia e oe

ma ka moolelo ekalesia Kalavina mo-

kuna 4 aoao 55, aka, o ka mea nana ia

mau olelo oia no o Augusetine ke ka-

hu ekalesia o Hipo e noho ana i ke ke-

neturia 4 a oi ma Aferika. A e loaa

no keia wehewehe ia oe a me ka lehu-

lehu a pau, ke nana pono ma ka moo-

lelo ekalesia Kalavina mokuna 4 aoao

61 me 65 helu 10 malolo. Aole hoi

na kela Augutino makani au e hoike

nei ma ka aoao 55 moolelo ekalesia

Kalavina, nolaila au e hoike nei he Au-

gutino aihue a laws wale keia.

Ke hoopau nei au i keia mau hoaka-

ka ana me ka aloha nui ia oe.

                       Z. S. K. PAALUHI.

Puuokauai, Haiku.

-------------------------------------

NA HOOLAHA KUMAU.

------------------------------------

CHAS. J. FISHEL.

--------------

CHAS. J. FISHEL.

--------------

CHAS. J. FISHEL.

--------------

EIA AU IMUA O KE KAHUA

-------

Ke hea mai nei ke Kahuli leo lea,

Eia ianei ko lia. Ko lia la e

ke hoa, ina iho la--eo.

A pane mai oe olu iho au, i olu hoi nei

mau la maka pehu.

------------

137 Pahu lole hou.     137 Pahu lole hou.

O na Waiwai hou a pau loa o ka

hoea koke ana mai nei no ia, e loaa

no ma ko'u halekuai me na kumuku-

ai emi. Eia ua mau kunukuai la :

 

16. Ia Kalakoa………………………$1.00

86 Kakini paa lole kane…….$6.50 o ka paa

23 " " " Kamali…………………$2.75 " ' "

120 Palemai o na kane …..………..15 c. " "

322 Apa lole huluhulu …….……25 c. ka ia

72 " Lihilihi pukaaniani ……..……… " " "

220 Kakini kihei puu ….… 25 c. o ke kihei

 

O kau mea hoinainau iho la no ka ia

O ka lawe lawe malie waleia aku no,

Pau heiwa e ka waimaka aohe i eha,

Homai ! Eia no.

Homai ! Eia no.

 

UA makaukau au a ua hiki ke

kuai kukaa a kuai liilii i na waiwai

a pau me ke kumukuai waipahe.

-----------------

O na Kauoha a pau

mai na Mokupuni

e hookoia me ka eleu.

 

Hooheno mai ana ko aloha ia u,

Me he kui hou hou ala i kuu poli,

He halia may ia no ka mid-night,

No ka po huihui kehau anu."

------------------

UA HOOHUI pu no hoi

au i mea e holopono ai na

kuai hoopakika ana o na

waiwai o kela a e keia

ano, he pakaukau kahi e

kuaiia ai na waiwai like

ole, no ke

KENI KENI WALE NO.I

Owau mai kau e hea mai ai,

E hea ke kanaka e komo maloko,

E hanai ai a hewa ae e ka waha,

Eia no ka uku----

NA HAINAKA,

KAWELE,

AI KALA,

LEI AI,

No Kenikeni wa-

le no !

A he nui wale aku no na mea i koe i hiki ole

ke huaipauia aka.

EAU !! EAU !!!

CHAS. J. FISHEL.

Kihi o Alanui Papa me Hotele.    tf.

---------------------------------------

NA HOOLAHA KUMAU.

ASA KAULIA.

Loio a he kokua ma ke

Kanawai.

tf.

J L. KAULUKOU.

Loio a he kokua ma ke

Kanawai.

KEENA HANA: Ma ke Keena o W. C.

Akana ma alanui Moi.      t.f.

W O. SMITH

LOIO LOIO LOIO.

KEENA HANA: Helu 36 alanui Kalepa.

tf.

HENRY N. KAHULU.

LOIO, LOIO, LOIO

E loaa no ma Koolauloa a ma Honolulu i

kahi wa, ma ke Keena o W. L. Holoahiki

ma alanui Betela.    112S 1 yr.

------------------------------------

WA. KINI.

LOIO, LOIO, LOIO.

KEENA HANA: Helu 15 Alanui Kaelae

manu, Honolulu.

WR. KAKELA.

Loio a he koua ma ke

Kanawai.

He Luna Hooiaio I'alapala.

tf.

W L. HOLOKAHIKI.

Loio a he kokua ma ke

Kanawai.

He Lana Hooiaio Palapala.

KEENA HANA: Wehekealaula alanui Bete-

la.

tf.

A ROSA. (AKONI.)

Loio a he kokua ma ke

Kanawai.

He Luna Hooiaio Palapala.

KEENA HANA: Ma Alanui Kaahunianu.

tf.

-----------------------------------------

S B. DOLE.

LOIO, LOIO, LOIO.

He Luna Hooiaio Palapala.

KEENA HANA : Ma Alanui Kaahunianu.

tf.

-------------------------------------------

CECIL BROWN.

Loio a he kokua ma ke

Kanawai.

A he Agena Hooiaio Palapala no ka Mo-

kupuni o Oahu

KEENA HANA : Helu S alanui Kaahunianu

tf.

----------------------------------------

JAMES M. MONSARRAT.

(MAUNAKEA.)

Loio a he kokua ma ke

Kanawai.

He Luna Hooiaio Palapala.

KEENA HANA : alanui Kalepa.   tf.

------------------------------------------

SAM'L. I. KAWELO.

LOIO, LOIO, LOIO.

KEENA HANA, Puakalehua, alanui Mau

nakea, Honolulu.        tf.

------------------------------------------

SAM'L. K. KAEO.

LOIO, LOIO, LOIO.

KEENA HANA : Me J. L. Kaulukou ma ke

Keena o W. C. Akana.     tf.

------------------------------------------

KALE KULIKA.

Luna Hooiaio Palapala Moraki a me na

Palapala o ia ano, Luna Hooiaio Pa-

lapala Aelike mairaena o ka Haku a

me ke Kauira, Luna huuiri Palapala

Mare.

KEENA HANA : Kihi o alanui Moiwahine

me Kaahumanu.           tf.

 -----------------------------------------

C C. COLEMAN.

Amara a he mea hana Mekina

Kapili Kapuai hao lio.

A ME KA

Hana ana Kaa Lio, etc.,

Hale Hana ma Alanui Alii,

905-tf            E kokoke la i ke Alanui Papu.

--------------------------------------------

S H MEEKAPU.

TELA humuhumu lole.

HALE HANA : Helu 11 aianui Nuuanu.  tf

------------------------------------------

F PAHIA, SAM,L. M. KAAUKAI.

Ana aina ! ! Ana aina ! ! !

KEENA HANA : Aia ma alanui Moi, koko-

ke loa i ka Uwapo o Hooliliamanu.     tf.

-----------------------------------------

C BREWER & CO. (BURUA  MA.)

Ua makemake ia ka poe mea ILI KAO

MALOO a me na ILI BIBI, a pela hoi me

na ILI MIKO o na ano a pau, e kuai mai i ko

lakou mau ILI me makou, a e haawi no ma-

kou i ke KUMUKUAI KIEKIE LOA o ko

kakou Makeke.                                tf.

-------------------------------------------

H HACKFELD & CO.

Ua makemakeia

NA ILI BIPI,

NA KIWI BIPI,

NA IWI BIPI,

E haawi ia no ke kumukuai kiekie o ko ka-

kou makeke nei e                       tf.

--------------------------------------------

WILLIAM AULD.

Luna Hooiaio Palapala Ke pa Paahana

no ka Apana o Kona.

KEENA HANA : Ma ke Keena wai o Ho

nolulu.                                 tf.

--------------------------------------------

WILLIAM WOND.

Luna Hooiaio Palapala Kepa.

KEENA HANA   ma ka Halewai.   tf.

------------------------------------------

NA HOOLAHA KUMAU.

KA MIKINI

HUMUHUMU

MAIKAI

ST. JOHN

MR. GEO. F. WELLS

----------------------------------------

O ka Mikini Humuhumu

loa keia, i hiki ke

hope, a i ikeia ma ka Pa

Hawaii nei. He

maikai loa no na

naka Hawaii

he mikini

lahi

ule.

-----------------------------------------

KUMUKUAI $ 55. Cc

me Hookahi Gita (Ki-

ka) hookani maikai

loa makana.

------------------------------------------

O ka poe ma na kunaina e ahe

keia ano makini humuhumu, e

kou i ke dala ia

-----------------------------------------

GEO. F. WELLS

ma Honolulu, a nana no e

hi i makemakeia, me na mea apau

ka mikini, a nana e hookaa a ke

moku, me ka kaki ole

mekini la.

 

O ka poe a pau e holo mai ana

lu nei, mai poina lakou i ke kapa

halekuai o.

 

GEO. F. WELLS

Ma Alanui Papu, a e kilohi

humuhumu la, oia ka

 

Royal St. John

Eia pu no me ia na pila hoo

pau, o ka loea koke ana na

no ia ma Amerika

a me Europa

mai, oia

 

Na Pila Guitar (Kika), he

mai ka $ 5 a hiki i ka $ 12

mukuai o ka pila hookahi

 

200 Koliana mai ka $ 2 a

ke kumukuai o ka pila

 

100 Ohe Puluka, $ 2.50 a hiki

ke kumukuai o ka ohe hookahi

 

12 PahuHookani nanai a me 2

Hookani liilii, a me na

keleawe a pau, e loaa no ma

lekuai i hoikeia maluna

 

KUMUKUAI EMI WAIPAHE

Na Piano nunui maikai, e

me ke Kumukuai Emi Loa

ike ole ia ma Hawaii nei.

-----------------------------------------

He nui aku no na mea i koe

la a me keia e kilohi nona

ae me ko'u halekuai ma A

E hookoia ka makemake

keia ma ke eleu.

 

GEO. F. WELLS

 

1894 tf