Ka Nupepa Kuokoa, Volume XXII, Number 52, 29 December 1883 — KA MAKAHIKI 1883. [ARTICLE]

KA MAKAHIKI 1883.

I keia la a ka Nupei'a Kuokoa e hoea aku nei, o kona hoea hope loa ana aku ia imua o kona mau tausani j>oe heluhelu iloko o keia makahiki, a hele aku ia me kana mau hana. Aia kakou i komo aku ai iloko o ka makahiki hou a aui ae kakou a nana aku i ka makahiki i hala a me kana mau hana, e ninau iho kela a me keia pakahi iloko iho ona no na hana hoopomaikai a hana hoopoino no hoi a ke au oka manawa o ia makahiki i hoili iho maluna o na kipoohiwi iloko o na wa ole i hala hope aku nei. He haawina paha o ka pomaikai ka i loaa, he mau hana paha nana i alakai aku i ke kanaka ma na alanui o ke kuonoono, a i ole he mau haawina paha o ka poino ka i loaa a he mau haawina paha i paj)alua a papakolu ae o-ka poino pilikia a inea nana i aiakai aku i ke kanaka i na ala nuī oka poino loa a lilo ke kulana ka naka i mea lapuwale loa ka i loaa ? E noonoo kakou i keia mea. He kumu hana ano nui keia i kupono loa ke wehe hamama ae kela a me keia i kt)na waihona noonoo alaila hoohui mai na noonoo auwana i o a ianei a i kahi hoekahi, a kuka noonoo iho me ke akahe le. He oiaio aole no i nele ka halawai o kela a me keia me keia mau haawina like ole. Mai loko mai oka heluna nui ona kanaka e noho nei ma keia kulanakauhale, aole he haneri mailoko mai o na tausani i nele ka halawai me keia mau haawina. Alaila o ka ninau nui oka manawa, ua pomaikai anei, a ole ua [)oino no paha ? Ua loaa anei ka noho'na kuonoono, maluhia, a maemae, a i ole ua loaa anei ka noho'na poino a pilikia ? Ae, ua Joaa no ka noho'na kuonoono maluhia a maemae i kekahi poe, ua loaa no he pomaikai iki i kekahi poe, a ua loaa no hoi ka noho'na pilikia kaniuhu i kekahi poe. Aka o ka pomaikai nui i loaa ia kakeu 'oia ke alako maluhia ia ana mai oko kakou ola mai na la mua o leeia makahiki a loaa ia kakou na la panina hope, a mai keia mau la panina hope e alako hou ia aku ai kakou a halawni me ka la mua o ka makahiki hou. Pomaikai kakou ena makamaka. Lua ole ke aloha o kela makua lani. Paupauaho ole oia i ke kiai malama maluhia ana ia kakou. E na makamaka a me na hoa'loha, e hoonani aku kakou i kona inoa, e hosana nui aku iaia. E hoomaikai aku i kona inoa. E hui kakou a pau mai. kela j)ea keia pea a e pualu i na leo mele hosana.