Ka Nupepa Kuokoa, Volume XXII, Number 52, 29 December 1883 — KA LA KARIKIMAKA. [ARTICLE]

KA LA KARIKIMAKA.

Oka Poalua o keia pule ka la ia i hoomanao ai na ohohia hauoli 0 ka La Kankimaka. He la ia i komohia ai na kupuna, na makua, na keiki, ame na moopuna pu iloko 0 na hoomanao hauoli ana no ia la. He la akoakoa nui ia 0 ka ohana a hookahi ka luana hauoli ana a puni kekahi papaaina i hele a luluu me na mea ai. He la no hoi e hoohui hou ia ai ka ohana a kahi hookahi, a maluna o na mea a pau he la hauoli nui. Ma na wahi a pau oka poepoe nei, ua hoomano nuiia keia la. Ua hoomanao pu ia no hoi keia la ma o kakou nei. Mawaena o kekahi mahele oko ke kulanakauhale nei ua hoomanao ia na hauoli 0 ia la me ka maluhia a me ka maikai, a n\a kekahi mahele iho he ona a he mau nana lapuwale ka i hanaia, a ma ka panina hope o ia mau hana lapuwale a lakou he hua awaawa ka i •hoea ae a ua ka no i ke kino. Ma ka auina la ae, he puhi ohe hui ka i haawiia ma ke Kuea o Ema e na puali puhi ohe 0 ke aupuni me na keiki oke Kula Hoopololei. Nana aku 1 ke Kuea, piha u i ka poe makaikai. He mau leo Hawaii kejcqhi i meleia. Ma na nanaina holookoa o ka poe i akoakoa ae malaila, ua ikeia ka puapuai ana mai o na nanaina hauoli. Ma ke ahiahi iho he Aha Mele nui hookuku ka i weheia ma ka luakini o Kaumakapili. Piha pono na noho ika poe i hele aku e hoolohe i na nani i hoikeikeia ma ia po, a ma ka hoikeia mai ia makou aole ka 1 nani loa na leo i meleia mai mamua 0 ka mea i manaoia. Aole makou e hoohalahala ana ma keia mea, aole makou i maā ma ia mea o ke kilo i ka maikai a me ka maikai ole o na leo mele—na ka poe ike himeni no e kilo ae a e hoopololei.