Ka Nupepa Kuokoa, Volume XXIII, Number 24, 14 June 1884 — Page 3
| This text was transcribed by: | Anne Nanea Rosa |
| This work is dedicated to: | Sarah Kahiwahiwa Lahui Rosa |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa.
Paila e THOS. G. THRUM ma Halepai o ka nupepa "SATURDAY PRESS." Keena Hoopaa pono, ma na kihi o Alanui Moiwa @e me Nuuanu.
E hoouna muai mai na Olelo Hoolaha ma ke Keena Hooponopono mamua ae o ka hora 12 ke awakea o na Poaha a pau. Aole @ ka Olelo Hoaloha ke laweia mai @ o ka hora i hoikeia maluna. E hooko @ aku ana makou i keia rula maluna. E Hoo@ mai i na leka a pau a me na kauoha a @ pepa ia KA NUPEPA KUOKOA na Honolulu. Ina e loaa pono ole aku keia @ lawe, e hai mai me ka @ K@.
NUHOU KULOKO.
Na hanalama ke eo o ka heihei waapa manaena ona me Laycock ma Kika@ ka la 22 o keia mahina.
Ma Wailua Kauai i ka la 26 o Mei, ua hanau mai ke kaikamahine na Kalio me Kaaimaia (w).
Ua make mai nei ma Puumoi Hilo Hawaii, o Naheana (k) i ka la 30 o Mei. Ua kaa loiai oia i ka mai no kekahi manawa.
Ua hoopanee hou makou i ka hoopuka ana aku i ka manao e pili ana no na lapaau hoomana hoopunipuni, a keia pule ae.
Ma ka la 25 o Mei, ma Kapaa Kauai' ua hanau mai ke kaikamahine na Davida (k) a me Koohina (w).
I ka Poalima nei ka weheia ana o ka Hoikeike a ka Hui Hoikeike Hawaii, ma Kapiolani Paka; e pau ana ka Hoikeike ma keia la hora 5.
Na ka Hui Kinipopo o Honolulu ke ao o ke hookuku Kinipopo ma Makiki i ka Poaono i hala, me ka Hui Kinipopo Ocianica.
Ma Kakaako Honolulu, ua hanau mai na Albert G Frask me kana wahine, he kaikamahine i ka Poakahi o keia Pule.
I keia pule ae e hoopuka aku ai makou i ka moolelo o ka Ahahui Euanelio Nui o ka Paeaina, ua loaa mai ia makou ke kope o ua moolelo la.
Ua koho pono ia o Mr. J. Maguire i Luna Nui o ke Ahi, a me Mr. Henry Smith i Kakauolelo no ka Oihana Kinai Ahi.
E nana ae e na makamaka a pau i ka hoolaha e pili ana i ka Luakini o Kawaiahao: He hoolaha ia e hookapu ana i ke konio ana o na holoholona.
Ua make mai nei ma Kapalakiko i ka la 20 o Mei, o Mr. John. Sherman, ka ona o na lio keaka Barneg, Tommy, a me Keaka.
Ua huli hoi mai i ka Poakahi nei ma ka mokuahi Mariposa, ka Mon Mr. me Mrs C. R. Bishop. He oluolu maikai ko laua nanaina,
I ke kakahiaka o ka Poaha nei ke ku ana mai o ka mokuahi Kulanakaukale o Parisa, ma na paahana Pukiki he 900 a oi.
Piha hui ka hale halawai Lyceum ma Peleula i ka Ponaono i hala, ma o ka halawai Makaainana i weheia malaila no kahi ole e noho ai o loko o ka hale, nolaila ua hoi okoa kekahi poe.
O Mr. Geo. Bieknell kekahi lala o ka hui o Gregg a me Bicknell na ona o ka mokupuni Fanning’s island, ua make oia ma ka Haukipila i ka la 8 o keia mahina.
Ke pua nei ka uahi ia Puuohau i keia mau la ma ke kaa hoolimalima ohua.
Ma kekahi wahi e ae o ka pepa o keia la e ike ai ko makou poe heluhelu I ka moolelo piha o ka Halawai makaainana ma Peleula i ka Poaono i hala.
Ma Auwaiolimu ua make ma ka hora 1 a me 10 minute o ka po nei o Mrs. Lahela Polikapa. A ken oho nei kankane a me ka Ohana iloko o ke kumaena nona aloha ino.
Ma ka Poaha la 26 o keia mahina, e haawiia ana e ka Moi a me Moiwahine maloko o ka pa Alii, he anaina hoouana paina i kokuaia e kekahi mau wahine kamaaina o ke kulanakauhale nei, a o na pomaikai e loaa ana, e haawi ia no ka pomaikai o na mai Lepera.
Ma ka moku kalepa kiapa Ella i holo aku no Kapalakiko I ka Poaha nei, ua kau aku ko makou makamaka maikai Mr. S. L. Desha no Kapalakiko. E noho ana oia malaila no elua mahina alaila huli hoi mai. Ko makou aloha pumehana e launa mau me ia oiai oia ma na Aina e.
Ina o ke ake o na poo o ka oihana makai e lawelaweia ka oihana me ka maluhia a meamea, alaila ma ko makou noonoo ana, he pono ke hoomaopopo pono ia ka makou mea i kamailio ai i kela pula aku nei e pili ana no kela makai ai kanaka, ona, hooulu hoohakaka a hooulu hoohaunaele, ma ka apana o Kakaako. Ua lohe mai makou, ua olelo ua makai nei ua ike no oia i ke alanui e hoahewa oleia ai oia malalo o na kumu I hoolahaia no ka on a. Ke ake nei makou e ike i na kumu a keia makai e olelo nei aole e ku na hoahewa ana maluna on a, malalo o ke kumu he ona, a in a he kumu io a kumu kupono e ku ai na hemahema o ka hoolaha ana na ka aoao o keia pepa, alaila e hoike mai malia he mau kumu ia e hoopololiia ai makou ma keia mua iho malalo o na hoolaha ana.
Ma Paauilo Hamakua. Hawaii, ua hanai mai na Mr. me Mrs. Chas. Notley he kaikamahine, i ka la 23 o Mei.
Ua nui na ninau i ninaninau ia aku ia Chas R. Buckland, ka Lunahooponopono mua iho nei o ka nupepa puka ahiahi Bulletin oiai oia ma Kapalakiko no na mea e pili ana i ke kulana o Hawaii nei, me he mea la, ke hakilo pono ia mai nei ke kulana o Hawaii i keia wa e na Aupuni nui.
I Ke ahiahi o ka Poaha nei ua loaa iho la ka uila poino maluna o ke kino o Mr. Emmes(Ema) haole kapili moku, oiai oia e iho mai ana mauka mai o ke Alanui Papu. A mawaho iho o ka halepule Pake, hemo iho la kekahi huila o kona kaa a hoomaka mai la ka lio e pu iwa a makua iho o ka halepule o Kaukeano, haule iho la oia ilalo a me ka hihia o kona wawae i ke kaula kaohi, a ma ia kulana i kaualakoia ai a hiki i ka hemo an me ka loaa pu o na palapu ma kona poo a me ke kino. Ua hoihoiia oia i ka hale a ma ka hora 9 a oi o ka po make loa aku la oia.
He haoli o Mr. Emmes i noho loihi a kamaaina ma Honolulu nei, a ua nui pu kona mau hoaʻloha a me na makamaka. Aloha wale oia a me kona Ohana.
Hoike a ke Komite, o na la hoike o ke Kulu Hanai o Hilo.
I ka NUPEPA KUOKOA:--
E oluolu ia e ka Luna Hooponopono, e hoolaha aku i keia hoike ma kahi kaawale o kou kino nani.
Ma ka hora 9 A. M. o ka la 27 o Mei iho nei, ua akoakoa na mea a pau ma maloko o ka Rumi Kula o ke Kula Hanai, na haole a me na kanaka maoli ua hiki ae malaila ka mea Kiekie ke Alii Kiaaina Poomaikalani, na makua Mr. a me Mrs. D. B. Lyman. Ua kahiko ia ka Rumi Kula me na wehi o ka nahele; malie, a me ka palapalai i hili ia a hoohihi ia ma ka paia a me na pou, a ua uluwehiwehi i ka ike aku. Ua ke hikoia na haumana me ka aahu meamea. Ua weheia na hana o ka la ma ka heluhelu Baibala a na haumana ma ka olelo Beritania, a me ka pule a Rev. J. S. Kalana. Ua himeni ia mai e na haumana ke Mele Lahui Hawaii Ponoi. Ua hoomaka ka hoike ana i na haumana ma na buke haole a pau i ao ia ia lakou, ma na mea helu, ka heluhelu, ka himeni, &c, &c,' malalo o ke alakai ana o ke Kumu Nui a Peresidena o ke Kula Rev. W. B. Oleson, a me na kokua Kumu, Miss E. A. Arms, Miss Emma Clark, Miss Mary Hillibrand.
Ma ka hora 7 P.M. la 28, ua hoikeia na hana hana hooikaika kino e na haumana maloko o ka Luakini o Haili. A ma ko makou ano he Komita i kohoia no na la hoike, ke haawi nei i ka mahalo piha no ka holomua o na haumana ma na mea i ao ia ia lakou, ke ola kino maikai, ka maemae o na rumi moe, na hale a me ka pa o ka Hale Kula; a pela pu no hoi i ka lakou mau Kumu maikai, no ko lakou hooikaika pauaho ole i ke ao ana e hooholomua i na keiki ma na lala a pau o ka ike a me ka naauao. "E ola o Hawaii i ke Akua."
Kekahi o na Komite.
G. W. A. HAPAI.
Haina o ka Helu Baibala a Hawaii.
E ka NUPEPA KUOKOA e. Aloha oe:--
E oluolu kou Luna Hooponopono e hookomo iho ma kahi kaawale o kou mau kolamau, i ka haina o ka Helu Baibala a ka Makua Laiana, ma ka Helu 19 o ke "KUOKOA."
He 300 alopeke.
1 175 makahiki o Aberahama.
2 110 makahiki o Iosua.
3 2 kaula i hoopaaia ai o Samesona.
4 300 kanaka koa ia palu i ka wai.
5 2 Alii i kele kue mai ia Gideona.
6 40 makahiki i Alii ai o Davida.
7 7 la i haawi ai o Samesona i ka nane.
8 20 popo palaoa a Elisai i hanai ai.
9 40 na la i hoowalewaleia ai o Iesu.
10 12 na ma makahiki o Iesu i haiolelo ai ma ka luakini.
11 13 na makahiki o Solomona i hana'i i ka hale.
12 5 popo berena a Iesu i hanai al i na kanaka.
Haina o ka nane, (11710-21.)
Na kekahi mau haumana o ke Kula Sabati o Wainee, Lahaina.
Lahaina, Iune 5, 1884.
E NANA MAI!
E kipa ma ka hale o ka Papa Hawii, a kuai i ka Buke II o na Himeni Euanelio.
E lana hoi ka manao no ke kokoke ana o ka manawa e hiki hou mai ai ka Buke mele Kaulana, Ka Lei Alii.
Ua lilo ke kepau i ka Papa Hawaii, Nolaila, e pai hou ia ana ia buke maikai.
HAWAII.
HALAWAI MAKAAINANA.
I ka hora 7:30 PM o ka Poaono iho nei, Iune 7, ua malamaia ae maloko o ka halepule o Peleula, he halawai makaainana nui e na paahana ame ka poe kuonoono o keia kulanakauhale, no ka noonoo ana i ke Kanawai banako apuka a me ke kue aku i ke dala pepa.
Ua weheia ka halawai ma ke kohoia ana o John Noii. Esq i lunahoomalu, ia Frank Godfrey a me H. Aea i mau kakauolelo, a ia Bila Keoniliilii i unuhi olelo.
Alaila ua wehe mai o Mr. Hakawela i keia haiolelo malalo iho:
Ua kon ia mai kakou a pau e akoakoa iloko o keia keena i keia ahiahi, a e noonoo akahele ia keia kumuhana a ninau nui o ka manawa. Ma na hoola a pau i hanaia ma keia bila kanawai, aole au i manao ua kupono a kaulike no ka pono o ka lehulehu. He mana i na me a pau ke ku iluna a kue aku i keia bila kanawai a me na hana a pau i hoolalaia nei. He mana alunu keia e noii nei e kekahi poe kakaikahi, he mana no lakou ponoi iho, a he mana e hoepoino anai ka lehulehu holookoa. Aole i kupono keia mau hana a keia poe, a i na o ko'u hoa'loha maikai o Mr. C. R. Bishop ka mea nana e ake nei e loaa he mana alunu, owau no kekahi e ku iluna a kue i kana hana a me kona manao, a aole au e haawi i ko'u mau kokua a hoapono ana no ia mea.
O keia mau joolala ana i hoikeia maloko o ka bila kanawai e pili ana no na hoolaha ana i na dala pepa he pono no, aka in a oia hoolaha ana he mea ia e kue ana i ka pono pomaikai o ka lehulehu, ua hewa loa ia, nolaila o kakou hana ia i akoakoa mai nei i keia ahiahi e kue aku i keia bila kanawai a me na hoolala ana, he hana pono loa ia i na makaainana kuokoa a pau e hana.
Ina i kukulu keia poe kakaikahi i ko lakou banako ma ke ano like me ko
Bihopa ma aole e alunu i na pomaikai o ka lehulehu a me ke Aupuni, in a ua maikai a kupono a e loaa auanei na hoapono ana a ka lehulehu; aka aole pela lakou i hana ai. Ua alunu ua makee.
He lapuwale na manao ana e oleloia nei no na dala pepa nota. Ina maloko o ka waihone o kekahi kanaka he heluna nui o keia dala pepa, a malia o@ haule a poho ua mau dala pepa la, alaila heaha la ka hana a ua kanaka la? Pipili aku paha oia i ke Kuhina Waiwai, a ma ka aoao o ke Kuhina, heaha kanahana? Kali oe a hala ka manawa i hoakakaia ma keia kanawai a e kali paha no 20 makahiki, he uku ka hoi mai o kou poho; nolaila, maluna o ko'u mau manao a noonoo ana a pau maluna o ke kumuhana o na dala nota pepa, ke manao nei au khe mau dala opala wale no keia! O ke dala gula America ke dala kupono no ko kakou mau ano oihana a pau, ke dala paa a kaikai o America. E kiola kakou i keia mau dala nota pepa mai nana a lawe mai ia dala, mai pulama, a maluna o na mea a pau e pulama i ke dala gula America.
Kahea ia o Mr. Davies a kamailio maila oia penei:
Ua kono ia mai kakou e akoakoa mai i keia ahiahi, no ka noonoo ana a kuka ana i ka ninau nui o ka manawa. Heaha la ke ano a me ka io o ka bila kanawai: Ka kakou is e ninau nei, a o ka kakou ia e kalahele leo nui nei, aka ke olelo mai nei ka poe e manao ana e hoohui ia lakou iho malalo o keia hui Banako, ua kuhi hewa ko kakou manao ana huhewa ko oukou mau noonoo, aole o makou manao e aluno i ko oukou mau pomaikai aka he hana keia a makou elawe mai ana i na pomaikai nui i loko o keia aina nei. E na keonimana i akoakoa nei nei, o keia anei ke kaona oiaio o keia bila kanawai? He mau olelo uhiuho wale no keia, a aia mahope aku ka io maoli a me ko kakou poino kahi i hoolalaia ai.
Aole au e poina ana i kekahi moolelo pokole no'u ponoi iho oiai ko'u mau la opiopio, oiai ko'u mau noonoo e hookahua ana maluna o ke kukulu banako, a penei ua wahi moolelo nei.
I ko'u wa liilii e hele ana i ke kula ua komohia na noonoo iloko o'u a me kekahi mau hoa iho e kukulu makou i banako hoahu o na kui pine no ke kula holookoa, nolaila ua hoohana koke makou i keia noonoo ana, ua kuai pine e loaa ana i kekahi mau mea e iho na kui pine i anapuu, a ua hana hoi makou he rula aole e kuai na haumana o ke kula i na kui pine ma kahi e, aka, ma ko makou banako wale no, a o ke dala a makou e uku aku ai no na kui pine i kuaiia mai ia makou, he palapala i kuniia me kekahi hoailona a i hooholoia e makou he dala pepa no ko makou banako. Pela makou i hana ai a hiki i ko makou ike ana ua piha he mau tausani kui pine ia makou alaila hooholo i hola makou a kukala pu aku la i ke kula holookoa ua panekarupa makou
Kahea ia o Ake foda a kamailio mai oia, penei.
Iloko o ko'u noho pokola ana i Hawaii nei, ua ike mau au i ke ano kuemi hope o na noonooana o ka lehulehu maluna o na ninau pili laua o ka manaea. A ia'u e nana aku nei i na hiohiona o ko oukou mau helehelena i keia ahiahi, me he ala ua hooiaio ia mai na nanaina o ka holopono a holomua o na mea i hoonooia maluna o keia kumuhana. Ma ko'u hoomaopopo ana i na ano a pau o keia bila kanwai me he la be bila kanawai keia i loaa na lima elua, a oia mau lima ke upiki nei i na pua i o ka lehulehu, a ke @anao nei hoi kekahi lima iloko o ke eke dala o ka lehulehu. A i na oia ae la na nanaina ma o ko'u hoomaopopo ana, a me ko ka lehulehu pu, heaha ka kakouhana pono? E lokahi kakou, e hana me ka awiwi, e hana kuio, e hana i ka hana kana makua. Mai hoi hope e hele imua, e makkala i ko kakou pono pilikino, a e noonoo i ka pono o ka lehulehu.
Kahea ia o Mr. Nawahi a kamailio oia penei:
Ua mahalo au i keia hanohano lii ma maluna o'u kamailio imua o oukou i keia ahiahi. Ina ua makemake kakou i ke dala gula. e loaa ana no. Loaa no manuli o na hana e lawelawe ia nei.
Aole kakou i ike i ka hana dala gula ana, aka o ka manao maoli no o kekahi poe e lawelawe ia nei i kahana, o ka loaa o ke dala gula, a iluna lakou o ke gula e moe ai. Ina e ike ana kakou i ka poe e hoao ana e hao i ke gula, e hopuia kakou a paa, e @ a pepehi ia lakou a make. Ina kakou e ike ana i ka poe a hoao ana e hao i ko kakou mau pono ma ke ano alunu, e nakiikii kakou ia lakou a paa. E kuekakou i keia poe kakaikahi, a mai ae aku e hooholoia ka bila kanawai a lakou. E makaala kakou i keia mea, a e kipaku i na dala pepa@ He manaolana ko'u e kokua nui ana kakou i keia kumuhana.
Kahea ia o Mr. Pilipo a kamailio mai la oia penei:
Ma ko'u hoomaopopo ana, he mea pono ia kakou e noonoo i ko kakou mau pono pilikino, ka pono o ko kakou mau pono pilikino, ka pono o ko kakou mau waiwai, a me ka pono o ke aupuni. Ua maopopo, aia iloko o ko kakou aina nei ke kumu i ulu mai ai o keia me nui a kakou e noonoo ai i keia ahiahi Heaha la ka makemake a me na mea e hana ia mai ana ia kakou? Aia i ka Hale Ahaolelo he biia kanawai a kekahi poe kakaikahi e noi ana i mana aluno no lakou, e noi ana e lawe i ka pono pomaikai o ka lehulehu. Ina oia ko lakou makemake, e pono e kupaa kakou a e pale aku mai ko kakou aina aku. Ke hooikaika nei kakou e pale aku i keia mea, a in a e holo ana, ma ka mana hea la e holo ai? Ma ka mana o ke dala pukaliu nei iloko o na eke o kekahi mau lunamakaainana, a oia poe he pono e kiola ia mai ka Ahaolelo aku.
Kaheia o Mr. Hitchock a kamailio mai penei:
Aole au i hele mai nei e kamailio, aka i hele mai nei au e hoolohe ia na hana o keia ahiahi. He poe lunamakaainana iloko o ka Ahaolelo i hiki ke kuai ia ma ke dala i kumu e holo ai ka bila kanawai o ka Baneka Lahui, a he poe no hoi kekahi i hiki ole ke kuai ia ko lakou mana koho, aole i lawa ke dala a Spreckles ma no ke kuai ana i ko lakou mana koho! He bila kanawai keia i hiki ole ke hoololi a hooponopono hou ia. Aole o kakou makemake i keia mau nota dala. E hookuia ka kakou hana e na makamaka. Ua loaa mai ia'u he mau palapala hoopii mai na apana o na mokupuni e mai e noi mai ana aole e hooholo i keia bila kanawai. Hauoli au i keia mea.
Kaheaia o Hon. Paulo Isenberg a kamailio mai la oia penei:
Aole au i hele mai nei e kamailio, aka, i hele mai nei au e hoolohe i na kamailio. E hana kakou i ka hana, aka, mai hoala kakou i na manao hoala kipi. E hana kakou i ka hana iloko o ke kupaa a me ka malie.
Kaheaia o Keo Kaaka a kamailio mai oia penei:
Ua manao au he bila kanawai hoopilikia keia. I kinohi, ua manao au he bila kanawai hoakaaka la keia i ka lehulehu, a ia'i i hoomahele loa aku ai i ka heluhelu ana, ua ike au aole ka he bila kanawai hoakaaka, aka, he bila kanawai i hanaia me ke kuio e kekahi poe kakaikahi.
Mahope iho o keia mau kamailio ana maluna, ua heluheluia na olelo hooholo e na kakauolelo a ua hooholo loa ia; penei ka heluhelu ana o na olelo hooholo:
Oiai, mamuli o ka hookekee kue kanawai ana i hookahi milona dala keokeo a me ka hookomoia ana mai e hoolaha maloko nei o ka aina, ua laweia kona waiwai io, a ua pinana loa ae ke kumukuai o na bila kikoo dala piepile a i ke kulana hakukoi, a oiai, ke hoao nei kekahi poe mea dala e hooholoia kekahi kanawai banako lahui iloko o ka Ahaolelo, he kanawai hoi e haawi ana ia lakou i ka mana nui a me ka hoopoino mai, ma ka hoopuka ana i na dala pepa, ka lawelawe ana i na oihana lehulehu, a me ka noho mana ana maluna o ko ka lahui mau hana aupuni.
Nolaila, e hooholoia. I O keia halawai nui o na makaainana a me na kamaaina o Honolulu i akoakoa mai nei no ka noonoo ana i keia mau kumuhana, a ma ko lakou manao ana no ka pomaikai o ka lahui, o na dala gula a me na dala keokeo o Amerika Huipuia a me na dala Hawaii, oia wale no na dala kupono no ka aina nei.
a Aole loa he mea pono e hookomoia mai na dala pepa mawaho ae o na dala pepa aupuni i hoomana ia e ke kanawai, no ka mei, o ke dala pepa he mea ia e hoemi ai i ka waiwai io o na mea a pau, e he alako ana aku hoi i ka hopena pilikia ma na mea pili dala.
O ke kanawai baneko lahui e hoolalaia nei, aole ia e laweia mai ana no ka pomaikai o ka lehulehu, a i ole ia, i mea paha e makemake ia ai, me he mea la, e hoopilikia mai ana i ka aina a me ka lahui.
Me ke noi a Mr. A. S. Hartwell, ua hooholoia e kakauia na inoa malalo o ua olelo hooholo la i hooholoia, a e hoouna aku i ka Peresidena o ka Hale Ahaolelo no ka heluhelu ana imua o ka Hale. A ma ke noi hou a Mr. A. S. Hartwell, ua hooholo @ ia e waiholo na kope o na olelo hooholo ma ka halehuai buke o J. M. Oat Jr & Co., no ke kakau inoa ana o keia a me keia. Noi ma o Mr. G. Lucas e pai ia i mau kope o keia mau plelo hooholo a e haawi aku i kekahi komite, a na lakou e komo holo iloko o na hale hana no ke kakauu inoa ia e ka poe hana Hooholoia.
Ma ke noi a Mr. T. H. Davies, ua hooholoia e haawiia na mahalo ana ia Mr. J. T. Waterhouse mauka no kona ae oluolu ana i ka hale halawai Lyceum a e haawiia na mahalo ana no ka lunahoomalu, na kakauolelo, a me ka maheleolelo:
A ma ke noi a Mr. A. S. Hartwell. ua hoopanee ka halawai a hiki i ka wa a ka lunahoomalu e kahea hou ai.
H. AEA.
Kakauolelo.
OLELO HOOLAHA:--E ike auanei na kanaka a pau, ua papa loa ia aole e hele wale na kanaka ma na kula o Kealia, Kamalamalo, a me Anahola. Ke ae ole ia mai e ka mea nona ka inoa malalo iho, a o kona hope paha. A e hopaia auanei a e hoopii ma ke kanawai na mea a pau i loaa ma keia mau aina me ke kuleana ole.
WM. BLAISDELL.
Luna Nui o Kealia.
Kealia, Maraki 19, 1884. 1164-310.
OLELO HOOLAHA:--E ike auanei na kanaka a pau ua papaia aole e hele wale na kanaka ma na kula a me na kuahiwi o Kapaa, Waipouli, a me Olohena, ke ae ole ia mai e ka mea nona ka inoa malalo iho, a o ko na hope paha. A e hopuia auanei a e hoopii ma ke kanawai na mea a pau i loaa ma keia mau aina ma ke kuleana ole.
GEO. H. DOLE.
Luna Nui o Kapaa.
Kapaa, Maraki 19, 1884 1164-310.
MAKEMAKE IA.
Ke hoike ia aku nei na mea a pau e makemake ana e loaa pa PAI AI ma ka PAKEKE a me ka PAHU paha, e kanoha mai ia'u ma ka leta no ka hoolawa ana aku i na kauoha Ai a puni keia mau Paemoku; o na kauoha no ke kulanakauhale, e lawe ia aku no e like me ka makemake o ka mea kauoha ma ka ipuka o ko oukou mau hale, no ke kumukuai haahaa loa. E waiho ae i ka oukou mau kauoha ma na leta ma ka Hale Leta.
ALBERT K. KUNUIAKEA
Honolulu, Mei 12, 1883. 1119tf.
AONA [PAKE.]
HALEKUAI MA ALANUI MAUNAKEA
-HELU 8. HONOLULU-
Malaila e loaa ai na upena o na ano a pau, mai ka maka kahi a hiki i ka maka ha. A malaila e loaa ai na aho o na ano a pau. Ke kono aku nei au i ka poe a pau mai Hawaii a Kauai e hele mai ma ko'u halekuai a e kuai makepono aku no au. 1152-3ms.
OLELO HOOLAHA : - Mai keia la uku aole au e hookaa i kekahi aie i hoaleia ma ko'u inoa, ke ole e loaa na hoapono ana mai ia'u aku. J. K. COOK.
Honolulu Ian. 19, 1884. 1145-@
HALEKUAI HOU!!
CHAS. J. FISHEL.
KA WEHE NUI ANA O KA
HALEKUAI HOU O
Chas. J. Fishel.
KIHI ALANUI NUUANU ME KALEPA@
Na Waiwai hou o ka hoea ana mai nei no ia ma ka mokuahi Mariposa no keia Halekuai hou.
Na lako aahu o na Kane a me na Keiki nani i ike oleia ma ke kulanakauhale nei mamua, a e kuaiia aku ana me ke emi a me ka waipahe i ike oleia ma na halekuai e ae.
Na Kalaka hou! Na Kalaka hou
Na paa lole o na kane mai ka $6.50 o ka paa a hiki i ka $3000 o ka paa.
E HELE MAI HOOKAH, E HELE
MAI NO A PAU
CHAS J. FISHEL
Kihi a Alanui Nuuanu me Kalepa.
HALEPAI O THOS. G. THRUM
-O KA NUPEPA-
SATURDAY PRESS me KUOKOA
ALANUI KALEPA, HONOLULU
Ma@ e paiia ai na @ a pau o @
BUKE,
HOIKE O NA KULA.
HOIKE A NA KOMITE,
NA HAAWINA KULA SABATI,
PAPA KUHIKUHI O NA ANO A PAU,
HOOLAHA NUNUI A LIILII,
BALOTA, LIPINE PAPALE,
TIKETA, WAHI LETA.
BILA PAI HAKAHKA
HOOLAHA KUDALA,
Hoko o ka wa pokole a me ka auhau haahaa.
A ma ka helekuai o THOS. G. THRUM
ma ALANUI PAPU, e loaa ai na
Kalana kakau o na ano a pau,
Wahi Leta " " "
Inika " " "
Penikala " " "
Mea Hoopipili, buke hoomanao,
Peni gula a me kumu gula,
Kii, a me na laau,
Buke kii o ka ohana,
Buke kii a na keiki,
Na mea paani a na keiki,
Kaa a na keiki,
Kaa huila lua o na opio.
A he Agena no ke ana lole pepa o na
Keiki a me na wahine
No ka hoailona ana i na lole me na inoa ponoi e hookoia na kauoha a pau no na papa inoa ke waihoia ma keia halekuai me ka uku pu o ka papa inoa i makemakeia. Uku no ka inoa hookahi me ka inika a me ka hulu, $1.50 in a ma ka papa inoa kelaeawe, a ina ma ka papa inoa dala, $2.
O na kauoha pau mai na mokupuni e hookoia in a e hoouna pu ia mai me ke dala a me ka moakaka pono o na hoakaka ana.
THOS. G. TRUM
NU HOU! NU HOU!
Na Waiwai Hou Loa!
NA PAIKINI O KEIA AU.
E loaa no in a ka ha Nalehuai e
DILLINGHAMA MA,
Ma Alanui Papu.
Ola na waiwai malalo iho nei:
Na Palau, Kaa Huipalalala, Kopala, Piki, Oo, Koi, Koilipi, Na Mamre Kamana o na ano a pau, Na mea Hana a na Kamana, Poe Hamo Puna, na Amara a me na mea hana o ka Poe Akeakamai a pau, Pena Aila, Vaniki a me na Palaki, Pauda, Poka a me na Kukaepele, Poloki Hamo Puna, Pulumi, Pakeke, Kapu Holoi Lole a me na Papa Holoi Lole, na Iputi, na Pa Palai, na Makau Lawaia, Na Aho Lawaia o na ano a pau, na Kaula o na ano a pau, na Paki, O, a me na Puna, a he nui aku no na mea i koe.
KUPONO NO KA HOOHIWAHIWA ANA I NA HALE
I hiki ole ia makou ke huai pau aku ana, na oukou no e hele mai a e hoonuuiho. O keia maluna ae, e loaa no ma ka halekuai o
Dilinghama Ma,
0136-3@ Ma ka helu 37, Alanui Papu.
KA HOOLAHA KUMAU.
JT. WATERHOUSE.
(Walakahaui.)
HALEKUAI KUKAA NUI ME LIILII
Ua piha pono me na waiwai makamae hewa ai na maka i ka nui o ka le@
Heaha no ia hoi la?
MALAILA
Na Apa Kilika o na ano a pau, Pahoehoe o na ano a pau, Alapia o na ano a pau, Huluhipa o na ano a pau, Na Huluhulu o na ano a pau, Na Huluhulu @, Na Keokeo Paina, Lihuna lau puu, Wetoria, Lepooalo, Leinakini, Ahina pelekane, Na Kihei o na ano a pau, Na Koloka o na wahine, Na Kihei Huluhulu, Na Kalakoa o na ano a pau, Na Kihei uhi moe, Na Koloka o na wahine, Na uhi Kil@, Na uhi Alapia, Na Hainaka nunui a liilii
Eia hou.
HELUNA NUI ONA PAA LOLE
O NA KANE A ME NA MAMALII.
Na Apa paina maikai loa, Polu manoanoa a lahilahi, Huluhulu manoanoa a lahilahi, Na Apa huluhulu a pahee, Na paa lole huluhulu, kane, me kamalii, Na Pilakeke loloa a pokopoko, Na Palule kaula o na ano a pau, Na Palule keokeo, Na Palule kalakoa, Na Paleili.
Na Papale wahine i kinohinoniia me na pua me na hulu nani, a he heluna nui o na kane a me na kamalii o na ano a pau
HELUNA NUI O NA KAMAA.
Na Kamaa buti,
Na Kamaa pihi,
Na Kamaa huka,
Na Kamaa lahoho,
Na Kamaa weleweka.
HE HELUNA NUI O NA NOHO LEIO NAIK@
Na Noho Italia,
Noho pulu mamua
a mahope o kela a me keia ano
NA AILA O KELA A ME KEIA ANO.
Na Aila honua helu i ke alai me he wai. Aila pena, aila hoomaloo, aila Oliva, Aila inu, Aila lauoho, Waiala maikai.
NA PENA WAIHOOLUU LIKE OLE.
Keokeo, Eleele, Polu, Melemele,
& c., &c.,& c., &c.,
Ina iho Ina iho.
Na ipuhao, na ipu ti, Na koi nui a liilii, Na pahi nui a liilii, Na pahi olo, pakahi, Na pahi olo palua
Na tabu nui a liilii, Pakeke nui a liilii, Na lako kamana, Na lako amala, Na kamaa lio, Na moe hao, Na pela uwea
NA LAKO HAO, MA KA AINA A ME KA WAI
Na lako pa, Pa nui a liilii, Na bola, Na kiaha animi, Na aniani kiohi, N ipukukui o na ano a pau.
HE HELUNA NA MEA AI.
Palena poepoe, Palena poepoe palupalu, Palena huinaka, Palaoa o na ano a pau.
Na kamano maikai loa ma ka pahu, Na kamano tini, Paakai o Livapulu, Paakai inu, Paakai hu, Manu Kaleponi, Palani ai a ka lio.
He heluaa nui o keia mauwaiwai a@waiwa koʻu mau hale huai aole i pau i ka kuaiia aku na oakoe no e hele mai a kilohi ao oukou . Ua waeia keia mau waiwai me ka maiau. ma Pelekane, Farani, a me Amerika, no ka pono a me ka pomaikai o na kaaaka Hawaii @ na kauoha mai na mokupuni e hookoia me na eleu loa.
J. T. WATERHOUSE
(WALAKAHAUKI.)