Ka Nupepa Kuokoa, Volume XXIV, Number 2, 10 January 1885 — KA ILAMUKU HOU. [ARTICLE]

KA ILAMUKU HOU.

Ma ke poo maluna ae e hoaiai iki aku nei makou i na hana eleu a makaa!a a ka Ilamuku hou Jno. H. Soper, a ma ia ano e ikeia ai ka hua o ke kauwa hana pono me ka ewaewa ole. Penei na mea i hooiaioia mai a i ikeia e ke kahi poe : Ma kekahi po o kela mau pule aku nei, ua hopu iho la oia he heluna hui o na pake kiko hua a piliwaiwai no hoi ma kekahi ano, ma alanui Maunakea ; a ma ko lakou hookolokoloia ana, ua ku ka ahewa a ke kanawai maluna o lakou, a ua pau kekahi poe i ka hoopaahaoia. Ua pau na pono piliwaiwai a pau i ke.kaiehuia ae imua o ka aha hookolokolo, a aole hookahi noa 0 la poai pake haihai kanawai i malele aku aiai kona mau lima. Oka mua keia o kana hana kaulana, a o ka helu ekahi hoi ma kona lawelawe ponoi ana eiai oia e malama ana ika oihana. O ka lua, oia kona hopu hou ana he helu - na ona haole ma ia ano hookahi no, ma alanui Holele, ma ka po o ka Poa-

ono o ka pule i hala, a ua hana oia i na hana a pau me ka eleu e like me na mea i hanaia ai maluna oka poai piliwaiwai ona pake. Ma keia hopu helu elua ana a ka Ilamaku hou, he mea ano haohaoa kahaha nui no hoi no ka manao (ina he oiaio) ka wawa nui ia iwaena o ko ke kulanakauhale nei poe, ua komo pu kekahi poe hanohano a waiwai maioko o ia puulu nui i pau nui īho la i ka hopuia e na umii o ke kiu makaala, a ua komo pu kekahi poe ia lakou na kuau hoe nana e hookele ka moku nui a hala loa aku ma o. O keia mau hana a ka Ilamuku he hoike ana mai ia i ka makaala ame kona hooko pono ana i ka oihana, a aole oia *i waiho wale aku i ka hana na kona mau hope e lawelawe, aka, ua komo kino pu oia me lakou. Nolaila, e mahaloia ke kauwa hana pono me ka ewaewa ole.