Ka Nupepa Kuokoa, Volume XXIV, Number 3, 17 January 1885 — Ke Kapena o ka moku Bazard imua o ka Aha Hookolokolo. [ARTICLE]

Ke Kapena o ka moku Bazard imua o ka Aha Hookolokolo.

Iloko o na malama hope o ka maka-1 hiki i hala aku nei, ka w» i hoi mai ai ka moku huli paahana Kilibati Hasard mai na paemoku mai o ka hema me na wahi kauna paahana i lawe pū ia mal Ika wa i hiki mai ai keia moka ma Honolulu nei, ua hopu koke ia kona kapena no kona lawe ana mai i kekahi keiki Kilibati ma ke ano aihue. Ua hoomoeia mai ia manawa mai a hiki i keia Kau Kiure e nana ia ai kona po« no. Ma ka Poalua n*i, ua laweia mai oia imua o ka Aha Hookolokolo no ka ninaninau pono ana, a ma kana hoike, ua holo nr<ai kekahi waa ma kahi e holo aku ana ka moku, a ma o kekahi ulia ua hookui mai la ka waa me ka moku a hulihia īho la ka waa, aua lawe mai oia ina kanaka maluna oka waa a iiuna o ka moku no ka hoopakele ana ike ola. Ua hooikaika nui oia e hoolele ia lakou ma ka «ina, aole i holopono, a hiki wale ika manawa i huli hoi mai ai ka moku; pela na hoike ake kapena imua o ka Aha. Ma ka ninau pono ia ana i kekahi poe i ike pono i keia hana, ua hoike lakou, ua lawe īa mai keia ppe kanaka a hoopaaia ko \akou mau lima i ke kaula, oia na hana a ke kapena maluna o lakou.

Ua waiho la mai keia mau hoike imua o ka poe Kiure, a ma ko lakou noonoo pono ana, puka mai la ka lakou olelo hooholo e ahewa ana ika mea i hoopiiia. Ua kau mai ka Lunakanawai Kiekie i kana hoopai maluna o keia kapena no 200 da!a.