Ka Nupepa Kuokoa, Volume XXIV, Number 14, 4 April 1885 — (Kakauia no ke Kuokoa) [ARTICLE]

(Kakauia no ke Kuokoa)

I ka puie i hala aku nei, ua hoopuka aku makou ika manao o kekahi o na keiki kamaaina o ka aina oia o J. O Carter (Keo Kaaka.) He kanaka keia aoie i maiihini ia kakou, oiai oia ua hanaiia mai kona wa opiopio loa mai ma Hawaii nei, a hiki waie i kona kanaka makua ana a nunui na keiki. I ko makou hoomnopopo ana nona, me he la he Hawaii oiaio oia. Kona home, kona pono, a me kona ohana, no Hawaii nei a pau, a no ia mea, ua mahalo makou 1 ka īke ana i kona mau manao kanaka makua i hakuia i mea e hoomalamaiama ai i kona hoa kanaka. He nui no na keiki ilikea i hanau a i hanaiia

ma Hawaii nei, i naauao a 1 kupono i mau hoa kuka a mau hoa ohumu no kakou Hawaii, aka, ke kuemi hope nei ka hapanui o ia poe, a ua ano uiha i ka īke i na hana a me ka lohe i na olelo a na alakai nana e apuhi a e hoowalewale nei i ka lahui Hawaii, 1 kumu e hoomokuahana'i i ka noho'na maikai o ka poe e ake ana e mau ka holomua a me na pono like i na mea a pau i kulaiwi a puka-a-maka i Hawaii nei Ma lalo o keia mau kumu ua mahalo makou i na manao o Keo Kaaka, kekahi o na keiki i oleloia ae la, i kona wehewehe maikai ana mai i na mea ana i ike ai e pili ana 1 kekahi o na kumu hana nui e hoonaueue nei i ko kakou mau pono. He oiaio, ua hoike pinepine aku no makou i keia mau mea ma na kolamu o keia nupepa, aka, aole he mea hewa ka ikeia ana ofra «* o naiLja. kekahi kanaka, e Hke me ko Keo Kaaka ano, no ka mea, ua poola oia i keia mea he kalepa, a o ka manao i hoea mai mai kana maka peni he mea e hilinaua'i he oiaio. He keiki paakiki o Kaaka no ka pono ke inoakaka iaia ka pono, a o ke kanalua ana no ka pololei o kana mea e kamailio nei ua hala ia, ke hoike mai nei na ouli o ka manawa ua pololei oia. Me ka pololei ame na hoohalike oia i waiho mai ai 1 kana mau olelo, a aole no hoi i kanalua kona manao i ke kuhi ana i ke kumu o keia mau pohihihi e alai nei i ko kakou mau pono. Eia kakou a pau ke ike nei i ka pilikia, he poino e hoohaiki ana i na hana a pau nana e hoolawa mai iko kakou ola. Ke auwana nei ka hapa nui o na keiki o ka aina no ka nele ike kumu e [>ono ai. Ke hanu nei mao a maanei i kahi e pono ai ka ohana, e loaa ai kahi ai a me kahi i-a. Ke pii mai nei ke kumu kuai o na mea kuai, a ke haule mai nei kahi o ka loaa. Nolaila, e hoomaopopo kakou i keia mau wehewehe ana a e noonoo i ka :nea kupono e hana'i.