Ka Nupepa Kuokoa, Volume XXIV, Number 24, 13 June 1885 — E hoomanao hou. [ARTICLE]

E hoomanao hou.

I kumu paha e maopopo pono ai i na makamaka kakau o ke Kuokoa nei ka makou mau hoolaha pinepine mamua, ina e kakau mai ana i na manao kaiai, haiolelo, na mele, kanikau, a me na mea hou, e hoouna j>u mai me ko oukou inoa ponoi, aoie nae na inoa kapakapa. E laa me na nane, e hoouna pu mai me na haina. F. kakau a hoouna mai no hoi ma na mea i ikemakaia a oiaio, aole 0 ka iawe waie mai i mea hakuepa a lohe pepeiao i mea hoolaha. He iehulehu o ia mau ano manao i hoea mai ia makou, a ua pau ia maakou i ke puhiia Ike ahi. Aole wale no hoi oia, aka o ka hoouna ia mai o na leta mea hou i kakau hapaiaia a kikokiko wale ia me he helu ana a ka moa, a hiki ole ke hoomaopopo i na manao. Aoie no e hewa ina he huikau ka hookaawaieana i na hopunaoielo, ua hiki no ke hoopo lei ia e makou, koe nae na mea i hoike ia ae la maluna. A i maopopo ina mea a pau ke kumu o ka hoopuka oie ia ana o ko iakou mau manao, e nana i keia ruia. Aole wale i keia ka maka* mua, aka, ua pinepine loa. E paa mau keia ma ka pepa no ekolu pule. E hoolone i ole e poho ka iuhi.