Ka Nupepa Kuokoa, Volume XXIV, Number 36, 5 September 1885 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXIV, HELU 36.  HONOLULU, POANO, SEPATEMABA 5, 1885.  NA HELU A PAU, 2040

 

NA HOOLAHA KUMAU.

W@  @@@OLA

LOIO A HE KOKUA MA KE KANAWAI. NO LUNA HOOLAU PALAPALA.  tf.

 

A @@@@ AKONE)

LOIO A HA KOKUA MA KE KANAWAI.  Horatio Palapala. 

KA@@liana:  Ma Ke Keena Loio Kuhina.  tf.

 

S@ @OLE

LOIO, LOIO, LOIO.  Me Luna Hoolalo Palapala.  KEENA HANA:  Ma Aianui Kaahumano.

 

DILLINGHAM & CO.

MAU MOA KUAI LAKO HOO.  Alanui Papu, Honolulu.

 

FRANK PAHIA.

ANA AINA!  ANA AINA!!  Keena Hana:  Aia ma alanui Moi, Koko@.  @ @ ka Uwapo o Hooliliamanu. tf.

 

C BREWER & CO.  (BURUA MA.)

Ua makemake la ka poe mea ILI KAO @@@@@ a me na ILI BIBI, a pela hoi @ @ ILI MIKO o na ano a pau, e kuai mai i ke @@@ @@ @ ILI me makou, a e haawi no ma@@@ KUMUKUAI KIEKIE LOA  ok ko @@@ Makeke.  tf.

 

G L PITCH, (KAUKA PIKA.)

(a wehe he noi nu he Keena Lapaau ma Alanui @@@@ahen, Honolulu, Helu 70, a e @@@@@@@@ ma ke Keena ma ka hora 9 a ka @@19 o ke kakahiaka @ kela a me keia la, hora @30 a i ka hora 7.30 ahiahi.  2007-tf.

 

J P HANAAUMOE.

He lole a he kokua mu ke kanawai ma na i ha hoomalu a a Apana o keia Aupuni.  E@@@ no au ma Puna, Hawaii.

 

J@@ M. KEALOHA.

LOIO Hoolalo Palapala Kapu Pau/@@@@ no ka apana o Kawaihau, Kauai.  @@ A@@no no ka Hooluia ana na Palapala.  no ke apana o Kawaihau, Kauai.  @@ K@@niaino Palena Aina no ka apana i Kawaihau, Kauai, a he Luna Hooke Maro no ka l’na Aina holookoa.

 

CHAS. H PULAA.

IA LOIO A HA KOKUA MA KE KANAWAI.  A e ioaa no au ma Honomakau, Kona’a Akau, Hawaii.  2001-tt.

 

JOHN MAHIAI KANEAKUA

LOIO A HE KOKUA MA KE KANAWAI MA NA AHA HOOKOLOKOLO A PAU O KEIA AUPUNI.  Keena Hana mea Hon. K. preston Aeio Peakana; ma Alanui Kaahumanu, Honolulu.

 

CECIL BROWN.

LOIO A HE KOKUA MA KE KANAWAI.  A ke @@@@ Hooiaia Palapala no ka Mokupuni o Oahu.  Keena Hana:  Helu 8 alanui Kaahumanu. tf.

 

RICHARD F. BICKERTON (PEKEKONA.)

LOIO A HE KOKUA MA KE KANAWAI.  KEENA HANA:  HELU 27 alanui Kalepa.  tf.

 

W A.KINI.

LOIO, LOIO, LOIO.  KEENA HANA:  Helu 15 Alanui Kaahumanu, Honolulu.  tf.

 

W. C. AKANA (KALAUKI.) 

@  w@@@@ o Pauhi-olelo ma ka olelo Pake me @ olelo @@@  Ua mutoukila no kai @@@ an Palapala Kwai @ Hoolimalima @ @@@ aku mo@@@ o na Pake a ino @@@@@@.  A’lona mo na make Keeno ???  A@@@ Hoi. ma kaho @ kokeke @@@ ka uapo o Hooiliamanu.  2010-tj.

 

WILDER & CO.  (WAILA MA.)

Kou kwai papa a me na lako kulaulu hale no o na a pau, a me na mo no pono a pau no ka hala.  Kihi Alanui Moiwahine me Papa.  tf.

 

WILLIAM AULD,

I@@ Hoolaio Palapala Kepa Kaaha no ke Apana o Kona.  Keena Hana:  Ma ke Keona Wai o Ho@@@.  tf.

 

S H. MEEKAPU.

Tela humuhumu iole.  Hale Hana:  Helu 11 Alanui Nuuanu.

 

M THOMPSON, (KAMIKANA)

HE LOIO A KUKUA MA KE KANAWAI.  Keena hana maluna o ka Hale Pohaku o Kamapela, (Campbell’s Block,)  Lumi helu 8 @ 9.  Puka komo e huli pono la i ke Alanui Kalepa, Honolulu. 

 

HE MOOLELO NO KA NAITA

ALA-HUNA

KA WELI, A O KA POWA HOI, O KA ULULAAU ELELE

He Nanea i piha me na Hoopo ana a ke Aloha a o na mea Kupaianaha a Hoopa@ auhau hoi i hanaia, a me na hana Weliweli i ike a ma ia au Hooia’a Makakila.

Auwe oe e ka mea i haulehia,

I loko o na pilapu eha o ka maka-kila!

A e kahe mai a a hoi kou koko-

Aole e @mo a pau kou @@i ana!

Aka Ua lohe ia kou leo e

Na ane a puuwai aloha!

“He kokoke loa io no ka hale o Maka Obana,”  i pane aku ai ka kakou kauka wahine puuwai waipahe o ke Kakela Denakadofa, me ka nana ole ana mai hoi i na helehelena o kona hoalo ha Elina, kone hoa kukai o ka wa pilikia, a hoopuka hou aku la ia, “a ina oe e malama pono ana me ke kalele ana hoi maluna o maua me ka manao ma kai no kou pono ino, alaila e hiki ana no kakou i ka hale me ka maikai.”

 

I keia wa a Elika i kamailio aku ai, ua haka pono mai la kona mau maka iaia, a komo aku la na iini koni a ka makemake e hookolo loa aku ana hoi i kona puuwai, kahi hoi ana i ake nui ai e hookina aku i ke aka imua ona.  Aka he nanaina no kekahi e hoike mai ana maluna o ua kanaka nei; he ouli o ka mano paa, me ka hoomaikai ana, a me kealoha.  No kekahi mau minute pokole keia nana ana a ua kanaka nei i ka ui o ke kakela, a haawi aku la i kona ae, ma ke kunou ana aku o kona poo.

 

Hapai malie ae la ua mau kaikamahine nei i ke kino o ke kanaka o ka mauna a ku ana iluna ma na wawae, me ka maikai, a o ko lakou hoomaka aku la no ia i ka heie ana.

 

Aole i manao loa kahi o ko lakou hele ana aku, ua pane ae la o Elika me ka leo ano henehene; “ea, e oluolu no au ke hoolei mai oe i kou kaumaha a pau maluna o’u wale no, aole naha oe i manao ua oi ko maua ikaika mamua o kau i manao ai.

 

A no kekahi wa pokole, ua hoomama ae la ua kanaka nei, aka aole i liuliu ua pane hou ae la no o Elika, i lona ike hou ana iho i kona hookalele hou ana, aka, mahope iho o keia pane hou ana a Elika, ua pau ae la keia mau hana ana a o ko lakou hele aku la no ia me ka maikai.  A hiki aku la lakou i ka hale o Maka Obana, a lawe aku la laua i ua kanaka nei a waiho aku la iaia maluna o kekahi moe maikai maloko o kekahi o na lumi o ka hale o ke kanaka uhai holoholona hihiu.  Aole i liuliu iho mahope o ko laua waiho ana aku iaia maluna o kahi moe, me ka hooponopono ana aku i na mea a pau @ moe oluolu ai ia, a o kona waiho koke aku la no ia i ka hoonipo ana me Niolopua.  A haalele iho la laua iaia e hiolani ana, a puka aku la laua iwaho me ka waiho hoohamama iki ana i ka puka o ka lumi, i hiki ai laua ke ike aku i ka wa a ka laua mai e makemake ai no kekahi mea.

 

“E Elina aloha!”  wahi a Elika i pane aku ai i kona hoaloha, i ka wa i hiki aku ai i ka lumi nui mamua pono o ke alo o ka hale – i kaawale loa mai hoi mai kahi o ke kanaka e waiho ana, ma ke kua o ua hale nei, - “heaha hoi keia ou?  Heaha hoi kou mea e ano e mai nei?  He ano makau anei kou no kela kanaka poino?”

 

Ua nana pono mai la ke kaikamine a ke kanaka uhai holoholona ia Elika i keia wa me na helehelena pahaohao me ka ano makau pu, a aole ia i pane iki aku.

 

“No ke aha hoi?”  wahi hou a Elika, “he kanaka o na nanaina maikai keia a’u i ike ai.  ua hoomaopopo anei oe i kona mau maka?  He mau helehelena o ke kanaka hoopono.  Ua hoonaluaia oia e kekahi poe powa o ka ululaau, a pepehiia oia, a haoia kona mau pono a pau mai iaia aku.”

 

“E Elika! E Elika!”  wahi a Elina i pane aku ai me ka hookiekie ana ae i kona leo.

 

“Pehea la e hiki ai!”  Heaha la ke ano o kau mea e kamailio mai nei?  pela hoi ka hooilina o ke Kakela Denakadofa i pane aku ai me ke ano hoonaukiuki Ina paha he poe e ae kekahi maanei nei i keia wa, alaila, he hiki no ia lakou ke koho mai ma ke ano o kau kamailio ana, o ke kanaka a kaua i hoopakele ai, a e malama nei, o ke alii ia o na powa o ka Ululaau Eleele nei.” 

 

“A aole io no anei keia o ke alii powa a kaua i lawe mai nei?”  ia Elina i hawanawana aku ai ia Elike. 

 

I keia wa, hopu aku la o Elika i @li na o kana aikane me ka haka pono ana i kona mau maka.  E hoike mai ana kona mau helehelena, ua manao aku la ia i ka oiaio o na olelo a kona hoa kukai olelo o na wa a pau o ko laua mau la opio.  No kekahi mau minute ko Elika paa ana i ko Elina lima me ko laua kamailio ole ana aku kahi i kekahi; a mahope iho, nee aku la o Elika i hope a noho iho la ia maluna o kekahi noho a pane aku ia; 

 

“E Elina, ehai mai oe!  E hai mai oie i ke ano o kau mea e kamailio mai nei.  Ke manao nei anei oe o keia kanaka oia o-“

 

“Tolibana!”

 

“Auwe!” pela o Elika i hooho ae ai, oiai oia e haalulu ana mai luna a lalo.

 

A noho mumule hou iho la laua no kekahi manawa, me ko laua noonoo ana i na mea a pau a laua e haupu wale nei.  Ua komo loa mai la no hoi iloko o Elika na hooiaio ana no na mea a kona hoaloha i hai mai ai.  O ka inoa o ke kanaka a laua e manao nei, a laua hoi e malama nei, a i hoopakeleia ai e laua mai ka make mai, oia no ke alii o na powa o ka Ululaau Eleele.  He weli hoi ia imua o na keiki liilii i ko lakou wa e lohe ai i knoa inoa; e haalulu hoi no kanaka kino ikaika i ko lakou wa e lohe mahui ai nona, oiai lakou ma kekahi mau wahi mehameha iloko o na ululaau.  Aole no hoi o Elika i manao iki i kinohi, aka, i keia wa ua ike maopopo loa iho la ia, oia no keia kanaka.  I keia wa hoi oia i hoomanao ae ai no na mea a pau e pili ana no ua kanaka nei i ko lakou wa ma ka ululaaau-ke ano o kona mau maka i kona wa e nana mai ai iaia.  Akahi no hoi ua ui nei o ke Kakela Denakadofa a hoomaopopo iho ai no kekahi manawa a ua kanaka nei i haka pololei mai ai iaia, me he la he makemake nui ka i iloko ona, e lawe aku iaia ma kona poli me na hoomaikai ana, a me ke kahuli ano e ana ae o kona helehelena, a haule mauleule loa akua ai ia.  Ua ike ia ia wa, he hiki ole iaia ke lawe mai i ka nani o ke kakela ma kona lima.  Aka, ua lawa paha ia no ka hoike ana mai, he hiki ke hilihai aku maluna ona me ka makau ole.  Ina paha o ke kulana o keia kanaka, a he kulana o kahi poe okoa ae, me ka loaa ana hoi ma kekahi wahi e aku, aole hoi ma keia wahi kupono ole ina la paha ua loaa ole he wahi mea e makaukau ole ia ai e keia mau puuwai aloha.

 

Mahope hoi o ko laua noho ana me ke ekemu ole no kekahi manawa, ua pane aku la o Elina, “aole anei no hoi ou ike?- E noonoo oe i ke ano o ka loaa ana o keia kanaka ia kaua, - e waiho ana oia iloko o ka ehaeha nui, me kana pahi hoi ua hai, a me kona loaa ana ia kaua ma keia aoao mehameha hoi, kahi ana i hele mau ole ai, ina ua hele io ia mamua akahi wale no paha.”

 

“Ua manao au ua kamaaina no keia wahi iaia.  Aole anei ou hoomanao i kana oleleo i kamailio mai ai, ua ike no ia ua kokoke i ka hale nei?”  wahi a Elika i pane aku ai.

 

“Pela io no paha, ua kaalo mua io no paha ia ma keia wahi, aka, aole au i ike iki iaia i ka hale nei, “ wahi a Elina me ka nana pono  aku i hona kokoolua e hoolohe pono mai ana iaia.

 

“A heaha la hoi kona mea i hele hookahi ai, oiai he nui na poe malalo ona, a e hiki mai no lakou imua ona i kona wa e makemake ai?”  wahi a Elika i ninau hou aku ei.

 

Noonoo iki iho la o Elina no kekahi wa a pane aku la; “malia paha, ua uhai ia oia a me kona poe, e na koi o ke duke.  No ka mea, ua lohe au ia papa e kamailio ana i keia ma la aku nei, e hoounaia ana kekahi poe koa kavalia ma na meheu o Tolibana a me kona poe.  A me he mea la paha, ua hui lakou a hooiliia kekahi hakaka weliweli a ua hoopuehu liilii ia na powa, a nolaila ua kauliilii lakou a imi mai nei ke alii powa i kona ola a loaa aku nei ia kaua.  O! He oi aku ko’u lealea, ina aole ia i loaa aku nei ia kaua.”

 

“E Elina aloha, pehea la oe i manao ai me ia.  Ina no he powa io no hoi ia, a i ole he kanaka paha o ke kulana okoa ae, he kanaka no ia i hana ia e ka Makua hookahi nana kakou a pau i hana mai, a ua loaa aku nei hoi ia kaua e waiho ana iloko o ka pilikia.  A ma ko’u manao no ko’u aoao, ua maikai loa keia mau hana ana, a heoi aku ko’u hauoli i keia wa no ka pakele ana o kona ola.  O wai hoi ka mea @  iho i ka hopena o keia mau mea.  A pehea hoi kaua e manao ai e hookuu aku iaia e make, oiai oia i kona mau la ui?  Ua manao au he pono no ia keola no kekahi mau makahiki hou aku.”

 

KA MOOLELO KAAO NANI!

TONERIKA! KA ANELA O MEKIKO.

Ka mea i oleloia, ka Hokuwelowelo o na mauna Anede, a o ka mua loa hoi o ka mea nana i haaheo ka lei @ me ke kalaunu o ke keiki alii Beriala.

Hoopukaia e ka Haku Moolelo kaulana Mose Manu no ke Kuokoa.

I ka holopono ana o keia mau olelo a ke alii, ua hiki koke aku la ke kauwa imua o ka laua mau keiki a pau a no ka manawa pokole, ua hooko like mai la lakou a pau imua o ko lakou mau makua alii; aole no hoi i liuliu iho ua hoopuka koke aku la ka Moi i ka olelo imua o Beriala a me kona mau hanau muli me ka leo hoohauli o na helehelena.  “ E ka maua keiki a hooilina hoi o ko maua kalaunu Moi, ua kuka iho nei au me ko oukou makuhine alii me ka holopono, a ke hoike aku nei au imua ou.  Akahi e lilo kekahi o ka oukou mau kaikuahine i wahine na ka mea a’u i lawe mai nei.  Elua e ma heleia ka hapalua o ka waiwai o ke aupuni.  Ekolu e lilo oia i hooilina pu ike oukou no ke kalaunu a me ka lei alii.  A o keia mau mea ekolu ka’u e hoike aku nei imua ou e Beriala, a nau e hinau aku i kana mea e makemake ai e lawe nona iho; a e hoike aku oe imua ona ano me ka hakalia ole, a i lohe ia aku kana mau huaolelo.”

 

I ka hookuu malie ana aku o keia mau olelo a ka Moi imua o ka laua mau keiki a pau, ua hoopuka koke aku no ke keiki alii Beriala imua o Tonelele, a i kona lohe ana i keia mau olelo a ka Moi mai laua keiki aku, ua hoopuka koke mai la oia i kana mau olelo me ke ano pihoihoi ole no keia mau mea ekolu i ha’i ia aku ai imua ona.  “E ke’lii e-, aole au i pihoihoi e ae koke aku i na mea ekolu i mano ia e haawi ia mai ana ia mau mea ia’i;  nolaila e oluolu oe e ke’lii ka Moi, a me ke aliiwahine, a me ka olua mau keiki alii, e hoikeike aku au i ko’u ano a me ke kulana i like pu aku ai me kou ano e k’lii, aole no hoi au no loko mai o ke koko o ko’u lahui ponoi mai, e like me kou kulana Moi.  Aka, he keiki au na ko’u mau makua haahaa loa, no ka mahele ekolu o na lahui Ilikini, oia hoi ka lahui e aneane mai ana e kokoke i na palena o kou aupuni e ke alii, a he mea hilahila hoi no’u e lawe mai i kahi haawina o keia mau mea ekolu; nolaila, e noonoo hou oe e ke’lii, a e noho aku au e lawelawe i na mea apau au e ke’lii a me ke keiki alii Beriala e olelo mai ai a hiki i ka manawa a’u i manao ai e hoi aku e ike i ko’u mau makua, a me ko’u hanau mua, a me ka poe nana maua i malama, a oia ka wa a’u e ha’i aku ai i ka makemake ou e ke’lii imua o lakou, a ina e ae mai ko’u hanau mua i keia mau mea ekolu; alaila, ua holopono, oiai oia ka’u mea oi loa’ku o ke aloha.”

 

I ka lohe ana o ka Moi i na olelo a Tonelele, he mea e ka hulili o kona mau maka me na helehelena ano e i puana mai ai i kana huaolelo.  “E ae mua mai oe i kekahi o keia mau mea ekolu e pili aku ia me oe, oiai oe imua o’u a me ko’u ohana mamua o kou noho ana me makou, a e hooko no au a me ke aliiwahine i ka makemake a ka maua keiki alii.”  A no ka palua a pakolu o ka ke’lii olelo ana imua o Tonelele; nolaila, ua ae mai la oia i ka muli loa o na kaikamahine eha e lilo oia i kane nana me ke ano e kali ia a ka manawa kupono e hoohui ia ai laua.  Aka, o kona manaoio maoli no paha ia, a no kona kau nui no paha e hiki mua kona kaikuahine i ka panepoo o ke kalaunu o ke aupuni o Mekiko, ma o ke keiki alii Beriala, a lilo mua iaia ka haaheo ana o ka lei alii a me ka hanohano a na mea a pau oia aupuni, me ka lanakila ke kaikamahine Ilikini o ka mahele ekolu oia lahui o na ululaau.

 

Ua haule hope hou no kakou me ka nanea o ka naita opio Kahanuopaineki a ua poomuku pu me ka nanea nani o Tonerika, ka anela lele o Mekiko.  Ua loaa paha na akeakea ana i ka laua mau makakila ke kumu ulelehi lea.

 

KE KAMAEU

IAKA KOLOHE

KA MEA NANA I HOOPUEHU LIILII KE AUPUNI PUAHIOHIO

(Unuhiia mai ka Buke o ka Manawa. @

I ke au o Sana Pauka I e noho ana maluna o ka hanohano o ka noho mana ana maluna o ke aupuni Puahiohio.  he 2,000 makahiki mamua loa aku o ka hanauia ana o na paemoku Hawaii, a he eepa ka nui o na kanaka o luna o ua aupuni nei, me na aho holoholona kino hoopahaohao i ike ole ia i keia wa.  A aia ma kekahi aoao o ua aupuni nei, e noho ana kekaai mau makua elekule ilihune loa, me ka laua wahi kamaeu e noho ana me laua, a ua kapa aku laua i kona inoa o Iaka Kolohe, mamuli o kana mau hana kolohe ino i na wa a pau, a o ka puni ia a keia wahi eu.  A no ke kena o na wahi makua iaia ua kipaku aku la laua iaia e hele loa mai ka hale aku no ka wa pau ole me ka manao hou ole aku hoi he mau makua laua, a e hele ia e imi i kona wahi e noho ai, oiai ua kokoke laua e make i kana mau hana.  Aloha ino o Iaka Kolohe! Kipakuia!

 

I ka wa i kipakuia ai o Iaka Kolohe, aole ia i lilo he mea e hopohopo ai nona, aka ua lilo ia he mea lealea iaia, a lelele ae la ia mao a maanei, a kii aku la ia i kona mau wahi pono a paa ae la ma kona lima, a lele aku la ia e haawi i na muki hope loa ana ma na papalina o kona mau makua, a haalele iho la ia i kona home oiwi no ka wa pau ole, a hele aku la ia no kahi e loaa ai kona noho ana.  E hele ana oia i ke ao a me ka po, e aloalo ana ma na ululaau, e pii ana iluna o na puu, a e au ana hoi iloko o na kahawai, a o ka hua o na laau kana ai.  He hookahi mahina o keia hele auwana ana o Iaka Kolohe a hoea aku la ia ma ka hale o kekahi luahine.  A i ka wa i ike mai ai ka luahine nona keia hale iaia nei, ua ninau koke mai la ia i ko Iaka makemake o ka hiki ana malaila, a ua hai pokole aku la keia i kona moolelo me ka hoohaule ana ma kau wahi, me ka hai ana aku i kona inoa o Aka Hoolohe.

 

A ninau aku la keia i ua luahine nei ina he makemake kona iaia e noho me ia a e hana ia me ka hoolohe pono loa i kana mau kauoha a pau.  Ua aka he ne iki iho la ka luahine a hai aku la ia Iaka Kolohe e hoomakaukau no ka noho ana me ia.  A lawe aku la ua luahine nei e hooikeike i kana kauwa i na mea e hana ai, me ka haawi ana i wahi e moe ai no Iaka.  A ua noho o Aka Hoolohe me kona haku me ka hoolohe pono loa i na kauoha a pau, a i like hoi me ka loli ana o kona inoa.

 

 

A hala ae la ka makahiki o ko laua noho maikai ana, me ka makemake loa o ua luahine nei ia Aka no kona hoolohe pono loa iaia, a me kona eleu, ua ulu ae la ka manao iloko o ua luahine nei e haawi aku i makana i uku no ko Aka Hoolohe noho hana ana me ia.  A ma kekahi la ua ninau aku la oia ia Aka Hoolohe, i aha la kana o uku aku ai iaia.  A ua hai aku la ua wahi kameu nei aia no i kana mea o haawi mai ai.  Noonoo iho la ka luahine i kana mea e haawi aku ai.

 

A me kekahi mau la mai, ua kahea aku la ia ia Aka e hele mai imua ona.  A i kona hiki ana aku imua ona, ua haawi aku la ua luahine nei i ka uku he wahi pu, me ka hai pu ana aku ia Aka i ke ano o ua wahi pu nei; e kino i kana me e makemake ai e ku, a aohe kau e hala ai.  Lawe aku la o Aka i kana makana me ka olioli, a hele koke aku la ia e hoao i ke ki ana i kana mea e makemake ai, ina he oiaio ka ka luahine i hai mai ai, a i kona ki io ana aku i kekahi wahi manu, he oiaio ua ku aku ia a make loa, a i kona hookau wale hou ana aku no i kekahi mea o ka maalo ana ae mamua ona, ua ku aku la no a haule ana ilalo he nalo.  Ua lilo loa keia wahi pu i mea punahele loa ia Aka Hoolohe, a mahope iho ua oi loa aku kona eleu ma na ha na a pau a kona haku e haawi aku ai iaia e hana.

 

A noho hoo no laua me ka oluolu a hala hou ka makahiki, o ka lua hoi keia o ka makahiki o ko Aka Hoolohe noho ana me ka luahine.  Ma kekahi la ua ninau hou aku la no ua luahine nei ia Aka, i aha la kana e uku hou aku ai iaia, a ua hai hou aku no o Aka elike no me mamua, aia no i ka mea loaa mai.  I kekahi mau la mai ua kahea aku la ka Inahino ia Aka a ku ana imua ona:  a haawi hou aku la i ka lua o kana makana i uku no ka lua o makahiki o ko Aka Kolohe noho hana ana, oia hoi he wahi pila kuolo; hai aku ia ka luahine ike ano o ua wahi pila nei, he hiki ke hookani ia e na poe a pau i ike mua ole ia mea he pila a e kani ae ia me ka leo honehone loaa o na mea a pau e lohe mai ana i kona kani ana, e lelele wale mai no lakou elike me ka loihi o ka wa e hookaniia ai ua wahi pila kuolo nei.

 

O ko Aka Hoolohe lawe aku la no ia i ua wahi makana kupaianaha nei, a hele aku la e hoao i kona kani honehone ana.  Hele aku la ia a hiki ma kahi o na moa e hele ana, a kuolo ae la i ua wahi pila nai, a he oiaio ua lelele mai la lakou, a ua nui loa la kona lealea no kana mau makana kamahao, a kapa iho la ia i ka inoa o kana pila o Su Flai, a o kana wahi pu hoi o Bulukouka, a oi loa aku la kona hoolohe ana i kona haku luahine kupua.

 

Noho hou aku la laua no ka wa loihi me ka maikai, a ma kekahi la ua hele aku la o Aka Hoolohe me kana wahi pu o Bulukouka, i ke ki lealea ana i na manu maloko o na ululaau, a ma na kula wai, a hiki i kona hoea loa ana aku i ka hale o ke kiaaina, kahi hoi i paapu nui loa ia e na manu.  Alaalawa ae la o Aka mao a maanei. ina paha he mea kekahi e keakea mai i kona ki lealea ana i na manu, a ua ike aku la ia i kekahi hoolaha e papa ana i ke ki wale ana i na manu e lele ana maloko o ka pa o ua kiaaina nei, i kuniia ma kekahi kumulaau.  A ua haule iho la ko Aka Hoolohe manao lealea, a hoomaka aku la ia e huli hoi, aka, ike aku la ia i kekahi wahi manu e lele mai ana a kokoke aku ana e komo iloko o ka pa.  I keia wa oia i kau aku ai i kana pu ia Bulukouka a ku aku la, a no ka ikaika loa o ka lele ana o ka manu ua haule aku la maloko o ka pa, iwaena hoi o kekahi opu laau ku-ku, a ike koke mai la na kiai, a o ko Aka haia ia mai la no ia, oiai oia e holo ana me ka mama nui i loaa iaia, a hiki i kona hoea loa ana i ka hale.  Ia Iaka Kolohe no a hiki i ka hale, ku ana no na uhai a hopu ia iho la ua wahi eueu nei.

 

I ka wa i lawe ia aku ai o Iaka, aole ia i poina i ka lawe pu ana ia Su Flai kana pila kuolo.  A hiki aku la lakou imua o ke kiaaina, a hai mai la ia i ko Iaka hewa no ki ana i ka manu ma kona pa, a o ka makamua loa keia o ka hana hewa i ike ia ma ke aupuni o Puahiohio, nolaila ua hoouna koke ia aku la ka lohe ia Sana Pauka, a ua kuahaua ia aku la na kauaka a pau o ke aupuni Puahiohio aohe me koe, e akoakoa ae ma ke halealii, no ka nana ana i ke kolohe mua loa i hana ia.  I keia wa i kii aku ai ke kiaaina i ka manu iloko o ka laau ku-ku aka mamua o ka loaa ana aku o ka manu iaia, ua kuolo ae la o Iaka Kolohe i kana pila, o ka lelele ae la no ia o na poe a pau, a me ke kiaaina hoi e lelele ana iloko o ke opu laau ku-ku, a ua nahaehae ae la kona lole me ka paholehole pu o kona maka, e ole e hina kekahi kiai iluna o Iaka, a pau ke kani ana o ua wahi pila kuolo nei, o ka pau ae la no ia o ko lakou lelele ana, a lawe ia aku la o Su Flai mai ia Iaka Kolohe aku.

 

Mahope iho o ka puka ana mai o ke kiaaina mai ke opu ku-ku mai me ka piha i ka inaina, ua hoomaka koke aku la lakou e lawe i ka lakou pio i ka halealii no ka noonoo ana i kona hoopai.  A hiki aku la lakou nei i ka halealii, a ku ana o Iaka imua o Sana Pauka, me na kanaka a pau o ke aupuni Puahio hio e makaikai ana ia Iaka Kolohe ke kamaeu.  A mahope iho o ka hoolohe ana o Sana Pauka no ko Iaka hewa, ua hoopai ia aku la ia e make a hanaiia kona io i na manu.  A uwa ae la ka piha, aka aole i hopo iho o Iaka Kolohe. 

 

I ka wa i lohe ai ua wahi kolohe nei i kona hoopai, ua uoi aku la ia ia Sana Pauka i kana pila kuolo no ka hookani ana no ka wa hope loa a make aku ia, a ua ae mai la o Sana Pauka, a haawiia mai la ka pila.  I keia wa i ike mai ai ke kiaaina a anehe mai la ia e lele mai a kaili aku i ka pila, aka, ua kuolo ae la o Iaka Kolohe me ka wikiwiki, a o ka lelelel ae la no ia o na poe a pau, a e hookuikui ana kekahi i kekahi, a ua kuupau loa iho la Iaka kolohe i ke kani o Su Flai, ia wa i hooleilei ia ai na mea a pau i o a ia nei a hiki ole ke hoomaopopoia kekahi mea, a ia wa oia i hopu aku ai i kana pu ia Bulakouka, a puana ae la ia me ka leo nui; “Kou ikaika, a me kou mana e BULAKOUKA  no ka la hope loa o LAKA KOLOHE ma ke aupuni Puahiohio.  a ia manawa no oia i ki ae ai a kani ae la ua pu nei me ka leo nui, elike me na hekili he umikumamalua, a puehu liilii ae la ke aupuni Puahiohio me na poe a pau maluna, a helelei aku ia kona mau apana mao a maanei a puni ka honua, a o ka hopena ia o ke aupuni Puahiohio a me na mea a pau maluna, a mai ia manawa mai i ike ia ai ka puahiohio ma na wahi a pau, aole hoi mamua aku.  Nolaila ua nalowale loa o laka Kolohe, me kana pila o Su Flai, a me Bulukouka kana pu kupua a hiki i keia la, a o ka hopena no ia o kona moolelo.  Pi pi holo kaao.

 

HANA ALAMARI VEPONA,

KA PUUWAI O HOLANI.

A o ka mea nana i hoomalule ka puuwai o Rosehila la opua Da’ia o @ aupuni o Denemaka, ma o ka ika ana i kona mau lima @@@ - @@@

He mau keneturia loihi i hala hope aku, a o ke au e nohoalii ana na hana powa pakaha wale ma ke aupuni o Hoolani, e noho ana kekahi kanaka o ka lalani koko alii kiekie o Europa a me kana wahine o ia kulana hookahi no ma ke kalaunu o ke aupuni o Hulani He mau la li’u wale ko laua luakaka pua ana iloko o ka nani, ka hanohano, a me ka ihiihi kapu o ko laua home alii, a mai ko laua mau puhaka i hoohanauia mai ai he kaikamahine nani.  Mai ka manawa ui ko laua noho pu ana a hiki wale i ka omaka ana ae o ko laua ohohina, akai no aloaa ia laua he opuu rose nani.  Ua malama pono ia keia kaikamahine e kona mau kahu hanai ma kapa o kekahi muliwai, a e pii ae ana kona nui, ka nani, a me ka waipahe pu, a ma ia ano ua kapa aku la kona mau makua iaia o Hana, mamuli o ka inoa o ka makuahine a o Alamari Vepona hoi ka inoa o kona makuakane.

 

I ka piha ana iaia o na makahiki he 17, ua hoike mai la kona mau hiona i ka nohea, kona oiwi kino hoi e oni ae ana me ke kilakila, a o na ouli pahaohao i ike mau ia maluna ona i kela me keia makahiki, oia ka pii mau ana ae o kona ui noherohea i pakela ae mai kekahi makahiki a i kekahi He mea maa hoi i kona mau kahu hanai ka lawe ana iaia i ka holo kaa no hookahi la o ka hepedoma, a ua maalo mau aku hoi ia imua o na makaainana o ke aupuni me na helehelena o ka nani kilakila, nolaila ua makahehi ka lahui iaia a ua lilo i pulakaumaka na lakou, a ia manawa i kapa aku ai ka lahui iaia, “Ka Puuwai o Holani.”  Nolaila, o ka hooholo loa ana i kona inoa, oia no ia e kau ae la ma ke poo o keia wahi nanea.  (Maanei e hookuu iki aku kakou iaia e hanu ana i na ea laua’e o kona home kahawai, a e kamailio iki kakou no na powa penei)

 

Aia ma na palena aina o Holani me Belegiuma, ua hookahuaia kekahi hui powa malu e kekahi alii hanau o ka aina i pue ikaika e lilo iaia ka hanohano o ka noho alii o Holani e noho ia la e ke’lii Alamari.  He mau makahiki loihi i hala mahope iho o ka hanau ana o Hana, ua komo na mano iloko ona e kaili ae i ka lei aiii o ke aupuni nona manua o ka lilo ana aku i keia kaikamahine ponoi a ke alii Alamari, a oiai no hoi he keiki ponoi loa oia na la Moi Vona Biona ko Alamari kaikuaana ponoi i kau mua ma ka nohoalii, a i make aku hoi ma kekahi kaua hahana.  Ua hoao oia ma na ano a pau e lilo iaia ia kulana hanohano, aka nae aole i ko, oiai ua paulele aku ka manao o ka lahui maluna o Hana ka mea a lakou i kapa aku ai he puuwai no ke aupuni; a o ka hoao hope loa ana o ua keiki alii la e lilo iaia ka nohoalii, oia no kona hoao ana e hanai i keia kaikamahine i ka laau make, a aole i hooko ia e like me kona iini.  Ma o keia hana ana ona ua kipaku ia aku oia mai ke aloalii aku, a oia keia noho ana ona ma na palena aina o Holani me Belegiuma.

 

I ke au nae e nohoalii ana o Alamari, aia he lehulehu wale o na ahahui powa i hookahuaia maloko o ke aupuni e pakaha wale ana i na pomaikai o na makaainana ma o a o o ka aina, a no lakou no hoi ka weli i pahola aku ma i a wahi a pau o ke aupuni.  Nolaila, o ka hapai ana o keia alii i ahahui powa nona, ua hoao pu aku oia e hoolakalaka mai i na hui powa e ae e komo pu mai me ko ianei hui powa a hele aku e kaua kue i ka Moi Alamari, a iloko nae o ia hoao ana, ua ko io me ka hakalia ole.  (Aole i p@)